ਗੁਰਦੁਆਰਾ ਗੁਰੂ ਨਾਨਕ ਸਿੱਖ ਟੈਂਪਲ ਸਵੈਂਸੀ ਵਿਖੇ ਭਗਤ ਪੂਰਨ ਸਿੰਘ ਦੀ 34ਵੀਂ ਬਰਸੀ ਮਨਾਈ ਗਈ

ਪਿੰਗਲਵਾੜਾ ਚੈਰੀਟੇਬਲ ਸੁਸਾਇਟੀ ਦੇ ਪ੍ਰਧਾਨ ਜਗਰਾਜ ਸਿੰਘ ਸਰਾਂ ਨੇ ਸ਼ਰਧਾਂਜਲੀ ਭੇਟ ਕੀਤੀ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀਕਲਾਂ) – ਪਿੰਗਲਵਾੜਾ ਚੈਰੀਟੇਬਲ ਸੁਸਾਇਟੀ ਯੂ.ਕੇ ਵੱਲੋਂ ਭਗਤ ਪੂਰਨ ਸਿੰਘ ਜੀ ਦੀ 34ਵੀਂ ਬਰਸੀ ਇਸ ਸਾਲ 2 ਅਗਸਤ ਨੂੰ ਸਵੈਂਸੀ ਵੇਲਜ਼ ਦੇ ਗੁਰਦੁਆਰਾ ਗੁਰੂ ਨਾਨਕ ਸਿੱਖ ਟੈਂਪਲ ਸਵੈਂਸੀ ਵਿਖੇ ਮਨਾਈ ਗਈ। ਸੁਸਾਇਟੀ ਦੇ ਪ੍ਰਧਾਨ ਸ. ਜਗਰਾਜ ਸਿੰਘ ਸਰਾਂ ਬੀ.ਈ.ਐਮ ਨੇ ਇਸ ਮੌਕੇ ਬੋਲਦਿਆਂ ਸਭ ਤੋਂ ਪਹਿਲਾਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦਾ ਤੇ ਸਵੈਂਸੀ ਦੀਆਂ ਸੰਗਤਾਂ, ਲੰਡਨ ਤੋਂ ਆਈਆਂ ਸੰਗਤਾਂ ਦਾ ਧੰਨਵਾਦ ਕੀਤਾ।

ਉਹਨਾਂ ਪਿੰਗਲਵਾੜਾ ਸੁਸਾਇਟੀ ਯੂ.ਕੇ ਦੇ ਵੱਲੋਂ ਬੀਤੇ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਭਗਤ ਪੂਰਨ ਸਿੰਘ ਦੇ ਉਪਦੇਸ਼ਾਂ ਨੂੰ ਘਰ ਘਰ ਪਹੁੰਚਾਉਣ ਲਈ ਉਹਨਾਂ ਦਾ ਸਾਥ ਦੇਣ ਵਾਲੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਯੂ.ਕੇ ਵਿੱਚ ਹੁਣ ਤੱਕ ਦਾ ਸਫ਼ਰ ਇਹਨਾਂ ਸਾਥੀਆਂ ਤੋਂ ਬਿਨ੍ਹਾ ਸੰਭਵ ਨਹੀਂ ਸੀ ਹੋ ਸਕਦਾ। ਸ. ਸਰਾਂ ਨੇ ਸੰਗਤ ਨੂੰ ਪਿੰਗਲਵਾੜਾ ਸੰਗਤ ਨਾਲ ਜੁੜਨ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਸਾਨੂੰ ਅੱਜ ਭਗਤ ਪੂਰਨ ਸਿੰਘ ਦੇ ਉਪਦੇਸ਼ਾਂ, ਉਹਨਾਂ ਦੀ ਸਿੱਖਿਆ ਅਤੇ 88 ਸਾਲਾਂ ਦੀ ਤਪੱਸਿਆ ਤੋਂ ਕੁਝ ਸਿੱਖ ਕੇ ਵੱਧ ਤੋਂ ਵੱਧ ਪ੍ਰਚਾਰ ਕਰਨਾ ਚਾਹੀਦਾ ਹੈ। ਪਿੰਗਲਵਾੜੇ ਦੇ ਕਾਫ਼ਲੇ ਨਾਲ ਜੁੜਨਾ ਚਾਹੀਦਾ ਹੈ ਤਾਂ ਕਿ ਅਸੀਂ ਸਭ ਮਿਲ ਕੇ ਦੁੱਖਾਂ ਨਾਲ ਜੂਝਦੀ ਮਨੁੱਖਤਾ ਅਤੇ ਕੁਰਲਾਉਦੀ ਪਵਨ, ਪਾਣੀ ਅਤੇ ਮਾਤਾ ਧਰਤ ਦੀ ਆਵਾਜ਼ ਕੰਨਾਂ ਤੋਂ ਬੋਲੀਆ ਸਰਕਾਰਾਂ ਤੱਕ ਪਹੁੰਚਾ ਸਕੀਏ। ਪੰਜਾਬੀ ਸਾਹਿਤ ਕਲਾ ਕੇਂਦਰ ਯੂ.ਕੇ ਦੀ ਪ੍ਰਧਾਨ ਕੁਲਵੰਤ ਕੌਰ ਢਿਲੋਂ ਨੇ ਸਾਰੀਆਂ ਸਾਹਿਤਕ, ਧਾਰਮਿਕ ਅਤੇ ਹੋਰ ਸਭਾਵਾਂ ਨੂੰ ਆਪੋਂ ਆਪਣੀਆਂ ਸਟੇਜਾਂ ਤੋਂ ਭਗਤ ਜੀ ਦੀ ਜ਼ਿੰਦਗੀ ਬਾਰੇ ਸੈਮੀਨਾਰ ਕਰਵਾਉਣ ਦੀ ਸਲਾਹ ਦਿੱਤੀ ਤਾਂ ਕਿ ਅਸੀਂ ਸਿੱਖੀ ਦੇ ਸਹੀ ਫ਼ਲਸਫ਼ੇ ਤੋਂ ਆਪਣੀਆਂ ਅਗਲੀਆਂ ਪੀੜ੍ਹੀਆਂ ਨੂੰ ਜਾਣੂ ਕਰਵਾ ਸਕੀਏ। ਬੁਲਾਰਿਆਂ ਨੇ ਇਹ ਵੀ ਕਿਹਾ ਕਿ ਇਹ ਮਹੀਨਾ ਭਗਤ ਜੀ ਦੀ ਬਰਸੀ ਦਾ ਮਹੀਨਾ ਹੈ ਅਤੇ ਗੁਰੂਘਰਾਂ ਵਿੱਚ ਭਗਤ ਜੀ ਦੀ ਬਰਸੀ ਮਨਾਉਣੀ ਚਾਹੀਦੀ ਹੈ। ਸੁਸਾਇਟੀ ਦੇ ਮੀਤ ਪ੍ਰਧਾਨ ਸੁਖਦੇਵ ਸਿੰਘ ਸੰਧਾਵਾਲੀਆ, ਟਰੱਸਟੀ ਕਰਿਸ਼ਨ ਜੀਤ ਬਾਜਵਾ ਅਤੇ ਮਨਜੀਤ ਸਿੰਘ ਰਾਏ ਨੇ ਸੰਗਤਾਂ ਦਾ ਧੰਨਵਾਦ ਕੀਤਾ।

ਇਸ ਮੌਕੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸੇਵਾਦਾਰ ਜਗਬੀਰ ਸਿੰਘ ਜੱਗਾ ਚੱਕਰ, ਕੁਲਦੀਪ ਸਿੰਘ ਪੱਡਾ, ਗਿਆਨੀ ਜਗਜੀਤ ਸਿੰਘ, ਹਰਵੀਰ ਸਿੰਘ ਪੱਡਾ, ਸਤਨਾਮ ਸਿੰਘ ਪਟਵਾਰੀ, ਨਵਜੋਤ ਸਿੰਘ ਗਿੱਲ, ਗੁਰਮੀਤ ਸਿੰਘ ਜੋਹਲ, ਰਾਜਬੀਰ ਕੁਲਾਰ, ਬਲਦੇਵ ਸਿੰਘ ਸੋਹਲ, ਜੀਤ ਸਿੰਘ ਅਰੋੜਾ, ਖੁਸ਼ਵੰਤ ਸਿੰਘ ਰੋਧ, ਪਰਮਿੰਦਰ ਸਿੰਘ, ਗੁਰਨਾਮ ਸਿੰਘ, ਰਣਧੀਰ ਸਿੰਘ ਅਤੇ ਰਾਜ ਬਾਜਵਾ ਬੋਗਨ, ਬੋਗਨ ਬ੍ਰਦਰਜ਼ ਅਤੇ ਵੇਲਜ਼ ਕਬੱਡੀ ਕਲੱਬ ਨੇ ਬਰਸੀ ਸਮਾਗਮ ਲਈ ਅਹਿਮ ਯੋਗਦਾਨ ਪਾਇਆ। ਸਮਾਗਮਾਂ ਵਿੱਚ ਇੰਦਰਜੀਤ ਕੌਰ (ਪੀ ਬੀ ਸੀ), ਲੰਡਨ ਤੋਂ ਉੱਘੀ ਸਾਹਿਤਕਾਰ ਮਨਜੀਤ ਕੌਰ ਪੱਡਾ, ਦੇਸੀ ਰੇਡੀਓ ਪੇਸ਼ਕਾਰਾ ਭਿੰਦਰ ਕੌਰ ਜਲਾਲਾਵਾਦੀ, ਕੁਲਦੀਪ ਕੌਰ ਬੱਲ ਅਤੇ ਅਮਰਜੀਤ ਕੌਰ, ਨਸੀਬ ਕੌਰ ਅਤੇ ਸ਼ਿੰਦੋ, ਗੁਰਦਿਆਲ ਸਿੰਘ ਧਾਲੀਵਾਲ, ਬਲਜੀਤ ਸਿੰਘ ਧੰਜਲ, ਸਰਬਜੀਤ ਸਿੰਘ ਦਿਉਲ, ਸਵਰਨਜੀਤ ਕੌਰ ਜੋਹਲ ਅਤੇ ਰਣਧੀਰ ਸਿੰਘ ਨੇ ਸ਼ਮੂਲੀਅਤ ਕੀਤੀ।