ਬ੍ਰਤਾਨਵੀ ਵਿਗਿਆਨੀਆਂ ਅਨੁਸਾਰ ਕਾਰੋਨਾ ਦਾ ਖ਼ਤਰਾ ਬਰਕਰਾਰ

ਸਰਕਾਰਾਂ ਨੂੰ ਸੁਚੇਤ ਰਹਿਣ ਦੀ ਚਿਤਾਵਨੀ ਦਿੱਤੀ

ਲੰਡਨ – ਸਿਹਤ ਮਹਿਕਮੇ ਨੇ ਕਿਹਾ ਹੈ ਕੋਰੋਨਾ ਵਾਇਰਸ ਦੇ ਓਮੀਕ੍ਰੋਨ ਦਾ ਅਗਲਾ ਰੂਪ ਬੀ.ਏ.2 ਮੂਲ ਨਾਲ ਬੀ.ਏ.1 ਦੀ ਤੁਲਨਾ ’ਚ ਤੇਜ਼ੀ ਨਾਲ ਫੈਲ ਰਿਹਾ ਹੈ ਪਰ ਅਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਟੀਕਾ ਇਸ ਦੇ ਵਿਰੁੱਧ ਬਚਾਅ ’ਚ ਕਾਰਗਰ ਹੈ। ਉਪ ਵੇਰੀਐਂਟ ਬੀ.ਏ.2 ਨੂੰ ਬਿ੍ਰਟੇਨ ’ਚ ਫਿਲਹਾਲ ਜਾਂਚ ਦੀ ਅਧੀਨ ਵੇਰੀਐਂਟ ਦੀ ਸ਼੍ਰੇਣੀ ’ਚ ਰੱਖਿਆ ਗਿਆ ਹੈ।

ਯੂ.ਕੇ ਦੇ ਸਿਹਤ ਮਹਿਕਮੇ ਨੇ ਕਿਹਾ ਕਿ ਬੀ.ਏ.2 ਦਾ ਵਾਧਾ ਦਰ ਇੰਗਲੈਂਡ ਦੇ ਉਨ੍ਹਾਂ ਸਾਰੇ ਖੇਤਰਾਂ ’ਚ ਬੀ.ਏ.1 ਦੀ ਤੁਲਨਾ ’ਚ ਵਧਿਆ ਹੈ ਜਿਥੇ ਇਸ ਦਾ ਮੁਲਾਂਕਣ ਕਰਨ ਲਈ ਭਰਪੂਰ ਮਾਮਲੇ ਹਨ। ਉਥੇ, 24 ਜਨਵਰੀ ਤੱਕ ਜੀਨੋਮ ਕ੍ਰਮ ’ਚ ਇੰਗਲੈਂਡ ’ਚ ਬੀ.ਏ.2 ਦੇ 1,072 ਨਵੇਂ ਮਾਮਲਿਆਂ ਦੀ ਪਛਾਣ ਕੀਤੀ ਗਈ ਹੈ। ਇਸ ਸਬੰਧ ’ਚ ਸਾਰੇ ਮੁਲਾਂਕਣ ਸ਼ੁਰੂਆਤੀ ਹਨ ਅਤੇ ਉਥੇ ਮਾਮਲਿਆਂ ਦੀ ਗਿਣਤੀ ਮੁਕਾਬਲਤਨ ਘੱਟ ਹੈ।

ਮਹਿਕਮੇ ਨੇ ਕਿਹਾ ਕਿ ਨਵੇਂ ਵੇਰੀਐਂਟ ਦੇ ਸ਼ੁਰੂਆਤੀ ਵਿਸ਼ਲੇਸ਼ਣ ’ਚ ਵਾਧਾ ਦਰ ਨੂੰ ਘੱਟ ਕਰਕੇ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਪਰ ਵਰਤਮਾਨ ’ਚ ਇਹ ਮੁਕਾਬਲਤਨ ਘੱਟ ਹੈ।

ਮਾਹਿਰਾਂ ਨੇ ਕਿਹਾ ਕਿ ਸੰਪਰਕ ’ਚ ਆਏ ਲੋਕਾਂ ਦੇ ਅੰਕੜਿਆਂ ਦੇ ਵਿਸ਼ਲੇਸ਼ਣ ਤੋਂ ਸੰਕੇਤ ਮਿਲਦਾ ਹੈ ਕਿ 27 ਦਸੰਬਰ 2021 ਤੋਂ 11 ਜਨਵਰੀ 2022 ਦਰਮਿਆਨ ਓਮੀਕ੍ਰੋਨ ਦੀ ਇਨਫੈਕਸ਼ਨ ਦਰ 10.3 ਫੀਸਦੀ ਦੀ ਤੁਲਨਾ ’ਚ ਬੀ.ਏ.2 ਦੀ ਇਨਫੈਕਸ਼ਨ ਦਰ 13.4 ਫੀਸਦੀ ਰਹਿਣ ਦੀ ਅਸੰਭਾਵਨਾ ਹੈ।