ਨੇਪਾਲ ਦੀ ਮਦੱਦ ਲਈ ਬਰਤਾਨੀਆ ਨੇ ਕੀਤੀ ਪਹਿਲ

5 ਮਿਲੀਅਨ ਪੌਂਡ ਦੀ ਮਦੱਦ ਕਰੇਗਾ

ਲੰਡਨ – ਨੇਪਾਲ ਵਿੱਚ ਆਏ ਭਿਆਨਕ ਹੜ੍ਹ ਨੇ ਭਾਰੀ ਜਾਨੀ ਮਾਲ ਨੁਕਸਾਨ ਕੀਤਾ ਹੈ। ਹੁਣ ਬਰਤਾਨੀਆ ਨੇ ਵੀ ਉੱਥੇ ਰਾਹਤ ਕਾਰਜਾਂ ਲਈ ਮਦੱਦ ਦਾ ਹੱਥ ਵਧਾਇਆ ਹੈ। ਬਰਤਾਨੀਆ ਸਰਕਾਰ ਨੇ ਨੇਪਾਲ ਲਈ 5 ਮਿਲੀਅਨ ਪੌਂਡ ਦੀ ਆਰਥਿਕ ਮਦੱਦ ਅਤੇ ਐਮਰਜੈਂਸੀ ਬਚਾਅ ਕਰਮਚਾਰੀ ਭੇਜਣ ਦੀ ਪੇਸ਼ਕਸ਼ ਕੀਤੀ ਹੈ।

ਇਸ ਕੁਦਰਤੀ ਆਫ਼ਤ ਵਿੱਚ ਨੇਪਾਲ ਵਿੱਚ ਸੈਂਕੜੇ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਅਤੇ ਇੱਕ ਹਜ਼ਾਰ ਤੋਂ ਵੱਧ ਲੋਕ ਲਾਪਤਾ ਹਨ, ਜਿਨ੍ਹਾਂ ਵਿੱਚ ਲਗਭਗ 33 ਬਿ੍ਰਟਿਸ਼ ਨਾਗਰਿਕ ਵੀ ਸ਼ਾਮਿਲ ਹਨ। ਬਿ੍ਰਟੇਨ ਦੇ ਪ੍ਰਧਾਨ ਮੰਤਰੀ ਐਂਡੀ ਬਰਨਹੈਮ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇਸ ਸਥਿਤੀ ਨੂੰ ਬੇਹੱਦ ਦੁਖਦਾਈ ਅਤੇ ਤਬਾਹਕੁੰਨ ਦੱਸਿਆ।

ਉਨ੍ਹਾਂ ਨੇ ਪ੍ਰਭਾਵਿਤ ਖੇਤਰ ਵਿੱਚ ਮੌਜੂਦ ਬਰਤਾਨਵੀ ਨਾਗਰਿਕਾਂ ਨੂੰ ਸਥਾਨਕ ਪ੍ਰਸ਼ਾਸਨ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ।
ਬਰਤਾਨੀਆ ਸਰਕਾਰ ਨੇ ਆਪਣੇ ਲਾਪਤਾ ਨਾਗਰਿਕਾਂ ਦੇ ਪਰਿਵਾਰਾਂ ਦੀ ਮਦੱਦ ਕਰਨ ਅਤੇ ਪ੍ਰਭਾਵਿਤ ਖੇਤਰਾਂ ਵਿੱਚ ਫਸੇ ਲੋਕਾਂ ਨੂੰ 24 ਘੰਟੇ ਸਹਾਇਤਾ ਦੇਣ ਲਈ ਵਿਸ਼ੇਸ਼ ਕੌਂਸਲਰ ਸਪੋਰਟ ਸਟਾਫ਼ ਵੀ ਤਾਇਨਾਤ ਕਰ ਦਿੱਤਾ ਹੈ।