Sports

ਬਾ ਕਮਾਲ ਸੀ ਪੁਰੇਵਾਲ ਭਰਾਵਾਂ ਦੀਆਂ ਪੇਂਡੂ ਮਿੰਨੀ  ਹਕੀਮਪੁਰ ਓਲੰਪਿਕ ਖੇਡਾਂ

ਇਰਾਨ ਦੇ ਪਹਿਲਵਾਨ ਮਿਰਜ਼ਾ ਨੇ ਜਿੱਤਿਆ ਸ਼ੇਰੇ ਹਿੰਦ ਖਿਤਾਬ

ਲੰਬੇ ਅਰਸੇ ਬਾਅਦ ਪੂਰੇਵਾਲ ਭਰਾਵਾਂ ਦੀਆਂ ਪੇਂਡੂ  ਮਿੰਨੀ ਓਲੰਪਿਕ  ਹਕੀਮਪੁਰ ਖੇਡਾਂ ਵੇਖਣ ਦਾ ਮੁੱਖ ਮੌਕਾ ਮਿਲਿਆ ।  2 ਮਾਰਚ ਨੂੰ ਮੌਸਮ ਬੜਾ ਬੇਈਮਾਨ ਸੀ ਪਰ ਵਫਾਦਾਰ ਵੀ ਸੀ ਕਿਉਂਕਿ  ਕਿਵੇਂ ਨਾ ਕਿਵੇਂ ਠੰਡੇ ਮੌਸਮ ਅਤੇ ਬਰਸਾਤੀ ਮੌਸਮ ਦੇ ਜਰੀਏ ਖੇਡਾਂ ਸਫਲਤਾ ਪੂਰਵ ਨੇਪਰੇ ਚੜ ਗਈਆਂ । 

ਗੁਰਜੀਤ ਸਿੰਘ ਪੁਰੇਵਾਲ ਸਾਹਿਬ ਦਾ ਖੇਡਾਂ ਤੇ ਆਉਣ ਲਈ  ਸੱਦਾ ਸੀ ਮੈਂ ਆਪਣੇ ਪਰਮ ਮਿੱਤਰ ਹਰਦੀਪ  ਸਿੰਘ ਸੈਣੀ ਅਤੇ ਮਨਜਿੰਦਰ ਸਿੰਘ ਇਆਲੀ ਦੇ ਨਾਲ   ਹਕੀਮਪੁਰ  ਪੁੱਜਿਆ ਮੌਸਮ ਬਹੁਤ ਹੀ ਠੰਡਕ ਵਾਲਾ  ਅਤੇ ਬਰਸਾਤ ਸਿਰ ਤੇ ਖੜੀ ਸੀ ।  ਸਟੇਜ ਤੇ ਸੱਜੇ ਪਾਸੇ  ਬਹੁਤ ਹੀ ਵਧੀਆ ਅੰਤਰਰਾਸ਼ਟਰੀ ਪੱਧਰ ਦੀਆਂ ਕੁਸ਼ਤੀਆਂ ਹੋ ਰਹੀਆਂ ਸਨ , ਸਾਹਮਣੇ ਨੌਰਥ ਇੰਡੀਆ ਕਬੱਡੀ ਫੈਡਰੇਸ਼ਨ ਦੀਆਂ ਟੀਮਾਂ ਦੇ ਕਬੱਡੀ ਦੇ ਫਸਵੇਂ ਮੁਕਾਬਲੇ ਹੋ ਰਹੇ ਸਨ ਅਤੇ  ਗੁਰੂ ਦੀ ਲਾਡਲੀਆਂ ਫੌਜਾਂ  ਟਰੈਕ ਦੇ ਵਿੱਚ ਆਪਣੇ ਘੋੜ ਸਵਾਰੀ ਦੇ ਜੋਹਰ ਵਿਖਾ ਰਹੇ ਸਨ ।  ਖੇਡਾਂ ਦਾ ਮਾਹੌਲ ਬਹੁਤ ਹੀ ਸੁਹਾਵਣਾ ਸੀ।  ਮਾਸਟਰ ਜੋਗਾ ਸਿੰਘ ਨੇ ਸਾਡੀ ਵਧੀਆ ਆਓ ਭਗਤ ਕੀਤੀ ਅਤੇ ਸੰਤੋਖ ਮੰਡੇਰ ਨੇ ਪਹਿਲਾਂ ਦੀ ਤਰ੍ਹਾਂ  ਸਾਡੀਆ ਕਈ ਫੋਟੋ ਖਿੱਚੀਆਂ ਪਰ ਆਮ ਤੌਰ ਤੇ ਮੰਡੇਰ ਸਾਹਿਬ ਦੀਆਂ ਫੋਟੋਆਂ ਮਿਲਦੀਆਂ ਘੱਟ ਹੀ ਹੁੰਦੀਆਂ ਹਨ । ਹੋ ਸਕਦਾ ਐਤਕੀ ਫੇਸ ਬੁਁਕ ਤੇ ਦੇਖਣ ਨੂੰ ਮਿਲ ਜਾਣ। ਸਟੇਜ ਤੋਂ  ਪ੍ਰੋਫੈਸਰ ਮੱਖਣ ਸਿੰਘ ਹਕੀਮਪੁਰ  ਆਪਣੇ ਵਧੀਆ ਅੰਦਾਜ਼ ਵਿੱਚ ਕਮੈਂਟਰੀ ਕਰ ਰਿਹਾ ਸੀ ਜਦ ਕਿ  ਕਬੱਡੀ ਦੇ ਮੈਦਾਨ ਵਿੱਚ ਗੁਰਪ੍ਰੀਤ ਬੇਰਕਲਾਂ ਅਤੇ ਕੁਸ਼ਤੀਆਂ ਦੇ ਮੈਦਾਨ ਵਿੱਚ ਪੀਆਰ ਸੌਂਧੀ ਦੀ ਆਵਾਜ਼ ਟਣਕ ਦੀ ਸੀ ।  ਕੁਸ਼ਤੀਆਂ ਦੇ ਮੁਕਾਬਲਿਆਂ ਨੂੰ ਅਸੀਂ ਸਟੇਜ ਤੋਂ ਬੜਾ ਨੇੜੇ ਹੋ ਕੇ ਤੱਕਿਆ ਅਤੇ ਕੁਸ਼ਤੀਆਂ ਦੇਖਣ ਦਾ ਸਵਾਦ ਵੀ ਬੜਾ  ਆਇਆ। ਸ਼ੇਰੇ ਹਿੰਦ ਖਿਤਾਬ ਲਈ ਇਕ ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ  ਵਾਲੇ ਮੁਕਾਬਲੇ ਵਿੱਚ ਇਰਾਨ ਦੇ ਮਿਰਜਾ ਨੇ  ਭਾਰਤੀ ਨੇਵੀ ਦੇ ਦੀਪਕ ਪੂਣੀਆਂ ਨੂੰ  ਚਿੱਤ ਕੀਤਾ ਜਦ ਕਿ ਕੁੜੀਆਂ ਦੇ ਵਿੱਚ ਇੱਕ ਵੱਡਾ ਉਲਟ ਫੇਰ ਕਰਦਿਆਂ ਮਹਾਂਭਾਰਤ ਕੇਸਰੀ ਖਿਤਾਬ ਲਈ ਹਰਿਆਣਾ ਦੀ ਕਾਜਲ ਨੇ ਦਿਵਿਆ ਕਕਰਾਨ ਨੂੰ ਹਰਾ ਕੇ 51000 ਹਜਾਰ ਦੀ ਇਨਾਮੀ ਰਾਸ਼ੀ ਵਾਲਾ ਖਿਤਾਬ ਜਿੱਤਿਆ ਇਸੇ ਤਰ੍ਹਾਂ ਭਾਰਤ ਕੁਮਾਰੀ ਖਿਤਾਬ ਲਈ ਹਰਿਆਣਾ ਦੀ ਪੁਸ਼ਪਾ ਨੇ ਪੰਜਾਬ ਦੀ ਸਪਨਾ ਨੂੰ ਹਰਾਇਆ । ਦੂਜੇ ਪਾਸੇ ਕਬੱਡੀ ਦਾ ਇੱਕ ਸੈਮੀਫਾਈਨਲ ਤਾ ਨੇਪੜੇ ਚੜ ਗਿਆ ਸੀ ਬਾਕੀ ਸਾਰਾ ਮੇਲਾ ਮੀਂਹ ਦੀ ਭੇਟ ਹੀ ਚੜ ਗਿਆ । ਕਬੱਡੀ  ਦੇਖਣ ਦਾ ਸਵਾਦ ਕਬੱਡੀ ਪ੍ਰੇਮੀਆਂ ਦਾ ਕਿਰਕਰਾ ਹੀ ਹੋ ਗਿਆ । ਬਾਅਦ ਚ ਪਤਾ ਲੱਗਿਆ ਕਿ ਡੀਏਵੀ  ਜਲੰਧਰ ਨੂੰ ਕਬੱਡੀ ਦੇ ਵਿੱਚ  ਪਹਿਲਾ ਇਨਾਮ ਮਿਲਿਆ ਤੇ ਹਰਜੀਤ ਕਬੱਡੀ ਕਲੱਬ ਸਰੀ ਅਤੇ ਰੋਇਲ ਕਿੰਗ ਯੂਐਸਏ ਨੂੰ ਦੂਜੇ ਨੰਬਰ ਤੇ ਐਲਾਨਿਆ ਗਿਆ ।  22,23  ਸ਼ਖਸੀਅਤਾਂ ਦਾ ਸਨਮਾਨ ਵੀ ਹੋਣਾ ਸੀ  ਜਿਨਾਂ ਵਿੱਚ ਮੈਂ  ਵੀ ਸੀ ਪਰ ਮੇਰੇ ਮੌਕੇ ਤੋਂ  ਕਬੱਡੀ ਦੇ ਵੱਡੇ ਮਹਾਰਥੀ ਤਾਰਾ ਸਿੰਘ ਘਣਗਸ਼, ਖੇਡ ਲੇਖਕ ਸਰਬਾ ਦਿਉਲ਼ ਦਾ ਸਨਮਾਨ ਹੋਇਆ ਸੀ।  ਆਸ ਕਰਦੇ ਹਾਂ ਕਿ ਬਾਕੀ ਸ਼ਖਸੀਅਤਾਂ ਦਾ ਵੀ ਵਧੀਆ ਅਤੇ ਨਿਵੇਕਲਾ ਸਨਮਾਨ ਹੋਇਆ ਹੋਵੇਗਾ ।

ਬਾਕੀ ਕਬੱਡੀ ਦੇ ਨਤੀਜੇ ਇਸਤਰਾਂ ਸਨ –

ਫਸਟ ਟੀਮ #ਖੀਰਾਂਵਾਲ +ਸੂਸਾ 81,000

ਸੈਕਿੰਡ ਟੀਮ#ਲਿੱਤਰਾਂ  61,000

ਬੈਸਟ ਰੇਡਰ#ਫਰਿਆਦ_ਭਗਵਾਨਪੁਰ 12 ਕਬੱਡੀਆਂ 12 ਅੰਕ 

ਬੈਸਟ ਜਾਫੀ#ਜਾਮਾ_ਦੇਸਲਾ 09 ਟੱਚ 04 ਜੱਫ਼ੇ

ਬੈਸਟਾ ਨੂੰ   11000-11000 ਸੀ

#ਕੁਮੈਟਰੀਪ੍ਰੋ ਮੱਖਣ ਸਿੰਘ, ਮਨਜੀਤ ਸਿੰਘ ਕੰਗ #ਕਰਮਦੀਨ ਚੱਕ ਸਾਬੂ, ਬਲਜਿੰਦਰ ਘੁੰਮਣ, ਬੀਰਾ ਰੈਲਮਾਜਰਾ, ਰਁਸ਼ਾਕਸੀ ਵਿਁਚ ਬੁਰਜ ਦੋਨਾ ਪਹਿਲੇ ਸਥਾਨ ਤੇ, ਸ਼ੰਕਰ ਦੂਜੇ ਨੰਬਰ ਤੇ ਰਿਹਾ। 

 ਬਾਕੀ ਖੇਡਾਂ ਦੀ ਕਾਮਯਾਬੀ ਦਾ  ਮੁੱਖ ਧੁਰਾ  ਗੁਰਜੀਤ ਸਿੰਘ ਪੁਰੇਵਾਲ ਭਾਜੀ ਸਨ ।  ਪ੍ਰਿੰਸੀਪਲ ਸਰਵਨ ਸਿੰਘ ਢੁੱਡੀਕੇ ਹੋਰਾਂ ਦੀ ਗੈਰ ਹਾਜ਼ਰੀ ਕਾਫੀ ਰੜਕ ਰਹੀ ਸੀ।  ਇਸ ਤੋਂ ਇਲਾਵਾ ਮਾਸਟਰ ਜੋਗਾ ਸਿੰਘ, ਸੁਖਵਿੰਦਰ ਸਿੰਘ ਸ਼ੇਰ ਗਿੱਲ ਅਮਰੀਕਾ ਵਾਲੇ, ਕੁਲਦੀਪ ਸਿੰਘ ਸ਼ੇਰ ਗਿੱਲ,  ਅਮਨ ਸਿੰਘ ਟਿਵਾਣਾ, ਬਲਕਾਰ ਸਿੰਘ ਜੋਹਲ ਰਵਿੰਦਰ ਸਿੰਘ ਚਾਹਲ, ਮੇਜਰ ਸਿੰਘ ਨੱਤ, ਸੁਰਜੀਤ ਸਿੰਘ ਨੱਤ, ਟੁੱਟ ਬਰਦਰਜ ਅਮਰੀਕਾ ਵਾਲੇ ,ਕਲਤਾਰ ਸਿੰਘ ਪੁਰੇਵਾਲ ਅਵਤਾਰ ਸਿੰਘ ਪੁਰੇਵਾਲ ਅਤੇ ਹੋਰ ਦੋਸਤ ਮਿੱਤਰ ਵੱਡੇ ਸਹਿਯੋਗੀ ਜਿਨਾਂ ਦੀ ਸੂਚੀ ਕਾਫੀ ਲੰਬੀ ਆ, ਸਾਰਿਆਂ ਨੇ ਹੀ ਤਨ ਮਨ ਧਨ ਨਾਲ ਪੁਰੇਵਾਲ ਖੇਡਾਂ ਨੂੰ ਕਾਮਯਾਬ ਕਰਨ ਆਪਣਾ ਰੋਲ ਨਿਭਾਇਆ । ਪੂਰੇਵਾਲ ਪੇਂਡੂ ਮਿਨੀ  ਓਲੰਪਿਕ  ਹਕੀਮਪੁਰ ਖੇਡਾਂ ਤੇ ਬਹੁਤ ਹੀ ਪੈਸਾ ਖਰਚ ਹੋਇਆ ਅਤੇ ਬਹੁਤ ਹੀ ਨਾਮੀ ਪੱਧਰ ਤੇ ਖਿਡਾਰੀ ਆਏ ਪਰ ਜੋ ਵੱਡੀ ਘਾਟ  ਇਹ ਸੀ ਕਿ ਕੌਮੀ ਅਤੇ ਅੰਤਰਰਾਸ਼ਟਰੀ ਮੀਡੀਏ  ਕੋਈ ਵੀ ਪੱਤਰਕਾਰ ਕਵਰੇਜ ਕਰਨ ਨਹੀਂ ਆਇਆ ।  ਕਿਉਂਕਿ ਇਸ ਤਰ੍ਹਾਂ ਦੇ ਟੂਰਨਾਮੈਂਟ ਦੀ ਨੈਸ਼ਨਲ ਪੱਧਰ ਤੇ ਮੀਡੀਆ ਕਵਰੇਜ ਬਹੁਤ ਜਰੂਰੀ ਹੈ। ਸਟੇਡੀਅਮ ਵਿੱਚ ਰੰਗ ਰੋਗਨ  ਦੀ ਵੀ ਘਾਟ ਦਿਸੀ ।  ਬਾਕੀ ਅਨਸਾਸਨ ਦੀਆਂ ਤਾਂ ਸਾਰੇ ਹੀ ਪੇਂਡੂ ਖੇਡ ਮੇਲਿਆਂ ਤੇ ਧੱਜੀਆਂ  ਉੱਡੀਆਂ ਹੁੰਦੀਆਂ ਹਨ । ਸਾਡੇ ਰਾਜਸੀ ਆਗੂਆਂ ਨੂੰ ਪਤਾ ਨਹੀਂ ਕੀ ਸੱਪ  ਸੁੰਘ ਜਾਂਦਾ ਕਿ ਉਹ ਇਦਾਂ ਦੇ ਮਹਾਨ ਖੇਡ ਮੇਲਿਆਂ ਤੇ ਵੀ ਨਹੀਂ ਪਹੁੰਚਦੇ ਹਨ । ਕੁੱਲ ਮਿਲਾ ਕੇ ਪੁਰੇਵਾਲ ਹਕੀਮਪੁਰ   ਓਲੰਪਿਕ ਖੇਡਾਂ ਇੱਕ ਨਵਾਂ ਸੁਨੇਹਾ ਅਤੇ ਇੱਕ ਨਵੀਂ ਸੇਧ ਦਿੰਦੀਆਂ ਹੋਈਆਂ ਬਰਸਾਤੀ ਮੌਸਮ ਵਿੱਚ ਵੀ ਧੂਮ ਧੜੱਕੇ ਨਾਲ ਸਮਾਪਤ ਹੋਈਆਂ । ਗੁਰਜੀਤ ਸਿੰਘ  ਪੁਰੇਵਾਲ ਅਤੇ ਪੁਰੇਵਾਲ ਪਰਿਵਾਰ ਇਹਨਾਂ ਖੇਡਾਂ ਦੀ ਸਫਲਤਾ ਬਦਲੇ ਵਧਾਈ ਦਾ ਹੱਕਦਾਰ ਹੈ। ਕਬੱਡੀ ਲੱਕ  ਪਰਮਾਤਮਾ ਪੁਰੇਵਾਲ ਖੇਡਾਂ ਨੂੰ ਹਮੇਸ਼ਾ ਚੜਦੀ ਕਲਾ ਵਿੱਚ ਰੱਖੇ ਅਤੇ ਵੱਡੀਆਂ ਤਰੱਕੀਆਂ ਦੇਵੇ। ਮੇਰੀ ਤਾਂ ਇਹੋ ਦੁਆ ਹੈ । ਰੱਬ ਰਾਖਾ !

ਜਗਰੂਪ ਸਿੰਘ ਜਰਖੜ 
ਖੇਡ ਲੇਖਕ 
ਫੋਨ ਨੰਬਰ  9814300722

61ਵਾਂ ਪ੍ਰਿੰਸੀਪਲ ਹਰਭਜਨ ਫੁੱਟਬਾਲ ਕੱਪ ਨਾਮਧਾਰੀ ਕਲੱਬ ਨੇ ਜਿੱਤਿਆ

ਦੇਸ਼ ਭਰ ਚੋਂ 12 ਕਲੱਬ, 10 ਕਾਲਜ ਅਤੇ 8 ਅਕੈਡਮੀਆਂ ਨੇ ਭਾਗ ਲਿਆ

 ਸ੍ਰੀ ਗੁਰੂ ਗੋਬਿੰਦ ਸਿੰਘ ਖਾਲਸਾ ਕਾਲਜ ਮਾਹਿਲਪੁਰ ਦੇ ਬਾਨੀ ਪ੍ਰਿੰਸੀਪਲ ਹਰਭਜਨ ਸਿੰਘ ਦੀ ਯਾਦ ਵਿੱਚ ਕਰਵਾਇਆ ਜਾਣ ਵਾਲਾ ਆਲ ਇੰਡੀਆ ਫੁੱਟਬਾਲ ਟੂਰਨਾਮੈਂਟ ਇਸ ਵਾਰ 61ਵੇਂ ਵਰ੍ਹੇ ਵਿੱਚ ਪ੍ਰਵੇਸ਼ ਕਰ ਗਿਆ। ਇਸ ਟੂਰਨਾਮੈਂਟ ਵਿੱਚ ਪੂਰੇ ਭਾਰਤ ਅਤੇ ਪੰਜਾਬ ਸਮੇਤ ਫੁੱਟਬਾਲ ਦੀਆਂ ਮਸ਼ਹੂਰ 12 ਕਲੱਬਾਂ, 10 ਕਾਲਜਾਂ ਅਤੇ 17 ਸਾਲ ਵਰਗ ਵਿਚ 8 ਫੁੱਟਬਾਲ ਅਕੈਡਮੀਆਂ ਨੇ ਸ਼ਾਨਦਾਰ ਜੌਹਰ ਦਿਖਾਏ। ਅੱਠ ਦਿਨ ਚੱਲਣ ਵਾਲੇ ਇਸ ਟੂਰਨਾਮੈਂਟ ਦੀ ਅਗਵਾਈ ਕੁਲਵੰਤ ਸਿੰਘ ਸੰਘਾ ਲੰਗੇਰੀ ਦੇ ਹੱਥ ਸੀ ਜਿਨ੍ਹਾਂ ਦਿਨ ਰਾਤ ਇੱਕ ਕਰਕੇ ਇਸ ਟੂਰਨਾਮੈਂਟ ਨੂੰ ਸਫ਼ਲਤਾ ਦੀਆਂ ਸਿਖਰਾਂ ਤੇ ਪਹੁੰਚਾਇਆ। ਇਸ ਟੂਰਨਾਮੈਂਟ ਵਿੱਚ ਦੇਸ਼ ਵਿਦੇਸ਼ ਦੇ ਫੁੱਟਬਾਲ ਖਿਡਾਰੀ, ਫੁੱਟਬਾਲ ਪ੍ਰੇਮੀ, ਫੁੱਟਬਾਲ ਪ੍ਰਮੋਟਰ ਅਤੇ ਪ੍ਰਿੰਸੀਪਲ ਹਰਭਜਨ ਸਿੰਘ ਦੇ ਸ਼ਾਗਿਰਦ ਉਚੇਚੇ ਤੌਰ ਤੇ ਹਾਜ਼ਰ ਹੋਏ।ਟੂਰਨਾਮੈਂਟ ਦਾ ਆਰੰਭ ਸਿੱਖ ਵਿੱਦਿਅਕ ਕੌਂਸਲ ਦੇ ਪ੍ਰਧਾਨ ਸੰਤ ਸਾਧੂ ਸਿੰਘ ਕਹਾਰਪੁਰੀ, ਪੈਟਰਨ ਡਾ. ਜੰਗ ਬਹਾਦਰ ਸਿੰਘ ਰਾਏ ਅਤੇ ਜਨਰਲ ਸਕੱਤਰ ਪ੍ਰੋ. ਅਪਿੰਦਰ ਸਿੰਘ ਵੱਲੋਂ ਕੀਤਾ ਗਿਆ। ਉਹਨਾਂ ਕਾਲਜ ਪ੍ਰਬੰਧਕ ਕਮੇਟੀ ਅਤੇ ਸਟਾਫ ਵੱਲੋਂ ਪੂਰਾ ਸਹਿਯੋਗ ਦਿੰਦਿਆਂ ਪ੍ਰਿੰਸੀਪਲ ਸਾਹਿਬ ਦੀ ਯਾਦ ਨੂੰ ਹੋਰ ਉਚੇਰਾ ਕਰਨ ਦੀ ਅਪੀਲ ਕੀਤੀ। ਪ੍ਰਿੰਸੀਪਲ ਹਰਭਜਨ ਸਿੰਘ ਦੀ ਯਾਦ ਵਿੱਚ ਕਨੇਡਾ, ਅਮਰੀਕਾ ਅਤੇ ਇੰਗਲੈਂਡ ਵਿੱਚ ਸਥਾਪਿਤ ਕੀਤੇ ਐਜੂਕੇਸ਼ਨਲ ਐਂਡ ਸਪੋਰਟਸ ਟਰੱਸਟ ਪ੍ਰਿੰ. ਹਰਭਜਨ ਸਿੰਘ ਸਪੋਰਟਿੰਗ ਕਲੱਬ ਦੇ ਮੁੱਖ ਆਰਥਿਕ ਸਹਿਯੋਗੀ ਹਨ। ਇਸ ਵਾਰ ਟਾਟਾ ਸਟੀਲ ਕੰਪਨੀ ਵੱਲੋਂ ਵੀ 5 ਲੱਖ ਦੀ ਸਹਾਇਤਾ ਦਿੱਤੀ ਗਈ। 

     ਕਲੱਬ ਵਰਗ ਦੇ ਫੁੱਟਬਾਲ ਮੁਕਾਬਲੇ ਲੀਗ ਕਮ ਨਾਕ ਆਊਟ ਦੇ ਅਧਾਰ ਤੇ ਕਰਵਾਏ ਗਏ। ਸੈਮੀ ਫਾਈਨਲ ਮੁਕਾਬਲੇ ਵਿੱਚ ਨਾਮਧਾਰੀ ਫੁੱਟਬਾਲ ਕਲੱਬ ਨੇ ਸੀਆਰਪੀਐਫ ਜਲੰਧਰ ਨੂੰ ਇੱਕ ਦੇ ਮੁਕਾਬਲੇ ਦੋ ਗੋਲਾਂ ਨਾਲ ਪਿਛਾੜ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਦੂਜਾ ਸੈਮੀ ਫਾਈਨਲ ਦਿੱਲੀ ਫੁੱਟਬਾਲ ਕਲੱਬ ਨੇ ਕਲਕੱਤਾ ਫੁੱਟਬਾਲ ਕਲੱਬ ਨੂੰ ਵਾਧੂ ਸਮੇਂ ਵਿੱਚ ਹਰਾ ਕੇ ਜਿੱਤਿਆ। ਫਾਈਨਲ ਮੁਕਾਬਲੇ ਵਿੱਚ ਨਾਮਧਾਰੀ ਕਲੱਬ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦਿੱਲੀ ਕਲੱਬ ਨੂੰ ਇੱਕ ਜ਼ੀਰੋ ਨਾਲ ਪਿਛਾੜਕੇ ਦੋ ਲੱਖ ਦਾ ਨਗਦ ਇਨਾਮ ਪ੍ਰਾਪਤ ਕਰ ਲਿਆ ਜਦ ਕਿ ਦਿੱਲੀ ਕਲੱਬ ਨੂੰ ਡੇਢ ਲੱਖ ਨਾਲ ਹੀ ਸਬਰ ਕਰਨਾ ਪਿਆ।ਕਲੱਬ ਵਲੋਂ ਕਾਲਜ,ਲੜਕੇ ਅਤੇ ਲੜਕੀਆਂ ਦੇ ਸਕੂਲ ਦੇ ਤਿੰਨ ਹੁਸ਼ਿਆਰ ਅਤੇ ਤਿੰਨ ਹੋਣਹਾਰ ਖਿਡਾਰੀਆਂ ਨੂੰ ਸਲਾਨਾ ਸਕਾਲਰਸ਼ਿੱਪ ਵੀ ਦਿੱਤਾ ਗਿਆ।

  ਕਾਲਜ ਕੈਟਾਗਰੀ ਵਿੱਚ ਫਾਈਨਲ ਮੁਕਾਬਲਾ ਖਾਲਸਾ ਕਾਲਜ ਗੜ੍ਹਸ਼ੰਕਰ ਅਤੇ ਖਾਲਸਾ ਕਾਲਜ ਮਾਹਿਲਪੁਰ ਵਿਚਕਾਰ ਬੜਾ ਫਸਵਾਂ ਹੋਇਆ। ਅਖੀਰ ਇੱਕ ਜੀਰੋ ਦੇ ਫਰਕ ਨਾਲ ਗੜ੍ਹਸ਼ੰਕਰ ਕਾਲਜ 75 ਹਜ਼ਾਰ ਦਾ ਇਨਾਮ ਅਤੇ ਮਾਹਿਲਪੁਰ ਕਾਲਜ 50 ਹਜ਼ਾਰ ਦਾ ਨਗਦ ਇਨਾਮ ਪ੍ਰਾਪਤ ਕਰ ਗਿਆ। ਸੈਮੀ ਫਾਈਨਲ ਮੁਕਾਬਲੇ ਵਿਚ ਬੱਬਰ ਅਕਾਲੀ ਮੈਮੋਰੀਅਲ ਖਾਲਸਾ ਕਾਲਜ ਗੜ੍ਹਸ਼ੰਕਰ ਨੇ ਪਿ੍ਰੰ.ਹਰਭਜਨ ਫੁੱਟਬਾਲ ਅਕੈਡਮੀ ਨਾਲ ਸਾਰਾ ਸਮਾਂ ਬਰਾਬਰੀ ਦਾ ਭੇੜ ਭਿੜਿਆ।ਵਾਧੂ ਸਮੇਂ ਵਿਚ ਵੀ ਬਰਾਬਰ ਰਹਿਣ ਉਪਰੰਤ ਪੈਨਲਟੀ ਕਿਕਸ ਨਾਲ ਫੈਸਲਾ ਗੜਸ਼ੰਕਰ ਦੇ ਹੱਕ ਵਿਚ ਹੋਇਆ। ਦੂਜੇ ਸੈਮੀ ਫਾਈਨਲ ਮੁਕਾਬਲੇ ਵਿਚ ਖਾਲਸਾ ਕਾਲਜ ਮਾਹਿਲਪੁਰ ਦੇ ਤੇਜ ਤਰਾਰ ਖਿਡਾਰੀਆਂ ਨੇ ਆਪਣੀ ਸਪੀਡੀ ਅਤੇ ਸਕਿੱਲਫੁੱਲ ਖੇਡ ਕਲਾ ਨਾਲ ਸਿੱਖ ਨੈਸ਼ਨਲ ਕਾਲਜ ਬੰਗਾ ਨੂੰ 2-0 ਨਾਲ ਹਰਾਇਆ। ਇਸੇ ਤਰ੍ਹਾਂ 17 ਸਾਲ ਉਮਰ ਵਰਗ ਦੀਆਂ ਫੁੱਟਬਾਲ ਅਕੈਡਮੀਆਂ ਵਿੱਚ ਬੱਡੋਂ ਅਕੈਡਮੀ ਨੇ ਰਾਊਂਡ ਗਲਾਸ ਮੋਹਾਲੀ ਅਕੈਡਮੀ ਨੂੰ ਹਰਾ ਕੇ ਚੈਂਪੀਅਨਸ਼ਿਪ ਜਿੱਤੀ। ਬੱਡੋਂ ਦੇ ਗੋਲਕੀਪਰ ਮਨਪ੍ਰੀਤ ਸਿੰਘ ਨੂੰ ਬੈਸਟ ਗੋਲਕੀਪਰ ਦਾ ਗੁਰੂ ਦੱਤ ਅਵਾਰਡ ਦਿੱਤਾ ਗਿਆ। ਖਾਲਸਾ ਕਾਲਜ ਗੜਸ਼ੰਕਰ ਦੇ ਗੋਪੀ ਨੂੰ ਕੋਚ ਅਲੀ ਹਸਨ ਅਤੇ ਅਕਾਸ਼ਦੀਪ ਸਿੰਘ ਨੂੰ ਸ਼ਹੀਦ ਦਰਸ਼ਨ ਸਿੰਘ ਕਨੇਡੀਅਨ ਅਵਾਰਡ ਦਿੰਦਿਆਂ ਬੈਸਟ ਫੁੱਟਬਾਲਰ ਐਲਾਨਿਆ। ਕਲੱਬ ਕੈਟਾਗਰੀ ਵਿੱਚ ਨਾਮਧਾਰੀ ਕਲੱਬ ਦੇ ਖਿਡਾਰੀ ਮਨਵੀਰ ਸਿੰਘ ਨੇ ਤਕਨੀਕੀ ਖੇਡ ਸਦਕਾ ਬੈਸਟ ਫੁੱਟਬਾਲਰ (7100) ਦਾ ਰਾਊ ਅਵਾਰਡ  ਪ੍ਰਾਪਤ ਕੀਤਾ।

    ਫੁੱਟਬਾਲ ਦੇ ਇਸ ਮਹਾਂਕੁੰਭ ਵਿੱਚ ਅਰਜਨ ਅਵਾਰਡੀ ਗੁਰਦੇਵ ਸਿੰਘ ਗਿੱਲ, ਅਰਜਨ ਅਵਾਰਡੀ ਅਥਲੀਟ ਮਾਧਰੀ ਏ ਸਿੰਘ ਸਮੇਤ ਕਈ ਇੰਟਰਨੈਸ਼ਨਲ ਫੁੱਟਬਾਲਰ ਮੌਜੂਦ ਸਨ।ਰੋਜ਼ਾਨਾ ਸਵੇਰ ਤੋਂ ਹੀ ਪ੍ਰਿੰ.ਹਰਭਜਨ ਸਿੰਘ ਯਾਦਗਾਰੀ ਸਟੇਡੀਅਮ ਵਿਚ ਦਰਸ਼ਕਾਂ ਦੀਆਂ ਰੌਣਕਾਂ ਲੱਗ ਜਾਂਦੀਆਂ। ਇਨਾਮ ਵੰਡ ਸਮਾਰੋਹ ਦੀ ਪ੍ਰਧਾਨਗੀ ਕਰਦਿਆਂ ਪੰਜਾਬ ਵਿਧਾਨ ਸਭਾ ਦੇ ਡਿਪਟੀ ਸਪੀਕਰ ਜੈ ਕ੍ਰਿਸ਼ਨ ਸਿੰਘ ਰੌੜੀ ਨੇ ਪਿਛਲੇ ਸਾਲ ਐਲਾਨੀ 5 ਲੱਖ ਦੀ ਗਰਾਂਟ ਦਾ ਚੈੱਕ ਪ੍ਰਬੰਧਕਾਂ ਨੂੰ ਭੇਂਟ ਕਰਦਿਆਂ ਇਸ ਸਾਲ ਵੀ 5 ਲੱਖ ਦੇਣ ਦਾ ਐਲਾਨ ਕੀਤਾ।

ਟੂਰਨਾਮੈਂਟ ਦੇ ਪ੍ਰਬੰਧਾਂ ਨੂੰ ਸ਼ਾਨਦਾਰ ਬਣਾਉਣ ਵਿੱਚ ਪ੍ਰਧਾਨ ਕੁਲਵੰਤ ਸਿੰਘ ਸੰਘਾ ਨਾਲ ਰਿਟਾਇਰਡ ਐਸਪੀ ਸ਼ਵਿੰਦਰਜੀਤ ਸਿੰਘ ਬੈਂਸ, ਜੀਤ ਸਿੰਘ ਖਾਬੜਾ, ਦਲਜੀਤ ਸਿੰਘ ਬੈਂਸ, ਅਨੂਪ ਸਿੰਘ ਲੁੱਡੂ, ਤਰਲੋਚਨ ਸਿੰਘ ਸੰਧੂ, ਸੇਵਕ ਸਿੰਘ ਬੈਂਸ, ਮਾਸਟਰ ਬਨਿੰਦਰ ਸਿੰਘ, ਮਹਿੰਦਰ ਭਾਟੀਆ, ਅੱਛਰ ਕੁਮਾਰ ਜੋਸ਼ੀ, ਅਮਰੀਕ ਸਿੰਘ, ਸੁਹੇਲ ਗਾਂਧੀ, ਪ੍ਰਿੰ. ਪਰਵਿੰਦਰ ਸਿੰਘ ਅਤੇ ਡਾ. ਰਾਜ ਕੁਮਾਰ ਸਮੇਤ ਕਲੱਬ ਦੇ ਅਗਜ਼ੈਕਟਿਵ ਮੈਂਬਰਾਂ ਨੇ ਅਹਿਮ ਭੂਮਿਕਾ ਅਦਾ ਕੀਤੀ। ਮੰਚ ਸੰਚਾਲਨ ਦੀ ਜਿੰਮੇਵਾਰੀ ਬਲਜਿੰਦਰ ਮਾਨ ਅਤੇ ਰੋਸ਼ਨਜੀਤ ਸਿੰਘ ਪਨਾਮ ਵੱਲੋਂ ਬਾਖੂਬੀ ਨਿਭਾਈ ਗਈ।

ਅਖੀਰ ਵਿੱਚ ਸਭ ਦਾ ਧੰਨਵਾਦ ਕਰਦਿਆਂ ਪ੍ਰਧਾਨ ਕੁਲਵੰਤ ਸਿੰਘ ਸੰਘਾ ਨੇ ਕਿਹਾ ਕਿ ਆਓ ਆਪਾਂ ਸਾਰੇ ਰਲ਼ਕੇ ਫੁੱਟਬਾਲ ਦੀ ਨਰਸਰੀ ਨੂੰ ਹਰਾ ਭਰਾ ਬਣਾਈਏ ਅਤੇ ਪ੍ਰਿੰਸੀਪਲ ਹਰਭਜਨ ਸਿੰਘ ਦੀ ਯਾਦ ਨੂੰ ਦਿਲਾਂ ਵਿਚ ਹਮੇਸ਼ਾ ਤਾਜ਼ਾ ਰੱਖੀਏ।

ਬਲਜਿੰਦਰ ਮਾਨ
ਸੰਪਾਦਕ ਨਿੱਕੀਆਂ ਕਰੂੰਬਲਾਂ
ਮਾਹਿਲਪੁਰ (ਹੁਸ਼ਿਆਰਪੁਰ)
98150 18947

ਫੁੱਟਬਾਲ ਦੇ ਵਿਕਾਸ ਦਾ ਆਲੰਬਰਦਾਰ ਹੈ ਪ੍ਰਿੰ.ਹਰਭਜਨ ਸਿੰਘ ਸਪੋਰਟਿੰਗ ਕਲੱਬ

ਪ੍ਰਿੰ. ਹਰਭਜਨ ਸਿੰਘ ਸਪੋਰਟਿੰਗ ਕਲੱਬ ਮਾਹਿਲਪੁਰ ਪਿਛਲੇ ਛੇ ਦਹਾਕਿਆਂ ਤੋਂ ਫੁੱਟਬਾਲ ਨੂੰ ਅਰਪਿਤ ਹੋ ਕੇ ਕਾਰਜ ਕਰ ਰਿਹਾ ਹੈ। ਸ਼ਾਇਦ ਇਹ ਪੰਜਾਬ ਦਾ ਸਭ ਤੋਂ ਪੁਰਾਣਾ ਫੁੱਟਬਾਲ ਕਲੱਬ ਹੈ ਜੋ ਹਰ ਸਾਲ ਸਲਾਨਾ ਟੂੁਰਨਾਮੈਂਟ ਤੋਂ ਇਲਾਵਾ ਲਗਭਗ ਸਾਰਾ ਸਾਲ ਫੁੱਟਬਾਲ ਗਤੀਵਿਧੀਆਂ ਵਿਚ ਜੁਟਿਆ ਰਹਿੰਦਾ ਹੈ।ਇਸ ਕਲੱਬ ਦੇ ਪ੍ਰਧਾਨ ਸ. ਕੁਲਵੰਤ ਸਿੰਘ ਸੰਘਾ ਅਤੇ ਬਾਕੀ ਮੈਂਬਰ ਵਧਾਈ ਦੇ ਪਾਤਰ ਹਨ ਜੋ ਦਿਨ ਰਾਤ ਇਹਨਾਂ ਕਾਰਜਾਂ ਨੂੰ ਸਫ਼ਲ ਬਨਾਉਣ ਵਿਚ ਜੁਟੇ ਹੋਏ ਹਨ। ਫੁੱਟਬਾਲ ਅਤੇ ਮਾਹਿਲਪੁਰ ਨੂੰ ਅਲੱਗ ਕਰਕੇ ਪੜ੍ਹਨਾ ਅਸੰਭਵ ਹੈ। ਪੂਰੀ ਦੁਨੀਆਂ ਵਿਚ ਮਾਹਿਲਪੁਰ ਨੂੰ ਫੁੱਟਬਾਲ ਦੀ ਧਰਤੀ ਵਜੋਂ ਹੀ ਜਾਣਿਆ ਜਾਂਦਾ ਹੈ। 20ਵੀਂ ਸਦੀ ਦੇ ਆਖਰੀ ਦਹਾਕੇ ਵਿਚ ਇਸਦੀ ਚਰਚਾ ਸ਼ੌਂਕੀਂ ਮੇਲੇ ਕਰਕੇ ਪੂਰੀ ਦੁਨੀਆਂ ਵਿਚ ਹੋਣ ਲੱਗ ਪਈ ਸੀ। ਅਜਕਲ ਇੰਡੀਆ ਬੁਕ ਆਫ ਰਿਕਾਰਡਜ਼ ਵਿਚ ਦਰਜ ਇਥੋਂ ਛਪਦੇ ਬਾਲ ਰਸਾਲੇ ‘ਨਿੱਕੀਆਂ ਕਰੂੰਬਲਾਂ’ ਕਰਕੇ ਵੀ ਮਾਹਿਲਪੁਰ ਦਾ ਨਾਂ ਬੜੇ ਅਦਬ ਨਾਲ ਲਿਆ ਜਾਂਦਾ ਹੈ ਕਿਉਂਕਿ ਪੂਰੇ ਪੰਜਾਬ ਵਿਚੋਂ ਬਾਲਾਂ ਲਈ ਛਪਣ ਵਾਲਾ ਨਿਜੀ ਖੇਤਰ ਦਾ ਇਹ ਇਕੋ ਇਕ ਪੰਜਾਬੀ ਰਸਾਲਾ ਹੈ। ਖਾਲਸਾ ਕਾਲਜ ਮਾਹਿਲਪੁਰ ਦੀਆਂ ਤਾਂ ਬਾਤਾਂ ਹੀ ਕਿਆ ਨੇ। ਇੱਥੋਂ ਦੀ ਪੈਦਾਇਸ਼ ਨੇ ਕੁੱਲ ਦੁਨੀਆਂ ਵਿਚ ਸ਼ਾਨਦਾਰ ਰੁਤਬੇ ਹਾਸਿਲ ਕਰਕੇ ਇਸ ਸੰਸਥਾ ਦੇ ਮਾਣ ਵਿਚ ਵਾਧਾ ਕੀਤਾ ਹੈ।

ਪ੍ਰਿੰਸੀਪਲ ਹਰਭਜਨ ਸਿੰਘ ਜੀ ਆਪਣੇ ਸਾਥੀ ਲਾਭ ਸਿੰਘ ਨਾਲ ਲਾਹੌਰ ਕਾਲਜ ਵਿਚ ਫੁੱਟਬਾਲ ਖੇਡਿਆ ਕਰਦੇ ਸਨ। ਇਸੇ ਪਿਆਰ ਅਤੇ ਲਗਨ ਨਾਲ ਉਹਨਾਂ ਨੇ ਇਹ ਬੂਟਾ ਮਾਹਿਲਪੁਰ ਵਿਚ ਲਾ ਦਿੱਤਾ। ਸੰਤ ਬਾਬਾ ਹਰੀ ਸਿੰਘ ਕਹਾਰਪੁਰੀ ਦੀ ਅਗਵਾਈ ਹੇਠ 1946 ਵਿਚ ਖਾਲਸਾ ਕਾਲਜ ਮਾਹਿਲਪੁਰ ਦੀ ਸਥਾਪਨਾ ਨਾਲ ਕਰਮਯੋਗੀ ਪ੍ਰਿ.ਹਰਭਜਨ ਸਿੰਘ ਜੀ ਵਾਸਤੇ ਸਿੱਖਿਆ ਅਤੇ ਖੇਡਾਂ ਲਈ ਕਾਰਜ ਕਰਨ ਲਈ ਖੇਤਰ ਬਹੁਤ ਵਿਸ਼ਾਲ ਹੋ ਗਿਆ। ਉਹਨਾਂ ਆਪਣਾ ਸਾਰਾ ਜੀਵਨ ਇਸ ਕਾਲਜ ਦੀ ਬਿਹਤਰੀ ਦੇ ਲੇਖੇ ਲਾ ਕੇ ਲੋਕਾਂ ਦੇ ਦਿਲਾਂ ਵਿਚ ਸਨਮਾਨਯੋਗ ਥਾਂ ਬਣਾ ਲਿਆ।ਉਹ ਸੱਚ-ਮੁੱਚ ਹੀ ਇਕ ਕਰਮਯੋਗੀ ਸਨ। 16 ਅਗਸਤ 1962 ਨੂੰ ਉਹਨਾਂ ਦੇ ਸਵਰਗ ਸਿਧਾਰ ਜਾਣ ਤੋਂ ਬਾਅਦ ਉਹਨਾਂ ਦੇ ਸ਼ਗਿਰਦਾਂ ਅਤੇ ਉਪਾਸ਼ਕਾਂ ਨੇ ਉਹਨਾਂ ਦੀ ਯਾਦ ਨੂੰ ਸਦੀਵੀ ਬਨਾਉਣ ਲਈ ਪ੍ਰਿੰ. ਹਰਭਜਨ ਸਿੰਘ ਯਾਦਗਾਰੀ ਸਪੋਰਟਿੰਗ ਕਲੱਬ ਦੀ ਸਥਾਪਨਾ ਕੀਤੀ। ਜਿਸ ਵਲੋਂ ਪ੍ਰਿੰਸ਼ੀਪਲ ਸਾਹਿਬ ਦੀ ਯਾਦ ਵਿਚ ਹਰ ਸਾਲ ਫੁੱਟਬਾਲ ਟੂਰਨਾਮੈਂਟ ਅਯੋਜਿਤ ਕੀਤਾ ਜਾਣ ਲੱਗਾ।ਅਜਕਲ ਇਹ ਟੂਰਨਾਮੈਂਟ ਕੌਮੀ ਪੱਧਰ ਤੇ ਹਰ ਸਾਲ ਕਰਵਾਇਆ ਜਾਂਦਾ ਹੈ। ਜਿਸ ਵਿਚ ਅਕੈਡਮੀਆਂ, ਕਾਲਜ ਅਤੇ ਪੂੁਰੇ ਭਾਰਤ ਚੋਂ ਕਲੱਬ ਅਤੇ ਲੈਂਦੇ ਹਨ।

ਬਜਵਾੜੇ ਲਾਗਲੀ ਫੌਜੀ ਛਾਉਣੀ ਨੇ ਇਸ ਖੇਡ ਨੂੰ ਮਾਹਿਲਪੁਰ ਵਿਚ ਪੁੱਜਦੀ ਕਰਨ ਵਿਚ ਅਹਿਮ ਭੂੁਮਿਕਾ ਨਿਭਾਈ। ਇਲਾਕੇ ਦੇ ਫੌਜੀ ਵੀਰਾਂ ਰਾਹੀਂ ਇਹ ਇਲਾਕੇ ਦੇ ਪਿੰਡਾਂ ਵਿਚ ਮਸ਼ਹੂਰ ਹੋ ਗਈ। ਉੱਧਰ ਪ੍ਰਿੰ. ਹਰਭਜਨ ਸਿੰਘ ਜੀ ਦੀ ਸਰਪ੍ਰੱਸਤੀ ਨੇ ਇਸਦੀ ਪ੍ਰਫੁੱਲਤਾ ਵਿਚ ਵਾਧਾ ਕੀਤਾ। 1934 ਵਿਚ ਇਥੋਂ ਦਾ ਖਾਲਸਾ ਕਲੱਬ ਬੜਾ ਮਸ਼ਹੂਰ ਸੀ। ਇਸ ਤੋਂ ਬਾਅਦ ਇੱਥੋਂ ਦਾ ਈਗਲ ਕਲੱਬ ਫੁੱਟਬਾਲ ਦੇ ਪੰਜਾਬ ਪੱਧਰੀ ਮੁਕਾਬਲਿਆਂ ਵਿਚ ਹਮੇਸ਼ਾ ਅੱਗੇ ਰਿਹਾ। ਜਿਸ ਵਿਚ ਸ. ਉਮਰਾਉ ਸਿੰਘ, ਸ. ਬਾਬੂ ਸਿੰਘ ਅਤੇ ਸ.ਚੈਂਚਲ ਸਿੰਘ ਵਰਗੇ ਖਿਡਾਰੀ ਸ਼ਾਮਿਲ ਸਨ। 1948 ਵਿਚ ਇੱਥੇ ਇਕ ਮੈਂਗੋ ਸੀਜਨ ਫੁੱਟਬਾਲ ਟੂਰਨਾਮੈਂਟ ਸ. ਗੁਲਬਰਗ ਸਿੰਘ ਬੈਂਸ ਦੇ ਯਤਨਾ ਨਾਲ ਆਰੰਭ ਹੋਇਆ ਸੀ। ਇੰਜ ਇਹਨਾਂ ਕਲੱਬਾਂ ਨੇ ਫੁੱਟਬਾਲ ਨੂੰ ਅੱਗੇ ਤੋਰਨ ਵਿਚ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਆਪਣੀ ਅਮੀਰ ਖੇਡ ਵਿਰਾਸਤ ਨੂੰ ਸੰਭਾਲਣ ਦੇ ਮੰਤਵ ਨਾਲ ਇਹਨਾਂ ਸਤ੍ਹਰਾਂ ਦੇ ਲੇਖਕ ਦੁਆਰਾ ਰਚੀਆਂ ਵੱਡ ਅਕਾਰੀ ਪੁਸਤਕਾਂ ‘ਫੁੱਟਬਾਲ ਜਗਤ ਮਾਹਿਲਪੁਰ’ ਅਤੇ ‘ਮਾਹਿਲਪੁਰ ਦਾ ਫੁੱਟਬਾਲ ਸੰਸਾਰ’ ਪ੍ਰਕਾਸ਼ਿਤ ਕੀਤੀਆਂ ਗਈਆਂ ਹਨ।

ਪ੍ਰਿੰਸੀਪਲ ਹਰਭਜਨ ਸਿੰਘ ਸਪੋਰਟਿੰਗ ਕਲੱਬ ਦੀ ਸਥਾਪਨਾ ਵਿਚ ਡਾ.ਨਰਿੰਦਰ ਪਾਲ ਸਿੰਘ ਤੇ ਸਹਿਯੋਗੀ ਜਗਜੀਤ ਸਿੰਘ ਮਾਨ ਵਰਗਿਆਂ ਨੇ ਅਹਿਮ ਭੂਮਿਕਾ ਅਦਾ ਕੀਤੀ।ਡਾਕਟਰ ਤੇਲੂ ਰਾਮ (ਡਾ.ਨਰਿੰਦਰਪਾਲ ਸਿੰਘ) ਇਸਦੇ ਫਾਉਂਡਰ ਪ੍ਰਧਾਨ ਬਣੇ। 1972 ਵਿਚ ਸ. ਅਮਰ ਸਿੰਘ ਭਾਰਟਾ, 1981 ਵਿਚ ਸ.ਹਰਕ੍ਰਿਸ਼ਨ ਦਿਆਲ ਸਿੰਘ। ਫਿਰ 1981 ਵਿਚ ਅਰਜਨ ਅਵਾਰਡੀ ਸ.ਜਰਨੈਲ ਸਿੰਘ ਤੋਂ ਬਾਅਦ ਇਹ ਜ਼ਿੰਮਾ 1994 ਵਿਚ ਸ.ਹਰਬੰਸ ਸਿੰਘ ਬੈਂਸ ਦੇ ਸਪੁਰਦ ਕੀਤਾ ਗਿਆ। 2012 ਤੋਂ ਸ.ਕੁਲਵੰਤ ਸਿੰਘ ਸੰਘਾ ਇਸਦੀਆਂ ਸਰਗਰਮੀਆ ਨੂੰ ਨਰੋਈਆਂ ਲੀਹਾਂ ਪ੍ਰਦਾਨ ਕਰ ਰਹੇ ਹਨ। ਕੋਚ ਅਲੀ ਹਸਨ ਦੇ 2021 ਵਿਚ ਚਲਾਣੇ ਤੋਂ ਬਾਅਦ ਡਾ. ਪਰਮਪ੍ਰੀਤ ਕੈਂਡਵਾਲ ਜਨਰਲ ਸਕੱਤਰ ਦੀ ਜ਼ਿੰਮੇਵਾਰੀ ਪ੍ਰਧਾਨ ਨਾਲ ਮੋਢਾ ਜੋੜ ਕੇ ਨਿਭਾ ਰਹੇ ਹਨ। ਅਜ ਇੱਥੇ ਉਹਨਾਂ ਦੀ ਅਗਵਾਈ ਹੇਠ ਸਾਰਾ ਸਾਲ ਹੀ ਫੁੱਟਬਾਲ ਦੀ ਚਰਚਾ ਹੁੰਦੀ ਰਹਿੰਦੀ। ਕਦੀ ਫੁੱਟਬਾਲ ਲੀਗ ਤੇ ਕਦੀ ਕੋਚਿੰਗ ਕੈਂਪ।ਕਲੱਬ ਵਲੋਂ ਕਾਲਜ ਅਤੇ ਸਕੂਲਾਂ ਦੇ ਹੋਣਹਾਰ ਖਿਡਾਰੀਆਂ ਨੂੰ ਸਲਾਨਾ ਸਕਾਲਰਸ਼ਿਪ ਵੀ ਦਿੱਤਾ ਜਾਂਦਾ ਹੈ। ਫੁੱਟਬਾਲ ਅਕਾਡਮੀ ਦੇ ਭਵਨ ਦੀ ਉਸਾਰੀ ਤੋਂ ਇਲਾਵਾ ਪ੍ਰਿੰ.ਹਰਭਜਨ ਸਿੰਘ ਸਟੇਡੀਅਮ ਨੂੰ ਨਵ ਉਸਾਰੀ ਨਾਲ ਅਧੁਨਿਕ ਲੀਹਾਂ ਤੇ ਲਿਆਂਦਾ ਹੈ। ਇਥੋਂ ਦਾ ਅੰਤਰ ਰਾਸ਼ਟਰੀ ਸਟੇਡੀਅਮ ਵੀ ਕਲੱਬ ਦੇ ਉਪਰਾਲਿਆ ਨਾਲ ਸਿਰੇ ਚੜ੍ਹਿਆ ਹੈ। ਪਿੰਡ ਬਾੜੀਆਂ ਕਲਾਂ ਵਿਚ ਬਾਲ ਫੁੱਟਬਾਲ ਅਕੈਡਮੀ ਰਾਹੀਂ ਫੁੱਟਬਾਲ ਦੀ ਨਵੀਂ ਪਨੀਰੀ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਖਾਲਸਾ ਕਾਲਜ ਵਿਚ ਸਥਾਪਿਤ ਕੀਤੀ ਫੁੱਟਬਾਲ ਅਕੈਡਮੀ ਆਪਣੀਆਂ ਸ਼ਾਨਦਾਰ ਜਿੱਤਾਂ ਨਾਲ ਚਰਚਿਤ ਹੋ ਰਹੀ ਹੈ। ਇਸੇ ਤਰ੍ਹਾਂ ਇਲਾਕੇ ਦੇ ਕੁੱਝ ਹੋਰ ਪਿੰਡਾਂ ਵਿਚ ਵੀ ਬੱਚਿਆਂ ਵਾਸਤੇ ਅਕੈਡਮੀਆਂ ਖੋਲ੍ਹਣ ਦੀ ਯੋਜਨਾ ਉਲੀਕੀ ਗਈ ਹੈ।

ਸਲਾਨਾ ਟੂਰਨਾਮੈਂਟ ਦੇ ਜੇਤੂ ਕਲੱਬ ਨੂੰ ਦੋ ਲੱਖ,ਰਨਰਜ਼ ਅੱਪ ਨੂੰ ਡੇਢ ਲੱਖ,ਕਾਲਜ ਵਰਗ ਦੇ ਜੇਤੂ ਨੂੰ 75 ਹਜ਼ਾਰ ਅਤੇ 50 ਹਜ਼ਾਰ ਦੇ ਨਗਦ ਇਨਾਮਾਂ ਨਾਲ ਟਰਾਫੀਆਂ ਵੀ ਦਿੱਤੀਆਂ ਜਾਂਦੀਆਂ ਹਨ। ਅਕੈਡਮੀਆਂ ਵਿਚ 41 ਅਤੇ 31 ਹਜ਼ਾਰ ਦੇ ਨਗਦ ਇਨਾਮ ਮਿਲਣਗੇ। ਕੈਨੇਡਾ, ਇੰਗਲੈਂਡ ਤੇ ਅਮਰੀਕਾ ਵਰਗੇ ਦੇਸ਼ਾਂ ਵਿਚ ਵਸਦੇ ਪ੍ਰਿੰਸੀਪਲ ਸਾਹਿਬ ਦੇ ਸ਼ਾਗਿਰਦਾਂ ਅਤੇ ਪ੍ਰੇਮੀਆਂ ਵਲੋਂ ਟਰੱਸਟ ਬਣਾ ਕੇ ਮਾਲੀ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਹਰ ਸਾਲ ਇਹ ਟੂਰਨਾਮੈਂਟ 15 ਫਰਵਰੀ ਤੋਂ 22 ਫਰਵਰੀ ਤਕ ਕਰਵਾਇਆ ਜਾਂਦਾ ਹੈ। ਇਹ ਟੂਰਨਾਮੈਂਟ ਲੀਗ ਕੰਮ ਨਾਕ ਆਉਟ ਦੇ ਅਧਾਰ ਤੇ ਕਰਵਾਇਆ ਜਾਂਦਾ।ਇਸ ਮੌਕੇ ਵਿਦੇਸ਼ਾਂ ਵਿਚ ਵਸਦੇ ਖਿਡਾਰੀ ਅਤੇ ਫੁੱਟਬਾਲ ਪਰੇਮੀ ਬੜੀ ਉਚੇਚ ਨਾਲ ਪੁੱਜਦੇ ਹਨ।

-ਬਲਜਿੰਦਰ ਮਾਨ
ਸੰਪਾਦਕ ਨਿੱਕੀਆਂ ਕਰੂੰਬਲਾਂ
ਮਾਹਿਲਪੁਰ (ਹੁਸ਼ਿਆਰਪੁਰ)
98150-18947

2022 ਦਾ ਆਖ਼ਰੀ ਕਬੱਡੀ ਟੂਰਨਾਮੈਂਟ ਟੈਲਫੋਰਡ ਵੁਲਵਰਹੈਂਪਟਨ ਵਲੋਂ ਸੰਦੀਪ ਨੰਗਲ ਅੰਬੀਆਂ ਦੀ ਯਾਦ ’ਚ ਕਰਵਾਇਆ ਗਿਆ

ਈਰਥ ਸਾਊਥਾਲ ਲੈਸਟਰ ਬ੍ਰਮਿੰਘਮ ਦੀ ਸਾਂਝੀ ਟੀਮ ਨੇ ਕੱਪ ਜਿੱਤਿਆ

ਇਸ ਸੀਜ਼ਨ ਦਾ ਆਖ਼ਰੀ ਕਬੱਡੀ ਟੂਰਨਾਮੈਂਟ ਟੈਲਫੋਰਡ ਵੁਲਵਰਹੈਂਪਟਨ ਸੰਦੀਪ ਨੰਗਲ ਅੰਬੀਆਂ ਦੀ ਕਲੱਬ ਵਲੋਂ ਵਿਲਨਹਾਲ ਵਿਖੇ ਕਰਵਾਇਆ ਗਿਆ। ਜਿਸ ਵਿੱਚ ਰਿਕਾਰਡ ਤੋੜ ਦਰਸ਼ਕਾਂ ਨੇ ਹਿੱਸਾ ਲਿਆ। ਇਸ ਵੱਡੀ ਗਿਣਤੀ ਦਰਸ਼ਕਾਂ ਨੇ ਇਹ ਸਾਬਤ ਕਰ ਦਿੱਤਾ ਕਿ ਉਹ ਸੰਦੀਪ ਨੰਗਲ ਅੰਬੀਆਂ ਨੂੰ ਕਿੰਨਾ ਪਿਆਰ ਕਰਦੇ ਸੀ ਅਤੇ ਕਰਦੇ ਰਹਿਣਗੇ। ਸੰਦੀਪ ਕਬੱਡੀ ਲਈ ਹੀ ਪੈਦਾ ਹੋਇਆ ਸੀ ਅਤੇ ਕਬੱਡੀ ਦੀ ਖਾਤਰ ਹੀ ਸ਼ਹੀਦ ਹੋ ਗਿਆ। ਜਦ ਵੀ ਕਬੱਡੀ ਦਾ ਇਤਿਹਾਸ ਲਿਖਿਆ ਜਾਵੇਗਾ। ਸੰਦੀਪ ਨੰਗਲ ਅੰਬੀਆਂ ਦਾ ਨਾ ਸੁਨਹਿਰੀ ਅੱਖ਼ਰਾਂ ਵਿੱਚ ਲਿਖਿਆ ਜਾਵੇਗਾ। ਉਸਦੀ ਸੋਚ ਨੂੰ ਸਲਾਮਾਂ ਹੋਣਗੀਆਂ। ਸਾਰਿਆਂ ਦੀ ਇਹੀ ਅਰਦਾਸ ਹੈ ਕਿ ਵਾਹਿਗੁਰੂ ਉਸਦੇ ਪ੍ਰੀਵਾਰ ਨੂੰ ਚੜ੍ਹਦੀ ਕਲਾ ਵਿੱਚ ਰੱਖੇ।

ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਨੇ ਕਬੱਡੀ ਮੁੜ ਜ਼ਿੰਦਾ ਕਰਕੇ ਵਲੈਤੀਆਂ ਦਾ ਦਿਲ ਮੋਹ ਲਿਆ। ਕਿਉਕਿ ਕਾਫ਼ੀ ਵਕਫ਼ਾ ਪੈ ਗਿਆ ਸੀ। ਮੁੜ ਕਬੱਡੀ ਸ਼ੁਰੂ ਕਰਨੀ ਬਹੁਤ ਮੁਸ਼ਕਲ ਸੀ। ਦੂਸਰਾ ਨਸ਼ਿਆਂ ਨੇ ਬਦਨਾਮ ਕਰ ਦਿੱਤੀ ਸੀ। ਫੈਡਰੇਸ਼ਨ ਨੇ ਡੱਟ ਕੇ ਪਹਿਰਾ ਦਿੱਤਾ। ਜੇ ਕੋਈ ਖਿਡਾਰੀ ਚਲਾਕੀ ਨਾਲ ਨਸ਼ਿਆਂ ਦੀ ਵਰਤੋਂ ਕਰਦਾ ਹੈ ਤਾਂ ਉਹ ਆਪਣੀ ਖੇਡ ਨਾਲ ਗੱਦਾਰੀ ਕਰ ਰਿਹਾ ਤੇ ਆਪਣੇ ਸਰੀਰ ਦੀ ਆਪ ਹੀ ਜੱਖਣਾ ਪੱਟ ਰਿਹਾ ਹੈ। ਕਲੱਬਾਂ ਤਾਂ ਸੁਧਾਰ ਚਾਹੁੰਦੀਆਂ ਹਨ।

ਖਾਲਸਾ ਸਟੇਡੀਅਮ ਪ੍ਰਬੰਧਕਾਂ ਨੇ ਖੂਬ ਸਜਾਇਆ ਸੀ। ਪ੍ਰਸਿੱਧ ਕਬੱਡੀ ਖਿਡਾਰੀ ਹਰਭਜਨ ਸਿੰਘ ਭੱਜੀ ਖੀਰਾਂਵਾਲੀ, ਸ਼ੀਰਾ ਔਲਖ, ਬਲਵਿੰਦਰ ਸਿੰਘ ਚੱਠਾ, ਸੁੱਖੀ ਬੈਂਸ ਅਤੇ ਸਾਥੀ ਸਭ ਨੂੰ ਜੀ ਆਇਆਂ ਆਖ ਰਹੇ ਸਨ। ਚਾਹ ਤੇ ਪਰੋਠਿਆਂ ਨਾਲ ਸੇਵਾ ਚੱਲ ਰਹੀ ਸੀ। ਮੌਸਮ ਥੋੜ੍ਹਾ ਠੰਡਾ ਜ਼ਰੂਰ ਸੀ ਪਰ ਦਰਸ਼ਕਾਂ ਵਿੱਚ ਉਤਸ਼ਾਹ ਬਹੁਤ ਜ਼ਿਆਦਾ ਸੀ। ਤਕਰੀਬਨ 11 ਕੁ ਵਜੇ ਕਬੱਡੀ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਕੀਤੀ ਗਈ।

ਗਰਾਊਂਡ ਵੇਖ ਕੇ ਤਾਂ ਸਭ ਪ੍ਰਬੰਧਕਾਂ ਦੀ ਸਿਫ਼ਤ ਕਰ ਰਹੇ ਸਨ। ਬਹੁਤ ਸਾਰੇ ਖਿਡਾਰੀਆਂ ਦੇ ਸੱਟਾਂ ਲੱਗਣ ਕਰਕੇ ਕਲੱਬਾਂ ਨੇ ਰਲਕੇ ਟੀਮਾਂ 6 ਬਣਾ ਲਈਆਂ ਅਤੇ ਲੀਗ ਸਿਸਟਮ ਦੇ ਅਧਾਰ ਮੈਚ ਸ਼ੁਰੂ ਕਰਵਾ ਦਿੱਤੇ। ਪਹਿਲਾਂ ਮੈਚ ਯੂ.ਕੇ ਬੁਆਏਜ਼ ਦੀ ਟੀਮ ਨਾਲ ਲੈਸਟਰ, ਸਾਊਥਾਲ, ਈਰਥ ਵੂਲਿਚ ਬ੍ਰਮਿੰਘਮ ਨਾਲ ਹੋਇਆ। ਕਰਣ ਪਾਸਲਾ, ਰੂਪਾ ਮੁਹੇਮਾਂ ਵਾਲਾ, ਰਣਬੀਰ ਮਾਹਲ ਨੇ ਵਧੀਆਂ ਕੋਡੀਆਂ ਪਾ ਕੇ ਆਪਣੇ ਜ਼ੋਰ ਦਾ ਸਬੂਤ ਦਿੱਤਾ। ਪਾਲਾ ਚਮਿਆਰਾ, ਦਾਲੀ, ਕੀਪਾ ਜੋਧਪੁਰ ਚੀਮਾ ਸਿਰੇ ਦੇ ਜਾਫ਼ੀ ਹਨ। ਟੀਮਾਂ ਦਾ ਬੈਲੇਂਸ ਠੀਕ ਨਹੀਂ ਸੀ। ਮੰਗਾ ਮਿੱਠਾਪੁਰ, ਜੀਤੀ ਕੂੰਨਰ, ਜੱਗਾ ਮੂਲੇਵਾਲ ਖੈਹਰਿਆਂ ਵਾਲੇ ਅਤੇ ਸਾਥੀਆਂ ਦੀ ਫੁੱਲ ਸਪੋਟ ਹੈ ਯੂ.ਕੇ ਬੁਆਏਜ਼ ਦੀ ਕਬੱਡੀ ਟੀਮ ਨਾਲ। ਟੈਲਫੋਰਡ+ਵੁਲਵਰਹੈਂਪਟਨ ਕੱਬਡੀ ਕਲੱਬ ਵਲੋਂ 1100 ਪੌਂਡ ਨਾਲ ਯੂ.ਕੇ ਬੁਆਏਜ਼ ਕਬੱਡੀ ਟੀਮ ਦਾ ਵਿਸ਼ੇਸ਼ ਮਾਣ ਸਨਮਾਨ ਕੀਤਾ ਗਿਆ।

ਸਵੈਂਸੀ (ਵੇਲਜ਼) ਦਾ ਮੈਚ ਗ੍ਰੇਵਜ਼ੈਂਡ+ਬਾਰਕਿੰਗ+ਰੈਡਿੰਗ ਡੋਰਨੀ ਦੀ ਟੀਮ ਨਾਲ ਤਕਰੀਬਨ ਡੇਢ ਕੁ ਵਜੇ ਹੋਇਆ। ਇਸ ਮੈਚ ਵੇਲੇ ਕਾਫ਼ੀ ਰੌਲਾ ਰੱਪਾ ਪਿਆ। ਸਵੈਨਸੀ ਨੂੰ ਇਤਰਾਜ਼ ਸੀ ਕਿ ਸਾਡੀ ਟੀਮ ਵਿੱਚ ਸਿਰਫ਼ ਸਾਡੇ ਖਿਡਾਰੀ ਹਨ। ਹੈ ਤਾਂ ਬੇਇਨਸਾਫ਼ੀ ਸੀ ਪਰ ਪ੍ਰਬੰਧਕਾਂ ਨੇ ਪਹਿਲਾ ਫੈਸਲਾ ਕਰ ਲਿਆ ਸੀ। ਸਵੈਨਸੀ ਵਲੋਂ ਬਬਰਾ, ਸਿਮਰਨ, ਮਨੀ ਬੱਦੋਵਾਲ, ਮੀਕਾ ਆਪਣੀ ਖੇਡ ਵਿਖਾ ਗਏ। ਜਿੱਤ ਤਾਂ ਵਿਰੋਧੀ ਟੀਮ ਦੇ ਹਿੱਸੇ ਆਈ। ਬੁੱਲਟ ਖੀਰਾਂਵਾਲੀ, ਕਾਲਾ ਧੂਰਕੋਟ, ਜੱਗਾ ਕਮਾਲ ਦੀਆਂ ਰੇਡਾਂ ਪਾ ਗਏ। ਹੇਜ਼ ਟੈਲਫੋਰਡ ਕੋਲ ਰੁਪਿੰਦਰ ਦੋਦੋ, ਜੱਸਾ ਭੜੀਵੜੈਚ, ਗੋਰੇ, ਜੁਗਰਾਜ ਵਰਗੇ ਧੱਕੜ ਰੇਡਰ ਸਨ। ਜਿਸ ਕਰਕੇ ਯੂ.ਕੇ ਬੁਆਏਜ਼ ਟੀਮ ਇਹ ਮੈਚ ਵੀ ਹਾਰ ਗਈ। ਬਲਜਿੰਦਰ ਭਿੰਡਰ ਰੂਫਰ, ਮੈਚ ਜਿੱਤ ਗਿਆ। ਇਸ ਮੈਚ ਵਿੱਚ ਹੀ ਸਵੈਨਸੀ ਤਿੰਨ ਚਾਰ ਕਲੱਬਾਂ ਦੇ ਅੜਿੱਕੇ ਚੜ੍ਹ ਗਈ। ਇਹ ਮੈਚ ਨਾ ਹੋ ਸਕਿਆ।

ਪਹਿਲਾ ਸੈਮੀਫਾਇਨਲ ਦਾ ਮੁਕਾਬਲਾ ਬ੍ਰਮਿੰਘਮ+ਕਾਵੈਂਟਰੀ+ਸਲੋਹ ਦੀ ਸਾਂਝੀ ਟੀਮ ਨਾਲ ਰੈਡਿੰਗ ਡੋਰਨੀ, ਗ੍ਰੇਵਜ਼ੈਂਡ+ਬਾਕਕਿੰਗ ਨਾਲ ਹੋਇਆ। ਸ਼ੀਰਾ ਸ਼ੰਮੀਪੁਰ, ਨੇਕੇ ਮੈਰੀਪੁਰ ਦੀ ਕੋਚਿੰਗ ਅਤੇ ਰੋਹਿਤ ਪੋਲਾ, ਭਿੰਦਾ ਮੂਲੇਵਾਲ ਖੈਹਰੇ ਅਤੇ ਅਨਮੋਲ ਦੇ ਜੱਫ਼ਿਆਂ ਨੇ ਚਾਰ ਅੰਕਾਂ ਦੇ ਫ਼ਰਕ ਨਾਲ ਸੁਖਵੀਰ ਬਾਸੀ, ਪ੍ਰਧਾਨ ਕੁਲਵਿੰਦਰ ਬੜਾ ਪਿੰਡ ਤੇ ਰਣਜੀਤ ਢੰਡੇ ਨੂੰ ਫਾਈਨਲ ਖੇਡਣ ਤੋਂ ਰੋਕ ਦਿੱਤਾ। ਬੁੱਲਟ ਖੀਰਾਂਵਾਲੀ, ਗੁਲਜ਼ਾਰੀ, ਲਵਲੀ, ਮੰਨਾ ਦੀ ਖੇਡ ਨੇ ਲੋਕਾਂ ਨੂੰ ਤਾੜੀਆਂ ਮਾਰਨ ’ਤੇ ਮਜ਼ਬੂਰ ਕੀਤਾ। ਦੂਸਰੇ ਸੈਮੀਫਾਈਨਲ ਦੇ ਮੁਕਾਬਲੇ ਵੇਲੇ ਸਟੇਡੀਅਮ ਖਚਾ ਖੱਚ ਭਰਿਆ ਸੀ। ਪ੍ਰਬੰਧਕਾਂ ਕੋਲ ਟਿਕਟਾਂ ਮੁੱਕ ਗਈਆਂ ਸਨ। ਦਰਸ਼ਕ ਸਾਭਣੇ ਔਖੇ ਹੋਏ ਸਨ। ਇਹ ਸਭ ਕੁਝ ਸੰਦੀਪ ਨੰਗਲ ਅੰਬੀਆਂ ਦੀ ਖੇਡ ਦੇ ਦੀਵਾਨੇ ਸਨ।

ਦੂਸਰਾ ਸੈਮੀਫਾਈਨਲ ਸਾਊਥਾਲ+ਈਰਥ ਵੂਲਿਚ, ਲੈਸਟਰ ਬ੍ਰਮਿੰਘਮ ਦਾ ਹੇਜ਼+ਟੈਲਫੋਰਡ ਨਾਲ ਹੋਇਆ ਬਲਜਿੰਦਰ ਭਿੰਡਰ, ਬਿੰਦਰ ਸਿੱਧੂ, ਬਬਲੀ ਚੜਿੱਕ ਟੀਮ ਨੂੰ ਹੱਲਾਸ਼ੇਰੀ ਦੇ ਰਹੇ ਸਨ। ਸੁਰਿੰਦਰ ਮਾਣਕ, ਜਸਕਰਣ ਜੌਹਲ, ਬੁੱਲਟ, ਪਿਆਰਾ ਰੰਧਾਵਾ, ਕੁਲਵੰਤ ਸੰਘਾ, ਬਖਸ਼ੀਸ਼ ਸੰਧੂ, ਭਲਵਾਨ ਬੀੜ ਬੰਸੀਆਂ, ਇਕਬਾਲ ਬਾਲਾ ਅਟਵਾਲ, ਪ੍ਰਸਿੱਧ ਗਾਇਕ ਬਲਦੇਵ ਔਜਲਾ ਬੁਲੱਟ, ਤਾਰੀ ਸਰਪੰਚ, ਲੱਡੂ ਟਰੱਕਾਂਵਾਲਾ, ਮੀਕਾ ਲੰਡਨ, ਮਨੀ ਮੋਗੇ, ਧਿਆਨਾ, ਜਤਿੰਦਰ ਬਿਲਗਾ, ਲਾਲਾ ਬਿਲਗਾ, ਸੁਪਰ ਸਟਾਰ ਰੇਡਰ ਜ਼ੈਲਾ ਹੁਸ਼ਿਆਰਪੁਰ ਨੇ ਟੀਮ ਨਾਲ ਫ਼ੋਟੋ ਕਰਵਾਈ। ਜੱਗੀ ਮੋਲੀ, ਸੰਦੀਪ ਬਦੇਸ਼ਾ, ਹਰਪਾਲ ਧਾਵੀਆ ਨੇ ਧੱਕੜ ਧਾਵੇ ਬੋਲੇ। ਲੱਖਾ ਢੰਡੋਰੀ, ਅਮਨਾ, ਹਰਮਨ ਘੋਲੀਆਂ ਹੇਜ਼ ਲਈ ਅੱਜ ਧੱਕੜ ਜੱਫੇ ਨਾ ਲਾ ਸਕੇ। ਦੋਦੇ ਵਾਲੇ ਦੇ ਹੌਸਲੇ ਬੁਲੰਦ ਨਾ ਹੋਏ। ਕਿਉਕਿ ਜਾਫ਼ ਲਾਈਨ ਦੀ ਵਿੳੂਂਤ ਬੰਦੀ ਫੇਲ ਹੋ ਗਈ। ਜਿਸ ਕਰਕੇ ਹੇਜ਼ ਫਾਈਨਲ ਨਾ ਪਹੁੰਚ ਸਕੀ। ਇਕ ਗੱਲ ਤਾਂ ਜ਼ਰੂਰ ਹੈ ਕਿ ਹੇਜ਼ ਦੀ ਟੀਮ ਸਾਰਿਆਂ ਮੇਲਿਆਂ ਵਿੱਚ ਵਧੀਆ ਪ੍ਰਦਰਸ਼ਨ ਕਰ ਗਈ।

ਟੈਲਫੋਰਡ+ਵੁਲਵਰਹੈਂਪਟਨ ਤੋਂ ਕੱਪ ਜਿੱਤਣ ਲਈ ਦੋਵੇਂ ਟੀਮਾਂ ਥਾਪੀਆਂ ਮਾਰਦੀਆਂ ਗਰਾਊਂਡ ਵਿੱਚ ਪਹੁੰਚ ਗਈਆਂ। ਲੈਸਟਰ, ਈਰਥ ਵੂਲਿਚ ਸਾਊਥਾਲ ਬ੍ਰਮਿੰਘਮ ਦੇ ਨਾਲ ਭੇੜ ਹੋਇਆ ਸਲੋਹ ਕਾਵੈਂਟਰੀ ਬ੍ਰਮਿੰਘਮ ਕਲੱਬਾਂ ਨਾਲ ਪੂਰਾ ਖੜਕਾ ਦੜਕਾ ਹੋਇਆ। ਇਸ ਕਲੱਬਾਂ ਦੇ ਰੇਡਰ ਸਨ। ਪ੍ਰੀਤ ਬੱਗਾ ਪਿੰਡਾਂ, ਮੰਨਾ ਮਲਸੀਆਂ, ਮੂੰਗਾ ਹਰਿਆਣਾ, ਬਲਾਲ ਜੱਟ। ਜਾਫ਼ੀ ਰੋਹਿਤ ਭਿੰਦਾ ਮੂਲੇਵਾਲਾ ਖੈਹਰਾ, ਜੱਗੂ ਹਾਕਮਵਾਲੀਆ, ਸੰਦੀਪ ਸਨ। ਸਾੳੂਥਾਲ, ਈਰਥ, ਲੈਸਟਰ, ਬ੍ਰਮਿੰਘਮ ਵਲੋਂ ਰੇਡਰ ਸਨ ਕਾਲਾ ਧੂਰਕੋਟ, ਜੱਗੀ ਮੋਲੀ, ਕਮਲ ਮਡਿਆਣੀ, ਸੰਦੀਪ ਬਦੇਸ਼ਾ, ਰਛਪਾਲ। ਜਾਫ਼ੀ ਤਾਰੀ ਸੰਗਤਪੁਰ, ਲੱਖਾ ਢੰਡੋਰੀ, ਰਾਜੂ, ਨਵੀ ਔਜਲਾ, ਪ੍ਰੀਤ ਸਰਨਾ ਡੱਗੋਰਮਾਈ ਸਨ। ਅੱਧ ਸਮੇਂ ਤੱਕ ਤਾਂ ਮੌਚ ਪੂਰਾ ਭਖਿਆ ਸੀ। ਰਾਜੂ ਤੇ ਸਰਨਾ ਨੇ ਧਾਵੀਆਂ ਨੂੰ ਡੱਕ ਪਾ ਦਿੱਤਾ। ਭਿੰਦਾ ਮੂਲੇ ਖੈਹਰੇ ਨੇ ਧੱਕੜ ਜੱਫ਼ੇ ਲਾਏ ਸਨ। ਧੂਰਕੋਟ ਵਾਲਾ ਕਾਲਾ ਵੀ ਰੁਕਦਾ ਨਹੀਂ ਸੀ। 22-29 ਅੱਧੇ ਦੇ ਫ਼ਰਕ ਨਾਲ ਲੈਸਟਰ, ਈਰਥ ਸਾਊਥਾਲ ਬ੍ਰਮਿੰਘਮ ਨੇ ਕੱਪ ਜਿੱਤ ਲਿਆ। ਸਲੋਹ ਬ੍ਰਮਿੰਘਮ ਕਾਵੈਂਟਰੀ ਦੂਸਰੇ ਨੰਬਰ ’ਤੇ ਰਹੀ। ਨੇਕਾ ਮੈਰੀਪੁਰ, ਪਿੰਦੂ ਜੌਹਲ, ਸ਼ੀਰਾ ਸੰਮੀਪੁਰ, ਸਤਨਾਮ ਗਿੱਲ, ਦੀਪਾ ਮੋਲੀ ਰਨਰ ਅੱਪ ਨਾਲ ਫ਼ੋਟੋ ਕਰਵਾਉਣ ਲੱਗੇ।

ਜਸਕਰਣ ਜੌਹਲ ਲੰਬਰਦਾਰ ਨੇ ਕੱਪ ਚੁੰਮ ਚੁੰਮ ਕੇ ਕੱਪ ਹੋਰ ਵੀ ਚਮਕੀਲਾ ਕਰ ਦਿੱਤਾ। ਸੁਰਿੰਦਰ ਮਾਣਕ ਨੇ ਸਰਦਾਰੀ ਕਾਇਮ ਕੀਤੀ। ਪਿਆਰਾ ਸਿੰਘ ਰੰਧਾਵਾ, ਕੁਲਵੰਤ ਸੰਘਾ, ਭਲਵਾਨ ਬੀੜ ਬੰਸੀਆਂ ਕੱਪ ਨੂੰ ਮੁੱਢ ਤੋਂ ਬੁੱਕਲ ਵਿੱਚ ਲੁਕੋਈ ਫਿਰਦੇ ਸਨ। ਬਲਦੇਵ ਬੁੱਲਟ ਸਾੳੂਥਾਲ, ਕਬੱਡੀ ਕਲੱਬ ਦੇ ਪ੍ਰਧਾਨ ਪੰਮੀ ਰੰਧਾਵਾ, ਕੰਮੇ ਔਜਲੇ, ਪਾਲੇ ਬਾਜਵੇ ਨੂੰ ਵਧਾਈਆਂ ਦੇ ਰਹੇ ਸਨ। ਸੋਨੂੰ ਬਾਜਵਾ ਵੀ ਵਾਰ ਵਾਰ ਫ਼ੋਟੋ ਕਰਵਾ ਕੇ ਫੇਸ ਬੁੱਕ ’ਤੇ ਪਾ ਰਿਹਾ ਸੀ। ਲਾਲੇ ਬਿਲਗੇ, ਧਿਆਨੇ ਤੇ ਜ਼ੈਲਾ ਹੁਸ਼ਿਆਰਪੁਰੀਆਂ ਵੀ ਕੱਪ ਜਿੱਤ ਕੇ ਪੂਰੇ ਖੁਸ਼ ਸਨ। ਇਸ ਮੇਲੇ ਦਾ ਬੈੱਸਟ ਜਾਫ਼ੀ ਰਾਜੂ ਰਣੀਆ ਸਰਨਾ, ਭਿੰਦਾ ਮੂਲੇਵਾਲ ਖੈਹਰਾ ਸਾਂਝੇ ਤੌਰ ’ਤੇ ਐਲਾਨੇ ਗਏ। ਕਾਲਾ ਧੂਰਕੋਟ ਬੈਸਟ ਧਾਵੀ ਪੱਟਾ ਦੇ ਜ਼ੋਰ ਨਾਲ ਬਣਿਆ। ਦਵਿੰਦਰ ਸਿੰਘ ਪਤਾਰਾ ਨੇ ਮਾਇਕ ’ਤੇ ਪੂਰ ਸਾਥ ਦਿੱਤਾ। ਭਿੰਦੇ ਮੁਠੱਡੇ ਦੀ ਕੁਮੈਂਟਰੀ ਨੇ ਮੇਲੇ ’ਚ ਭੰਗੜੇ ਪੁਆਏ। ਭਿੰਦੇ ਦੀ ਕੁਮੈਂਟਰੀ ਦੀ ਕੋਈ ਰੀਸ ਨਹੀਂ ਕਰ ਸਕਦਾ। ਇਸਦਾ ਵੱਖਰਾ ਅੰਦਾਜ਼ ਸੱਭ ਨੂੰ ਮੋਹ ਲੈਂਦਾ ਹੈ। ਰੈਫ਼ਰੀ ਦੀ ਸੇਵਾ ਸਵਰਨਾ, ਜ਼ੈਲਾ ਹੁਸ਼ਿਆਰਪੁਰੀਆਂ, ਛਿੰਦਾ ਢੁਪਾਈ, ਅਖ਼ਤਰ, ਚੁੰਨੀ ਪੱਤੜ ਨੇ ਕੀਤੀ। ਮੱਖਣ ਸ਼ੰਕਰੀਆ, ਸੋਨੂੰ ਬਾਜਵਾ ਲਾਈਨਮੈਨ ਸਾਰਾ ਦਿਨ ਬਣੇ ਰਹੇ। ਸੁੱਚਾ ਮੁਠੱਡਾ, ਰਾਜਨ ਮਾਹਲ, ਸਟਾਰ ਜਾਫ਼ੀ ਮੇਜਰ ਗਾਖਲ, ਨਿੰਦੀ ਔਜਲਾ, ਬਿੰਦਰ ਮਾਹਲ, ਜੀਤੀ ਕੁੰਨਰ, ਮੰਗਾ ਮਿੱਠਾਪੁਰ ਹੋਰ ਵੀ ਬਹੁਤ ਸਾਰੇ ਸਟਾਰ ਖਿਡਾਰੀ ਪਹੁੰਚੇ ਸਨ। ਜਤਿੰਦਰ ਬਿਲਗੇ ਨੇ ਨੰਬਰਾਂ ਦੀ ਸੇਵਾ ਨਿਭਾਈ। ਸ਼ੀਰੇ ਸ਼ੰਕਰੀਏ ਦੇ ਸਾੳੂਂਡ ਸਿਸਟਮ ਨੇ ਕੂਮੈਂਟਟਰਾਂ ਦਾ ਜ਼ੋਰ ਨਾ ਲੱਗਣ ਦਿੱਤਾ। ਸ਼ੀਰਾ ਸੰਮੀਪੁਰ ਅਤੇ ਛਿੰਦਾ ਛੂੰ-ਮੰਤਰ ਟਾਇਮ ਦੇ ਘੱੁਗੂ ’ਤੇ ਸੱਚੇ ਦਿਲੋਂ ਪੈਹਰਾ ਦਿੱਤਾ।

ਅਖ਼ੀਰ ਵਿੱਚ ਅਸੀਂ ਆਖ ਸਕਦੇ ਹਾਂ ਕਿ ਸੰਦੀਪ ਨੰਗਲ ਅੰਬੀਆਂ ਦੀ ਯਾਦ ਨੂੰ ਟੈਲਫੋਰਡ ਵੁਲਵਰਹੈਂਪਟਨ ਦਾ ਕਬੱਡੀ ਟੂਰਨਾਮੈਂਟ ਦਰਸ਼ਕਾਂ ਦੇ ਇਕੱਠ ਦੇ ਸਾਰੇ ਹੀ ਰਿਕਾਰਡ ਤੋੜ ਗਿਆ। ਸੰਦੀਪ ਨੰਗਲ ਅੰਬੀਆਂ ਦੇ ਪ੍ਰੀਵਾਰ ਨੂੰ ਕਲੱਬ ਵਲੋਂ ਵਿਸ਼ੇਸ਼ ਮਾਣ ਸਨਮਾਨ ਦਿੱਤਾ ਗਿਆ। ਸੰਦੀਪ ਨੰਗਲ ਅੰਬੀਆਂ ਦੇ ਪਿਤਾ ਸਵਰਨ ਸਿੰਘ, ਮਾਤਾ ਕਸ਼ਮੀਰ ਕੌਰ, ਗੁਰਜੀਤ ਸੰਧੂ ਭਰਾ, ਭੈਣ ਬਲਜੀਤ ਕੌਰ ਅਤੇ ਪਤਨੀ ਰੁਪਿੰਦਰ ਕੌਰ ਅਤੇ ਬੱਚੇ ਟੂਰਨਾਮੈਂਟ ’ਤੇ ਪਹੁੰਚੇ। ਪਤਨੀ ਰੁਪਿੰਦਰ ਕੌਰ ਸੰਧੂ ਨੇ ਕਿਹਾ ਕਿ ਸੰਧੂ ਪ੍ਰੀਵਾਰ ਨੇ ਕਦੇ ਵੀ ਕਿਸੇ ਤੋਂ ਪੈਸਿਆਂ ਦੀ ਮੰਗ ਨਹੀਂ ਕੀਤੀ। ਪੰਜਾਬ ਸਰਕਾਰ ਨੂੰ ਬੇਨਤੀ ਕੀਤੀ ਕਿ ਸੰਦੀਪ ਦੇ ਕਾਤਲਾਂ ਨੂੰ ਫੜ੍ਹਕੇ ਸਜ਼ਾ ਦਿੱਤੀ ਜਾਵੇ। ਸੰਧੂ ਪ੍ਰੀਵਾਰ ਨੂੰ ਇਨਸਾਫ਼ ਦਿੱਤਾ ਜਾਵੇ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਮਾਣਕ ਨੇ ਵੀ ਇਹ ਸਪੱਸ਼ਟ ਕੀਤਾ ਕਿ ਫੈਡਰੇਸ਼ਨ ਅਤੇ ਕੁਝ ਕਲੱਬਾਂ ਵਲੋਂ ਆਪਣੀ ਇੱਛਾ ਅਨੁਸਾਰ ਪ੍ਰੀਵਾਰ ਦੀ ਮਦੱਦ ਕੀਤੀ ਹੈ। ਪ੍ਰਸਿੱਧ ਕਬੱਡੀ ਬੁਲਾਰੇ ਭਿੰਦੇ ਮੁਠੱਡੇ ਨੇ ਵੀ ਸਪੱਸ਼ਟ ਸ਼ਬਦਾਂ ਵਿੱਚ ਆਖਿਆ ਪ੍ਰੀਵਾਰ ਨੇ ਕਦੇ ਵੀ ਕਿਸੇ ਪਾਸੋਂ ਪੈਸੇ ਦੀ ਮਦੱਦ ਨਹੀਂ ਮੰਗੀ। ਇਹ ਫੈਡਰੇਸ਼ਨ ਅਤੇ ਕਲੱਬਾਂ ਦੀ ਆਪਣੀ ਇੱਛਾ ਸੀ। ਭਿੰਦੇ ਮੁਠੱਡੇ ਨੇ ਭਰੇ ਮਨ ਨਾਲ ਕਿਹਾ ਕਿ ਫੈਡਰੇਸ਼ਨ ਹਮੇਸ਼ਾਂ ਪ੍ਰੀਵਾਰ ਨਾਲ ਖੜ੍ਹੀ ਹੈ। ਸੰਦੀਪ ਨੰਗਲ ਅੰਬੀਆਂ ਦੀ ਸੋਚ ’ਤੇ ਪਹਿਰਾ ਦੇਵਾਂਗੇ। ਦਰਸ਼ਕਾਂ ਨੇ ਵੀ ਪ੍ਰੀਵਾਰ ਅਤੇ ਬੱਚਿਆਂ ਦੀ ਚੜ੍ਹਦੀਕਲਾ ਲਈ ਅਰਦਾਸ ਕੀਤੀ। ਇਕ ਮਿੰਟ ਦਾ ਮੌਨਧਾਰ ਕੇ ਸੰਦੀਪ ਨੰਗਲ ਅੰਬੀਆਂ ਨੂੰ ਹੰਝੂਆਂ ਭਰੀ ਸ਼ਰਧਾਂਜਲੀ ਦਿੱਤੀ ਗਈ।

ਸਲੋਹ ਦੇ ਪ੍ਰਬੰਧ ਅਤੇ ਪ੍ਰਬੰਧਕਾਂ ਦੀ ਦੇਖ ਰੇਖ ਹੇਠ ਗ੍ਰੇਵਜ਼ੈਂਡ+ਬਾਰਕਿੰਗ ਨੇ ਪੱਟਾ ਦੇ ਜ਼ੋਰ ਨਾਲ ਸਲੋਹ ਕੱਪ ਜਿੱਤਿਆ

ਸਾਊਥ ਵੇਲਜ਼ ਸਵੈਨਜ਼ੀ ਦੂਜੇ ਨੰਬਰ ’ਤੇ ਰਹੀ।

ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਵਲੋਂ ਕਰਵਾਏ ਜਾ ਰਹੇ ਕਬੱਡੀ ਟੂਰਨਾਮੈਂਟ ਆਪਣੀ ਮੰਜ਼ਿਲ ਵੱਲ ਵੱਧਦੇ ਜਾ ਰਹੇ ਹਨ। ਤੱਤੀਆਂ ਠੰਡੀਆਂ ਹਵਾਵਾਂ ਝੱਲਦੇ ਹੋਏ ਆਪਣੇ ਵਾਟ ਮੁਕਾਉਦੇ ਨਜ਼ਰ ਆ ਰਹੇ ਹਨ। ਬੜੀਆਂ ਮੁਸੀਬਤਾਂ ਝੱਲਣੀਆਂ ਪਈਆਂ ਫੈਡਰੇਸ਼ਨ ਨੂੰ ਤਾਂ ਜਾ ਕੇ ਇੰਗਲੈਂਡ ਵਿੱਚ ਕਬੱਡੀ ਦੇ ਭਾਗ ਖੁੱਲ੍ਹੇ ਹਨ। ਕਲੱਬਾਂ ਨੂੰ ਵੀ ਬੜੀ ਮਿਹਨਤ ਕਰਨੀ ਪਈ। ਇਸ ਵਰ੍ਹੇਂ ਕਬੱਡੀ ਮੈਚ ਵੀ ਬੜੇ ਧੜੱਲੇਦਾਰ ਚੱਲ ਰਹੇ ਹਨ। ਇੰਗਲੈਂਡ ਦੇ ਦਰਸ਼ਕ ਵੀ ਖੂਬ ਆਨੰਦ ਮਾਣ ਰਹੇ ਹਨ। ਖਿਡਾਰੀ ਵੀ ਆਪਣਾ ਪੂਰਾ ਜ਼ੋਰ ਮਾਰਕੇ ਕਲੱਬਾਂ ਵਲੋਂ ਖਰਚੇ ਪੈਸਿਆਂ ਦਾ ਮੁੱਲ ਮੋੜ ਰਹੇ ਹਨ।

‘‘ਸਲੋਹ ਕਬੱਡੀ ਕੱਪ ਦੇ ਹੁੰਦੇ ਚਰਚੇ ਨੇ

ਖੁੱਲ੍ਹੇ ਦਿਲ ਵਾਲੇ ਕਰਦੇ ਖੁਲ੍ਹੇ ਖਰਚੇ ਨੇ’’

ਬੀਤੇ ਹਫ਼ਤੇ ਸਲੋਹ ਵਿਖੇ ਬੇਹਤਰੀਨ ਕਬੱਡੀ ਕੱਪ ਕਰਵਾਇਆ ਗਿਆ। ਇਹ ਕਬੱਡੀ ਟੂਰਨਾਮੈਂਟ ਸ੍ਰੀ ਗੁਰੂ ਸਿੰਘ ਸਭਾ ਗੁਰਦੁਆਰਾ ਸਲੋਹ, ਗੁਰਦੁਆਰਾ ਸਪੋਰਟਸ ਕਮੇਟੀ ਅਤੇ ਸਿੰਘ ਸਭਾ ਕਬੱਡੀ ਕਲੱਬ ਵਲੋਂ ਅਤੇ ਸਲੋਹ ਵਾਸੀਆਂ ਦੇ ਸਹਿਯੋਗ ਨਾਲ 11 ਸਤੰਬਰ ਦਿਨ ਐਤਵਾਰ ਨੂੰ ਪੋਲਿਸ਼ ਕਲੱਬ ਚਰਚ ਲੇਨ ਸਲੋਹ ਵਿਖੇ ਬੜੀ ਸ਼ਾਨੋਂ ਸ਼ੌਕਤ ਨਾਲ ਕਰਵਾਇਆ ਗਿਆ। ਸਲੋਹ ਵਾਲਿਆਂ ਦੀ ਇਹ ਵੱਡੀ ਸਿਫ਼ਤ ਹੈ ਕਿ ਇਹਨਾਂ ਦਾ ਪ੍ਰਬੰਧ ਵੀ ਬਹੁਤ ਵਧੀਆ ਹੁੰਦਾ ਹੈ। ਪਿਆਰ ਤੇ ਇਤਫ਼ਾਕ ਦੀ ਵੀ ਮਿਸਾਲ ਕਾਇਮ ਕੀਤੀ ਹੈ।

ਕੱਪ ਜਿੱਤਣੇ ਸੌਖੇ ਨਹੀਂ

ਤਕੜਾ ਹੋਕੇ ਖੇਡ ਜਵਾਨਾ।

ਸਲੋਹ ਦਾ ਕਬੱਡੀ ਕੱਪ ਜਿੱਤਣ ਲਈ ਸਾਰੀਆਂ ਟੀਮਾਂ ਟਾਇਮ ਨਾਲ ਪਹੁੰਚ ਗਈਆਂ ਸਨ। ਗੁਰੂ ਚਰਨਾਂ ਦੇ ਵਿੱਚ ਅਰਦਾਸ ਸਾਡੇ ਪਹੁੰਚਣ ਤੋਂ ਪਹਿਲਾਂ ਹੀ ਹੋ ਚੁੱਕੀ ਸੀ। ਵੱਡੀ ਸਟੇਜ ’ਤੇ ਬੈਠੇ, ਪ੍ਰਸਿੱਧ ਪੰਜਾਬੀ ਲੇਖਕ ਦਰਸ਼ਨ ਸਿੰਘ ਢਿੱਲੋਂ ਮਾਈਕ ’ਤੇ ਆਉਣ ਵਾਲੇ ਸੱਜਣਾਂ ਦਾ ਧੰਨਵਾਦ ਕਰ ਰਹੇ ਸਨ। ਇਸ ਲੜੀ ਦਾ ਪਹਿਲਾਂ ਮੈਚ ਖੇਡਣ ਲਈ ਸਵੈਨਜ਼ੀ ਕਾਰਡਿਫ ਅਤੇ ਸਾਊਥਾਲ+ਈਰਥ-ਵੂਲਿਚ ਗਰਾਊਂਡ ਵਿੱਚ ਪਹੁੰਚ ਗਏ ਸਨ। ਇਹਨਾਂ ਮੈਚਾਂ ਵਿੱਚ ਖਿਡਾਰੀਆਂ ਦੀ ਅਦਲਾ ਬਦਲੀ ਕੀਤੀ ਗਈ। ਪਾਲੇ ਚਮਿਆਰੇ ਵਲੋਂ ਮੀਕੇ ਪੂਨੀਆ ਨੂੰ ਡੱਕ ਕੇ ਸਾਊਥਾਲ+ਈਰਥ-ਵੂਲਿਚ ਅੱਧੇ ਸਮੇਂ ਤੱਕ ਡੇਢ ਅੰਕ ਨਾਲ ਅੱਗੇ ਸੀ। ਕਾਲਾ ਧੂਰਕੋਟ, ਰਣਵੀਰ ਰੁਕਦੇ ਨਹੀਂ ਸੀ। ਚਰਨੀ ਸੂਜਾਪੁਰ, ਅਵਤਾਰ ਜੌਹਲ, ਜਸਵਿੰਦਰ ਨੇ ਬਬਗੁ ਸਿਮਰਨ, ਮੀਕਾ, ਮਨੀ ਬੱਦੋਵਾਲ ਨੂੰ ਪਤਾ ਨਹੀਂ ਕੀ ਲਾਲਚ ਦਿੱਤਾ ਬੱਸ 35-ਅੱਧੇ ਤੇ 29 ਦੇ ਫ਼ਰਕ ਨਾਲ ਚਰਨ ਸੂਜਾਪੁਰ, ਅਵਤਾਰ ਜੌਹਲ, ਮੈਚ ਜਿੱਤ ਗਏ। ਜੋ ਜੋ ਸਾਊਥਾਲ ਵਾਲੇ ਨੇ ਹਰੇਕ ਜੱਫ਼ੇ ’ਤੇ ਪੰਜਾਹ ਪੌਂਡ ਦਿੱਤੇ।

‘‘ਖੂਨ ’ਚ ਗਰਮੀ ਆ ਜਾਂਦੀ

ਵੇਖ ਕੇ ਮੈਚ ਕਬੱਡੀ ਦਾ।’’

ਸੱਤਾ ਮਠੁੱਡਾ ਅਤੇ ਰਾਣਾ ਪੱਡਾ ਗ੍ਰੇਵਜ਼ੈਂਡ+ਬਾਰਕਿੰਗ ਦੀ ਟੀਮ ਨੂੰ ਖਿਡਾਉਣ ਲਈ ਧਾਵੀਆਂ ਕੋਲ ਖੜ੍ਹ ਗਏ। ਗੁਰਦੀਪ ਸਿੰਘ ਲੈਸਟਰ+ਬ੍ਰਮਿੰਘਮ ਦੀ ਟੀਮ ਨੂੰ ਕੋਚਿੰਗ ਦੇਣ ਲੱਗ ਪਏ। ਚੱਠਾ ਅਜ਼ੀਮ, ਜੱਗਾ, ਕਮਲ ਮਾਦੋਪੁਰ, ਸ਼ਰਮਾ ਨੇ ਧੱਕੜ ਕੋਡੀਆਂ ਪਾ ਕੇ ਜਾਫ਼ ਲੈਨ ਹਿਲਾ ਦਿੱਤੀ। ਕਾਜੂ ਨੇ ਭਾਵੇਂ ਕਮਲ ਮਾਦੋਪੁਰ ਨੂੰ ਰੋਕ ਲਿਆ ਪਰ ਮੈਚ ਜਿੱਤਣ ਲਈ ਹੋਰ ਜੱਫ਼ਿਆਂ ਦੀ ਲੋੜ ਸੀ। ਉਹ ਸੱਤੇ ਮਠੁੱਡੇ ਨੇ ਭਾਉ ਅਤੇ ਸਰਨੇ ਤੋਂ ਲਗਵਾ ਕੇ ਦਸਾਂ ਨੰਬਰਾਂ ਦੇ ਫ਼ਰਕ ਨਾਲ ਮੈਚ ਜਿੱਤ ਲਿਆ। ਲਹਿੰਬਰ ਸਿੰਘ ਲੱਧੜ, ਅਜਮੇਰ ਮੇਲਾ, ਕੁਲਵਿੰਦਰ ਮੈਚ ਜਿੱਤਕੇ ਪੂਰੇ ਖੁਸ਼ ਸਨ। ਕੁਲਵੰਤ ਸੰਘਾ ਵਿਆਹ ਕਰਕੇ ਪਹੁੰਚ ਨਹੀਂ ਸਕਿਆ। ਭਲਵਾਨ ਬੀੜ ਬੰਸੀਆਂ, ਪਿਆਰਾ ਰੰਧਾਵਾ, ਲੱਡੂ ਵੀ ਸ਼ਾਮ ਨੂੰ ਪਹੁੰਚੇ। ਟੈਲਫੋਰਡ ਵਲੋਂ ਗੋਰਾ, ਜੁਗਰਾਜ, ਸੁੱਖੇ ਨੇ ਵਧੀਆ ਕੋਡੀਆਂ ਪਾਈਆਂ। ਸ਼ੀਰੇ ਔਲਖ ਨੂੰ ਪਤਾ ਸੀ ਚਿਸ਼ਤੀ ਤੇ ਮੋਹਿਤ ਰੁਕਣੇ ਨਹੀਂ, ਜੱਗੂ ਮਨੀ ਧਨੋਰੀ ਅਤੇ ਲੰਬੜ ਪਿੰਡ ਦਾ ਮੇਲਾ ਹੋਣ ਕਰਕੇ ਪੂਰੇ ਜ਼ੋਰ ਮਾਰਕੇ ਅਗਲੇ ਰਾਊਂਡ ਵਿੱਚ ਪਹੁੰਚ ਜਾਣਗੇ। ਗੱਲ ਸੱਚੀ ਸਾਬਿਤ ਹੋਈ ਤੇ ਸਲੋਹ ਬਾਜ਼ੀ ਮਾਰ ਗਿਆ।

‘‘ਹਰ ਕੋਈ ਚਾਹੁੰਦਾ ਮੈਂ ਜਿੱਤ ਦੇ ਝੰਡੇ ਗੱਡ ਦੇਵਾਂ,

ਦੂਜੇ ਨੂੰ ਧੱਕਾ ਮਾਰਕੇ ਬਾਹਰ ਮੈਦਾਨੋ ਕੱਢ ਦੇਵਾਂ।’’

ਹੇਜ਼ ਅਤੇ ਰੈਡਿੰਗ ਡੋਰਨੀ ਜਦੋਂ ਮੈਦਾਨ ਵਿੱਚ ਪਹੁੰਚੇ ਤਾਂ ਦਰਸ਼ਕਾਂ ਨੇ ਆਪ ਮੁਹਾਰੇ ਤਾੜੀਆਂ ਠੋਕ ਦਿੱਤੀਆਂ। ਲੱਫੜੋ ਲੱਫੜੀ ਹੁੰਦੇ ਵੇਖ ਕੇ ਪੰਜਾਬੀ ਖੁਸ਼ ਹੁੰਦੇ ਹਨ। ਇਸ ਮੈਚ ਨੂੰ ਵੇਖਣ ਲਈ ਮੇਲੇ ਦਾ ਇਕੱਠ ਵੀ ਠਾਠਾ ਮਾਰਦਾ ਸੀ। ਪਰ ਖਿਡਾਰੀਆਂ ਨੂੰ ਲੈ ਕੇ ਫਿਰ ਦੋਵੇਂ ਕਲੱਬਾਂ ਵਿੱਚ ਰੋਲਾ ਰੱਪਾ ਪੈ ਗਿਆ। ਜੋ ਦਰਸ਼ਕਾਂ ਦਾ ਸੁਆਦ ਖਰਾਬ ਕਰ ਗਿਆ ਅਤੇ ਕਬੱਡੀ ਦੇ ਭਵਿੱਖ ਲਈ ਗਰਾਊਂਡਾਂ ਵਿੱਚ ਪੈਂਦੇ ਰੋਲੇ ਹਾਨੀਕਾਰਕ ਹਨ। ਅਖ਼ੀਰ ਸੱਤੇ ਮੁਠੱਡੇ ਨੇ ਫੈਡਰੇਸ਼ਨ ਦੀ ਸਲਾਹ ਨਾਲ ਮਾਇਕ ’ਤੇ ਫੈਸਲਾ ਸੁਣਾ ਕੇ ਮੈਚ ਸ਼ੁਰੂ ਕਰਵਾ ਦਿੱਤਾ। ਰਣਜੀਤ ਢੰਡੇ ਦੀ ਟੀਮ ਦੇ ਖਿਡਾਰੀ ਫੱਟੜ ਸਨ। ਯਾਦਾ ਸੁਰਖਪੁਰ ਵੀ ਕਨੇਡਾ ਉਡਾਰੀ ਮਾਰ ਗਿਆ। ਮੈਚ ਦੇ ਸ਼ੁਰੂ ਵਿੱਚ ਹੀ ਹੇਜ਼ ਵਲੋਂ ਹਰਮਨ ਘੋਲੀਏ ਨੇ ਬੁਲੱਟ ਖੀਰਾਂਵਾਲੀ ਨੂੰ ਡੱਕ ਲਿਆ। ਕਲੀਮ ਜੱਟ ਸੱਟ ਖਾ ਗਿਆ। ਲਵਲੀ ਨੇ ਜੱਸੇ ਨੂੰ ਲਾਈਨ ਤੋਂ ਬਾਹਰ ਕੱਢ ਦਿੱਤਾ। ਇਸ ਮੈਚ ਵਿੱਚ ਪ੍ਰਮੋਟਰਾਂ ਵਿੱਚ ਬਹੁਤ ਗਰਮੀ ਸੀ। ਸ਼ੀਪਾ ਚੱਕਰ ਹੇਜ਼ ਵਾਲਿਆਂ ਤੋਂ ਸਾਭਿਆਂ ਨਹੀਂ ਸੀ ਜਾਂਦਾ। ਇਸ ਮੈਚ ਨੇ ਦਸਾਂ ਪੌਂਡਾਂ ਦਾ ਮੁੱਲ ਮੋੜ ਦਿੱਤਾ। ਬਲਜਿੰਦਰ ਰੂਫਰ, ਬਬਲੀ ਚੜਿੱਕ ਅਤੇ ਸਾਥੀਆਂ ਦਾ ਜਿੱਤ ਦੀ ਖੁਸ਼ੀ ਵਿੱਚ ਭੰਗੜਾ ਵੇਖਣ ਵਾਲਾ ਸੀ। ਕਾਵੈਂਟਰੀ ਦੇ ਮਨਜਿੰਦਰ ਸਰ੍ਹਾਂ ਦਾ ਜਵਾਬ ਨਹੀਂ। ਮੂੰਗਾ ਹਰਿਆਣਾ ਤੇ ਬਲਾਲ ਢਿੱਲੋਂ ਵਧੀਆ ਹਨ। ਪਰ ਦੀਪੇ ਮੋਲੀ ਨੂੰ ਪਤਾ ਸੀ ਇਹ ਮੈਚ ਜਿੱਤ ਨਹੀਂ ਹੋਣਾ।

ਜਦ ਵੀ ਸਲੋਹ ਵਿੱਚ ਜੱਫ਼ੇ ਤੇ ਕੋਡੀਆਂ ਪੈਣਗੀਆਂ,

ਜਸਕਰਣ ਸੰਧੂ ਦੀਆਂ ਯਾਦਾਂ ਆਉਦੀਆਂ ਰਹਿਣਗੀਆਂ,

ਉਹਨੂੰ ਚੇਤੇ ਕਰ ਕਰਕੇ ਅੱਖਾਂ ਗਿੱਲੀਆਂ ਰਹਿਣਗੀਆਂ।

ਪਹਿਲਾਂ ਸੈਮੀਫਾਇਨਲ ਮੈਚ ਖੇਡਣ ਲਈ ਸਲੋਹ ਅਤੇ ਸਵੈਨਜ਼ੀ ਦੀਆਂ ਟੀਮਾਂ ਗਰਾਊਂਡ ਵਿੱਚ ਪਹੁੰਚ ਗਈਆਂ। ਸਲੋਹ ਦੀ ਟੀਮ ਨਾਲ ਫ਼ੋਟੋ ਖਿਚਵਾਉਣ ਲਈ ਗੋਲਡੀ ਸੰਧੂ ਸਾਹਨੇਵਾਲ, ਸ਼ੀਰਾ ਸੰਮੀਪੁਰ, ਕੁਲਵੰਤ ਚੱਠਾ ਐਂਡ ਬ੍ਰਦਰਜ਼, ਸੁਲੱਖਣ ਸਿੰਘ ਖੈਹਰਾ, ਰੇਸ਼ਮ ਸਿੰਘ ਡੇਹਲ, ਕਮਲ ਕੂੰਨਰ ਰੁੜਕੀ ਵਾਲਾ, ਇੰਦਰਜੀਤ ਢਿੱਲੋਂ, ਬਿੰਦਰ ਨਵੇਂ ਪਿੰਡੀਆਂ, ਬਿੰਦਰ ਗੜ੍ਹੀਬਖਸ਼ਾ, ਪਾਲੀ ਗਿੱਡਾ, ਕਿੰਦਾ ਡੇਹਲ, ਅਮਰਜੀਤ ਲੱਡੂ ਟਰੱਕਾਂ ਵਾਲਾ, ਗੋਗੀ ਭੰਡਾਲ ਅਤੇ ਸਾਥੀਆਂ ਨੇ ਫ਼ੋਟੋ ਕਰਵਾਈ। ਚਰਨੀ ਸੂਜਾਪੁਰ, ਜੱਗਾ ਚੱਕਰ, ਜਸਵਿੰਦਰ ਚੱਕਰ, ਅਵਤਾਰ ਜੌਹਲ, ਗੋਪੀ, ਜੋਅ ਜੋਅ ਨੇ ਵੀ ਟੀਮ ਨਾਲ ਫ਼ੋਟੋ ਖਿਚਵਾਈ। ਇਸ ਮੈਚ ਵਿੱਚ ਸਿਰੇ ਦੀ ਟੱਕਰ ਹੋਈ ਸਵੈਨਜ਼ੀ ਵਲੋਂ ਕੁਲਵਿੰਦਰ ਜੰਗੀ, ਭਿੰਦੀ ਭਦੌੜ ਨੇ ਵਧੀਆ ਜੱਫ਼ੇ ਲਾਏ ਅੱਧੇ ਸਮੇਂ ਤੱਕ ਰੋਹਿਤ ਤੇ ਜੱਗੂ ਨੇ ਵੀ ਕਮਾਲ ਕੀਤੀ। ਚਿਸ਼ਤੀ ਵੀ ਨੱਚਦਾ ਸੀ। ਮਨੀ ਤੇ ਬਬਰਾ ਨੇ ਚਰਨੀ ਤੇ ਅਵਤਾਰ ਜੌਹਲ ਦੀ ਚੜ੍ਹਤ ਬਣਾਈ ਰੱਖੀ। ਅਮਨ ਖੀਰਾਂਵਾਲੀ, ਭਿੰਦੀ ਭਦੌੜ ਦੀ ਜਾਫ਼ ਲਾਈਨ ਨੇ ਸਲੋਹ ਨੂੰ ਹਰਨ ’ਤੇ ਮਜ਼ਬੂਰ ਕੀਤਾ। ਕੰੰਮਾ ਔਜਲਾ, ਗੁਰਮੀਤ ਰੰਧਾਵਾ, ਤਾਰੀ ਸਰਪੰਚ, ਚੰਨੀ ਸੁਲਤਾਨਪੁਰ, ਗੌਰਵ ਧਵਨ ਨੇ ਸਲੋਹ ਲਈ ਦੋ ਸੌ ਪੌਂਡ ਜੱਫ਼ੇ ਦੇ ਲਾਏ। ਫੇਰ ਵੀ ਪਹਿਲੀ ਵਾਰੀ ਸਵੈਨਜ਼ੀ (ਸਾਊਥ ਵੇਲਜ਼) ਦੀ ਟੀਮ ਫਾਈਨਲ ਵਿੱਚ ਪਹੁੰਚ ਗਈ।

‘‘ਮਿੱਤਰਾਂ ਦਾ ਨਾ ਚੱਲਦਾ,

ਜਿੱਥੋਂ ਮਰਜ਼ੀ ਵੰਗਾ ਚੜ੍ਹਾ ਲੲੀਂ।

ਉਹੀ ਗੱਲ ਹੋਈ ਬਾਰਕਿੰਗ ਗ੍ਰੇਵਜ਼ੈਂਡ, ਹੇਜ਼ ਨੂੰ ਹਰਾ ਕਿ ਫਾਈਨਲ ਵਿੱਚ ਪਹੁੰਚ ਗਏ। ਹੇਜ਼ ਦਾ ਸੁਪਨਾ ਅਧੂਰਾ ਰਹਿ ਗਿਆ।

ਫਾਈਨਲ ਮੈਚ ਗ੍ਰੇਵਜ਼ੈਂਡ+ਬਾਰਕਿੰਗ ਅਤੇ ਸਵੈਨਜ਼ੀ ਦੀਆਂ ਟੀਮਾਂ ਵਿਚਕਾਰ ਹੋਇਆ। ਚਰਨੀ ਸੂਜਾਪੁਰ, ਅਵਤਾਰ ਜੌਹਲ, ਜਸਵਿੰਦਰ ਚੱਕਰ, ਜੱਗਾ ਚੱਕਰ। ਇਹ ਫਾਈਨਲ ਮੈਚ ਜਿੱਤ ਨਾ ਸਕੇ। ਹਨੇਰਾ ਹੋ ਗਿਆ ਸੀ। ਸਲੋਹ ਦਾ ਕੱਪ ਗ੍ਰੇਵਜ਼ੈਂਡ+ਬਾਰਕਿੰਗ ਦੀ ਟੀਮ ਨੇ ਸਵੈਨਜ਼ੀ ਨੂੰ ਹਰਾ ਕੇ ਜਿੱਤ ਲਿਆ। ਚਰਨੀ ਸੂਜਾਪੁਰ, ਅਵਤਾਰ ਜੌਹਲ ਨੇ ਸੀਜ਼ਨ ਦਾ ਪਹਿਲਾਂ ਰਨਰ ਕੱਪ ਜਿੱਤ ਕੇ ਖੁਸ਼ੀ ਮਨਾਈ। ਗ੍ਰੇਵਜ਼ੈਂਡ+ਬਾਰਕਿੰਗ ਦਾ ਕੱਪ ਜਿਹਨਾਂ ਨੇ ਪ੍ਰਾਪਤ ਕੀਤਾ ਉਹ ਸਨ ਸੁਖਵੀਰ ਬਾਸੀ, ਸੱਤਾ ਮਠੁੱਡਾ, ਰਾਣਾ ਪੱਡਾ, ਕੁਲਵਿੰਦਰ ਸਹੋਤਾ, ਕਮਲ ਬਾਸੀ, ਪਾਲਾ ਸਹੋਤਾ, ਅਜਮੇਰ ਮੇਲਾ, ਪਿੰਦਾ ਭਰੋਲੀ, ਪਾਲਾ ਸਹੋਤਾ, ਦਵਿੰਦਰ ਸਿੰਘ ਪਤਾਰਾ, ਗੁਰਮੀਤ ਅਟਕੜ, ਲਹਿੰਬਰ ਸਿੰਘ ਲੱਧੜ ਅਤੇ ਹੋਰ ਪ੍ਰਬੰਧਕਾਂ ਨੇ ਪ੍ਰਾਪਤ ਕੀਤਾ।

ਅਖ਼ੀਰ ਵਿੱਚ ਆਖ ਸਕਦੇ ਹਾਂ ਕਿ ਪ੍ਰਬੰਧ ਬਹੁਤ ਹੀ ਵਧੀਆ ਸੀ। ਗੋਲਡੀ ਸੰਧੂ, ਕੁਲਵੰਤ ਚੱਠਾ, ਸ਼ੀਰਾ ਅਟਵਾਲ ਸੰਮੀਪੁਰ, ਸੁਲੱਖਣ ਖੈਹਰਾ, ਰੇਸ਼ਮ ਸਿੰਘ ਡੇਹਲ, ਕਮਲ ਕੂੰਨਰ ਰੁੜਕੀ, ਬਿੰਦਰ ਨਵਾਂ ਪਿੰਡ, ਬਿੰਦਰ ਗੜ੍ਹੀਬਖ਼ਸ਼ਾ, ਪ੍ਰਮਿੰਦਰ ਗਿੱਲ, ਹਰਜਿੰਦਰ ਸਿੰਘ ਢੰਢਵਾੜ, ਇੰਦਰਜੀਤ ਸਿੰਘ ਢਿੱਲੋਂ, ਬਿੰਦਰ ਸਿੰਘ ਬਾਠ, ਪਾਲੀ ਗਿੱਡਾ, ਗੋਗੀ ਭੰਡਾਲ, ਜਸਵਿੰਦਰ ਰੱਖੜਾ, ਸਤਿੰਦਰ ਸਿੰਘ ਬੋਲਾ, ਜਸਵੰਤ ਢਿੱਲੋਂ, ਦੇਵ ਢਿੱਲੋਂ, ਤਜਿੰਦਰ ਸਿੰਘ ਉੱਪਲ, ਦਰਸ਼ਨ ਸਿੰਘ ਢਿੱਲੋਂ, ਜਾਵੇਦ, ਕਿੰਦਾ ਡੇਹਲ, ਰਾਜਨ ਸਿੰਘ ਔਲਖ, ਗੋਪੀ ਹੁਸ਼ਿਆਰਪੁਰ, ਗੋਰਾ ਸਾਧਪੁਰ, ਹਰਵੰਤ ਮੱਲ੍ਹੀ, ਟੀ ਜਿੰਦਰ, ਰਣਜੀਤ ਰੂਫਰ, ਅਮਰਜੀਤ ਔਜਲਾ, ਲੱਡੂ ਟਰੱਕਾਂ ਵਾਲਾ ਅਤੇ ਬਾਕੀ ਸਾਥੀ ਅਤੇ ਬਿਜ਼ਨਿਸ ਮੈਨ ਅਤੇ ਸਲੋਹ ਨਿਵਾਸੀ ਸਾਰੇ ਹੀ ਵਧਾਈ ਦੇ ਹੱਕਦਾਰ ਹਨ। ਸਾਰਾ ਦਿਨ ਗੁਰੂ ਦਾ ਲੰਗਰ ਚੱਲਦਾ ਰਿਹਾ। ਪ੍ਰਬੰਧ ਧੜੱਲੇਦਾਰ ਸੀ।

ਇਸ ਮੇਲੇ ਵਿੱਚ ਪ੍ਰਸਿੱਧ ਕਬੱਡੀ ਕੁਮਟੈਂਟਰ ਭਿੰਦਾ ਮੁਠੱਡਾ ਦਾ ਰਮਨ ਭੈਣੀ, ਬਿੱਲਾ ਗਿੱਲ, ਬਲਜੀਤ ਮੱਲ੍ਹੀ, ਪ੍ਰਤਾਪ ਸੀ.ਪੀ.ਐੱਸ ਵਲੋਂ 1100 ਪੌਂਡ ਨਾਲ ਵਿਸ਼ੇਸ਼ ਮਾਣ ਕੀਤਾ ਗਿਆ। ਸਤਰਾਂ ਦੇ ਲੇਖਕ ਦਾ ਵੀ ਰਮਨ ਭੈਣੀ ਅਤੇ ਬਿੱਲੇ ਗਿੱਲ ਵਲੋਂ ਸਨਮਾਨ ਕੀਤਾ ਗਿਆ। ਟੀ ਜਿੰਦਰ, ਰਣਜੀਤ ਰੂਫਰ, ਹਰਵੰਤ ਮੱਲ੍ਹੀ, ਸੋਨੂ ਥਿੰਦ, ਪ੍ਰਗਟ ਛੀਨਾ ਦੇ ਸਾਥੀਆਂ ਵਲੋਂ ਪ੍ਰਸਿੱਧ ਕਬੱਡੀ ਬੁਲਾਰੇ ਭਿੰਦੇ ਮੁਠੱਡਾ ਦਾ 3100 ਪੌਂਡ ਨਾਲ ਮਾਣ ਸਨਮਾਨ ਕੀਤਾ ਗਿਆ। ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ ਦਾ ਰਮਨ ਭੈਣੀ, ਬਲਜੀਤ ਮੱਲ੍ਹੀ, ਬਿੱਲਾ ਗਿੱਲ ਦੀਨੇਵਾਲ, ਪ੍ਰਤਾਪ ਸੀ.ਪੀ.ਐਮ ਅਤੇ ਸਾਥੀਆਂ ਵਲੋਂ ਵਿਸ਼ੇਸ਼ ਮਾਣ ਸਨਮਾਨ ਕੀਤਾ ਗਿਆ। ਬਿੱਲਾ ਗਿੱਲ ਦੀਨੇਵਾਲ, ਰਮਨ ਭੈਣੀ, ਸੈਮ ਰੀਸਾਈਕਲਿੰਗ, ਤਰਲੋਚਨ ਸਿੰਘ ਸੇਵ ਟਾਈਮ ਅਤੇ ਸਾਥੀਆਂ ਵਲੋਂ ਸਾਬਕਾ ਕਬੱਡੀ ਖਿਡਾਰੀ ਸੱਤਾ ਮੀਆਂਵਿੰਡ, ਬਲਕਾਰ ਸ਼ਿਕਾਰਮਾਛੀਆਂ, ਦੀਪ ਸ਼ਿਕਾਰਮਾਛੀਆਂ, ਜਸਪਾਲ ਭੈਣੀ, ਕਾਹਲਵਾਂ ਵਾਲਾ ਭਲਵਾਨ, ਰਾਣਾ ਢੰਡ ਸਮੇਤ ਮਾਝੇ ਦੇ ਖਿਡਾਰੀਆਂ ਨੂੰ ਸੱਤ ਲੱਖ ਰੁਪਏ ਨਾਲ ਸਨਮਾਨ ਕੀਤਾ ਗਿਆ। ਰਾਜਾ ਸੰਘੇੜਾ, ਕਮਲ ਜੋਸਨ, ਜੋਬਲ ਜੋਸਨ, ਪਾਲੀ ਚੱਠਾ, ਨਛੱਤਰ ਥਿਆੜਾ ਨੇ ਪ੍ਰਬੰਧ ਦੀ ਸ਼ਲਾਘਾ ਕੀਤੀ। ਲੋਕਲ ਐਮ.ਪੀ ਸਿੰਘ ਸਰਦਾਰ ਤਨਮਨਜੀਤ ਸਿੰਘ ਢੇਸੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਸੁਰਿੰਦਰ ਸਿੰਘ ਮਾਣਕ, ਨੇਕਾ ਮੈਰੀਪੁਰ, ਕੰਮਾ ਔਜਲਾ, ਬੁਲੱਟ, ਜਸਕਰਣ ਜੌਹਲ, ਰਮਨ ਭੈਣੀ, ਸੁਖਵੀਰ ਬਾਸੀ, ਬਲਜਿੰਦਰ ਭਿੰਡਰ, ਪ੍ਰਤਾਪ ਸੀ.ਪੀ.ਐਮ, ਗੁਰਮੀਤ ਰੰਧਾਵਾ, ਬਿੱਲਾ ਗਿੱਲ, ਰਾਜਾ ਸੰਘੇੜਾ, ਜਸਪਾਲ ਥਿੰਦ, ਬਲਜਿੰਦਰ ਜੈਨਪੁਰੀ ਨੇ ਪ੍ਰਬੰਧ ਦੀ ਬਹੁਤ ਤਾਰੀਫ਼ ਕੀਤੀ। ਭਿੰਦੇ ਮੁਠੱਡੇ ਦੀ ਕੁਮੈਂਟਰੀ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ।

ਹੇਜ਼ ਵਿਖੇ ਸਾਊਥਾਲ+ਈਰਥ ਵੂਲਿਚ ਨੇ ਕੱਪ ਜਿੱਤਕੇ ਭੰਗੜੇ ਪਾਏ, ਸਲੋਹ ਕਲੱਬ ਨੇ ਦੂਜੇ ਨੰਬਰ ਦਾ ਇਨਾਮ ਜਿੱਤਿਆ

ਹੇਜ਼ ਅਤੇ ਸਾਊਥਾਲ ਈਰਥ ਵੂਲਿਚ ਵਿਚਕਾਰ ਖੜਕਾ ਦੜਕਾ ਹੋਇਆ

ਹੇਜ਼ – ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਨੇ ਨਸ਼ਾ ਰਹਿਤ ਕਬੱਡੀ ਕਰਵਾ ਕੇ ਪੂਰੀ ਦੁਨੀਆਂ ਵਿੱਚ ਬੱਲੇ-ਬੱਲੇ ਕਰਵਾ ਦਿੱਤੀ ਹੈ। ਅੱਜ ਤੋਂ ਸੱਤ ਅੱਠ ਸਾਲ ਪਹਿਲਾਂ ਵੀ ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਨੇ ਅਜਿਹਾ ਹੀ ਕੀਤਾ ਸੀ। ਜੇਕਰ ਰਲਕੇ ਸਾਰੇ ਕੰਮ ਕਰਦੇ ਤਾਂ ਨਸ਼ਿਆਂ ਨੂੰ ਠੱਲ ਪੈ ਸਕਦੀ ਹੈ। ਖਿਡਾਰੀਆਂ ਨੂੰ ਖੁਦ ਵੀ ਆਪਣੇ ਬਾਰੇ ਸੋਚਣਾ ਚਾਹੀਦਾ ਹੈ। ਭਾਵੇਂ ਪੰਜੇ ਉਗਲਾਂ ਇਕੋ ਜਿਹੀਆਂ ਨਹੀਂ ਹਨ ਪਰ ਕਿਤੇ ਤਾਂ ਗੜਬੜ ਹੈ। ਇਸੇ ਲਈ ਤਾਂ ਖੇਡ ਕਮੇਟੀਆਂ ਫ਼ਿਕਰਮੰਦ ਹਨ ਕਿ ਖਿਡਾਰੀ ਨਸ਼ਿਆਂ ਦੀ ਵਰਤੋਂ ਨਾ ਕਰਨ, ਸਗੋਂ ਸਾਫ਼ ਸੁਥਰੀ ਨਿਰੋਲ ਖੇਡ ਵਿਖਾ ਕੇ ਪੈਸੇ ਕਮਾਉਣ ਅਤੇ ਆਪਣਾ ਤੇ ਆਪਣੇ ਮਾਪਿਆਂ ਦਾ ਨਾਂ ਰੋਸ਼ਨ ਕਰਨ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਇਸ ਉਦਮ ਲਈ ਵਧਾਈ ਦੀ ਪਾਤਰ ਹੈ।

ਜਿੱਥੇ ਹੇਜ਼ ਦੀ ਟੀਮ ਨੇ ਬੜੀਆਂ ਮੱਲ੍ਹਾਂ ਮਾਰੀਆਂ ਹਨ। ਉਥੇ ਹੇਜ਼ ਵਲੋਂ ਇਸ ਹਫ਼ਤੇ ਕਰਵਾਏ ਗਏ ਕਬੱਡੀ ਟੂਰਨਾਮੈਂਟ ਨੇ ਬੱਲੇ-ਬੱਲੇ ਕਰਵਾ ਦਿੱਤੀ। ਪਹਿਲੀ ਗਰਾਊਂਡ ਕੈਂਸਲ ਹੋ ਗਈ ਸੀ। ਦੂਸਰੀ ਗਰਾਊਂਡ ਵਿੱਚ ਮੈਚ ਕਰਵਾਏ ਗਏ। ਪਰ ਪਹਿਲੀ ਗਰਾਊਂਡ ਦੀ ਵੀ ਮਨਜ਼ੂਰੀ ਮਿਲ ਗਈ ਸੀ। ਮੈਂ ਖੁਦ ਸਿੱਧਾ ਡੁਬਈ ਤੋਂ ਖੇਡ ਗਰਾਊਂਡ ਵਿੱਚ ਪਹੁੰਚਿਆ। ਪ੍ਰਬੰਧ ਵੇਖਕੇ ਦਿਲ ਖੁਸ਼ ਹੋ ਗਿਆ। ਮਨਪ੍ਰੀਤ ਬੱਧਨੀ ਨੇ ਦੱਸਿਆ ਕਿ ਮੈਂ ਕੱਲ੍ਹ ਵੀ ਸ਼ਾਮ ਨੂੰ ਗਰਾਊਂਡ ਵਿੱਚ ਆਇਆ ਸੀ। ਪ੍ਰਬੰਧਕਾਂ ਨੇ ਬੜੀ ਮਿਹਨਤ ਕਰਕੇ ਗਰਾਊਂਡ ਨੂੰ ਸ਼ਿੰਗਾਰਿਆ। ਖਾਲਸਾ ਸਕੈਫੋਲਡਿੰਗ ਵਾਲਿਆਂ ਨੇ ਸਟੇਜ ਦੇ ਵੱਟ ਕੱਢ ਦਿੱਤੇ। ਰਮਨ ਭੈਣੀ ਭਾਵ ਸੈਮ ਰੀਸਾਇਕਲਿੰਗ ਦਾ ਬੈਨਰ ਵੀ ਚਮਕਾ ਮਾਰਦਾ ਦੂਰੋਂ ਵਿਖਾਈ ਦਿੰਦਾ ਸੀ।

ਟੂਰਨਾਮੈਂਟ ਦੀ ਕਾਮਯਾਬੀ ਲਈ ਸਾਰਿਆਂ ਨੇ ਰਲਕੇ ਵਾਹਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਕੀਤੀ ਤੇ ਇਹ ਅਰਦਾਸ ਪੂਰੀ ਵੀ ਹੋਈ। ਅਰਦਾਸ ਤੋਂ ਬਾਅਦ ਕਬੱਡੀ ਟੂਰਨਾਮੈਂਟ ਦਾ ਉਦਘਾਟਨ ਕੀਤਾ ਗਿਆ। ਇਹ ਉਦਘਾਟਨ ਹੰਸਲੋਂ ਦੇ ਮੇਅਰ ਰਘਵਿੰਦਰ ਸਿੰਘ ਸਿੱਧੂ ਅਤੇ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਦੇ ਪ੍ਰਧਾਨ ਸ. ਗੁਰਮੇਲ ਸਿੰਘ ਮੱਲ੍ਹੀ ਨੇ ਕੀਤਾ। ਉਸ ਸਮੇਂ ਹੇਜ਼ ਕਬੱਡੀ ਕਲੱਬ ਦੇ ਪ੍ਰਧਾਨ ਬਲਜਿੰਦਰ ਭਿੰਡਰ, ਬਬਲੀ ਚੜਿੱਕ, ਬਿੰਦਰ ਸਿੱਧੂ, ਬਾਜਾ ਮੱਲਣ, ਬਲਜੀਤ ਮੱਲ੍ਹੀ, ਰਘਵੀਰ ਸਿੱਧੂ ਅਤੇ ਹੋਰ ਬਹੁਤ ਸਾਰੇ ਪਤਵੰਤੇ ਸੱਜਣ ਸ਼ਾਮਿਲ ਸਨ।

ਹੇਜ਼ ਕਬੱਡੀ ਟੂਰਨਾਮੈਂਟ ਦਾ ਪਹਿਲਾਂ ਮੈਚ ਪਿਛਲੇ ਹਫ਼ਤੇ ਦੀ ਜੇਤੂ ਟੀਮ ਰੈਂਡਿੰਗ ਡੋਰਨੀ ਈਰਥ ਅਤੇ ਲੈਸਟਰ+ਲਮਿੰਗਟਨ ਟੀਮ ਵਿਚਕਾਰ ਤਕਰੀਬਨ 12 ਕੁ ਵਜੇ ਸ਼ੁਰੂ ਹੋਇਆ। ਲੈਸਟਰ ਵਲੋਂ ਸੰਦੀਪ ਬਦੇਸ਼ਾ, ਮਾਲਾ ਗੋਬਿੰਦਪੁਰ, ਰਛਪਾਲ ਭੈਣੀ, ਜੱਗੀ ਮੋਲੀ ਰੇਡਰ ਸਨ। ਜੋ ਚੜ੍ਹ ਚੜ੍ਹ ਰੇਡਾਂ ਪਾ ਰਹੇ ਸਨ। ਰਣਜੀਤ ਢੰਡੇ ਦਾ ਰੇਡਰ ਕਲੀਮ ਉਲਾ ਜੱਟ ਤੇ ਬੁੱਲਟ ਵੀ ਹੱਥ ਨਹੀਂ ਸੀ ਆਉਦੇ ਤੇ ਇਸ ਮੈਚ ਤੱਕ ਰੋਣਕ ਭਾਵੇਂ ਘੱਟ ਸੀ। ਗਿੰਨੀ ਤੇ ਮਨਰਾਜ ਦੇ ਜੱਫਿਆਂ ਨੇ ਟੀਮ ਨੂੰ 6 ਅੰਕਾਂ ਦੇ ਫ਼ਰਕ ਨਾਲ ਜਿੱਤਾ ਦਿੱਤਾ। ਹਿੰਮਤ ਢੰਡਾ, ਰਣਜੀਤ ਢੰਡਾ, ਰਾਜਨ ਮਾਹਲ ਪੂਰੇ ਖੁਸ਼ ਸਨ। ਲੈਸਟਰ ਦੀ ਟੀਮ ਗੁਰਦੀਪ ਸਿੰਘ ਨੇ ਖਿਡਾਈ। ਭਲਵਾਨ ਬੀੜ ਬੰਸੀਆਂ ਦੀ ਬੇਟੀ ਦਾ 21ਵਾਂ ਜਨਮਦਿਨ ਹੋਣ ਕਰਕੇ ਕੁਲਵੰਤ ਸੰਘਾ, ਪਿਆਰਾ ਰੰਧਾਵਾ ਅਤੇ ਲੱਡੂ ਨੇ ਫੂਨ ਕਰਕੇ ਨਾ ਪਹੁੰਚਣ ਦੀ ਮਾਫ਼ੀ ਲੈ ਲਈ ਸੀ।

ਦੂਸਰਾ ਮੈਚ ਟੈਲਫੋਰਡ ਅਤੇ ਸਾਊਥਾਲ+ਈਰਥ ਵੂਲਿਚ ਵਿਚਕਾਰ ਕੋਈ ਖਾਸ ਖੜਕਿਆ ਨਹੀਂ। ਕਿਉਕਿ ਸਾਊਥਾਲ ਕਈ ਜੇਤੂ ਕੱਪ ਜਿੱਤ ਚੁੱਕੀ ਹੈ। ਟੈਲਫੋਰਡ ਦਾ ਗੋਰਾ ਜੁਗਰਾਜ, ਗੱਗੂ ਦੋਦਰ, ਹਰਪਾਲ ਆਪਣੀ ਖੇਡ ਦਾ ਸਬੂਤ ਦੇ ਗਏ। ਸਾਊਥਾਲ ਕਬੱਡੀ ਕਲੱਬ ਦੇ ਪ੍ਰਧਾਨ ਪੰਮੀ ਰੰਧਾਵਾ, ਸੁਰਿੰਦਰ ਮਾਣਕ, ਜਸਕਰਣ ਜੌਹਲ, ਕੰਮਾ, ਬੁੱਲਟ ਆਸਾਨੀ ਨਾਲ ਮੈਚ ਜਿੱਤ ਗਏ ਸਨ।

ਸਲੋਹ ਅਤੇ ਗ੍ਰੇਵਜ਼ੈਂਡ ਬਾਰਕਿੰਗ ਕਲੱਬ ਨੇ ਚੁਣ-ਚੁਣ ਕੇ ਖਿਡਾਰੀ ਲਿਆਂਦੇ ਸਨ। ਦੋਵੇਂ ਕਲੱਬਾਂ ਦੇ ਪ੍ਰਬੰਧਕਾਂ ਦਾ ਤਜ਼ਰਬਾ ਵੀ ਬੜਾ ਕਮਾਲ ਦਾ ਹੈ। ਰੇਸ਼ਮ ਜਾਮਾਰਾਏ, ਕਮਲ ਮਾਦੋਪੁਰ, ਸ਼ਰਮਾ ਬੜਾ ਪਿੰਡ, ਕਾਲਾ ਧੂਰਕੋਟ ਚਾਰ ਕਮਾਲ ਦੇ ਰੇਡਰ ਸਨ ਪਰ ਮੈਚ ਦੇ ਸ਼ੁਰੂ ਵਿੱਚ ਵੀ ਹੀ ਸਾਉਦੋਦ ਵਾਲੇ ਭਾਊ ਨੇ ਸਫੀਕ ਚਿਸ਼ਤੀ ਨੂੰ ਡੱਕ ਕੇ ਆਪਣਾ ਲੋਹਾ ਮੰਨਵਾ ਲਿਆ। ਮਨੀ ਧਨੋਰੀ ਕਮਲ ਮਾਦੋਪੁਰ ਨੂੰ ਰੋਕ ਗਿਆ। ਗੁਲਜ਼ਾਰੀ ਸੁੰਨੜ ਨੂੰ ਮੋਹਿਤ ਨੂੰ 30 ਸੈਕਿੰਡ ਤੋਂ ਵੱਧ ਘਰ ਬਿਠਾਈ ਰੱਖਿਆ। ਇਸ ਮੈਚ ਵਿੱਚ ਰੋਹਿਤ ਪੋਲੀ ਅਤੇ ਭਿੰਦੇ ਮੂਲੇ ਖੈਹਰਾ ਅਤੇ ਮਨਜੋਤ, ਚਿਸ਼ਤੀ ਨੇ ਡਿੱਗਦੀ ਟੀਮ ਨੂੰ ਸਮੇਂ ਸਿਰ ਸੰਭਾਲ ਲਿਆ। ਲੱਗਦਾ ਤਾਂ ਅੱਧੇ ਸਮੇਂ ਇਸ ਤਰ੍ਹਾਂ ਕੇ ਸੱਤਾ ਮੁਠੱਡਿਆ ਵਾਲਾ ਬਾਜੀ ਮਾਰ ਜਾਵੇਗਾ। ਪਰ ਗੋਲਡੀ ਸੰਧੂ, ਕੁਲਵੰਤ ਚੱਠਾ, ਸ਼ੀਰਾ ਸੰਮੀਪੁਰ ਨੇ ਪਤਾ ਨਹੀਂ ਕੀ ਆਖਿਆ ਮੈਚ ਦਾ ਰੁੱਖ ਹੀ ਬਦਲ ਗਿਆ। ਪਤਾ ਬਾਅਦ ਵਿੱਚ ਲੱਗਾ ਕੇ ਰੇਸ਼ਮ ਸਿੰਘ ਡੇਹਲ ਨੇ ਜਦੋਂ ਮੁੱਛ ਨੂੰ ਮਰੋੜਾ ਦੇ ਕੇ ਟੀਮ ਵੱਲ ਵੇਖਿਆ ਤਾਂ ਟੀਮ ਨੰਬਰ ਤੇ ਨੰਬਰ ਜੋੜਨ ਲੱਗੀ। ਬੱਸ ਸਲੋਹ ਵਾਲੇ ਫਾਸਟ ਹੋ ਗਏ। ਫੈਸਲਾ ਰੇਸ਼ਮ ਸਿੰਘ ਡੇਹਲ ਦੇ ਹੱਕ ਵਿੱਚ ਜਤਿੰਦਰ ਬਿਲਗੇ ਨੇ ਸੁਣਾ ਦਿੱਤਾ। ਕਾਵੈਂਟਰੀ+ਬ੍ਰਮਿੰਘਮ ਅਤੇ ਯੂ.ਕੇ ਬੁਆਏਜ਼ ਵਿੱਚ ਜ਼ਬਰਦਸਤ ਟੱਕਰ ਨਹੀਂ ਹੋਈ। ਰੂਪਾ ਮੂਹੇਮਾ, ਕਰਣ ਪਾਸਲਾ ਧਰਮ ਨਾਲ ਸੋਹਣੇ ਰੇਡਰ ਹਨ। ਪਰ ਘੋਨਾ, ਜੱਗੀ, ਪ੍ਰੀਤ ਜ਼ਿਆਦਾ ਅੱਥਰੇ ਜਾਫ਼ੀ ਸਨ। ਮੰਗਾ ਮਿੱਠਾਪੁਰ ਯੂ.ਕੇ ਬੁਆਏਜ਼ ਨੂੰ ਪੂਰੀ ਹੱਲਾਸ਼ੇਰੀ ਅਤੇ ਸਪੋਰਟ ਕਰ ਰਿਹਾ ਸੀ। ਪਰ ਮਨਜਿੰਦਰ ਸਰ੍ਹਾਂ ਦਾ ਆਪਣਾ ਵੱਖਰਾ ਹੀ ਤਜ਼ਰਬਾ ਹੈ। ਇੱਖ ਲੱਖ ਰੁਪਏ ਨਾਲ ਮਨਜਿੰਦਰ ਸਰ੍ਹਾਂ ਦਾ ਮਾਣ ਸਨਮਾਨ ਕੀਤਾ ਗਿਆ।

ਚਰਨੀ ਸੂਜਾਪੁਰ, ਗੋਪੀ, ਅਵਤਾਰ ਜੋਹਲ, ਅਵਤਾਰ ਸੂਜਾਪੁਰ, ਮੈਚ ਖ਼ਤਮ ਹੁੰਦੇ ਸਾਰ ਹੀ ਟੀਮ ਲੈ ਕੇ ਪਹੁੰਚ ਗਏ। ਰਣਜੀਤ ਢੰਡਾ, ਆਪਣੇ ਪ੍ਰਮੋਟਰਾਂ ਨੂੰ ਵਾਜਾ ਮਾਰ ਮਾਰ ਕੇ ਫੋਟੋ ਨੂੰ ਕਹਿ ਰਿਹਾ ਸੀ। ਸਵੈਂਸੀ+ਕਾਰਡਿਫ ਦੀ ਟੀਮ ਵਿੱਚ ਬਬਰਾ, ਸਿਮਰਨ ਸੰਧਵਾਂ ਸਿੰਘ ਸਰਦਾਰਾਂ ਦੀ ਟੀਮ ਦੀ ਵੱਖਰੀ ਟੋਹਰ ਲੱਗਦੀ ਸੀ। ਪਰ ਜਦੋਂ ਬਬਰਾ ਠੀਕਰੀਵਾਲਾ ਰੇਡ ਕਰਦਾ ਤਾਂ ਵੇਖਣ ਵਾਲੇ ਨੂੰ ਸੁਆਦ ਹੀ ਆ ਜਾਂਦਾ ਹੈ। ਉਹ ਵੱਖਰੀ ਗੱਲ ਹੈ ਕਿਤੇ ਜੱਫਾ ਖਾ ਜਾਂਦਾ ਹੈ। ਜੱਫ਼ਿਆਂ ਤੋਂ ਬਿਨਾ ਕਬੱਡੀ ਵੀ ਕਾਹਦੀ ਹੈ। ਸੁਪਰ ਸਟਾਰ ਬੁੱਲਟ ਖੀਰਾਂਵਾਲੀ ਨੂੰ ਰੋਕਣਾ ਆਮ ਖਿਡਾਰੀ ਦੇ ਵੱਸ ਦਾ ਰੋਗ ਨਹੀਂ। ਜੱਗੋ ਤੇਰਵੀਂ ਗੱਲ ਤਾਂ ਉਦੋਂ ਹੋਈ ਜਦੋਂ ਇਕੋ ਪਿੰਡ ਦੇ ਗੱਭਰੂ ਅਮਨ ਖੀਰਾਂਵਾਲੀ ਨੇ ਬੁੱਲਟ ਖੀਰਾਂਵਾਲੀ ਨੂੰ ਹਿੱਕ ਦੇ ਜ਼ੋਰ ਨਾਲ ਡੱਕਿਆ ਤਾਂ ਚਰਨੀ ਸੂਜਾਪੁਰ ਅਤੇ ਅਵਤਾਰ ਜੋਹਲ ਨੇ ਪੰਜਾਹ ਪੌਂਡ ਦੇ ਕੇ ਮੁੰਡੇ ਦਾ ਹੌਸਲਾ ਬੁਲੰਦ ਕਰ ਦਿੱਤਾ। ਕਲੀਮ ਉਲਾ ਜੱਟ ਦੀ ਖੇਡ ਦਾ ਕੋਈ ਜਵਾਬ ਨਹੀਂ। ਗਿੰਨੀ ਤੇ ਲਵਲੀ ਨੇ ਐਸੇ ਡੱਕ ਲਾਏ ਕੇ ਰੈਡਿੰਗ ਡੋਰਨੀ ਈਰਥ ਵੈਲਵੀਡੀਅਰ ਮੈਚ ਜਿੱਤ ਗਈ। ਚਰਨੀ ਸੂਜਾਪੁਰ ਆਪ ਤਕੜਾ ਖਿਡਾਰੀ ਸੀ। ਬਲਕਾਰੇ ਸ਼ਿਕਾਰ ਮਾਛੀਆ ਦੇ ਸੱਟ ਲੱਗਣ ਕਰਕੇ ਵੀ ਟੀਮ ਕਮਜ਼ੋਰ ਹੋ ਗਈ।

ਹੇਜ਼ ਅਤੇ ਸਾਊਥਾਲ ਦੀ ਆਪਸ ਵਿੱਚ ਏਨੀ ਖੜਕੀ ਕੇ ਕਿਸੇ ਨੇ ਆ ਕੇ ਵੀ ਛੁਡਾਇਆ ਨਹੀਂ ਸਗੋਂ ਤਾੜੀਆਂ ਮਾਰ ਮਾਰ ਕੇ ਨਜ਼ਾਰੇ ਲੁੱਟਦੇ ਰਹੇ। ਕਿਉਕਿ ਪਿਛਲੇ ਮੇਲੇ ਭਾਵ ਸਾਊਥਾਲ ਦੇ ਟੂਰਨਾਮੈਂਟ ’ਤੇ ਵੀ ਇਵੇਂ ਹੀ ਹੋਇਆ ਸੀ। ਦੋਵੇਂ ਟੀਮਾਂ ਇਸ ਤਰ੍ਹਾਂ ਭਿੜੀਆ ਸੀ ਜਿਵੇਂ ਪਾਕਿਸਤਾਨ ਅਤੇ ਇੰਡੀਆ ਦਾ ਮੈਚ ਸੰਡੇ ਚੱਲ ਰਿਹਾ ਸੀ। ਬਬਲੀ ਚੜਿੱਕ, ਬਲਜਿੰਦਰ ਭਿੰਡਰ, ਸ਼ੀਪਾ ਚੱਕਰ, ਪ੍ਰਤਾਪ ਸੀ.ਪੀ.ਐਮ., ਬਲਜੀਤ ਮੱਲ੍ਹੀ, ਰਘਬੀਰ ਸਿੱਧੂ, ਸੋਨੀ ਬਿਲਗਾ, ਰਮਨ ਭੈਣੀ ਵਾਲਾ, ਕੱਥੂ ਪੱਤੋ ਟੀਮ ਨਾਲ ਫੋਟੋ ਖਿਚਵਾ ਕੇ ਟੀਮ ਨੂੰ ਹੱਲਾਸ਼ੇਰੀ ਦੇ ਰਹੇ ਸਨ। ਸਾਊਥਾਲ ਕਬੱਡੀ ਕਲੱਬ ਦੇ ਪ੍ਰਧਾਨ ਪਰਮਜੀਤ ਸਿੰਘ ਪੰਮੀ ਰੰਧਾਵਾ, ਜਸਕਰਣ ਜੌਹਲ, ਕੰਮਾ ਔਜਲਾ, ਬਲਦੇਵ ਔਜਲਾ (ਬੁੱਲਟ), ਗੁਰਮੀਤ ਰੰਧਾਵਾ ਸਕੈਫੋਲਡਿੰਗ, ਟੀ ਜਿੰਦਰ, ਹਰਵੰਤ ਮੱਲ੍ਹੀ, ਸੋਨੂ ਥਿੰਦ, ਰਣਜੀਤ ਰੂਫਰ ਅਤੇ ਸਾਥੀਆਂ ਨੇ ਟੀਮ ਨਾਲ ਫ਼ੋਟੋ ਖਿਚਵਾਈ। ਦੋਵੇਂ ਟੀਮਾਂ ਇਹ ਮੈਚ ਜਿੱਤਣਾ ਚਾਹੁੰਦੀਆਂ ਸਨ। ਮੈਚ ਦੇ ਸ਼ੁਰੂ ਵਿੱਚ ਪੰਜਾਹ ਪੌਂਡ ਦੇ ਜੱਫੇ ਤੋਂ ਸ਼ੁਰੂ ਹੋਈ ਗੱਲ 3500 ਪੌਂਡ ਤੱਕ ਪਹੁੰਚ ਗਈ। ਲਾਲਾ ਬਿਲਗਾ, ਧਿਆਨਾ, ਸੁਰਿੰਦਰ ਮਾਣਕ, ਜ਼ੈਲਾ ਹੁਸ਼ਿਆਰਪੁਰ ਨਜ਼ਾਰਾ ਵੇਖ ਰਹੇ ਸਨ। ਪ੍ਰਤਾਪ ਸੀ.ਪੀ.ਐਮ., ਬਿੱਲਾ ਗਿੱਲ, ਸੈਮ ਭੈਣੀ, ਜਸਪਾਲ ਥਿੰਦ, ਬਲਜਿੰਦਰ ਜੈਨਪੁਰੀ ਦੀ ਵੀ 3500 ਤੱਕ ਗੱਲ ਪਹੁੰਚ ਗਈ। ਪਿੰਦੂ ਸੀਚੇਵਾਲ ਨੇ 3500 ਦਾ ਜੱਫਾ ਲਾ ਕੇ ਸਾਊਥਾਲ+ਈਰਥ ਵੂਲਿਚ ਦੇ ਹੌਸਲੇ ਬੁਲੰਦ ਕਰ ਦਿੱਤੇ। ਪੰਮੀ ਰੰਧਾਵਾ, ਬੁੱਲਟ, ਕੰਮਾ ਔਜਲਾ, ਜਸਕਰਣ ਜੌਹਲ, ਪਾਲਾ ਬਾਜਵਾ, ਟੀ ਜਿੰਦਰ, ਰਣਜੀਤ ਵੜੈਚ ਨੇ ਖੁਸ਼ੀ ਵਿੱਚ ਭੰਗੜੇ ਪਾਏ। ਹੇਜ਼ ਵਲੋਂ ਵੀ ਜੱਫਾ ਲੱਗ ਗਿਆ। ਦੋਵੇਂ ਟੀਮਾਂ ਦੇ ਪ੍ਰਬੰਧਕਾਂ ਨੇ ਗਰਾਊਂਡ ਵਿੱਚ ਹੀ ਨਗਦ ਇਨਾਮ ਦਿੱਤੇ। ਸਾਊਥਾਲ ਈਰਥ ਵੂਲਿਚ ਅੱਧੇ ਸਮੇਂ ਤੱਕ ਵੀ ਅੱਗੇ ਸੀ ਅਖ਼ੀਰ ਇਹ ਲੀਡ ਵੱਧਦੀ ਗਈ। ਹੇਜ਼ ਵਾਲੇ ਮੈਚ ਹਾਰ ਗਏ।

ਪਹਿਲਾ ਸੈਮੀਫਾਈਨਲ ਮੈਚ ਸਲੋਹ ਅਤੇ ਰੈਡਿੰਗ ਵਿਚਕਾਰ ਹੋਇਆ। ਇਹ ਦੋਵੇਂ ਟੀਮਾ ਕਈ ਵਾਰੀ ਆਹਮੋ-ਸਾਹਮਣੇ ਹੋ ਚੁੱਕੀਆਂ ਹਨ। ਦੋਵੇਂ ਟੀਮਾਂ ਕੱਪਾਂ ਦੀਆਂ ਜੇਤੂ ਹਨ। ਪਰ ਸੈਮੀਫਾਈਨਲ ਵਿੱਚ ਹੋਰ ਜ਼ਿਆਦਾ ਜ਼ੋਰ ਮਾਰਨਾ ਪੈਂਦਾ ਹੈ। ਪਹਿਲੀ ਰੇਡ ’ਤੇ ਹੀ ਹਲਕੇ ਜਿਹੇ ਸਰੀਰ ਦੇ ਮਾਲਕ ਪੋਲੇ ਨੇ ਚਿਸ਼ਤੀ ਨੂੰ ਡੱਕ ਲਿਆ। ਮਨਜੋਤ ਮਾਛੀਵਾੜੇ ਦੀ ਬੜੀ ਚੜ੍ਹਤ ਹੈ। ਅੱਧੇ ਸਮੇਂ ਤੱਕ ਰਣਜੀਤ ਢੰਡਾ ਅੱਗੇ ਸੀ। ਐਸ.ਪੀ. ਸਿੰਘ ਜੱਗੂ ਹਾਕਮਵਾਲੀਏ ਦੀ ਪਕੜ ਤੋਂ ਬੱਚ ਨਾ ਸਕਿਆ। ਭਿੰਦੇ ਮੂਲੇਵਾਲ ਖੈਹਰੇ ਨੇ ਰੇਡਾਂ ਧੱਕੜ ਪਾ ਕੇ ਰਣਜੀਤ ਢੰਡੇ ਨੂੰ ਹਰਾ ਦਿੱਤਾ। ਸਲੋਹ ਦੀ ਟੀਮ ਦਾ ਆਪਸੀ ਤਾਲਮੇਲ ਕਮਾਲ ਦਾ ਸੀ। ਸੁੱਖੀ ਮੋੜ ਨੇ ਵੀ ਵਧੀਆ ਰੇਡਾਂ ਪਾਈਆਂ। ਜੱਫ਼ੇ ਤਾਂ ਪਹਿਲਾਂ ਵੀ ਲਾਉਦਾ ਸੀ। ਸਲੋਹ ਵਾਲੇ ਫਾਈਨਲ ਖੇਡਣ ਦੀ ਤਿਆਰੀ ਕਰਨ ਲੱਗੇ। ਦੂਸਰਾ ਸੈਮੀਫਾਈਨਲ ਮੈਚ ਈਰਥ ਵੂਲਿਚ+ਸਾਊਥਾਲ ਦੇ ਨਾਲ ਕਾਵੈਂਟਰੀ ਬ੍ਰਮਿੰਘਮ ਵਿਚਕਾਰ ਹੋਇਆ। ਇਸ ਮੈਚ ਵਿੱਚ ਭਾਵੇਂ ਟਿੱਡੇ ਦੇ ਸੱਟ ਲੱਗ ਗਈ ਫਿਰ ਵੀ ਸੁਰਿੰਦਰ ਮਾਣਕ, ਜ਼ੈਲਾ ਹੁਸ਼ਿਆਰਪੁਰ, ਪੰਮੀ ਰੰਧਾਵਾ, ਪਾਲੀ ਸੰਘਾ, ਕੰਮਾ ਔਜਲਾ, ਪਾਲਾ ਬਾਜਵਾ ਫਾਈਨਲ ਵਿੱਚ ਪਹੁੰਚ ਗਏ।

ਫਾਈਨਲ ਮੈਚ ਤੋਂ ਪਹਿਲਾਂ ਇਥੋਂ ਦੇ ਜੰਮਪਲ ਨੌਜਵਾਨਾਂ ਦਾ ਬਹੁਤ ਹੀ ਵਧੀਆ ਮੈਚ ਕਰਵਾਇਆ ਗਿਆ। ਜਿਸ ਦਾ ਦਰਸ਼ਕਾਂ ਨੇ ਬਹੁਤ ਹੀ ਆਨੰਦ ਮਾਣਿਆ। ਸਲੋਹ, ਈਰਥ ਵੂਲਿਚ+ਸਾਊਥਾਲ ਵਿਚਕਾਰ ਫਾਈਨਲ ਮੈਚ ਖੇਡਿਆ ਗਿਆ। ਜਿਸ ਵਿੱਚ ਸਾਊਥਾਲ+ਈਰਥ ਵੂਲਿਚ ਨੇ ਸਲੋਹ ਨੂੰ ਹਰਾ ਕੇ ਹੇਜ਼ ਦੇ ਕੱਪ ’ਤੇ ਕਬਜ਼ਾ ਕਰ ਲਿਆ। ਸਲੋਹ ਦੂਸਰੇ ਨੰਬਰ ’ਤੇ ਰਹੀ। ਸ਼ੀਰਾ ਸੰਮੀਪੁਰ, ਕੁਲਵੰਤ ਚੱਠਾ, ਬਿੰਦਰ ਨਵਾਂ ਪਿੰਡ, ਗੋਲਡੀ ਸੰਧੂ, ਬਿੰਦਰ ਗੜੀ ਬਖਸ਼ਾ, ਕਮਲ ਕੂੰਨਰ ਰੁੜਕੀ ਜਿਥੇ ਸਾਊਥਾਲ+ਈਰਥ ਵੂਲਿਚ ਨੂੰ ਵਧਾਈਆਂ ਦੇ ਰਹੇ ਸਨ। ਅਗਲੇ ਹਫ਼ਤੇ ਸਲੋਹ ਟੀਮ ਨਾਲ ਪਹੁੰਚਣ ਦੀ ਵੀ ਤਾਗੀਦ ਕਰ ਰਹੇ ਸਨ। ਸਾਊਥਾਲ+ਈਰਥ ਵੂਲਿਚ ਵਾਲੇ ਨਵਜੰਮੇ ਬੱਚੇ ਵਾਗੂੰ ਵਾਰ ਵਾਰ ਕੱਪ ਨੂੰ ਚੁੰਮ ਰਹੇ ਸਨ। ਸੁਰਿੰਦਰ ਸਿੰਘ ਮਾਣਕ, ਪੰਮੀ ਰੰਧਾਵਾ, ਸੋਨੂੰ ਬਾਜਵਾ, ਪ੍ਰਸਿੱਧ ਗਾਈਕ ਬਲਦੇਵ ਔਜਲਾ (ਬੁੱਲਟ), ਗੁਰਮੀਤ ਰੰਧਾਵਾ, ਕੰਮਾ ਔਜਲਾ, ਪਾਲਾ ਸੰਘਾ, ਟੀ ਜਿੰਦਰ, ਰਣਜੀਤ ਰੂਫਰ, ਹਰਵੰਤ ਮੱਲ੍ਹੀ, ਸਾਰੀ ਢਾਣੀ ਕੱਪ ਨਾਲ ਫੋਟੋ ਕਰਵਾ ਰਹੀ ਸੀ। ਤਾਰੀ ਸਰਪੰਚ, ਸੁੱਖੀ ਪੰਮਾ ਹੇਅਰ ਡਰੈੱਸਰ, ਚੰਨੀ, ਕਾਬਲ ਮਜੀਠੀਆ, ਗੋਰਵ, ਮਨੀ ਮੋਗਾ, ਗੌਰਵ ਕੱਪ ਦੀਆਂ ਵਧਾਈਆਂ ਦੇ ਰਹੇ ਸਨ।

ਪ੍ਰਸਿੱਧ ਕਬੱਡੀ ਦੇ ਬੁਲਾਰੇ ਅਮਨ ਲੋਪੋ ਦਾ ਦਸ ਹਜ਼ਾਰ ਪੌਂਡ ਦਾ ਨਗਦ ਰਾਸ਼ੀ ਨਾਲ ਸਨਮਾਨ ਕੀਤਾ ਗਿਆ। ਹੇਜ਼ ਕਲੱਬ ਵਲੋਂ ਦਸ ਤੋਲੇ ਸੋਨੇ ਦੇ ਮੈਡਲ ਨਾਲ ਲੋਪੋ ਅਮਨ ਦਾ ਸਨਮਾਨ ਕੀਤਾ। ਬਾਜ਼ਾ ਮੱਲਣ ਅਤੇ ਹਰਮਨ ਘੋਲੀਏ ਦਾ ਕਲੱਬ ਵਲੋਂ 2500-2500 ਨਾਲ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਭਿੰਦੇ ਮੁਠੱਡੇ ਦੀ ਕੂਮੈਂਟਰੀ ਨੇ ਦੁਨੀਆ ਨੱਚਣ ਲਾ ਦਿੱਤੀ। ਸਲੋਹ ਤੋਂ ਐਮ.ਪੀ. ਤਨਮਨਜੀਤ ਸਿੰਘ ਢੇਸੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਸ਼ੀਰਾ ਸੰਮੀਪੁਰ, ਸਵਰਨਾ ਗ੍ਰੇਵਜ਼ੈਂਡ, ਮੱਖਣ ਸੰਕਰੀਆ, ਜਤਿੰਦਰ ਬਿਲਗਾ, ਸੋਨੂੰ ਬਾਜਵਾ ਨੇ ਆਪਣੀਆਂ ਸੇਵਾਵਾਂ ਨਿਭਾਈਆਂ। ਗੁਰੂ ਦਾ ਲੰਗਰ ਵਰਤਾਇਆ ਗਿਆ। ਵਧੀਆ ਪ੍ਰਬੰਧ ਅਤੇ ਟੂਰਨਾਮੈਂਟ ਦੀ ਕਾਮਯਾਬੀ ਦੀਆਂ ਸਭ ਨੇ ਵਧਾਈਆਂ ਦਿੱਤੀਆਂ। ਰਮਨ ਭੈਣੀ ਸੈਮ ਰੀਸਾਈਕਲ ਵਾਲੇ ਵੀਰ ਨੇ ਕਲੱਬ ਦਾ ਖਾਸ ਸਹਿਯੋਗ ਦਿੱਤਾ। ਸਾਰੀ ਹੇਜ਼ ਕਮੇਟੀ ਵਧਾਈ ਦੀ ਹੱਕਦਾਰ ਹੈ। ਹੇਜ਼ ਕਲੱਬ ਦੇ ਪ੍ਰਧਾਨ ਬਲਜਿੰਦਰ ਭਿੰਡਰ, ਬਲਵਿੰਦਰ ਸਿੱਧੂ, ਰਘਵੀਰ ਸਿੰਘ ਸਿੱਧੂ ਭਗਤਾ, ਅਮਲੋਕ ਸਿੰਘ ਚਾਹਲ, ਗੁਰਜੰਟ ਸਿੰਘ ਬਾਘਾ ਪੁਰਾਣਾ, ਜਤਿੰਦਰ ਸੋਨੀ ਬਿਲਗਾ, ਧਰਮਾ ਤੂਰ, ਪਾਲੀ ਧਾਲੀਵਾਲ, ਬਬਲੀ ਚੜਿੱਕ, ਹਰਵਿੰਦਰ ਪੱਤੋ ਕੋਚ, ਸੁਰਜੀਤ ਸੀਤਾ ਮੱਲਾ, ਦਰਸ਼ੀ ਕਾਉਕੇ, ਮਨਸੁੱਖ ਹੇਜ਼, ਰਾਜ ਹੇਜ਼, ਤਾਰੀ ਗਗੜਾ, ਪ੍ਰਤਾਪ ਸੀ.ਪੀ.ਐਮ., ਬਿੱਲਾ ਗਿੱਲ, ਬਲਜਿੰਦਰ ਜੈਨਪੁਰੀ, ਜਸਪਾਲ ਥਿੰਦ, ਵਿੱਕੀ ਬਰਾੜ ਅਤੇ ਸਾਰੇ ਹੀ ਸਹਿਯੋਗੀ ਸੱਜਣ ਟੂਰਨਾਮੈਂਟ ਦੀ ਕਾਮਯਾਬੀ ਲਈ ਵਧਾਈ ਦੇ ਹੱਕਦਾਰ ਹਨ।

ਸਿੰਘ ਸਭਾ ਲੰਡਨ ਈਸਟ (ਬਾਰਕਿੰਗ ਅਤੇ ਸੈਵਨ ਕਿੰਗਜ਼) ਵੱਲੋਂ ਕਰਵਾਏ ਬੇਹੱਦ ਕਾਮਯਾਬ ਟੂਰਨਾਮੈਂਟ ਦਾ ਕੱਪ ਰੈਡਿੰਗ ਡੌਰਨੀ+ਈਰਥ ਬੈਲਵੇਡੀਅਰ ਨੇ ਜਿੱਤਿਆ

ਮੇਜ਼ਬਾਨ ਬਾਰਕਿੰਗ+ਗ੍ਰੇਵਜ਼ੈਂਡ ਦੂਜੇ ਨੰਬਰ ਤੇ ਰਹੀ

ਬਾਰਕਿੰਗ ਕਬੱਡੀ ਕਲੱਬ ਇੰਗਲੈਂਡ ਦੇ ਮੋਹਰੀ ਕਬੱਡੀ ਕਲੱਬਾਂ ਵਿੱਚੋਂ ਹੈ, ਜਿਸ ਦਾ ਇਤਿਹਾਸ ਬੜਾ ਲੰਮਾਂ ਹੈ। ਖੁਸ਼ੀ ਦੀ ਗੱਲ ਇਹ ਵੀ ਹੈ ਕਿ ਇਸ ਸ਼ਹਿਰ ਦੇ ਨੌਜਵਾਨਾਂ ਨੇ ਕਬੱਡੀ ਦੇ ਨਾਲ ਨਾਲ ਕੁਸ਼ਤੀ, ਮੁੱਕੇਬਾਜ਼ੀ ਵਿੱਚ ਵੀ ਅੰਤਰਰਾਸ਼ਟਰੀ ਪੱਧਰ ਤੱਕ ਨਾਮਣਾ ਖੱਟਿਆ ਹੈ। ਕਲੱਬ ਨੂੰ ਨੌਜਵਾਨ ਚਲਾ ਰਹੇ ਹਨ ਜਾਂ ਪੁਰਾਣੇ ਬਜੁਰਗ ਕੁਝ ਵੀ ਪਤਾ ਨਹੀਂ ਲੱਗਦਾ ਕਿਉਂਕਿ ਕਬੱਡੀ ਨਾਲ ਜੁੜੀਆਂ ਪੁਰਾਣੀਆਂ ਸਖਸ਼ੀਅਤਾਂ ਅਤੇ ਨਵੇਂ ਨੌਜਵਾਨਾਂ ਵਿੱਚ ਬੁਹੱਦ ਤਾਲਮੇਲ ਹੈ। 1965 ਤੋਂ ਲੈ ਕੇ ਹੁਣ ਤੱਕ ਸਰਗਰਮ ਰਹਿਣ ਵਾਲੇ ਕਬੱਡੀ ਖਿਡਾਰੀ ਅੱਜ ਵੀ ਪ੍ਰਬੰਧਕਾਂ ਵਿੱਚ ਹਨ ਅਤੇ ਥੋੜੇ ਚਿਰ ਤੋਂ ਪੰਜਾਬ ਤੋਂ ਆਏ ਜਾਂ ਇਥੇ ਜਨਮੇਂ ਨੌਜਵਾਨ ਵੀ ਪੂਰੇ ਸਰਗਰਮ ਹਨ। ਰੱਬ ਨਜ਼ਰ ਤੋਂ ਬਚਾਏ ਕਾਫੀ ਚੰਗਾ ਲੱਗਦਾ ਹੈ ਇਹਨਾਂ ਦਾ ਪ੍ਰਬੰਧ ਵੇਖ ਕੇ। ਇਸ ਮੌਕੇ ਇੱਕ ਗੱਲ ਹੋਰ ਵੇਖਣ ਲਈ ਮਿਲੀ ਨੌਜਵਾਨਾਂ ਵੱਲੋਂ ਇੱਕ ਵਿਸ਼ੇਸ਼ ਤਸਵੀਰ ਵਾਲੀ ਸਨਮਾਨ ਸ਼ੀਲਡ ਬਣਾਈ ਗਈ ਜਿਸ ਤੇ 1970 ਵਿੱਚ ਕਬੱਡੀ ਖੇਡਣ ਵਾਲੀ ਟੀਮ ਦੇ ਖਿਡਾਰੀਆਂ ਦੀ ਇੱਕ ਗਰੁੱਪ ਫੋਟੋ ਉਕਰੀ ਹੋਈ ਸੀ। ਇਸ ਟੀਮ ਵਿੱਚ ਹਿੱਸਾ ਲੈਣ ਵਾਲੇ ਖਿਡਾਰੀਆਂ ਨੂੰ ਜਾਂ ਉਹਨਾਂ ਦੇ ਕਿਸੇ ਪ੍ਰੀਵਾਰਕ ਮੈਂਬਰ ਨੂੰ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

ਮੈਂ ਅਕਸਰ ਹੀ ਕਿਹਾ ਕਰਦਾ ਹਾਂ ਕਿ ਜੇ ਆਪਣੇ ਬਜ਼ੁਰਗਾਂ ਨੂੰ ਯਾਦ ਰੱਖੋਂਗੇ ਜਾਂ ਉਹਨਾਂ ਦੀਆਂ ਘਾਲਣਾਵਾਂ ਨੂੰ ਯਾਦ ਰੱਖੋਂਗੇ ਤਾਂ ਨਿਰਸੰਦੇਹ ਤੁਹਾਨੂੰ ਵੀ ਅੱਗੋਂ ਯਾਦ ਰੱਖਣ ਵਾਲੇ ਹੋਣਗੇ, ਵਰਨਾ ਮੱਤ ਸੋਚਨਾ ਕਿ ਕੋਈ ਤੁਹਾਨੂੰ ਵੀ ਕੋਈ ਯਾਦ ਕਰੇਗਾ।

ਅੱਜ ਸਾਥੀ ਸੋਖਾ ਨਾਲ ਨਾ ਹੋਣ ਕਰਕੇ ਕੱਲੇ ਨੂੰ ਹੀ ਐਮ 25 ਤੇ ਕਾਰ ਦੌੜਨੀ ਪਈ। ਗਰਾਉਂਡ ਵਿੱਚ ਪਹੁੰਚੇ ਤਾਂ ਅਰਦਾਸ ਵਿੱਚ ਸ਼ਾਮਿਲ ਹੋ ਕੇ ਖਿਡਾਰੀਆਂ, ਪ੍ਰਬੰਧਕਾਂ, ਦਰਸ਼ਕਾਂ ਸਮੇਤ ਸਰਬੱਤ ਦੇ ਭਲੇ ਲਈ ਅਰਦਾਸ ਜੋਦੜੀ ਕੀਤੀ। ਗਰਾਉਂਡ ਵਿੱਚ ਸ: ਲਹਿੰਬਰ ਸਿੰਘ ਲੱਧੜ, ਅਜਮੇਰ ਸਿੰਘ ਮੇਲਾ, ਅਮਰੀਕ ਸਿੰਘ ਬੋਪਾਰਾਏ ਦੇ ਨਾਲ ਸ: ਮੇਜਰ ਸਿੰਘ ਬਾਸੀ, ਰਾਣਾ ਸਿੰਘ ਪੱਡਾ, ਸੁਖਬੀਰ ਸਿੰਘ ਬਾਸੀ ਪ੍ਰਬੰਧ ਨੂੰ ਵੇਖ ਰਹੇ ਸਨ, ਆ ਰਹੇ ਮਹਿਮਾਨਾਂ ਦਾ ਸਵਾਗਤ ਹੋ ਰਿਹਾ ਸੀ। ਗਰਾਉਂਡ ਦੇ ਇੱਕ ਕੋਨੇ ਵਿੱਚ ਪਕੌੜੇ, ਪਰਾਉਂਠੇ ਅਤੇ ਚਾਹ ਦੇ ਲੰਗਰ ਚੱਲ ਰਹੇ ਸੀ। ਸੂਰਜ ਦੀ ਟਿੱਕੀ ਵੀ ਹੌਲੀ ਹੌਲੀ ਰੰਗ ਬਖੇਰਦੀ ਉੱਪਰ ਨੂੰ ਹੋ ਰਹੀ ਸੀ। ਟੂਰਨਾਮੈਂਟ ਭਾਵੇਂ ਬੇਹੱਦ ਕਾਮਯਾਬ ਰਿਹਾ, ਗਰੇਸ ਸ਼ਹਿਰ ਵਿੱਚ ਬਣਿਆ ਇਹ ਸਟੇਡੀਅਮ ਵੀ ਵਧੀਆ ਸੀ, ਪਰ ਬਾਰਕਿੰਗ ਤੋਂ ਥੋੜਾ ਪਾਸੇ ਹਟਵਾਂ ਸੀ। ਕਿਉਂਕਿ ਬਾਰਕਿੰਗ ਵਿੱਚ ਵੀ ਉਹੀ ਸਮੱਸਿਆ ਖੜ੍ਹੀ ਹੋਈ, ਜੋ ਪਹਿਲਾਂ ਸਾਊਥਾਲ ਲਈ ਹੋਈ ਅਤੇ ਬਾਅਦ ਵਿੱਚ ਹੇਜ਼ ਵਾਲਿਆਂ ਲਈ ਵੀ। ਇਹ ਸਿਲਸਲਾ ਅੱਜ ਦਾ ਨਹੀਂ ਬਲਕਿ ਕਈ ਦਹਾਕਿਆਂ ਤੋਂ ਚੱਲ ਰਿਹਾ ਹੈ। ਇਸ ਵਿੱਚ ਤਾਂ ਕੋਈ ਸ਼ੱਕ ਨਹੀਂ ਕਿ ਪੰਜਾਬੀ ਜਿਸ ਕੰਮ ਨੂੰ ਧਾਅ ਲੈਣ ਉਹ ਕਰਕੇ ਹੀ ਹਟਦੇ ਹਨ, ਪਰ ਸ਼ਹਿਰ ਵਿੱਚ ਗਰਾਉਂਡਾਂ ਦੀ ਸਮੱਸਿਆ ਪੈਦਾ ਹੋਣੀ, ਇਸ ਦਾ ਹੱਲ ਕੱਢਣ ਲਈ ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਅਤੇ ਕਲੱਬਾਂ ਨੂੰ ਸਥਾਨਿਕ ਕੌਂਸਲਾਂ, ਪੁਲਿਸ ਅਤੇ ਹੋਰ ਸਬੰਧਿਤ ਮਹਿਕਮਿਆਂ ਨਾਲ ਮਿਲ ਕੇ ਗੱਲਬਾਤ ਕਰਨੀ ਚਾਹੀਦੀ ਹੈ। ਕਿਉਂਕਿ ਇਹ ਬੜੀ ਵੱਡੀ ਸਮੱਸਿਆ ਹੈ, ਜਿਸ ਨਾਲ ਹਰ ਕੋਈ ਜੂਝ ਰਿਹਾ ਹੈ। ਕਬੱਡੀ ਪ੍ਰੇਮੀਆਂ ਨੂੰ ਵੀ ਇਸ ਦੇ ਕਾਰਨਾਂ ਵੱਲ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਪ੍ਰਬੰਧਕਾਂ ਨੂੰ ਸਹਿਯੋਗ ਦੇਣਾ ਚਾਹੀਦਾ ਹੈ।

ਪਹਿਲਾ ਮੈਚ ਲੈਸਟਰ+ਬ੍ਰਮਿੰਘਮ ਅਤੇ ਈਰਥ ਵੂਲਿਚ+ਸਾਊਥਾਲ ਵਿਚਕਾਰ ਹੋਇਆ ਸ਼ੀਰਾ ਸੰਮੀਪੁਰ ਅਤੇ ਸਵਰਨਾ ਨੇ ਵਿਸਲ ਮਾਰੀ ਅਤੇ ਸੋਨੂੰ ਬਾਜਵਾ, ਸਾਬੀ ਚਿੱਟੀਆਂ ਲਾਇਨਾਂ ਤੇ ਨਜ਼ਰ ਰੱਖਣ ਲੱਗੇ, 30 ਸੈਕਿੰਡ ਨੋਟ ਕਰਨ ਵਾਲੇ ਘੁੱਗੂ ‘ਤੇ ਦਵਿੰਦਰ ਪਤਾਰਾ ਡਟ ਗਏ ਈਰਥ ਵਾਲਾ ਸਿੰਘ ਨੰਬਰਾਂ ਤੇ ਜਾ ਬਿਰਾਜਿਆ। ਪਹਿਲੀ ਰੇਡ ਤੇ ਮਾਹਲਾ ਗੋਬਿੰਦਪੁਰੀਆ ਨੇ ਡੇਢ ਅੰਕ ਲਿਆ ਤਾਂ ਨਾਲ ਹੀ ਪਿਆਰਾ ਰੰਧਾਵਾ, ਕੁਲਵੰਤ ਸੰਘਾ, ਲੱਡੂ, ਭਲਵਾਨ ਨੇ ਮੁੰਡੇ ਨੂੰ ਥਾਪੀ ਦਿੱਤੀ, ਈਰਥ ਸਾਊਥਾਲ ਵੱਲੋਂ ਕਰਨ ਦਿਆਲਪੁਰ, ਕਾਲਾ ਧੂੜ ਕੋਟ ਧੂੜਾ ਪੱਟਣ ਲੱਗੇ ਅਤੇ ਟਿੱਡਾ ਉਡੂੰ ਉਡੂੰ ਕਰਦਾ ਰਿਹਾ, ਸੰਦੀਪ ਬਦੇਸ਼ਾ ਧਰਤੀ ਧੱਕ ਖਿਡਾਰੀ ਐ ਪਰ ਪਿੰਦੂ ਸੀਚੇਵਾਲ ਤੋਂ ਜੱਫੇ ਖਾ ਗਿਆ, ਕਾਜੂ ਨੇ ਟਿੱਡਾ ਬੋਚਿਆ ਆਖਿਰ ਲਾਲਾ ਅਤੇ ਜ਼ੈਲਾ ਦੀ ਨਿਗਰਾਨੀ ਹੇਠ ਈਰਥ ਵੂਲਿਚ ਸਾਊਥਾਲ ਦੀ ਟੀਮ ਸਾਢੇ 38/34 ਦੇ ਫਰਕ ਨਾਲ ਜੇਤੂ ਰਹੀ। ਬਾਰਕਿੰਗ+ਗ੍ਰੇਵਜ਼ੈਂਡ ਅਤੇ ਕਵੈਂਟਰੀ+ਬ੍ਰਮਿੰਘਮ ਵਿਚਕਾਰ ਹੋਏ ਦੂਜੇ ਮੈਚ ਨੂੰ ਬਾਰਕਿੰਗ ਵਾਲਿਆਂ ਨੇ ਸਹਿਜੇ ਹੀ ਜਿੱਤ ਲਿਆ। ਤੀਜਾ ਮੈਚ ਹੇਜ਼ ਅਤੇ ਸਵੈਂਸੀ ਵਿਚਕਾਰ ਹੋਣ ਲੱਗਾ ਤਾਂ ਖਿਡਾਰੀਆਂ ਨੂੰ ਖਿਡਾਉਣ ਲਈ ਫਿਰ ਰੌਲਾ ਪੈ ਗਿਆ। ਕਸੂਰ ਕਿਸ ਦਾ ਕਹੀਏ ਕਿਸ ਦਾ ਨਾ ਕਹੀਏ। ਜਦੋਂ ਬੈਠ ਕੇ ਫੈਸਲੇ ਹੋ ਜਾਂਦੇ ਹਨ ਤਾਂ ਉਹਨਾਂ ਤੇ ਪਹਿਰਾ ਕਿਉਂ ਨਹੀਂ ਦਿੱਤਾ ਜਾਂਦਾ, ਮਸਾਂ ਕਬੱਡੀ ਸ਼ੁਰੂ ਹੋਈ ਹੈ ਅਤੇ ਜੇ ਮੋਹਰੀ ਹੀ ਇਸ ਸਮੱਸਿਆ ਦਾ ਹੱਲ ਨਹੀਂ ਕੱਢਣਗੇ ਤਾਂ ਹੋਰ ਕੌਣ ਕੱਢੂ। ਬਸ ਕਰੋ ਯਾਰ ਮਸਾਂ ਲੋਕਾਂ ਨੂੰ ਕਬੱਡੀ ਦੇਖਣ ਨੂੰ ਮਿਲੀ ਹੈ। ਇਸ ਦਾ ਅੰਦਾਜਾ ਲਗਾ ਲਓ ਕਿ ਬਾਰਕਿੰਗ ਤੋਂ ਬਾਹਰ ਟੂਰਨਾਮੈਂਟ ਹੋਣ ਦੇ ਬਾਵਜੂਦ ਕਬੱਡੀ ਮੈਚਾਂ ਨੂੰ ਵੇਖਣ ਲਈ ਕਿੱਡੀ ਵੱਡੀ ਗਿਣਤੀ ਵਿੱਚ ਕਬੱਡੀ ਪ੍ਰੇਮੀ ਦੂਰੋਂ ਨੇੜਿਉਂ ਪਹੁੰਚੇ ਹਨ। ਆਓ ਮਿਲ ਕੇ ਮਸਲੇ ਸੁਲਝਾਈਏ ਅਤੇ ਕਬੱਡੀ ਪ੍ਰਤੀ ਸੁਹਿਰਦ ਹੋਈਏ।

ਚੌਥਾ ਮੈਚ ਯੂ ਕੇ ਕਬੱਡੀ ਕਲੱਬ ਅਤੇ ਟੈਲਫੋਰਡ ਵਿਚਕਾਰ ਹੋਇਆ ਬਲਵਿੰਦਰ ਚੱਠਾ ਅਤੇ ਭਜੀ ਖੀਰਾਂ ਵਾਲੀ ਦੇ ਖਿਡਾਰੀ ਗੋਰਾ ਪੂਰੇ ਜ਼ੋਰ ਨਾਲ ਖੇਡਿਆ, ਪਰ ਯੂ ਕੇ ਦੇ ਖਿਡਾਰੀ ਪਾਲਾ ਚਮਿਆਰਾ ਨੇ ਜੱਫੇ ਲਾ ਕੇ ਦੱਸਿਆ ਕਿ ਭਾਵੇਂ ਰਹਿ ਇਥੇ ਰਹੇ ਹਾਂ ਪਰ ਕਬੱਡੀ ਵਾਲੇ ਦਾਅ ਪੇਚ ਅਜੇ ਭੁੱਲੇ ਨਹੀਂ, ਨੇਕਾ ਮੈਰੀਪੁਰ ਨੋਟਾਂ ਨਾਲ ਖਿਡਾਰੀਆਂ ਦੀ ਹੌਂਸਲਾ ਅਫਜਾਈ ਕਰ ਰਿਹਾ ਸੀ। ਆਖਿਰ ਯੂ ਕੇ ਕਬੱਡੀ ਕਲੱਬ ਜੇਤੂ ਬਣੀ।

ਕਬੱਡੀ ਪ੍ਰੇਮੀਆਂ ਦੇ ਨਾਲ ਨਾਲ ਟੂਰਨਾਮੈਂਟ ਦਾ ਅਨੰਦ ਲੈਣ ਲਈ ਸਥਾਨਿਕ ਪ੍ਰਮੁੱਖ ਸਖਸ਼ੀਅਤਾਂ ਵੀ ਪਹੁੰਚਣੀਆਂ ਸ਼ੁਰੂ ਹੋ ਗਈਆਂ ਸਨ, ਮੇਅਰ ਜੇਮਜ਼ ਹੋਲਡਨ ਮੇਆਰ ਆਫ ਥੌਰਕ, ਕੌਂਸਲਰ ਕੇਸਰ ਅਬਾਸ, ਸਾਬਕਾ ਵਿਧਾਇਕ ਮਨਜੀਤ ਸਿੰਘ ਮੰਨਾ, ਅੰਤਰਰਾਸ਼ਟਰੀ ਫੁੱਟਬਾਲ ਖਿਡਾਰੀ ਸ਼ਵਿੰਦਰਜੀਤ ਸਿੰਘ ਬੈਂਸ ਸਾਬਕਾ ਐਸ ਪੀ, ਗੁਰਪਾਲ ਉੱਪਲ, ਸਾਬੀ ਪਹਿਲਵਾਨ, ਕਬੱਡੀ ਪ੍ਰਮੋਟਰ ਰਮਨ ਭੈਣੀ ਸਿੱਧਵਾਂ, ਸੰਤੋਖ ਸਿੰਘ ਕੰਗ ਆਦਿ ਪਹੁੰਚੇ ਅਤੇ ਪ੍ਰਬੰਧਕਾਂ ਵੱਲੋਂ ਇਹਨਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਸਿੰਘ ਸਭਾ ਲੰਡਨ ਈਸਟ ਦੇ ਪ੍ਰਧਾਨ ਸ: ਸਤਨਾਮ ਸਿੰਘ ਸੰਧੂ, ਮੀਤ ਪ੍ਰਧਾਨ ਗੁਰਦੀਪ ਸਿੰਘ ਹੁੰਦਲ ਵੀ ਸਾਥੀਆਂ ਨਾਲ ਪਹੁੰਚੇ ਕਬੱਡੀ ਕਲੱਬ ਵੱਲੋਂ ਦੋਵਾਂ ਸਖਸ਼ੀਅਤਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਸਾਬਕਾ ਕਬੱਡੀ ਖਿਡਾਰੀ ਸ: ਹਿੰਮਤ ਸਿੰਘ ਸੋਹੀ ਦਾ ਬਾਰਕਿੰਗ ਕਬੱਡੀ ਕਲੱਬ ਵੱਲੋਂ ਸਨਮਾਨ ਕੀਤਾ ਗਿਆ।

ਈਰਥ ਵੂਲਿਚ+ਸਾਊਥਾਲ ਅਤੇ ਰੈਡਿੰਗ ਵਿਚਕਾਰ ਹੋਏ ਮੈਚ ਨੂੰ ਵੀ ਖਿਡਾਰੀਆਂ ਨੇ ਪੂਰਾ ਦਿਲਚਸਪ ਬਣਾਇਆ। ਸ਼ਰਨਾ ਡੱਗੋਮਾਜਰੇ ਵਾਲੇ ਨੇ ਐਸ ਪੀ ਨੂੰ ਬੋਚਿਆ ਅਤੇ ਲਵਲੀ ਨੇ ਕਾਲੇ ਧੂੜਕੋਟ ਨੂੰ ਜੱਫਾ ਲਾਇਆ। ਸੋਨਾ ਕਲੀਮ ਜੱਟ ਨੂੰ ਰੋਕ ਗਿਆ, ਪਰ ਹਰਮਨ ਬੁਲਟ ਅਤੇ ਕਲੀਮ ਜੱਟ ਵਧੀਆ ਖੇਡ ਦਾ ਪ੍ਰਦਰਸ਼ਨ ਲਗਾਤਾਰ ਕਰਦੇ ਆ ਰਹੇ ਹਨ। ਜਸਕਰਨ ਸਿੰਘ ਜੌਹਲ, ਪਾਲਾ ਬੱਜਵਾਂ, ਪਾਲੀ ਸੰਘਾ, ਬੁਲਟ ਅਤੇ ਸਾਥੀ ਆਪਣੇ ਖਿਡਾਰੀਆਂ ਦੇ ਜੌਹਰ ਵੇਖ ਰਹੇ ਸੀ, ਪਰ ਅੱਜ ਦਿਨ ਰਣਜੀਤ ਢੰਡੇ ਅਤੇ ਰਾਜੇ ਕੰਗ ਦਾ ਸੀ। ਹਿੰਮਤ ਢੰਡੇ ਦੀ ਟੀਮ ਸਾਡੇ 38/34 ਦੇ ਅੰਕਾਂ ਨਾਲ ਜੇਤੂ ਰਹੀ।

ਬਾਰਕਿੰਗ+ਗ੍ਰੇਵਜ਼ੈਂਡ ਅਤੇ ਸਲੋਹ ਵਿਚਕਾਰ ਹੋਏ ਮੈਚ ਹੋਣ ਲੱਗਾ ਤਾਂ ਦਰਸ਼ਕਾਂ ਨੇ ਕੁਰਸੀਆਂ ਨੂੰ ਕਰ ਲਈਆਂ, ਅਜਮੇਰ ਮੇਲਾ ਤਾਂ ਕੁਰਸੀ ਡਾਹ ਕੇ ਸ਼ੀਰੇ ਦੇ ਸਪੀਕਰਾਂ ਕੋਲ ਹੀ ਬੈਠ ਗਿਆ, ਕਿ ਇਥੇ ਬੈਠ ਕੇ ਨਜ਼ਾਰੇ ਲਊਂ, ਲਹਿੰਬਰ ਸਿੰਘ ਲੱਧੜ, ਅਮਰੀਕ ਬੋਪਾਰਾਏ, ਮੇਜਰ ਸਿੰਘ ਬਾਸੀ, ਰਾਣਾ ਪੱਡਾ ਅੱਜ ਟੂਰਨਾਮੈਂਟ ਦੇ ਪ੍ਰਬੰਧ ਦੇ ਨਾਲ ਨਾਲ ਟੀਮ ਨੂੰ ਫਾਈਨਲ ਵਿੱਚ ਪਹੁੰਚਿਆ ਵੇਖਣਾ ਚਾਹੁੰਦੇ ਸੀ। ਸੱਤਾ, ਪਾਲਾ ਵੀ ਆਰਾਂ ਤਿਖੀਆਂ ਕਰੀ ਬੈਠੇ ਸੀ, ਸ਼ੀਰਾ ਸੰਮੀਪੁਰ ਵੀ ਖਿਡਾਰੀਆਂ ਨੂੰ ਕੋਚਿੰਗ ਦੇਣ ਲਈ ਮੈਦਾਨ ਵਿੱਚ ਸੀ, ਚਿਸ਼ਤੀ ਅਤੇ ਡੋਗਰ ਮੇਲਾ ਲੁੱਟਣ ਦੀ ਕੋਸਿ਼ਸ਼ ਵਿੱਚ ਸੀ, ਪਰ ਸੋਨੇ ਦੀ ਮੁੰਦੀ ਨਾਲ ਸਨਮਾਨ ਕਰਵਾਉਣ ਵਾਲਾ ਹਮੀਦੀ ਹੱਥਾ ‘ਤੇ ਥੁੱਕੀ ਫਿਰਦਾ ਸੀ, ਭਾਊ ਨੇ ਚਿਸ਼ਤੀ ਰੋਕ ਕੇ ਦੱਸਿਆ ਕਿ ਅੱਜ ਨਹੀਂ, ਹਰਪਾਲ ਤੇ ਗੁਲਜ਼ਾਰੀ ਨੇ ਉੱਡਦੇ ਡੋਗਰ ਨੂੰ ਜਾ ਥੰਮਿਆ, ਬਿੰਦੇ ਮੂਲੇਵਾਲ ਖਹਿਰੇ ਨੇ ਸ਼ਰਮੇਂ ਨੂੰ ਅਤੇ ਜੱਗੂ ਨੇ ਸ਼ਰਮਾਂ ਅਤੇ ਰੇਸ਼ਮ ਨੂੰ ਰੋਕ ਕੇ ਸਲੋਹ ਲਈ ਵਾਹ ਵਾਹ ਖੱਟੀ ਪਰ ਆਖਿਰ ਬਾਰਕਿੰਗ+ਗ੍ਰੇਵਜ਼ੈਂਡ 31 ਦੇ ਮੁਕਾਬਲੇ ਸਾਢੇ 37 ਦੇ ਫਰਕ ਨਾਲ ਜੇਤੂ ਰਹੀ।

ਸਵੈਂਸੀ ਨੂੰ ਅਗਲੇ ਮੈਚ ਵਿੱਚ ਰੈਡਿੰਗ ਡੌਰਨੀ ਨੇ ਸਹਿਜੇ ਹੀ ਜਿੱਤ ਕੇ ਫਾਈਨਲ ਵਿੱਚ ਪਹੁੰਚ ਕੀਤੀ। ਚਰਨ ਸੂਜਾਪੁਰ, ਜੱਗਾ ਚਕਰ, ਪ੍ਰਮਿੰਦਰ, ਗੋਪੀ ਅਤੇ ਸਾਥੀ ਨਾਲੋ ਨਾਲ ਸੋਚਾਂ ਸੋਚ ਰਹੇ ਆ ਕੇ ਅਗਲੇ ਸਾਲ ਪੈਂਤੜੇ ਬਦਲਾਂਗੇ। ਪਰ ਸਵੈਂਸੀ ਦੇ ਖਿਡਾਰੀ ਮੀਕੇ ਨੇ ਜਾਫੀ ਨੂੰ ਮੋਢਿਆਂ ਤੇ ਚੁੱਕ ਕੇ ਹੰਦਿਆਂ ਤੱਕ ਲਿਆ ਕੇ ਲਿਆ ਨੰਬਰ ਦਰਸ਼ਕਾਂ ਦੇ ਦਿਲ ਮੋਹ ਗਿਆ।

ਯੂ ਕੇ ਕਬੱਡੀ ਕਲੱਬ ਨੂੰ ਬਾਰਕਿੰਗ+ਗ੍ਰੇਵਜ਼ੈਂਡ ਨੇ ਸਹਿਜੇ ਹੀ ਹਰਾ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।

ਬੱਚਿਆਂ ਦੇ ਸ਼ੋਅ ਮੈਚ ਤੋਂ ਬਾਅਦ ਫਾਈਨਲ ਮੁਕਾਬਲਿਆਂ ਲਈ ਰੈਡਿੰਗ ਡੌਰਨੀ+ਈਰਥ ਬੈਲਵੇਡੀਅਰ ਅਤੇ ਬਾਰਕਿੰਗ+ਗ੍ਰੇਵਜ਼ੈਂਡ ਆਹਮੋ ਸਾਹਮਣੇ ਹੋ ਗਏ, ਹੁਣ ਤੱਕ ਦਰਸ਼ਕ ਵੀ ਸਰੂਰ ਜਿਹੇ ਵਿੱਚ ਆ ਕੇ ਗਰਾਉਂਡ ਦੁਆਲੇ ਆ ਕੇ ਬੈਠ ਗਏ ਦੋਵੇਂ ਪਾਸਿਆਂ ਦੇ ਹਮਾਈਤੀਆਂ ਨੇ ਪੌਂਡਾਂ ਨੂੰ ਵੀ ਹੱਥ ਪਾ ਲਿਆ ਸੀ। ਰਣਜੀਤ ਢੰਡੇ ਅਤੇ ਰਾਜੇ ਕੰਗ ਦੀ ਟੀਮ ਕੋਲ ਦੋ ਹੀ ਰੇਡਰ ਕਲੀਮ ਜੱਟ ਅਤੇ ਹਰਮਨ ਬੁਲਟ ਰਹਿ ਗਏ, ਯਾਦਾ ਵੀ ਉਡਾਰੀ ਮਾਰ ਗਿਆ, ਦੂਜੇ ਪਾਸੇ ਘਰ ਦਾ ਟੂਰਨਾਮੈਂਟ ਹੋਣ ਕਰਕੇ ਬਾਰਕਿੰਗ ਦੀ ਤਿੱਕੜੀ ਪੂਰੇ ਸਰੂਰ ਵਿੱਚ ਸੀ, ਤਿੱਕੜੀ ਤੋਂ ਮੁਰਾਦ ਅਜਮੇਰ ਮੇਲਾ, ਲਹਿੰਬਰ ਲੱਧੜ ਅਤੇ ਅਮਰੀਕ ਬੋਪਾਰਾਏ, ਇਹਨਾਂ ਨਾਲ ਸਾਬਕਾ ਪ੍ਰਧਾਨ ਮੇਜਰ ਸਿੰਘ ਬਾਸੀ ਵੀ ਮੈਦਾਨ ਵਿੱਚ ਗੇੜੇ ਦੇ ਰਹੇ ਸੀ। ਜੱਫੇ ਲੱਗਣੇ ਸ਼ੁਰੂ ਹੋਏ ਤਾਂ ਭਾਊ ਨੇ ਬੁਲਟ ਰੋਕਤਾ, ਲਗਦੇ ਹੱਥ ਲਵਲੀ ਨੇ ਕਮਲ ਨੂੰ ਡੱਕ ਲਿਆ, ਗਿੰਨੀ ਨੇ ਸ਼ਰਮੇਂ ਨੂੰ ਰੋਕਿਆ ਤਾਂ ਰਣਜੀਤ ਢੰਡੇ ਨੇ ਜੇਬ ਨੂੰ ਹੱਥ ਪਾ ਲਿਆ, ਹਰਪਾਲ ਕਾਹਲਾਂ ਵੀ ਕਲੀਮ ਨੂੰ ਰੋਕਿਆ ਤਾਂ ਮੇਲੇ ਨੇ ਨੋਟਾਂ ਨਾਲ ਭਰੀ ਵਾਰਨੀ ਸ਼ੁਰੂ ਕਰ ਦਿੱਤੀ, ਭਾਊ ਅਤੇ ਬੁਲਟ ਦੀਆਂ ਨੰਬਰ ਲੈਣ ਤੋਂ ਬਾਅਦ ਦੀਆਂ ਢੰਡ ਬੈਠਕਾਂ ਵਾਲੀਆਂ ਚਣੌਤੀਆਂ ਚੰਗੀਆਂ ਲੱਗੀਆਂ ਦੋਵੇਂ ਖਿਡਾਰੀ ਥਾਪੀਆਂ ਵੀ ਮਾਰਦੇ ਅਤੇ ਬੁੱਲਾਂ ‘ਚ ਮੁਸਕਰਾਉਂਦੇ ਵੀ ਰਹੇ। ਸੱਤਾ, ਪਾਲਾ ਰਾਣਾ, ਬਾਸੀ, ਬਲਕਾਰ ਸੁੰਮਨ, ਸੁਨੀਲ ਵਿਰਦੀ, ਸਨੀ ਸਹੋਤਾ, ਤਰਨ ਮਾਨ ਆਪਣੇ ਖਿਡਾਰੀਆਂ ਤੋਂ ਅੱਜ ਪੌਂਡਾਂ ਦਾ ਮੀਂਹ ਵਰਾਉਂਦੇ ਰਹੇ, ਕਲੀਮ ਜੱਟ ਵੀ ਅੱਜ ਉੱਡਣਾ ਸੱਪ ਬਣਿਆ ਫਿਰਦਾ ਸੀ। ਅੱਧੇ ਸਮੇਂ ਤੱਕ ਡੇਢ ਅੰਕਾਂ ਨਾਲ ਅੱਗੇ ਚੱਲ ਰਹੀ ਰੈਡਿੰਗ ਡੌਰਨੀ+ਈਰਥ ਬੈਲਵੇਡੀਅਰ ਦੀ ਟੀਮ ਆਖਿਰ ਕੱਪ ਜਿੱਤ ਕੇ ਹੀ ਬਾਹਰ ਨਿਕਲੀ। ਇਸ ਮੈਚ ਨੂੰ ਵੀ ਕੁਝ ਸਮਾਂ ਰੋਕਣਾ ਵਾਰ ਵਾਰ ਪ੍ਰਬੰਧਕਾਂ ਦੇ ਬੇਨਤੀ ਕਰਨ ਤੇ ਗਰਾਉਂਡ ਖਾਲੀ ਹੋਈ, ਪਰ ਕਬੱਡੀ ਦਾ ਟੂਰਨਾਮੈਂਟ ਦਰਸ਼ਕਾਂ ਨੂੰ ਲੰਮਾਂ ਸਮਾਂ ਯਾਦ ਰਹੇਗਾ, ਇਸ ਮੌਕੇ ਹੋਏ ਮੁਕਾਬਲਿਆਂ ਨੇ ਦਰਸ਼ਕਾਂ ਦਾ ਦਿਲ ਜਿੱਤਿਆ। ਪ੍ਰਬੰਧਕਾਂ ਨੇ ਆਏ ਮਹਿਮਾਨਾਂ ਦੀ ਹਰ ਤਰ੍ਹਾਂ ਸੇਵਾ ਕੀਤੀ। ਕੁਮੈਂਟਰੀ ਦਾ ਰੰਗ ਭਿੰਦਾ ਮੁਠੱਡਾ, ਦਵਿੰਦਰ ਪਤਾਰਾ, ਸ਼ੀਰਾ ਕਵੈਂਟਰੀ, ਦਵਿੰਦਰ ਚੜਿੱਕ ਨੇ ਬੰਨਿਆ।

ਆਖਿਰ ਵਿੱਚ ਜੇਤੂ ਟੀਮਾਂ ਨੂੰ ਇਨਾਮ ਵੰਡੇ ਗਏ, ਟੂਰਨਾਮੈਂਟ ਕਾਮਯਾਬ ਕਰਨ ਲਈ ਸਹਿਯੋਗ ਦੇਣ ਵਾਲੇ ਸਹਿਯੋਗੀਆਂ, ਸੇਵਾਦਾਰਾਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਗੁਰਦੀਪ ਸਿੰਘ ਗਰੇਸ, ਸੁਰਿੰਦਰ ਸਿੰਘ ਭਾਊ, ਇੰਦਰ ਬਾਸੀ, ਕਮਲ ਬਾਸੀ, ਕਾਂਤਾ, ਤਰਲੋਚਨ ਸਿੰਘ ਸੇਵ ਟਾਈਮ ਆਦਿ ਹਾਜਿ਼ਰ ਸਨ। ਟੂਰਨਾਮੈਂਟ ਨੂੰ ਕਾਮਯਾਬ ਬਣਾਉਣ ਲਈ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਪ੍ਰਧਾਨ ਸਤਨਾਮ ਸਿੰਘ ਸੰਧੂ, ਗੁਰਦੀਪ ਸਿੰਘ ਹੁੰਦਲਾ, ਮੇਜਰ ਸਿੰਘ ਬਾਸੀ, ਮੁੱਖ ਕਬੱਡੀ ਪ੍ਰਬੰਧਕ: ਸ: ਲਹਿੰਬਰ ਸਿੰਘ ਲੱਧੜ, ਅਮਰੀਕ ਸਿੰਘ ਬੋਪਾਰਾਏ, ਅਜਮੇਰ ਸਿੰਘ ਮਾਨ ਮੇਲਾ, ਰਸ਼ਪਾਲ ਸਿੰਘ ਪਵਾਰ, ਦਲਜੀਤ ਸਿੰਘ ਢਿਲੋਂ, ਗੁਰਵਿੰਦਰ ਸਿੰਘ ਕਾਹਲੋਂ, ਗੁਰਮੀਤ ਸਿੰਘ ਅਰਕ, ਰਾਣਾ ਪੱਡਾ, ਪਿੰਦਾ ਭਰੋਲੀ, ਸੁਖਬੀਰ ਸਿੰਘ ਬਾਸੀ, ਮੋਤਾ ਸਿੰਘ ਕਾਹਲੋਂ, ਗੁਰਮੀਤ ਸਿੰਘ ਔਲਖ, ਪੰਮੀ ਹੇਅਰ, ਸਰਪੰਚ ਬਿਲਡਰ, ਸੁਖਬੀਰ ਸਿੰਘ ਬਾਸੀ, ਮਨਦੀਪ ਸਿੰਘ ਬਨਿੰਗ, ਬੀ ਕੇ ਬਿਲਡਰਜ਼ ਮਰਚੈਂਟ, ਦਿਲਬਾਗ ਸਿੰਘ ਰੰਧਾਵਾ, ਰਾਜਵਿੰਦਰ ਸਿੰਘ ਖਹਿਰਾ, ਗੁਰਪਾਲ ਸਿੰਘ ਉੱਪਲ, ਬੂਟਾ ਸਿੰਘ ਨਿੱਝਰ, ਸੁੱਖੀ ਤੱਖਰ, ਤਰਸੇਮ ਬੈਂਸ, ਟੁੱਟ ਬ੍ਰਦਰਜ਼, ਬੀ ਕੇ ਸਕਿੱਪ ਸੋਢੀ, ਆਈ ਬੀ ਐਸ ਬਿਲਡਰਜ਼ ਮਰਚੈਂਟ, ਮੇਜਰ ਬਿਲਡਰ, ਸਤਨਾਮ ਜੀ ਡੀ, ਥੇਮਜ਼ ਬਿਲਡਰ ਮਰਚੈਂਟ, ਕਮਲ ਬਾਸੀ, ਮਨਜਿੰਦਰ ਸਿੰਘ ਬਨਿੰਗ, ਬੂਟਾ ਸਿੰਘ ਨਿੱਝਰ, ਸਤਨਾਮ ਸਿੰਘ ਮਾਨ, ਬੜਿੰਗ ਗਰੁੱਪ, ਗੁਰਜੀਤ ਸੋਮਲ, ਮਨਿੰਦਰ ਸਿੰਘ ਅਰਕ, ਸਵਰਨ ਸਿੰਘ, ਪ੍ਰਮਜੀਤ ਸਿੰਘ ਹੇਅਰ, ਐਮ ਐਂਡ ਐਚ ਸਿਵਲਜ਼, ਅਮਰਜੀਤ ਐਂਡ ਟੀਮ, ਪ੍ਰਭਜੋਤ ਸਿੰਘ, ਭੁਪਿੰਦਰ ਸਿੰਘ, ਸੰਤੋਖ ਸਿੰਘ, ਕੁਲਵੀਰ ਸਿੰਘ ਸਿੱਧੂ, ਸਿ਼ੰਦਾ ਚੈਗਵੈੱਲ, ਗੁਰਬੀਰ ਸਿੰਘ ਅਟਕੜ, ਸਾਬੀ ਮਿਡਵੇਅ, ਸ਼ੀਰਾ ਗ੍ਰੇਵਜ਼ੈਂਡ, ਕੁੱਲ ਡੈਗਨਹੈਮ, ਸੁਖਵਿੰਦਰ ਸਿੰਘ ਬੌਬ, ਗੁਰਜਿੰਦਰ ਸਿੰਘ, ਮੰਗਾ ਗਰੇਸ, ਸੁੱਖਾ ਘਗ, ਡੇਵਿਨ ਗਰੇਸ, ਸਾਬੀ ਸਿੰਘ, ਦਲਬੀਰ ਸਿੰਘ, ਜੀਤ ਸਿੰਘ, ਅਮਰਜੀਤ ਸਿੰਘ, ਜੇ ਐਨ ਸ਼ਾਪਫਰੰਟ, ਐਚ ਐਸ ਸਿਟੀ ਪਲੰਬਿੰਗ, ਐਮ ਐਸ ਵੁੱਡ ਸਟਾਈਲ, ਰਮਨਬੀਰ ਸਿੰਘ, ਗੁਰਵੇਲ ਸਿੰਘ ਆਦਿ ਸਮੁੱਚੀ ਟੀਮ ਵਧਾਈ ਦੀ ਪਾਤਰ ਹੈ।

ਰਿਪੋਰਟ : ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ

ਸਾਊਥਾਲ ਕਬੱਡੀ ਕਲੱਬ ਵੱਲੋਂ ਕਰਵਾਏ ਗਏ ਟੂਰਨਾਮੈਂਟ ਵਿਚ ਸਲੋਹ ਨੇ ਕੱਪ ਜਿੱਤ ਕੇ ਬਾਜ਼ੀ ਮਾਰੀ

ਟੂਰਨਾਮੈਂਟ `ਤੇ ਪੌਂਡਾ ਦੀ ਵਰਖਾ ਹੋਈ

ਸਾਊਥਾਲ ਪੰਜਾਬੀਆਂ ਦਾ ਗੜ੍ਹ ਹੈ, ਜਿਸ ਦਾ ਲੰਮਾਂ ਇਤਿਹਾਸ ਹੈ, ਖਾਸ ਤੌਰ ਤੇ ਇਥੇ ਸ੍ਰੀ ਗੁਰੂ ਸਿੰਘ ਸਭਾ ਦੀ ਸਥਾਪਨਾ ਹੋਣ ਤੋਂ ਲੈ ਕੇ ਅਜੇ ਤੱਕ ਸਾਊਥਾਲ ਵਿੱਚ ਵੱਸਦਾ ਪੰਜਾਬੀ ਭਾਈਚਾਰਾ ਹਮੇਸ਼ਾਂ ਚਰਚਾ ਵਿੱਚ ਰਿਹਾ ਹੈ। ਸਾਊਥਾਲ ਦੀ ਸਿਆਸਤ ਨੇ ਬਰਤਾਨੀਆਂ ਨੂੰ ਪਹਿਲਾ ਪੰਜਾਬੀ ਐਮ ਪੀ ਪਿਆਰਾ ਸਿੰਘ ਖਾਬੜਾ ਦੇ ਰੂਪ ਵਿੱਚ ਦੇ ਕੇ ਇਤਿਹਾਸ ਰਚਿਆ ਸੀ। ਕਬੱਡੀ ਦੀ ਗੱਲ ਕਰੀਏ ਤਾਂ ਸਾਊਥਾਲ ਦੀ ਟੀਮ ਹਮੇਸ਼ਾਂ ਚਰਚਾ ਵਿੱਚ ਰਹੀ ਹੈ, ਉਹ ਵੀ ਸਮਾਂ ਸੀ ਜਦੋਂ ਹਿੰਮਤ ਸਿੰਘ ਸੋਹੀ, ਹਰਪਾਲ ਬਰਾੜ, ਬਿਲੂ ਖਹਿਰਾ ਸਮੇਤ ਚੋਟੀ ਦੇ ਕਬੱਡੀ ਖਿਡਾਰੀ ਖੇਡਦੇ ਰਹੇ ਹਨ। ਇਸੇ ਕਲੱਬ ਵੱਲੋਂ ਖੇਡਣ ਵਾਲੇ ਪੰਮੀ ਰੰਧਾਵਾ, ਕੰਮਾ ਔਜਲਾ ਕਲੱਬ ਦੇ ਮੋਹਰੀਆਂ ‘ਚੋਂ ਹਨ। ਜਿਹਨਾਂ ਦੇ ਨਾਲ ਜਸਕਰਨ ਸਿੰਘ ਜੌਹਲ, ਪਾਲਾ ਬੱਜਵਾਂ, ਸੁਖਜੀਤ ਧਾਲੀਵਾਲ, ਬਲਦੇਵ ਬੁਲਟ, ਪਾਲੀ ਸੰਘਾ, ਗੁਰਮੀਤ ਰੰਧਾਵਾ, ਕੇਸਰ ਸਿੰਘ ਧਾਲੀਵਾਲ, ਰਣਜੀਤ ਵੜੈਂਚ, ਸੋਨੂੰ ਬਾਜਵਾ ਅਤੇ ਸਾਥੀਆਂ ਦੀ ਟੀਮ ਨੇ ਮਿਲ ਕੇ ਈਰਥ ਵੂਲਿਚ ਕਲੱਬ ਨਾਲ ਮਿਲ ਵਧੀਆ ਖਿਡਾਰੀਆਂ ਨੂੰ ਮੰਗਵਾਕੇ ਚੋਟੀ ਦੀ ਟੀਮ ਬਣਾਈ ਹੈ। ਜੋ ਹੁਣ ਤੱਕ ਦੋ ਕੱਪ ਜਿੱਤ ਚੁੱਕੀ ਹੈ।

ਸਾਊਥਾਲ ਦੇ ਟੂਰਨਾਮੈਂਟ ਦੀ ਗੱਲ ਕਰੀਏ ਤਾਂ ਗੇਟ ਖੜ੍ਹੇ ਸੱਜਣਾਂ ਨੇ ਕਿਹਾ ਕਿ ਟਿਕਟ ਲਏ ਤੋਂ ਬਿਨ੍ਹਾ ਅੰਦਰ ਪੱਤਰਕਾਰਾਂ ਨੂੰ ਵੀ ਨਹੀਂ ਜਾਣ ਦਿੱਤਾ ਜਾਵੇਗਾ। ਸੋ ਪੱਤਰਕਾਰਾਂ ਨੂੰ ਵੀ ਟਿਕਟ ਲੈਣੀ ਪਈ। ਅੱਗੇ ਪਹੁੰਚੇ ਤਾਂ ਸਭ ਉੱਡ ਉੱਡ ਮਿਲੇ, ਕੇਸਰ ਸਿੰਘ ਧਾਲੀਵਾਲ ਨੇ ਛੋਲੇ ਭਟੂਰਿਆਂ ਦਾ ਲੰਗਰ ਲਾਇਆ ਹੋਇਆ ਸੀ।

ਸਾਊਥਾਲ ਕਬੱਡੀ ਕਲੱਬ ਦੇ ਪ੍ਰਬੰਧਕ ਇਸ ਗੱਲੋਂ ਖੁਸ਼ ਸੀ ਕਿ ਗਰਾਊਂਡਾਂ ਕੈਂਸਲ ਹੋਣ ਤੋਂ ਬਾਅਦ ਖੜ੍ਹੇ ਪੈਰ ਨੌਰਥਹੋਲਟ ਦੀਆਂ ਗਰਾਊਂਡਾਂ ਮਿਲ ਗਈਆਂ ਸਨ, ਦਰਸ਼ਕਾਂ ਦੀ ਗਿਣਤੀ ਨੂੰ ਲੈ ਕੇ ਵੀ ਸਭ ਸ਼ੰਤੁਸ਼ਟ ਹੀ ਨਹੀਂ ਬਲਕਿ ਬਾਗੋ ਬਾਗ ਸੀ। ਭਾਵੇਂ ਗਰਾਉਂਡਾਂ ਲੈਣ ਲਈ ਕੁਝ ਦਿਨ ਪ੍ਰਬੰਧਕਾਂ ਨੂੰ ਭਾਰੀ ਮੁਸ਼ੱਕਤ ਕਰਨੀ ਪਈ ਆਖਿਰ ਗਰਾਉਂਡਾਂ ਵਾਲਾ ਇਹ ਮਸਲਾ ਸੁਲਝ ਗਿਆ ਅਤੇ ਹਜ਼ਾਰਾਂ ਕਬੱਡੀ ਪ੍ਰੇਮੀਆਂ ਨੇ ਪਹੁੰਚ ਕੇ ਟੂਰਨਾਮੈਂਟ ਨੂੰ ਸਫ਼ਲ ਬਣਾਇਆ। ਟੂਰਨਾਮੈਂਟ ਦੀ ਸ਼ੁਰੂਆਤ ਅਰਦਾਸ ਕਰਕੇ ਸਤਿਗੁਰ ਦਾ ਓਟ ਆਸਰਾ ਲੈ ਕੇ ਕੀਤੀ ਗਈ। ਇਸ ਮੌਕੇ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਦੇ ਸਾਬਕਾ ਪ੍ਰਧਾਨ ਅਤੇ ਉੱਘੇ ਸਾਬਕਾ ਕਬੱਡੀ ਖਿਡਾਰੀ ਸ: ਹਿੰਮਤ ਸਿੰਘ ਸੋਹੀ, ਕਮੇਟੀ ਮੈਂਬਰ ਸੁਖਦੇਵ ਸਿੰਘ ਔਜਲਾ, ਜਗਦੀਸ਼ ਸਿੰਘ, ਸਾਊਥਾਲ ਕਬੱਡੀ ਕਲੱਬ ਦੇ ਪ੍ਰਧਾਨ ਪ੍ਰਮਜੀਤ ਸਿੰਘ ਪੰਮੀ ਰੰਧਾਵਾ, ਕਰਮਜੀਤ ਸਿੰਘ ਕੰਮਾ ਔਜਲਾ, ਜਸਕਰਨ ਸਿੰਘ ਜੌਹਲ, ਗੁਰਮੀਤ ਸਿੰਘ ਰੰਧਾਵਾ, ਪਾਲਾ ਬੱਜਵਾਂ, ਰਸ਼ਪਾਲ ਸਿੰਘ ਸੰਘਾ, ਬਿੰਦੀ ਸੋਹੀ, ਭਿੰਦਾ ਸੋਹੀ, ਸੋਨੂੰ ਬਾਜਵਾ, ਟੀ ਜਿੰਦਰ, ਰਣਜੀਤ ਵੜੈਚ, ਕੇਸਰ ਸਿੰਘ ਧਾਲੀਵਾਲ, ਇੰਦਰਜੀਤ ਬੱਲ, ਬਾਈ ਚੀਮਾ, ਸ਼ਰਨਬੀਰ ਸਿੰਘ ਸੰਘਾ, ਮੀਕਾ ਮੱਲੀ ਆਦਿ ਹਾਜਿਰ ਸਨ।

ਮੈਚ ਸ਼ੁਰੂ ਹੋਣ ਲੱਗਾ ਤਾਂ ਟੀਮਾਂ ਨੂੰ ਆਮ ਵਾਂਗ ਵਾਰ ਵਾਰ ਬਲਾਉਣਾ ਪਿਆ, ਮੈਦਾਨ ਵਿੱਚ ਪਹੁੰਚੇ ਕਵੈਂਟਰੀ ਬ੍ਰਮਿੰਘਮ ਦੀ ਸਾਂਝੀ ਟੀਮ ਅਤੇ ਲੈਸਟਰ ਬ੍ਰਮਿੰਘਮ ਦੀਆਂ ਟੀਮਾਂ ਲਈ ਬਹਾਦਰ ਸ਼ੇਰਗਿੱਲ ਅਤੇ ਸ਼ੀਰਾ ਸੰਮੀਪੁਰ ਨੇ ਰੈਫਰੀ ਕਰਨੀ ਸ਼ੁਰੂ ਕੀਤੀ। ਦੀਪ ਮੌਲੀ, ਸਤਨਾਮ ਗਿੱਲ, ਪਿੰਦੂ ਜੌਹਲ, ਦੂਲੇ, ਜੀਤਾ ਢੰਡਾ ਆਪਣੀ ਟੀਮ ਨੂੰ ਹੱਲਾਸ਼ੇਰੀ ਦੇ ਰਹੇ ਸੀ ਜੱਗਾ ਮੂਲੇਵਾਲ ਖਹਿਰਾ ਨੇ ਬਦੇਸ਼ਾ ਰੋਕ ਕੇ ਪਹਾੜ ਰੋਕਣ ਵਾਲਾ ਕੰਮ ਕੀਤਾ, ਭਲਵਾਨ ਅਤੇ ਇਕਬਾਲ ਬਾਲਾ ਵੀ ਆਪਣੀ ਟੀਮ ਨੂੰ ਹੌਂਸਲਾ ਦੇ ਰਹੇ ਸੀ, ਲੱਖਾ, ਤਾਰੀ, ਸ਼ਾਮਾ, ਕਾਜੂ ਦੀ ਪਕੜ ਅਤੇ ਦੀਪ, ਜੱਗੀ, ਬਦੇਸ਼ਾਂ ਦੀ ਬੇਹਤਰ ਖੇਡ ਨੇ ਸਾਢੇ 35/ 27 ਦੇ ਫਰਕ ਨਾਲ ਟੂਰਨਾਮੈਂਟ ਦਾ ਪਲੇਠਾ ਮੈਚ ਜਿੱਤਿਆ। ਦੂਜਾ ਮੈਚ ਸਵੈਂਸੀ ਅਤੇ ਯੂ ਕੇ ਕਬੱਡੀ ਕਲੱਬ ਵਿਚਕਾਰ ਹੋਇਆ ਜੋ ਸਵੈਂਸੀ ਦੇ ਖਿਡਾਰੀਆਂ ਨੇ ਸਹਿਜੇ ਹੀ 40/33 ਦੇ ਫਰਕ ਨਾਲ ਜਿੱਤ ਲਿਆ। ਸਲੋਹ ਅਤੇ ਰੈਡਿੰਗ ਦਾ ਮੈਚ ਖੜ੍ਹਕੇ ਦੜਕੇ ਵਾਲਾ ਸੀ ਰਣਜੀਤ ਸਿੰਘ ਢੰਡਾ ਦਾ ਖਿਡਾਰੀ ਯਾਦਾ ਵੀ ਖੇਡ ਨਹੀਂ ਸੀ ਰਿਹਾ, ਪਰ ਜੱਗੂ ਪੂਰੇ ਜੋਸ਼ ਵਿੱਚ ਸੀ ਉਸ ਨੇ ਐਸ ਪੀ ਸਿੰਘ, ਕਲੀਮ ਜੱਟ ਨੂੰ ਰੋਕਿਆ, ਕਲੀਮ ਦੇ ਅਚਾਨਕ ਸੱਟ ਲੱਗਣ ਨਾਲ ਰੈਡਿੰਗ ਡੌਰਨੀ + ਈਰਥ ਬੈਲਵੇਡੀਅਰ ਦੀ ਟੀਮ ਲਈ ਜਿੱਤਣਾ ਹੋਰ ਵੀ ਮੁਸ਼ਕਿਲ ਹੋ ਗਿਆ ਅਤੇ ਸਲੋਹ ਸਾਢੇ 43/31 ਦੇ ਵੱਡੇ ਫਰਕ ਨਾਲ ਜੇਤੂ ਬਣ ਕੇ ਅੱਗੇ ਚਲੀ ਗਈ।

ਮੋਨਾ ਗਿੱਲ ਕੋਕਰੀ ਕਲਾਂ, ਰਮਨ ਭੈਣੀ ਸਿੱਧਵਾਂ, ਕਰਨ ਬੁਟਰ ਵੀ ਹੁਣ ਮੈਦਾਨ ਵਿੱਚ ਕਬੱਡੀ ਵੇਖਣ ਪਹੁੰਚ ਚੁੱਕੇ ਸੀ। ਹੇਜ਼ ਅਤੇ ਬਾਰਕਿੰਗ+ਗ੍ਰੇਵਜ਼ੈਂਡ ਦਾ ਮੈਚ ਹੋਣ ਲੱਗਾ ਤਾਂ ਇੱਕ ਖਿਡਾਰੀ ਨੂੰ ਲੈ ਕੇ ਰੌਲਾ ਪੈ ਗਿਆ, ਇੱਕ ਪਾਸੇ ਤਾਂ ਹੇਜ਼ ਤੇ ਨਿਯਮਾਂ ਦੀ ਉਲੰਘਣਾਂ ਕਰਨ ਦੇ ਦੋਸ਼ ਲੱਗਣ ਲੱਗੇ, ਦੂਜੇ ਪਾਸੇ ਹੇਜ਼ ਵਾਲੇ ਕਹਿਣ ਲੱਗੇ ਅਜੇਹਾ ਪਹਿਲੇ ਮੈਚਾਂ ‘ਚ ਹੋ ਚੁੱਕਾ ਫਿਰ ਵੱਖ ਵੱਖ ਨਿਯਮ ਕਿਉਂ ? ਰੌਲਾ ਰੱਪਾ ਕਾਫੀ ਦੇਰ ਪੈਂਦਾ ਰਿਹਾ, ਕੰਮਾਂ ਔਜਲਾ, ਪੰਮੀ ਰੰਧਾਵਾ, ਜਸਕਰਨ ਜੌਹਲ ਇਸ ਮਸਲੇ ਨੂੰ ਜਲਦੀ ਹੱਲ ਕਰਨ ਲਈ ਫੈਡਰੇਸ਼ਨ ਨੂੰ ਕਹਿ ਰਹੇ ਸੀ ਤਾਂ ਕਿ ਸਮੇਂ ਸਿਰ ਟੂਰਨਾਮੈਂਟ ਸਮਾਪਤ ਹੋ ਸਕੇ। ਇਸ ਕਸ਼ਮਕਸ਼ ਮੌਕੇ ਫੈਡਰੇਸ਼ਨ ਦੇ ਸੀਨੀਅਰ ਅਹੁਦੇਦਾਰ ਲੱਗਭੱਗ ਗਾਇਬ ਹੀ ਸੀ, ਆਖਿਰ ਰਸ਼ਪਾਲ ਸਿੰਘ ਸਹੋਤਾ ਨੇ ਖਿਡਾਰੀ ਨੂੰ ਖੇਡਣ ਦੀ ਇਜ਼ਾਜ਼ਤ ਦੇਣ ਦਾ ਫੈਸਲਾ ਸੁਣਾ ਦਿੱਤਾ ਅਤੇ ਮੈਚ ਸ਼ੁਰੂ ਹੋਇਆ। ਰੁਪਿੰਦਰ ਦੋਦਾ ਨੇ ਪਹਿਲੀ ਰੇਡ ਪਾ ਕੇ ਦੱਸ ਦਿੱਤਾ ਕਿ ਅੱਜ ਦਿਨ ਮੇਰਾ ਹੈ, ਫਿਰ ਮੈਚ ਕਾਹਦਾ ਸੀ ਬੱਸ ਅੱਗ ਹੀ ਵਰਦੀ ਸੀ, ਹੇਜ਼ ਵਾਲੇ ਪਤਾ ਨਹੀਂ ਕੀ ਬਣ ਕੇ ਆਏ, ਹਨੇਰੀ ਲਿਆਈ ਜਾ ਰਹੇ ਸੀ, ਅੱਧੇ ਸਮੇਂ ਤੱਕ ਸਾਢੇ 19/16 ਦੇ ਫਰਕ ਨਾਲ ਹੇਜ਼ ਅੱਗੇ ਸੀ, ਸੱਤਾ ਮੁਠੱਡਾ, ਰਾਣਾ ਪੱਡਾ, ਮੇਲਾ ਫੈਸਲੇ ਤੋਂ ਖੁਸ਼ ਨਹੀਂ ਸੀ। ਰੁਪਿੰਦਰ ਦੋਦਾ ਕਿਸੇ ਹੱਥ ਨਹੀਂ ਸੀ ਆ ਰਿਹਾ, ਹਰਮਨ ਘੋਲੀਆ ਜੱਫੇ ਤੇ ਜੱਫਾ ਠੋਕੀ ਜਾ ਰਿਹਾ ਸੀ, ਰਾਜੂ ਵੀ ਘੱਟ ਨਹੀਂ ਸੀ, ਜੱਫੇ ਤਾਂ ਭਾਊ, ਹਰਪਾਲ, ਸੁਨੜ ਵਾਲੇ ਨੇ ਵੀ ਲਾਏ ਪਰ ਹੇਜ਼ ਗੁਆਂਡੀ ਪਿੰਡ ਦਾ ਫਾਈਨਲ ਖੇਡਣ ਦੀ ਤਾਕ ਵਿੱਚ ਸੀ। ਆਖਿਰ ਸਾਢੇ 36/28 ਦੇ ਫਰਕ ਨਾਲ ਹੇਜ਼ ਅੱਗੇ ਵਧੀ। ਬਲਜਿੰਦਰਾ ਭਿੰਡਰ, ਬਬਲੀ, ਸੀਪੇ ਦੇ ਮੁੱਖ ‘ਤੇ ਵੱਖਰੀ ਮੁਸਕਾਨ ਸੀ, ਹੇਜ਼ ਦਾ ਪੁਰਾਣਾ ਖਿਡਾਰੀ ਬਾਜ਼ਾ ਮੱਲਣ ਵੀ ਖਿਡਰੀਆਂ ਨੂੰ ਦਾਅ ਪੇਚ ਦੱਸਦਾ ਰਿਹਾ।

ਲੈਸਟਰ ਕਬੱਡੀ ਕਲੱਬ ਨੇ ਟੈਲਫੋਰਡ ਕਬੱਡੀ ਕਲੱਬ ਨੂੰ ਸਹਿਜੇ ਹੀ ਵੱਡੇ ਫਰਕ ਨਾਲ ਹਰਾਕੇ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਸਾਊਥਾਲ+ਈਰਥ ਵੂਲਿਚ ਦੀ ਟੀਮ ਨੇ ਅਗਲੇ ਮੈਚ ਵਿੱਚ ਸਵੈਂਸੀ ਨੂੰ ਸਾਢੇ 42/27 ਦੇ ਅੰਕਾਂ ਨਾਲ ਹਰਾ ਕੇ ਸੈਮੀਫਾਈਨਲ ਲਈ ਰਾਹ ਪੱਧਰਾ ਕੀਤਾ। ਜੱਗਾ ਚਕਰ, ਪ੍ਰਮਿੰਦਰ ਨੂੰ ਪਤਾ ਹੀ ਸੀ ਕਿ ਇਹ ਮੈਚ ਔਖਾ ਐ। ਸਲੋਹ ਅਤੇ ਲੈਸਟਰ+ਬ੍ਰਮਿੰਘਮ ਵਿਚਕਾਰ ਪਹਿਲਾ ਸੈਮੀਫਾਈਨਲ ਹੋਣ ਲੱਗਾ ਤਾਂ ਦਰਸ਼ਕ ਪੂਰੀ ਟਿਕ ਟਿਕੀ ਲਾ ਕੇ ਵੇਖਣ ਲੱਗੇ, ਗਰਾਉਂਡ ਦੇ ਚਾਰੇ ਪਾਸੇ ਰੌਣਕਾਂ ਲੱਗੀਆਂ ਹੋਈਆਂ ਸੀ, ਇਕੱਠ ਨੇ ਪ੍ਰਬੰਧਕਾਂ ਨੂੰ ਦੁੱਗਣਾ ਖੁਸ਼ ਕੀਤਾ ਹੋਇਆ ਸੀ, ਕੜਕਦੀ ਧੁੱਪ ਵਿੱਚ ਕਬੱਡੀ ਦੇ ਨਜ਼ਾਰੇ ਵੇਖਣ ਲਈ ਹਰ ਕੋਈ ਅੱਡੀਆਂ ਚੁੱਕ ਰਿਹਾ ਸੀ। ਸਲੋਹ ਵੱਲੋਂ ਅਕਰਮ ਡੋਗਰ ਅਤੇ ਚਿਸ਼ਤੀ ਨੇ ਲਹਿੰਦੇ ਪੰਜਾਬ ਦੀ ਬਾਤ ਪਾਈ ਅਤੇ ਮਨਜੋਤ ਨੇ ਚੜ੍ਹਦੇ ਪੰਜਾਬ ਦੀ, ਮੋਹਿਤ ਹਰਿਆਣੇ ਦੀ ਗੱਲ ਕਰਦਾ ਤਾਂ ਦੁਜੇ ਪਾਸੇ ਲੈਸਟਰ ਬ੍ਰਮਿੰਘਮ ਵੱਲੋਂ ਜੱਗੀ ਮੌਲੀ, ਦੀਪ ਤੇ ਮਾਹਲਾ ਦੇ ਨਾਲ ਬਦੇਸ਼ਾ, ਸ਼ਾਮਾਂ ਇੱਬੜ ਤੇ ਲੱਖੇ ਨੇ ਮੋਹਿਤ ਡੱਕਿਆ, ਲੰਬੜ ਮੱਲ੍ਹੀਆਂ ਨੇ ਦੀਪ, ਭਿੰਦੇ ਨੇ ਜੱਗੀ, ਜੱਗੂ ਤਾਂ ਕਰਦਾ ਹੀ ਛੱਡਦੋ ਛੱਡਦੋ ਸੀ ਆਖਿਰ ਫਾਈਨਲ ਦਾ ਕੁੰਡਾ ਸਲੋਹ ਨੇ ਜਾ ਖੜ੍ਹਕਾਇਆ।

ਸਾਊਥਾਲ+ਈਰਥ ਵੂਲਿਚ ਅਤੇ ਹੇਜ਼ ਵਿਚਕਾਰ ਦੂਜਾ ਸੈਮੀਫਾਈਨਲ ਹੋਣ ਲੱਗਾ ਤਾਂ ਹਰ ਕੋਈ ਉਤਾਵਲਾ ਸੀ ਕਿ ਵੇਖੋ ਕੌਣ ਕਮਾਲ ਕਰਦਾ। ਗੁਆਂਢੀ ਪਿੰਡ ਹੋਣ ਕਰਕੇ ਦੋਵੇਂ ਪਾਸਿਆਂ ਦੇ ਹਮਾਇਤੀ ਪੂਰੇ ਜੋਸ਼ ਵਿੱਚ ਸਨ, ਸਾਊਥਾਲ ਵਾਲਿਆਂ ਨੇ ਘਰ ਦੀ ਟੀਮ ਹੋਣ ਕਰਕੇ ਜੇਬਾਂ ਭਰੀਆਂ ਹੋਈਆਂ ਸੀ ਕਿ ਅੱਜ ਖਿਡਾਰੀ ਪੂਰੇ ਖੁਸ਼ ਕਰਨੇ ਆ, ਅੱਧੇ ਸਮੇਂ ਤੱਕ ਸਿਰਫ ਹੇਜ਼ ਵੱਲੋਂ ਸੰਦੀਪ ਨੇ ਕਰਨ ਨੂੰ ਇੱਕੋ ਇੱਕ ਲਾਇਆ ਜੱਫਾ ਸੀ, ਜਿਸ ਕਾਰਨ ਅੱਧੇ ਸਮੇਂ ਤੱਕ ਸਾਊਥਾਲ ਦੇ ਸਾਢੇ 20 ਅਤੇ ਹੇਜ਼ ਦੇ 21 ਨੰਬਰ ਸੀ। ਦਰਸ਼ਕ ਇਸ ਨੂੰ ਸਿਰੇ ਦਾ ਮੈਚ ਆਖਦੇ ਸੀ, ਜਾਂ ਅੰਗਰੇਜ਼ੀ ਵਿੱਚ ਕਹਿ ਲਵੋਂ “ਮੈਚ ਆਫ ਦਾ ਡੇਅ”। ਪੰਮੀ ਰੰਧਾਵਾ ਅਤੇ ਜ਼ੈਲਾ ਹੁਸਿ਼ਆਰਪੁਰੀਆ ਖਿਡਾਰੀਆਂ ਨੂੰ ਪਾਣੀ ਪਿਆਉਣ ਦੇ ਨਾਲ ਨਾਲ ਮੈਦਾਨੀ ਕੋਚਿੰਗ ਵੀ ਦੇ ਰਹੇ ਸੀ, ਕੰਮਾ ਔਜਲਾ, ਜਸਕਰਨ ਜੌਹਲ, ਪਾਲਾ ਬੱਜਵਾਂ, ਗੁਰਮੀਤ ਰੰਧਾਵਾ, ਸੋਨੂੰ, ਬੁਲਟ, ਰਣਜੀਤ ਵੜੈਚ, ਟੀ ਜਿੰਦਰ, ਸੋਨੂੰ ਥਿੰਦ ਜੇਬਾਂ ਨੂੰ ਹੌਲਾ ਕਰਨ ਲੱਗੇ, ਨੋਟਾਂ ਦਾ ਮੀਂਹ ਵਰ੍ਹ ਰਿਹਾ ਸੀ, ਇੱਕ ਇੱਕ ਰੇਡ ਅਤੇ ਇੱਕ ਇੱਕ ਜੱਫਾ ਵੇਖਣ ਵਾਲਾ ਸੀ। ਅੱਧੇ ਸਮੇਂ ਤੋਂ ਬਾਅਦ ਤਾਂ ਗਰਾਉਂਡ ਹੀ ਦਿਸਣਾ ਬੰਦ ਹੋ ਗਿਆ, ਜਿਧਰੋਂ ਜੱਫਾ ਲੱਗਦਾ ਉੱਧਰ ਹੀ ਹੱਥ ਬਟੂਏ ਨੂੰ ਪੈਂਦਾਂ, ਪੌਂਡਾਂ ਦਾ ਮੀਂਹ ਵਰ੍ਹ ਰਿਹਾ ਸੀ। ਰਮਨ ਭੈਣੀ ਨੇ ਟਿੱਡੇ ਭੰਡਾਲ ਦਾ ਵਿਸ਼ੇਸ਼ ਸਨਮਾਨ ਕੀਤਾ।

ਹਰਮਨ ਘੋਲੀਏ ਨੇ ਟਿੱਡੇ ਭੰਡਾਲ ਅਤੇ ਕਰਨ ਨੂੰ, ਰਾਜੂ ਨੇ ਕਰਨ ਨੂੰ, ਸੰਦੀਪ ਬੱਸੀਆਂ ਨੇ ਕਰਨ ਨੂੰ ਜੱਫਾ ਲਾਇਆ ਅਤੇ ਅਮਨ ਲੁਹਾਰਾ ਨੇ ਟਿੱਡਾ ਨੂੰ ਕਈ ਵਾਰ ਰੋਕਿਆ, ਸੰਦੀਪ ਨੇ ਸਿਕੰਦਰ, ਸੋਨਾ ਨੇ ਰੁਪਿੰਦਰ ਨੂੰ ਰੋਕਿਆ ਤਾਂ ਬੱਸ ਸਾਊਥਾਲ ਵਾਲੇ ਨੋਟਾਂ ਦਾ ਮੀਂਹ ਵਰਾਉਣ ਲੱਗੇ, ਸ਼ਰਨੇ ਨੇ ਵੀ ਰੁਪਿੰਦਰ ਅਤੇ ਜੱਸੇ ਨੂੰ ਜੱਫਾ ਲਾਇਆ। ਆਖਿਰ ਹੇਜ਼ ਦੀ ਜਾਫ ਨੇ ਕਮਾਲਾਂ ਕੀਤੀਆਂ ਰੁਪਿੰਦਰ ਸਾਹੋ ਸਾਹ ਹੋਇਆ ਕਿਸੇ ਨੂੰ ਨੇੜੇ ਨਹੀਂ ਢੁਕਣ ਦੇ ਰਿਹਾ ਸੀ 41 ਅਤੇ ਸਾਡੇ 35 ਦੇ ਫਰਕ ਨਾਲ ਹੇਜ਼ ਫਾਈਨਲ ਵਿੱਚ ਪਹੁੰਚੀ।

ਬੱਚਿਆਂ ਦਾ ਸ਼ੋਅ ਮੈਚ ਕਰਵਾਇਆ ਗਿਆ। ਇਸ ਮੌਕੇ 21 ਸਾਲ ਤੋਂ ਯੂ ਕੇ ਦੇ ਕਬੱਡੀ ਟੂਰਨਾਮੈਂਟਾਂ ਤੇ ਕੁਮੈਂਟਰੀ ਕਰਕੇ ਅੰਤਰਾਸ਼ਟਰੀ ਪ੍ਰਸਿੱਧੀ ਹਾਸਿਲ ਕਰਨ ਵਾਲੇ ਯੂ ਕੇ ਦੇ ਉੱਘੇ ਕੁਮੈਂਟੇਟਰ ਭਿੰਦਾ ਮੁਠੱਡਾ ਨੂੰ 2100 ਪੌਂਡ ਨਾਲ ਸਾਊਥਾਲ ਕਬੱਡੀ ਕਲੱਬ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਪੰਜਾਬ ਤੋਂ ਆਏ ਸਾਬਕਾ ਵਿਧਾਇਕ ਮਨਜੀਤ ਸਿੰਘ ਮੰਨਾ ਅਤੇ ਪ੍ਰਸਿੱਧ ਮੁੱਕੇਬਾਜ਼ ਇੰਦਰ ਬਾਸੀ ਦਾ ਵਿਸ਼ੇਸ਼ ਸਨਮਾਨ ਕੀਤਾ।

ਫਾਈਨਲ ਮੈਚ ਹੋਣ ਲੱਗਾ ਤਾਂ ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਸਤਿੰਦਰ ਸਿੰਘ ਗੋਲਡੀ, ਕੁਲਵੰਤ ਸਿੰਘ ਚੱਠਾ, ਸ਼ੀਰਾ ਸੰਮੀਪੁਰ, ਢਿਲੋਂ, ਕਮਲ, ਪ੍ਰਮਿੰਦਰ, ਬਿੰਦਰ ਨਵਾਂ ਪਿੰਡ, ਬਿੰਦਰ ਗੜ੍ਹੀ ਬਖ਼ਸ਼, ਆਪਣੀ ਲਹਿੰਦੇ ਅਤੇ ਚੜ੍ਹਦੇ ਪੰਜਾਬ ਦੇ ਖਿਡਾਰੀਆਂ ਨੂੰ ਲੈ ਕੇ ਮੈਦਾਨ ਵਿੱਚ ਕੁੱਦੇ ਦੂਜੇ ਪਾਸੇ ਬਲਜਿੰਦਰਾ ਭਿੰਡਰ, ਬਬਲੀ, ਰਘਬੀਰ ਸਿੱਧੂ, ਸ਼ੀਪਾ ਆਪਣੇ ਖਿਡਾਰੀਆਂ ਨੂੰ ਲੈ ਕੇ ਆਏ ਲੇਕਨ ਫਾਈਨਲ ਤੋਂ ਪਹਿਲਾਂ ਹੇਜ਼ ਦੇ ਖਿਡਾਰੀਆਂ ਦਾ ਜ਼ੋਰ ਕੁਝ ਜਿਆਦਾ ਹੀ ਲੱਗ ਗਿਆ ਸੀ। ਰੁਪਿੰਦਰ ਨੂੰ ਪਹਿਲੀ ਰੇਡ ਤੇ ਹੀ ਜੱਗੂ ਹਾਕਮਵਾਲੀਏ ਨੇ ਜੱਫਾ ਲਾ ਕੇ ਸਲੋਹ ਵਾਲਿਆਂ ਨੂੰ ਕੱਪ ਕੋਲ ਜਾ ਕੇ ਬੈਠਣ ਲਈ ਕਹਿ ਦਿੱਤਾ ਸੀ ਕਿ ਅੱਜ ਆਪਾਂ ਹੀ ਲਿਜਾਣਾ। ਮਨੀ ਧਨੌਰੀ ਨੇ ਜੱਸਾ ਅਤੇ ਬਿੰਦਰ ਨੂੰ, ਜੱਗੂ ਨੇ ਰੁਪਿੰਦਰ ਅਤੇ ਜੱਸੇ ਨੂੰ, ਲੰਬੜ ਨੇ ਜੱਸੇ ਨੂੰ ਪੋਲੇ ਨੇ ਰੁਪਿੰਦਰ ਨੂੰ ਜੱਫੇ ਲਾਏ, ਅਮਨ ਲੁਹਾਰੇ ਨੇ ਮਨਜੋਤ ਨੂੰ ਡੱਕਿਆ ਪਰ ਦਿਨ ਸਲੋਹ ਦਾ ਸੀ ਅਤੇ ਆਖਿਰ 31-16 ਦੇ ਵੱਡੇ ਫਰਕ ਨਾਲ ਸਲੋਹ ਜੇਤੂ ਅਤੇ ਹੇਜ਼ ਉੱਪ ਜੇਤੂ ਰਹੀ। ਜਿਕਰਯੋਗ ਹੈ ਕਿ ਇਹ ਦੋਵੇਂ ਟੀਮਾਂ ਇੱਕ ਇੱਕ ਸ਼ਹਿਰ ਦੀਆਂ ਹੀ ਬਣੀਆ ਹੋਈਆਂ ਹਨ।

ਆਖਿਰ ਜੇਤੂਆਂ ਨੂੰ ਕੱਪਾਂ ਨਾਲ ਸਨਮਾਨਿਤ ਕੀਤਾ ਗਿਆ, ਰੁਪਿੰਦਰ ਦੋਦੇ ਨੂੰ ਮੈਨ ਆਫ ਦਾ ਟੂਰਨਾਮੈਂਟ ਦਾ ਖਿਤਾਬ ਦੇ ਕੇ ਸਨਮਾਨਿਤ ਕੀਤਾ ਗਿਆ।

ਕੁੱਲ੍ਹ ਮਿਲਾ ਕੇ ਟੂਰਨਾਮੈਂਟ ਬੇਹੱਦ ਕਾਮਯਾਬ ਰਿਹਾ ਜਿਸ ਲਈ ਪ੍ਰਬੰਧਕ ਕਮੇਟੀ ਵਧਾਈ ਦੀ ਪਾਤਰ ਹੈ। ਇਸ ਮੌਕੇ ਰਣਜੀਤ ਸਿੰਘ ਰਾਣਾ, ਗਿੱਲ ਨੇ ਗੀਤਾਂ ਰਾਹੀਂ ਹਾਜ਼ਰੀ ਭਰੀ। ਟੂਰਨਾਮੈਂਟ ਦਾ ਅਨੰਦ ਮਾਨਣ ਲਈ ਲਵਲੀ ਰੰਧਾਵਾ, ਤਰਸੇਮ ਮੁੱਟੀ, ਜੋਗਾ ਸਿੰਘ ਢੱਡਵਾੜ, ਹਰਵੰਤ ਸਿੰਘ ਮੱਲ੍ਹੀ, ਪ੍ਰਗਟ ਸਿੰਘ ਛੀਨਾ, ਗੁਰਪ੍ਰਤਾਪ ਸਿੰਘ ਢਿਲੋਂ, ਡਾ: ਪ੍ਰਵਿੰਦਰ ਸਿੰਘ ਗਰਚਾ, ਡਾ: ਦਵਿੰਦਰ ਸਿੰਘ ਕੂਨਰ, ਜਸਪਾਲ ਸਿੰਘ ਪਾਲੀ ਢਿਲੋਂ, ਮੋਨਾ ਗਿੱਲ, ਰਸ਼ਪਾਲ ਸਿੰਘ ਸੰਘਾ, ਬਲਜੀਤ ਸਿੰਘ ਗਿੱਲ, ਅਖ਼ਤਰ ਚੱਕ ਢੱਡੇ, ਅਮਰੀਕ ਸਿੰਘ ਘੁੱਦਾ, ਬਚਿੱਤਰ ਸਿੰਘ ਬੈਂਸ, ਮਲਕੀਤ ਸਿੰਘ ਹੇਅਰ, ਜਰਨੈਲ ਸਿੰਘ ਬੈਂਸ, ਬਲਬੀਰ ਸਿੰਘ ਰਾਏ, ਹਰਦੇਵ ਸਿੰਘ ਬੋਲਾ, ਅਜਮੇਰ ਸਿੰਘ ਸਾਮਰਾ, ਪ੍ਰਵਿੰਦਰ ਕੁਲਚਾ ਐਕਸਪ੍ਰੈਸ, ਲੱਖਾ, ਬਲਿਹਾਰ, ਬਲਬੀਰ ਸਿੰਘ, ਜਗਰੂਪ ਸਿੰਘ ਕੂਨਰ, ਸਿ਼ੰਦਰ ਸਿੰਘ ਪਾਹਲ, ਜਸਪਾਲ ਸਿੰਘ ਥਿੰਦ, ਬਲਜਿੰਦਰ ਸਿੰਘ ਜੈਨਪੁਰ, ਸੁਖਵਿੰਦਰ ਸਿੰਘ ਮੋਲਾ, ਰਾਣਾ ਪੱਡਾ, ਮੀਕਾ ਮੱਲੀ ਆਪਣੇ ਸਾਥੀਆਂ ਨਾਲ ਪਹੁੰਚੇ ਹੋਏ ਸਨ। ਟੂਰਨਾਮੈਂਟ ਦੀ ਕੁਮੈਂਟਰੀ ਭਿੰਦਾ ਮੁਠੱਡਾ, ਸੋਖਾ ਢੇਸੀ ਅਤੇ ਅਮਨ ਲੋਪੋ ਨੇ ਕੀਤੀ। ਪੰਜਾਬ ਕੇ ਟੀਵੀ ਵੱਲੋਂ ਸਿੱਧਾ ਪ੍ਰਸਾਰਣ ਕੀਤਾ ਗਿਆ ਅਤੇ ਸ਼ੀਰਾ ਕਵੈਂਟਰੀ ਦੇ ਸਪੀਕਰਾਂ ਦੀ ਗੜਗੜਾਹਟ ਨੌਰਥਹੋਲਟ ਤੋਂ ਸਾਊਥਾਲ ਤੱਕ ਸੁਣਾਈ ਦਿੰਦੀ ਰਹੀ। ਆਖਿਰ ਬਾਰਕਿੰਗ ਮੇਲੇ ਤੇ ਮਿਲਣ ਦਾ ਵਾਅਦਾ ਕਰਕੇ ਸਭ ਨੇ ਘਰਾਂ ਨੂੰ ਚਾਲੇ ਪਾ ਗਏ।

ਰਿਪੋਰਟ – ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ ਅਤੇ ਸੰਤੋਖ ਸਿੰਘ ਢੇਸੀ

ਗ੍ਰੇਵਜ਼ੈਂਡ ਵਿਖੇ ਸੰਦੀਪ ਨੰਗਲਅੰਬੀਆਂ, ਦਾਰਾ ਮੁਠੱਡਾ, ਮੱਖਣ ਜੌਹਲ ਅਤੇ ਮੀਤਾ ਢੇਸੀ ਦੀ ਯਾਦ ਵਿੱਚ ਕਰਵਾਏ ਕਬੱਡੀ ਟੂਰਨਾਮੈਂਟ ਦਾ ਕੱਪ ਸਲੋਹ ਕਲੱਬ ਨੇ ਜਿੱਤਿਆ

ਰਣਜੀਤ ਢੰਡੇ ਦੀ ਰੈਡਿੰਗ ਡੋਰਨੀ ਕਲੱਬ ਦੂਜੇ ਨੰਬਰ ’ਤੇ ਰਹੀ ਅਤੇ ਮੰਗੇ ਮਿੱਠੇਪੁਰ ਦਾ ਗੋਲਡ ਮੈਡਲ ਨਾਲ ਸਨਮਾਨ ਕੀਤਾ ਗਿਆ

ਸ੍ਰੀ ਗੁਰੂ ਨਾਨਕ ਦਰਬਾਰ ਗੁਰਦੁਆਰਾ ਗ੍ਰੇਵਜ਼ੈਂਡ ਦੀ ਆਲੀਸ਼ਾਨ ਇਮਾਰਤ ਪੂਰੇ ਯੂਰਪ ’ਚੋਂ ਪਹਿਲੇ ਨੰਬਰ ’ਤੇ ਹੈ। ਇਸ ਗੁਰੂਘਰ ਦੀ ਦਿੱਖ ਅਤੇ ਸੰਗਤ ਵਿੱਚ ਏਨੀ ਸ਼ਰਧਾ ਹੈ ਕਿ ਇੱਥੋਂ ਦੇ ਬੱਚੇ ਬੱਚੀਆਂ ਆਪਣਾ ਆਨੰਦ ਕਾਰਜ ਇਥੋਂ ਦੇ ਗੁਰੂਘਰ ਵਿੱਚ ਕਰਵਾ ਕੇ ਆਪਣਾ ਜੀਵਨ ਸ਼ੁਰੂ ਕਰਨ ਵਿੱਚ ਮਾਣ ਮਹਿਸੂਸ ਕਰਦੇ ਹਨ। ਬਹੁਤ ਸਾਰੀਆਂ ਫ਼ਿਲਮਾਂ ਦਾ ਫ਼ਿਲਮਾਂਕਣ ਇਸ ਗੁਰੂਘਰ ਵਿੱਚ ਹੋ ਚੁੱਕਾ ਹੈ। ਇਥੋਂ ਦੀ ਪ੍ਰਬੰਧਕ ਕਮੇਟੀ ਅਤੇ ਸੰਗਤਾਂ ਇਲਾਕੇ ਦੇ ਸਹਿਯੋਗ ਨਾਲ ਦਿਨੋਂ ਦਿਨ ਗੁਰੂਘਰ ਨੂੰ ਵਧੀਆ ਬਨਾਉਣ ਦੀ ਯਤਨ ਕਰਦੀਆਂ ਰਹਿੰਦੀਆਂ ਹਨ। ਸੰਗਤਾਂ ਦਾ ਬੜਾ ਇਤਫ਼ਾਕ ਹੈ। ਸੱਭ ਤੋਂ ਵੱਡੀ ਗੱਲ ਹੈ ਕਿ ਜਿੱਥੇ ਕਾਰ ਪਾਰਕ ਬਹੁਤ ਵੱਡੀ ਹੈ ਉਥੇ ਗੁਰੂਘਰ ਦਾ ਆਪਣਾ ਖੇਡ ਮੈਦਾਨ ਬਹੁਤ ਵੱਡਾ ਹੈ ਜਿਥੇ ਇਲਾਕੇ ਦੇ ਲੋਕ ਸ਼ਾਮ ਸਵੇਰੇ ਕਸਰਤ ਕਰਦੇ ਹਨ। ਟਰੈਕ ਦੇ ਨਾਲ ਫੁੱਟਬਾਲ ਦੀ ਵਧੀਆਂ ਗਰਾਊਂਡ ਹੈ। ਕਬੱਡੀ ਦੀ ਵੀ ਵਧੀਆ ਗਰਾਊਂਡ ਹੈ। ਪ੍ਰਬੰਧਕ ਕਮੇਟੀ ਨੇ ਅੱਜ ਦਾ ਟੂਰਨਾਮੈਂਟ ਵੀ ਇਹਨਾਂ ਗੁਰੂਘਰ ਦੀਆਂ ਗਰਾਊਂਡਾਂ ਵਿੱਚ ਬਹੁਤ ਹੀ ਵਧੀਆ ਤਰੀਕੇ ਨਾਲ ਅਤੇ ਵਧੀਆ ਪ੍ਰਬੰਧ ਹੇਠ ਕਰਵਾ ਕੇ ਨਵਾ ਇਤਿਹਾਸ ਸਿਰਜਿਆ ਉਥੇ ਕਬੱਡੀ ਖੇਡ ਦੀ ਬੱਲੇ ਬੱਲੇ ਕਰਵਾ ਦਿੱਤੀ।

ਆਓ ਤੁਹਾਨੂੰ ਹੁਣ ਖੇਡ ਮੈਦਾਨ ਵਿੱਚ ਲੈ ਚੱਲਦੇ ਹਾਂ। ਜਿਥੇ ਜ਼ੋਰ ਜਵਾਨੀ, ਫੁਰਤੀ, ਚੁਸਤੀ, ਭਾਜ, ਡਾਜ, ਦਾਅ+ਪੇਚ, ਖੂਨ ਦੀ ਗਰਮੀ ਨੂੰ ਦਰਸ਼ਕ ਮੁੜਕੋਂ ਮੁੜਕੀ ਕਰ ਦਿੱਤੇ। ਪ੍ਰਮੋਟਰਾਂ ਦਾ ਵੀ ਖੂਨ ਉਬਾਲੇ ਮਾਰਦਾ ਸੀ ਇਹ ਵੀ ਸਾਂਭਣੇ ਔਖੇ ਸਨ। ਇੱਕ ਇੱਕ ਨੰਬਰ ’ਤੇ ਫਾਈਟ ਕਰਦੇ ਸੀ ਖਿਡਾਰੀ। ਪੌਂਡਾਂ ਦੀ ਗਰਮੀ ਨੇ ਖਿਡਾਰੀਆਂ ਵਿੱਚ ਏਨਾ ਜੋਸ਼ ਤੇ ਦਲੇਰੀ ਭਰ ਦਿੱਤੀ ਕਿ ਆਫ਼ ਟਾਈਮ ਵਿੱਚ ਜੋ ਟੀਮ ਜਿੱਤਦੀ ਸੀ ਦੂਜੇ ਹਾਫ਼ ਵਿੱਚ ਉਹ ਕੱਪੜੇ ਪਾਉਣ ਨੂੰ ਕਾਹਲੇ ਸੀ। ਲਹਿੰਦੇ ਪੰਜਾਬ ਤੋਂ ਆਏ ਤਿੰਨ ਨਵੇਂ ਖਿਡਾਰੀਆਂ ਨੇ ਐਸੇ ਵੱਖਰੇ ਐਕਸ਼ਨ ਮਾਰੇ ਕਿ ਦਰਸ਼ਕਾਂ ਨੇ ਪੌਂਡਾਂ ਨਾਲ ਜੇਬਾਂ ਭਰ ਦਿੱਤੀਆਂ। ਕਈ ਸਾਬਕਾ ਖਿਡਾਰੀ ਬੈਠੇ ਕਚੀਚੀਆਂ ਵੱਟਦੇ ਸੀ ਕਿ ਕਮੀਨੀ ਜਵਾਨੀ ਆਈ ਤਾਂ ਹਨੇਰੀ ਵਾਗੂੰ ਪਰ ਜਾਣ ਲੱਗੀ ਭੈੜੀ ਨੇ ਗਿੱਟੇ, ਗੋਡੇ, ਮੋਢੇ ਵਿੱਚ ਮਿੱਠੀਆਂ-ਮਿੱਠੀਆਂ ਦਰਦਾ ਛੇੜ ਦਿੱਤੀਆਂ

ਇਸ ਮੇਲੇ ਵਿੱਚ ਆਪਣਾ ਜੋਹਰ ਵਿਖਾਉਣ ਲਈ ਲੈਸਟਰ ਬ੍ਰਮਿੰਘਮ ਅਤੇ ਬ੍ਰਮਿੰਘਮ ਕਾਵੈਂਟਰੀ ਦੀਆਂ ਟੀਮਾਂ ਤਕਰੀਬਨ 12 ਕੁ ਵਜੇ ਗਰਾੳੂਂਡ ਵਿੱਚ ਪਹੁੰਚ ਗਈਆਂ ਸਨ। ਇਹਨਾਂ ਦੋਵੇਂ ਕਲੱਬਾਂ ਵਿੱਚ ਤਕਰੀਬਨ ਇਕੋ ਜਿਹੇ ਨਾਪ ਤੋਲ ਵਾਲੇ ਖਿਡਾਰੀ ਸਨ। ਸੰਦੀਪ ਬਦੇਸ਼ਾ ਵਧੀਆ ਕੋਡੀਆਂ ਪਾਂਉਦਾ ਆ। ਜੱਗਾ ਮੂਲੇਵਾਲ ਖੈਹਰਿਆਂ ਵਾਲਾ ਕਈ ਵਾਰੀ ਐਸਾ ਜੂੜ ਪਾਉਦਾ ਧਾਵੀ ਤੜਫਦਾ ਕਹਿੰਦਾ ਆ ਰੈਫਰੀ ਨੂੰ ਸੀਟੀ ਮਾਰਕੇ ਛੁਡਾਉਣਾ ਪੈਂਦਾ ਆ। ਇਸ ਜਾਲ ਵਿੱਚ ਬਦੇਸ਼ਾ ਇਕ ਵਾਰੀ ਅਜਿਹਾ ਫਸਿਆ ਬੱਸ ਫਸਿਆ ਹੀ ਰਹਿ ਗਿਆ। ਸ਼ਰਮੇ ਨੂੰ ਪ੍ਰੀਤ ਨੇ ਪ੍ਰੀਤੀ ਭੋਜਨ ਛਕਾ ਹੀ ਦਿੱਤਾ। ਸੰਗਤਪੁਰ ਵਾਲਾ ਤਾਰੀ ਬਲਾਲ ਢਿੱਲੋਂ ਨੂੰ ਰੋਕ ਕੇ ਉਹ ਗੱਲ ਕਰਤੀ –

ਮੁੰਡੇ ਨੇ ਟਰੱਕ ਰੋਕਤਾ

ਮੂਹਰੇ ਸੁੱਟ ਕੇ ਤੂਤ ਦਾ ਮੋਛਾ॥

ਲੈਸਟਰ ਬ੍ਰਮਿੰਘਮ ਟੀਮ ਸੱਤ ਨੰਬਰਾਂ ਦੇ ਫ਼ਰਕ ਨਾਲ ਬਾਜ਼ੀ ਮਾਰ ਹੀ ਗਈ। ਰੈਡਿੰਗ+ਡੋਰਨੀ ਵਲਵੀਡੀਅਰ ਈਰਥ ਦਾ ਮੁਕਾਬਲਾ ਟੈਲਫੋਰਡ ਦੀ ਟੀਮ ਨਾਲ ਏਨਾ ਖਾਸ ਖੜਕਿਆ ਨਹੀਂ। ਦਰਸ਼ਕਾਂ ਨੂੰ ਪੂਰਾ ਗਿਆਨ ਸੀ ਕਿ ਟੈਲਫੋਰਡ ਦੇ ਖਿਡਾਰੀ ਖੜਕੇ ਨਹੀਂ। ਟੈਲਫੋਰਡ ਦੇ ਖਿਡਾਰੀ ਰੈਡਿੰਗ ਦੇ ਮੁਕਾਬਲੇ ਘੱਟ ਤਜਰਬੇ ਵਾਲੇ ਹਨ। ਪਰ ਸੀਰਾ ਔਲਖ, ਬਿੰਦਰ ਚੱਠਾ ਨੇ ਭਜੀ ਖੀਰਾਂਵਾਲੀ ਦੀ ਯਾਦ ਨੂੰ ਸਮਰਪਿੱਤ ਟੀਮ ਬਣਾ ਕੇ ਦੱਸ ਦਿੱਤਾ ਕੇ ਤੇਰਾ ਨਾਂ ਖੇਡ ਮੈਦਾਨਾਂ ਵਿੱਚ ਸਦਾ ਹੀ ਗੂੰਜਦਾ ਰਹੁਗਾ।

ਸਲੋਹ ਅਤੇ ਹੇਜ਼ ਨੇ ਜਦੋਂ ਇੱਕ ਯਾਦਗਿਰੀ ਤਸਵੀਰ ਖਿਚਾਈ ’ਤੇ ਦਰਸ਼ਕਾਂ ਨੇ ਤਾੜੀਆਂ ਮਾਰ ਕੇ ਸਵਾਗਤ ਕੀਤਾ। ਮੇਲਾ ਪੂਰਾ ਭਰਦਾ ਜਾਂਦਾ ਸੀ। ਸੱਤਾ ਮੁਠੱਡਾ, ਪਾਲਾ ਸਹੋਤਾ, ਕੁਲਵਿੰਦਰ ਸਹੋਤਾ ਸਵਰਨੇ ਤੇ ਬਹਾਦਰ ਨੂੰ ਕਹਿੰਦੇ ਮੈਚ ਸ਼ੁਰੂ ਕਰਵਾਓ ਦਰਸ਼ਕਾਂ ਨੇ ਦਸ ਪੌਂਡ ਖਰਚੇ ਹਨ। ਡੋਗਰ ਜਦੋਂ ਗਰਾਊਂਡ ਵਿੱਚ ਛਾਲਾ ਮਾਰਦਾ ਸੀ ਟੈਹਲਾ ਜੀਤੀ ਖੈਹਰੇ ਨੂੰ ਕਹਿੰਦਾ ਕਿ ਇਸ ਗੱਭਰੂ ਦੀ ਚੜ੍ਹਤ ਵੇਖਣ ਵਾਲੀ ਆ। ਮੈਚ ਸ਼ੁਰ ਹੋ ਗਿਆ। ਧਾਵੀ ਨੰਬਰ ’ਤੇ ਨੰਬਰ ਜੋੜੀ ਜਾਂਦੇ ਸੀ। ਕਿਉਕਿ ਜਿੰਨਾ ਚਿਰ ਜਾਫੀ ਧਾਵੀ ਨੂੰ ਡੱਕਦਾ ਨਹੀਂ ਓਨਾ ਚਿਰ ਮੈਚ ਗਰਮ ਨਹੀਂ ਹੁੰਦਾ। ਭਿੰਦਾ ਮੂਲੇ ਖਹਿਰੇ ਵਾਲਾ ਗੁੱਸਾ ਖਾ ਗਿਆ ਤੇ ਮਨਜਿੰਦਰ ਨੂੰ ਬਾਹਾਂ ਦੇ ਜ਼ੋਰ ਨਾਲ ਡੱਕ ਲਿਆ। ਅਮਨ ਲੁਹਾਰੇ ਨੇ ਜਦੋਂ ਅਸਲਮ ਡੋਗਰ ਦੀ ਖੁੱਚ ਪੱਟੀ ਤਾਂ ਦਰਸ਼ਕ ਸਮਝ ਗਏ ਸੀ ਕਿ ਹੇਜ਼ ਵਾਲੇ ਨੰਬਰ ਬਰਾਬਰ ਕਰ ਗਏ। ਬਲਜਿੰਦਰ ਭਿੰਡਰ, ਬਬਲੀ, ਬਿੰਦਰ ਸਿੱਧੂ ਪੂਰੇ ਖੁਸ਼ ਹੋ ਗਏ। ਪ੍ਰਤਾਪ ਮੋਮੀ, ਬਿੱਲੇ ਗਿੱਲ ਨੇ ਹੇਜ਼ ਟੀਮ ਦਾ ਪੌਂਡਾਂ ਨਾਲ ਮਾਣ ਵਧਾ ਦਿੱਤਾ। ਚਿਸ਼ਤੀ ਨੰਬਰ ਲੈ ਕੇ ਕੁਲਵੰਤ ਚੱਠੇ ਅਤੇ ਗੋਲਡੀ ਸੰਧੂ ਕੋਲ ਆ ਕੇ ਖੜ੍ਹ ਜਾਂਦਾ ਤੇ ਸਟੇਜ ’ਤੇ ਪਏ ਕੱਪ ਨੂੰ ਘੂਰ-ਘੂਰ ਵੇਖੀ ਜਾਂਦਾ ਸੀ। ਸ਼ੀਰਾ ਸੰਮੀਪੁਰ ਜਾਫੀਆਂ ਦੀ ਕਲਾਸ ਲਾਈ ਜਾਂਦਾ ਸੀ। ਸਲੋਹ ਦੀ ਚੜ੍ਹਤ ਨੂੰ ਹੇਜ਼ ਵਾਲੇ ਰੋਕ ਨਾ ਸਕੇ।

ਸਾਊਥਾਲ ਈਰਥ+ਵੂਲਿਚ ਅਤੇ ਗ੍ਰੇਵਜ਼ੈਂਡ ਬਾਰਕਿੰਗ ਦੇ ਮੈਚ ਵੇਲੇ ਮੇਲਾ ਪੂਰੇ ਜੋਬਨ ’ਤੇ ਸੀ। ਦਰਸ਼ਕਾਂ ਦਾ ਠਾਠਾਂ ਮਾਰਦਾ ਇਕੱਠ ਇਸ ਗੱਲ ਦੀ ਗਵਾਹੀ ਭਰਦਾ ਸੀ ਕਿ ਖੇਡ-ਕਬੱਡੀ ਦਾ ਪੰਜਾਬੀਆਂ ਨਾਲ ਨੂੰਹ ਮਾਸ ਦਾ ਰਿਸ਼ਤਾ ਹੈ। ਭਿੰਦਾ ਮੁਠੱਡਾ ਮਾਈਕ ਦੀਆਂ ਬੈਟਰੀਆਂ ਚੈਕ ਕਰਦਾ ਸੀ। ਸੁਰਿੰਦਰ ਮਾਣਕ ਤੇ ਸੱਤੇ ਮੁਠੱਡੇ ਦਾ ਭਾਵੇਂ ਭਰਾਵਾਂ ਵਾਲਾ ਪਿਆਰ ਹੈ ਪਰ ਖੇਡ ਮੈਦਾਨ ਵਿੱਚ ਕੋਈ ਲਿਹਾਜ਼ ਨਹੀਂ। ਜਸਕਰਣ ਜੋਹਲ, ਪੰਮੀ ਰੰਧਾਵਾ, ਕੰਮਾ ਔਜਲਾ, ਬੁੱਲਟ, ਪਾਲਾ ਬੱਝਵਾ, ਸੋਨੂੰ ਬਾਜਵਾ ਟੀਮ ਨਾਲ ਫ਼ੋਟੋ ਕਰਵਾ ਰਹੇ ਸਨ। ਬਾਰਕਿੰਗ+ਗ੍ਰੇਵਜ਼ੈਂਡ ਦੀ ਸਾਂਝੀ ਟੀਮ ਹੋਣ ਕਰਕੇ ਸੁਖਵੀਰ ਬਾਸੀ, ਕਮਲ ਬਾਸੀ, ਰਾਣਾ ਪੱਡਾ ਖੀਰਾਂਵਾਲੀ, ਲਹਿੰਬਰ ਲੱਧੜ, ਗੁਰਵਿੰਦਰ ਕਾਹਲੋਂ, ਅਜਮੇਰ ਮੇਲਾ ਵੀ ਟੀਮ ਨੂੰ ਹੱਲਾਸ਼ੇਰੀ ਦੇਣ ਲਈ ਪਹੁੰਚ ਗਏ। ਮੈਚ ਦੇ ਸ਼ੁਰੂ ਵਿੱਚ ਹੀ ਸਰਨੇ ਡੱਗੋਰਮਾਣੇ ਵਾਲੇ ਨੇ ਜੱਗੇ ਮਲਸੀਆਂ ਵਾਲੇ ਤੋਂ ਨੰਬਰ ਲੈ ਲਿਆ। ਪਿੰਦੂ ਸੀਚੇਵਾਲ ਨੇ ਟਿੱਡੇ ਭੰਡਾਲ ਦੋਨੇ ਨੂੰ ਰੋਕ ਦਿੱਤਾ। ਚੱਠਾ ਲਹਿੰਦੇ ਪੰਜਾਬ ਦਾ ਖਿਡਾਰੀ ਵੀ ਜੱਫੇ ਖਾ ਗਿਆ। ਸੋਹਣ ਰੁੜਕੀ ਅੱਜ ਸੁਸਤ ਹੀ ਖੇਡਿਆ। ਕਰਨਾ ਦਿਆਲ ਪੂਰੀਆ ਕਮਾਲ ਕਰ ਗਿਆ। ਜਸਕਰਣ ਜੋਹਲ ਅਤੇ ਪੰਮੀ ਰੰਧਾਵੇ ਨੇ ਜੱਫਿਆ ’ਤੇ ਪੈਸਾ ਤਾਂ ਬਥੇਰੇ ਲਾਏ ਅਤੇ ਟੀਮ ਦੋ ਜੱਫਿਆ ਦੇ ਫ਼ਰਕ ਨਾਲ ਸਾਊਥਾਲ+ਈਰਥ-ਵੂਲਿਚ ਮੈਚ ਜਿੱਤ ਗਈ।

ਸਲੋਹ ਅਤੇ ਲੈਸਟਰ ਬ੍ਰਮਿੰਘਮ ਦੇ ਮੈਚ ਨੇ ਦਰਸ਼ਕਾਂ ਦਾ ਪੂਰਾ ਮਨੋਰੰਜਨ ਕੀਤਾ। ਪਿਆਰਾ ਸਿੰਘ ਰੰਧਾਵਾ, ਲੱਡੂ, ਭਲਵਾਨ ਬੀੜ ਬੰਸੀਆ, ਕੁਲਵੀਰ ਖੱਖ, ਕੁਲਵੰਤ ਸੰਘਾ ਭਰਿਆ ਮੇਲਾ ਵੇਖਕੇ ਟੀਮ ਨੂੰ ਹੱਲਾਸ਼ੇਰੀ ਦੇ ਰਹੇ ਸਨ। ਪਰ ਡੋਗਰ, ਚਿਸ਼ਤੀ, ਜੱਗੂ, ਮਨੀਧਨੋਰੀ ਦੀ ਦਹਿਸ਼ਤ ਵੀ ਅੰਦਰੋਂ ਅੰਦਰੀ ਵੱਢ-ਵੱਢ ਖਾਂਦੀ ਸੀ। ਬਦੇਸ਼ਾ+ਜੱਗੀ+ਮਾਲਾ ਕੋਡੀਆਂ ਤਾਂ ਜਿਗਰੇ ਨਾਲ ਪਾਉਦੇ ਸੀ। ਪਰ ਜਾਫ ਲਾਈਨ ਵੀ ਕੀ ਕਰਦੀ ਸਟਾਰ ਖਿਡਾਰੀ ਧਾਵੀ ਬੋਲ ਰਹੇ ਸਨ। ਸ਼ੀਰਾ ਸੰਮੀਪੁਰ, ਗੋਲਡੀ ਸੰਧੂ ਹੁਰੀਂ ਮੈਚ ਜਿੱਤ ਕੇ ਫਾਈਨਲ ਵਿੱਚ ਪਹੁੰਚ ਗਏ। ਦੂਸਰਾ ਸੈਮੀਫਾਈਨਲ ਈਰਥ+ਵੂਲਿਚ ਸਾਊਥਾਲ ਦਾ ਮੁਕਾਬਲਾ ਰੈਡਿੰਗ ਡੋਰਨੀ ਨਾਲ ਬਹੁਤ ਹੀ ਜ਼ਬਰਦਸਤ ਹੋਇਆ। ਯਾਦਾ ਸੁਰਖਪੁਰ ਜੱਫੇ ਤੇ ਜੱਫਾ ਲਾਈ ਜਾਂਦਾ ਸੀ। ਸੰਦੀਪ ਤੇ ਸੋਨੂੰ ਵੀ ਧੱਕੜ ਜੱਫੇ ਲਾ ਗਏ। ਟਿੱਡਾ ਵੀ ਰੁਕਦਾ ਨਹੀਂ ਸੀ। ਕਲੀਮ ਉਲਾ ਜੱਟ ਪਹਿਲੀ ਵਾਰ ਇੰਗਲੈਂਡ ਪਹੁੰਚਿਆ ਤੇ ਉਸਨੇ ਮੇਲਾ ਲੁੱਟ ਲਿਆ। ਦਰਸ਼ਕਾਂ ਨੇ ਪੌਂਡਾਂ ਨਾਲ ਬੋਝਾ ਭਰ ਦਿੱਤਾ। ਇਸ ਮੌਚ ਵਿੱਚ ਕਾਫ਼ੀ ਗਰਮੀ ਸੀ। ਬੁੱਲਟ ਤੇ ਜੋਤੇ ਦੇ ਧਾਵੇ ਰਣਜੀਤ ਢੰਡੇ ਨੂੰ ਫਾਈਨਲ ਵਿੱਚ ਲੈ ਗਏ। ਦਰਬਾਰਾ ਧਾਲੀਵਾਲ, ਲੱਕੀ, ਬਿੰਦਰ, ਬਿੱਲੂ ਬੋਪਾਰਾਏ ਪੂਰੇ ਖੁਸ਼ ਸਨ।

ਫਾਈਨਲ ਮੁਕਾਬਲਾ ਸਲੋਹ ਅਤੇ ਰੈਡਿੰਗ ਡੋਰਨੀ ਨਾਲ ਬਹੁਤ ਹੀ ਸਿਰੇ ਦੀ ਟੱਕਰ ਸੀ। ਮੈਚ ਚੱਲਦੇ ਦੌਰਾਨ ਯਾਦੇ ਨੇ ਮੋਹਿਤ ਤੇ ਚਿਸ਼ਤੀ ਡੱਕ ਲਏ। ਮਨੀਧਨੋਰੀ ਨੇ ਬੁੱਲਟ ਡੱਕ ਲਿਆ। ਜੱਫੇ ਤੇ ਜੱਫੇ ਲੱਗਦੇ ਗਏ। ਅੱਧੇ ਸਮੇਂ ਤੱਕ ਰੈਡਿੰਗ ਚਾਰ ਨੰਬਰਾਂ ਦੇ ਫ਼ਰਕ ਨਾਲ ਅੱਗੇ ਸੀ। ਫਿਰ ਜੱਗੂ ਹਾਕਮਵਾਲੀਆ ਨੇ ਕਈ ਧੱਕੜ ਜੱਫੇ ਠੋਕ ਦਿੱਤੇ। ਗਿੰਨੀ ਨੇ ਮਨਜੋਤ ਡੱਕ ਲਿਆ। ਇੱਕ-ਇੱਕ ਜੱਫੇ ’ਤੇ ਦਰਸ਼ਕਾਂ ਵਲੋਂ ਨੋਟਾ ਦਾ ਮੀਂਹ ਵਰ੍ਹਦਾ ਸੀ। ਹਰਮਨ ਵਡਾਲੇ ਨੇ ਐਸੀ ਚੈਨ ਘੁਮਾਈ ਕਿ ਸਲੋਹ ਵਾਲਿਆਂ ਨੇ ਸਾਰੇ ਰੇਡਰ ਰੋਕ ਦਿੱਤੇ। ਦੋਨਾਂ ਟੀਮਾਂ ਦੇ ਖਿਡਾਰੀਆਂ ਨੇ ਸਿਰੇ ਦੀ ਖੇਡ ਵਿਖਾਈ ਅਤੇ ਪਰ ਸਲੋਹ ਦੀ ਟੀਮ ਨੇ 50-44 1/2 ਦੇ ਫ਼ਰਕ ਨਾਲ ਗ੍ਰੇਵਜ਼ੈਂਡ ਕਬੱਡੀ ਕੱਪ ਜਿੱਤਕੇ ਬੱਲੇ ਬੱਲੇ ਕਰਵਾ ਦਿੱਤੀ। ਇਹ ਮੈਚ ਦਰਸ਼ਕਾਂ ਦੇ ਕਈ ਸਾਲ ਚੇਤਿਆਂ ਵਿੱਚ ਰਹੂਗਾ। ਕਲੀਮ ਓਲਾ ਜੱਟ ਬੈਸਟ ਧਾਵੀ ਚੁਣਿਆ ਗਿਆ। ਜੱਗ ਹਾਕਮਵਾਲੀਆ ਬੈਸਟ ਜਾਫੀ ਦਾ ਖਿਤਾਬ ਜਿੱਤਿਆ। ਭਿੰਦਾ ਮੁਠੱਡਾ ਅਤੇ ਅਮਨ ਲੋਪੋ ਨੇ ਕੁਮੈਂਟਰੀ ਕੀਤੀ।

ਇਸ ਤੋਂ ਇਲਾਵਾ ਬੱਚਿਆਂ ਅਤੇ ਇਥੋਂ ਦੇ ਜੰਮਪਲ ਚੋਬਰਾਂ ਦੇ ਵੀ ਮੈਚ ਕਰਵਾਏ ਗਏ। ਮਿੱਠਾ ਪੁਰੀਏ ਮੰਗੇ ਨੂੰ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ। ਮੰਗੇ ਨੇ ਇਹ ਮੈਡਲ ਸੰਦੀਪ ਦੇ ਬੱਚਿਆਂ ਨੂੰ ਦੇ ਦਿੱਤਾ। ਸੰਦੀਪ ਨੰਗਲ ਅੰਬੀਆਂ ਦੇ ਬਾਪੂ ਜੀ ਦਾ ਅਤੇ ਉਸਦੇ ਵੀਰੇ ਨੂੰ ਵੀ ਸਨਮਾਨ ਚਿੰਨ੍ਹ ਭੇਟ ਕੀਤਾ। ਪ੍ਰਸਿੱਧ ਇੰਟਰਨੈਸ਼ਨਲ ਬੁਲਾਰੇ ਅਮਨ ਲੋਪੋ ਦਾ 1500 ਸੋ ਪੋਂਡ ਨਾਲ ਨਗਦ ਸਨਮਾਨ ਵੀ ਕੀਤਾ ਗਿਆ। ਇਹ ਸਨਮਾਨ ਕਰਨ, ਸ਼ੀਰਾ ਔਲਖ, ਸਾਬੀ ਅਤੇ ਗ੍ਰੇਵਜ਼ੈਂਡ ਕਬੱਡੀ ਕਲੱਬ ਵਲੋਂ ਰਲ ਕੇ ਕੀਤਾ ਗਿਆ। ਪ੍ਰਸਿੱਧ ਕਬੱਡੀ ਖਿਡਾਰੀ ਤਾਰ ਲੰਡੇ ਦਾ ਹੇਜ਼ ਕਬੱਡੀ ਕਲੱਬ ਅਤੇ ਗ੍ਰੇਵਜ਼ੈਂਡ ਕਬੱਡੀ ਕਲੱਬ ਨੂੰ ਵਲੋਂ 5500 ਪੌਂਡ ਨਾਲ ਸਨਮਾਨਿਤ ਕੀਤਾ ਗਿਆ।

ਗ੍ਰੇਵਜ਼ੈਂਡ ਦਾ ਟੂਰਨਾਮੈਂਟ ਸਵ. ਸੰਦੀਪ ਨੰਗਲ ਅੰਬੀਆ, ਸਵ. ਦਾਰਾ ਮੁਠੱਡਾ, ਸਵ. ਮੱਖਣ ਜੋਹਲ ਤੇ ਮੀਤਾ ਢੇਸੀ ਦੀ ਯਾਦ ਵਿੱਚ ਕਰਵਾਇਆ ਗਿਆ। ਸਾਰਾ ਦਿਨ ਹੀ ਗੁਰੂ ਦਾ ਲੰਗਰ ਚੱਲਦਾ ਰਿਹਾ। ਗਰਮੀ ਜ਼ਿਆਦਾ ਹੋਣ ਕਰਕੇ ਪ੍ਰਬੰਧਕਾਂ ਨੇ ਦਰਸ਼ਕਾਂ ਨੂੰ ਵੀ ਠੰਡੇ ਪਾਣੀ ਦੀਆਂ ਬੋਤਲਾਂ ਖੁਦ ਜਾ ਕੇ ਵਰਤਾਈਆਂ ਅਤੇ ਦਰਸ਼ਕਾਂ ਨੇ ਕਮੇਟੀ ਦਾ ਧੰਨਵਾਦ ਕੀਤਾ ਕਿ ਇਹੋ ਜਿਹਾ ਮੇਲਾ ਨਾ ਕਦੇ ਇੰਗਲੈਂਡ ਵਿੱਚ ਹੋਇਆ ਨਾ ਕਦੇ ਹੋਵੇਗਾ। ਪੂਰੀ ਦੁਨੀਆਂ ਵਿੱਚ ਇਸ ਕਬੱਡੀ ਮੇਲੇ ਦੀ ਚਰਚਾ ਹੋਈ। ਸਾਰਾ ਸਿਹਰਾ ਗ੍ਰੇਵਜ਼ੈਂਡ ਦੇ ਪ੍ਰਬੰਧਕਾਂ ਸਿਰ ਬੱਝਦਾ ਹੈ ਸਤਨਾਮ ਸੱਤਾ ਮੁਠੱਡਾ, ਰਛਪਾਲ ਸਹੋਤਾ, ਕੁਲਵਿੰਦਰ ਸਹੋਤਾ, ਸੁੱਖਾ ਚੱਕਾਵਾਲਾ, ਮੰਗਾ ਢਿੱਲੋਂ, ਲਛਮਣ ਸਿੰਘ ਦੁਸਾਂਝ, ਜਰਨੈਲ ਬਾਹੜ ਮਜਾਰਾ, ਜਸਵੰਤ ਸਿੰਘ ਚੀਮਾ, ਵਰਿੰਦਰ ਹੁੰਦਲ, ਬਲਕਾਰ ਸੁੰਮਨ, ਸਨੀ ਸੰਧਰ, ਸਾਬੀ ਮਿਡਵੇ ਗੁਰੂਘਰ ਦੀ ਕਮੇਟੀ ਪ੍ਰਧਾਨ ਮਨਪ੍ਰੀਤ ਸਿੰਘ ਧਾਲੀਵਾਲ, ਦਵਿੰਦਰ ਸਿੰਘ ਭਿੰਦਾ ਮੁਠੱਡਾ, ਸਵਰਨ ਸਿੰਘ, ਬਿੱਟੂ ਭਰੋਲੀ, ਨਿਰਮਲ ਸਿੰਘ ਮੱਲ੍ਹੀ ਆਦਿ। ਗ੍ਰੇਵਜ਼ੈਂਡ ਦੇ ਨਿਵਾਸੀ ਵਧਾਈ ਦੇ ਹੱਕਦਾਰ ਹਨ। ਪ੍ਰਬੰਧਕ ਵਲੋਂ ਜਿਹਨਾਂ ਬੀਬੀਆਂ ਨੇ ਲੰਗਰ ਦੀ ਸੇਵਾ ਕੀਤੀ ਉਹਨਾਂ ਦਾ ਵੀ ਬਹੁਤ-ਬਹੁਤ ਧੰਨਵਾਦ ਕੀਤਾ ਗਿਆ। ਤਨਮਨ ਸਿੰਘ ਢੇਸੀ ਅਤੇ ਪੁਲਿਸ ਦੇ ਉੱਚ ਅਧਿਕਾਰੀ ਅਤੇ ਕਮੇਟੀ ਦੇ ਮੈਂਬਰਾਂ ਵਲੋਂ ਇਨਾਮਾਂ ਦੀ ਵੰਡ ਕੀਤੀ ਗਈ ਦਵਿੰਦਰ ਸਿੰਘ ਪਤਾਰਾ ਵਲੋਂ ਸਟੇਜ ਦੀ ਸੇਵਾ ਕੀਤੀ ਗਈ। ਆਉਣ ਵਾਲੇ ਹਫ਼ਤੇ ਲੈਸਟਰ ਦੇ ਸਟੇਡੀਅਮ ਵਿੱਚ ਫਿਰ ਮੁਲਾਕਾਤ ਹੋਵੇਗੀ। ਕਬੱਡੀ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਕਰਦਾ ਹੋਇਆ ਤੁਹਾਡਾ ਆਪਣਾ ਸੰਤੋਖ ਸਿੰਘ ਢੇਸੀ ਸੰਗ ਢੇਸੀਆਂ।

ਜੀ. ਐਨ. ਜੀ. ਕਬੱਡੀ ਕਲੱਬ ਅਤੇ ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਦੀ ਪ੍ਰਬੰਧਕ ਕਮੇਟੀ ਵਲੋਂ ਸ਼ਹੀਦਾਂ ਦੀ ਯਾਦ ਵਿਚ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ।

ਈਰਥ+ ਵੂਲਿਚ+ਸਾਊਥਾਲ ਕਬੱਡੀ ਕਲੱਬ ਨੇ ਹਿੱਕ ਦੇ ਜ਼ੋਰ ਨਾਲ ਬ੍ਰਮਿੰਘਮ ਵਾਲਾ ਕੱਪ ਜਿੱਤਿਆ।

ਸਮੂਹ ਸ਼ਹੀਦਾਂ ਦੀ ਯਾਦ ਵਿੱਚ ਕੈਨਕ ਰੋਡ ’ਤੇ ਗੁਰੂ ਨਾਨਕ ਸਤਿਸੰਗ ਗੁਰਦੁਆਰਾ ਸਾਹਿਬ ਦੀ ਗਰਾਊਂਡ ਵਿੱਚ 56ਵਾਂ ਕਬੱਡੀ ਟੂਰਨਾਮੈਂਟ ਬ੍ਰਮਿੰਘਮ ਵੱਲੋਂ ਕਰਵਾਇਆ ਗਿਆ।

ਜਿਸ ਵਿਚ ਅੱਠ ਟੀਮਾਂ ਨੇ ਭਾਗ ਲਿਆ ਅਤੇ ਗਹਿਗੱਚ ਮੁਕਾਬਲੇ ਹੋਏ। ਤਕਰੀਬਨ 12 ਕੁ ਵਜੇ ਕਬੱਡੀ ਟੂਰਨਾਮੈਂਟ ਦਾ ਆਰੰਭ ਕੀਤਾ ਗਿਆ।

ਸਾਰੀਆ ਕਲੱਬਾਂ ਪੂਰੀ ਤਿਆਰੀ ਖਿੱਚ ਕੇ ਆਈਆਂ ਸਨ। ਕਿਉਕਿ ਇਹ ਗੱਲ ਮਸ਼ਹੂਰ ਹੈ ਕਿ ਜਿਸਨੇ ਬ੍ਰਮਿੰਘਮ ਦਾ ਕਬੱਡੀ ਕੱਪ ਜਿੱਤ ਲਿਆ ਸਮਝੋ ਉਸਨੇ ਸਾਰੇ ਹੀ ਕੱਪ ਜਿੱਤ ਲਏ।

ਇਸ ਮੇਲੇ ’ਤੇ ਕਈ ਜਗ੍ਹਾ ਤੋਂ ਤੇਰਵੀਆਂ ਗੱਲਾਂ ਹੋਈਆਂ। ਕਈ ਕੱਪ ਜਿੱਤਣ ਆਏ ਸੀ ਪਰ ਬਿਗਾਨੇ ਪੁੱਤਾਂ ਨੇ ਲੋਢੇ ਵੇਲੇ ਦੀ ਚਾਹ ’ਤੋਂ ਪਹਿਲਾਂ ਹੀ ਲਾਈਨ ’ਤੇ ਬਿਠਾ ਦਿੱਤੇ। ਕਈਆ ਨੇ ਹਿੱਕ ਦੇ ਜ਼ੋਰ ਨਾਲ ਸਰਦਾਰੀ ਕਾਇਮ ਕੀਤੀ।

ਇਸ ਟੂਰਨਾਮੈਂਟ ਦਾ ਪਹਿਲਾਂ ਮੈਚ ਖੇਡਣ ਲਈ ਹੇਜ਼ ਅਤੇ ਰੈਡਿੰਗ ਡੋਰਨੀ ਦੀਆਂ ਟੀਮਾਂ ਮੱਥਾ ਟੇਕ ਕੇ ਗਰਾੳੂਂਡ ਵਿਚ ਪਹੁੰਚ ਗਈਆਂ।

ਯਾਦਾ ਸੁਰਖਪੁਰੀਆ ਟੀਮ ਦੀ ਅਗਵਾਈ ਕਰਦਾ ਹੈ। ਹੇਜ਼ ਦੀ ਟੀਮ ਦਾ ਕਪਤਾਨ ਜੱਸਾ ਭੜੀਵੜੈਚ ਸੀ। ਹੇਜ਼ ਦੇ ਜਾਫ਼ੀ ਹਰਮਨ ਘੋਲੀਏ ਨੇ ਬੁੱਲਟ ਖੀਰਾਂਵਾਲੀ ਤੇ ਜੋਤੇ ਮਹਿਮਦ ਵਾਲੇ ਨੂੰ ਦੱਸ ਦਿੱਤਾ ਕਿ ਸਾਨੂੰ ਵੀ ਕਬੱਡੀ ਖੇਡਣੀ ਆਉਦੀ ਹੈ।

ਯਾਦੇ ਨੇ ਮਨਿੰਦਰ ਤੇ ਜੱਸੇ ਤੋਂ ਅੰਕ ਪ੍ਰਾਪਤ ਕੀਤਾ। ਹੇਜ਼ ਦੇ ਧਾਵੀ ਕਈ ਜੱਫੇ ਖਾ ਗਏ। ਜਿਸ ਕਰਕੇ ਰੈਡਿੰਗ ਡੋਰਨੀ ਦੀ ਟੀਮ 31-25 ਦੇ ਫ਼ਰਕ ਨਾਲ ਇਕ ਕਦਮ ਹੋਰ ਅੱਗੇ ਵੱਧ ਗਈ।

ਬ੍ਰਮਿੰਘਮ+ ਕਾਵੈਂਟਰੀ ਅਤੇ ਟੈਲਫੋਰਡ ਦਾ ਮੁਕਾਬਲਾ ਸਖ਼ਤ ਸੀ। ਬਲਾਲ ਢਿੱਲੋਂ ਨੂੰ ਗੋਪੀ ਨੱਲ ਰੋਕ ਗਿਆ ਪਰ ਜੱਗੇ ਮੂਲੇਵਾਲ ਖਹਿਰਆਂ ਵਾਲਾ ਧੂੜਾਂ ਪੱਟ ਜੱਫੇ ਰੋਕ ਗਿਆ ਜਿਸ ਕਰਕੇ 8 ਅੰਕਾਂ ਦੇ ਫ਼ਰਕ ਨਾਲ ਬ੍ਰਮਿੰਘਮ ਕਾਵੈਂਟਰੀ ਦੀ ਟੀਮ ਜਿੱਤ ਗਈ। ਨੇਕਾ ਮੈਰੀਪੁਰ, ਪਿੰਦੂ ਜੋਹਲ, ਬਲਵਿੰਦਰ ਦੂਲੇ, ਸਤਨਾਮ ਗਿੱਲ ਪੂਰੇ ਖ਼ੁਸ਼ ਸਨ।

ਜਦੋਂ ਈਰਥ ਵੂਲਿਚ+ਸਾਊਥਾਲ ਦੀ ਵਿਰੋਧੀ ਟੀਮ ਸਲੋਹ ਨੇ ਗਰਾਊਂਡ ਵਿੱਚ ਐਂਟਰੀ ਮਾਰੀ ਤਾਂ ਦਰਸ਼ਕਾਂ ਨੇ ਆਪ ਮੁਹਾਰੇ ਹੀ ਤਾੜੀਆ ਠੋਕ ਦਿੱਤੀਆਂ। ਦਰਸ਼ਕ ਮੈਚ ਵੇਖਣ ਨੂੰ ਉਤਾਵਲੇ ਸਨ ਕਿ ਚਿਸ਼ਤੀ ਦੇ ਕਿਸ ਜਾਫ਼ੀ ਨਾਲ ਸਿੰਗ ਫਸਦੇ ਹਨ।

ਟਿੱਡਾ ਲੱਡੂ ਸਿੰਧਵਾਂ ਵਾਲਾ ਕਿਸ ਤਰ੍ਹਾਂ ਖੜ੍ਹੇ ਬੰਦੇ ਨੂੰ ਟੱਪ ਜਾਂਦਾ ਹੈ। ਮੈਚ ਦੇ ਸ਼ੁਰੂ ਵਿੱਚ ਹੀ ਜੱਗੂ ਨੇ ਕਰਨਾ ਦਿਆਲਪੁਰ ਵਾਲਾ ਡੱਕ ਲਿਆ। ਸੰਦੀਪ ਰਾਮਗੜ੍ਹ ਨੇ ਚਿਸ਼ਤੀ ਨੂੰ ਡੱਕ ਕੇ ਭੰਗੜੇ ਪੁਵਾ ਦਿੱਤੇ। ਲੰਬੜ ਨੇ ਟਿੱਡਾ ਭੰਡਾਲ ਦੋਨੇ ਨੂੰ ਫ਼ੜਕੇ ਕੋਲ ਬਿਠਾ ਲਿਆ।

ਸੰਦੀਪ ਨੇ ਮੋਹਿਤ ਨੂੰ ਹਿੱਲਣ ਨਹੀਂ ਦਿੱਤਾ। ਚਿਸ਼ਤੀ ਪਿੰਦੂ ਤੇ ਸੰਦੀਪ ਤੋਂ ਲਗਾਤਾਰ ਜੱਫੇ ਖਾ ਗਿਆ। ਅੱਧੇ ਸਮੇਂ ਤੱਕ ਸਲੋਹ ਡੇਢ ਅੰਕ ਤੱਕ ਤੋਂ ਅੱਗੇ ਸੀ ਪਰ ਬਾਅਦ ਵਿੱਚ ਮੈਚ ਇੰਨਾਂ ਗਰਮ ਹੋ ਗਿਆ ਸੀ ਕਿ ਈਰਥ+ਸਾੳੂਥਾਲ ਨੇ ਪਾਸਾ ਹੀ ਪਲਟ ਦਿੱਤਾ ਭਾਵ

ਟਿੱਡੇ ਦੀਆਂ ਰੇਡਾਂ ਅਤੇ ਸੰਦੀਪ ਰਾਮਗੜ੍ਹ ਦੇ ਜੱਫਿਆਂ ਨੇ ਸਲੋਹ ਨੂੰ ਅੱਗੇ ਵੱਧਣੋਂ ਰੋਕ ਦਿੱਤਾ। ਸੁਰਿੰਦਰ ਮਾਣਕ, ਪੰਮੀ ਰੰਧਾਵਾ, ਕੰਮਾ ਪੂਰੇ ਖੁਸ਼ ਸਨ। ਪਰ ਮਨਜੋਤ ਮਾਛੀਵਾੜਾ ਤਕੜਾ ਰੇਡਰ ਆ।

ਲੈਸਟਰ ਬ੍ਰਮਿੰਘਮ + ਗ੍ਰੇਵਜ਼ੈਂਡ ਬਾਰਕਿੰਗ ਦੇ ਮੁਕਾਬਲੇ ਵੇਲੇ ਹਜ਼ਾਰਾਂ ਦਰਸ਼ਕ ਇਹ ਟੱਕਰ ਵੇਖਣ ਨੂੰ ਕਾਹਲੇ ਸਨ। ਤਾਰੀ ਸੰਗਤਪੁਰ ਵਾਲੇ ਨੇ ਜਦੋਂ ਰੇਸ਼ਮ ਜਾਸਾਰਾਏ ਨੂੰ ਡੱਕਿਆ ਤਾਂ ਉਹੋ ਗੱਲ ਹੋ ਗਈ।

‘‘ਮੁੰਡੇ ਨੇ ਟਰਾਲਾ ਰੋਕਤਾ

ਮੂਹਰੇ ਸੁੱਟ ਕੇ ਟਾਹਲੀ ਦਾ ਮੋਛਾ॥’’

ਸੋਹਣ ਰੁੜਕੀ ਨੇ ਸੰਦੀਪ ਬਦੇਸ਼ੇ ਨੂੰ ਰੋਕ ਕੇ ਕਲੱਬ ਦੇ ਹੋਸਲੇ ਬੁਲੰਦ ਕਰ ਦਿੱਤੇ। ਜੱਗਾ ਮਲਸੀਆ ਵਾਲਾ ਵੀ ਕਮਾਲ ਕਰੀ ਜਾਂਦਾ ਸੀ। ਗੁਲਜ਼ਾਰੀ ਨੇ ਸੰਦੀਪ ਬਦੇਸ਼ੇ ਦਾ ਚੱਕਾ ਜਾਮ ਕਰ ਦਿੱਤਾ। ਜੱਗੀ ਮੋਲੀ, ਮਾਲਾ ਵਧੀਆ ਖੇਡ ਵਿਖਾਉਦੇ ਰਹੇ। ਭਾਓ ਨੇ ਬਦੇਸ਼ਾ ਨੂੰ ਫੇਰ ਡੱਕ ਲਿਆ। ਇਹ ਮੈਚ ਏਨਾ ਫਸਿਆ ਕੇ ਵੇਖਣ ਵਾਲੇ ਵੀ ਮੁੜਕੋਂ ਮੁੜਕੀ ਹੋ ਗਏ। ਸਿਰਫ਼ ਇੱਕ ਜੱਫੇ ਦੇ ਫ਼ਰਕ ਨਾਲ ਬਾਰਕਿੰਗ+ਗ੍ਰੇਵਜ਼ੈਂਡ ਲੈਸਟਰ ਨੂੰ ਪਿੱਛੇ ਛੱਡ ਗਈ। ਜੇਕਰ ਮਗਰਲੀਆਂ ਦੋ ਕੋਡੀਆਂ ਮਾਲਾ ਤੇ ਜੱਗੀ ਮੋਲੀ ਪਾ ਜਾਂਦੇ ਤਾਂ ਪਾਸਾ ਪਲਟ ਵੀ ਸਕਦਾ ਸੀ। ਮੈਨੂੰ ਏਥੇ ਇੱਕ ਸ਼ੇਅਰ ਚੇਤੇ ਆ ਗਿਆ –

ਛਾਂਟ ਛਾਂਟ ਕੇ ਲੈ ਆਂਦੇ ਸੱਭ ਨੇ ਅੱਜ ਪਲੇਅਰ

ਵਿੱਚ ਮੈਦਾਨੀ ਬੁਕਦੇ ਫਿਰਦੇ ਜਿਓ ਬੱਬਰ ਸ਼ੇਰ

ਹਰ ਕੋਈ ਆਖੇ ਥਾਪੀ ਮਾਰ ਕੇ ਅੰਬਰੀ ਪੀਂਘ ਚੜਾਉਣੀਆਂ

ਪਰ ਢੇਸੀ ਕਿਸੇ-ਕਿਸੇ ਨੂੰ ਆਉਦੀਆਂ ਟੀਮ ਖਿਡਾਉਣੀਆਂ

ਲੈਸਟਰ+ ਬ੍ਰਮਿੰਘਮ ਰੱਬ ਦਾ ਭਾਣਾ ਮੰਨ ਕੇ ਵੈਨ ਵਿੱਚ ਜਾ ਬੈਠੇ।

ਸਾਊਥਾਲ+ਈਰਥ-ਵੂਲਿਚ+ ਰੈਡਿੰਗ ਡੋਰਨੀ ਦੇ ਮੈਚ ਵੇਲੇ ਮੇਲਾ ਪੂਰੇ ਜੋਬਨ ’ਤੇ ਸੀ। ਕੁਝ ਬੀਬੀਆਂ ਬੱਚੇ ਵੀ ਕੱਬਡੀ ਦਾ ਆਨੰਦ ਮਾਣ ਰਹੇ ਸਨ। ਇਹ ਸੈਮੀਫਾਈਨਲ ਮੈਚ ਇੱਜ਼ਤ ਦਾ ਸਵਾਲ ਵਾਲੀ ਗੱਲ ਸੀ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਦੇ ਦੋਵੇਂ ਪ੍ਰਧਾਨਾਂ ਦੀਆਂ ਟੀਮਾਂ ਸਨ। ਰਣਜੀਤ ਢੰਡਾ ਆਪਣੀ ਸਰਦਾਰੀ ਕਾਇਮ ਰੱਖਣੀ ਚਾਹੁੰਦਾ ਸੀ।

ਸੁਰਿੰਦਰ ਮਾਣਕ ਰੈਡਿੰਗ ਨੂੰ ਪਿੱਛੇ ਛੱਡ ਕੇ ਫਾਈਨਲ ਖੇਡਣਾ ਚਾਹੁੰਦਾ ਸੀ। ਦੋਵੇਂ ਟੀਮਾਂ ਦੇ ਪ੍ਰਬੰਧਕ ਇੱਕ ਦੂਜੇ ਨੂੰ ਗਹਿਰੀਆਂ ਅੱਖਾਂ ਨਾਲ ਵੇਖਦੇ ਸਨ। ਜੋਤਾ ਮਹਿਮਦ ਵਾਲਾ ਵੀ ਧਾਕੜ ਨੰਬਰ ਲੈ ਆਇਆ। ਟਿੱਡਾ ਭੰਡਾਲ ਦੋਨੇ ਵਾਲਾ ਫੁਰਤੀਲਾ ਧਾਵੀ ਚੈਨ ਤੋੜ ਕੇ ਨੰਬਰ ਜੋੜੀ ਜਾਂਦਾ ਸੀ। ਸਰਨੇ ਡੱਗੋ ਰਮਾਏ ਵਾਲੇ ਨੇ ਜੋਤੇ ਤੇ ਬੁੱਲਟ ਤੋਂ ਨੰਬਰ ਲੈ ਕੇ ਦਰਸ਼ਕਾ ਨੂੰ ਤਾੜੀਆਂ ਮਾਰਨ ’ਤੇ ਮਜ਼ਬੂਰ ਕਰ ਦਿੱਤਾ। ਯਾਦੇ ਸੁਰਖਪੁਰ ਵਾਲੇ ਨੇ ਕਾਲੇ ਧੂਰਕੋਟ ਤੇ ਕਰਨ ਦਿਆਲਪੁਰ ਨੂੰ ਹਿੱਕ ਦੇ ਜ਼ੋਰ ਨਾਲ ਰੋਕ ਕੇ ਵਾਹ-ਵਾਹ ਖੱਟੀ। ਬੁਲੱਟ ਖ਼ੀਰਾਂਵਾਲੀ ਵਿਚ ਇੰਨੀ ਗਰਮੀ ਨਹੀਂ ਸੀ ਜਿਨ੍ਹਾਂ ਕਰਕੇ ਟੀਮ ਡਾਂਵਾਡੋਲ ਸੀ। ਹਰਜੀਤ ਚੰਡੀਗੜ੍ਹੀਆ ਵੀ ਕਮਾਲ ਦਾ ਰੇਡਰ ਹੈ। ਟਿੱਡੇ ਭੰਡਾਲ ਦੋਨਾ ਵਾਲੇ ਨੇ ਐਕਸ਼ਨ ਕਰਕੇ ਮੇਲਾ ਨੱਚਣ ਲਾ ਦਿੱਤਾ।

ਦੋ ਨੰਬਰ ਦੇ ਫ਼ਰਕ ਨਾਲ ਈਰਥ+ਵੂਲਿਚ ਫਾਈਨਲ ਵਿੱਚ ਪਹੁੰਚ ਗਈ। ਰੈਡਿੰਗ ਦੀ ਟੀਮ ਨੂੰ ਸਬਰ ਕਰਨਾ ਪੈ ਗਿਆ।

ਬ੍ਰਮਿੰਘਮ+ਕਾਵੈਂਟਰੀ ਨਾਲ ਬਾਰਕਿੰਗ+ਗ੍ਰੇਵਜ਼ੈਂਡ ਦਾ ਮੁਕਾਬਲਾ ਬਹੁਤ ਹੀ ਜ਼ਬਰਦਸਤ ਸੀ। ਨੇਕਾ ਮੈਰੀਪੁਰ, ਸਤਨਾਮ ਗਿੱਲ ਕੇਵਲ ਪਾਸਲਾ ਸੈਮੀਫਾਈਨਲ ਜਿੱਤ ਕੇ ਅੱਗੇ ਵੱਧਣਾ ਚਾਹੁੰਦੇ ਸਨ। ਸੱਤਾ ਮੁਠੱਡਾ, ਰਾਣਾ ਖੀਰਾਂਵਾਲੀ ਆਪਣੀ ਮਾਰ ’ਤੇ ਬੈਠੇ ਸਨ। ਘੋਨੇ ਨੇ ਰੇਸ਼ਮ ਜਾਸਾਰਾਏ ਨੂੰ ਬਾਹਾਂ ਦੇ ਜ਼ੋਰ ਨੰਬਰ ਲੈ ਲਿਆ । ਗੁਲਜ਼ਾਰੀ ਨੇ ਬਲਾਲ ਢਿੱਲੋਂ ਨੂੰ ਡੱਕ ਲਿਆ। ਜੱਗਾ ਸਿੰਘ ਸਰਦਾਰ ਕਮਲ ਮਾਦੋਪੁਰ ਨੂੰ ਕਹਿੰਦਾ ਕਹਾਉਂਦਾ ਜੱਫਾ ਠੋਕ ਕੇ ਚੀਕ ਚਿਹਾੜਾ ਪਵਾ ਗਿਆ। ਜੱਗੇ ਨੇ ਕਮਲ ਰੋਕਤਾ। ਗੋਪੀ ਮੰਡੀਆਂ ਨੇ ਜੱਗੇ ਬਰਨਾਲੇ ਨੂੰ ਰੋਕਿਆ। ਸਿੰਘ ਸਰਦਾਰ ਭਾਓ ਨੇ ਮਨਿੰਦਰ ਤੇ ਮੂੰਗੇ ਤੋਂ ਨੰਬਰ ਲੈ ਕੇ ਆਪਣੀ ਸਰਦਾਰੀ ਕਾਇਮ ਕਰ ਲਈ। ਕਿਉਕਿ ਜੱਫਿਆਂ ਤੋਂ ਬਿਨ੍ਹਾਂ ਕਬੱਡੀ ਕਾਹਦੀ। ਨਤੀਜਾ ਇਹ ਹੋਇਆ ਕਿ ਡੇਢ ਅੰਕ ਦੇ ਫ਼ਰਕ ਨਾਲ ਗ੍ਰੇਵਜ਼ੈਂਡ+ ਬਾਰਕਿੰਗ ਫਾਈਨਲ ਵਿੱਚ ਪਹੁੰਚ ਗਏ। ਇਸ ਮੈਚ ਵਿਚ ਜੱਗੇ ਮੂਲੇਵਾਲ ਖਹਿਰੇ ਦੀ ਝੰਡੀ ਰਹੀ। ਅੱਧੇ ਘੰਟੇ ਦੀ ਬਰੇਕ ਤੋਂ ਬਾਅਦ ਈਰਥ+ਵੂਲਿਚ ਸਾਊਥਾਲ ਦੇ ਨਾਲ ਮੁਕਾਬਲਾ ਗ੍ਰੇਵਜ਼ੈਂਡ + ਬਾਰਕਿੰਗ ਦਾ ਤਕਰੀਬਨ ਸਾਡੇ ਛੇ ਵਜੇ ਸ਼ੁਰੂ ਹੋਇਆ।

ਬ੍ਰਘਿੰਗਮ ਕੱਪ ਜਿੱਤਣ ਲਈ ਦੋਵੇਂ ਟੀਮਾਂ ਦੇ ਖਿਡਾਰੀ ਸਰੀਰ ਨੂੰ ਗਰਮਾ ਰਹੇ ਸਨ। ਪ੍ਰਬੰਧਕ ਵੀ ਦੱਸ ਰਹੇ ਸਨ। ਇਸ ਜ਼ਾਫੀ ਕੋਲੋਂ ਬੱਚ ਕੇ ਰਹਿਣਾ। ਇਹ ਰੇਡਰ ਬੜਾ ਅੱਥਰਾ ਹੈ। ਈਥਰ+ਵੂਲਿਚ ਸਾਊਥਾਲ ਦੀ ਸਾਂਝੀ ਟੀਮ ਦੇ ਧਾਵੀ ਕਰਨ ਦਿਆਲਪੁਰ, ਟਿੱਡਾ ਭੰਡਾਲ ਦੋਨਾਂ, ਹਰਜੀਤ ਚੰਡੀਗੜ੍ਹੀਆ ਅਤੇ ਰਾਜਾ ਸਨ। ਜਾਫ਼ੀ ਸਰਨਾ ਡੱਗੋਰਮਾਣੇ ਵਾਲਾ, ਸੰਦੀਪ ਰਾਮਗੜ੍ਹ, ਸੀਤਾ ਜੰਡਾਅਲੀ ਸੀ। ਬਾਰਕਿੰਗ ਗ੍ਰੇਵਜ਼ੈਂਡ ਵਲੋਂ ਜਾਫ਼ੀ ਹਰਪਾਲ ਕਾਲਵਾਂ, ਗੁਲਜ਼ਾਰੀ ਸੁੰਨੜਾਂ ਵਾਲਾ, ਨਿੰਦੀ ਮੀਦੀ ਵਾਲਾ, ਭਉਸੀਉਦੋਦ ਵਾਲਾ ਸੀ। ਧਾਵਾ ਬੋਲਣ ਲਈ ਤਿਆਰ ਸਨ ਰੇਸ਼ਮ ਜਾਸਾਰਾਏ ਵਾਲਾ, ਕਮਲ ਮਾਦੋਪੁਰ, ਸਰਨਾ ਬੜਾ ਪਿੰਡ ਆਦਿ ਸਨ। ਮੈਚ ਸ਼ੁਰੂ ਹੋ ਗਿਆ। ਦੋਵੇਂ ਪਾਸੇ ਦੇ ਰੇਡਰ ਰੁਕਦੇ ਨਹੀਂ ਸਨ। ਦਰਸ਼ਕ ਜੱਫੇ ਦੀ ਉਡੀਕ ਕਰਦੇ ਸੀ ਪਿੰਦੂ ਨੇ ਸ਼ਰਮੇ ਨੂੰ ਡੱਕ ਲਿਆ। ਸੰਦੀਪ ਨੇ ਰੇਸ਼ ਨੂੰ ਕੋਲ ਬਿਠਾ ਲਿਆ ਤੇ ਪਿੰਡ ਦਾ ਹਾਲਚਾਲ ਪੁੱਛਿਆ। ਗੁਲਜ਼ਾਰੀ ਸੁੰਨੜ ਲੱਤਾਂ ਨੂੰ ਏਦਾ ਪੈਂਦਾ ਸੀ ਜਿੱਦਾ ਭਿੰਦਾ ਮੁਠੱਡਾ ਮਾਈਕ ਨੂੰ ਪੈਂਦਾ ਆ। ਸਰਨੇ ਨੇ ਜੱਗਾ ਤੇ ਕਮਲ ਮਾਦੋ ਪੁਰ ਤੋਂ ਨੰਬਰ ਲੈ ਕੇ ਭੰਗੜੇ ਪਾ ਦਿੱਤੇ। ਹਰਪਾਲ ਕਾਲਵਾ ਨੇ ਟਿੱਡਾ ਡੱਕ ਲਿਆ। ਭਾਉ ਨੇ ਕਾਲਾ ਧੂਰ ਕੋਟ ਵਾਲਾ ਡੱਕ ਕੇ ਸਰਦਾਰੀ ਕਾਈਮ ਕੀਤੀ। ਮੈਚ ਵਿੱਚ ਗਰਮੀ, ਜੋਸ਼, ਦਲੇਰੀ ਵੇਖਣ ਨੂੰ ਮਿਲ ਰਹੀ ਸੀ 31 1/2-28 ਦੇ ਵਕਫ਼ੇ ਨਾਲ ਈਰਥ ਵੂਲਿਚ+ਸਾਊਥਾਲ ਨੇ ਸੀਜ਼ਨ ਦਾ ਪਹਿਲਾਂ ਕੱਪ ਜਿੱਤ ਲਿਆ। ਬਾਰਕਿੰਗ+ਗ੍ਰੇਵਜ਼ੈਂਡ ਦੀ ਟੀਮ ਦੂਜੇ ਨੰਬਰ ’ਤੇ ਰਹੀ। ਸੁਰਿੰਦਰ ਮਾਣਕ ਅਤੇ ਪਰਮਜੀਤ ਪੰਮੀ ਰੰਧਾਵੇ ਨੇ ਟੀਮ ਉਤੋਂ ਨੋਟਾ ਦੀ ਵਰਖਾ ਕੀਤੀ। ਸੱਤਾ ਮੁਠੱਡਾ, ਰਾਣਾ ਪੱਡਾ, ਕੁਲਵਿੰਦਰ ਸਹੋਤਾ ਪੂਰੇ ਖੁਸ਼ ਸਨ। ਇਸ ਮੈਚ ਦਾ ਬੈਸਟ ਜਾਫ਼ੀ ਸਰਨਾ ਡੱਗੋਰਮਾਣੇ ਵਾਲਾ, ਵਧੀਆ ਰੇਡਰ ਕਰਨ ਦਿਆਲਪੁਰ ਵਾਲਾ ਸੀ। ਮੈਚਾ ਦੀ ਕੁਮੈਂਟਰੀ ਭਿੰਦਾ ਮੁਠੱਡਾ ਅਤੇ ਅਮਨ ਲੋਪੋ ਨੇ ਕੀਤੀ। ਇਹਨਾਂ ਸਤਰਾਂ ਦੇ ਲੇਖਕ ਦਾ ਇਹਨਾ ਨੇ ਪੂਰਾ ਸਾਥ ਦਿੱਤਾ। ਜਤਿੰਦਰ ਬਿਲਗਾ ਨੰਬਰਾਂ ’ਤੇ ਰਿਹਾ। ਸੀਰਾ ਸੰਮੀਪੁਰ ਘੱਗੂ ਨੂੰ ਵਜਾਉਦੇ ਰਹੇ। ਸੀਰਾ ਸ਼ੰਕਰੀਆ ਦੇ ਸਪੀਕਰ ਧੂੜਾ ਪੱਟਦੇ ਰਹੇ।

ਅਖ਼ੀਰ ਵਿੱਚ ਆਖ ਸਕਦੇ ਹਾਂ ਕਿ ਮੇਲਾ ਪੂਰੀ ਤਰ੍ਹਾਂ ਕਾਮਯਾਬ ਰਿਹਾ। ਜੀ.ਐਨ.ਜੀ. ਕਬੱਡੀ ਕਲੱਬ ਦੇ ਪ੍ਰਧਾਨ ਹਰਨੇਕ ਨੇਕਾ ਮੈਰੀਪੁਰ, ਸੁਰਜੀਤ ਸਿੰਘ ਪੁਰੇਵਾਲ, ਸੁਖਦੇਵ ਸਿੰਘ ਸਿੱਧੂ, ਬਲਵਿੰਦਰ ਦੂਲੇ, ਮਨਜੀਤ ਸਿੱਧੂ, ਪਿੰਦੂ ਜੌਹਲ ਬਾਕੀ ਸਾਰੇ ਕਮੇਟੀ ਮੈਂਬਰ ਵਧਾਈ ਦੇ ਹੱਕਦਾਰ ਹਨ। ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਦੀ ਪ੍ਰਬੰਧਕ ਕਮੇਟੀ ਪ੍ਰਧਾਨ ਸ. ਜਤਿੰਦਰ ਸਿੰਘ, ਜਨਰਲ ਸਕੱਤਰ ਬੀਬੀ ਪ੍ਰਵਿੰਦਰ ਕੌਰ, ਖਜ਼ਾਨਚੀ ਤਰਸੇਮ ਸਿੰਘ ਛੋਕਰ, ਖੇਡ ਮੈਨੇਜਰ ਸ. ਹਮਰਾਜ ਸਿੰਘ ਸ਼ੇਰਗਿੱਲ, ਬਾਕੀ ਮੈਂਬਰ ਸਾਹਿਬਾਨ ਨੂੰ ਟੂਰਨਾਮੈਂਟ ਦੀ ਕਾਮਯਾਬੀ ਲਈ ਲੱਖ-ਲੱਖ ਵਧਾਈਆ। ਕੈਨਕ ਰੋਡ ਗੁਰੂਘਰ ਦੇ ਪ੍ਰਧਾਨ ਬਲਰਾਜ ਸਿੰਘ ਅਟਵਾਲ ਦਾ ਕਮੇਟੀ ਵਲੋਂ ਬਹੁਤ-ਬਹੁਤ ਧੰਨਵਾਦ ਕੀਤਾ ਗਿਆ। ਸੰਦੀਪ ਨੰਗਲ ਅੰਬੀਆਂ ਅਤੇ ਮਹਿੰਦਰ ਸਿੰਘ ਮੌੜ ਨੂੰ ਸ਼ਰਧਾਂਜਲੀ ਦਿੱਤੀ ਗਈ।

ਰਿਪੋਰਟਰ – ਸੰਤੋਖ ਸਿੰਘ ਢੇਸੀ ਸੰਗ ਢੇਸੀਆਂ

ਐਮ.ਏ. ਡੀ.ਪੀ.ਐੱਡ

‘ਜਿੱਥੇ ਵੀ ਗਈ ਪੰਜਾਬੀ ਲੈ ਗਏ ਨਾਲ ਕਬੱਡੀ ਨੂੰ, ਪੁੱਤਾਂ ਵਾਗੂੰ ਕਰਨ ਪੰਜਾਬੀ ਪਿਆਰ ਕਬੱਡੀ ਨੂੰ’’

ਈਰਥ ਟੂਰਨਾਮੈਂਟ ’ਤੇ ਸਾਨ੍ਹਾਂ ਦੇ ਜ਼ਬਰਦਸਤ ਭੇੜ ਹੋਏ

ਇੰਗਲੈਂਡ ਵਿੱਚ ਕਬੱਡੀ ਦੇ ਸੀਜ਼ਨ ਵਿਚ ਨਵੇਂ-ਨਵੇਂ ਖਿਡਾਰੀ ਪੰਜਾਬ ਤੋਂ ਗੋਰਿਆਂ ਦੇ ਦੇਸ਼ ਪਹੁੰਚ ਰਹੇ ਹਨ। ਜਿੱਥੇ ਵੀ ਕਿਤੇ ਢਾਣੀ ਜੁੜਦੀ ਆ ਉਥੇ ਬੱਸ ਕਬੱਡੀ ਖੇਡ ਦੀਆਂ ਗੱਲਾ ਚੱਲਦੀਆਂ ਹਨ। ਕੋਈ ਕਹਿੰਦਾ ਚਿਸ਼ਤੀ ਮੇਲੇ ਲੁੱਟੀ ਜਾਂਦਾ ਆ। ਕੋਈ ਕਹਿੰਦਾ ਬਦੇਸ਼ਾ ਰੋਕਣਾ ਸੋਖਾ ਨਹੀਂ। ਮਨੀ ਧਨੋਰੀ ਦੇ ਹੱਥ ਕਰੜੇ ਨੇ। ਯਾਦਾ ਸੁਰਖਪੁਰ ਸਰਪੰਚ ਕਬੱਡੀ ਦੀ ਹਿੱਕ ਦੇ ਜ਼ੋਰ ਫੈਸਲੇ ਕਰਦਾ ਆ। ਬੁਲੱਟ ਖੀਰਾਂ ਵਾਲੀ, ਜੋਤਾ, ਟਿੱਡਾ ਵੀ ਧੂੜਾਂ ਪੱਟੀ ਜਾਂਦੇ ਹਨ। ਕਈ ਆਖਦੇ ਨੇ ਸੋਹਣ ਰੁੜਕੀ ਦੀ ਕੈਂਚੀ ਇਸ ਟੂਰਨਾਮੈਂਟ ’ਤੇ ਆਪਣੇ ਜੌਹਰ ਨਹੀਂ ਵਿਖਾ ਸਕੀ। ਕਈ ਆਖਦੇ ਯਾਰ ਮੁੰਡਿਆਂ ਦੇ ਸਰੀਰ ਚੰਡੇ ਪਏ ਆ ਲੱਗਦਾ ਨਹੀਂ ਇਹ ਨਸ਼ਾ ਕਰਕੇ ਖੇਡਦੇ ਹੋਣਗੇ। ਸਾਹਨਾ ਦੇ ਭੇੜ ਵੇਖਕੇ ਕਹਿੰਦੇ ਸੁਆਦ ਆਈ ਜਾਂਦਾ ਹੈ। ਪਰ ਕਬੱਡੀ ਵਿੱਚ ਕਦੇ-ਕਦੇ ਅਨੁਸਾਸ਼ਨ ਦੀ ਘਾਟ ਰੜਕਦੀ ਆ ਜੋ ਦਰਸ਼ਕਾਂ ਦਾ ਸੁਆਦ ਕਿਰਕਿਰਾ ਕਰ ਦਿੰਦੀ ਹੈ।

ਸੁਰਿੰਦਰ ਮਾਣਕ ਦੇ ਚਰਚੇ ਪੂਰੇ ਇੰਗਲੈਂਡ ਵਿੱਚ ਹੁੰਦੇ ਹਨ ਕਿ ਉਸਨੇ ਫੈਡਰੇਸ਼ਨ ਨਾਲ ਮਿਲਕੇ ਨਸ਼ਾ ਰਹਿਤ ਕਬੱਡੀ ਕਰਵਾਉਣ ਲਈ ਪੂਰਾ ਜ਼ੋਰ ਲਾਇਆ ਹੈ। 24 ਜੁਲਾਈ ਨੂੰ ਸਟੇਡੀਅਮ ਵਿੱਚ ਕਬੱਡੀ ਕਰਵਾ ਕੇ ਕਬੱਡੀ ਖੇਡ ਦਾ ਰੁਤਬਾ ਹੋਰ ਵੀ ਉੱਚਾ ਕਰ ਦਿੱਤਾ। ਉਸਨੇ ਮਾਈਕ ’ਤੇ ਸੰਬੋਧਨ ਕਰਦਿਆਂ ਆਖਿਆ ਕਿ ਇਸ ਸਟੇਡੀਅਮ ਵਿੱਚ ਲਹਿੰਬਰ ਸਿੰਘ ਕੰਗ ਨੇ ਵੀ ਵਰਲਡ ਕੱਪ ਕਰਵਾਇਆ ਸੀ। ਗਰਾਊਂਡ ਏਨੀ ਵਧੀਆ ਸੀ ਕੇ ਜਿਸ ਤਰ੍ਹਾਂ ਹਵੇਲੀ ਵਿੱਚ ਕਾਰਪਿਟ ਵਿਛਾਇਆ ਹੋਵੇ। ਸੁਰਿੰਦਰ ਮਾਣਕ ਤੋਂ ਚਾਅ ਸਾਂਭੇ ਨਹੀਂ ਜਾਂਦੇ ਸਨ। ਟੀਮ ਭਾਵੇਂ ਪਹੁੰਚ ਗਈ ਸੀ। ਪਰ ਇੱਕ ਖਿਡਾਰੀ ਕਹਿੰਦੇ ਵਾਅਦਾ ਕਰਕੇ ਕਨੇਡਾ ਚਲੇ ਗਿਆ। ਫੈਡਰੇਸ਼ਨ ਨੂੰ ਉਸ ਖਿਡਾਰੀ ’ਤੇ ਐਕਸ਼ਨ ਲੈਣਾ ਚਾਹੀਦਾ ਹੈ। ਨਹੀਂ ਤਾਂ ਮਾਣਕ ਦੀ ਚੌਣ ਧੜੱਲੇਦਾਰ ਸੀ। ਖੜੇ ਪੈਰ ਲੋਕਲ ਐਮ.ਪੀ ਦੀ ਸਹਾਇਤਾ ਨਾਲ ਖਿਡਾਰੀ ਮੰਗਵਾ ਕੇ ਮੈਚ ਖਿਡਾ ਕੇ ਦੱਸ ਦਿੱਤਾ ਕੇ ਮਾਣਕ ਕਬੱਡੀ ਨੂੰ ਕਿੰਨਾ ਪਿਆਰ ਕਰਦਾ ਹੈ।

ਅਰਦਾਸ ਕਰਨ ਤੋਂ ਬਾਅਦ ਲੈਸਟਰ ਤੇ ਬ੍ਰਮਿੰਘਮ, ਕੇ.ਸੀ. ਅਤੇ ਕਾਵੈਂਟਰੀ ਗਰਾਊਂਡ ਵਿੱਚ ਪਹੁੰਚ ਗਈਆਂ ਸਨ। ਮਨਜਿੰਦਰ ਸਰਾਂ ਤਜ਼ਰਬੇ ਦੇ ਅਧਾਰ ’ਤੇ ਆਪਣੀ ਕੌਡੀ ਪਾਈ ਜਾਂਦਾ ਸੀ। ਜੱਗਾ ਮੂਲੇ ਖਹਿਰਾ, ਦਾਲੀ ਵੀ ਪੂਰੀ ਕੋਸ਼ਿਸ਼ ਕਰਦੇ ਸਨ। ਪਰ ਬਦੇਸ਼ਾ, ਜੱਗੀ ਮੋਲੀ, ਮਾਲਾ ਰੁਕਦੇ ਨਹੀਂ ਸਨ। ਨੰਬਰਾਂ ਦਾ ਵੀ ਕਾਫ਼ੀ ਵਕਫ਼ਾ ਸੀ ਅਤੇ ਦਰਸ਼ਕ ਵੀ ਸਮਝ ਗਏ ਸਨ ਕਿ ਲੈਸਟਰ ਬ੍ਰਮਿੰਘਮ ਕੇ.ਸੀ. ਅਸਾਨੀ ਨਾਲ ਮੈਚ ਜਿੱਤ ਜਾਵੇਗੀ। ਸ਼ਾਮਾ ਲੱਖਾ, ਨਵੀ ਦੇ ਜੱਫਿਆਂ ਨੇ ਪੰਦਰਾਂ ਅੰਕਾਂ ਦੇ ਫ਼ਰਕ ਨਾਲ ਕਾਵੈਂਟਰੀ ਨੂੰ ਹਰਾ ਕਿ ਅੱਗੇ ਵੱਧ ਗਏ ਸਨ। ਗ੍ਰੇਵਜ਼ੈਂਡ+ਬਾਰਕਿੰਗ ਦਾ ਮੁਕਾਬਲਾ ਟੈਲਫੋਰਡ ਨਾਲ ਹੋਇਆ ਸੀ। ਟੈਲਫੋਰਡ ਦੀ ਟੀਮ ਇਸ ਟੀਮ ਨਾਲ ਮੁਕਾਬਲਾ ਨਹੀਂ ਕਰ ਸਕਦੀ ਸੀ। ਰੇਸ਼ਮ ਜਸਰਾਏ, ਸ਼ਰਮਾ ਬੜਾ ਪਿੰਡ, ਗੁਲਜ਼ਾਰੀ ਸੁੰਨੜ ਸਟਾਰ ਖਿਡਾਰੀ ਸਨ। 46-18 ਦਾ ਵੱਡਾ ਅੰਤਰ ਹੋਏ ਤਾਂ ਦਰਸ਼ਕਾਂ ਦਾ ਸੁਆਦ ਵੀ ਫਿੱਕਾ ਪੈ ਜਾਂਦਾ ਹੈ।

ਹੇਜ਼ ਵਲੋਂ ਸਿੰਕਦਰ ਮਾੜੀ, ਜੱਸਾ ਭੜੀਵੜੈਚ, ਅਮਨ ਲੁਹਾਰ, ਹਰਮਨ ਘੋਲੀਆ ਖਿਡਾਰੀ ਤਾਂ ਚੜ੍ਹਦੀ ਉਮਰ ਦੇ ਹਨ ਪਰ ਦੂਸਰੇ ਪਾਸੇ ਹਰਮਨ ਬੁੱਲਟ, ਜੋਤਾ ਮਹਿਮਦ ਵਾਲਾ, ਯਾਦੇ ਸਰਪੰਚ ਤਾਂ ਤੁਫ਼ਾਨ ਨੂੰ ਡੱਕਣ ਦਾ ਹੌਸਲਾ ਰੱਖਦਾ ਹੈ। ਨੰਬਰਾਂ ਦਾ ਹੱਦੋ ਵੱਧ ਫ਼ਰਕ ਸੀ। ਹੇਜ਼ ਨੂੰ ਇਥੇ ਹੀ ਗੱਡੀ ਖੜ੍ਹੀ ਕਰਕੇ ਅਰਾਮ ਕਰਨਾ ਪੈ ਗਿਆ। ਚੌਥਾ ਮੈਚ ਸਲੋਹ ਅਤੇ ਈਰਥ+ਵੂਲਿਚ ਸਾਊਥਾਲ ਦੀਆਂ ਟੀਮਾਂ ਵਿਚਕਾਰ ਬੜਾ ਜ਼ਬਰਦਸਤ ਹੋਇਆ। ਈਰਥ ਸਾਊਥਾਲ ਕਬੱਡੀ ਕਲੱਬ ਦੇ ਖਿਡਾਰੀ ਸਿੱਧੇ ਏਅਰਪੋਰਟ ਤੋਂ ਗਰਾਊਂਡ ਵਿੱਚ ਪਹੁੰਚੇ ਸਨ। ਕਰਨਾ, ਟਿੱਡਾ, ਹਰਜੀਤ, ਰਾਜਾ, ਸਰਨਾ, ਸੀਤਾ ਨੇ ਵਧੀਆ ਖੇਡ ਵਿਖਾਈ। ਸੀਤਾ ਚਿਸ਼ਤੀ ਨਾਲ ਕਈ ਵਾਰੀ ਮਿਹਣੋ ਮਿਹਣੀ ਹੋਇਆ। ਮਾਣਕ ਨੂੰ ਭੂਰੀ ਛੰਨਾ ਵਾਲਾ ਲਾਰਾ ਲਾ ਕੇ ਕਨੇਡਾ ਪਹੁੰਚ ਗਿਆ। ਪਰ ਸਲੋਹ ਨੂੰ ਫਸਵੀਂ ਟੱਕਰ ਦਿੱਤੀ। ਈਰਥ+ਸਾਊਥਾਲ ਫਾਈਨਲ ਵਿੱਚ ਪਹੁੰਚਣ ਦਾ ਦਮ ਰੱਖਦੀ ਆ। ਪਹਿਲੇ ਸੈਮੀਫਾਈਨਲ ਵਿੱਚ ਲੱਖਾ ਢੰਡੋਰੀ, ਨਵੀ, ਚਾਰ ਜੱਫੇ ਕੱਢ ਗਏ। ਪਰ ਰਣਜੀਤ ਢੰਡੇ ਦੀ ਟੀਮ ਵਿੱਚ ਸੁਪਰਸਟਾਰ ਖਿਡਾਰੀ ਸਨ। ਜਿਸ ਕਰਕੇ ਲੈਸਟਰ ਦਾ ਫਾਈਨਲ ਖੇਡਣ ਦਾ ਸੁਪਨਾ ਅਧੂਰਾ ਰਹਿ ਗਿਆ। ਪਿਆਰਾ ਰੰਧਾਵਾ ਸੱਤਰ ਸਾਲ ਦਾ ਹੋ ਕੇ ਵੀ ਤੂਫ਼ਾਨਾਂ ਨਾਲ ਟਕਰਾਉਣ ਦਾ ਹੌਸਲਾ ਰੱਖਦਾ ਹੈ।

ਦੂਸਰਾ ਸੈਮੀਫਾਈਨਲ ਮੈਚ ਕਾਫ਼ੀ ਤੱਤਾ ਸੀ। ਗ੍ਰੇਵਜ਼ੈਂਡ+ਬਾਰਕਿੰਗ ਵਲੋਂ ਸੱਤਾ ਮੁਠੱਡਾ ਟੀਮ ਖਿਡਾਉਣ ਵਿੱਚ ਕਾਫ਼ੀ ਮਾਹਿਰ ਹੈ। ਸ਼ੀਰਾ ਸੰਮੀਪੁਰੀਆ ਬਾਬੇ ਦਾ ਵੀ ਤਜ਼ਰਬਾ ਤੂਫ਼ਾਨਾਂ ਦੇ ਮੂੰਹ ਮੋੜ ਦਿੰਦਾ ਹੈ। ਸਲੋਹ ਵਲੋਂ ਜਾਫੀ ਜੱਗੂ ਹਾਕਮਵਾਲੀਆ, ਮਨੀ ਧਨੋਰੀ, ਲੰਬੜ, ਭਿੰਦਾ ਮੂਲੇਵਾਲ ਖਹਿਰਾ, ਹਰਮਨ ਵਡਾਲਾ ਸਨ। ਰੇਡਰ ਸਫੀਕ ਚਿਸ਼ਤੀ, ਮਨਜੋਤ ਮਾਛੀਵਾੜਾ, ਮੋਹਿਤ ਸਨ। ਗ੍ਰੇਵਜ਼ੈਂਡ+ਬਾਰਕਿੰਗ ਹਰਪਾਲ ਕਾਲਵਾਂ, ਭਾਊ ਸੀਹਦੋਦ, ਗੁਲਜ਼ਾਰੀ ਸੁੰਨੜ, ਨਿੰਦੀ ਹਮੀਦੀ ਸਨ। ਰੇਡਰ ਜੱਗਾ ਮਲਸੀਆਂ, ਸਰਨਾ ਬੜਾ ਪਿੰਡ, ਕਮਲ ਮਾਦੋਪੁਰ, ਰੇਸ਼ਮ ਜਸਰਾਏ ਸਨ। ਸਲੋਹ ਵਲੋਂ ਚਿਸ਼ਤੀ, ਮਨਜੋਤ, ਮੋਹਿਤ ਰੁਕਦੇ ਨਹੀਂ ਸਨ। ਰੇਸ਼ਮ ਜਸਰਾਏ, ਕਮਲ ਮਾਦੋਪੁਰ, ਸਰਗਾ ਵੀ ਡੱਟ-ਡੱਟ ਕੋਡੀਆਂ ਪਾਉਦੇ ਸਨ। ਚੌਥੀ ਰੇਡ ਜੱਗੂ ਨੇ ਅਤੇ ਨੋਵੀ ਰੇਡ ’ਤੇ ਮਨੀ ਨੇ ਜੱਫੇ ਠੋਕ ਦਿੱਤੇ। ਦੂਸਰੇ ਪਾਸੇ ਭਾਊ ਨੇ ਦੋ ਸੋ ਪੌਂਡ ਦਾ ਜੱਫਾ ਠੋਕ ਦਿੱਤਾ। ਗੁਲਜ਼ਾਰੀ ਸੁੰਨੜ ਨੇ ਚਿਸ਼ਤੀ ਨੂੰ 7 ਸੌ ਪੌਂਡ ਦਾ ਜੱਫਾ ਲਾ ਕੇ ਦੁਨੀਆਂ ਨੱਚਣ ਲਾ ਦਿੱਤੀ। ਅੱਧੇ ਸਮੇਂ ਤੱਕ ਮਨੀ ਧਨੋਰੀ, ਲੰਬੜ ਜੱਗੂ ਨੇ ਕਮਲ, ਸ਼ਰਮਾ, ਜੱਗੇ ਨੂੰ ਡੱਕ ਕੇ ਛੇ ਅੰਕਾਂ ਦਾ ਫ਼ਰਕ ਪਾ ਦਿੱਤਾ ਸੀ। ਸਲੋਹ ਦੇ ਜਾਫੀਆਂ ਨੇ ਹਨੇਰੀ ਲਿਆ ਦਿੱਤੀ। 28-38 ਦੇ ਵੱਡੇ ਅੰਤਰ ਨਾਲ ਸਲੋਹ ਫਾਈਨਲ ਵਿੱਚ ਪਹੁੰਚ ਗਏ। ਪਰ ਇਸ ਮੈਚ ਨੇ ਸਾਰੇ ਹੀ ਦੁੱਖ ਤੋੜ ਦਿੱਤੇ।

ਫਾਈਨਲ ਮੈਚ ਖੇਡਣ ਲਈ ਸਲੋਹ ਰੈਡਿੰਗ ਡੋਰਨੀ ਖੇਡਣ ਲਈ ਜਦ ਗਰਾਊਂਡ ਵਿੱਚ ਪਹੁੰਚੇ ਤਾਂ ਦਰਸ਼ਕਾਂ ਨੇ ਗਰਮ ਜੋਸ਼ੀ ਨਾਲ ਖਿਡਾਰੀਆਂ ਦਾ ਸਵਾਗਤ ਕੀਤਾ। ਭਿੰਦਾ ਮੁਠੱਡਾ ਅਤੇ ਅਮਨ ਲੋਪੋ ਮਾਈਕ ਦੀਆਂ ਬੈਟਰੀਆਂ ਚੈਕ ਕਰ ਰਹੇ ਸਨ। ਰੈਡਿੰਗ ਡੋਰਨੀ ਵੈਲਵੇਅਰ ਦੀ ਟੀਮ ਵਿੱਚ ਯਾਦਾ ਸੁਰਖਪੁਰੀਆ ਸ਼ਾਮਿਲ ਹੋ ਗਿਆ ਸੀ। ਜਿਸ ਕਰਕੇ ਟੀਮ ਮਜ਼ਬੂਤ ਹੋ ਗਈ ਸੀ। ਸਲੋਹ ਵਲੋਂ ਜਦੋਂ ਚਿਸ਼ਤੀ ਰੇਡ ’ਤੇ ਗਿਆ ਤਾਂ ਯਾਦੇ ਸਰਪੰਚ ਨੇ ਪਹਿਲਾਂ ਹੀ ਜੱਫਾ ਠੋਕ ਦਿੱਤਾ। ਮਨੀ ਨੇ ਮੋਹਿਤ ਰੋਕ ਲਿਆ। ਬੁੱਲਟ ਖੀਰਾਂ ਵਾਲੀ ਲੋਟ ਨਹੀਂ ਸੀ ਆਉਦਾ। ਲਵਲੀ ਵੀ ਜੱਫੇ ਠੋਕੀ ਜਾਂਦਾ ਸੀ। ਯਾਦੇ ਸੁਰਖਪੁਰੀਏ ਦੀ ਪੂਰੀ ਚੜ੍ਹਤ ਸੀ। ਮਨੀ ਧਨੋਰੀ ਨੇ ਆਖਰ ਬੁੱਲਟ ਨੂੰ ਡੱਕ ਕੇ ਆਪਣਾ ਲੋਹਾ ਮੰਨਵਾ ਹੀ ਦਿੱਤਾ। ਪਰ ਬੁੱਲਟ ਨੇ ਮੇਲਾ ਲੁੱਟਿਆ। ਮਨਜੋਤ ਦੀ ਆਪਣੀ ਵੱਖਰੀ ਪਛਾਣ ਹੈ। ਜੱਗੂ ਹਾਕਮਵਾਲੀਆ ਕੋਈ ਖਾਸ ਕ੍ਰਿਸ਼ਮਾ ਨਹੀਂ ਵਿਖਾ ਸਕਿਆ। 38-45 ਦੇ ਫ਼ਰਕ ਨਾਲ ਰਣਜੀਤ ਢੰਡਾ ਕੱਪ ਜਿੱਤ ਗਿਆ। ਸਲੋਹ ਦੀ ਟੀਮ ਦੂਜੇ ਨੰਬਰ ’ਤੇ ਰਹੀ। ਗੋਲਡੀ ਸੰਧੂ ਅਤੇ ਰੇਸ਼ਮ ਸਿੰਘ ਡੇਹਲ ਖਾਸ ਤੌਰ ’ਤੇ ਇਹ ਮੈਚ ਵੇਖਣ ਪਹੁੰਚੇ ਸਨ। ਇਸ ਟੂਰਨਾਮੈਂਟ ’ਤੇ ਰਾਜਨ ਪਤਾਰੇ ਨੇ ਕਾਮਯਾਬ 9 ਰੇਡਾਂ ਪਾ ਕੇ ਬੱਲੇ-ਬੱਲੇ ਕਰਵਾਈ।

ਇਥੋਂ ਦੇ ਜੰਮਪਲ ਨੌਜਵਾਨਾਂ ਦਾ ਖਾਸ ਤੌਰ ’ਤੇ ਇੱਕ ਮੈਚ ਕਰਵਾਇਆ ਗਿਆ। ਜੈਲੇ ਹੁਸ਼ਿਆਰਪੁਰ ਦੇ ਬੇਟੇ ਰਨਦੀਪ ਨੇ ਧੱਕੜ ਕੋਡੀਆਂ ਪਾਈਆਂ। ਬੱਲ, ਜੈਜ, ਗੋਪੀ ਵਧੀਆ ਖੇਡੇ ਸਨ। ਬੰਸੇ ਦੇ ਪੋਤਿਆ ਨੇ ਵੀ ਕਮਾਲ ਕਰ ਦਿੱਤੀ। ਐਮ.ਪੀ. ਤਨ ਢੇਸੀ ਅਤੇ ਲੋਕਲ ਐਮ.ਪੀ. ਬਾਈਨਾ, ਰਾਜਵੀਰ ਮਾਣਕ ਨੇ ਖਿਡਾਰੀਆਂ ਨੂੰ ਅਸ਼ੀਰਵਾਦ ਦਿੱਤਾ। ਇਨਾਮਾ ਦੀ ਵੰਡ ਸੁਰਿੰਦਰ ਮਾਣਕ, ਰਾਜਵੀਰ ਮਾਣਕ, ਜਸਵਿੰਦਰ ਘੁੰਮਣ ਨੇ ਕੀਤੀ। ਮੇਲਾ ਪੂਰੀ ਤਰ੍ਹਾਂ ਕਾਮਯਾਬ ਰਿਹਾ। ਪ੍ਰਬੰਧ ਬਹੁਤ ਹੀ ਵਧੀਆ ਸੀ। ਬਲਜੀਤ ਸਿੰਘ, ਲਾਲਾ ਬਿਲਗਾ, ਸੁੱਚਾ ਥਿੰਦ, ਜਤਿੰਦਰ ਬਿਲਗਾ, ਧਿਆਨਾ ਨੇ ਕਲੱਬ ਦਾ ਪੂਰਾ ਸਾਥ ਦਿੱਤਾ। ਬਿੰਦਰ ਫ਼ਿਰੋਜ਼ਪੁਰ, ਪੰਮੀ ਰੰਧਾਵਾ, ਟੈਹਲਾ ਸੰਧਵਾਂ, ਰਾਜਾ ਕੰਗ, ਹਰਮਿੰਦਰ ਗਿੱਲ, ਦਵਿੰਦਰ ਪਤਾਰਾ, ਪਾਲਾ ਸਹੋਤਾ, ਲਹਿੰਬਰ ਸਿੰਘ ਲੱਧੜ ਖਾਸ ਤੌਰ ’ਤੇ ਮੇਲਾ ਵੇਖਣ ਪਹੁੰਚੇ। ਅਮਨ ਲੋਪੋ ਅਤੇ ਭਿੰਦੇ ਮੁਠੱਡੇ ਨੇ ਕੁਮੈਂਟਰੀ ਵਾਲੇ ਵੱਟ ਕੱਢ ਦਿੱਤੇ। ਆਉਣ ਵਾਲੇ ਐਤਵਾਰ ਬ੍ਰਮਿੰਘਮ ਦੇ ਟੂਰਨਾਮੈਂਟ ’ਤੇ ਮਿਲਦੇ ਆ ਜਿਹੜਾ ਕੇ ਕੈਨਕ ਰੋਡ ਵੁਲਵਰਹੈਂਪਟਨ ਗੁਰੂਘਰ ਦੀਆਂ ਗਰਾਊਂਡਾਂ ਵਿੱਚ ਹੋ ਰਿਹਾ ਹੈ। ਉਥੇ ਵੀ ਬੜੇ ਫਸਵੇਂ ਮੈਚ ਹੋਣੇ ਹਨ। ਗ੍ਰੇਵਜ਼ੈਂਡ+ਬਾਰਕਿੰਗ ਨਾਲ ਸਲੋਹ ਦਾ ਮੈਚ ਸਿਰੇ ਦਾ ਹੋਵੇਗਾ। ਰੈਡਿੰਗ ਨਾਲ ਸਲੋਹ ਵਾਲਾ ਮੈਚ ਅਗਲੇ ਪਿਛਲੇ ਸਾਰੇ ਹੀ ਰਿਕਾਰਡ ਤੋੜ ਦੇਵੇਗਾ। ਪਰ ਰਣਜੀਤ ਢੰਡੇ ਨੂੰ ਹਰਾਉਣਾ ਬਹੁਤ ਮੁਸ਼ਕਲ ਲੱਗਦਾ ਆ। ਦੇਖੋ ਕਿਹੜਾ ਸੂਰਮਾ ਟੱਕਰ ਲੈਂਦਾ ਆ।

ਹੇਜ਼ ਅਤੇ ਰੈਡਿੰਗ ਡੋਰਨੀ ਦੇ ਮੁਕਾਬਲੇ ਸਮੇਂ ਜਿਹੜਾ ਕਲੱਬ ਦੇ ਨਾ ’ਤੇ ਰੋਲਾ ਪਿਆ ਸੀ ਉਹ ਠੀਕ ਨਹੀਂ ਸੀ। ਇਸਦਾ ਫੈਸਲਾ ਪਹਿਲਾ ਕਰਨਾ ਚਾਹੀਦਾ ਸੀ। ਰੈਡਿੰਗ ਡੋਰਨੀ ਨਾਲ ਵੈਲਵੀਡਰ ਈਰਥ ਜੋੜਨਾ ਚਾਹੁੰਦੇ ਸੀ। ਆਉਦੇ ਟੂਰਨਾਮੈਂਟ ’ਤੇ ਇਸਦਾ ਸਹੀ ਜੋ ਵੀ ਨਾ ਹੈ ਫੈਡਰੇਸ਼ਨ ਨੂੰ ਐਲਾਨ ਕਰ ਦੇਣਾ ਚਾਹੀਦਾ ਹੈ। ਦਰਸ਼ਕ ਸਿਰਫ਼ ਕਬੱਡੀ ਵੇਖਣਾ ਚਾਹੁੰਦੇ ਹਨ। ਕਿਉਕਿ ਸੱਤੇ ਮੁਠੱਡੇ ਨੇ ਮਾਈਕ ’ਤੇ ਕਬੱਡੀ ਮੈਚ ਤਾਂ ਸ਼ੁਰੂ ਕਰਵਾ ਦਿੱਤਾ ਸੀ। ਨਾਲ ਇਹ ਵੀ ਕਿਹਾ ਸੀ ਇਸਦਾ ਫੈਸਲਾ ਬਾਅਦ ਵਿੱਚ ਹੋਵੇਗਾ। ਅਸੀਂ ਨਹੀਂ ਚਾਹੁੰਦੇ ਕਿ ਕਲੱਬਾਂ ਵਿੱਚ ਵੈਰ ਵਿਰੋਧ ਵਧੇ ਅਤੇ ਕਬੱਡੀ ਬਦਨਾਮ ਹੋਵੇ। ਪਰ ਇੱਕ ਗੱਲ ਸਾਹਮਣੇ ਜ਼ਰੂਰ ਆਈ ਹੈ ਕਿ ਜਦੋਂ ਦੋ ਦੋ ਟਾਊਨਾਂ ਨੇ ਰਲਕੇ ਟੀਮਾਂ ਬਣਾਉਣੀਆਂ ਸ਼ੁਰੂ ਕੀਤੀਆਂ ਹਨ ਉਦੋਂ ਦਾ ਟਾਊਨਾਂ ਵਿੱਚ ਆਪਸੀ ਮੇਲਾ ਮਿਲਾਪ ਘਟਦਾ ਜਾਂਦਾ ਹੈ। ਸੁਰਿੰਦਰ ਮਾਣਕ, ਰਣਜੀਤ ਢੰਡਾ, ਕੁਲਵੰਤ ਸੰਘਾ, ਪਾਲਾ ਸਹੋਤਾ ਬੜਾ ਪਿੰਡ, ਹਰਨੇਕ ਨੇਕਾ ਮੈਰੀਪੁਰ, ਪਿੰਕੀ ਢਿੱਲੋਂ ਇਹਨਾਂ ਨੇ ਬੜੀ ਮਿਹਨਤ ਕਰਕੇ ਮੁੜ ਕਬੱਡੀ ਜਿੰਦਾ ਕੀਤੀ ਹੈ। ਇਹਨਾਂ ਦਾ ਸਾਥ ਦਿਓ।

ਰੱਬ ਰਾਖਾ।

ਰਿਪੋਰਟਰ – ਸੰਤੋਖ ਸਿੰਘ ਢੇਸੀ ਸੰਗ ਢੇਸੀਆਂ

ਐਮ.ਏ. ਡੀ.ਪੀ.ਐੱਡ

ਇੰਗਲੈਂਡ ਵਿੱਚ ਕਬੱਡੀ ਮੇਲੇ ਲੱਗਣੇ ਸ਼ੁਰੂ

ਕਾਵੈਂਟਰੀ ਵਿਖੇ ਹੇਜ਼, ਰੈਡਿੰਗ ਡੋਰਨੀ ਫਾਈਨਲ ਵਿੱਚ ਖੇਡੇ।

ਬੜੇ ਲੰਬੇ ਅਰਸੇ ਬਾਅਦ ਇੰਗਲੈਂਡ ਦੀਆਂ ਗਰਾਊਂਡਾਂ ਵਿੱਚ ਮੁੜ ਰੌਣਕਾਂ ਪਰਤ ਆਈਆਂ ਹਨ। ਕਬੱਡੀ ਖੇਡ ਪ੍ਰੇਮੀਆਂ ਤੋਂ ਚਾਅ ਸੰਭਾਲੇ ਨਹੀਂ ਜਾਂਦੇ। ਆਉਣ ਵਾਲੇ ਸੰਡੇ ਦੀਆਂ ਛੁੱਟੀਆਂ ਬੁੱਕ ਕਰ ਲਈਆਂ ਜਾਂਦੀਆਂ ਹਨ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਨੇ ਬਹੁਤ ਜੱਦੋ-ਜਹਿਦ ਕੀਤੀ ਤਾਂ ਜਾ ਕੇ ਖਿਡਾਰੀਆਂ ਦੇ ਵੀਜ਼ੇ ਲੱਗਣੇ ਸ਼ੁਰੂ ਹੋਏ ਹਨ ਅਤੇ ਤਕਰੀਬਨ ਸਾਰੇ ਹੀ ਕੱਬਡੀ ਖਿਡਾਰੀ ਈਰਥ+ਵੂਲਿਚ ਦੇ ਖੇਡ ਮੇਲੇ ’ਤੇ ਪਹੁੰਚ ਜਾਣਗੇ। ਕਬੱਡੀ ਖੇਡ ਪੰਜਾਬੀਆਂ ਦੇ ਖੂਨ ਵਿੱਚ ਸਮਾਈ ਹੋਈ ਹੈ। ਇਸਦਾ ਨਾ ਸੁਣਦੇ ਹੀ ਖੂਨ ਖੋਲਣ ਲੱਗ ਪੈਂਦਾ ਹੈ, ਡੋਲੇ ਫਰਕਦੇ ਨੇ, ਸਰੀਰ ਉੱਡਜੂ-ਉੱਡਜੂ ਕਰਨ ਲੱਗ ਪੈਂਦਾ ਹੈ। ਕਬੱਡੀ ਖੇਡ ਏਨੀ ਜੋਸ਼ੀਲੀ ਹੈ ਕਿ ਨੌਜਵਾਨਾਂ ਦੇ ਭੇੜ ਵੇਖਕੇ ਬੰਦਾ ਘਰ ਜਾ ਕੇ ਵੀ ਬੈਠਕਾਂ ਮਾਰਨ ਲੱਗ ਪੈਂਦਾ ਹੈ।

ਪਿਛਲੇ ਹਫ਼ਤੇ 17 ਜੁਲਾਈ ਦਿਨ ਐਤਵਾਰ ਨੂੰ ਕਾਵੈਂਟਰੀ ਏਸ਼ੀਅਨ ਸਪੋਰਟਸ ਫੈਡਰੇਸ਼ਨ ਵਲੋਂ 56ਵਾਂ ਸ਼ਹੀਦ ੳੂਧਮ ਸਿੰਘ ਯਾਦਗਾਰੀ ਕਬੱਡੀ ਟੂਰਨਾਮੈਂਟ ਕਰਵਾਇਆ ਗਿਆ। ਕਬੱਡੀ ਕੱਪ ਜਿੱਤਣ ਲਈ ਅੱਠ ਕਬੱਡੀ ਕਲੱਬਾਂ ਨੇ ਭਾਗ ਲਿਆ। ਸੂਰਜ ਦੇਵਤਾ ਪਸੀਨੇ ਪਸੀਨੀ ਹੋਇਆ ਫਿਰਦਾ ਸੀ। ਗੱਭਰੂਆਂ ਦੇ ਜੌਹਰ ਵੇਖਣ ਨੂੰ ਉਹ ਵੀ ਕਾਹਲਾ ਸੀ। ਸ਼ਾਹਵੇਲਾ ਖਾ ਕੇ ਦਰਸ਼ਕ ਵੀ ਆਉਣੇ ਸ਼ੁਰੂ ਹੋ ਗਏ ਸਨ। ਅਮਰੀਸ਼ ਪੁਰੀ ਵਾਂਗ ਟੋਪੀ ਪਾ ਕੇ ਸਤਨਾਮ ਗਿੱਲ ਗੇਟ ’ਤੇ ਜੀ ਆਇਆ ਆਖ ਰਿਹਾ ਸੀ। ਫੈਡਰੇਸ਼ਨ ਦੇ ਨੁਮਾਇੰਦੇ ਵੀ ਆਪੋਂ ਆਪਣੀਆਂ ਡਿਊਟੀਆਂ ਸੰਭਾਲ ਰਹੇ ਸਨ।

ਕਬੱਡੀ ਦੀ ਚੜ੍ਹਦੀ ਕਲਾ ਲਈ ਤਕਰੀਬਨ ਬਾਰਾਂ ਕੁ ਵਜੇ ਵਾਹਿਗੁਰੂ ਦੇ ਚਰਨਾਂ ਵਿੱਚ ਅਰਦਾਸ ਕੀਤੀ ਗਈ। ਪਹਿਲਾਂ ਮੈਚ ਖੇਡਣ ਲਈ ਟੈਲਫੋਰਡ ਅਤੇ ਹੇਜ਼ ਕਬੱਡੀ ਕਲੱਬਾਂ ਗਰਾਊਂਡ ਨੂੰ ਮੱਥਾ ਟੇਕ ਕੇ ਸਰੀਰ ’ਚੋਂ ਚੰਗਿਆੜੇ ਕੱਢ ਰਹੇ ਸਨ। ਹੇਜ਼ ਦੇ ਰੇਡਰ ਸਨ ਸਿਕੰਦਰ ਮਾੜੀ, ਸੁੱਖਾ ਲੋਪੋ, ਜੱਸਾ ਭੜੀਵੜੈਚ ਸਨ। ਜਾਫੀ ਹਰਮਨ ਘੋਲੀਆ, ਰਾਜੂ ਖੋਸਾ, ਅਮਨ ਲੁਹਾਰਾਂ ਸਨ। ਟੈਲਫੋਰਡ ਦੇ ਜਾਫੀ ਗੋਪੀ ਨੱਲ ਮਾਂਗਟ, ਹਰਮਨ ਧਾਮੀ, ਗੋਨੀ ਬਾਜਵਾ ਤੇ ਪ੍ਰਦੀਪ ਸਨ। ਧਾਵੇ ਬੋਲਣ ਲਈ ਤਿਆਰ ਸਨ – ਗੋਰਾ ਜਗਰਾਜ, ਸੁੱਖਾ ਢੰਡੋਵਾਲ ਅਮਨ ਸਨ। ਟੈਲਫੋਰਡ ਦੀ ਟੀਮ ਸੀਰਾ ਔਲਖ, ਬਲਵਿੰਦਰ ਚੱਠੇ ਨੇ ਸੰਦੀਪ ਨੰਗਲ ਅੰਬੀਆਂ ਦੇ ਨਾਂ ’ਤੇ ਬਣਾਈ ਹੈ। ਗੋਰਾ, ਸੁਖੇ, ਅਮਨ ਨੇ ਵਧੀਆ ਰੇਡਾਂ ਪਾਈਆਂ। ਹੇਜ਼ ਵਲੋਂ ਅਮਨ ਲੁਹਾਰਾਂ, ਹਰਮਨ ਘੋਲੀਆ ਧੱਕੜ ਜੱਫੇ ਲਾ ਕੇ ਬਬਲੀ ਚੜਿੱਕ, ਬਿੰਦਰ ਸਿੱਧੂ ਹੋਜ਼ ਨੂੰ ਮੈਚ ਜਿੱਤਾ ਗਏ। ਹੇਜ਼ ਵਲੋਂ ਸਿੰਕਦਰ ਮਾੜੀ, ਜੱਸਾ ਭੜੀਵੜੈਚ, ਸੁੱਖਾ ਲੋਪੋ ਦੇ ਤਜ਼ਰਬੇ ਮੈਚ ਨੂੰ ਧੂਹ ਕੇ ਅੱਗੇ ਲੈ ਗਏ।

ਦੂਸਰਾ ਮੈਚ ਖੇਡਣ ਲਈ ਜਦੋਂ ਰੈਡਿੰਗ ਅਤੇ ਗ੍ਰੈਵਜ਼ੈਂਡ + ਬਾਰਕਿੰਗ ਦੇ ਖਿਡਾਰੀਆਂ ਨੇ ਐਂਟਰੀ ਮਾਰੀ ਤਾਂ ਦਰਸ਼ਕਾਂ ਨੇ ਗਰਮਜੋਸ਼ੀ ਨਾਲ ਇਹਨਾਂ ਦਾ ਸਵਾਗਤ ਕੀਤਾ। ਕਿਉਕਿ ਇਸ ਵਿੱਚ ਬਹੁਤ ਸਾਰੇ ਸੁਪਰ ਸਟਾਰ ਖਿਡਾਰੀ ਖੇਡਣ ਲਈ ਪਹੁੰਚੇ ਸਨ। ਸਲੋਹ ਵਲੋਂ ਧੱਕੜ ਰੇਡਰ ਸਨ ਚਿਸ਼ਤੀ, ਮਨਜੋਤ ਸਿੰਘ ਸਰਦਾਰ ਸਨ। ਸਲੋਹ ਦੀ ਜਾਫ ਲਾਈਨ ਬੜੀ ਘੈਂਟ ਸੀ ਜੱਗੂ ਹਾਕਮਵਾਲੀਆ, ਮਨੀ ਧਨੋਰੀ, ਲੰਬੜ, ਭਿੰਦਾ ਮੂਲਵਾਲ ਖੈਹਿਰਆਂ ਦਾ ਸੀ। ਸੋਹਣ ਰੁੜਕੀ ਨੇ ਸਫੀਕ ਚਿਸ਼ਤੀ ਡੱਕ ਕੇ ਗ੍ਰੈਵਜ਼ੈਂਡ + ਬਾਰਕਿੰਗ ਕਲੱਬ ਦੇ ਹੌਸਲੇ ਬੁਲੰਦ ਕਰ ਦਿੱਤੇ। ਚੀਕਾਂ ਤਾੜੀਆਂ ਨੇ ਸੱਭਦੀ ਸੁਸਤੀ ਦੂਰ ਕਰ ਦਿੱਤੀ। ਰੇਸ਼ਮ ਜਮਰਾਏ ਸਲੋਹ ਦੇ ਹੱਥ ਨਾ ਲੱਗਾ। ਜੱਗੂ ਹਾਕਮਵਾਲ ਨੇ ਜੱਗਾ ਰੋਕ ਦਿੱਤਾ। ਗੁਲਜਾਰੀ ਸੁੰਨੜ ਉਡ ਉੱਡ ਕੇ ਪੈਂਦਾ ਸੀ। ਮਨੀ ਧਨੋਰੀ ਦੇ ਧੱਕੜ ਜੱਫੇ ਵੀ ਸਲੋਹ ਨੂੰ ਹਰਾ ਨਾ ਸਕੇ। ਚਿਸ਼ਤੀ ਮੁੜਕੇ ਹੱਥ ਨਾ ਆਇਆ ਸ਼ੀਰਾ ਸੰਮੀਪੁਰ, ਬਿੰਦਰ ਨਵੇਪਿੰਡੀਆ, ਕੁਲਵੰਤ ਚੱਠਾ ਮੈਚ ਜਿੱਤ ਗਏ। ਗ੍ਰੇਵਜ਼ੈਂਡ+ਬਾਰਕਿੰਗ ਰੇਡਰ ਤਾਂ ਵਧੀਆ ਸੀ। ਰੇਸ਼ਮ ਜਸਰਾਏ, ਕਮਲ ਸਾਦੋਪੁਰ, ਸ਼ਰਮਾ, ਜੱਗਾ। ਜਾਫੀ ਹਰਪਾਲ ਕਾਲਵਾਂ, ਭਾਊ ਸੀਹਦੋਦੇ, ਗੁਲਜ਼ਾਰੀ ਸੁੰਨੜ, ਨਿੰਦੀ ਹਮੀਦੀ ਸਨ। ਕੁਲਵਿੰਦਰ ਸਹੋਤਾ, ਰਾਣਾ ਪੱਡਾ ਖੀਰਾਵਾਲੀ। ਡੇਢ ਨੰਬਰ ਦੇ ਫ਼ਰਕ ਨਾਲ ਅੱਗੇ ਜਾਣ ਤੋਂ ਰੋਕ ਦਿੱਤੇ ਗਏ। ਸਲੋਹ ਦੀ ਟੀਮ ਨੇ ਮੇਲੇ ਵਿੱਚ ਜਾਨ ਪਾ ਦਿੱਤੀ। ਕੱਪ ਜਿੱਤਣੋ ਦੇਖੋ ਕਿਹੜਾ ਸੂਰਮਾ ਰੋਕਦਾ ਆ।

ਨੇਕਾ ਮੈਰੀਪੁਰ ਬ੍ਰਮਿੰਘਮ, ਕਾਵੈਂਟਰੀ ਅਤੇ ਲੈਸਟਰ+ਬ੍ਰਮਿੰਘਮ ਇਕਬਾਲ ਬਾਲਾ ਅਟਵਾਲ, ਪਿਆਰਾ ਰੰਧਾਵਾ, ਕੁਲਵੰਤ ਸੰਘਾ, ਭਲਵਾਨ ਟੀਮ ਲੈ ਕੇ ਪਹੁੰਚੇ ਤਾਂ ਮੇਲਾ ਭਰਿਆ ਪਿਆ ਸੀ। ਕਾਵੈਂਟਰੀ ਦੀ ਟੀਮ ਨਾਲ ਗੀਤਾ ਬੱਝਵਾਂ ਕਲਾਂ, ਸਤਨਾਮ ਗਿੱਲ, ਦੀਪਾ ਮੋਲੀ, ਅਮਰਜੀਤ ਖਗੂੰੜਾ ਟੀਮ ਲੈਕੇ ਪਹੁੰਚ ਗਏ। ਇੱਕ ਯਾਦਗਾਰੀ ਤਸਵੀਰ ਖਿੱਚੀ ਗਈ। ਕਾਵੈਂਟਰੀ ਦੇ ਜਾਫੀ ਪਾਲਾ ਚਮਿਆਰਾ, ਜੱਗਾ ਮੂਲੇ ਵਾਲ ਖੈਹਰਾ, ਦਾਲੀ, ਅਨਮੋਲ ਮੰਡ, ਘੋਨਾ ਸਨ। ਰੇਡਰ ਮਨਜਿੰਦਰ ਸਰਾਂ, ਲੰਬੜ ਬਜੂਹਾ ਸਨ। ਲੈਸਟਰ ਕੋਲ ਰੇਡਰ ਸੁਪਰ ਸਟਾਰ ਬਦੇਸ਼ਾ, ਕਰਣ ਪਾਸਲਾ, ਜੱਗੀ ਮੋਲੀਵਾਲਾ, ਰਛਪਾਲ ਭੈਣੀ ਸਨ। ਜਾਫੀ ਤਕਰੀਬਨ ਨਵੇਂ ਸਨ ਲੱਖਾ, ਤਾਰੀ, ਨਵੀ ਔਜਲਾ, ਲਾਡਾ ਅੰਬਰਸਰੀਆ ਸਨ। ਮਨਜਿੰਦਰ, ਲੰਬੜ ਬਜੁਹਾ ਚੰਗੀਆਂ ਰੇਡਾਂ ਪਾ ਕੇ ਗਏ। ਬਦੇਸ਼ੇ ਦੇ ਡਰ ਨਾਲ ਸਾਰੀ ਜਾਫ ਲਾਈਨ ਹਿੱਲ ਜਾਂਦੀ ਸੀ। ਕਰਣ ਪਾਸਲੇ ਦੀ ਖੇਡ ਨੇ ਦਰਸ਼ਕ ਖੁਸ਼ ਕੀਤੇ ਕਈ ਜੱਫੇ ਲਾ ਗਿਆ। ਜੱਫਿਆਂ ਤੋਂ ਬਿਨਾ ਕਾਹਦੀ ਖੇਡ ਹੁੰਦੀ। ਅੱਠ ਨੰਬਰਾਂ ਦੇ ਫ਼ਰਕ ਨਾਲ ਕਾਵੈਂਟਰੀ ਵਾਲੇ ਪੂਲ ’ਚੋਂ ਬਾਹਰ ਹੋ ਗਏ।

ਸਲੋਹ ਅਤੇ ਰੈਡਿੰਗ ਡੋਰਨੀ ਕਲੱਬਾਂ ਜਦੋਂ ਗਰਾਊਂਡਾਂ ਵਿੱਚ ਪਹੁੰਚੀਆਂ ਤਾਂ ਮੇਲਾ ਪੂਰੇ ਜੋਬਨ ’ਤੇ ਸੀ ਸੂਰਜ ਦੇਵਤਾ ਵੀ ਗਰਮੀ ਵਾਲੇ ਵੱਟ ਕੱਢੀ ਜਾਂਦਾ ਸੀ। ਵਲੈਤੀ ਪੰਜਾਬੀਆਂ ਦੇ ਸੋਹਲ ਜਿਹੇ ਸਰੀਰਾਂ ਨੂੰ ਵਰ੍ਹਦੀ ਧੁੱਪ ਝੱਲਣੀ ਔਖੀ ਸੀ। ਲੋਕ ਗੱਲਾਂ ਕਰਦੇ ਸਨ ਏ ਟੀਮਾਂ ਕੱਪ ਦੀਆਂ ਦਾਅਵੇਦਾਰ ਲੱਗਦੀਆਂ ਹਨ ਪਰ ਏ ਸੈਮੀਫਾਈਨਲ ਵਿੱਚ ਭਿੜ ਗਈਆਂ। ਰੈਡਿੰਗ ਦੇ ਜਾਫੀ ਗਿੰਨੀ ਮਹਿਮਦਵਾਲ, ਲਵਲੀ, ਸੱਤੂ ਖੰਡੂਰ ਸਨ। ਰੇਡਰ ਬੁਲਟ ਖੀਰਾਂਵਾਲੀ, ਅੰਗਰੇਜ਼ ਖੀਰਾਂਵਾਲੀ, ਜੋਤਾ ਮਹਿਮਦ ਵਾਲੇ ਸਨ। ਚਿਸ਼ਤੀ, ਮਨਜੋਤ, ਮੋਹਿਤ ਦੀ ਖੇਡ ਨੇ ਦੁਨੀਆਂ ਨਚਾ ਦਿੱਤੀ। ਜੋਤਾ ਅਹਿਮਦ ਵਾਲ ਵੀ ਰੁਕਦਾ ਨਹੀਂ ਸੀ। ਜੱਗੂ ਹਾਕਮਵਾਲੀਏ ਦੀ ਖੇਡ ਨੇ ਮੇਲਾ ਲੁੱਟ ਲਿਆ। ਸੱਤੂ ਖਡੂਰ ਸਾਹਿਬ ਦੇ ਵਾਧੂ ਜੱਫੇ ਨਾਲ ਰੈਡਿੰਗ ਵਾਲੇ ਫਾਈਨਲ ਵਿੱਚ ਜਾ ਪਹੁੰਚੇ। ਲੈਸਟਰ ਨੂੰ ਹਰਾ ਕੇ ਹੇਜ਼ ਵਾਲੇ ਫਾਈਨਲ ਵਿੱਚ ਪਹੁੰਚ ਗਏ। ਨੇਕਾ ਮੈਰੀਪੁਰ, ਬਲਵਿੰਦਰ ਦੂਲੇ ਵੀ ਪਹਿਲਾਂ ਹੀ ਮੈਚ ਹਾਰ ਗਏ।

ਫਾਈਨਲ ਮੈਚ ਹੇਜ਼ ਕਬੱਡੀ ਕਲੱਬ ਅਤੇ ਰੈਡਿੰਗ ਡੋਰਨੀ ਵਿਚਕਾਰ ਹੋਇਆ। ਇਹ ਮੈਚ ਏਨਾ ਫਸਿਆ ਨਹੀਂ। ਰਣਜੀਤ ਢੰਡੇ ਦੀ ਟੀਮ ਰੈਡਿੰਗ ਨੇ ਬਹੁਤ ਆਸਾਨੀ ਨਾਲ 28-13 ਦੇ ਫ਼ਰਕ ਨਾਲ ਕਾਵੈਂਟਰੀ ਕੱਪ ਜਿੱਤ ਲਿਆ। ਹੇਜ਼ ਦੂਜੇ ਨੰਬਰ ’ਤੇ ਰਹੀ। ਟੂਰਨਾਮੈਂਟ ਦੀ ਕੁਮੈਂਟਰੀ ਸੰਤਖ ਸਿੰਘ ਢੇਸੀ (ਐਮ.ਏ. ਡੀ ਪੀਇਡ) ਸੰਗ ਢੇਸੀਆਂ ਜਾਣੀ ਇਹਨਾਂ ਸਤਰਾਂ ਦੇ ਲੇਖਕ ਨੇ ਕੀਤੀ। ਸ਼ੀਰੇ ਸੰਕਰੀਏ ਨੇ ਪੂਰਾ ਸਾਥ ਦਿੱਤਾ। ਗੀਤਾ ਬਾਜਵਾ ਨੇ ਆਏ ਮਹਿਮਾਨਾਂ ਦੀ ਖੂਬ ਸੇਵਾ ਕੀਤੀ। ਗੁਰੂ ਦਾ ਲੰਗਰ ਵਰਤਾਇਆ ਗਿਆ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਵਧਾਈ ਦੀ ਪਾਤਰ। ਸੁਰਿੰਦਰ ਮਾਣਕ ਨੂੰ ਜਦੋਂ ਪੁੱਛਿਆ ਕਿ ਅੱਜ ਤੂੰ ਬੜਾ ਮੁੜਕੋਂ ਮੁੜਕੀ ਹੋਇਆ ਫਿਰਦਾ ਏ, ਤੇਰੀ ਟੀਮ ਤਾਂ ਖੇਡੀ ਨਹੀਂ। ਕਹਿੰਦਾ ਸਾਰੀਆਂ ਟੀਮਾਂ ਸਾਡੀਆਂ ਨੇ ਮੁੜ ਇੰਗਲੈਂਡ ਵਿੱਚ ਕਬੱਡੀ ਜ਼ਿੰਦਾ ਹੋ ਗਈ। ਸਾਰੀਆਂ ਟੈਨਸ਼ਨਾਂ ਦੂਰ ਹੋ ਗਈਆਂ। ਸਾਰੀ ਫੈਡਰੇਸ਼ਨ ਵਲੋਂ ਹੱਥ ਜੋੜਕੇ ਬੇਨਤੀ ਹੈ ਕਿ ਫੈਡਰੇਸ਼ਨ ਦਾ ਸਾਥ ਦਿਓ। ਭਿੰਦੇ ਮੁਠੱਡੇ ਦੀ ਘਾਟ ਰੜਕਦੀ ਰਹੀ। ਮਿਲਦੇ ਹਾਂ ਈਰਥ+ਵੂਲਿਚ ਦੀਆਂ ਗਰਾਊਂਡਾਂ ਵਿੱਚ, ਆ ਜਾਓ ਟੈਂਪੂ ਟਰੈਕਟਰ ਭਰ ਭਰ ਕੇ, ਰੱਬ ਰਾਖਾ।

ਰਿਪੋਰਟ – ਸੰਤੋਖ ਸਿੰਘ ਢੇਸੀ

Manchester City hosted the Senior British Wrestling Championships 2022

Last weekend saw the 4 corners of the UK descend on to the host city Manchester for the Senior British Wrestling Championships 2022. 

Just over 100 athletes representing 24 affiliated clubs wore their club colours with pride. Months and months of training even during COVID came to this day of judgment. Slough Wrestling Club in their now familiar red came to battle with a view of securing a place on the podium. 

Club coach Szymon Matkowski says ‘we do not pressure our wrestlers to only WIN, we instill the confidence and courage that allows them to take that first step onto the mat. We then work even harder to prepare them for the next competition.’ 

Popa Tudor(125kg) Gold 

Inderpal Cheema(70kg), former 6 times Junior Champion achieved Silver. 

Gavinda Singh(92kg) quarter finalist 

Kaarun Kundhi(79kg) quarter finalist 

Igor Tulei (70kg) quarter finalist 

Saroop Bal(79kg) round of 16 

Aurel Tulei (70kg) knockout stage 

ਪੈਰਿਸ ਦੇ ਖੇਡ ਮੇਲੇ ਦਾ ਕਬੱਡੀ ਕੱਪ ਹਾਲੈਂਡ ਦੇ ਖਿਡਾਰੀਆਂ ਨੇ ਜਿੱਤਿਆ

ਇਸ ਮੌਕੇ ਬੋਬਿਨੀ ਦੀ ਜੁਇੰਟ ਮੇਅਰ ਤੇ ਹੋਰ ਹਸਤੀਆਂ ਨੇ ਖੇਡ ਮੇਲੇ ਦੀ ਵਧਾਈ ਦਿੱਤੀ। ਕਲੱਬ ਦੇ ਆਗੂਆਂ ਬਾਜ ਸਿੰਘ ਵਿਰਕ ਪ੍ਰਧਾਨ, ਭਾਈ ਰਘਬੀਰ ਸਿੰਘ ਕੁਹਾੜ ਜਨਰਲ ਸਕੱਤਰ, ਚੈਨ ਸਿੰਘ ਚੱਠਾ, ਰਾਮ ਸਿੰਘ ਵਿਰਕ, ਪਲਵਿੰਦਰ ਸਿੰਘ ਭੱਕੂਵਾਲ, ਜਸਵੀਰ ਸਿੰਘ ਚੰਨਾ, ਜਗਤਾਰ ਸਿੰਘ ਬਿੱਟੂ, ਕੁਲਦੀਪ ਸਿੰਘ, ਗੁਰਦੇਵ ਸਿੰਘ ਧਾਲੀਵਾਲ, ਕੁਲਬੀਰ ਸਿੰਘ ਸ਼ੀਰਾ, ਦਲਵਿੰਦਰ ਸਿੰਘ ਘੁੰਮਣ, ਕੇਵਲ ਸਿੰਘ ਖੀਰਾਂਵਾਲੀ ਤੇ ਜਿੰਦਰ ਸੈਫਲਾਬਾਦ ਦੀ ਦੇਖ–ਰੇਖ ਤੇ ਸੁਚੱਜੇ ਪ੍ਰਬੰਧ ਹੇਠ ਖੇਡ ਮੇਲਾ ਆਰੰਭ ਹੋਇਆ। ਪੰਜਾਬ ਸਪੋਰਟਸ ਕਲੱਬ ਫਰਾਂਸ, ਪੰਜਾਬ ਸਪੋਰਟਸ ਕਲੱਬ ਐਮਸਟਰਡਮ ਹਾਲੈਂਡ, ਸ਼ੇਰ–ਏ–ਪੰਜਾਬ ਸਪੋਰਟਸ ਕਲੱਬ ਬੈਲਜੀਅਮ, ਚੜ੍ਹਦੀ ਕਲਾ ਸਪੋਰਟਸ ਕਲੱਬ ਬੈਲਜੀਅਮ ਤੇ ਐਨ ਆਰ ਆਈ ਸਪੋਰਟਸ ਕਲੱਬ ਬੈਲਜੀਅਮ ਦੀਆਂ ਨਾਮੀ ਟੀਮਾਂ ਦੇ ਖਿਡਾਰੀਆਂ ਨੇ ਸਾਨ੍ਹਾਂ ਵਰਗੇ ਭੇੜ ਮੁਕਾਬਲਿਆਂ ‘ਚ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਤੇ ਹਜ਼ਾਰਾਂ ਦੀ ਗਿਣਤੀ ‘ਚ ਪੁੱਜੇ ਦਰਸ਼ਕਾਂ ਨੇ ਤਾੜੀਆਂ ਦੀ ਗੂੰਜ ਨਾਲ ਹੌਸਲਾ ਅਫਜ਼ਾਈ ਕੀਤੀ।

ਆਖਰੀ ਮੁਕਾਬਲੇ ‘ਚ ਪੰਜਾਬ ਸਪੋਰਟਸ ਕਲੱਬ ਐਮਸਟਰਡਮ ਹਾਲੈਂਡ ਦੀ ਟੀਮ ਨੇ 30 ਨੰਬਰ ‘ਤੇ ਸ਼ੇਰ ਏ ਪੰਜਾਬ ਸਪੋਰਟਸ ਕਲੱਬ ਬੈਲਜੀਅਮ ਦੀ ਟੀਮ ਨੇ 29ੰ5 ਅੰਕ ਪ੍ਰਾਪਤ ਕੀਤੇ। ਅੱਧੇ ਅੰਕ ਦੇ ਵਾਧੇ ਨਾਲ ਪੰਜਾਬ ਸਪੋਰਟਸ ਕਲੱਬ ਐਮਸਟਰਡਮ ਹਾਲੈਂਡ ਦੀ ਟੀਮ ਨੇ ਜਿੱਤ ਪ੍ਰਾਪਤ ਕਰਦਿਆਂ ਖੇਡ ਮੇਲੇ ਦਾ ਕੱਪ ਜਿੱਤਿਆ ਤੇ ਪਲਵਿੰਦਰ ਸਿੰਘ ਸੰਧੂ ਭੱਕੂਵਾਲ ਤੇ ਪਰਮਜੀਤ ਸਿੰਘ ਸੰਧੂ ਭੱਕੂਵਾਲ ਭਰਾਵਾਂ ਵੱਲੋਂ ਜੇਤੂ ਟੀਮ ਨੂੰ 3100 ਯੂਰੋ ਦਾ ਪਹਿਲਾ ਇਨਾਮ ਦਿੱਤਾ ਗਿਆ। ਇਨ੍ਹਾਂ ਵੱਲੋਂ ਹੀ ਫੁੱਟਬਾਲ ਦੀ ਜੇਤੂ ਟੀਮ ਨੂੰ 1500 ਯੂਰੋ ਦਾ ਇਨਾਮ ਦਿੱਤਾ ਗਿਆ। ਦੂਜੇ ਸਥਾਨ ‘ਤੇ ਰਹੀ ਸ਼ੇਰ–ਏ–ਪੰਜਾਬ ਸਪੋਰਟਸ ਕਲੱਬ ਬੈਲਜੀਅਮ ਦੀ ਟੀਮ ਨੂੰ 25 ਸੌ ਯੂਰੋ ਦਾ ਇਨਾਮ ਕੁਲਬੀਰ ਸਿੰਘ ਸ਼ੀਰਾ ਤੇ ਸਾਥੀਆਂ ਵੱਲੋਂ ਦਿੱਤਾ ਗਿਆ। ਦੂਜਾ ਸਥਾਨ ਪ੍ਰਾਪਤ ਕਰਨ ਵਾਲੀ ਫੁੱਟਬਾਲ ਦੀ ਟੀਮ ਨੂੰ ਬਲਦੇਵ ਸਿੰਘ ਵੱਲੋਂ 11 ਸੌ ਯੂਰੋ ਦਾ ਇਨਾਮ ਦਿੱਤਾ ਗਿਆ।