ਅਮਰੀਕਨ ਏਜੰਸੀ ਨੇ ਲੋਕਾਂ ਨੂੰ ਚੂਨਾ ਲਾ ਕੇ ਜਲੰਧਰ ਫ਼ਰਾਰ ਹੋਏ ਬੇਦੀ ਦੇ ਸੂਹੀਏ ਨੂੰ ਡੇਢ ਲੱਖ ਡਾਲਰ ਇਨਾਮ ਦੇਣ ਦਾ ਫ਼ੈਸਲਾ

ਪੰਜਾਬ ਪੁਲਿਸ ਨੇ ਸਾਲ ਬਾਅਦ ਜਲੰਧਰ ਤੋਂ ਕੀਤਾ ਗਿ੍ਰਫ਼ਤਾਰ

ਸੈਕਰਾਮੈਂਟੋ (ਹੁਸਨ ਲੜੋਆ ਬੰਗਾ)- ਅਮਰੀਕਨ ਏਜੰਸੀ ਐਫ ਬੀ ਆਈ ਨੇ ਸੰਘੀ ਸਰਕਾਰ ਨੂੰ ਕਥਿੱਤ ਸਕੀਮ ਰਾਹੀਂ 6 ਲੱਖ ਡਾਲਰਾਂ ਦਾ ਚੂਨਾ  ਲਾਉਣ ਵਾਲੇ ਅਮਰੀਕੀ ਨਾਗਰਿਕ ਮਨਜੀਤ ਸਿੰਘ ਬੇਦੀ ਦੀ ਗ੍ਰਿਫਤਾਰੀ ਲਈ ਸੂਹ ਦੇਣ ਵਾਲੇ ਨੂੰ ਡੇਢ ਲੱਖ ਡਾਲਰ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ| ਐਫ ਬੀ ਆਈ ਅਨੁਸਾਰ ਸਮਝਿਆ ਜਾਂਦਾ ਹੈ ਕਿ 1961 ਵਿਚ ਅਮਰੀਕਾ ਵਿਚ ਪੈਦਾ ਹੋਇਆ ਬੇਦੀ ਭਾਰਤ ਵਿਚ ਹੈ|

ਐਫ ਬੀ ਆਈ ਨੇ ਦੋਸ਼ ਲਾਇਆ ਹੈ ਕਿ ਬੇਦੀ ਜੋ ਟਾਕੋਮਾ, ਵਾਸ਼ਿੰਗਟਨ ਵਿਚ ਇਕ ਛੋਟਾ ਜਿਹਾ ਕਰਿਆਨਾ ਸਟੋਰ ਚਲਾਉਂਦਾ ਸੀ, ਨੇ ਮਾਰਚ 2024 ਤੋਂ ਜੂਨ 2025 ਦਰਮਿਆਨ ਧੋਖਾਧੜੀ ਸਕੀਮ ਤਹਿਤ ਗਾਹਕਾਂ ਦੇ ਸਪਲੀਮੈਂਟਲ ਨਿੳਟਰੀਸ਼ਨ ਅਸਿਸਟੈਂਸ ਪ੍ਰੋਗਰਾਮ ਤਹਿਤ ਇਲੈਕਟ੍ਰਾਨਿਕ ਬੈਨੇਫਿਟ ਟਰਾਂਸਫਰ ਕਾਰਡਾਂ ( ਈ ਬੀ ਟੀ) ਦੀ ਵਰਤੋਂ ਕੀਤੀ|

ਉਸ ਨੇ ਗਾਹਕਾਂ ਦੇ ਈ ਬੀ ਟੀ ਕਾਰਡਾਂ ਨੂੰ ਵਰਤਿਆ ਤੇ ਗਾਹਕਾਂ ਨੂੰ ਕਰਿਆਨਾ ਦੇਣ ਦੀ ਬਜਾਏ ਪੈਸੇ ਦਿੱਤੇ  ਜਦ ਕਿ  ਉਹ ਅੱਧੇ ਪੈਸੇ ਆਪਣੇ ਕੋਲ ਹੀ ਰੱਖਦਾ ਰਿਹਾ| ਏਜੰਸੀ ਵੱਲੋਂ ਦੋਸ਼ ਲਾਉਣ ਤੋਂ ਬਾਅਦ ਬੇਦੀ ਨੂੰ ਅਦਾਲਤ ਵਿਚ ਪੇਸ਼ ਹੋਣ ਲਈ ਸੰਮਨ ਜਾਰੀ ਕੀਤੇ ਗਏ| ਉਸ ਨੂੰ ਪਾਸਪੋਰਟ ਜਮਾਂ ਕਰਵਾਉਣ ਤੇ ਵਾਸ਼ਿੰਗਟਨ ਵਿਚ ਰਹਿਣ ਲਈ ਕਿਹਾ ਗਿਆ| ਐਫ ਬੀ ਆਈ ਅਨੁਸਾਰ ਬੇਦੀ ਆਦੇਸ਼ ਦੀ ਉਲੰਘਣਾ ਕਰਦਿਆਂ ਪਹਿਲਾਂ ਕੈਨੇਡਾ ਚਲਾ ਗਿਆ ਜਿਥੋਂ ਉਹ ਭਾਰਤ ਭੱਜ ਗਿਆ|