ਪੰਜਾਬ ਨੈਸ਼ਨਲ ਬੈਂਕ ਘੁਟਾਲੇ ਦੇ ਕਥਿੱਤ ਦੋਸ਼ੀ ਨੀਰਵ ਮੋਦੀ ਦਾ ਵਕੀਲ ਲੰਡਨ ਪੁਲਿਸ ਵਲੋਂ ਗਿ੍ਰਫ਼ਤਾਰ

ਜਾਅਲੀ ਪ੍ਰਮਿਟ ਹੇਠ ਵਕਾਲਤ ਕਰਨ ਦਾ ਦੋਸ਼

ਲੰਡਨ – ਪੰਜਾਬ ਨੈਸ਼ਨਲ ਬੈਂਕ ਘਪਲੇ ਵਿੱਚ ਨੀਰਵ ਮੋਦੀ ਅਤੇ ਮੇਹੁਲ ਚੌਕਸੀ ਦੇ ਵਕੀਲ ਰਹੇ ਕਿ੍ਰਮੀਨਲ ਵਕੀਲ ਵਿਜੇ ਅਗਰਵਾਲ ਨੂੰ ਲੰਡਨ ਦੇ ਮੇਫੇਅਰ ਇਲਾਕੇ ਵਿੱਚ ਬਰਤਾਨਵੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਭਾਰੀ ਨਕਦੀ ਸਣੇ ਗਿ੍ਰਫ਼ਤਾਰ ਕੀਤਾ ਹੈ।

ਵਿਜੇ ਅਗਰਵਾਲ ’ਤੇ ਯੂ.ਕੇ ਦੇ ਇਮੀਗ੍ਰੇਸ਼ਨ ਨਿਯਮਾਂ ਦੀ ਉਲੰਘਣਾ ਅਤੇ ਬਿਨਾਂ ਲੋੜੀਂਦੇ ਵਰਕ ਪਰਮਿਟ ਦੇ ਉੱਥੇ ਕੰਮ ਕਰਨ ਦਾ ਦੋਸ਼ ਹੈ। ਮੇਫੇਅਰ ਲੰਡਨ ਦੇ ਸਭ ਤੋਂ ਮਹਿੰਗੇ ਇਲਾਕਿਆਂ ਵਿਚੋਂ ਇਕ ਹੈ। ਮਈ ਵਿੱਚ ਮੇਫੇਅਰ ਦੇ ਮਕਾਨ ਮਾਲਕ ਨੇ ਉਸ ਦੇ ਖਿਲਾਫ਼ ਸ਼ਿਕਾਇਤ ਕੀਤੀ ਸੀ, ਜਿਸ ਦੀ ਜਾਂਚ ਤੋਂ ਬਾਅਦ ਉਸਨੂੰ 3 ਦਿਨ ਪਹਿਲਾਂ ਹਿਰਾਸਤ ਵਿੱਚ ਲਿਆ ਗਿਆ ਸੀ।