ਦੁਨੀਆ ਭਰ ਵਿੱਚ ਮਸ਼ਹੂਰ ਸਾਲਾਨਾ ਲੰਡਨ ਮੈਰਾਥਨ ਵਿੱਚ ਹਜ਼ਾਰਾਂ ਦੌੜਾਕਾਂ ਨੇ ਹਿੱਸਾ ਲਿਆ

ਦਸਤਾਰਧਾਰੀ ਸਿੱਖ ਕੌਂਸਲਰ ਜਗਜੀਤ ਸਿੰਘ ਨੇ ਮੁੜ ਰੱਚਿਆ ਇਤਿਹਾਸ

ਲੰਡਨ – ਇੱਥੋਂ ਦੀ ਹਲਿੰਗਡਨ ਕੌਂਸਲ ਦੇ ਗੁਰਸਿੱਖ ਕੌਂਸਲਰ ਅਤੇ ਉੱਘੇ ਮੈਰਾਥਨ ਦੌੜਾਕ ਸਰਦਾਰ ਜਗਜੀਤ ਸਿੰਘ ਹਰਦੋਫਰੋਲਾ ਨੇ ਬੀਤੇ ਐਤਵਾਰ 26 ਅਪ੍ਰੈਲ 2026 ਨੂੰ ਦੁਨੀਆ ਭਰ ਦੀ ਮਸ਼ਹੂਰ ਲੰਡਨ ਮੈਰਾਥਨ ਦੌੜ ਵਿੱਚ ਹਿੱਸਾ ਲੈ ਕੇ ਨਵਾਂ ਇਤਿਹਾਸ ਰੱਚ ਦਿੱਤਾ ਹੈ।

ਕੌਂਸਲਰ ਜਗਜੀਤ ਸਿੰਘ ਹਰਦੋਫਰੋਲਾ ਨੇ 42 ਕਿਲੋਮੀਟਰ ਲੰਬੀ ਮੈਰਾਥਨ ਵਿੱਚ ਹਿੱਸਾ ਲਿਆ ਜੋ ਲੰਡਨ ਦੇ ਗਰੀਨਇਚ ਪਾਰਕ ਤੋਂ ਸ਼ੁਰੂ ਹੋ ਕੇ ਵੱਖ-ਵੱਖ ਅਹਿਮ ਸਥਾਨਾ ਤੋਂ ਲੰਘਦੀ ਹੋਈ ਲੰਡਨ ਦੇ ਗਰਭ ‘‘ਦ ਮਾਲ’’ ’ਤੇ ਜਾ ਕੇ ਖ਼ਤਮ ਹੋਈ। ਇਹ ਮੈਰਾਥਨ ਦੌੜ ਸਰਦਾਰ ਜਗਜੀਤ ਸਿੰਘ ਨੇ ਸਾਢੇ 5 ਘੰਟੇ ਵਿੱਚ ਸੰਪਨ ਕਰਕੇ ਨਵਾਂ ਇਤਿਹਾਸ ਸਿਰਜ ਦਿੱਤਾ ਹੈ।

ਕੌਂਸਲਰ ਸਰਦਾਰ ਜਗਜੀਤ ਸਿੰਘ ਹਰਦੋਫਰੋਲਾ ਨੇ ਇਹ ਮੈਰਾਥਨ ਦੌੜ ਆਪਣੇ ਮਾਂ-ਪਿਓ ਨੂੰ ਸਮਰਪਿੱਤ ਕਰਦਿਆਂ ਚੈਰਿਟੀ ਲਈ 2000 ਪੌਂਡ ਇਕੱਠਾ ਕੀਤਾ ਜੋ ਉਨ੍ਹਾਂ ਨੇ ਲੰਡਨ ਦੀ ਚੈਰਿਟੀ ‘‘ਲਿਓਨਾਰਡ ਚੈਸ਼ਾਇਰ’’ (Leohard Cheshire) ਨੂੰ ਭੇਟ ਕੀਤਾ ਹੈ। ਜਗਜੀਤ ਸਿੰਘ ਦੇ ਦੱਸਣ ਮੁਤਾਬਿਕ ਹੋਰਨਾ ਦੌੜਾਕਾਂ ਨੇ ਪੰਥ ਦੀ ਦਸਤਾਰ ਨੂੰ ਬਹੁਤ ਮਾਣ ਬਖ਼ਸ਼ਿਆ ਹੈ।