ਗੁਰੂ ਨਾਨਕ ਦੇਵ ਜੀ ਦੇ ਜੀਵਨ ਅਤੇ ਫਲਸਫੇ ਨੂੰ ਉਜਾਗਰ ਕਰਦੀ ਵਿਦਿਅਕ ਪ੍ਰਦਰਸ਼ਨੀ ਬੈੱਡਫੋਰਡ ਵਿੱਚ ਪਹੁੰਚੀ

ਹਾਈ ਕਮਿਸ਼ਨ ਲੰਡਨ ਸਹਿਯੋਗ ਦੁਆਰਾ, ਸੇਵਾ ਟਰੱਸਟ ਯੂਕੇ (ਬੈੱਡਫੋਰਡ ਅਧਾਰਤ ਚੈਰਿਟੀ) ਅਤੇ ਲੰਡਨ ਅਧਾਰਤ ਸੰਸਥਾ ‘ਕਨੈਕਟ ਵਿਦ ਯੂਅਰ ਰੂਟਸ’ ਨੇ ਪ੍ਰਦਰਸ਼ਨੀ ਨੂੰ ਪੂਰਬੀ ਇੰਗਲੈਂਡ ਵਿੱਚ ਲਿਆਉਣ ਲਈ ਸਾਂਝੇ ਤੌਰ 'ਤੇ ਤਾਲਮੇਲ ਕੀਤਾ। 
ਸੇਵਾ ਟਰੱਸਟ ਯੂਕੇ ਦੇ ਚੇਅਰਮੈਨ, ਚਰਨ ਕੰਵਲ ਸਿੰਘ ਸੇਖੋਂ ਨੇ ਦੱਸਿਆ ਕਿ, 'ਇਹ ਗੁਰੂ ਨਾਨਕ ਦੇਵ ਜੀ ਦੇ ਜੀਵਨ ਅਤੇ ਸਿੱਖਿਆਵਾਂ 'ਤੇ ਇੱਕ ਵਿਲੱਖਣ ਵਿਦਿਅਕ ਪ੍ਰਦਰਸ਼ਨੀ ਹੈ ਜਿਸ ਵਿੱਚ ਭਾਰਤ ਅਤੇ ਪਾਕਿਸਤਾਨ ਦੇ ਵੱਖ-ਵੱਖ ਇਤਿਹਾਸਕ ਪ੍ਰਦਰਸ਼ਨੀ ਕੇਂਦਰਾਂ ਅਤੇ ਲਾਇਬ੍ਰੇਰੀਆਂ ਤੋਂ ਲਈਆਂ ਗਈਆਂ ਦੁਰਲੱਭ ਕਲਾਕ੍ਰਿਤਾਂ ਅਤੇ ਪੁਰਾਤਨ ਪੁਸਤਕਾਂ ਤੋਂ ਲਈਆਂ ਗਈਆਂ 21 ਐਚਡੀ ਪ੍ਰਿੰਟਸ ਹਨ। ਹਰੇਕ ਫੋਟੋ ਦਾ ਅੰਗਰੇਜ਼ੀ ਵਿੱਚ ਵਿਖਿਆਨ ਕੀਤਾ ਗਿਆ ਹੈ। ਅਤੇ ਇਹ ਪ੍ਰਦਰਸ਼ਨੀ ਬਰਾਬਰੀ, ਸੇਵਾ, ਏਕਤਾ ਅਤੇ ਸਿੱਖ ਧਰਮ ਦੇ ਤਿੰਨ ਥੰਮ੍ਹਾਂ ਦੇ ਮੁੱਖ ਸੰਦੇਸ਼ਾਂ ਨੂੰ ਦਰਸਾਉਂਦੀ ਹੈ; ਕਿਰਤ ਕਰਨੀ ਨਾਮ ਜਪਣਾ ਅਤੇ ਵੰਡ ਛਕਣਾ। ਕੋਵਿਡ 19 ਪਾਬੰਦੀਆਂ ਦੇ ਕਾਰਨ ਪ੍ਰਦਰਸ਼ਨੀ ਬਹੁਤ ਸਾਰੇ ਕਸਬਿਆਂ ਵਿਚ ਨਹੀਂ ਲੈ ਜਾਈ ਗਈ ਪਰ ਹੁਣ ਕੋਵਿਡ ਸਥਿਤੀ ਵਿੱਚ ਸੁਧਾਰ ਹੋਇਆ ਹੈ ਅਤੇ ਅਸੀਂ ਹੇਠਾਂ ਦਿੱਤੇ ਵੇਰਵਿਆਂ ਅਨੁਸਾਰ ਇਸ ਪ੍ਰਦਰਸ਼ਨੀ ਨੂੰ ਕਈ ਹੋਰ ਕਸਬਿਆਂ ਵਿੱਚ ਲਿਜਾਣ ਲਈ ਈਸਟ ਆਫ਼ ਇੰਗਲੈਂਡ ਕਾਉਂਟੀਆਂ ਦੀਆਂ ਭਾਈਚਾਰਕ ਸੰਸਥਾਵਾਂ ਅਤੇ ਧਾਰਮਿਕ ਸੰਸਥਾਵਾਂ ਨਾਲ ਮਿਲ ਕੇ ਕੰਮ ਕਰ ਰਹੇ ਹਾਂ। ਮੈਂ ਇਸ ਪਹਿਲਕਦਮੀ ਦਾ ਸਮਰਥਨ ਕਰਨ ਲਈ ਸਾਰਿਆਂ ਦਾ ਧੰਨਵਾਦ ਕਰਨਾ ਚਾਹਾਂਗਾ’, ਸੇਖੋਂ ਨੇ ਕਿਹਾ।
7-21 ਮਾਰਚ - ਸ੍ਰੀ ਗੁਰੂ ਰਵਿਦਾਸ ਟੈਂਪਲ, ਬੈੱਡਫੋਰਡ
21 ਮਾਰਚ ਤੋਂ 4 ਅਪ੍ਰੈਲ - ਗੁਰਦੁਆਰਾ ਸਾਹਿਬ ਅਤੇ ਰਾਮਗੜ੍ਹੀਆ ਸਿੱਖ ਸੁਸਾਇਟੀ, ਮਿਲਟਨ ਕੀਨਜ਼
4 - 30 ਅਪ੍ਰੈਲ, ਨੌਰਥੈਂਪਟਨ (ਟੀਬੀਸੀ)
ਮਈ ਤੋਂ ਬਾਅਦ - ਲੂਟਨ, ਕੈਮਬ੍ਰਿਜ, ਨੌਰਵਿਚ ਅਤੇ ਇਪਵਿਚ।
ਵਧੇਰੇ ਜਾਣਕਾਰੀ ਲਈ ਜਾਂ ਇਸ ਪ੍ਰਦਰਸ਼ਨੀ ਨੂੰ ਬੁੱਕ ਕਰਵਾਉਣ ਲਈ ਸੇਵਾ ਟਰੱਸਟ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਪ੍ਰਦਰਸ਼ਨੀ ਦਾ ਕੋਈ ਖਰਚਾ ਨਹੀਂ ਹੈ, ਸਾਰੇ ਪ੍ਰਬੰਧ ਪ੍ਰਬੰਧਕਾਂ ਵੱਲੋਂ ਕੀਤੇ ਜਾਂਦੇ ਹਨ ਜਿਨ੍ਹਾਂ ਦਾ ਈ ਮੇਲ info@sevatrustuk.org ਹੈ

Comments are closed, but trackbacks and pingbacks are open.