Editorial

 

 

 

Sampadki

ਸਿੱਖਾਂ ਨੂੰ ਸ਼ੱਕ ਦੀ ਨਜ਼ਰ ਨਾਲ ਦੇਖਣ ਵਾਲੇ ਮੋਦੀ ਦੀ ਅੱਖ ਵਿਚ ਕੱਖ ਪੈ ਗਿਆ

ਪਿਛਲੇ ਸਾਲ ਭਾਰਤ ਦੇ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਜਦ ਬ੍ਰਤਾਨੀਆ ਫੇਰੀ ‘ਤੇ ਆਏ ਤਾਂ ਲੰਡਨ ਵਿਚ ਭਾਰਤੀ ਦੂਤਾਵਾਸ ਦੇ ਉਸ ਵੇਲੇ ਦੇ ਅਧਿਕਾਰੀਆਂ ਨੇ ਆਪਣੀ ਕਾਰਗੁਜ਼ਾਰੀ ਦਾ ਪ੍ਰਗਟਾਵਾ ਕਰਨ ਲਈ ਇਥੋਂ ਦੇ ਸਿੱਖਾਂ ਦੀ ਮੋਦੀ ਨਾਲ ਮੁਲਾਕਾਤ ਦਾ ਪ੍ਰਬੰਧ ਕਰਵਾਇਆ ਸੀ। ਇਸ ਵਫਦ ਨੇ ਪ੍ਰਧਾਨ ਮੰਤਰੀ ਸਾਹਮਣੇ ਜਿਹੜੀਆਂ ਮੰਗਾਂ ਰੱਖੀਆਂ ਸਨ, ਉਨ੍ਹਾਂ ਵਿਚ ਮੁੱਖ ਮੰਗ ਇਹ ਸੀ ਕਿ ਭਾਰਤ ਸਰਕਾਰ ਨੇ ਵਿਦੇਸ਼ੀ ਸਿੱਖਾਂ ਦੀ ਜਿਹੜੀ ਕਾਲੀ ਸੂਚੀ ਬਣਾ ਰੱਖੀ , ਉਹ ਖਤਮ ਕੀਤੀ ਜਾਵੇ। ਉਸ ਵੇਲੇ ਪ੍ਰਧਾਨ ਮੰਤਰੀ ਮੋਦੀ ਨੇ ਸਿੱਖਾਂ ਦੀ ਇਸ ਮੰਗ ਦਾ ਹਾਂ–ਪੱਖੀ ਹੁੰਗਾਰਾ ਭਰਿਆ ਸੀ। ਮੀਟਿੰਗ ਵਿਚ ਪ੍ਰਧਾਨ ਮੰਤਰੀ ਦੇ ਨਾਲ ਉਨ੍ਹਾਂ ਦੇ ਸੁਰੱਖਿਆ ਸਲਾਹਕਾਰ ਅਜੀਤ ਦੋਭਾਲ ਵੀ ਮੌਜੂਦ ਸਨ ਜੋ ਸਿੱਖ ਵਫਦ ਵਿਚ ਸ਼ਾਮਲ ਸਿੱਖਾਂ ਨੂੰ ਸੁਣਨ ਦੀ ਥਾਂ ਉਨ੍ਹਾਂ ਦੇ ਚੇਹਰਿਆਂ ਨੂੰ ਵਧੇਰੀ ਤਵੱਜੋ ਨਾਲ ਪੜ੍ਹ ਰਹੇ ਸਨ। ਇਸ ਮੀਟਿੰਗ ਦੇ ਸਿੱਟੇ ਵਜੋਂ ਭਾਰਤੀ ਦੂਤਾਵਾਸ ਨੂੰ ਇਹ ਨਿਰਦੇਸ਼ ਦਿੱਤਾ ਗਿਆ ਕਿ ਕਾਲੀ ਸੂਚੀ ਵਾਲੇ ਜਿਹੜੇ ਸਿੱਖ ਲਿਖਤੀ ਰੂਪ ਵਿਚ ਮੁਆਫੀ ਮੰਗ ਕੇ ਖਾਲਿਸਤਾਨ ਦੀ ਮੰਗ ਤੋਂ ਤੌਬਾ ਕਰਦੇ ਹਨ, ਉਨ੍ਹਾਂ ਨੂੰ ਵੀਜ਼ੇ ਜਾਰੀ ਕਰਨ ਵਿਚ ਕੋਈ ਹਰਜ ਨਹੀਂ। ਇਸ ਰਿਆਇਤ ਦਾ ਫਾਇਦਾ ਹਾਸਲ ਕਰਦਿਆਂ ਕੁਝ ਉਨ੍ਹਾਂ ਸਿੱਖਾਂ ਨੇ ਭਾਰਤ ਦਾ ਗੇੜਾ ਵੀ ਜਾ ਲਾਇਆ, ਜੋ ਲੰਡਨ ਦੇ ਰੋਹ ਵਿਖਾਵਿਆਂ ਅਤੇ ਖਾਲਿਸਤਾਨ ਦੇ ਸਮਾਗਮਾਂ ਵਿਚ ਸਭ ਤੋਂ ਵੱਧ ਉੱਚੀ ਆਵਾਜ਼ ਵਿਚ ਖਾਲਿਸਤਾਨ–ਜ਼ਿੰਦਾਬਾਦ ਦੇ ਨਾਹਰੇ ਲਾਉਂਦੇ ਰਹੇ ਹਨ। ਵੀਜ਼ੇ ਲੈਣ ਵਾਲਿਆਂ ਉਪਰ ਇਹ ਸ਼ਰਤ ਵੀ ਲਾਈ ਗਈ ਸੀ ਕਿ ਭਾਰਤ ਵਿਚ ਜਾ ਕੇ ਉਹ ਆਪਣੇ ਪਰਿਵਾਰ ਤੋਂ ਇਲਾਵਾ ਕਿਸੇ ਨਾਲ ਵੀ ਮੇਲ–ਮੁਲਾਕਾਤ ਨਹੀਂ ਰੱਖਣਗੇ ਅਤੇ ਆਪਣੀ ਰਿਹਾਇਸ਼ ਦਾ ਥਹੁ ਟਿਕਾਣਾ ਸਥਾਨਕ ਪੁਲਿਸ ਕੋਲ ਦਰਜ ਕਰਵਾਉਣਗੇ। ਦਰਅਸਲ ਭਾਰਤ ਸਰਕਾਰ ਕਾਲੀ ਸੂਚੀ ਵਾਲਿਆਂ ਨੂੰ ਕੁਝ ਵੀਜ਼ੇ ਦੇ ਕੇ ਇਹ ਪਰਖ ਕਰਨਾ ਚਾਹੁੰਦੀ ਸੀ ਕਿ ਬਾਹਾਂ ਉਲਾਰ ਕੇ ਭਾਰਤ ਸਰਕਾਰ ਨੂੰ ਗਾਲ੍ਹਾਂ ਕੱਢਣ ਵਾਲੇ ਸਿੱਖ ਸੂਰਬੀਰਾਂ ‘ਚ ਕਿੰਨੀ ਕੁ ਰੜਕ ਅਜੇ ਬਾਕੀ । ਸਾਨੂੰ ਖੁਸ਼ੀ ਕਿ ਪਾਬੰਦੀ ਵਾਲੇ ਸਵਾ ਸੌ ‘ਚੋਂ ਸਿਰਫ ਅੱਧੀ ਦਰਜਨ ਸਿੱਖਾਂ ਨੇ ਮੁਆਫੀ ਮੰਗ ਕੇ ਭਾਰਤ ਆਉਣ ਜਾਣ ਦਾ ਆਪਣਾ ਰਾਹ ਮੋਕਲਾ ਕੀਤਾ । ਖਾਲਿਸਤਾਨ ਦੀ ਮੰਗ ਉਪਰ ਦ੍ਰਿੜ੍ਹਤਾ ਨਾਲ ਪਹਿਰਾ ਦੇਣ ਵਾਲੇ ਸਿੱਖ ਅਜੇ ਵੀ ਸੰਤ ਭਿੰਡਰਾਂਵਾਲਿਆਂ ਦੇ ਉਸ ਕਥਨ ਨੂੰ ਭੁੱਲੇ ਨਹੀਂ ਜਿਸ ਵਿਚ ਉਨ੍ਹਾਂ ਸਰੀਰ ਨਾਲੋਂ ਜ਼ਮੀਰ ਦਾ ਮਰ ਜਾਣਾ ਹੀ ਅਸਲੀ ਮੌਤ ਦੱਸਿਆ ਸੀ। ਜ਼ਮੀਰ ਵਾਲੇ ਸਿੱਖ ਅਜੇ ਵੀ ਭਾਰਤ ਸਰਕਾਰ ਦੀਆਂ ਅੱਖਾਂ ਵਿਚ ਰੜਕਦੇ ਹਨ। ਜਿਵੇਂ ਕਿ ਅਸੀਂ ਪਹਿਲਾਂ ਵੀ ਕਈ ਵਾਰ ਲਿਖ ਚੁੱਕੇ ਹਾਂ, ਭਾਰਤ ਵਿਚ ਸਰਕਾਰ ਕੋਈ ਵੀ ਹੋਵੇ, ਫਿਰਕੂ ਕੱਟੜਪੁਣੇ ਵਾਲੀ ਹਿੰਦੂ ਅਫਸਰਸ਼ਾਹੀ ਦਾ ਇਕ ਵਿਸ਼ੇਸ਼ ਵਿੰਗ ਪ੍ਰਧਾਨ ਮੰਤਰੀ ਦੇ ਦਫਤਰ ਵਿਚ ਕਾਇਮ । ਜ਼ਮੀਰ ਵਾਲੇ ਸਿੱਖਾਂ ਦੀਆਂ ਸਰਗਰਮੀਆਂ ਉਪਰ ਤਿੱਖੀ ਨਜ਼ਰ ਰੱਖਦਾ ਤੇ ਅਜਿਹੇ ਸਿੱਖਾਂ ਨੂੰ ਬਦਨਾਮ ਕਰਨ ਲਈ ਕੋਈ ਵੀ ਮੌਕਾ ਖੂੰਝਣ ਨਹੀਂ ਦਿੰਦਾ। ਪਿਛਲੇ ਇਕ ਸਾਲ ਦੌਰਾਨ ਪੰਜਾਬ ਵਿਚ ਰਾਸ਼ਟਰੀ ਸੰਘ ਅਤੇ ਸਿਰਸਾ ਸਾਧ ਦੇ ਪੈਰੋਕਾਰਾਂ ਨੂੰ ਕਤਲ ਕਰਨ ਦੀਆਂ ਪੰਜ ਵਾਰਦਾਤਾਂ ਹੋਈਆਂ ਹਨ। ਇਨ੍ਹਾਂ ਕਤਲਾਂ ਲਈ ਯੂਰਪ ਦੇ ਸਿੱਖਾਂ ਨੂੰ ਕਸੂਰਵਾਰ ਮੰਨਿਆ ਗਿਆ । ਹਾਲਾਂਕਿ ਇਨ੍ਹਾਂ ਬਾਰੇ ਸੁਰੱਖਿਆ ਏਜੰਸੀਆਂ ਨੂੰ ਕੋਈ ਅਜਿਹਾ ਸਬੂਤ ਨਹੀਂ ਮਿਲ ਸਕਿਆ ਜਿਸ ਤੋਂ ਇਹ ਸਿੱਧ ਹੁੰਦਾ ਹੋਵੇ ਕਿ ਇਨ੍ਹਾਂ ਵਾਰਦਾਤਾਂ ਪਿੱਛੇ ਵਿਦੇਸ਼ੀ ਸਿੱਖਾਂ ਦਾ ਹੱਥ । ਇਸ ਦੂਸ਼ਣਬਾਜ਼ੀ ਪਿੱਛੇ ਫਿਰਕੂ ਅਫਸਰਸ਼ਾਹੀ ਦਾ ਇਕੋ ਮੰਤਵ ਕਿ ਪ੍ਰਵਾਸੀ ਸਿੱਖਾਂ ਦੀ ਕਾਲੀ ਸੂਚੀ ਨੂੰ ਕਾਇਮ ਰੱਖਿਆ ਜਾਵੇ। ਅਸੀਂ ਸਮਝਦੇ ਹਾਂ ਕਿ ਸੰਘ ਦੇ ਦਬਾਅ ਹੇਠ ਪ੍ਰਧਾਨ ਮੰਤਰੀ ਮੋਦੀ ਵਲੋਂ ਜਿਸ ਢੰਗ ਨਾਲ ਹਿੰਦੂ ਫਿਰਕਾਪ੍ਰਸਤੀ ਦਾ ਪ੍ਰਸਾਰ ਕੀਤਾ ਜਾ ਰਿਹਾ , ਉਹ ਮੁਲਕ ਦੀ ਧਰਮ ਨਿਰਪੱਖਤਾ ਲਈ ਤਬਾਹਕੁੰਨ ਸਾਬਤ ਹੋਵੇਗਾ।

ਪੰਜਾਬ ਵਿਚ ਨਸ਼ਿਆਂ ਦੀ ਬੀਮਾਰੀ ਨੂੰ ਖਤਮ ਕਰਨ ਦੀ ਆਸ ਬੱਝੀ

ਪੰਜਾਬ ਵਿਚ ਪਿਛਲੇ ਸਾਲਾਂ ਦੌਰਾਨ ਅਕਾਲੀ–ਭਾਜਪਾ ਗੱਠਜੋੜ ਦੀ ਸਰਕਾਰ ਵੇਲੇ ਨਸ਼ਿਆਂ ਦੇ ਕੋਹੜ ਨੇ ਸੂਬੇ ਦੀ ਜਵਾਨੀ ਨੂੰ ਆਪਣੇ ਕਲਾਵੇ ਵਿਚ ਬੁਰੀ ਤਰ੍ਹਾਂ ਜਕੜ ਲਿਆ ਸੀ। ਹੈਰੋਇਨ ਵਰਗੇ ਇਹ ਨਸ਼ੇ ਸਰਹੱਦ ਉਪਰ ਸਖ਼ਤ ਪਹਿਰਾ ਹੋਣ ਦੇ ਬਾਵਜੂਦ ਅਫਗਾਨਿਸਤਾਨ ਤੋਂ ਚੱਲ ਕੇ ਪਾਕਿਸਤਾਨ ਰਾਹੀਂ ਜਿਥੇ ਪੰਜਾਬ ਪਹੁੰਚਦੇ ਸਨ, ਉਥੇ ਇਹ ਵਿਦੇਸ਼ਾਂ ਨੂੰ ਵੀ ਭੇਜੇ ਜਾਂਦੇ ਸਨ। ਇਹ ਕਾਰੋਬਾਰ ਇੰਨੀ ਵੱਡੀ ਪੱਧਰ ‘ਤੇ ਸ਼ੁਰੂ ਹੋ ਗਿਆ ਕਿ ਮੰਤਰੀਆਂ ਦੇ ਨਾਂ ਵੀ ਇਸ ਕਾਰੋਬਾਰ ਵਿਚ ਸ਼ਾਮਲ ਹੋ ਗਏ। ਇਸ ਮਾਮਲੇ ਸਬੰਧੀ ਸਰਕਾਰੀ ਘੁਰਕੀਆਂ ਦੀ ਪ੍ਰਵਾਹ ਨਾ ਕਰਦਿਆਂ ਸ੍ਰੀ ਫਤਹਿਗੜ੍ਹ ਸਾਹਿਬ ਦੇ ਉਸ ਵੇਲੇ ਦੇ ਐਸੰਐਸੰਪੀੰ ਹਰਦਿਆਲ ਸਿੰਘ ਨੇ ਮੰਤਰੀ ਸਰਵਣ ਸਿੰਘ ਫਿਲੌਰ ਅਤੇ ਪਾਰਲੀਮਾਨੀ ਸਕੱਤਰ ਅਵਿਨਾਸ਼ ਚੰਦਰ ਨੂੰ ਵੀ ਹੱਥ ਪਾ ਕੇ ਪੰਜਾਬ ਦੇ ਮਸ਼ਹੂਰ ਸਮੱਗਲਰ ਜਗਦੀਸ਼ ਭੋਲਾ ਦੇ ਕੇਸ ਵਿਚ ਸ਼ਾਮਲ ਕਰ ਲਿਆ। ਨਸ਼ੇ ਦਾ ਇਹ ਕਾਰੋਬਾਰ ਸਿਰਫ ਆਮ ਲੋਕਾਂ ਤੱਕ ਹੀ ਸੀਮਤ ਨਾ ਰਿਹਾ ਬਲਕਿ ਜੇਹਲਾਂ ਵਿਚ ਬੰਦ ਸਮੱਗਲਰਾਂ ਅਤੇ ਗੁੰਡਿਆਂ ਤੱਕ ਇਹ ਨਸ਼ਾ ਖੁੱਲ੍ਹੇਆਮ ਪਹੁੰਚਦਾ ਰਿਹਾ। ਉਸ ਵੇਲੇ ਇਹ ਚਰਚਾ ਆਮ ਹੋਈ ਕਿ ਇਸ ਕਾਰੋਬਾਰ ਵਿਚ ਪੰਜਾਬ ਦੇ ਸੀਨੀਅਰ ਰੈਵੇਨਿਊ ਮੰਤਰੀ ਮਜੀਠੀਆ ਦਾ ਹੱਥ । ਕਿਉਂਕਿ ਉਹ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੇ ਸਾਲੇ ਹਨ, ਇਸ ਲਈ ਪੁਲਿਸ ਦਾ ਉਸ ਨੂੰ ਪੂਰਾ ਥਾਪੜਾ ਸੀ। ਜਾਂ ਫਿਰ ਇਸ ਤਰ੍ਹਾਂ ਵੀ ਆਖਿਆ ਜਾ ਸਕਦਾ ਕਿ ਪੁਲਿਸ ਅਤੇ ਮੰਤਰੀਆਂ ਦੀ ਮਿਲੀਭੁਗਤ ਨਾਲ ਸਰਹੱਦ ਪਾਰੋਂ ਆਉਂਦਾ ਜ਼ਹਿਰ ਪੰਜਾਬ ਦੀ ਜਵਾਨੀ ਨੂੰ ਤਬਾਹ ਕਰਦਾ ਰਿਹਾ। ਇਹ ਤੱਥ ਉਦੋਂ ਹੋਰ ਪੁਖਤਾ ਹੋ ਗਿਆ ਜਦ ਪੰਜਾਬ ਦੇ ਮੁੱਖ ਜੇਹਲਰ ਸ਼ਸ਼ੀਕਾਂਤ ਨੇ ਮੁੱਖ ਮੰਤਰੀ ਨੂੰ ਇਕ ਸੂਚੀ ਦਿੱਤੀ ਜਿਸ ਵਿਚ ਉਨ੍ਹਾਂ ਪੁਲਿਸ ਅਫਸਰਾਂ ਅਤੇ ਸਿਆਸਤਦਾਨਾਂ ਦੇ ਨਾਂ ਸ਼ਾਮਲ ਸਨ ਜਿਨ੍ਹਾਂ ਦੀ ਮਿਲੀਭੁਗਤ ਨਾਲ ਇਹ ਧੰਦਾ ਹੋ ਰਿਹਾ ਸੀ। ਪਰ ਮੁੱਖ ਮੰਤਰੀ ਨੇ ਇਸ ਸੂਚੀ ਨੂੰ ਹਵਾ ਨਾ ਲੱਗਣ ਦਿੱਤੀ। ਸਗੋਂ ਸ਼ਸ਼ੀਕਾਂਤ ਨੂੰ ਇਹ ਸਲਾਹ ਦਿੱਤੀ ਕਿ ਉਹ ਇਸ ਮਾਮਲੇ ਬਾਰੇ ਚੁੱਪ ਰਹੇ। ਇਸੇ ਦੌਰਾਨ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾ ਵਿਚ ਨਸ਼ਿਆਂ ਦੇ ਕਾਰੋਬਾਰ ਦਾ ਇਹ ਮੁੱਦਾ ਇੰਨਾ ਭਾਰੂ ਹੋ ਗਿਆ ਕਿ ਵਿਰੋਧੀ ਪਾਰਟੀਆਂ ਵਲੋਂ ਇਸ ਮਾਮਲੇ ਨੂੰ ਆਪੋ ਆਪਣੇ ਮੈਨੀਫੈਸਟੋ ਪੱਤਰਾਂ ਵਿਚ ਮੁੱਖ ਥਾਂ ਦਿੱਤੀ। ‘ਆਪ’ ਦੇ ਲੀਡਰਾਂ ਨੇ ਤਾਂ ਬਿਕਰਮ ਸਿੰਘ ਮਜੀਠੀਆ ਦਾ ਖੁੱਲ੍ਹੇਆਮ ਨਾਂ ਲੈ ਕੇ ਐਲਾਨ ਕੀਤਾ ਕਿ ਜਿਸ ਦਿਨ ਪੰਜਾਬ ਵਿਚ ‘ਆਪ’ ਦੀ ਸਰਕਾਰ ਬਣੀ, ਉਸ ਦੇ ਪਹਿਲੇ ਦਿਨ ਹੀ ਮਜੀਠੀਆ ਨੂੰ ਸੀਖਾਂ ਪਿੱਛੇ ਬੰਦ ਕੀਤਾ ਜਾਵੇਗਾ। ਕਾਂਗਰਸ ਪ੍ਰਧਾਨ ਨੇ ਵੀ ਹੱਥ ਵਿਚ ਗੁਟਕਾ ਫੜ ਕੇ ਸਹੁੰ ਖਾਧੀ ਕਿ ਕਾਂਗਰਸ ਸਰਕਾਰ ਬਣਨ ਤੋਂ ਬਾਅਦ ਇਕ ਮਹੀਨੇ ਦੇ ਅੰਦਰ ਅੰਦਰ ਸੂਬੇ ‘ਚੋਂ ਨਸ਼ਿਆਂ ਦੀਆਂ ਜੜ੍ਹਾਂ ਪੁੱਟ ਦਿੱਤੀਆਂ ਜਾਣਗੀਆਂ। ਅਸੀਂ ਸਮਝਦੇ ਹਾਂ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਆਪਣੇ ਇਸ ਪ੍ਰਣ ਉਪਰ ਪਹਿਰਾ ਦਿੱਤਾ । ਉਨ੍ਹਾਂ ਨੇ ਆਪਣੀ ਵਜ਼ਾਰਤ ਦੇ ਪਹਿਲੇ ਦਿਨ ਹੀ ਪੁਲਿਸ ਫੋਰਸ ਵਿਚ ਹੇਠਲੀ ਉੱਤੇ ਕਰਕੇ ਪੁਲਿਸ ਅਤੇ ਸਿਆਸਦਾਨਾਂ ਵਿਚਕਾਰ ਗੱਠਜੋੜ ਨੂੰ ਤੋੜਨ ਦੀ ਪਹਿਲ ਕੀਤੀ । ਮੁੱਖ ਮੰਤਰੀ ਨੇ ਇਸ ਮਾਮਲੇ ਵਿਚ ਹੁਣ ਤੱਕ ਜੋ ਉੱਦਮ ਕੀਤਾ , ਉਸ ਨਾਲ ਜਿਥੇ ਸਰਹੱਦ ਪਾਰੋਂ ਆਉਂਦੀ ਹੈਰੋਇਨ ਦੀ ਮਾਤਰਾ ਸਿਰਫ ਵੀਹ ਫੀਸਦੀ ਰਹਿ ਗਈ ਸਗੋਂ ਸੂਬੇ ਵਿਚ ਤਿਆਰ ਹੁੰਦੇ ਸਿੰਥੈਟਿਕ ਨਸ਼ਿਆਂ ਦਾ ਕਾਰੋਬਾਰ ਠੱਪ ਹੋ ਗਿਆ । ਨਸ਼ਾ ਕਰਦੇ ਨੌਜਵਾਨਾਂ ਦੇ ਮਾਪੇ ਅਤੇ ਆਮ ਲੋਕ ਸਰਕਾਰ ਦੀ ਕਾਰਗੁਜ਼ਾਰੀ ਤੋਂ ਖੁਸ਼ ਹਨ। ਅਸੀਂ ਸਮਝਦੇ ਹਾਂ ਕਿ ਪੁਲਿਸ ਵਿਚ ਅਜੇ ਵੀ ਅਜਿਹੇ ਅਨਸਰ ਹਨ ਜੋ ਆਪਣੇ ਇਸ ਕਾਰੋਬਾਰ ਦੀਆਂ ਨਵੀਆਂ ਸੰਭਾਵਨਾਵਾਂ ਤਲਾਸ਼ ਕਰ ਰਹੇ ਹਨ। ਅਜਿਹੇ ਸਮਾਜ ਵਿਰੋਧੀ ਅਨਸਰਾਂ ਨੂੰ ਜੇਹਲਾਂ ਵਿਚ ਸੁੱਟਣ ਨਾਲ ਹੀ ਮੁੱਖ ਮੰਤਰੀ ਨੂੰ ਆਪਣੇ ਮਿਸ਼ਨ ਵਿਚ ਪੂਰੀ ਤਰ੍ਹਾਂ ਸਫਲਤਾ ਮਿਲ ਸਕੇਗੀ।

ਜਥੇਦਾਰ ਅਕਾਲ ਤਖ਼ਤ ਜੀ, ਹੁਣ ਦਿਉ ਕੋਈ ਜਵਾਬ !

ਵਿਸ਼ਵ ਭਰ ਦੇ ਸਿੱਖਾਂ ਲਈ ਮੀਰੀ ਪੀਰੀ ਦਾ ਕੇਂਦਰ ਮਹਾਨ ਪਵਿੱਤਰ ਅਸਥਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਮੇਂ ਦੀਆਂ ਸਰਕਾਰਾਂ ਨਾਲ ਟੱਕਰ ਲੈਣ ਦੇ ਨਾਲ ਹੀ ਸਿੱਖਾਂ ਅੰਦਰ ਆਪਸੀ ਖਾਨਾਜੰਗੀ ਦਾ ਕੇਂਦਰ ਬਣਿਆ ਰਿਹਾ । ਆਜ਼ਾਦੀ ਤੋਂ ਬਾਅਦ ਪੰਜਾਬੀ ਸੂਬਾ ਮੋਰਚੇ ਦੀ ਲਹਿਰ ਦੌਰਾਨ ਮਾਸਟਰ ਤਾਰਾ ਸਿੰਘ ਅਤੇ ਸੰਤ ਫਤਹਿ ਸਿੰਘ ਵਿਚਕਾਰ ਸ਼ੁਰੂ ਹੋਈ ਖਿੱਚੋਤਾਣ ਵੇਲੇ ਤੋਂ ਹੀ ਇਸ ਦੀ ਮਹਾਨਤਾ ਨਾਲ ਖਿਲਵਾੜ ਕੀਤਾ ਜਾਂਦਾ ਰਿਹਾ । ਪੰਜਾਬ ਦੀਆਂ ਮੰਗਾਂ ਪ੍ਰਵਾਨ ਕਰਵਾਉਣ ਲਈ ਸੰਤ ਫਤਹਿ ਸਿੰਘ ਨੇ ਜਦ ਆਤਮਦਾਹ ਕਰਨ ਦਾ ਐਲਾਨ ਕੀਤਾ ਤਾਂ ਮਰਿਯਾਦਾ ਦੀ ਘੋਰ ਉਲੰਘਣਾ ਕਰਦਿਆਂ ਅਗਨ ਕੁੰਡ ਇਸ ਮਹਾਨ ਤਖ਼ਤ ਦੀ ਛੱਤ ਉਪਰ ਹੀ ਬਣਾਇਆ ਗਿਆ ਜਿਸ ਦੀ ਸਿੱਖ ਜਗਤ ਵਲੋਂ ਭਾਰੀ ਨਿੰਦਿਆ ਹੋਈ ਸੀ। ਉਦੋਂ ਤੋਂ ਲੈ ਕੇ ਅੱਜ ਤੱਕ ਅਕਾਲ ਤਖ਼ਤ ਉਪਰ ਉਸੇ ਅਕਾਲੀ ਧੜੇ ਦਾ ਕਬਜ਼ਾ ਰਿਹਾ ਜੋ ਸਰਕਾਰ ਉਪਰ ਕਾਬਜ਼ ਹੋ ਕੇ ਪੰਜਾਬ ਉਪਰ ਰਾਜ ਕਰਦਾ ਰਿਹਾ। ਇਸ ਦੌਰਾਨ ਪੰਜਾਬ ਦੀ ਰਾਜ ਗੱਦੀ ਉਪਰ ਅਕਾਲੀ ਦਲ ਦਾ ਹੀ ਕਬਜ਼ਾ ਰਿਹਾ ਜਿਸ ਨੇ ਆਪਣੇ ਸਿਆਸੀ ਹਿੱਤ ਪੂਰੇ ਕਰਨ ਲਈ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਨਾਲ ਨਾਲ ਸ਼੍ਰੋਮਣੀ ਕਮੇਟੀ ਦੀ ਗੋਲ੍ਹਕ ਅਤੇ ਸਾਧਨਾਂ ਦੀ ਰੱਜ ਕੇ ਦੁਰਵਰਤੋਂ ਕੀਤੀ । ਅਕਾਲੀ ਕਾਨਫਰੰਸਾਂ ਦੌਰਾਨ ਸ਼੍ਰੋਮਣੀ ਕਮੇਟੀ ਦੇ ਲੰਗਰ ਨਾਲ ਲੱਦੀਆਂ ਗੱਡੀਆਂ ਦੱਸੇ ਟਿਕਾਣਿਆਂ ‘ਤੇ ਪਹੁੰਚਦੀਆਂ ਰਹੀਆਂ ਹਨ। ਇਸ ਤੋਂ ਇਲਾਵਾ ਸ੍ਰੀ ਦਰਬਾਰ ਸਾਹਿਬ ਵਿਖੇ ਸਿਰੋਪਿਆਂ ਦੀ ਭੇਟਾ ਸਮੇਂ ਕਾਣੀ ਵੰਡ ਵੀ ਹੁੰਦੀ ਰਹੀ । ਅਜਿਹੀ ਕਾਰਗੁਜ਼ਾਰੀ ਨੂੰ ਦੇਖਦਿਆਂ ਸਿੱਖ ਚਿੰਤਕਾਂ ਨੇ ਇਹ ਕਹਿਣਾ ਸ਼ੁਰੂ ਕਰ ਦਿੱਤਾ ਸੀ ਕਿ ਸ਼੍ਰੋਮਣੀ ਕਮੇਟੀ ਹੁਣ ਸੰਘ ਦੇ ਕਬਜ਼ੇ ਹੇਠ ਆ ਗਈ । ਅਜਿਹੀਆਂ ਪੱਖਪਾਤੀ ਸਰਗਰਮੀਆਂ ਵਿਰੁੱਧ ਰੋਸ ਜ਼ਾਹਿਰ ਕਰਦਿਆਂ ਸ੍ਰੀ ਦਰਬਾਰ ਸਾਹਿਬ ਦੇ ਰਾਗੀਆਂ ਅਤੇ ਪੰਜ ਪਿਆਰਿਆਂ ਨੇ ਅਸਤੀਫੇ ਦੇ ਦਿੱਤੇ। ਗਲਤ ਹੁਕਮ ਮੰਨਣ ਵਾਲੇ ਜਥੇਦਾਰਾਂ ਨੂੰ ਰਾਤੋ ਰਾਤ ਸੇਵਾਵਾਂ ਤੋਂ ਮੁਕਤ ਕਰ ਦਿੱਤਾ ਅਤੇ ਹੁਣ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਮੁੱਖ ਸਿੰਘ ਦਾ ਤਾਜ਼ਾ ਮਾਮਲਾ ਵੀ ਸੁਰਖੀਆਂ ਵਿਚ । ਵਿਧਾਨ ਸਭਾ ਚੋਣਾ ਤੋਂ ਪਹਿਲਾਂ ਸਿਰਸਾ ਸਾਧ ਦੇ ਸ਼ਰਧਾਲੂਆਂ ਦੀਆਂ ਵੋਟਾਂ ਲੈਣ ਲਈ, ਸੁਖਬੀਰ ਸਿੰਘ ਬਾਦਲ ਵਲੋਂ ਲਿਆਂਦੀ ਇਕ ਚਿੱਠੀ ਦੇ ਆਧਾਰ ਉਪਰ ਮੁਆਫ ਕੀਤਾ ਗਿਆ ਸੀ। ਵੋਟਾਂ ਤਾਂ ਨਾ ਮਿਲੀਆਂ ਪਰ ਮੀਡੀਆ ਵਿਚ ਗਿਆਨੀ ਗੁਰਮੁਖ ਸਿੰਘ ਨੂੰ ਇਹ ਕਹਿ ਕੇ ਬਦਨਾਮ ਕੀਤਾ ਗਿਆ ਕਿ ਡੇਰੇ ਤੋਂ ਸਾਧ ਦੀ ਚਿੱਠੀ ਲੈ ਕੇ ਉਹ ਆਏ ਸਨ। ਹੁਣ ਗਿਆਨੀ ਗੁਰਮੁੱਖ ਸਿੰਘ ਸ੍ਰੀ ਅਕਾਲ ਤਖ਼ਤ ਦੇ ਜਥੇਦਾਰ ਤੋਂ ਮੰਗ ਕਰ ਰਹੇ ਹਨ ਕਿ ਸਿੱਖ ਸੰਗਤ ਨੂੰ ਅਕਾਲ ਤਖ਼ਤ ਤੋਂ ਦੱਸਿਆ ਜਾਵੇ ਕਿ ਸਾਧ ਦੀ ਚਿੱਠੀ ਕੌਣ ਲਿਆਇਆ ਸੀ। ਆਪਣੇ ਵਿਰੁੱਧ ਭੰਡੀ ਪ੍ਰਚਾਰ ਦੇ ਰੋਸ ਕਾਰਨ ਉਨ੍ਹਾਂ ਨੇ 17 ਅਪ੍ਰੈਲ ਦੀ ਉਸ ਮੀਟਿੰਗ ਵਿਚ ਵੀ ਹਿੱਸਾ ਨਹੀਂ ਲਿਆ ਜਿਸ ਵਿਚ ਵੋਟਾਂ ਲਈ ਸਾਧ ਦੇ ਡੇਰੇ ਜਾਣ ਵਾਲਿਆਂ ਨੂੰ ਸਜ਼ਾ ਸੁਣਾਈ ਗਈ । ਉਨ੍ਹਾਂ ਨੇ ਇਕ ਮੰਗ ਹੋਰ ਇਹ ਕੀਤੀ ਕਿ ਜਥੇਦਾਰਾਂ ਦੀਆਂ ਮੀਟਿੰਗਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਹਜ਼ੂਰੀ ਵਿਚ ਸੰਗਤ ਦੀ ਹਾਜ਼ਰੀ ਵਿਚ ਖੁੱਲ੍ਹੇਆਮ ਹੋਣੀਆਂ ਚਾਹੀਦੀਆਂ ਹਨ। ਉਨ੍ਹਾਂ ਦਾ ਕਹਿਣਾ ਕਿ ਬੰਦ ਕਮਰਿਆਂ ਦੀਆਂ ਮੀਟਿੰਗਾਂ ਵਿਚ ਸਿਆਸੀ ਹਿੱਤਾਂ ਤੋਂ ਪ੍ਰੇਰਿਤ ਫੈਸਲੇ ਕੀਤੇ ਜਾਂਦੇ ਹਨ ਜੋ ਸ੍ਰੀ ਅਕਾਲ ਤਖ਼ਤ ਦੀ ਮਰਿਆਦਾ ਨਾਲ ਖਿਲਵਾੜ ਕਰਨ ਵਾਲੇ ਹੁੰਦੇ ਹਨ। ਗਿਆਨੀ ਗੁਰਮੁੱਖ ਸਿੰਘ ਦੇ ਇਲਜ਼ਾਮ ਬਹੁਤ ਗੰਭੀਰ ਹਨ ਜਿਨ੍ਹਾਂ ਦਾ ਜਵਾਬ ਅਕਾਲ ਤਖ਼ਤ ਦੇ ਜਥੇਦਾਰ ਵਲੋਂ ਦਿੱਤਾ ਜਾਣਾ ਬਣਦਾ ਪਰ ਉਨ੍ਹਾਂ ਨੇ ਗੱਦੀ ਉਪਰ ਟਿਕੇ ਰਹਿਣ ਲਈ ਆਪਣੇ ਬੁੱਲ੍ਹਾਂ ਨੂੰ ਤਾਲਾ ਲਾ ਲਿਆ ।

ਭਾਰਤ ਦੀਆਂ ਘੱਟਗਿਣਤੀਆਂ ਹਿੰਦੂ ਫਿਰਕਾਪ੍ਰਸਤੀ ਦੇ ਨਿਸ਼ਾਨੇ ‘ਤੇ !

ਹੁਣ ਇਹ ਹਕੀਕਤ ਕਿਸੇ ਪਰਦੇ ਦੀ ਮੁਥਾਜ ਨਹੀਂ ਰਹੀ ਕਿ ਮਈ 2014 ਵਿਚ ਪਾਰਲੀਮੈਂਟ ਦੀਆਂ ਚੋਣਾ ਜਿੱਤਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਨੇ ਰਾਸ਼ਟਰੀ ਸੰਘ ਦੇ ਸੁਪਨਿਆਂ ਦੇ ਭਾਰਤ ਵਿਚ ਮੁਕੰਮਲ ਅਤੇ ਸ਼ੁੱਧ ਹਿੰਦੂ ਰਾਜ ਕਾਇਮ ਕਰਨ ਲਈ ਲੱਕ ਬੰਨ੍ਹ ਲਿਆ । ਸ਼ੁਰੂ ਸ਼ੁਰੂ ਵਿਚ ਅਡਵਾਨੀ ਵਰਗੇ ਜਿਹੜੇ ਲੀਡਰ ਮੋਦੀ ਨੂੰ ਪ੍ਰਧਾਨ ਮੰਤਰੀ ਬਣਾਉਣ ਦੀ ਵਿਰੋਧਤਾ ਕਰ ਰਹੇ ਸਨ, ਉਹ ਅਸਲੀਅਤ ਦੇ ਸਾਹਮਣੇ ਆਉਣ ਨਾਲ ਬਿਲਕੁਲ ਖਤਮ ਹੋ ਗਈ । ਇਸ ਵੇਲੇ ਸਾਰੇ ਮੁਲਕ ਦਾ ਹਿੰਦੂ ਮੋਦੀ ਨੂੰ ਰਾਸ਼ਟਰ ਨੇਤਾ ਦੇ ਰੂਪ ਵਿਚ ਦੇਖ ਰਿਹਾ । ਇਸ ਮੁਹਿੰਮ ਦੇ ਪਹਿਲੇ ਪੜਾਅ ਵਿਚ ਹਿੰਦੋਸਤਾਨ ਦੇ ਸਾਰੇ 28 ਰਾਜਾਂ ਵਿਚ ਭਾਜਪਾ ਦੀਆਂ ਸਰਕਾਰਾਂ ਕਾਇਮ ਕਰਨਾ । ਇਹੋ ਵਜਾਹ ਕਿ ਮੁਲਕ ਦੇ ਸਭ ਤੋਂ ਵੱਡੇ ਸੂਬੇ ਯੂੰਪੀੰ ਨੂੰ ਜਿੱਤਣ ਲਈ ਅੱਡੀ ਚੋਟੀ ਦਾ ਜ਼ੋਰ ਲਾਇਆ ਗਿਆ। ਇਸ ਗੱਲ ਦਾ ਐਲਾਨ ਭਾਜਪਾ ਪ੍ਰਧਾਨ ਨੇ ਪਹਿਲਾਂ ਹੀ ਕਰ ਦਿੱਤਾ ਸੀ ਜੇ ਇਨ੍ਹਾਂ ਚੋਣਾ ਵਿਚ ਭਾਜਪਾ ਨੂੰ ਮੁਕੰਮਲ ਬਹੁਮੱਤ ਮਿਲ ਗਿਆ ਤਾਂ ਭਾਰਤ ਨੂੰ ਦੁਨੀਆ ਭਰ ਵਿਚ ਇਕ ਵਿਸ਼ਾਲ ਹਿੰਦੂ ਰਾਸ਼ਟਰ ਵਿਚ ਤਬਦੀਲ ਕੀਤਾ ਜਾਵੇਗਾ। ਪ੍ਰਧਾਨ ਮੰਤਰੀ ਸਕੱਤਰੇਤ ਦੀ ਇਕ ਖੁਫੀਆ ਜਾਣਕਾਰੀ ਅਨੁਸਾਰ ਭਾਜਪਾ ਪ੍ਰਧਾਨ ਦੀ ਨਿਗਰਾਨੀ ਹੇਠ ਇਕ ਵਿਸ਼ੇਸ਼ ਸੈਲ ਸਥਾਪਤ ਕੀਤਾ ਗਿਆ ਜੋ ਹਿੰਦੂ ਧਰਮ ਅਤੇ ਸੱਭਿਆਚਾਰ ਨੂੰ ਈਸਾਈ ਅਤੇ ਮੁਸਲਿਮ ਧਰਮ ਵਾਂਗ ਦੁਨੀਆ ਦੇ ਨਕਸ਼ੇ ਉਪਰ ਉਭਾਰਨ ਲਈ ਦਿਨ ਰਾਤ ਕੰਮ ਕਰ ਰਿਹਾ । ਮੁਲਕ ਦੀ ਧਰਮ ਨਿਰਪੇਖ ਨੀਤੀ ਨੂੰ ਕਮਜ਼ੋਰ ਕਰਕੇ ਉਨ੍ਹਾਂ ਰਾਜਾਂ ਵਿਚ ਭਾਜਪਾ ਦੀਆਂ ਸਰਕਾਰਾਂ ਕਾਇਮ ਕੀਤੀਆਂ ਜਾ ਰਹੀਆਂ ਹਨ, ਜਿਥੇ ਪਹਿਲਾਂ ਗੈਰ–ਭਾਜਪਾ ਪਾਰਟੀਆਂ ਦੀਆਂ ਹਕੂਮਤਾਂ ਹਨ। ਮੁਲਕ ਦੇ ਉਤਰੀ ਹਿੱਸੇ ਵਿਚ ਉਤਰ ਪ੍ਰਦੇਸ਼ ਨੂੰ ਫਤਹਿ ਕਰਨਾ ਵੱਡੀ ਕਾਮਯਾਬੀ । ਸਿਰਫ ਹਿਮਾਚਲ ਪ੍ਰਦੇਸ਼ ਅਤੇ ਪੰਜਾਬ ਵਿਚ ਕਾਂਗਰਸ ਦੀਆਂ ਹਕੂਮਤਾਂ ਹਨ। ਇਨ੍ਹਾਂ ‘ਚੋਂ ਹਿਮਾਚਲ ਵਿਚ ਇਸ ਸਾਲ ਦੇ ਅੰਦਰ ਚੋਣਾ ਹੋਣ ਵਾਲੀਆਂ ਹਨ। ਉਥੋਂ ਦੇ ਮੁੱਖ ਮੰਤਰੀ ਵੀਰਭੱਦਰ ਸਿੰਘ ਨੂੰ ਬਦਨਾਮ ਕਰਨ ਲਈ ਉਸ ਦੇ ਵਿਰੁੱਧ ਮਨੀ ਲਾਂਡਰਿੰਗ ਦਾ ਮੁਕੱਦਮਾ ਦਾਇਰ ਕੀਤਾ ਜਾ ਰਿਹਾ । ਪੰਜਾਬ ਵਿਚ ਭਾਵੇਂ ਕਾਂਗਰਸ ਦੀ ਹਕੂਮਤ ਕਾਇਮ ਹੋ ਗਈ। ਪਰ ਉਥੋਂ ਦੀ ਸਿੱਖ ਵਸੋਂ ਉਪਰ ਆਪਣਾ ਦਬਦਬਾ ਕਾਇਮ ਰੱਖਣ ਵਾਲਾ ਅਕਾਲੀ ਦਲ ਮੋਦੀ ਦਾ ਪਾਣੀ ਭਰਦਾ । ਉਂਝ ਵੀ ਸਿੱਖਾਂ ਨੂੰ ਮਲੀਆਮੇਟ ਕਰਨ ਲਈ ਭਾਜਪਾ ਦੀ ਮਾਂ ਪਾਰਟੀ ਸੰਘ ਸਿੱਖਾਂ ਨੂੰ ਹਿੰਦੂਆਂ ਦਾ ਇਕ ਅੰਗ ਪ੍ਰਚਾਰ ਰਹੀ । ਮੁਸਲਿਮ ਬਹੁਗਿਣਤੀ ਵਾਲਾ ਕਸ਼ਮੀਰ ਇਸ ਵੇਲੇ ਫੌਜ ਦੇ ਕਬਜ਼ੇ ਹੇਠ ਜਿਥੇ ਕਿਸੇ ਵੇਲੇ ਵੀ ਰਾਸ਼ਟਰਪਤੀ ਰਾਜ ਲਾਗੂ ਹੋ ਸਕਦਾ । ਦੱਖਣ ਵਿਚ ਤਾਮਿਲਨਾਡੂ ਅਤੇ ਪੱਛਮੀ ਬੰਗਾਲ ਦੀਆਂ ਗੈਰਭਾਜਪਾ ਸਰਕਾਰਾਂ ਵਿਰੁੱਧ ਵੀ ਸਾਜ਼ਿਸ਼ਾਂ ਹੋ ਰਹੀਆਂ ਹਨ। ਅਜਿਹੀ ਹਾਲਤ ਵਿਚ ਮੁਲਕ ਦੀਆਂ 16 ਵਿਰੋਧੀ ਪਾਰਟੀਆਂ ਨੇ ਪਿਛਲੇ ਹਫਤੇ ਰਾਸ਼ਟਰਪਤੀ ਨਾਲ ਮਿਲ ਕੇ ਇਹ ਖਦਸ਼ਾ ਜ਼ਾਹਿਰ ਕੀਤਾ ਕਿ ਭਾਜਪਾ ਦੀ ਹਕੂਮਤ ਹੇਠ ਮੁਲਕ ਮਜ਼ਹਬੀ ਗੜਬੜ ਦੀ ਦਿਸ਼ਾ ਵੱਲ ਵੱਧ ਰਿਹਾ । ਦਿੱਲੀ ਹਾਈਕੋਰਟ ਦੇ ਸਾਬਕਾ ਮੁੱਖ ਜੱਜ ਜਸਟਿਸ ਸੱਚਰ ਨੇ ਇਸੇ ਡਰ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਸੰਨ 2019 ਦੀਆਂ ਅਗਲੀਆਂ ਪਾਰਲੀਮੈਂਟ ਚੋਣਾ ਵਿਚ ਭਾਜਪਾ ਭਾਰਤ ਨੂੰ ਹਿੰਦੂ ਰਾਸ਼ਟਰ ਐਲਾਨ ਦੇਵੇਗੀ। ਅਜਿਹੇ ਅਧੋਗਤੀ ਵਾਲੇ ਹਾਲਾਤ ਬਣਨ ਲਈ ਭਾਵੇਂ ਇਕ ਦਹਾਕੇ ਦਾ ਸਮਾਂ ਲੱਗ ਜਾਵੇ, ਪਰ ਇਸ ਦਾ ਟਾਕਰਾ ਕਰਨ ਲਈ ਮੁਲਕ ਦੀਆਂ ਘੱਟਗਿਣਤੀਆਂ ਨੂੰ ਹੁਣੇ ਤੋਂ ਹੀ ਕਮਰਕੱਸੇ ਕਰ ਲੈਣੇ ਚਾਹੀਦੇ ਹਨ।

ਜੇਹਲਾਂ ਨੂੰ ਸਹੀ ਅਰਥਾਂ ਵਿਚ ਸੁਧਾਰਘਰ ਬਣਾਇਆ ਜਾਵੇ

ਪੰਜਾਬ ਵਿਚ ਕਾਇਮ ਹੋਈ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠਲੀ ਨਵੀਂ ਸਰਕਾਰ ਵਲੋਂ ਜਿਥੇ ਸੂਬੇ ਨੂੰ ਨਸ਼ਿਆਂ, ਭਰਿਸ਼ਟਾਚਾਰ ਅਤੇ ਬੇਰੋਜ਼ਗਾਰੀ ਜਿਹੀਆਂ ਲਾਅਣਤਾਂ ਤੋਂ ਮੁਕਤ ਕਰਨ ਦਾ ਪ੍ਰਣ ਕੀਤਾ ਗਿਆ , ਉਥੇ ਜੇਹਲਾਂ ਵਿਚ ਸੁਧਾਰ ਦਾ ਕੰਮ ਵੀ ਜੰਗੀ ਪੱਧਰ ਉਪਰ ਕਰਨਾ ਚਾਹੀਦਾ । ਪਿਛਲੀ ਸਰਕਾਰ ਵੇਲੇ ਬਹੁਤ ਸਾਰੀਆਂ ਜੇਹਲਾਂ ਨੂੰ ਸੰਨ੍ਹ ਲਾ ਕੇ ਖਤਰਨਾਕ ਕੈਦੀ ਫਰਾਰ ਹੁੰਦੇ ਰਹੇ ਹਨ। ਵਿਧਾਨ ਸਭਾ ਚੋਣ ਤੋਂ ਕੁਝ ਸਮਾਂ ਪਹਿਲਾਂ ਨਾਭਾ ਜੇਹਲ ਉਪਰ ਦਿਨ ਦਿਹਾੜੇ ਧਾਵਾ ਬੋਲ ਕੇ ਹਮਲਾਵਰਾਂ ਨੇ ਆਪਣੇ ਅੱਧੀ ਦਰਜਨ ਕੈਦੀਆਂ ਨੂੰ ਛੁਡਾ ਲਿਆ ਸੀ। ਇਸ ਵੱਡੀ ਵਾਰਦਾਤ ਵਿਚ ਇਕ ਥਾਣੇਦਾਰ ਸਮੇਤ ਚਾਰ ਪੁਲਿਸ ਵਾਲਿਆਂ ਦੀ ਮਿਲੀਭੁਗਤ ਸਾਬਤ ਹੋਈ ਜਿਨ੍ਹਾਂ ਨੂੰ ਮੁਅੱਤਲ ਕੀਤਾ ਗਿਆ । ਜੇਹਲ ਪ੍ਰਬੰਧ ਵਿਚ ਅਜਿਹੀ ਅਣਗਹਿਲੀ ਲਈ ਵਿਰੋਧੀ ਪਾਰਟੀਆਂ ਵਲੋਂ ਸਰਕਾਰ ਦੀ ਤਿੱਖੀ ਆਲੋਚਨਾ ਹੋਈ ਸੀ। ਇਸ ਬਦਨਾਮੀ ਤੋਂ ਬਚਣ ਲਈ ਸਰਕਾਰ ਨੇ ਸਾਰੀਆਂ ਜੇਹਲਾਂ ਵਿਚ ਸੁਰੱਖਿਆ ਦੇ ਸਖ਼ਤ ਬੰਦੋਬਸਤ ਕਰਨ ਦਾ ਦਾਅਵਾ ਕੀਤਾ ਸੀ। ਪਰ ਪਿਛਲੀਆਂ ਗਰਮੀਆਂ ਵਿਚ ਜੇਹਲ ਮੰਤਰੀ ਸੰ ਸੋਹਣ ਸਿੰਘ ਠੰਡਲ ਜਦ ਬ੍ਰਤਾਨੀਆ ਦੌਰੇ ‘ਤੇ ਆਏ ਤਾਂ ਉਨ੍ਹਾਂ ਨੇ ਵੀ ਇਸ ਗੱਲ ਦਾ ਦਾਅਵਾ ਕੀਤਾ ਸੀ ਕਿ ਜੇਹਲਾਂ ਦੇ ਕੰਮ ਵਿਚ ਸੁਧਾਰ ਹੋਇਆ । ਪਰ ‘ਦੇਸ ਪ੍ਰਦੇਸ’ ਨੂੰ ਇਕ ਗੱਲ ਉਨ੍ਹਾਂ ਨੇ ਬਹੁਤ ਹੀ ਭੇਦਭਰੇ ਢੰਗ ਨਾਲ ਦੱਸੀ ਸੀ ਕਿ ਪੇਸ਼ਾਵਰ ਬਦਮਾਸ਼ ਕਿਸਮ ਦੇ ਕੈਦੀਆਂ ਦੀ ਸਿਆਸੀ ਲੀਡਰਾਂ ਨਾਲ ਸਾਂਝ ਕਰਕੇ ਅਜਿਹੇ ਕੈਦੀਆਂ ਨੂੰ ਜਦ ਜੇਹਲ ਅੰਦਰ ਸਹੂਲਤਾਂ ਦਿੱਤੀਆਂ ਜਾਂਦੀਆਂ ਹਨ ਤਾਂ ਕੈਦੀਆਂ ਨੂੰ ਜੇਹਲ ਦੀ ਚਾਰਦੀਵਾਰੀ ‘ਚੋਂ ਫਰਾਰ ਹੋਣ ਦਾ ਵੀ ਉਤਸ਼ਾਹ ਮਿਲਦਾ । ਪਿਛਲੇ ਸਮੇਂ ਵਿਚ ਗੱਠਜੋੜ ਦੀ ਸਰਕਾਰ ਦੌਰਾਨ ਸੂਬੇ ਦੀਆਂ ਅਹਿਮ ਜੇਹਲਾਂ ‘ਚੋਂ ਕੈਦੀਆਂ ਦੇ ਫਰਾਰ ਹੋਣ ਦੀਆਂ ਘਟਨਾਵਾਂ ਵਾਪਰਦੀਆਂ ਰਹੀਆਂ ਹਨ। ਪਰ ਜੇਹਲਾਂ ਦੇ ਸੁਧਾਰ ਵੱਲ ਕੋਈ ਕਦਮ ਨਹੀਂ ਪੁੱਟਿਆ ਗਿਆ। ਇਸ ਅਣਗਹਿਲੀ ਦੇ ਨਤੀਜੇ ਕਾਰਨ ਹੀ ਪਿਛਲੇ ਹਫਤੇ ਗੁਰਦਾਸਪੁਰ ਜੇਹਲ ਦੇ ਕੈਦੀਆਂ ਨੇ ਆਪਸ ਵਿਚ ਸਲਾਹ ਮਸ਼ਵਰਾ ਕਰਕੇ ਸੁਰੱਖਿਆ ਕਰਮਚਾਰੀਆਂ ਉਪਰ ਘਾਤਕ ਹਮਲਾ ਕੀਤਾ ਤੇ ਜੇਹਲ ਦੀ ਬਾਹਰਲੀ ਕੰਧ ਨੂੰ ਸੰਨ੍ਹ ਲਾ ਕੇ ਫਰਾਰ ਹੋਣ ਦੀ ਕੋਸ਼ਿਸ਼ ਕੀਤੀ। ਇਸ ਗੜਬੜ ਦੌਰਾਨ ਕੈਦੀਆਂ ਅਤੇ ਪੁਲਿਸ ਫੋਰਸ ਵਿਚਕਾਰ 25 ਮਾਰਚ ਨੂੰ ਸਾਰਾ ਦਿਨ ਅਤੇ ਅੱਧੀ ਰਾਤ ਤੱਕ ਝੜਪਾਂ ਹੁੰਦੀਆਂ ਰਹੀਆਂ। ਇਸ ਦੌਰਾਨ ਪੁਲਿਸ ਵਲੋਂ ਅੱਥਰੂ ਗੈਸ ਅਤੇ ਹਵਾਈ ਫਾਇਰਿੰਗ ਦੀ ਵਰਤੋਂ ਵੀ ਕੀਤੀ ਗਈ। ਇਹ ਹੰਗਾਮਾ 20 ਘੰਟੇ ਤੱਕ ਚੱਲਿਆ ਜਿਸ ਦੌਰਾਨ ਜੇਹਲ ਅੰਦਰ ਦੋ ਵਾਰਡਾਂ ਨੂੰ ਅੱਗ ਲਾਈ ਗਈ। ਆਖਿਰ ਫੌਜ ਨੂੰ ਸੱਦਣਾ ਪਿਆ ਜਿਸ ਨੇ 13 ਘੰਟਿਆਂ ਦੇ ਸੰਘਰਸ਼ ਪਿੱਛੋਂ ਕੈਦੀਆਂ ਉਪਰ ਕਾਬੂ ਪਾਇਆ। ਇਨ੍ਹਾਂ ‘ਚੋਂ ਕੁਝ ਕੈਦੀਆਂ ਨੂੰ ਬਾਹਰਲੀਆਂ ਜੇਹਲਾਂ ਵਿਚ ਸ਼ਿਫਟ ਕੀਤਾ ਗਿਆ। ਜੇਹਲ ਅੰਦਰ ਇਸ ਹੰਗਾਮੇ ਦਾ ਕਾਰਨ ਕੈਦੀਆਂ ਦੀ ਆਪਸੀ ਲੜਾਈ ਦੱਸਿਆ ਗਿਆ । ਪੁਰਾਣੇ ਕੈਦੀਆਂ ਨੂੰ ਇਸ ਗੱਲ ਦਾ ਰੰਜ ਸੀ ਕਿ ਨਵੇਂ ਆਏ ਬਦਮਾਸ਼ ਜੇਹਲ ਅੰਦਰ ਆਪਣੀ ਸਰਦਾਰੀ ਕਾਇਮ ਕਰਨਾ ਚਾਹੁੰਦੇ ਸਨ ਜੋ ਉਨ੍ਹਾਂ ਨੂੰ ਮਨਜ਼ੂਰ ਨਹੀਂ ਸੀ। ਕੈਦੀਆਂ ਦੀਆਂ ਕੁਝ ਹੋਰ ਮੰਗਾਂ ਵੀ ਹਨ ਜਿਨ੍ਹਾਂ ਅਨੁਸਾਰ ਉਨ੍ਹਾਂ ਨੂੰ ਬਿਨਾ ਵਜਾਹ ਕੁਟਾਪਾ ਚਾੜ੍ਹਿਆ ਜਾਂਦਾ । ਅਜਿਹੀ ਹਾਲਤ ਵਿਚ ਨਵੀਂ ਸਰਕਾਰ ਨੂੰ ਚਾਹੀਦਾ ਕਿ ਜਿਥੇ ਸਰਕਾਰ ਦੀ ਦਿੱਖ ਵਿਚ ਸੁਧਾਰ ਲਈ ਹੋਰ ਇਨਕਲਾਬੀ ਕਦਮ ਪੁੱਟੇ ਜਾ ਰਹੇ ਹਨ, ਉਥੇ ਜੇਹਲਾਂ ਅੰਦਰ ਬੰਦ ਕੈਦੀਆਂ ਦੀਆਂ ਜਾਇਜ਼ ਮੰਗਾਂ ਉਪਰ ਅਮਲ ਲਈ ਯਤਨ ਕੀਤੇ ਜਾਣੇ ਚਾਹੀਦੇ ਹਨ। ਸਭ ਤੋਂ ਪਹਿਲੀ ਲੋੜ ਕੈਦੀਆਂ ਅਤੇ ਸਿਆਸਤਦਾਨਾਂ ਵਿਚ ਸਾਂਝ ਨੂੰ ਤੋੜਨ ਦੀ । ਸਿਆਸੀ ਲੀਡਰਾਂ ਦਾ ਥਾਪੜਾ ਕੈਦੀਆਂ ਨੂੰ ਪੱਕੇ ਬਦਮਾਸ਼ ਬਣਨ ਲਈ ਉਤਸਾਹਿਤ ਕਰਦਾ । ਪੰਜਾਬ ਦੀ ਕੈਪਟਨ ਸਰਕਾਰ ਨੇ ਪਿਛਲੇ ਥੋੜ੍ਹੇ ਜਿਹੇ ਸਮੇਂ ਵਿਚ ਜਿਸ ਤੇਜ਼ੀ ਨਾਲ ਸੁਧਾਰਵਾਦੀ ਕੰਮ ਸ਼ੁਰੂ ਕੀਤੇ ਹਨ, ਉਨ੍ਹਾਂ ਵਿਚ ਜੇਹਲਾਂ ਨੂੰ ਸਹੀ ਅਰਥਾਂ ਵਿਚ ਸੁਧਾਰਘਰ ਬਣਾਉਣਾ ਬਹੁਤ ਜ਼ਰੂਰੀ ਜਿਥੋਂ ਦੇ ਦਰਿੰਦਿਆਂ ਨੂੰ ਬੰਦੇ ਬਣਾ ਕੇ ਹੀ ਬਾਹਰ ਕੱਢਿਆ ਜਾਵੇ।

ਸਿੱਖਾਂ ਨੂੰ ਨਵੀਂ ਖਾਨਾਜੰਗੀ ਦੇ ਰਾਹ ਪਾਉਣ ਦੀ ਸਾਜ਼ਿਸ਼

ਪੰਜਾਬ ਦੀ ਸਿੱਖ ਸਿਆਸਤ ਵਿਚ ਇਕ ਵਾਰ ਫਿਰ ਉਬਾਲ । ਦੋ ਸਾਲ ਪਹਿਲਾਂ ਲੁਧਿਆਣਾ ਨੇੜੇ ਛਬੀਲ ਦੇ ਬਹਾਨੇ ਦਮਦਮੀ ਟਕਸਾਲ ਦੇ ਪੈਰੋਕਾਰਾਂ ਵਲੋਂ ਸਿੱਖ ਪ੍ਰਚਾਰਕ ਸੰਤ ਰਣਜੀਤ ਸਿੰਘ ਦੇ ਕਾਫਲੇ ਉਪਰ ਘਾਤ ਲਾ ਕੇ ਜੋ ਹਮਲਾ ਕੀਤਾ ਗਿਆ ਸੀ, ਉਸ ਵਿਚ ਇਕ ਸਿੰਘ ਸ਼ਹੀਦ ਹੋ ਗਿਆ ਸੀ, ਜਦਕਿ ਸੰਤ ਰਣਜੀਤ ਸਿੰਘ ਵਾਲ ਵਾਲ ਬਚ ਗਏ ਸਨ। ਇਸ ਮਾਮਲੇ ਵਿਚ ਪੁਲਿਸ ਨੇ ਟਕਸਾਲ ਦੇ ਪੌਣੀ ਦਰਜਨ ਦੇ ਕਰੀਬ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਹੋਇਆ । ਇਨ੍ਹਾਂ ਲੋਕਾਂ ਨੂੰ ਅਦਾਲਤੀ ਕਾਰਵਾਈ ਤੋਂ ਬਚਾਉਣ ਲਈ ਪੁਲਿਸ ਨੇ ਅਕਾਲੀ–ਭਾਜਪਾ ਹਕੂਮਤ ਦੌਰਾਨ ਸਿਰਤੋੜ ਯਤਨ ਕੀਤੇ ਹਨ। ਇਸ ਦੀ ਵਜਾਹ ਸਾਫ ਕਿ ਟਕਸਾਲ ਦੇ ਮੁਖੀ ਸੰਤ ਬਾਬਾ ਹਰਨਾਮ ਸਿੰਘ ਬਾਦਲ ਗੁੱਟ ਦੇ ਬਹੁਤ ਨੇੜੇ ਹਨ। ਸਿੱਖਾਂ ਨਲਾ ਬੇਸ਼ੁਮਾਰ ਵਧੀਕੀਆਂ ਦੇ ਬਾਵਜੂਦ ਵਿਧਾਨ ਸਭਾ ਦੀਆਂ ਚੋਣਾ ਵਿਚ ਬਾਬਾ ਹਰਨਾਮ ਸਿੰਘ ਨੇ ਬਾਦਲ ਦਲ ਦੀ ਹਮਾਇਤ ਦਾ ਖੁਲ੍ਹਮ ਖੁੱਲ੍ਹਾ ਐਲਾਨ ਕੀਤਾ ਸੀ। ਇਸੇ ਦੌਰਾਨ ਸੰਤ ਰਣਜੀਤ ਸਿੰਘ ਨੇ ਹਾਈਕੋਰਟ ਵਿਚ ਰਿੱਟ ਦਾਇਰ ਕਰਕੇ ਆਪਣੇ ਉਪਰ ਹੋਏ ਕਾਤਲਾਨਾ ਹਮਲੇ ਬਾਰੇ ਸੀੰਬੀੰਆਈੰ ਜਾਂਚ ਦੀ ਮੰਗ ਕੀਤੀ। ਪਰ ਬਾਦਲ ਸਰਕਾਰ ਦੇ ਵਿਰੋਧ ਕਾਰਨ ਇਹ ਮੰਗ ਪ੍ਰਵਾਨ ਨਾ ਹੋ ਸਕੀ। ਦੋਹਾਂ ਧਿਰਾਂ ਵਿਚਕਾਰ ਸ਼ੁਰੂ ਹੋਈ ਇਸ ਖਿੱਚੋਤਾਣ ਨੇ ਪੰਥਕ ਸਫਾਂ ਵਿਚ ਨਵੇਂ ਸਿਰਿਉਂ ਦੁਫੇੜ ਪੈਦਾ ਕਰ ਦਿੱਤੀ । ਪਿਛਲੇ ਕੁਝ ਸਮੇਂ ਤੋਂ ਟਕਸਾਲ ਹਮਾਇਤੀਆਂ ਵਲੋਂ ਸੰਤ ਢੱਡਰੀਆਂ ਉਪਰ ਇਹ ਦੋਸ਼ ਲਾਇਆ ਜਾ ਰਿਹਾ ਕਿ ਉਹ ਆਪਣੇ ਪ੍ਰਚਾਰ ਵਿਚ ਸਿੱਖ ਧਰਮ ਬਾਰੇ ਗਲਤ ਤੱਥ ਪੇਸ਼ ਕਰ ਰਹੇ ਹਨ। ਦਰਅਸਲ ਸੰਤ ਦੇ ਵਿਰੋਧੀਆਂ ਦਾ ਜ਼ੋਰ ਲੱਗਾ ਹੋਇਆ ਕਿ ਕਿਸੇ ਨਾ ਕਿਸੇ ਬਹਾਨੇ ਸੰਤ ਢੱਡਰੀਆਂ ਦੇ ਪ੍ਰਚਾਰ ਨੂੰ ਰੋਕਿਆ ਜਾਵੇ। ਵਿਰੋਧੀਆਂ ਨੂੰ ਸਭ ਤੋਂ ਵੱਧ ਪ੍ਰੇਸ਼ਾਨੀ ਇਸ ਗੱਲ ਦੀ ਕਿ ਸੰਤਾਂ ਦੇ ਦੀਵਾਨਾਂ ਵਿਚ ਹਜ਼ਾਰਾਂ ਨਹੀਂ ਲੱਖਾਂ ਸੰਗਤਾਂ ਹਾਜ਼ਰੀ ਭਰਦੀਆਂ ਹਨ। ਚੋਣਾ ਦੇ ਪ੍ਰਚਾਰ ਦੌਰਾਨ ਬਾਦਲ ਦਲ ਦੇ ਏਲਚੀਆਂ ਨੇ ਸੰਤ ਢੱਡਰੀਆਂ ਤੱਕ ਪਹੁੰਚ ਕਰਕੇ ਤਜਵੀਜ਼ ਪੇਸ਼ ਕੀਤੀ ਸੀ ਕਿ ਜੇਕਰ ਸੰਤ ਵਲੋਂ ਅਕਾਲੀ ਦਲ ਦੇ ਹੱਕ ਵਿਚ ਪ੍ਰਚਾਰ ਕੀਤਾ ਜਾਂਦਾ ਤਾਂ ਉਨ੍ਹਾਂ ਨੂੰ ਸਰਕਾਰੀ ਸਰਪ੍ਰਸਤੀ ਦਾ ਸੁੱਖ ਹਾਸਲ ਹੋ ਸਕਦਾ । ਪਰ ਸੰਤ ਨੇ ਇਹ ਪੇਸ਼ਕਸ਼ ਪ੍ਰਵਾਨ ਨਹੀਂ ਕੀਤੀ ਸੀ। ਉਨ੍ਹਾਂ ਨੇ ਆਪਣੇ ਸ਼ਰਧਾਲੂਆਂ ਨੂੰ ਸਪੱਸ਼ਟ ਤੌਰ ‘ਤੇ ਆਖਿਆ ਸੀ ਕਿ ਜਿਹੜੀਆਂ ਧਿਰਾਂ ਪੰਥ ਦੇ ਹਿੱਤਾਂ ਨਾਲ ਖਿਲਵਾੜ ਕਰ ਰਹੀਆਂ ਹਨ, ਉਨ੍ਹਾਂ ਨੂੰ ਵੋਟ ਨਾ ਪਾਈ ਜਾਵੇ। ਇਸੇ ਪ੍ਰਚਾਰ ਕਾਰਨ ਅਕਾਲੀ ਦਲ ਨੂੰ ਭਾਰੀ ਹਾਰ ਦਾ ਮੂੰਹ ਦੇਖਣਾ ਪਿਆ। ਆਪਣੀ ਹਾਰ ਦਾ ਬਦਲਾ ਲੈਣ ਲਈ ਵਿਰੋਧੀਆਂ ਨੇ ਸੰਤ ਢੱਡਰੀਆਂ ਦੇ ਇਕ ਵਿਖਿਆਨ ਦੇ ਵਿਰੋਧ ਵਿਚ ਮੋਰਚਾ ਸ਼ੁਰੂ ਕਰ ਦਿੱਤਾ । ਸੰਤਾਂ ਨੇ ਆਖਿਆ ਸੀ ਕਿ ਨੌਵੇਂ ਪਾਤਸ਼ਾਹ ਗੁਰੂ ਤੇਗ ਬਹਾਦਰ 26 ਸਾਲ, 9 ਮਹੀਨੇ ਅਤੇ 13 ਦਿਨ ਬਾਬਾ ਬਕਾਲ ਵਿਖੇ ਲਗਾਤਾਰ ਭੋਰੇ ਵਿਚ ਨਹੀਂ ਰਹੇ ਸੀ, ਬਲਕਿ ਵਿਚ ਵਿਚਾਲੇ ਭੋਰੇ ‘ਚੋਂ ਬਾਹਰ ਨਿਕਲ ਕੇ ਸਿੱਖੀ ਦਾ ਪ੍ਰਚਾਰ ਵੀ ਕਰਦੇ ਰਹੇ ਸਨ। ਉਨ੍ਹਾਂ ਮੁਤਾਬਿਕ ਇਹ ਜਾਣਕਾਰੀ ਸ਼੍ਰੋਮਣੀ ਕਮੇਟੀ ਵਲੋਂ ਪ੍ਰਕਾਸ਼ਿਤ ਸਿੱਖ ਇਤਿਹਾਸ ਵਿਚ ਛਪੀ । ਪਰ ਸਰਬੱਤ ਖਾਲਸਾ ਦੇ ਜਥੇਦਾਰ ਭਾਈ ਅਮਰੀਕ ਸਿੰਘ ਅਜਨਾਲਾ ਨੇ ਸ਼੍ਰੋਮਣੀ ਕਮੇਟੀ ਤੱਕ ਪਹੁੰਚ ਕਰਕੇ ਸਪੱਸ਼ਟੀਕਰਨ ਮੰਗਣ ਦੀ ਥਾਂ ਸੰਤ ਢੱਡਰੀਆਂ ਵਾਲਿਆਂ ਦੇ ਗੁਰਦੁਆਰਾ ਪ੍ਰਮੇਸ਼ਰ ਦੁਆਰ ਸਾਹਮਣੇ ਆਪਣੇ 25–30 ਪੈਰੋਕਾਰਾਂ ਦੇ ਨਾਲ ਧਰਨਾ ਲਾ ਦਿੱਤਾ। ਅਜਨਾਲਾ ਦੀ ਅਜਿਹੀ ਕਾਰਵਾਈ ਨੇ ‘ਜਥੇਦਾਰ’ ਦੀ ਪੱਦਵੀ ਨੂੰ ਨੀਵਾਂ ਕੀਤਾ । ਅਸੀਂ ਸਿੱਖ ਬੁੱਧੀਜੀਵੀਆਂ ਨੂੰ ਅਪੀਲ ਕਰਦੇ ਹਾਂ ਕਿ ਭਾਈ ਅਜਨਾਲਾ ਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਸੁਮੱਤ ਦੇ ਕੇ ਦੋਹਾਂ ਧਿਰਾਂ ਨੂੰ ਇਕ ਥਾਂ ਇਕੱਠਾ ਕਰਕੇ ਭਰਮ ਭੁਲੇਖੇ ਦੂਰ ਕੀਤੇ ਜਾਣ ਤਾਕਿ ਸਿੱਖਾਂ ਨੂੰ ਆਪਸੀ ਟਕਰਾਓ ਤੋਂ ਬਚਾਇਆ ਜਾ ਸਕੇ।

ਮੋਦੀ ਸਰਕਾਰ ਨੇ ਪੰਜਾਬ ਦੇ ਵੇਹੜੇ ‘ਚ ਗੱਡਿਆ ਸੇਹ ਦਾ ਤੱਕਲਾ

ਪੰਜਾਬ ਦੀ ਵੰਡ ਵੇਲੇ ਸੰਨ 1966 ਵਿਚ ਉਸ ਵੇਲੇ ਦੀ ਕੇਂਦਰੀ ਸਰਕਾਰ ਨੇ ‘ਦੁੱਧ ਵਿਚ ਮੇਂਗਣਾ’ ਪਾ ਕੇ ਜੋ ਲੰਗੜਾ ਪੰਜਾਬੀ ਸੂਬਾ ਬਣਾਇਆ, ਉਸ ਦਾ ਸੰਤਾਪ ਅੱਜ ਤੱਕ ਹਰ ਪੰਜਾਬੀ ਹੰਢਾ ਰਿਹਾ । ਉਸ ਵੇਲੇ ਦੀ ਇੰਦਰਾ ਸਰਕਾਰ ਦਾ ਗ੍ਰਹਿ ਮੰਤਰੀ ਗੁਲਜ਼ਾਰੀ ਲਾਲ ਨੰਦਾ ਕੱਟੜ ਹਿੰਦੂ ਮਹਾਸ਼ਾ ਸੀ। ਉਸ ਨੇ ਸਿੱਖਾਂ ਨੂੰ ਸਬਕ ਸਿਖਾਉਣ ਲਈ ਜਿਥੇ ਪੰਜਾਬ ਦੇ ਤਿੰਨ ਟੋਟੇ ਕਰਦਿਆਂ ਇਸ ਦੇ ਪੰਜਾਬੀ ਬੋਲਦੇ ਇਲਾਕਿਆਂ, ਰਾਜਧਾਨੀ ਚੰਡੀਗੜ੍ਹ ਅਤੇ ਸਭ ਤੋਂ ਵੱਧ ਇਸ ਦੇ ਦਰਿਆਈ ਪਾਣੀਆਂ ਨੂੰ ਲੁੱਟਣ ਦਾ ਫੁਰਮਾਨ ਜਾਰੀ ਕਰ ਦਿੱਤਾ। ਪੰਜਾਬ ਦੇ ਫਾਜ਼ਿਲਕਾ, ਅਬੋਹਰ ਦੇ ਕੁਝ ਪੰਜਾਬੀ ਬੋਲਦੇ ਪਿੰਡਾਂ ਨੂੰ ਹਰਿਆਣਾ ਦੇ ਹਵਾਲੇ ਕਰਕੇ ਚੰਡੀਗੜ੍ਹ ਨੂੰ ਕੇਂਦਰੀ ਕਬਜ਼ੇ ਵਾਲਾ ਸ਼ਹਿਰ ਬਣਾ ਦਿੱਤਾ। ਪੰਜਾਬ ਦੇ ਦਰਿਆਵਾਂ ਦਾ ਪਾਣੀ ਲੁੱਟਣ ਲਈ ਸਤਲੁਜ ਯਮਨਾ ਲਿੰਕ ਨਹਿਰ ਦੀ ਯੋਜਨਾ ਬਣਾ ਕੇ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਨਹਿਰ ਦੀ ਉਸਾਰੀ ਦਾ ਕੰਮ ਸ਼ੁਰੂ ਕਰਵਾ ਦਿੱਤਾ। ਉਸ ਵੇਲੇ ਪੰਜਾਬ ਵਿਚ ਖਾੜਕੂ ਲਹਿਰ ਦਾ ਉਭਾਰ ਸੀ। ਸਿੱਖ ਜੁਝਾਰੂਆਂ ਨੇ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਲਿੰਕ ਨਹਿਰ ਨਾ ਪੁੱਟੀ ਜਾਵੇ। ਜਦ ਸਰਕਾਰ ਨਾ ਮੰਨੀ ਤਾਂ ਕਰਾਰੇ ਹੱਥਾਂ ਨਾਲ ਕੰਮ ਬੰਦ ਕਰਵਾ ਦਿੱਤਾ। ਉਦੋਂ ਤੋਂ ਲੈ ਕੇ ਹਰਿਆਣਾ, ਦਿੱਲੀ ਸਰਕਾਰ ਦੇ ਦਰਬਾਰ ਵਿਚ ਫਰਿਆਦੀ ਬਣਿਆ ਖੜਾ ਕਿ ਉਸ ਨੂੰ ਪੰਜਾਬ ਦਾ ਪਾਣੀ ਲੈਣ ਦੀ ਇਜਾਜ਼ਤ ਦਿੱਤੀ ਜਾਵੇ। ਪਰ ਦੂਜੇ ਪਾਸੇ ਪੰਜਾਬ ਦਾ ਮਜ਼ਬੂਤ ਪੱਖ ਕਿ ਉਸ ਕੋਲ ਪਹਿਲਾਂ ਹੀ ਪਾਣੀ ਦੀ ਥੁੜ੍ਹ । ਉਸ ਦੀ ਜ਼ਮੀਨ ਦਾ ਵਧੇਰੇ ਹਿੱਸਾ ਸੋਕੇ ਦਾ ਸ਼ਿਕਾਰ । ਪਹਿਲਾਂ ਹੀ ਰਾਜਸਥਾਨ ਨੂੰ ਦਿੱਤੇ ਜਾ ਰਹੇ ਪਾਣੀ ਕਾਰਨ ਪੰਜਾਬ ਦੀ ਧਰਤੀ ਹੇਠਲਾ ਪਾਣੀ ਬਹੁਤ ਡੂੰਘਾ ਚਲਾ ਗਿਆ । ਬਿਜਲੀ ਦੇ ਟਿਊਬਵੈੱਲ ਵੀ ਪਾਣੀ ਕੱਢਣ ਤੋਂ ਲਾਚਾਰ ਹਨ। ਉਂਝ ਵੀ ਕੌਮਾਂਤਰੀ ਪੱਧਰ ਦਾ ਰੀਪੇਰੀਅਨ ਕਾਨੂੰਨ ਇਹ ਕਿ ਦਰਿਆਵਾਂ ਉਪਰ ਉਨ੍ਹਾਂ ਲੋਕਾਂ ਦਾ ਹੱਕ , ਜਿਥੋਂ ਦੀ ਧਰਤੀ ਉਪਰ ਵਗਦੇ ਹਨ। ਇਸ ਸਬੰਧੀ ਟ੍ਰਿਬਿਊਨਲ ਬਣਾ ਕੇ ਪੰਜਾਬ ਸਮੇਤ ਸਾਰੇ ਮੁਲਕ ਵਿਚ ਵਗਦੇ ਦਰਿਆਈ ਪਾਣੀਆਂ ਦੇ ਝਗੜਿਆਂ ਦਾ ਫੈਸਲਾ ਕਰਵਾਇਆ ਜਾਵੇ। ਪਰ, ਕਿਉਂਕਿ ਕੇਂਦਰ ਅਤੇ ਹਰਿਆਣਾ ਵਿਚ ਦੋਵੇਂ ਥਾਵਾਂ ‘ਤੇ ਭਾਜਪਾ ਦੀਆਂ ਸਰਕਾਰਾਂ ਹਨ। ਸੋ ਇਸ ਮੌਕੇ ਨੂੰ ਗਨੀਮਤ ਸਮਝਦਿਆਂ ਹਰਿਆਣਾ ਵਿਚ ਸਰਕਾਰ ਤੋਂ ਬਾਹਰ ਬੈਠੀ ਬਾਦਲ ਪਰਿਵਾਰ ਨਾਲ ਖਾਨਦਾਨੀ ਦੋਸਤੀ ਵਾਲੀ ਚੌਟਾਲਿਆਂ ਦੀ ਇੰਡੀਅਨ ਲੋਕ ਦਲ ਪਾਰਟੀ ਨੇ ਆਪਣੀ ਸਿਆਸੀ ਸਾਖ਼ ਦੀ ਮੁੜ ਬਹਾਲੀ ਲਈ ਵੀਰਵਾਰ 23 ਫਰਵਰੀ ਨੂੰ ਧੱਕੇ ਨਾਲ ਨਹਿਰ ਪੁੱਟਣ ਦਾ ਯਤਨ ਕੀਤਾ। ਚੌਟਾਲਿਆਂ ਨੂੰ ਅਜਿਹਾ ਕਰਨ ਤੋਂ ਰੋਕਣ ਲਈ ਪੰਜਾਬ ਵਲੋਂ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਨੇ ਮੁਕਾਬਲੇ ਦਾ ਪ੍ਰੋਗਰਾਮ ਬਣਾ ਰੱਖਿਆ ਸੀ। ਦੂਜੇ ਪਾਸੇ ਮੋਦੀ ਸਰਕਾਰ ਨੇ ਸੁਪਰੀਮ ਕੋਰਟ ਨੂੰ ਵੀ ਹਰਿਆਣਾ ਦੀ ਮਦਦ ਵਿਚ ਲਿਆ ਖੜਾ ਕੀਤਾ । ਪੰਜਾਬ ਅਤੇ ਹਰਿਆਣਾ ਵਿਚਕਾਰ 23 ਫਰਵਰੀ ਵਾਲੇ ਇਸ ਤਣਾਓ ਨੂੰ ਰੋਕਣ ਲਈ ਸੁਰੱਖਿਆ ਦਸਤਿਆਂ ਨੇ ਭਾਵੇਂ ਸਖ਼ਤ ਪ੍ਰਬੰਧ ਕੀਤੇ ਹੋਏ ਸਨ। ਪਰ ਖੁਫੀਆ ਏਜੰਸੀਆਂ ਦੀ ਸੂਹ ਅਨੁਸਾਰ ਦੋਹਾਂ ਸੂਬਿਆਂ ‘ਚ ਇਸ ਤਣਾਓ ਨਾਲ ਪੰਜਾਬ ਵਿਚ ਖਾੜਕੂਵਾਦ ਮੁੜ ਪੈਦਾ ਹੋਣ ਦਾ ਖ਼ਦਸ਼ਾ । ਅਸੀਂ ਸਮਝਦੇ ਹਾਂ ਕਿ ਕੇਂਦਰ ਵਲੋਂ ਜਾਣ ਬੁੱਝ ਕੇ ਪੰਜਾਬ ਦੇ ਵੇਹੜੇ ਵਿਚ ਸੇਹ ਦਾ ਤਕਲਾ ਗੱਡਿਆ ਜਾ ਰਿਹਾ ਤਾਕਿ ਨਵੀਂ ਬਣਨ ਵਾਲੀ ਗੈਰ ਭਾਜਪਾ–ਅਕਾਲੀ ਸਰਕਾਰ ਦੇ ਰਾਹ ਵਿਚ ਕੰਡੇ ਬੀਜੇ ਜਾ ਸਕਣ।

ਦਿੱਲੀ ਗੁਰਦੁਆਰਾ ਚੋਣਾ ਵਿਚ ਅਕਾਲੀ ਦਲ ਨੂੰ ਵੱਡੀ ਚਣੌਤੀ ਦਾ ਸਾਹਮਣਾ

ਵਿਧਾਨ ਸਭਾ ਚੋਣਾ ਦੇ 11 ਮਾਰਚ ਨੂੰ ਆਉਣ ਵਾਲੇ ਨਤੀਜਿਆਂ ਦੀ ਤਲਵਾਰ ਭਾਵੇਂ ਪੰਜਾਬ ਦੀਆਂ ਤਿੰਨਾਂ ਹੀ ਮੁੱਖ ਸਿਆਸੀ ਪਾਰਟੀਆਂ ਦੇ ਸਿਰ ਉਪਰ ਲਟਕ ਰਹੀ । ਪਰ ਮੀਡੀਆ ਵਿਚ ਪਿਛਲੇ 10 ਸਾਲਾਂ ਤੋਂ ਸੂਬੇ ਵਿਚ ਰਾਜ ਕਰ ਰਹੇ ਅਕਾਲੀ–ਭਾਜਪਾ ਗੱਠਜੋੜ ਦੀ ਢਿੱਲੀ ਕਾਰਗੁਜ਼ਾਰੀ ਬਾਰੇ ਜੋ ਨਾਂਹ–ਪੱਖੀ ਪ੍ਰਚਾਰ ਹੋ ਰਿਹਾ , ਉਸ ਨੇ ਮੁੱਖ ਮੰਤਰੀ ਅਤੇ ਉਪ ਮੁੱਖ ਮੰਤਰੀ ਸਮੇਤ ਸਾਰੀ ਪਾਰਟੀ ਦਾ ਹੌਸਲਾ ਢਹਿਢੇਰੀ ਕਰਕੇ ਰੱਖ ਦਿੱਤਾ । ਇਸ ਗੱਠਜੋੜ ਵਿਚ ਸ਼ਾਮਲ ਭਾਜਪਾ ਨੇ ਤਾਂ ਪਹਿਲਾਂ ਹੀ ਚੋਣਾ ਵੇਲੇ ਕੋਈ ਉਤਸ਼ਾਹ ਨਹੀਂ ਸੀ ਦਿਖਾਇਆ। ਉਸ ਦੇ ਲੀਡਰਾਂ ਵਲੋਂ ਇਹ ਸ਼ਿਕਵਾ ਕੀਤਾ ਜਾਂਦਾ ਰਿਹਾ ਕਿ ਅਕਾਲੀ ਦਲ ਨੇ ਮਦਦ ਕਰਨ ਦੀ ਥਾਂ ਉਸ ਦੀਆਂ ਲੱਤਾਂ ਖਿੱਚੀਆਂ ਹਨ। ਅਕਾਲੀ ਦਲ ਵਲੋਂ ਆਪਣੀਆਂ ਵਿਕਾਸ ਦੀਆਂ ਪ੍ਰਾਪਤੀਆਂ ਦੇ ਬਲਬੂਤੇ ਚੋਣ ਪ੍ਰਚਾਰ ਕਰਦਿਆਂ ਇਹ ਦਾਅਵਾ ਕੀਤਾ ਜਾਂਦਾ ਰਿਹਾ ਕਿ ਪਾਰਟੀ 117 ‘ਚੋਂ 80 ਸੀਟਾਂ ਹਾਸਲ ਕਰੇਗੀ। ਇਸ ਦਮਗਜੇ ਵਾਲੇ ਦਾਅਵੇ ਦਾ ਕਾਰਨ ਸਿਰਸਾ ਡੇਰੇ ਦੀ ਹਮਾਇਤ ਸੀ ਜੋ ਗੁਪਤ ਗੱਲਬਾਤ ਰਾਹੀਂ ਦਲ ਨੂੰ ਮਿਲ ਚੁੱਕੀ ਸੀ। ਸ਼ਰਤ ਇਹ ਰੱਖੀ ਗਈ ਸੀ ਕਿ ਦੋਹਾਂ ਧਿਰਾਂ ਵਿਚਕਾਰ ਸੰਧੀ ਨੂੰ ਗੁਪਤ ਰੱਖਿਆ ਜਾਵੇਗਾ। ਡੇਰੇ ਦੀ ਇਸ ਹਮਾਇਤ ਬਦਲੇ ਅਕਾਲੀ ਦਲ ਵਲੋਂ ਡੇਰਾ ਪ੍ਰੇਮੀਆਂ ਦੇ ਪੰਜਾਬ ਵਿਚ ਸਮਾਗਮ ਕਰਵਾਉਣ ਦਾ ਵਾਅਦਾ ਕੀਤਾ ਗਿਆ। ਪਰ ਵੋਟਾਂ ਪੈਣ ਤੋਂ ਦੋ ਦਿਨ ਪਹਿਲਾਂ ਡੇਰੇ ਨੇ ਇਸ ਸੰਧੀ ਦਾ ਭੇਦ ਖੋਲ੍ਹ ਦਿੱਤਾ ਜਿਸ ਦਾ ਸਿੱਖ ਵੋਟਰਾਂ ਨੇ ਬਹੁਤ ਬੁਰਾ ਮਨਾਇਆ। ਸ੍ਰੀ ਅਕਾਲ ਤਖਤ ਸਾਹਿਬ ਵਲੋਂ ਸਿਰਸਾ ਡੇਰੇ ਨਾਲ ਮਿਲਵਰਤਣ ਕਰਨ ਦੀ ਮਨਾਹੀ ਦੇ ਹੁਕਮਨਾਮੇ ਨੂੰ ਅਣਡਿੱਠ ਕਰਕੇ ਦਲ ਦੇ ਆਗੂਆਂ ਨੇ ਆਪਣੀ ਸਿਆਸੀ ਲਾਲਸਾ ਪੂਰੀ ਕਰਨ ਲਈ ਜੋ ਗੁਨਾਹ ਕੀਤਾ, ਉਸ ਦੀ ਸਜ਼ਾ ਭਾਵੇਂ ਨਾ ਮਿਲੇ। ਪਰ ਸਿਆਸੀ ਮਾਹਿਰਾਂ ਦਾ ਅਨੁਮਾਨ ਕਿ ਸਿੱਖ ਵੋਟਰਾਂ ਨੇ ਪਾਰਟੀ ਨੂੰ ਸਜ਼ਾ ਦੇ ਦਿੱਤੀ । ਅਜਿਹੀ ਸਜ਼ਾ ਦਾ ਪ੍ਰਛਾਵਾਂ ਦਿੱਲੀ ਦੇ ਗੁਰਦੁਆਰਿਆਂ ਦੀ 26 ਫਰਵਰੀ ਨੂੰ ਹੋਣ ਵਾਲੀ ਚੋਣ ਉਪਰ ਵੀ ਮੰਡਰਾ ਰਿਹਾ । ਰਾਜਧਾਨੀ ਦੇ ਗੁਰਦੁਆਰਿਆਂ ਦੀਆਂ 2013 ਵਿਚ ਹੋਈਆਂ ਚੋਣਾ ਮੌਕੇ ਪਾਰਟੀ ਦੇ ਸਾਰੇ ਸੀਨੀਅਰ ਲੀਡਰਾਂ ਨੇ ਪੰਜਾਬ ਤੋਂ ਦਿੱਲੀ ਜਾ ਕੇ ਆਪਣੇ ਉਮੀਦਵਾਰਾਂ ਦੇ ਹੱਕ ਵਿਚ ਪ੍ਰਚਾਰ ਕਰਕੇ ਉਨ੍ਹਾ ਨੂੰ ਜੇਤੂ ਬਣਾਇਆ ਸੀ। ਪਰ ਇਸ ਵਾਰ ਸਾਰੇ ਹੀ ਸੀਨੀਅਰ ਲੀਡਰ ਪ੍ਰਚਾਰ ਤੋਂ ਦੂਰ ਹਨ। ਪਾਰਟੀ ਦੇ ਸਰਪ੍ਰਸਤ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਤਾਂ 21 ਫਰਵਰੀ ਨੂੰ ਅਮਰੀਕਾ ਤੋਂ ਵਾਪਸ ਆ ਗਏ ਹਨ। ਪਰ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਆਪਣੀ ਸਿੰਘਣੀ ਸਮੇਤ ਅਮਰੀਕਾ ਬੈਠੇ ਹਨ। ਜਿਹੜੇ ਕੁਝ ਲੀਡਰ ਦਿੱਲੀ ਗਏ ਵੀ ਸਨ, ਉਨ੍ਹਾਂ ਨੂੰ ਸਿਰਸਾ ਡੇਰੇ ਦੇ ਮਾਮਲੇ ਬਾਰੇ ਤਿੱਖੇ ਸਵਾਲਾਂ ਦਾ ਸਾਹਮਣਾ ਕਰਨਾ ਪਿਆ। ਪਾਰਟੀ ਦੇ ਬਹੁਤੇ ਉਮੀਦਵਾਰਾਂ ਨੇ ਆਪਣੇ ਚੋਣ ਪ੍ਰਚਾਰ ਵਾਲੇ ਇਸ਼ਤਿਹਾਰਾਂ ਉਪਰ ਬਾਦਲਾਂ ਦੀਆਂ ਤਸਵੀਰਾਂ ਦੀ ਵਰਤੋਂ ਨਾ ਕੀਤੀ। ਇਸ ਚੋਣ ਦੰਗਲ ਵਿਚ ਮੌਜੂਦਾ ਕਮੇਟੀ ਦੇ ਜੀੰਕੇੰ ਗਰੁੱਪ ਨੂੰ ਵੱਖ ਵੱਖ ਪੰਜ ਦਲਾਂ ਦੇ ਵਿਰੋਧ ਦਾ ਸਾਹਮਣਾ । ਪਰ ਮੁੱਖ ਟੱਕਰ ਸਰਨਾ ਧੜੇ ਨਾਲ ਜੋ ਇਸ ਵਾਰ ਆਪਣੀ ਪਿਛਲੀ ਹਾਰ ਦਾ ਬਦਲਾ ਲੈਣ ਲਈ ਅੱਡੀ ਚੋਟੀ ਦਾ ਜ਼ੋਰ ਲਾ ਰਿਹਾ । ਉਸ ਨੇ ਸਿਰਸਾ ਸਾਧ ਦੇ ਮਾਮਲੇ ਨੂੰ ਆਪਣੇ ਪ੍ਰਚਾਰ ਦਾ ਮੁੱਖ ਧੁਰਾ ਬਣਾ ਰੱਖਿਆ । ਅਜਿਹੇ ਹਾਲਾਤ ਵਿਚ ਇਸ ਵਾਰ ਦੀਆਂ ਚੋਣਾ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀੰਕੇੰ ਲਈ ਵੱਡੀ ਚਣੌਤੀ ਬਣ ਗਈਆਂ ਹਨ।

ਆਪੇ ਫਾਥੜੀਏ ਹੁਣ ਤੈਨੂੰ ਕੌਣ ਛੁਡਾਵੇ !

ਵਿਧਾਨ ਸਭਾ ਚੋਣਾ ਦੇ 11 ਮਾਰਚ ਨੂੰ ਨਤੀਜਿਆਂ ਤੋਂ ਬਾਅਦ ਪੰਜਾਬ ਇਕ ਨਵੀਂ ਸਿਆਸੀ ਕਰਵੱਟ ਲੈਣ ਲਈ ਤਿਆਰ । ਅਕਾਲੀ ਦਲ ਵਲੋਂ ਦੋ ਸਾਲ ਪਹਿਲਾਂ ਹੀ ਚੋਣ ਪ੍ਰਚਾਰ ਦੀ ਮੁਹਿੰਮ ਸ਼ੁਰੂ ਕਰਦਿਆਂ ਮੁੱਖ ਮੰਤਰੀ ਬਾਦਲ ਨੇ ਸੰਗਤ ਦਰਸ਼ਨਾਂ ਦੇ ਨਾਂ ਉਪਰ ਪਿੰਡਾਂ ਦੀ ਵੋਟ ਨੂੰ ਪ੍ਰਭਾਵਿਤ ਕਰਨ ਲਈ ਆਪਣੇ ਪਾਰਟੀ ਵਰਕਰਾਂ ਰਾਹੀਂ ਸਰਕਾਰੀ ਖਜ਼ਾਨੇ ‘ਚੋਂ ਕ੍ਰੋੜਾਂ ਰੁਪੈ ਦੀਆਂ ਗਰਾਂਟਾਂ ਵੰਡੀਆਂ। ਇਸ ਦੇ ਨਾਲ ਹੀ ਇਹ ਪ੍ਰਚਾਰ ਵੀ ਕੀਤਾ ਜਾਂਦਾ ਰਿਹਾ ਕਿ ਸੂਬੇ ਦੀ ਅਕਾਲੀ–ਭਾਜਪਾ ਸਰਕਾਰ ਇਹ ਚੋਣਾ ਭਾਈਚਾਰਕ ਸਾਂਝ ਕਾਇਮ ਰੱਖਣ ਦੀ ਪ੍ਰਾਪਤੀ ਦੇ ਨਾਂ ਉਪਰ ਲੜੇਗੀ ਤੇ ਪੰਜਾਬ ਵਿਚ ਤੀਜੀ ਵਾਰ ਸਰਕਾਰ ਕਾਇਮ ਕਰਕੇ ਇਕ ਰਿਕਾਰਡ ਕਾਇਮ ਕਰੇਗੀ। ਦੂਜੇ ਪਾਸੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਚੋਣ ਪ੍ਰਚਾਰ ਦੀ ਇਸੇ ਲੜੀ ਵਿਚ ਵਿਕਾਸ ਦੀਆਂ ਨਵੀਆਂ ਯੋਜਨਾਵਾਂ ਦਾ ਐਲਾਨ ਕਰਦਿਆਂ ਨੀਂਹ ਪੱਥਰ ਰੱਖਣ ਦੀ ਲਹਿਰ ਜਾਰੀ ਰੱਖੀ। ਉਸ ਵਲੋਂ ਇਸ ਗੱਲ ‘ਤੇ ਜ਼ੋਰ ਦਿੱਤਾ ਜਾਂਦਾ ਰਿਹਾ ਕਿ ਵੱਡੇ ਬਾਦਲ ਸਾਹਿਬ ਨੇ ਵੱਖ ਵੱਖ ਧਰਮਾਂ ਦੀਆਂ ਇਤਿਹਾਸਕ ਯਾਦਗਾਰਾਂ ਦੀ ਉਸਾਰੀ ਕਰਵਾ ਕੇ ਪੰਜਾਬ ਨੂੰ ਇਕ ਨਵੀਂ ਦਿੱਖ ਦਿੱਤੀ । ਪਰ ਉਹ ਇਸ ਗੱਲ ਨੂੰ ਅਣਗੌਲਿਆਂ ਕਰ ਗਏ ਕਿ ਸੂਬੇ ਦੀ ਆਰਥਿਕਤਾ ਕਿਸ ਤੇਜ਼ੀ ਨਾਲ ਨਿੱਘਰ ਰਹੀ । ਅਜਿਹੀ ਹਾਲਤ ਤੋਂ ਦੁਖੀ ਹੋਏ ਕਿਸਾਨਾਂ ਅਤੇ ਕਿਰਤੀਆਂ ਵਲੋਂ ਆਤਮਹੱਤਿਆ ਕਰਨ ਦੀਆਂ ਘਟਨਾਵਾਂ ਵਿਚ ਕਿਸ ਤੇਜ਼ੀ ਨਾਲ ਵਾਧਾ ਹੋ ਰਿਹਾ । ਅਜਿਹੀ ਹਾਲਤ ਦਾ ਮੁਕਾਬਲਾ ਕਰਨ ਲਈ ਕੇਂਦਰੀ ਮਦਦ ਲੈਣ ਵਾਸਤੇ ਦੋਹਾਂ ਬਾਦਲਾਂ ਨੇ ਦਿੱਲੀ ਜਾ ਕੇ ਪ੍ਰਧਾਨ ਮੰਤਰੀ ਮੋਦੀ ਦਾ ਕਈ ਵਾਰ ਦਰ ਖੜਕਾਇਆ, ਪਰ ਕੋਈ ਮਦਦ ਪੱਲੇ ਨਾ ਪਈ। ਇਸ ਦੀ ਇਕ ਵਜਾਹ ਇਹ ਵੀ ਦੱਸੀ ਜਾਂਦੀ ਕਿ ਪੰਜਾਬ ਵਿਚ ਭਾਜਪਾ ਦੀ ਲੀਡਰਸ਼ਿੱਪ ਪ੍ਰਧਾਨ ਮੰਤਰੀ ਨੂੰ ਅਕਾਲੀਆਂ ਦੀ ਮਦਦ ਕਰਨ ਤੋਂ ਰੋਕਦੀ ਰਹੀ। ਭਾਜਪਾ ਲੀਡਰਾਂ ਨੂੰ ਹਮੇਸ਼ਾ ਇਸ ਗੱਲ ਦਾ ਗਿਲਾ ਰਿਹਾ ਕਿ ਸਰਕਾਰ ਵਿਚ ਉਹ ਸਿਰਫ ਨਾਂ ਦੇ ਭਾਈਵਾਲ ਹਨ, ਉਨ੍ਹਾਂ ਦੀ ਪੁੱਛ ਪ੍ਰਤੀਤ ਕੋਈ ਨਹੀਂ। ਮੋਦੀ ਨੇ ਵੀ ਆਪਣੇ ਪਾਰਟੀ ਲੀਡਰਾਂ ਦੀ ਇਹ ਗੱਲ ਪੱਲੇ ਬੰਨ੍ਹ ਲਈ ਤੇ ਚੋਣ ਪ੍ਰਚਾਰ ਵੇਲੇ ਵੀ ਅਕਾਲੀ ਦਲ ਦੀ ਕੋਈ ਖਾਸ ਮਦਦ ਨਾ ਕੀਤੀ। ਇਕ ਵੇਲੇ ਤਾਂ ਇਹ ਮਹਿਸੂਸ ਹੋਣ ਲੱਗਾ ਕਿ ਭਾਜਪਾ ਨੇ ਪੰਜਾਬ ਵਿਚ ਅਕਾਲੀ–ਭਾਜਪਾ ਦੀ ਜਿੱਤ ਨੂੰ ਆਪਣੇ ਏਜੰਡੇ ਵਿਚੋਂ ਹੀ ਕੱਢ ਦਿੱਤਾ । ਅਜਿਹੀ ਹਾਲਤ ਨੂੰ ਦੇਖ ਕੇ ਅਕਾਲੀ ਲੀਡਰਾਂ ਦੀਆਂ ਅੱਖਾਂ ਖੁੱਲ੍ਹੀਆਂ ਤੇ ਉਨ੍ਹਾਂ ਨੇ ਨਾਰਾਜ਼ ਪੰਥਕ ਗੁੱਟਾਂ ਦੀ ਹਮਾਇਤ ਹਾਸਲ ਕਰਨ ਲਈ ਤਰਲੇ ਕੀਤੇ। ਸਿਰਫ ਦਮਦਮੀ ਟਕਸਾਲ ਦੇ ਮੁਖੀ ਬਾਬਾ ਧੁੰਮਾ ਤੋਂ ਬਿਨਾ ਕਿਸੇ ਹਾਮੀ ਨਾ ਭਰੀ। ਦੂਜੇ ਪਾਸੇ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠ ਸਾਰੇ ਕਾਂਗਰਸੀ ਗੁੱਟ ਇਕ ਮੰਚ ਉਪਰ ਇਕੱਠੇ ਹੋ ਗਏ। ਆਖਿਰ ਡੁੱਬਦੀ ਬੇੜੀ ਨੂੰ ਬਚਾਉਣ ਲਈ ਕੌੜਾ ਅੱਕ ਚਬਦਿਆਂ ਅਕਾਲੀ ਦਲ ਨੂੰ ਸਿਰਸਾ ਸਾਧ ਦੀ ਪਨਾਹ ਵਿਚ ਜਾਣਾ ਪਿਆ। ਵਾਅਦਾ ਇਹ ਕੀਤਾ ਗਿਆ ਕਿ ਜੇਕਰ ਅਕਾਲੀ ਦਲ ਚੋਣਾ ਜਿੱਤ ਗਿਆ ਤਾਂ ਪੰਜਾਬ ਵਿਚ ਡੇਰਾ ਪ੍ਰੇਮੀਆਂ ਦੇ ਸਮਾਗਮਾਂ ਦੀ ਖੁੱਲ੍ਹ ਹੋ ਜਾਵੇਗੀ। ਅਕਾਲ ਤਖ਼ਤ ਦੇ ਹੁਕਮਨਾਮੇ ਦੀ ਉਲੰਘਣਾ ਕਰਕੇ ਕੀਤੇ ਗਏ ਇਸ ਫੈਸਲੇ ਨਾਲ ਅਕਾਲੀ ਦਲ ਵੱਡੀ ਮੁਸੀਬਤ ਵਿਚ ਫੱਸ ਗਿਆ । ਉਸ ਨੇ ਕਾਨੂੰਨ ਦੀ ਵੀ ਉਲੰਘਣਾ ਕੀਤੀ ਜਿਸ ਅਨੁਸਾਰ ਚੋਣਾ ਵਿਚ ਕੋਈ ਸਿਆਸੀ ਪਾਰਟੀ ਧਰਮ ਦਾ ਲਾਹਾ ਨਹੀਂ ਲੈ ਸਕਦੀ। ਇਸ ਸੰਕਟ ਨਾਲ ਨਜਿੱਠਣ ਲਈ ਸ਼੍ਰੋਮਣੀ ਕਮੇਟੀ ਵਲੋਂ ਜੋ ਜਾਂਚ ਟੀਮ ਬਣਾਈ ਗਈ ਸੀ, ਉਸ ਦੀ ਰਿਪੋਰਟ 26 ਫਰਵਰੀ ਨੂੰ ਦਿੱਲੀ ਗੁਰਦੁਆਰਾ ਚੋਣਾ ਤੋਂ ਬਾਅਦ ਹੀ ਨਸ਼ਰ ਹੋਵੇਗੀ। ਅਸੀਂ ਸਮਝਦੇ ਹਾਂ ਕਿ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਆਪਣੇ ਅਵੈੜਪੁਣੇ ਦੇ ਵਤੀਰੇ ਨਾਲ ਪੰਜਾਬ ਨੂੰ ਜਿਥੇ ਬਰਬਾਦ ਕੀਤਾ , ਉਥੇ ਪਾਰਟੀ ਨੂੰ ਵੀ ਬਦਨਾਮੀ ਦੇ ਕੰਢੇ ਲਿਆ ਖੜਾ ਕੀਤਾ ਜਿਥੋਂ ਬਚਾਅ ਕਰਨਾ ਆਸਾਨ ਨਹੀਂ। ਹੁਣ ਹਾਲਤ ਇਹ ਕਿ ‘ਆਪੇ ਫਾਥੜੀਏ ਤੈਨੂੰ ਕੌਣ ਛੁਡਾਵੇ।’

ਪੰਜਾਬ ਵਿਚ ਨਵੀਂ ਮਜ਼ਬੂਤ ਸਰਕਾਰ ਹੀ ਵੋਟਰਾਂ ਦਾ ਸੁਪਨਾ ਸਾਕਾਰ ਕਰੇਗੀ

ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾ ਦੇ ਪ੍ਰਚਾਰ ਦੌਰਾਨ ਕਾਂਗਰਸ ਦੇ ਆਗੂ ਕੈਪਟਨ ਅਮਰਿੰਦਰ ਸਿੰਘ ਨੇ ਨਾਭਾ ਜੇਹਲ ਬ੍ਰੇਕ ਕਾਂਡ ਤੋਂ ਬਾਅਦ ਆਪਣੇ ਪ੍ਰਚਾਰ ਸਮਾਗਮਾਂ ਵਿਚ ਵਾਰ ਵਾਰ ਇਸ ਗੱਲ ਦਾ ਖੁਲਾਸਾ ਕੀਤਾ ਸੀ ਕਿ ਜੇਹਲ ‘ਚੋਂ ਫਰਾਰ ਹੋਏ ਬਦਮਾਸ਼ਾਂ ਅਤੇ ਦਹਿਸ਼ਤਗਰਦਾਂ ਨੂੰ ਇਕ ਸਾਜ਼ਿਸ਼ ਅਧੀਨ ਫਰਾਰ ਕਰਵਾਇਆ ਗਿਆ ਤਾਕਿ ਇਨ੍ਹਾਂ ਦੀ ਚੋਣਾ ਵਿਚ ਦੁਰਵਰਤੋਂ ਕੀਤੀ ਜਾ ਸਕੇ। ਇਸ ਮਾਮਲੇ ਨੂੰ ਕੇਂਦਰੀ ਗ੍ਰਹਿ ਮੰਤਰੀ ਸ੍ਰੀ ਰਾਜਨਾਥ ਸਿੰਘ ਦੇ ਧਿਆਨ ਵਿਚ ਵੀ ਲਿਆਂਦਾ ਗਿਆ ਸੀ। ਗ੍ਰਹਿ ਵਿਭਾਗ ਪਹਿਲਾਂ ਹੀ ਇਸ ਗੱਲ ਬਾਰੇ ਫਿਕਰਮੰਦ ਸੀ ਕਿ ਜੇਕਰ ਅਤਿ ਸੁਰੱਖਿਆ ਵਾਲੀ ਜੇਹਲ ਉਪਰ ਦਿਨ ਦਿਹਾੜੇ ਧਾਵਾ ਬੋਲ ਕੇ ਬਦਮਾਸ਼ਾਂ ਦਾ ਗ੍ਰੋਹ ਅੱਧੀ ਦਰਜਨ ਖਤਰਨਾਕ ਮੁਜਰਮਾਂ ਨੂੰ ਰਿਹਾਅ ਕਰਵਾ ਸਕਦਾ ਤਾਂ ਸਰਕਾਰ ਦੀ ਸੁਰੱਖਿਆ ਦਾ ਜ਼ੁੰਮੇਵਾਰ ਕੌਣ ਹੋਵੇਗਾ। ਇਸ ਲਈ ਕੇਂਦਰੀ ਗ੍ਰਹਿ ਵਿਭਾਗ ਵਲੋਂ ਚੋਣਾ ਮੌਕੇ ਅਰਧ ਫੌਜੀ ਦਸਤਿਆਂ ਨੂੰ ਭੇਜ ਕੇ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਗਏ। ਇਸ ਦੇ ਨਾਲ ਹੀ ਪੰਜਾਬ ਦੇ ਪੁਲਿਸ ਮੁਖੀ ਸ੍ਰੀ ਸੁਰੇਸ਼ ਅਰੋੜਾ ਨੂੰ ਇਹ ਤਾਗੀਦ ਕੀਤੀ ਕਿ ਸੂਬੇ ‘ਚੋਂ ਗੁੰਡਾਗਰਦੀ ਦਾ ਸਫਾਇਆ ਸਖ਼ਤੀ ਨਾਲ ਕੀਤਾ ਜਾਵੇ। ਅਜਿਹੀ ਖੁੱਲ੍ਹ ਮਿਲਣ ਦੇ ਨਾਲ ਹੀ ਸ੍ਰੀ ਅਰੋੜਾ ਲੀਡਰਾਂ ਦੇ ਦਬਾਅ ਤੋਂ ਮੁਕਤ ਹੋ ਗਏ। ਉਨ੍ਹਾਂ ਨੇ ਅਮਨ ਕਾਨੂੰਨ ਦੀ ਰਾਖੀ ਲਈ ਦ੍ਰਿੜ੍ਹਤਾ ਤੋਂ ਕੰਮ ਲੈਂਦਿਆਂ ਅਕਾਲੀ ਲੀਡਰਾਂ ਦੀ ਸਰਪ੍ਰਸਤੀ ਵਾਲੇ ਗੁੰਡਿਆਂ ਨੂੰ ਸੀਖਾਂ ਪਿੱਛੇ ਬੰਦ ਕਰਨ ਵਿਚ ਢਿੱਲ ਨਾ ਕੀਤੀ। ਇਸ ਮੁਹਿੰਮ ਦਾ ਨਤੀਜਾ ਇਹ ਨਿਕਲਿਆ ਕਿ ਨਾਭਾ ਜੇਹਲ ‘ਚੋਂ ਫਰਾਰ ਹੋਏ ਕੁਝ ਕੈਦੀ ਮੁੜ ਫੜੇ ਗਏ। ਇਸ ਮਾਮਲੇ ਵਿਚ ਪੁਲਿਸ ਨੂੰ ਵੱਡੀ ਸਫਲਤਾ 12 ਫਰਵਰੀ ਨੂੰ ਉਦੋਂ ਮਿਲੀ ਜਦ ਫਰਾਰ ਕੈਦੀਆਂ ਨੂੰ ਫੜਨ ਲਈ ਬਣਾਈ ਵਿਸ਼ੇਸ਼ ਪੁਲਿਸ ਟੀਮ ਨੇ ਮੋਗਾ ਨੇੜੇ ਪਿੰਡ ਢੁੱਡੀਕੇ ਵਿਖੇ ਇਕ ਪ੍ਰਵਾਸੀ ਦੀ ਕੋਠੀ ਨੂੰ ਘੇਰਾ ਪਾ ਕੇ ਖਤਰਨਾਕ ਬਦਮਾਸ਼ ਗੁਰਪ੍ਰੀਤ ਸੇਖੋਂ ਨੂੰ ਉਸ ਦੇ ਚਾਰ ਸਾਥੀਆਂ ਸਮੇਤ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਨੇ ਮੌਕੇ ਤੋਂ ਭਾਰੀ ਗਿਣਤੀ ਵਿਚ ਅਸਲ੍ਹਾ ਤੇ ਦੋ ਗੱਡੀਆਂ ਵੀ ਆਪਣੇ ਕਬਜ਼ੇ ਵਿਚ ਕਰ ਲਈਆਂ। ਪੁਲਿਸ ਵਲੋਂ ਜਾਂਚ ਦੌਰਾਨ ਇਸ ਗੱਲ ਦਾ ਭੇਦ ਖੁੱਲ੍ਹਾ ਕਿ ਗੁਰਪ੍ਰੀਤ ਸੇਖੋਂ ਦੇ ਮਾਲਵੇ ਵਿਚ ਉੱਘੇ ਸਿਆਸਤਦਾਨਾਂ ਨਾਲ ਨੇੜੇ ਦੇ ਸਬੰਧ ਸਨ ਜੋ ਇਨ੍ਹਾਂ ਨੂੰ ਪਨਾਹ ਦੇਣ ਅਤੇ ਪੈਸੇ ਨਾਲ ਮਦਦ ਕਰਦੇ ਸਨ। ਸੇਖੋਂ ਵਿਰੁਧ ਕਤਲ, ਅਗਵਾ ਅਤੇ ਡਾਕਿਆਂ ਦੇ 30 ਮੁਕੱਦਮੇ ਦਰਜ ਹਨ। ਉਸ ਦਾ ਅਗਲਾ ਸ਼ਿਕਾਰ ਮੁੱਦਕੀ ਦਾ ਇਕ ਪਟਰੌਲ ਪੰਪ ਮਾਲਕ ਸੀ ਜਿਸ ਦੇ ਪੈਸੇ ਨਾਲ ਉਹ ਵਿਦੇਸ਼ ਫਰਾਰ ਹੋਣ ਦੀ ਤਿਆਰੀ ਵਿਚ ਸੀ। ਇਸ ਮੰਤਵ ਲਈ ਉਸ ਨੇ ਜਾਅਲੀ ਪਾਸਪੋਰਟ ਅਤੇ ਦਸਤਾਵੇਜ਼ ਪਹਿਲਾਂ ਹੀ ਬਣਾ ਰੱਖੇ ਸਨ। ਇਹ ਸਾਰਾ ਜਾਅਲੀ ਕੰਮ ਸਿਆਸੀ ਸਰਪ੍ਰਸਤੀ ਤੋਂ ਬਿਨਾ ਨਹੀਂ ਹੋ ਸਕਦਾ। ਪੁਲਿਸ ਦੀ ਜਾਂਚ ਦੌਰਾਨ ਗੁਰਪ੍ਰੀਤ ਨੇ ਭੇਦ ਖੋਲ੍ਹਿਆ ਕਿ ਨਾਭਾ ਜੇਹਲ ‘ਚੋਂ ਢਾਈ ਮਹੀਨੇ ਪਹਿਲਾਂ ਫਰਾਰ ਹੋਣ ਦੀ ਯੋਜਨਾ ਹਾਂਗਕਾਂਗ ਵਿਖੇ ਇਕ ਸਾਂਝੇ ਦੋਸਤ ਹਰਮਨਦੀਪ ਸਿੰਘ ਰੋਮੀ ਦੇ ਤਾਲਮੇਲ ਨਾਲ ਬਣਾਈ ਗਈ ਸੀ। ਉਹ ਵੱਖ ਵੱਖ ਟੈਲੀਫੋਨਾਂ ਰਾਹੀਂ ਗ੍ਰੋਹ ਦੇ ਸਾਰੇ ਮੈਂਬਰਾਂ ਨਾਲ ਸੰਪਰਕ ਵਿਚ ਰਹਿੰਦਾ ਸੀ। ਉਹ ਖੁਦ ਵੀ ਜੇਹਲ ਵਿਚ ਰਹਿ ਚੁੱਕਾ । ਪੈਰੋਲ ਮਿਲਣ ਪਿੱਛੋਂ ਹਾਂਗਕਾਂਗ ਦੌੜ ਗਿਆ ਸੀ। ਹੁਣ ਖਤਰਨਾਕ ਗੈਂਗਸਟਰਾਂ ਵਿਰੁੱਧ ਪੁਲਿਸ ਦੀ ਅਜਿਹੀ ਮੁਹਿੰਮ ਪਿੱਛੋਂ ਇਕ ਗੱਲ ਤਾਂ ਸਪੱਸ਼ਟ ਹੋ ਗਈ ਕਿ ਪਿਛਲੇ ਇਕ ਦਹਾਕੇ ਦੌਰਾਨ ਪੰਜਾਬ ਨੂੰ ਦਹਿਸ਼ਤ ਦਾ ਇਕ ਅੱਡਾ ਬਣਾਉਣ ਅਤੇ ਕੰਗਾਲੀ ਦੀ ਹਾਲਤ ਤੱਕ ਪਹੁੰਚਾਉਣ ਪਿੱਛੇ ਪੁਲਿਸ, ਸਿਵਲ ਅਫਸਰਸ਼ਾਹੀ ਤੇ ਸਿਆਸਤਦਾਨਾਂ ਦੇ ਗੱਠਜੋੜ ਦਾ ਹੱਥ । ਪੰਜਾਬ ਨੂੰ ਇਸ ਕਲੰਕ ਤੋਂ ਮੁਕਤ ਕਰਨ ਲਈ ਨਵੀਂ ਮਜ਼ਬੂਤ ਸਰਕਾਰ ਦੀ ਲੋੜ ਜੋ ਦਲੇਰੀ ਨਾਲ ਇਨ੍ਹਾਂ ਬੁਰਾਈਆਂ ਦੀ ਜੜ੍ਹ ਪੁੱਟ ਸਕੇ।

ਪੰਜਾਬ ਨੂੰ ਇਸ ਵਾਰ ਨਵੇਂ ਸਿਆਸੀ ਇਨਕਲਾਬ ਦੀ ਤਾਂਘ

ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾ ਦਾ ਘਮਸਾਨ 4 ਫਰਵਰੀ ਨੂੰ ਖਤਮ ਹੋਣ ਤੋਂ ਬਾਅਦ ਵੱਖ ਵੱਖ ਸਿਆਸੀ ਪਾਰਟੀਆਂ ਦੇ ਲੀਡਰ ਅਤੇ ਉਨ੍ਹਾਂ ਦੇ ਹਮਾਇਤੀਆਂ ਨੇ ਆਪਣੀ ਜਿੱਤ ਹਾਰ ਦੇ ਅਨੁਮਾਨ ਲਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਖਬਰਾਂ ਤਾਂ ਇਹ ਵੀ ਹਨ ਕਿ ਬਹੁਤੇ ਲੀਡਰ ਜੋਤਸ਼ੀਆਂ ਦੇ ਦਰ ਖੜਕਾ ਰਹੇ ਹਨ ਤਾਕਿ ਦਿਲ ਨੂੰ ਕੋਈ ਤਸੱਲੀ ਤਾਂ ਮਿਲੇ। ਪਰ ਇਹ ਕੰਮ ਰਾਤ ਦੇ ਹਨੇਰੇ ਵਿਚ ਹੁੰਦਾ । ਇਸ ਵਾਰ ਸੂਬੇ ਦੇ ਕਰੀਬ ਦੋ ਕਰੋੜ ਵੋਟਰਾਂ ਨੇ ਵੀ ਚਲਾਕੀ ਤੋਂ ਕੰਮ ਲਿਆ । ਵੋਟ ਪਾਉਣ ਦੇ ਆਖਿਰੀ ਸਮੇਂ ਤੱਕ ਉਹ ਹਰੇਕ ਪਾਰਟੀ ਦੇ ਉਮੀਦਵਾਰ ਦੇ ਹੱਕ ਵਿਚ ਵੋਟ ਪਾਉਣ ਦਾ ਲਾਰਾ ਲਾਉਂਦੇ ਰਹੇ ਕਿ ਸਾਰੇ ਟੱਬਰ ਦੀ ਵੋਟ ਉਨ੍ਹਾਂ ਦੇ ਹੱਕ ਵਿਚ ਪੱਕੀ । ਅਜਿਹਾ ਕਰਕੇ ਸਾਰੇ ਉਮੀਦਵਾਰਾਂ ਦੀਆਂ ਜੇਬਾਂ ਹਲਕੀਆਂ ਕਰਦੇ ਰਹੇ। ਪਰ ਉਮੀਦਵਾਰ ਵੀ ਘੱਟ ਨਾ ਨਿਕਲੇ। ਕੁਝ ਥਾਵਾਂ ‘ਤੇ ਵੋਟਰਾਂ ਉਪਰ ਸ਼ਰਤ ਲੱਗ ਗਈ ਕਿ ਪੋਲ ਹੋਈ ਵੋਟ ਦਾ ਸਬੂਤ ਲੈ ਆਉਣ ਤੇ ਆਪਣਾ ਮੁਆਵਜ਼ਾ ਹਾਸਲ ਕਰ ਲੈਣ। ਅਸੀਂ ਸਮਝਦੇ ਹਾਂ ਕਿ 75 ਫੀਸਦੀ ਤੋਂ ਵੱਧ ਵੋਟਰਾਂ ਨੇ ਵਿਕਾਊ ਬਣ ਕੇ ਵੋਟਾਂ ਪਾਈਆਂ ਹਨ। ਨਸ਼ਿਆਂ, ਭਰਿਸ਼ਟਾਚਾਰ ਤੇ ਵਿਕਾਸ ਆਦਿ ਦਾ ਮੁੱਦਿਆਂ ਬਾਰੇ ਰੌਲਾ ਚੋਣ ਪ੍ਰਚਾਰ ਦੌਰਾਨ ਸਿਰਫ ਦਿਖਾਵੇ ਲਈ ਪੈਂਦਾ । ਕੁਰਸੀ ਉਸੇ ਨੇਤਾ ਦੇ ਹੱਥ ਆਉਂਦੀ ਜਿਸ ਕੋਲ ਧਨ ਅਤੇ ਜਨ ਸ਼ਕਤੀ । ਪਰ ਇਸ ਵਾਰ ਇੰਞ ਲੱਗਦਾ ਕਿ ਵੋਟਰ ਦੀ ਆਖਿਰੀ ਵੇਲੇ ਤੱਕ ਚੁੱਪ ਨੇ ਲੀਡਰਾਂ ਦੀ ਇਸ ਆਸ ਨੂੰ ਬੂਰ ਨਹੀਂ ਪੈਣ ਦਿੱਤਾ ਕਿ ਚੋਣਾ ਦੌਲਤ ਦੇ ਜ਼ੋਰ ਨਾਲ ਹੀ ਜਿੱਤੀਆਂ ਜਾਂਦੀਆਂ ਹਨ। ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਪਿਛਲੇ ਡੇੜ੍ਹ ਦਹਾਕੇ ਤੋਂ ਇਸੇ ਫਾਰਮੂਲੇ ਦੀ ਵਰਤੋਂ ਕਰਕੇ ਪੰਜਾਬ ਨੂੰ ਤਬਾਹੀ ਦੀ ਮੌਜੂਦਾ ਹਾਲਤ ਤੱਕ ਪਹੁੰਚਾਉਣ ਲਈ ਜ਼ੁੰਮੇਵਾਰ ਹਨ। ਉਨ੍ਹਾਂ ਦੀ ਰਾਜਨੀਤੀ ਦਾ ਇਕ ਵਿਸ਼ੇਸ਼ ਅੰਦਾਜ਼ ਰਿਹਾ ਕਿ ਪੂਰੀ ਤਾਕਤ ਨਾਲ ਲੋਕਾਂ ਨਾਲ ਝੂਠੇ ਵਾਅਦੇ ਕਰੋ। ਦਿਖਾਵੇ ਲਈ ਨਹਿਰਾਂ, ਦਰਿਆਵਾਂ ਵਿਚ ਟਰਾਂਸਪੋਰਟ ਚਲਾ ਦਿਓ। ਲੁੱਟਣ ਅਤੇ ਕੁੱਟਣ ਦੇ ਸਾਧਨਾਂ ਦੀ ਵਰਤੋਂ ਕਰਕੇ, ਅਰਬਾਂ ਖਰਬਾਂ ਦੀ ਜਮ੍ਹਾਂ ਕੀਤੀ ਦੌਲਤ ‘ਚੋਂ ਪਾਰਟੀ ਦੇ ਹਰੇਕ ਉਮੀਦਵਾਰ ਨੂੰ 87 ਕਰੋੜ ਰੁਪੈ ਦਾ ਫੰਡ ਦੇ ਕੇ ਸੀਟ ਹਾਸਲ ਕਰਨ ਦੀ ਤਾਗੀਦ ਕੀਤੀ। ਪਰ ਪੋਲਿੰਗ ਤੋਂ ਦੋ ਹਫਤੇ ਪਹਿਲਾਂ ਜਦ ਚੈਨਲਾਂ ਦੇ ਸਰਵੇਖਣਾ ਨੇ ਅਸਲੀਅਤ ਪੇਸ਼ ਕੀਤੀ ਤਾਂ ਡੇਰਾ ਸਿਰਸਾ ਦੇ ਸਾਧ ਨਾਲ ਸੌਦੇਬਾਜ਼ੀ ਜਾ ਕੀਤੀ। ਇਸ ਵਪਾਰ ‘ਚੋਂ ਪੰਥਕ ਦਲ ਨੇ ਕੀ ਖੱਟਿਆ, ਇਸ ਦਾ ਖੁਲਾਸਾ ਤਾਂ 11 ਮਾਰਚ ਨੂੰ ਨਤੀਜਿਆਂ ਦੇ ਐਲਾਨ ਤੋਂ ਹੋਵੇਗਾ। ਪਰ ਇਕ ਹਕੀਕਤ ਸਾਹਮਣੇ ਕਿ ਇਸ ਫੈਸਲੇ ਨਾਲ ਅਕਾਲੀ ਦਲ ਬਾਦਲ ਨੂੰ ਧਾਰਮਿਕ ਤੌਰ ‘ਤੇ ਵੱਡੀ ਸੱਟ ਵੱਜੀ । ਪਿਛਲੀ ਅੱਧੀ ਸਦੀ ਤੋਂ ਪੰਥ ਦੇ ਬਾਬਾ ਬੋਹੜ ਬਣੇ ਰਹੇ ਬਾਬਾ ਬਾਦਲ ਨੇ ਉਮਰ ਦੇ ਆਖਿਰੀ ਪੜਾਅ ‘ਤੇ ਅਕਾਲ ਤਖ਼ਤ ਦੇ ਹੁਕਮਨਾਮੇ ਦੀ ਉਲੰਘਣਾ ਦਾ ਕਲੰਕ ਆਪਣੇ ਮੱਥੇ ਉਪਰ ਲੁਆ ਲਿਆ । ਇਸ ਸੌਦੇਬਾਜ਼ੀ ਨਾਲ ਨਾ ਸਿਰਫ ਸਿੱਖ ਵੋਟਰ ਨਾਰਾਜ਼ ਹੋ ਗਏ ਬਲਕਿ ਡੇਰਾ ਪ੍ਰੇਮੀਆਂ ਦੇ ਇਕ ਧੜੇ ਨੇ ਇਸ ਫੈਸਲੇ ਤੋਂ ਨਾਰਾਜ਼ ਹੋ ਕੇ ਅਕਾਲੀ ਉਮੀਦਵਾਰਾਂ ਨੂੰ ਵੋਟਾਂ ਨਾ ਪਾਈਆਂ। ਅਸੀਂ ਮਹਿਸੂਸ ਕਰਦੇ ਹਾਂ ਕਿ ਇਸ ਵਾਰ ਮੁਕਾਬਲਾ ਕਾਂਗਰਸ ਤੇ ‘ਆਪ’ ਵਿਚਕਾਰ । ਬਹੁਤ ਸਾਰੇ ਵੋਟਰਾਂ ਨੇ ਭਾਵੇਂ ‘ਆਪ’ ਨੂੰ ਵੋਟਾ ਪਾਈਆਂ ਹਨ। ਪਰ ‘ਆਪ’ ਉਪਰ ਕਾਬਜ਼ ਲੀਡਰਸ਼ਿੱਪ ਪੰਜਾਬ ਦੀ ਹਿਤੈਸ਼ੀ ਨਹੀਂ। ਉਸ ਦੇ ਕਾਬਜ਼ ਹੋਣ ਨਾਲ ਅਸਥਿਰਤਾ ਦਾ ਮਾਹੌਲ ਬਣਿਆ ਰਹੇਗਾ। ਕੰਨਸੋਆਂ ਹਨ ਕਿ ਕਾਂਗਰਸ ਬਹੁਮੱਤ ਦੇ ਨੇੜੇ ਪਹੁੰਚ ਰਹੀ । ਜੇ ਉਸ ਨੂੰ ਘਾਟ ਮਹਿਸੂਸ ਹੋਈ ਤਾਂ ‘ਆਪ’ ਨੂੰ ਲਾਂਭੇ ਰੱਖਣ ਲਈ ਅਕਾਲੀ ਦਲ ਦੀ ਲੀਡਰਸ਼ਿੱਪ ਕਾਂਗਰਸ ਦੀ ਮਦਦ ਕਰੇਗੀ। ਨਤੀਜਾ ਭਾਵੇਂ ਕੁਝ ਵੀ ਹੋਵੇ, ਪੰਜਾਬ ਇਸ ਵਾਰ ਨਵੇਂ ਸਿਆਸੀ ਇਨਕਲਾਬ ਲਈ ਤਾਂਘ ਰਿਹਾ ।

ਸਿਰਸਾ ਡੇਰੇ ਨਾਲ ਸਾਂਝ ਦੀ ਅਕਾਲੀ ਦਲ ਨੂੰ ਸਜ਼ਾ ਕੌਣ ਦੇਵੇਗਾ !

ਖਾਲਸਾ ਪੰਥ ਦੇ ਸੂਰਬੀਰਾਂ ਅਤੇ ਗੁਰੂ ਸਾਹਿਬਾਨ ਵਲੋਂ ਕਾਇਮ ਕੀਤੀਆਂ ਮਹਾਨ ਰਵਾਇਤਾਂ ਨੂੰ ਤਿਲਾਂਜਲੀ ਦੇ ਚੁੱਕਾ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਉਂਝ ਤਾਂ ਆਪਣੇ ਆਪ ਨੂੰ ਖਾਲਸਾ ਪੰਥ ਅਖਵਾਉਣ ਵਿਚ ਹੇਠੀ ਸਮਝਦਾ । ਪਿਛਲੇ ਕੁਝ ਸਮੇਂ ਤੋਂ ਖੁਲ੍ਹੇਆਮ ਸਿੱਖ ਰਹਿਤ ਮਰਿਯਾਦਾ ਦੀਆਂ ਧੱਜੀਆਂ ਉਡਾਈਆਂ ਹਨ। ਅਜਿਹਾ ਕਰਨ ਲਈ ਪਾਰਟੀ ਦਾ ਦੂਜਾ ਨਾਂ ‘ਪੰਜਾਬ ਪਾਰਟੀ’ ਵੀ ਰੱਖਿਆ ਗਿਆ ਜਿਸ ਬਾਰੇ ਸੁਪਰੀਮ ਕੋਰਟ ਵਿਚ ਮੁਕੱਦਮਾ ਵੀ ਚੱਲ ਰਿਹਾ । ਗੁਰੂ ਸਾਹਿਬਾਨਾਂ ਦੇ ਸਿਧਾਂਤਾਂ ਦੀ ਇਹ ਉਲੰਘਣਾ ਪਾਰਟੀ ਦੇ ਸੁਪ੍ਰੀਮੋ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਦੀ ਹੱਲਾਸ਼ੇਰੀ ਨਾਲ ਪਾਰਟੀ ਦੇ ਹਰੇਕ ਛੋਟੇ ਵੱਡੇ ਲੀਡਰ ਵਲੋਂ ਖੁਲ੍ਹੇਆਮ ਅਤੇ ਬੇਖੌਫ ਹੋ ਕੇ ਕੀਤੀ ਜਾ ਰਹੀ । ਵਿਧਾਨ ਸਭਾ ਚੋਣਾ ਤੋਂ ਦੋ ਹਫਤੇ ਪਹਿਲਾਂ ਸਿੱਖਾਂ ਦੀ ਅਰਦਾਸ ਨੂੰ ਪੈਰੋਡੀ ਬਣਾ ਕੇ ਪੇਸ਼ ਕਰਨ ਵੇਲੇ ਮੱਥੇ ਉਪਰ ਸਿੰਧੂਰ ਲਵਾਉਣ ਵਾਲੇ ਬਾਦਲ ਪਰਿਵਾਰ ਦੇ ਚਹੇਤੇ ਸਿਕੰਦਰ ਸਿੰਘ ਮਲੂਕਾ ਦੀ ਮਿਸਾਲ ਅਜੇ ਤਾਜ਼ਾ । ਪੰਜਾਬੀ ਦੇ ਅਖਾਣ ‘ਇਕ ਨੂੰ ਰੋਂਦੀ ਏ, ਇਥੇ ਤਾਂ ਆਵਾ ਹੀ ਊਤਿਆ ਪਿਆ ਏ’ ਵਾਂਗ ਤਖ਼ਤਾਂ ਦੇ ਜਥੇਦਾਰਾਂ ਤੇ ਕੁਝ ਹੋਰ ਆਗੂਆਂ ਸਮੇਤ ਸਾਰੀ ਲੀਡਰਸ਼ਿਪ ਬਾਦਲ ਦੇ ਗੋਡੇ ਹੇਠ ਜੁੜ ਬੈਠੀ । ਇਹ ਸਭ ਕੁਝ ਦੇਖ ਕੇ ਹੈਰਾਨੀ ਹੁੰਦੀ ਕਿ ਸਿੱਖਾਂ ਦੀ ਅਣਖ ਅਤੇ ਮੜ੍ਹਕ ਕਿਹੜੇ ਹਰਨਾਂ ਦੇ ਸਿੰਗੀ ਚੜ੍ਹ ਗਈ। ਸਿਆਸੀ ਤਾਕਤ ਦੀ ਲਾਲਸਾ ਵਿਚ ਸੀਨੀਅਰ ਲੀਡਰਸ਼ਿਪ ਵੀ ਇੰਞ ਖਾਮੋਸ਼ ਜਿਵੇਂ ਪਾਰਟੀ ਵਿਚ ਉਨ੍ਹਾਂ ਦੀ ਕੋਈ ਹੋਂਦ ਹਸਤੀ ਹੀ ਨਹੀਂ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਸਮੂਹ ਖਾਲਸਾ ਪੰਥ ਲਈ ਹੁਕਮ ਕਿ ਡੇਰਾ ਸਿਰਸਾ ਸਾਧ ਨਾਲ ਮਿਲਵਰਤੋਂ ਦੀ ਹਰੇਕ ਸਿੱਖ ਲਈ ਮਨਾਹੀ । ਜਿਹੜਾ ਵੀ ਸਿੱਖ ਸਾਧ ਦੇ ਡੇਰੇ ਨਾਲ ਸਾਂਝ ਰੱਖੇਗਾ, ਉਸ ਨੂੰ ਪੰਥ ‘ਚੋਂ ਛੇਕ ਦਿੱਤਾ ਜਾਵੇਗਾ। ਪਰ ਅਕਾਲੀਆਂ ਨੂੰ ਅਜਿਹੇ ਹੁਕਮਨਾਮੇ ਦਾ ਕੋਈ ਭੈਅ ਨਹੀਂ। ਇਸੇ ਲਈ ਪੋਲਿੰਗ ਤੋਂ ਪਹਿਲਾਂ ਅਕਾਲੀ ਲੀਡਰਸ਼ਿੱਪ ਨੇ ਡੇਰੇ ਨਾਲ ਸੰਪਰਕ ਕਾਇਮ ਕਰਕੇ ਵੋਟਾਂ ਲਈ ‘ਹਾਂ’ ਹਾਸਲ ਕਰ ਲਈ ਸੀ ਤੇ ਬਦਲੇ ਵਿਚ ਪੰਜਾਬ ‘ਚ ਸਾਧ ਦਾ ਸਮਾਗਮ ਕਰਵਾਉਣਾ ਮੰਨ ਲਿਆ ਸੀ। ਪਰ ਇਸ ਸੌਦੇ ਨੂੰ ਅਤਿਅੰਤ ਗੁਪਤ ਰੱਖਿਆ ਗਿਆ। ਫੈਸਲਾ ਹੋਇਆ ਕਿ ਪੋਲਿੰਗ ਤੋਂ ਦੋ ਦਿਨ ਪਹਿਲਾਂ ਇਸ ਦਾ ਐਲਾਨ ਕੀਤਾ ਜਾਵੇਗਾ ਤਾਕਿ ਸਿੱਖਾਂ ਵਲੋਂ ਵੱਡੇ ਪੱਧਰ ‘ਤੇ ਵਿਰੋਧ ਨਾ ਹੋ ਸਕੇ। ਪਰ ਅਕਾਲੀ ਲੀਡਰਸ਼ਿੱਪ ਨੂੰ ਸ਼ਾਇਦ ਇਸ ਗੱਲ ਦਾ ਚਿੱਤ ਚੇਤਾ ਵੀ ਨਹੀਂ ਕਿ ਸਿਧਾਂਤਾਂ ਲਈ ਲੜਨ ਮਰਨ ਵਾਲੇ ਸਿੱਖਾਂ ਨੇ ਆਪਣੇ ਗੁੱਸੇ ਅਤੇ ਰੋਹ ਦਾ ਪ੍ਰਗਟਾਵਾ ਆਪਣੀ ਵੋਟ ਦੀ ਤਾਕਤ ਨਾਲ ਕੱਢ ਲਿਆ । ਸਿੱਖ ਸਿਆਸਤ ਦੇ ਮਾਹਿਰਾਂ ਦਾ ਕਹਿਣਾ ਕਿ ਡੇਰੇ ਨਾਲ ਸਮਝੌਤੇ ਦਾ ਜਿਥੇ ਅਕਾਲੀ ਉਮੀਦਵਾਰਾਂ ਨੂੰ ਕੁਝ ਫਾਇਦਾ ਮਿਲਿਆ ਹੋ ਸਕਦਾ , ਉਥੇ ਦੁੱਗਣਾ ਨੁਕਸਾਨ ਇਸ ਫੈਸਲੇ ਨਾਲ ਨਾਰਾਜ਼ ਹੋਏ ਸਿੱਖਾਂ ਦੇ ਵਿਰੋਧ ਨਾਲ ਹੋਣ ਦਾ ਅਨੁਮਾਨ । ਪਰ ਹੁਣ ਪੰਥਕ ਵਿਦਵਾਨਾਂ ਵਲੋਂ ਦਬਾਅ ਪਾਏ ਜਾਣ ਪਿੱਛੋਂ ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਬਿਆਨ ਦਿੱਤਾ ਕਿ ਜੇਹੜੇ ਵੀ ਸਿੱਖ ਵੋਟਾਂ ਮੰਗਣ ਲਈ ਡੇਰੇ ਦੀ ਪਨਾਹ ਵਿਚ ਗਏ ਹਨ, ਉਨ੍ਹਾਂ ਵਿਰੁੱਧ ਸਖ਼ਤ ਕਾਰਵਾਈ ਹੋਵੇਗੀ। ਸਾਨੂੰ ਜਥੇਦਾਰਾਂ ਦੇ ਇਸ ਬਿਆਨ ਬਾਰੇ ਸ਼ੰਕਾ । ਇਕ ਤਨਖਾਹਦਾਰ ਮੁਲਾਜ਼ਮ ਆਪਣੇ ਮਾਲਕ ਦਾ ਵਿਰੋਧ ਕਿਵੇਂ ਕਰ ਸਕਦਾ । ਅਸੀਂ ਸਮਝਦੇ ਹਾਂ ਕਿ ਅਕਾਲ ਤਖ਼ਤ ਦੇ ਹੁਕਮਨਾਮੇ ਦੀ ਅਵੱਗਿਆ ਕਰਨ ਵਾਲੀ ਲੀਡਰਸ਼ਿਪ ਨੂੰ ਸਜ਼ਾ ਤਾਂ ਮਿਲੇਗੀ ਹੀ। ਪਰ ਇਸ ਦੇ ਨਾਲ ਹੀ ਪੰਥਕ ਵਿਦਵਾਨਾਂ ਵਲੋਂ ਅਕਾਲੀਆਂ ਦੇ ਬਾਈਕਾਟ ਦੀ ਮੁਹਿੰਮ ਸ਼ੁਰੂ ਕੀਤੀ ਜਾਣੀ ਚਾਹੀਦੀ ।

ਮੁੱਖ ਮੰਤਰੀ ਬਾਦਲ ਨੂੰ ਉਸ ਦੀਆਂ ਗਲਤੀਆਂ ਨੇ ਖੁਆਰ ਕੀਤਾ

ਪਿਛਲੇ ਕੁਝ ਸਾਲਾਂ ਤੋਂ ਸਰਕਾਰ ਵਲੋਂ ਮਿਲੇ ਥਾਪੜੇ ਨਾਲ ਨਸ਼ਿਆਂ ਦੇ ਕਾਰੋਬਾਰ, ਬਦਮਾਸ਼ਾਂ ਦੀਆਂ ਸਰਗਰਮੀਆਂ, ਲੁੱਟਾਂ ਖੋਹਾਂ, ਅਗਵਾ, ਕਤਲ ਅਤੇ ਬਲਾਤਕਾਰ ਜਿਹੀਆਂ ਵਾਰਦਾਤਾਂ ਵਿਚ ਜੋ ਵਾਧਾ ਹੋਇਆ , ਉਸ ਨੇ ਅਗਲੇ ਮਹੀਨੇ 4 ਫਰਵਰੀ ਨੂੰ ਹੋਣ ਵਾਲੀਆਂ ਚੋਣਾ ਦੇ ਪ੍ਰਚਾਰ ਦੌਰਾਨ ਆਪਣਾ ਪ੍ਰਭਾਵ ਦਿਖਾਉਣਾ ਸ਼ੁਰੂ ਕਰ ਦਿੱਤਾ । ਅਕਾਲੀ ਦਲ ਵਲੋਂ ਆਪਣੇ ਸਿਆਸੀ ਭਾਈਵਾਲ ਭਾਜਪਾ ਨੂੰ ਖੁਸ਼ ਕਰਨ ਅਤੇ ਬਾਦਲ ਪਰਿਵਾਰ ਦੀ ਨੂੰਹ ਬੀਬੀ ਹਰਸਿਮਰਤ ਕੌਰ ਬਾਦਲ ਨੂੰ ਕੇਂਦਰੀ ਵਜ਼ਾਰਤ ਵਿਚ ਸ਼ਾਮਲ ਕਰਵਾਉਣ ਲਈ ਪ੍ਰਧਾਨ ਮੰਤਰੀ ਮੋਦੀ ਦੀ ਜੋ ਚਾਪਲੂਸੀ ਕੀਤੀ , ਉਸ ਦੀ ਕੀਮਤ ਸਿੱਖ ਸਿਧਾਂਤਾਂ ਦਾ ਘਾਣ ਕਰਕੇ ਚੁਕਾਈ ਗਈ । ਸ੍ਰੀ ਦਰਬਾਰ ਸਾਹਿਬ ਵਿਖੇ ਨਵੀਂ ਪਿਰਤ ਪਾਉਂਦਿਆਂ ਮੋਦੀ ਨੂੰ ਸਿਰ ‘ਤੇ ਟੋਪੀ ਪਹਿਨਾ ਕੇ ਮੱਥਾ ਟੇਕਣ ਦੀ ਇਜਾਜ਼ਤ ਦਿੱਤੀ ਗਈ। ਬਾਦਲ ਸਰਕਾਰ ਵਿਰੁੱਧ ਸਿੱਖਾਂ ਦਾ ਮਹੱਤਵਪੂਰਨ ਗੁੱਸਾ ਸਿੱਖਾਂ ਦੇ ਧਾਰਮਿਕ ਗ੍ਰੰਥਾਂ ਦੀ ਬੇਅਦਬੀ ਜੋ ਸਿੱਖ ਸਿਧਾਂਤਾਂ ਦੇ ਦੋਸ਼ੀ ਸਿਰਸਾ ਸਾਧ ਦੇ ਪੈਰੋਕਾਰ, ਸਿੱਖਾਂ ਨੂੰ ਚੈਲੰਜ ਦੇ ਕੇ ਕਰਦੇ ਰਹੇ ਹਨ। ਸਿੱਖ ਸੰਗਤਾਂ ਅਤੇ ਧਾਰਮਿਕ ਸ਼ਖਸੀਅਤਾਂ ਨੇ ਅਜਿਹੇ ਸ਼ਰਾਰਤੀਆਂ ਦੀ ਗ੍ਰਿਫਤਾਰੀ ਲਈ ਜਦ ਬਰਗਾੜੀ ਵਿਖੇ ਧਰਨਾ ਦਿੱਤਾ ਤਾਂ ਸੂਬੇ ਦੇ ਪੁਲਿਸ ਮੁਖੀ ਸੁਮੇਧ ਸੈਣੀ ਵਲੋਂ ਮਿਲੇ ਹੁਕਮ ਨਾਲ ਸ਼ਾਂਤਮਈ ਢੰਗ ਨਾਲ ਜਾਪ ਕਰ ਰਹੇ ਸਿੱਖਾਂ ਉਪਰ ਗੋਲੀ ਚਲਾ ਕੇ ਦੋ ਸਿੱਖ ਨੌਜਵਾਨਾਂ ਨੂੰ ਸ਼ਹੀਦ ਅਤੇ ਹੋਰ ਕਈਆਂ ਨੂੰ ਫੱਟੜ ਕਰ ਦਿੱਤਾ। ਸਿਤਮ ਦੀ ਗੱਲ ਇਹ ਹੋਈ ਕਿ ਬਿਨਾ ਭੜਕਾਹਟ ਤੋਂ ਗੋਲੀ ਚਲਾਉਣ ਵਾਲੇ ਪੁਲਿਸੀਆ ਵਿਰੁੱਧ ਕੋਈ ਕਾਰਵਾਈ ਨਹੀਂ ਹੋਈ। ਅਜਿਹੀਆਂ ਅਨੇਕਾਂ ਹੀ ਵਧੀਕੀਆਂ ਕਾਰਨ ਸਿੱਖਾਂ ਵਿਚ ਭਾਰੀ ਗੁੱਸਾ । ਇਸ ਰੋਹ ਨੂੰ ਜ਼ਾਹਿਰ ਕਰਨ ਦਾ ਸਿੱਖਾਂ ਨੂੰ ਹੁਣ ਮੌਕਾ ਮਿਲਿਆ । ਪਿਛਲੇ ਹਫਤੇ ਲੰਬੀ ਹਲਕੇ ਵਿਚ ਚੋਣ ਪ੍ਰਚਾਰ ਮੌਕੇ ਇਕ ਸਿੱਖ ਵਲੋਂ ਮੁੱਖ ਮੰਤਰੀ ਦੇ ਮੂੰਹ ਉਪਰ ਜੁੱਤੀ ਮਾਰੀ ਗਈ । ਮੁੱਖ ਮੰਤਰੀ ਨਾਲ ਅਜਿਹੀ ਘਟਨਾ ਪਹਿਲੀ ਵਾਰ ਵਾਪਰੀ । ਪੰਜਾਬੀਆਂ ਨੇ ਬੀਤੀ ਅੱਧੀ ਸਦੀ ਤੋਂ ਮੁੱਖ ਮੰਤਰੀ ਬਾਦਲ ਦਾ ਸਨਮਾਨ ਕਰਦਿਆਂ ਭਾਰੀ ਇੱਜ਼ਤ ਦਿੱਤੀ। ਅਕਾਲ ਤਖ਼ਤ ਵਲੋਂ ‘ਫਖ਼ਰ–ਏ–ਕੌਮ’ ਦੀ ਉਪਾਧੀ ਵੀ ਦਿੱਤੀ ਗਈ। ਪਰ ਪੁੱਤਰ ਮੋਹ ਕਾਰਨ ਸਿਆਸੀ ਜੀਵਨ ਦੇ ਆਖਿਰੀ ਦੌਰ ਵਿਚ ਸਿੱਖਾਂ ਪਾਸੋਂ ਜੁੱਤੀਆਂ ਖਾਣੀਆਂ ਪਈਆਂ। ਅਜਿਹੀ ਹਾਲਤ ਲਈ ਸਿਆਸਤ ਦੇ ਬਾਬਾ ਬੋਹੜ ਉਪਰ ਤਰਸ ਹੀ ਕੀਤਾ ਜਾ ਸਕਦਾ । ਅਸੀਂ ਸਮਝਦੇ ਹਾਂ ਕਿ ਆਪਣੇ ਆਪ ਨੂੰ ਸਿਆਸੀ ਜੀਵਨ ਦੀਆਂ ਜ਼ੁੰਮੇਵਾਰੀਆਂ ਨੂੰ ਲਾਂਭੇ ਕਰਕੇ ਸਰਕਾਰ ਚਲਾਉਣ ਦੀ ਸਾਰੀ ਜ਼ੁੰਮੇਵਾਰੀ ਆਪਣੇ ਲਾਡਲੇ ਸਪੂਤ ਦੇ ਸਪੁਰਦ ਕਰਨਾ ਸਰਦਾਰ ਬਾਦਲ ਦੀ ਵੱਡੀ ਗਲਤੀ ਸੀ। ਪੰਜਾਬ ਦੇ ਲੋਕਾਂ ਨੇ ਪਿਛਲੇ ਪੰਜ ਸਾਲਾਂ ਵਿਚ ਇਹ ਦੇਖਿਆ ਅਤੇ ਮਹਿਸੂਸ ਕੀਤਾ ਕਿ ਸੁਖਬੀਰ ਨੇ ਆਪਣੇ ਵਿਰੋਧੀਆਂ ਨੂੰ ਕੁੱਟਣ ਅਤੇ ਪੁਲਿਸ ਫੋਰਸ ਦੀ ਗਲਤ ਵਰਤੋਂ ਕਰਦਿਆਂ ਅਤੇ ਨਹਿਰਾਂ ਵਿਚ ਬੱਸਾਂ ਚਲਾਉਣ ਜਿਹੀਆਂ ਗੱਪਾਂ ਮਾਰਨ ਤੋਂ ਇਲਾਵਾ ਕੋਈ ਕੰਮ ਨਹੀਂ ਕੀਤਾ। ਆਪਣੀਆਂ ਮੰਗਾਂ ਲਈ ਵਿਖਾਵਾ ਕਰਦੇ ਸਰਕਾਰੀ ਮੁਲਾਜ਼ਮਾਂ ਅਤੇ ਸਰਕਾਰ ਦੀਆਂ ਗਲਤੀਆਂ ਕਾਰਨ ਖੁਦਕੁਸ਼ੀਆਂ ਦੇ ਰਾਹ ਪਏ ਕਿਸਾਨਾਂ ਉਪਰ ਡਾਂਗਾਂ ਵਰ੍ਹਾਉਣ ਤੋਂ ਇਲਾਵਾ ਹੋਰ ਕੋਈ ਪ੍ਰਾਪਤੀ ਨਹੀਂ। ਹੁਣ ਚੋਣਾ ਮੌਕੇ ਸਰਕਾਰ ਤੋਂ ਦੁਖੀ ਲੋਕਾਂ ਵਲੋਂ ਉਸ ਦੇ ਕਾਫਲਿਆਂ ਉਪਰ ਪਥਰਾਓ ਇਸੇ ਰੋਹ ਦਾ ਨਤੀਜਾ । ਭਾਜਪਾ ਨਾਲ ਸਾਂਝ ਦਾ ਸਿਰਫ ਇਕ ਫਾਇਦਾ ਹੋਇਆ ਕਿ ਸਰਕਾਰ ਦਸ ਸਾਲ ਤੱਕ ਚਲਦੀ ਰਹੀ । ਪਰ ਅਜਿਹੀ ਤਾਨਾਸ਼ਾਹੀ ਦੇ ਬੁਰੇ ਨਤੀਜੇ ਹੁਣ ਚੋਣਾ ਮੌਕੇ ਭੁਗਤਣੇ ਪੈਣਗੇ। ਸਰਕਾਰ ਤੋਂ ਨਾਰਾਜ਼ ਹੋਏ ਲੋਕ ਹੀ ‘ਆਪ’ ਵੱਲ ਉਲਾਰ ਹੋਏ ਹਨ ਜੋ ਪਿਛਲੇ ਥੋੜ੍ਹੇ ਜਿਹੇ ਸਮੇਂ ਵਿਚ ਪੰਜਾਬ ਅਤੇ ਪੰਥ ਲਈ ਖਤਰਾ ਬਣ ਗਈ ।

‘ਦੇਸ ਪ੍ਰਦੇਸ’ ਦੇ ਪ੍ਰਸੰਸਕਾਂ ਨੇ ਪੁਰੇਵਾਲ ਨੂੰ ਅਜੇ ਤੱਕ ਜਿਊਂਦਾ ਰੱਖਿਆ !

‘ਦੇਸ ਪ੍ਰਦੇਸ’ ਦੇ ਬਾਨੀ ਸੰਪਾਦਕ ਤਰਸੇਮ ਸਿੰਘ ਪੁਰੇਵਾਲ ਦਾ 24 ਜਨਵਰੀ 1995 ਦੀ ਸ਼ਾਮ ਉਸ ਦੇ ਦਫਤਰ ਸਾਹਮਣੇ ਜਦੋਂ ਕਤਲ ਹੋਇਆ ਤਾਂ ਇਹ ਖਬਰ ਸਾਰੀ ਦੁਨੀਆ ਵਿਚ ਅੱਗ ਵਾਂਗ ਫੈਲ ਗਈ। ਉਸ ਵੇਲੇ ਪੰਜਾਬ ਵਿਚ ਸੂਬੇ ਦੇ ਮੁੱਖ ਮੰਤਰੀ ਬੇਅੰਤ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਮੁਖੀ ਕੇੰਪੀੰਐਸੰ ਗਿੱਲ ਨੇ ਖਾਲਿਸਤਾਨ ਦੇ ਹਮਾਇਤੀ ਸਿੱਖਾਂ ਨੂੰ ਅੰਨ੍ਹੇਵਾਹ ਕਤਲ ਕਰਨ ਦੀ ਮੁਹਿੰਮ ਸ਼ੁਰੂ ਕਰ ਰੱਖੀ ਸੀ। ਪੰਜਾਬ ਦੇ ਮਾਝਾ ਖਿੱਤੇ ਵਿਚ ਤਾਂ ਪੁਲਿਸ ਵਲੋਂ ਰੋਜ਼ਾਨਾ ਹੀ 30–40 ਸਿੱਖਾਂ ਦੀਆਂ ਲਾਸ਼ਾਂ ਵੱਖ ਵੱਖ ਸ਼ਮਸ਼ਾਨਘਾਟਾਂ ਵਿਚ ਸਾੜੀਆਂ ਜਾਂਦੀਆਂ ਜਾਂ ਨਦੀਆਂ ਨਹਿਰਾਂ ਵਿਚ ਰੋੜ੍ਹ ਦਿੱਤੀਆਂ ਜਾਂਦੀਆਂ ਸਨ। ਸਿੱਖਾਂ ਦਾ ਅਜਿਹਾ ਕਤਲੇਆਮ ਅਠ੍ਹਾਰਵੀਂ ਸਦੀ ਦੇ ਜ਼ੁਲਮ ਦੀ ਯਾਦ ਤਾਜ਼ਾ ਕਰਵਾ ਰਿਹਾ ਸੀ ਜਦ ਸਿੱਖਾਂ ਦੇ ਸਿਰਾਂ ਦੇ ਮੁੱਲ ਵੱਟੇ ਜਾਂਦੇ ਸਨ। ਉਸੇ ਤਰ੍ਹਾਂ ਸਰਕਾਰ ਵਲੋਂ ਪੁਲਿਸ ਮਲਾਜ਼ਮਾਂ ਨੂੰ ਇਨਾਮ ਦਿੱਤੇ ਜਾਂਦੇ ਸਨ। ਉਸੇ ਦੌਰ ਵਿਚ ਸਿਪਾਹੀ ਤੋਂ ਅਫਸਰ ਬਣੇ ਗੁਰਮੀਤ ਪਿੰਕੀ ਵਰਗੇ ਥਾਣੇਦਾਰ ਅੱਜ ਵੀ ਇਸ ਹਕੀਕਤ ਦੀ ਗਵਾਹੀ ਭਰਦੇ ਹਨ। ਸਿਤਮ ਦੀ ਗੱਲ ਇਹ ਸੀ ਕਿ ਸਿੱਖਾਂ ਦੇ ਅਜਿਹੇ ਘਾਣ ਦਾ ਦਰਦ ਸੁਣਨ ਵਾਲਾ ਕੋਈ ਨਹੀਂ ਸੀ। ਪੰਜਾਬ ਸਮੇਤ ਭਾਰਤ ਦਾ ਸਾਰਾ ਮੀਡੀਆ ਸਰਕਾਰੀ ਦਹਿਸ਼ਤ ਦੀ ਘੁਰਕੀ ਹੇਠ ਸਾਹ ਲੈ ਰਿਹਾ ਸੀ। ਫਿਰਕੂ ਮਹਾਸ਼ਾ ਪ੍ਰੈਸ ਤਾਂ ਉਂਝ ਵੀ ਖੁਸ਼ ਸੀ ਕਿ ਸਿੱਖਾਂ ਨੂੰ ਸਬਕ ਸਿਖਾਇਆ ਜਾ ਰਿਹਾ । ਪਰ ਵਿਦੇਸ਼ਾਂ ਵਿਚ ਪੰਜਾਬੀ ਪ੍ਰੈਸ ਆਪਣੇ ਗੁਪਤ ਵਸੀਲਿਆਂ ਰਾਹੀਂ ਅਜਿਹੇ ਜ਼ੁਲਮ ਨੂੰ ਹਰ ਹਫਤੇ ਨੰਗਾ ਕਰ ਰਿਹਾ ਸੀ। ਪੰਜਾਬ ਤੋਂ ਦਿੱਲੀ ਰਾਹੀਂ ਖਬਰਾਂ ਅਤੇ ਸ਼ਹੀਦ ਕੀਤੇ ਸਿੱਖਾਂ ਦੀਆਂ ਤਸਵੀਰਾਂ ਮੰਗਵਾ ਕੇ ਹਰ ਹਫਤੇ ‘ਦੇਸ ਪ੍ਰਦੇਸ’ ਵਿਚ ਛਾਪੀਆਂ ਜਾਂਦੀਆਂ। ‘ਦੇਸ ਪ੍ਰਦੇਸ’ ਦੀ ਅਜਿਹੀ ਕਵਰੇਜ਼ ਨਾਲ ਪੰਜਾਬ ਅਤੇ ਹੋਰਨਾਂ ਸੂਬਿਆਂ ਦੀ ਪੁਲਿਸ ਵਲੋਂ ਸਿੱਖਾਂ ਉਪਰ ਕਹਿਰ ਦਾ ਵੇਰਵਾ ਜਿਥੇ ਵਿਦੇਸ਼ੀ ਸਿੱਖਾਂ ਵਿਚ ਰੋਹ ਪੈਦਾ ਕਰ ਰਿਹਾ ਸੀ, ਉਥੇ ਵਿਦੇਸ਼ੀ ਸਰਕਾਰਾਂ ਵੀ ਇਸ ਜ਼ੁਲਮ ਦਾ ਨੋਟਿਸ ਲੈ ਰਹੀਆਂ ਸਨ। ਵਿਸ਼ਵ ਦੀਆਂ ਵੱਡੀਆਂ ਤਾਕਤਾਂ ਵਲੋਂ ਭਾਰਤ ਉਪਰ ਦਬਾਅ ਪੈ ਰਿਹਾ ਸੀ ਕਿ ਉਹ ਅਣਮਨੁੱਖੀ ਜ਼ੁਲਮ ਨੂੰ ਬੰਦ ਕਰੇ। ਇਸ ਦੇ ਨਾਲ ਹੀ ਲੰਡਨ ਦੇ ਭਾਰਤੀ ਦੂਤਾਵਾਸ ਵਲੋਂ ‘ਦੇਸ ਪ੍ਰਦੇਸ’ ਵਲੋਂ ਕਵਰੇਜ ਦੀ ਸਾਰੀ ਰਿਪੋਰਟ ਹਰ ਹਫਤੇ ਭਾਰਤ ਸਰਕਾਰ ਤੱਕ ਪਹੁੰਚਦੀ ਕੀਤੀ ਜਾਂਦੀ ਸੀ। ‘ਦੇਸ ਪ੍ਰਦੇਸ’ ਵਿਚ ਛਪਦੀ ਅਜਿਹੀ ਸਮੱਗਰੀ ਨਾਲ ਯੂਰਪ ਭਰ ਦੇ ਸਿੱਖਾਂ ਵਿਚ ਭਾਰਤ ਸਰਕਾਰ ਵਿਰੁੱਧ ਭਾਰੀ ਰੋਹ ਪੈਦਾ ਹੋ ਗਿਆ। ਇਨ੍ਹਾਂ ਮੁਲਕਾਂ ਦੇ ਭਾਰਤੀ ਦੂਤਘਰਾਂ ਅੱਗੇ ਭਾਰੀ ਵਿਖਾਵੇ ਹੋਣ ਲੱਗੇ ਜਿਸ ਨਾਲ ਭਾਰਤੀ ਹਾਕਮਾਂ ਨੂੰ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਇਸੇ ਦੌਰਾਨ ਤਰਸੇਮ ਸਿੰਘ ਪੁਰੇਵਾਲ ਨਾਲ ਗੈਰਸਰਕਾਰੀ ਤੌਰ ‘ਤੇ ਸੰਪਰਕ ਵੀ ਹੁੰਦਾ ਰਿਹਾ ਕਿ ਉਹ ਭਾਰਤ ਸਰਕਾਰ ਵਿਰੁੱਧ ਭੰਡੀ ਪ੍ਰਚਾਰ ਬੰਦ ਕਰੇ ਤਾਂ ਉਸ ਨੂੰ ਢੁੱਕਵਾਂ ਮੁਆਵਜ਼ਾ ਮਿਲੇਗਾ। ਪਰ ਪੁਰੇਵਾਲ ਸਹਿਮਤ ਨਾ ਹੋਇਆ। ਪੁਲਿਸ ਮੁਖੀ ਕੇੰਪੀੰਐਸੰ ਖੁਦ ਲੰਡਨ ਆਇਆ ਤਾਂ ਭਾਰਤੀ ਅੰਬੈਸੀ ਰਾਹੀਂ ਪੁਰੇਵਾਲ ਨਾਲ ਮੁਲਾਕਾਤ ਲਈ ਸੁਨੇਹਾ ਭੇਜਿਆ। ਪਰ ਕੁਝ ਨਜ਼ਦੀਕੀ ਦੋਸਤਾਂ ਨੇ ਜਾਣ ਤੋਂ ਮਨ੍ਹਾ ਕਰ ਦਿੱਤਾ। ਭਾਰਤ ਸਰਕਾਰ ਵਲੋਂ ਅਜਿਹੀਆਂ ਸਰਗਰਮੀਆਂ ਅੱਧ ਜਨਵਰੀ 95 ਤੱਕ ਹੁੰਦੀਆਂ ਰਹੀਆਂ। ਉਸੇ ਸਮੇਂ ਦੌਰਾਨ ਪੁਰੇਵਾਲ ਪਾਕਿਸਤਾਨ ਦੀ ਫੇਰੀ ਤੋਂ ਬਾਅਦ ਬ੍ਰਤਾਨੀਆ ਦੀਆਂ ਕੁਝ ਖਾਲਿਸਤਾਨੀ ਜਥੇਬੰਦੀਆਂ ਦੀ ਕਾਰਗੁਜ਼ਾਰੀ ਤੋਂ ਖਫਾ ਸਨ ਜੋ ਪੰਜਾਬ ਵਿਚ ਸਿੱਖ ਸ਼ਹੀਦਾਂ ਦੇ ਨਾਂ ਉਪਰ ਮਾਇਆ ਇਕੱਠੀ ਕਰਕੇ ਆਪਣੀਆਂ ਤਿਜੌਰੀਆਂ ਭਰ ਰਹੇ ਸਨ। ਇਸੇ ਸਿਆਸੀ ਘੜਮੱਸ ਵਿਚ 24 ਜਨਵਰੀ 95 ਦੀ ਸ਼ਾਮ ਨੂੰ ਪੁਰੇਵਾਲ ਭਾੜੇ ਦੇ ਕਿਸੇ ਕਾਤਲ ਦੀਆਂ ਗੋਲੀਆਂ ਦਾ ਸ਼ਿਕਾਰ ਹੋ ਗਿਆ। ਬ੍ਰਤਾਨੀਆ ਸਰਕਾਰ ਅੱਜ ਤੱਕ ਵੀ ਕਾਤਲ ਦਾ ਖੁਰਾ ਖੋਜ ਨਹੀਂ ਲੱਭ ਸਕੀ। ਉਸ ਕਲਮੀ ਯੋਧੇ ਦੀ 24 ਜਨਵਰੀ ਨੂੰ 22ਵੀਂ ਬਰਸੀ ਮੌਕੇ ਅਦਾਰਾ ‘ਦੇਸ ਪ੍ਰਦੇਸ’ ਅਤੇ ਉਨ੍ਹਾਂ ਦੇ ਸਨੇਹੀ ਅਤੇ ਪਰਿਵਾਰ ਹਾਰਦਿਕ ਸ਼ਰਧਾਂਜਲੀ ਭੇਟ ਕਰਦੇ ਹਨ।

ਅਰਦਾਸ ਦੀ ਬੇਅਦਬੀ ਲਈ ਮੰਤਰੀ ਨੂੰ ਸਜ਼ਾ ਜਾਂ ਸੇਵਾ !

ਜਿਵੇਂ ਕਿ ਪਹਿਲਾਂ ਹੀ ਇਸ ਗੱਲ ਦੀ ਆਸ ਸੀ, ਸਰਕਾਰੀ ਸਰਪ੍ਰਸਤੀ ਵਾਲੇ ਜਥੇਦਾਰਾਂ ਨੇ 8 ਜਨਵਰੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਮੀਟਿੰਗ ਕਰਕੇ ਅਕਾਲੀ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਨੂੰ, ਸਿੱਖ ਅਰਦਾਸ ਦੀ ਬੇਅਦਬੀ ਕਰਨ ਦੇ ਮਾਮਲੇ ਵਿਚ ਮਾਮੂਲੀ ਜਿਹੀ ਤਨਖਾਹ ਲਾ ਕੇ ਸਾਰੇ ਦੋਸ਼ਾਂ ਤੋਂ ਮੁਕਤ ਕਰ ਦਿੱਤਾ । ਇਸ ਮਾਮਲੇ ਦੀ ਜਾਂਚ ਲਈ ਬਣਾਈ ਤਿੰਨ ਮੈਂਬਰੀ ਜਾਂਚ ਕਮੇਟੀ ਦੀ ਰਿਪੋਰਟ ਪਿੱਛੋਂ ਮਲੂਕਾ ਨੂੰ ਹੁਕਮ ਦਿੱਤਾ ਗਿਆ ਕਿ ਉਹ ਇਸ ਗਲਤੀ ਦੇ ਪਛਤਾਵੇ ਲਈ ਸ੍ਰੀ ਹਰਿਮੰਦਰ ਸਾਹਿਬ ਅੰਮ੍ਰਿਤਸਰ ਵਿਖੇ ਇਕ ਅਖੰਡਪਾਠ ਕਰਵਾਏ, ਤਿੰਨ ਦਿਨਾਂ ਤੱਕ ਰੋਜ਼ਾਨਾ ਇਕ ਘੰਟਾ ਜੋੜੇ ਸਾਫ ਕਰੇ, ਇਕ ਘੰਟਾ ਲੰਗਰ ਵਿਚ ਜੂਠੇ ਭਾਂਡੇ ਸਾਫ ਕਰੇ ਅਤੇ ਅਖੰਡ ਪਾਠਾਂ ਦੀ ਹਾਜ਼ਰੀ ਭਰੇ। ਇਸ ਦੇ ਨਾਲ ਹੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ 51 ਹਜ਼ਾਰ ਅਤੇ ਤਖ਼ਤ ਦਮਦਮਾ ਸਾਹਿਬ ਵਿਖੇ ਲੰਗਰ ਅਤੇ ਜੂਠੇ ਬਰਤਨਾਂ ਦੀ ਸੇਵਾ ਦੇ ਨਾਲ 31 ਹਜ਼ਾਰ ਰੁਪੈ ਦੀ ਮਾਇਆ ਭੇਟ ਕਰੇ। ਇਹ ਦੋਵੇਂ ਸਜ਼ਾਵਾਂ ਭੁਗਤਣ ਪਿੱਛੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਹਾਜ਼ਰ ਹੋ ਕੇ ਪੰਜ ਸੌ ਰੁਪੈ ਦਾ ਕੜਾਹ ਪ੍ਰਸ਼ਾਦ ਕਰਵਾਉਂਦਿਆਂ ਖਿਮਾ ਜਾਚਨਾ ਦੀ ਅਰਦਾਸ ਕਰਵਾਏ। ਇਸੇ ਤਰ੍ਹਾਂ ਦੀ ਸਜ਼ਾ 2014 ਵਿਚ ਮਾਲ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੂੰ ਦਿੱਤੀ ਗਈ ਸੀ ਜਿਸ ਨੇ ਪਾਰਲੀਮੈਂਟ ਦੀ ਚੋਣ ਮੁਹਿੰਮ ਵੇਲੇ ਅੰਮ੍ਰਿਤਸਰ ਵਿਖੇ ਭਾਜਪਾ ਦੇ ਉਮੀਦਵਾਰ ਅਤੇ ਮੌਜੂਦਾ ਖਜ਼ਾਨਾ ਮੰਤਰੀ ਜੇਤਲੀ ਦੀ ਸ਼ਾਨ ਵਿਚ ਗੁਰਬਾਣੀ ਨੂੰ ਵਿਗਾੜਦਿਆਂ ਕਸੀਦੇ ਪੜ੍ਹੇ ਸਨ। ਅਕਾਲ ਤਖ਼ਤ ਸਾਹਿਬ ਵਿਖੇ ਅਜਿਹੀ ਸਜ਼ਾ ਹੋਰ ਗੁਨਾਹਗਾਰਾਂ ਨੂੰ ਵੀ ਦਿੱਤੀ ਜਾਂਦੀ ਰਹੀ । ਹੈਰਾਨੀ ਦੀ ਗੱਲ ਕਿ ਜਥੇਦਾਰਾਂ ਵਲੋਂ ਸ੍ਰੀ ਦਰਬਾਰ ਸਾਹਿਬ ਵਿਖੇ ਅਖੰਡ ਪਾਠ ਕਰਵਾਉਣ, ਸੰਗਤਾਂ ਦੇ ਜੋੜੇ ਅਤੇ ਲੰਗਰ ਦੇ ਜੂਠੇ ਬਰਤਨ ਸਾਫ ਕਰਨ ਦੀ ਸੇਵਾ ਨੂੰ ਸਜ਼ਾ ਦਾ ਨਾਂ ਦਿੱਤਾ ਜਾ ਰਿਹਾ । ਅਜਿਹੀ ਸੇਵਾ ਨੂੰ ਹਰੇਕ ਸਿੱਖ ਆਪਣੇ ਧੰਨ ਭਾਗ ਸਮਝ ਕੇ ਕਰਦਾ । ਅਸੀਂ ਰੋਜ਼ਾਨਾ ਹੀ ਸੰਗਤਾਂ ਨੂੰ ਅਜਿਹੀ ਸੇਵਾ ਕਰਦਿਆਂ ਦੇਖਦੇ ਹਾਂ। ਸ੍ਰੀ ਦਰਬਾਰ ਸਾਹਿਬ, ਅਕਾਲ ਤਖ਼ਤ ਅਤੇ ਹੋਰ ਗੁਰੂਘਰਾਂ ਵਿਚ ਸ਼ਰਧਾਲੂ ਸੰਗਤਾਂ ਅਜਿਹੀ ਸੇਵਾ ਦਾ ਮੌਕਾ ਮਿਲਣ ਨੂੰ ਆਪਣੇ ਵੱਡੇ ਭਾਗ ਸਮਝਦੀਆਂ ਹਨ। ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਅਖੰਡ ਪਾਠ ਕਰਵਾਉਣ ਲਈ ਦੇਸ਼ ਵਿਦੇਸ਼ ਦੀਆਂ ਸੰਗਤਾਂ ਆਪਣੀ ਬੁਕਿੰਗ ਕਰਵਾਉਣ ਦੇ ਬਾਵਜੂਦ ਵਰ੍ਹਿਆਂਬੱਧੀ ਉਡੀਕ ਕਰਦੀਆਂ ਹਨ। ਇਸ ਤੋਂ ਇਲਾਵਾ 50 ਹਜ਼ਾਰ ਜਾਂ ਲੱਖ ਰੁਪੈ ਦੀ ਭੇਟਾ ਕਰਨਾ ਮਲੂਕਾ ਵਰਗੇ ਮੰਤਰੀ ਲਈ ਮਾਮੂਲੀ ਗੱਲ । ਅਸੀਂ ਸਮਝਦੇ ਹਾਂ ਕਿ ਗੁਰੂ ਗੋਬਿੰਦ ਸਿੰਘ ਦਾ ਭੇਸ ਧਾਰਨ ਕਰਨ ਵਾਲਾ ਸਿਰਸਾ ਸਾਧ ਵੀ ਜੇਕਰ ਅਕਾਲ ਤਖ਼ਤ ਵਿਖੇ ਪੇਸ਼ ਹੋ ਜਾਂਦਾ ਤਾਂ ਸਜ਼ਾ ਦੇ ਨਾਂ ਉਪਰ ਉਸ ਨੂੰ ਵੀ ਅਜਿਹੀ ਵੱਡਮੁੱਲੀ ਸੇਵਾ ਦਾ ਸੁਭਾਗ ਪ੍ਰਾਪਤ ਹੋ ਜਾਣਾ ਸੀ। ਦਰਅਸਲ ਸਰਕਾਰੀ ਸਰਪ੍ਰਸਤੀ ਵਾਲੇ ਜਥੇਦਾਰਾਂ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਸਰਬਉੱਚਤਾ ਨੂੰ ਬਹੁਤ ਨੀਵਾਂ ਕਰ ਦਿੱਤਾ। ਇਹੋ ਵਜਾਹ ਕਿ ਸਿੱਖ ਧਰਮ ਦੀ ਮਰਿਆਦਾ ਉਪਰ ਰੋਜ਼ਾਨਾ ਹਮਲੇ ਹੋ ਰਹੇ ਹਨ। ਆਪਣੇ ਆਪ ਨੂੰ ਪੰਥਕ ਅਖਵਾਉਣ ਵਾਲੀ ਸਰਕਾਰ ਖੁਦ ਕਈ ਵਾਰ ਅਜਿਹੀ ਅਵੱਗਿਆ ਕਰ ਚੁੱਕੀ । ਪਰ ਜਥੇਦਾਰਾਂ ਨੇ ਇਸ ਦਾ ਕਦੇ ਨੋਟਿਸ ਨਹੀਂ ਲਿਆ। ਸਿਕੰਦਰ ਸਿੰਘ ਮਲੂਕਾ ਨੂੰ ਸਜ਼ਾ ਭਾਵੇਂ ਸੁਣਾਈ ਗਈ । ਪਰ ਅਜੇ ਤੱਕ ਉਸ ਨੇ ਆਪਣੇ ਗੁਨਾਹ ਨੂੰ ਕਬੂਲ ਨਹੀਂ ਕੀਤਾ ਬਲਕਿ ਵਿਗਾੜੀ ਅਰਦਾਸ ਨੂੰ ਸਹੀ ਸਾਬਤ ਕਰਨ ਲਈ ਇਲਾਹਾਬਾਦ ਯੂਨੀਵਰਸਿਟੀ ਵਿਖੇ ਖੋਜ ਕਰਵਾ ਰਿਹਾ । ਸਰਕਾਰੀ ਜਥੇਦਾਰਾਂ ਦੇ ਅਜਿਹੇ ਪੱਖਪਾਤੀ ਫੈਸਲੇ ਦੇ ਮੁਕਾਬਲੇ ਪੰਥਕ ਜਥੇਦਾਰਾਂ ਨੇ ਢੁੱਕਵੀਂ ਸਜ਼ਾ ਲਈ ਮਲੂਕਾ ਨੂੰ ਅਕਾਲ ਤਖ਼ਤ ਵਿਖੇ 24 ਜਨਵਰੀ ਦੀ ਪੇਸ਼ੀ ਦਾ ਹੁਕਮ ਦਿੱਤਾ । ਪਰ ਉਸ ਵਲੋਂ ਅਜਿਹੇ ਹੁਕਮ ਨੂੰ ਮੰਨਣ ਦੀ ਆਸ ਨਹੀਂ।

ਪੱਥਰਬਾਜ਼ੀ ਨਾਲ ਪੰਜਾਬ ਦੇ ਚੇਹਰੇ ਨੂੰ ਦਾਗੀ ਕਰਨ ਤੋਂ ਗੁਰੇਜ਼ ਕੀਤਾ ਜਾਵੇ

ਪੰਜਾਬ ਵਿਚ ਪਿਛਲੇ ਸਮੇਂ ਦੌਰਾਨ ਹੁੰਦੀਆਂ ਰਹੀਆਂ ਚੋਣਾ ਵਿਚ ਹਿੰਸਾ ਦੀਆਂ ਵਾਰਦਾਤਾਂ ਲਈ ਹਮੇਸ਼ਾ ਹੀ ਅਕਾਲੀ ਦਲ ਨੂੰ ਜ਼ੁੰਮੇਵਾਰ ਦੱਸਿਆ ਜਾਂਦਾ ਰਿਹਾ । ਇਸ ਦੂਸ਼ਣਬਾਜ਼ੀ ਨੂੰ ਕਿਸੇ ਹੱਦ ਤੱਕ ਸਹੀ ਵੀ ਦੱਸਿਆ ਗਿਆ , ਕਿਉਂਕਿ ਸੁਖਬੀਰ ਬਾਦਲ ਨੇ ਡਿਪਟੀ ਮੁੱਖ ਮੰਤਰੀ ਬਣ ਕੇ ਗ੍ਰਹਿ ਮਹਿਕਮੇ ਦਾ ਭਾਰ ਖੁਦ ਸੰਭਾਲ ਲਿਆ। ਉਂਝ ਵੀ ਪਾਰਟੀ ਦੇ ਸਰਪ੍ਰਸਤ ਅਤੇ ਮੁੱਖ ਮੰਤਰੀ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਨੇ ਪੁੱਤਰ ਮੋਹ ਦੀ ਭਾਵਨਾ ਅਧੀਨ ਸੁਖਬੀਰ ਨੂੰ ਖੁੱਲ੍ਹੀ ਛੁੱਟੀ ਦੇ ਦਿੱਤੀ। ਮੁੱਖ ਮੰਤਰੀ ਨੇ ਦਖਲ ਦੇਣਾ ਭਾਵੇਂ ਬੰਦ ਤਾਂ ਨਾ ਕੀਤਾ। ਪਰ ਪੁੱਤਰ ਦੀਆਂ ਆਪਹੁਦਰੀਆਂ ਵੱਲ ਅੱਖਾਂ ਮੀਟ ਲਈਆਂ। ਨਤੀਜਾ ਇਹ ਨਿਕਲਿਆ ਕਿ ਪੁਲਿਸ ਫੋਰਸ ਜ਼ੀਰੋ ਹੋ ਕੇ ਰਹਿ ਗਈ। ਉਸ ਨੇ ਸੂਬੇ ਵਿਚ ਅਮਨ ਕਾਨੂੰਨ ਦੀ ਰਾਖੀ ਕਰਨ ਦੀ ਥਾਂ ਸਿਆਸਤਦਾਨਾਂ ਨਾਲ ਮਿਲ ਕੇ ਲੋਕਾਂ ਨੂੰ ਬੇਦਰਦੀ ਨਾਲ ਲੁੱਟਿਆ। ਅਜਿਹੀ ਹਨੇਰਗਰਦੀ ਵਿਚ ਗੁੰਡਿਆਂ ਦਾ ਇਕ ਵਰਗ ਉਪ ਮੁੱਖ ਮੰਤਰੀ ਦੇ ਆਲੇ ਦੁਆਲੇ ਇਕੱਠਾ ਹੋ ਗਿਆ ਜਿਸ ਨੇ ਪੰਜਾਬ ਵਿਚ ਕਤਲਾਂ, ਡਾਕਿਆਂ, ਅਗਵਾ, ਫਿਰੌਤੀਆਂ ਅਤੇ ਬਲਾਤਕਾਰਾਂ ਜਿਹੇ ਜੁਰਮਾਂ ਦੀ ਹਨੇਰੀ ਲਿਆ ਦਿੱਤੀ। ਅਜਿਹੇ ਹਾਲਾਤ ਤੋਂ ਤੰਗ ਪਏ ਲੋਕਾਂ ਵਿਚ ਸਿਆਸੀ ਹਾਲਾਤ ਨੂੰ ਬਦਲਣ ਦੀ ਤਾਂਘ । ਅਕਾਲੀ ਆਗੂ ਅਗਲੇ ਮਹੀਨੇ ਦੀਆਂ ਚੋਣਾ ਵਿਚ ਜਿੱਤ ਲਈ ਭਾਵੇਂ ਪੂਰੀ ਵਾਹ ਲਾ ਰਹੇ ਹਨ। ਪਰ ਸੁਖਬੀਰ ਬਾਦਲ ਦੀ ਚੋਣ ਵਾਲੇ ਜਲਾਲਾਬਾਦ ਹਲਕੇ ਦੇ ਪਿੰਡ ਕੰਧਵਾਲਾ ‘ਚ 8 ਜਨਵਰੀ ਨੂੰ ਜੋ ਘਟਨਾ ਵਾਪਰੀ, ਉਸ ਨੇ ਇਹ ਸੰਕੇਤ ਦਿੱਤਾ ਕਿ ਇਸ ਵਾਰ ਡਾਂਗ ਦੇ ਜ਼ੋਰ ਨਾਲ ਚੋਣ ਜਿੱਤਣ ਦੀ ਨੀਤੀ ਦੇ ਰਾਹ ਵਿਚ ਮੁਸ਼ਕਲਾਂ ਖੜੀਆਂ ਹੋ ਗਈਆਂ ਹਨ। ਵਾਰਦਾਤ ਅਨੁਸਾਰ ਸੁਖਬੀਰ ਬਾਦਲ ਕੰਧਵਾਲਾ ਪਿੰਡ ਵਿਚ ਚੋਣ ਪ੍ਰਚਾਰ ਕਰਨ ਉਪਰੰਤ ਜਦ ਦੇਰ ਸ਼ਾਮ ਰਵਾਨਾ ਹੋਣ ਲੱਗੇ ਤਾਂ ਕੁਝ ਲੋਕਾਂ ਨੇ ਉਸ ਦੇ ਕਾਫਲੇ ਉਪਰ ਪਥਰਾਓ ਕਰ ਦਿੱਤਾ। ਇਸ ਵਾਰਦਾਤ ਵਿਚ ਪੁਲਿਸ ਦੇ ਚਾਰ ਮੁਲਾਜ਼ਮ ਫੱਟੜ ਹੋ ਗਏ। ਸਰਕਾਰੀ ਗੱਡੀ ਵੀ ਨੁਕਸਾਨੀ ਗਈ ਤੇ ਕੁਝ ਅਕਾਲੀ ਵਰਕਰਾਂ ਨੂੰ ਵੀ ਸੱਟਾਂ ਲੱਗੀਆਂ। ਪੁਲਿਸ ਨੇ ਦੋ ਦਰਜਨ ਹਮਲਾਵਰਾਂ ‘ਚੋਂ ਕੁਝ ਨੂੰ ਗ੍ਰਿਫਤਾਰ ਕਰ ਲਿਆ । ਬਾਕੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇ ਮਾਰੇ ਜਾ ਰਹੇ ਹਨ। ਇਸ ਵਾਰਦਾਤ ਤੋਂ ਦੂਜੇ ਦਿਨ 9 ਜਨਵਰੀ ਨੂੰ ‘ਆਪ’ ਦੇ ਵਰਕਰਾਂ ਅਤੇ ਆਗੂਆਂ ਨੇ ਚੰਡੀਗੜ੍ਹ ਨੇੜੇ ਦੇ ਇਲਾਕੇ ਵਿਚ ਸੁਖਬੀਰ ਵਲੋਂ ਉਸਾਰੇ ਗਏ ਸ਼ਾਨਦਾਰ ਹੋਟਲ ਸੁੱਖਵਿਲਾਸ ਨੂੰ ਘੇਰਾ ਪਾ ਕੇ ਅਕਾਲੀ ਦਲ ਵਿਰੁੱਧ ਭਾਰੀ ਨਾਹਰੇਬਾਜ਼ੀ ਕੀਤੀ। ਇਸ ਦੌਰਾਨ ਹਲਕਾ ਵਾਘਾ ਪੁਰਾਣਾ ਵਿਖੇ ਚੋਣ ਪ੍ਰਚਾਰ ਕਰਨ ਗਏ ਕਾਂਗਰਸੀ ਉਮੀਦਵਾਰ ਦਰਸ਼ਨ ਸਿੰਘ ਬਰਾੜ ਦੇ ਕਾਫਲੇ ਉਪਰ ਵੀ ਪਥਰਾਓ ਹੋਇਆ ਜਿਸ ਨਾਲ ਬਰਾੜ ਦੀ ਪਤਨੀ ਸਮੇਤ ਕੁਝ ਕਾਂਗਰਸੀ ਫੱਟੜ ਹੋ ਗਏ। ਪੱਥਰਬਾਜ਼ੀ ਨਾਲ ਪੰਜ ਗੱਡੀਆਂ ਨੂੰ ਨੁਕਸਾਨ ਪੁੱਜਾ। ਹੈਰਾਨੀ ਦੀ ਗੱਲ ਕਿ ਚੋਣ ਘਮਸਾਨ ਵਿਚ ਅਜਿਹੀਆਂ ਵਾਰਦਾਤਾਂ ਉਦੋਂ ਹੋ ਰਹੀਆਂ ਹਨ ਜਦ ਚੋਣ ਕਮਿਸ਼ਨ ਨੇ ਸੂਬੇ ਵਿਚ ਸੁਰੱਖਿਆ ਪ੍ਰਬੰਧਾਂ ਲਈ ਕੇਂਦਰ ਪਾਸੋਂ ਅਰਧ ਫੌਜੀ ਦਸਤਿਆਂ ਦੀਆਂ 35 ਕੰਪਣੀਆਂ ਮੰਗਵਾ ਰੱਖੀਆਂ ਹਨ। ਇਸੇ ਦੌਰਾਨ ਕੇਂਦਰ ਦੀਆਂ ਸੂਹੀਆਂ ਏਜੰਸੀਆਂ ਨੂੰ ਖਦਸ਼ਾ ਕਿ ਪਾਕਿਸਤਾਨ ਵਲੋਂ ਚੋਣਾ ਦੌਰਾਨ ਵੱਡੇ ਪੱਧਰ ‘ਤੇ ਗੜਬੜ ਕਰਵਾਈ ਜਾ ਸਕਦੀ । ਇਸ ਖਤਰੇ ਦੇ ਮੱਦੇਨਜ਼ਰ ਮੁੱਖ ਮੰਤਰੀ ਅਤੇ ਉਪ ਮੁੱਖ ਮੰਤਰੀ ਦੀ ਸੁਰੱਖਿਆ ਵਿਚ ਹੋਰ ਵਾਧਾ ਕੀਤਾ ਗਿਆ । ਪਿਛਲੇ ਸਾਲਾਂ ਦੌਰਾਨ ਭਾਰਤ ਵਿਚ ਚੋਣ ਹਿੰਸਾ ਲਈ ਬਿਹਾਰ ਸਭ ਤੋਂ ਵੱਧ ਬਦਨਾਮ ਸੀ। ਪਰ ਅਕਾਲੀ–ਭਾਜਪਾ ਦੇ ਪਿਛਲੇ ਦਸ ਸਾਲਾਂ ਦੇ ਰਾਜ ਵਿਚ ਜਿਥੇ ਪੰਜਾਬ ਆਰਥਿਕ ਤੌਰ ‘ਤੇ ਤਬਾਹ ਹੋ ਗਿਆ , ਉਥੇ ਬਦਅਮਨੀ ਦੇ ਪੱਖ ਤੋਂ ਵੀ ”ਬਿਹਾਰ” ਬਣ ਗਿਆ । ਅਜਿਹੀ ਹਾਲਤ ਤੋਂ ਬਚਣ ਲਈ ਪੰਜਾਬੀਆਂ ਨੂੰ ਖੁਦ ਹੀ ਹੰਭਲਾ ਮਾਰਨਾ ਪਵੇਗਾ। ਚੋਣਾ ਦਾ ਇਕ ਅਜਿਹਾ ਸਮਾਂ ਜਦ ਇਸ ਸੂਬੇ ਦੀ ਪੁਰਾਣੀ ਸ਼ਾਨ ਬਹਾਲ ਕਰਨ ਵਾਲੀ ਧਿਰ ਨੂੰ ਸਰਕਾਰ ਕਾਇਮ ਕਰਨ ਦਾ ਮੌਕਾ ਦਿੱਤਾ ਜਾ ਸਕਦਾ ।

ਪਟਨੇ ਸ਼ਹਿਰ ਦਾ ਜਨਮ ਗੁਰਾਂ ਦਾ, ਅਨੰਦਪੁਰ ਡੇਰਾ ਲਾਇਆ !

ਸਿੱਖ ਧਰਮ ਦੇ ਬਾਨੀ ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਦਸਵੇਂ ਜਾਮੇ ਦੀ ਜੋਤ ਸੰਤ ਸਿਪਾਹੀ, ਸਰਬੰਸਦਾਨੀ, ਮਹਾਨ ਇਨਕਲਾਬੀ, ਦੁਸ਼ਟ ਦਮਨ, ਸਾਹਿਬ–ਏ–ਕਮਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ 350ਵਾਂ ਪ੍ਰਕਾਸ਼ ਪੁਰਬ ਸ੍ਰੀ ਪਟਨਾ ਸਾਹਿਬ (ਬਿਹਾਰ) ਵਿਖੇ ਪੰਜ ਜਨਵਰੀ ਨੂੰ ਪੂਰੀ ਸ਼ਰਧਾ ਅਤੇ ਸਤਿਕਾਰ ਸਹਿਤ ਮਨਾਇਆ ਗਿਆ । ਇਸ ਸ਼ੁੱਭ ਮੌਕੇ ‘ਤੇ ਵਿਸ਼ਵ ਭਰ ਤੋਂ ਕਰੀਬ 50 ਲੱਖ ਤੋਂ ਵੱਧ ਸੰਗਤਾਂ ਤਖ਼ਤ ਸ੍ਰੀ ਪਟਨਾ ਸਾਹਿਬ ਵਿਖੇ ਪੁੱਜੀਆਂ ਹਨ। ਪਿਛਲੇ ਸਾਲ ਭਰ ਤੋਂ ਇਸ ਆਗਮਨ ਸਮਾਗਮ ਲਈ ਬਿਹਾਰ ਅਤੇ ਪੰਜਾਬ ਸਰਕਾਰ ਵਲੋਂ ਧੂੰਆਂਧਾਰ ਪ੍ਰਚਾਰ ਕੀਤਾ ਗਿਆ ਸੀ। ਸਮਾਗਮ ਦੀ ਸਫਲਤਾ ਲਈ ਇਨ੍ਹਾਂ ਦੋਹਾਂ ਸੂਬਾ ਸਰਕਾਰਾਂ ਤੋਂ ਇਲਾਵਾ ਕੇਂਦਰ ਸਰਕਾਰ ਵਲੋਂ ਵੀ ਇਕ ਕ੍ਰੋੜ ਦਾ ਫੰਡ ਦਿੱਤਾ ਗਿਆ। ਸੰਗਤਾਂ ਦੀ ਰਿਹਾਇਸ਼ ਅਤੇ ਹੋਰ ਸਹੂਲਤਾਂ ਲਈ ਸ੍ਰੀ ਪਟਨਾ ਸਾਹਿਬ ਦੇ ਗੁਆਂਢ ਵਿਚ ਤੰਬੂਆਂ ਦਾ ‘ਪਾਟਲੀਪੁੱਤਰ’ ਸ਼ਹਿਰ ਉਸਾਰਿਆ ਗਿਆ ਸੀ। ਸੰਗਤਾਂ ਦੀ ਸਹੂਲਤ ਲਈ ਵੱਖ ਵੱਖ ਥਾਈਂ ਆਉਣ ਜਾਣ ਵਾਸਤੇ ਸ਼ਹਿਰ ਵਿਚ ਦੋ ਸੌ ਬੱਸਾਂ ਅਤੇ ਸੌ ਤੋਂ ਵੱਧ ਈ–ਰਿਕਸ਼ਾ ਦੌੜ ਰਹੇ ਸਨ। ਸਭ ਤੋਂ ਮੁੱਖ ਗੱਲ ਇਹ ਕਿ ਗੁਰੂ ਸਾਹਿਬ ਦੇ ਸ਼ਰਧਾਲੂ ਸਿੱਖਾਂ ਦੀ ਆਤਮਿਕ ਤ੍ਰਿਪਤੀ ਲਈ ਦਸ ਦਿਨਾਂ ਤੱਕ ਗੁਰਬਾਣੀ ਅੰਮ੍ਰਿਤ ਦੀ ਵਰਖਾ ਹੁੰਦੀ ਰਹੀ। ਹਰ ਪਾਸੇ ਸੰਗਤਾਂ ਦਾ ਠਾਠਾਂ ਮਾਰਦਾ ਅਜਿਹਾ ਇਕੱਠ ਸੀ ਜਿਸ ਵਿਚ ਤਿੱਲ ਸੁੱਟਣ ਲਈ ਵੀ ਥਾਂ ਨਹੀਂ ਸੀ। ਅਜਿਹੇ ਵਿਸ਼ਾਲ ਇਕੱਠ ਵਿਚ ਸਿਰਫ ਦਸਤਾਰਧਾਰੀ ਸਿੱਖ ਹੀ ਨਹੀਂ ਸਨ ਬਲਕਿ ਭਾਰਤ ਦੇ ਵੱਖ ਵੱਖ ਸੂਬਿਆਂ ਤੋਂ ਲੋਕ ਵੀ ਸ਼ਾਮਲ ਸਨ ਜੋ ਕਲਗੀਧਰ ਦਸਮੇਸ਼ ਪਿਤਾ ਵਲੋਂ ਸਿਰਫ ਆਪਣੇ ਧਰਮ ਲਈ ਹੀ ਨਹੀਂ ਬਲਕਿ ਦੂਜੇ ਧਰਮਾਂ ਲਈ ਕੀਤੀ ਗਈ ਮਹਾਨ ਕੁਰਬਾਨੀ ਦੇ ਪ੍ਰਸੰਸਕ ਹਨ। ਉਨ੍ਹਾਂ ਨੇ ਆਪਣੇ ਛੋਟੇ ਜਿਹੇ ਜੀਵਨ ਵਿਚ ਜਿਸ ਦਲੇਰੀ ਅਤੇ ਨਿਡਰਤਾ ਨਾਲ ਜ਼ੁਲਮ ਅਤੇ ਅਧਰਮ ਦਾ ਟਾਕਰਾ ਕੀਤਾ, ਮਨੁੱਖਤਾ ਨੂੰ ਸੇਧ ਦੇਣ ਵਾਲੀ ਗੁਰਬਾਣੀ ਦੀ ਸਿਰਜਣਾ ਕੀਤੀ, ਚਿੜੀਆਂ ਤੋਂ ਬਾਜ਼ ਤੁੜਵਾਉਣ ਵਾਲਾ ਕਾਰਨਾਮਾ ਕਰ ਦਿਖਾਇਆ ਅਤੇ ਜਿਸ ਤਰ੍ਹਾਂ ਵੇਲੇ ਦੀ ਜ਼ਾਲਮ ਹਕੂਮਤ ਨਾਲ ਹੱਕ ਸੱਚ ਦੀ ਲੜਾਈ ਕਰਦਿਆਂ ਆਪਣਾ ਸਰਬੰਸ ਕੁਰਬਾਨ ਕਰ ਦਿੱਤਾ, ਉਸ ਨੇ ਵਿਸ਼ਵ ਭਰ ਦੇ ਵਿਦਵਾਨਾਂ ਨੂੰ ਇਹ ਤੱਥ ਮੰਨਣ ਲਈ ਮਜਬੂਰ ਕਰ ਦਿੱਤਾ ਕਿ ਗੁਰੂ ਗੋਬਿੰਦ ਸਿੰਘ ਦੇ ਗੁਣਾ ਦੀ ਕੋਈ ਬਰਾਬਰੀ ਨਹੀਂ। ਉਹ ਸਿਰਫ ਆਪਣੀ ਸ਼ਕਤੀ ਨਾਲ ਹੀ ਨਹੀਂ ਬਲਕਿ ਭਗਤੀ ਨਾਲ ਵੀ ਬਹੁਤ ਬੁਲੰਦੀ ਤੱਕ ਪਹੁੰਚੇ ਹੋਏ ਸਨ। ਧਾਰਮਿਕ ਵਿਚਾਰਧਾਰਾ ਵਾਲੇ ਲੋਕਾਂ ਦੀ ਨਜ਼ਰ ਵਿਚ ਅਜਿਹੀ ਵਡਿੱਤਣ ਵਾਲੀ, ਆਪਣੇ ਆਪ ਨੂੰ ਗੁਰੂ ਚੇਲਾ ਅਖਵਾਉਣ ਵਾਲੀ ਕੋਈ ਹੋਰ ਹਸਤੀ ਇਸ ਸੰਸਾਰ ਵਿਚ ਨਹੀਂ ਮਿਲਦੀ। ਗੁਰੂ ਗੋਬਿੰਦ ਸਿੰਘ ਜੀ ਦੇ ਕਿਸੇ ਵੀ ਪੱਖ ਦੀ ਗੱਲ ਕਰੀਏ ਤਾਂ ਅਕਲ ਦੰਗ ਰਹਿ ਜਾਂਦੀ । ਬਚਪਨ ਤੋਂ ਲੈ ਕੇ ਅੰਤਲੇ ਸਫਰ ਤੱਕ ਉਨ੍ਹਾਂ ਦਾ ਸਮੁੱਚਾ ਜੀਵਨ ਹਰ ਪੜਾਅ ‘ਤੇ ਵਿਲੱਖਣ ਕਾਰਨਾਮਿਆਂ ਨਾਲ ਭਰਪੂਰ । ਬਾਲ ਉਮਰ ਵਿਚ ਉਨ੍ਹਾਂ ਹਿੰਦੂ ਧਰਮ ਦੀ ਰਾਖੀ ਲਈ ਆਪਣੇ ਪਿਤਾ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਨੂੰ ਕੁਰਬਾਨੀ ਦੇਣ ਲਈ ਜ਼ਾਲਮ ਮੁਗਲ ਬਾਦਸ਼ਾਹ ਔਰੰਗਜ਼ੇਬ ਕੋਲ ਦਿੱਲੀ ਭੇਜਿਆ। ਬਾਅਦ ਵਿਚ ਅਜਿਹੇ ਜ਼ੁਲਮ ਦਾ ਟਾਕਰਾ ਕਰਨ ਲਈ ਖਾਲਸਾ ਪੰਥ ਦੀ ਸਿਰਜਣਾ ਕੀਤੀ। ਇਕ ਬੇਮਿਸਾਲ ਤਾਕਤ ਨੂੰ ਜਥੇਬੰਦ ਕਰਨ ਲਈ ਜਾਤਾਂ ਪਾਤਾਂ ਅਤੇ ਵਿਤਕਰਿਆਂ ਨੂੰ ਮਿਟਾ ਦਿੱਤਾ। ਅੰਮ੍ਰਿਤ ਛਕਾ ਕੇ ਸਿੰਘਾਂ ਵਿਚ ਅਜਿਹਾ ਜੋਸ਼ ਭਰ ਦਿੱਤਾ ਕਿ ਇਕੱਲੇ ਇਕੱਲੇ ਸਿੰਘ ਨੇ ਸਵਾ ਸਵਾ ਲੱਖ ਦੀ ਗਿਣਤੀ ਵਾਲੇ ਵੈਰੀ ਦਾ ਦਲੇਰੀ ਨਾਲ ਮੁਕਾਬਲਾ ਕੀਤਾ। ਚਮਕੌਰ ਸਾਹਿਬ ਅਤੇ ਮੁਕਤਸਰ ਸਾਹਿਬ ਦੀਆਂ ਜੰਗਾਂ ਇਸ ਤੱਥ ਦੀ ਗਵਾਹੀ ਭਰਦੀਆਂ ਹਨ। ਦਰਅਸਲ ਸਿੱਖ ਧਰਮ ਦੀ ਸਥਾਪਨਾ ਹੀ ਮਨੁੱਖਤਾ ਦੀ ਭਲਾਈ ਵਾਲੇ ਸਿਧਾਂਤਾਂ ਦੇ ਆਧਾਰ ਉਪਰ ਹੋਈ । ਇਸ ਧਰਮ ਦੇ ਸੰਸਥਾਪਕ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਉਸ ਵੇਲੇ ਦੇ ਦੋਹਾਂ ਮੁੱਖ ਧਰਮਾਂ ਹਿੰਦੂਆਂ ਅਤੇ ਮੁਸਲਮਾਨਾਂ ਦੇ ਪੈਰੋਕਾਰਾਂ ਨੂੰ ਸਿੱਧਾ ਸਾਦਾ ਅਤੇ ਨੇਕ ਜੀਵਨ ਬਤੀਤ ਕਰਨ ਦੀ ਪ੍ਰੇਰਨਾ ਦਿੱਤੀ। ਇਸ ਤੋਂ ਬਾਅਦ ਸਾਰੇ ਹੀ ਗੁਰੂ ਸਾਹਿਬਾਨਾਂ ਨੇ ਦੋਹਾਂ ਧਰਮਾਂ ਦੇ ਪੈਰੋਕਾਰਾਂ ਨੂੰ ਸਾਂਝੀਵਾਲਤਾ ਦਾ ਉਪਦੇਸ਼ ਜਾਰੀ ਰੱਖਿਆ। ਕਲਗੀਧਰ ਦਸਮੇਸ਼ ਪਿਤਾ ਨੇ ਤਾਂ ਹਿੰਦੂ ਧਰਮ ਦੀ ਬੇੜੀ ਨੂੰ ਤੂਫਾਨ ‘ਚੋਂ ਕੱਢਿਆ ਹੀ ਨਹੀਂ ਸਗੋਂ ਕੰਢੇ ‘ਤੇ ਲਿਆ ਖੜਾ ਕੀਤਾ। ਹਿੰਦੂ ਧਰਮ ਦੇ ਸੁੱਕ ਚੁੱਕੇ ਤੇ ਕੁਮਲਾ ਗਏ ਬਾਗ ਲਈ ਅਜਿਹੀ ਰਹਿਮਤ ਦੀ ਵਰਖਾ ਕੀਤੀ ਕਿ ਬਾਬਾ ਬੁਲ੍ਹੇ ਸ਼ਾਹ ਵਰਗਾ ਸ਼ਾਇਰ ਇਹ ਕਹਿਣ ਲਈ ਮਜਬੂਰ ਹੋ ਗਿਆ
ਨਾ ਕਰੋਂ ਅਬ ਕੀ, ਨਾ ਕਰੋਂ ਤਬ ਕੀ। ਅਗਰ ਨਾ ਹੋਤੇ ਗੁਰੂ ਗੋਬਿੰਦ ਸਿੰਘ ਸੁੰਨਤ ਹੋਤੀ ਸਬ ਕੀ
ਇਹੋ ਵਜ੍ਹਾ ਕਿ ਪਟਨਾ ਸਾਹਿਬ ਦੇ ਜੋੜ ਮੇਲੇ ਵਿਚ ਗੈਰ ਸਿੱਖ ਹਿੰਦੂ ਦਰਸ਼ਕ ਨਿਹੰਗ ਸਿੰਘਾਂ ਦੀਆਂ ਲਾਡਲੀਆਂ ਫੌਜਾਂ ਨੂੰ ਬਹੁਤ ਗਹੁ ਅਤੇ ਦਿਲਚਸਪੀ ਨਾਲ ਦੇਖ ਰਹੇ ਸਨ। ਇਸ ਕੌਤਕ ਨੂੰ ਦੇਖ ਕੇ ਇੰਞ ਮਹਿਸੂਸ ਹੋ ਰਿਹਾ ਸੀ ਕਿ ਦਸਵੇਂ ਪਾਤਸ਼ਾਹ ਨੇ 1699 ਦੀ ਵਿਸਾਖੀ ਵਾਲੇ ਦਿਨ ਪੰਜ ਸਿੰਘਾਂ ਨੂੰ ਅੰਮ੍ਰਿਤ ਛਕਾ ਕੇ ਜਿਸ ਖਾਲਸਾ ਪੰਥ ਦੀ ਸਿਰਜਣਾ ਕੀਤੀ ਸੀ, ਉਸ ਦੀਆਂ ਜੜ੍ਹਾਂ ਧਰਤੀ ਦੀ ਹਰੇਕ ਨੁੱਕਰ ਵਿਚ ਫੈਲ ਕੇ ਮਨੁੱਖਤਾ ਨੂੰ ਅਮਨ ਅਤੇ ਭਾਈਚਾਰਕ ਸਾਂਝ ਦਾ ਸੁਨੇਹਾ ਦੇ ਰਹੀਆਂ ਹਨ। ਇਸ ਸੁਨੇਹੇ ਨੂੰ ਸਿੱਖ ਸੰਗਤਾਂ ਵਲੋਂ ਭਰਵਾਂ ਹੁੰਗਾਰਾ ਦਿੱਤਾ ਜਾ ਰਿਹਾ । ਪਰ ਜਿਵੇਂ ਕਿ ਸਿੱਖ ਸੱਭਿਆਚਾਰ ਦੀ ਆਪਣੀ ਇਕ ਨਿਵੇਕਲੀ ਰਵਾਇਤ , ਇਸ ਸਮਾਗਮ ਉਪਰ ਵੀ ਸੌੜੀ ਤੇ ਸਵਾਰਥੀ ਸਿਆਸਤ ਦਾ ਪ੍ਰਛਾਵਾਂ ਦਿਖਾਈ ਦੇ ਰਿਹਾ ਸੀ। ਪੰਜਾਬ ਸਰਕਾਰ, ਸ਼੍ਰੋਮਣੀ ਕਮੇਟੀ ਅਤੇ ਸਰਕਾਰੀ ਕੰਟਰੋਲ ਹੇਠਲੇ ਜਥੇਦਾਰਾਂ ਨੂੰ ਇਸ ਗੱਲ ਦਾ ਦੁੱਖ ਅਤੇ ਪਛਤਾਵਾ ਸੀ ਕਿ ਸਮਾਗਮ ਦਾ ਸਾਰਾ ਪ੍ਰਬੰਧ ਤਖ਼ਤ ਸਾਹਿਬ ਦੇ ਬੋਰਡ ਅਤੇ ਬਿਹਾਰ ਸਰਕਾਰ ਦੇ ਮੁੱਖ ਮੰਤਰੀ ਸ੍ਰੀ ਨਿਤੀਸ਼ ਕੁਮਾਰ ਦੇ ਕੰਟਰੋਲ ਵਿਚ ਸੀ। ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਤਾਂ ਸਿੱਖਾਂ ਦੇ ਮਨ ਜਿੱਤ ਲਏ ਹਨ। ਉਨ੍ਹਾਂ ਨੇ ਪਟਨਾ ਸ਼ਹਿਰ ਵਿਚ ਮੀਟ ਮੱਛੀ ਦੀਆਂ ਸਭ ਦੁਕਾਨਾਂ 3 ਤੋਂ 5 ਜਨਵਰੀ ਤੱਕ ਬੰਦ ਰੱਖਣ ਦਾ ਹੁਕਮ ਜਾਰੀ ਕੀਤਾ। ਸੂਬੇ ਵਿਚ ਸ਼ਰਾਬਬੰਦੀ ਪਹਿਲਾਂ ਹੀ ਲਾਗੂ । ਮੁੱਖ ਮੰਤਰੀ ਨੇ ਤਖ਼ਤਾਂ ਦੇ ਜਥੇਦਾਰਾਂ ਨੂੰ ਚਾਹ ਪਾਣੀ ਦਾ ਸੱਦਾ ਦੇ ਕੇ ਸਿੱਖ ਧਰਮ ਵਿਚ ਆਪਣੀ ਅਥਾਹ ਸ਼ਰਧਾ ਦਾ ਪ੍ਰਗਟਾਵਾ ਕੀਤਾ। ਪੰਜਾਬ ਵਿਚ ਤਿੰਨ ਤਖ਼ਤਾਂ ਦੇ ਸਰਕਾਰੀ ਜਥੇਦਾਰਾਂ ਦੀ ਵੀ ਕੋਈ ਪੁੱਛ ਪ੍ਰਤੀਤ ਨਹੀਂ ਸੀ। ਅਜਿਹੀ ਉਦਾਸੀਨਤਾ ਦਾ ਕਾਰਨ ਸਰਕਾਰੀ ਜਥੇਦਾਰਾਂ ਦੀਆਂ ਪਿਛਲੇ ਸਮੇਂ ਵਿਚ ਅਜਿਹੀਆਂ ਕਾਰਵਾਈ ਸਨ ਜੋ ਸਰਕਾਰੀ ਦਬਕੇ ਨਾਲ ਇਨ੍ਹਾਂ ਪਾਸੋਂ ਕਰਵਾਈਆਂ ਗਈਆਂ ਅਤੇ ਜਿਨ੍ਹਾਂ ਨਾਲ ਸੰਸਾਰ ਭਰ ਦੇ ਸਿੱਖਾਂ ਦੇ ਹਿਰਦਿਆਂ ਨੂੰ ਭਾਰੀ ਸੱਟ ਵੱਜੀ। ਇਹੋ ਵਜਾਹ ਕਿ ਇਕ ਹਫਤਾ ਪਹਿਲਾਂ ਇਹ ਸਰਕਾਰੀ ਜਥੇਦਾਰ ਸ੍ਰੀ ਫਤਹਿਗੜ੍ਹ ਸਾਹਿਬ ਦੇ ਸ਼ਹੀਦੀ ਜੋੜ ਮੇਲੇ ਦੀ ਸਟੇਜ ਤੋਂ ਕੌਮ ਦੇ ਨਾਂ ਕੋਈ ਸੰਦੇਸ਼ ਨਾ ਦੇ ਸਕੇ। ਪਟਨਾ ਸਾਹਿਬ ਦੇ ਸਮਾਗਮ ਵਿਚ ਪ੍ਰਬੰਧਕਾਂ ਵਲੋਂ ਪੰਥਕ ਜਥੇਦਾਰਾਂ ਨੂੰ ਵਿਸ਼ੇਸ਼ ਤੌਰ ‘ਤੇ ਬੁਲਾਇਆ ਗਿਆ ਸੀ। ਪਰ ਪੰਜਾਬ ਪੁਲਿਸ ਵਲੋਂ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਕੇ ਪਟਨਾ ਸਾਹਿਬ ਜਾਣ ਤੋਂ ਰੋਕਣ ਦਾ ਯਤਨ ਕੀਤਾ ਗਿਆ। ਅਸੀਂ ਸਮਝਦੇ ਹਾਂ ਕਿ ਅਜਿਹੀ ਸੌੜੀ ਸਿਆਸਤ ਨੇ ਪੰਜਾਬ ਸਰਕਾਰ ਦਾ ਅਸਲੀ ਚੇਹਰਾ ਸਿੱਖ ਸੰਗਤਾਂ ਦੀਆਂ ਨਜ਼ਰਾਂ ਵਿਚ ਨੰਗਾ ਕੀਤਾ । ਸ਼ਰਧਾਲੂ ਸਿੱਖਾਂ ਦੀ ਆਵਾਜ਼ ਅਜੇ ਵੀ ਪਟਨਾ ਦੀ ਜੂਹ ਵਿਚ ਗੂੰਜ ਰਹੀ
‘ਪਟਨੇ ਸ਼ਹਿਰ ਦਾ ਜਨਮ ਗੁਰਾਂ ਦਾ, ਅਨੰਦਪੁਰ ਡੇਰਾ ਲਾਇਆ’

ਸਿੱਖ ਇਤਿਹਾਸ ਦੇ ਸ਼ਹੀਦੀ ਹਫਤੇ ਦੀ ਰੌਂਗਟੇ ਖੜੇ ਕਰਨ ਵਾਲੀ ਦਾਸਤਾਂ

ਸਿੱਖ ਇਤਿਹਾਸ ਵਿਚ ਪੋਹ ਦਾ ਮਹੀਨਾ ਸਵਾ ਤਿੰਨ ਸੌ ਸਾਲ ਪਹਿਲਾਂ ਦੇ ਉਸ ਇਤਿਹਾਸ ਨੂੰ ਯਾਦ ਕਰਵਾਉਂਦਾ ਜਦ ਮੁਗਲਾਂ ਦੇ ਕਹਿਰ ਨੇ ਦਸਵੇਂ ਪਾਤਸ਼ਾਹ ਵਲੋਂ ਜ਼ੁਲਮ ਦੇ ਟਾਕਰੇ ਲਈ ਤਿਆਰ ਕੀਤੇ ਸਿੰਘ ਸੂਰਮਿਆਂ ਦੀ ਹਸਤੀ ਨੂੰ ਖਤਮ ਕਰਨ ਲਈ ਆਪਣੀ ਤਾਕਤ ਦੀ ਵਰਤੋਂ ਹੀ ਨਹੀਂ ਕੀਤੀ ਬਲਕਿ ਆਪਣੇ ਧਰਮ ਈਮਾਨ ਨੂੰ ਵੀ ਦਾਅ ਉਪਰ ਲਾ ਦਿੱਤਾ। ਦਸਮੇਸ਼ ਪਿਤਾ ਦੇ ਖਾਲਸਾ ਪੰਥ ਨੇ ਨਿਮਾਣੇ ਤੇ ਨਿਤਾਣੇ ਹਿੰਦੋਸਤਾਨੀਆਂ ਉਪਰ ਜਬਰ ਜ਼ੁਲਮ ਕਰਕੇ ਲੁੱਟ ਖੋਹ ਕਰਨ ਵਾਲੇ ਜਾਬਰ ਮੁਗਲਾਂ ਦੇ ਦੰਦ ਖੱਟੇ ਕਰਨੇ ਸ਼ੁਰੂ ਕੀਤੇ ਤਾਂ ‘ਦਿੱਲੀ’ ਨੇ ‘ਅਨੰਦਪੁਰ’ ਵੱਲ ਆਪਣੀ ਅੱਖ ਕੈਰੀ ਕਰ ਲਈ। ਇਸ ਕੰਮ ਵਿਚ ਪਹਾੜੀ ਰਾਜਿਆਂ ਨੇ ਵੀ ‘ਦਿੱਲੀ’ ਨਾਲ ਹੁੰਗਾਰਾ ਭਰਿਆ ਕਿਉਂਕਿ ਗੁਰੂ ਦੀ ਲਾਡਲੀ ਫੌਜ ਤਿੰਨ ਜੰਗਾਂ ਵਿਚ ਪਹਾੜੀ ਰਾਜਿਆਂ ਨੂੰ ਭਾਂਜ ਦੇ ਚੁੱਕੀ ਸੀ। ਸੱਟ ਖਾਧੇ ਸੱਪ ਵਾਂਗ ਪਹਾੜੀ ਰਾਜੇ ਮੌਕੇ ਦੀ ਤਾੜ ਵਿਚ ਸਨ। ਉਨ੍ਹਾਂ ਨੇ ਮੁਗਲਾਂ ਨਾਲ ਗੱਠਜੋੜ ਕਰਦਿਆਂ ਗੁਰੂ ਗੋਬਿੰਦ ਸਿੰਘ ਦੇ ਸਿੰਘਾਂ ਉਪਰ ਜ਼ੋਰਦਾਰ ਹਮਲਾ ਕਰਕੇ ਅਨੰਦਪੁਰ ਨੂੰ ਘੇਰਾ ਪਾ ਲਿਆ। ਇਸ ਘੇਰੇ ਦਾ ਸਮਾਂ ਲੰਬਾ ਹੋਣ ਨਾਲ ਧਾੜਵੀਆਂ ਦੀ ਬੇਚੈਨੀ ਵੱਧਣ ਲਈ ਤਾਂ ਉਨ੍ਹਾਂ ਨੇ ਝੂਠੀਆਂ ਕਸਮਾਂ ਖਾ ਕੇ ਗੁਰੂ ਜੀ ਨੂੰ ਕਿਲ੍ਹਾ ਖਾਲੀ ਕਰਨ ਲਈ ਮਨਾ ਲਿਆ। ਪਰ ਜਿਉਂ ਹੀ ਖਾਲਸਾ ਕਿਲ੍ਹੇ ‘ਚੋਂ ਬਾਹਰ ਨਿਕਲਿਆ ਤਾਂ ਦਗਾਬਾਜ਼ ਦੁਸ਼ਮਣ ਨੇ ਸਿੰਘਾਂ ਉਪਰ ਹਮਲਾ ਕਰ ਦਿੱਤਾ। ਭਾਰੀ ਮੀਂਹ, ਝੱਖੜ ਅਤੇ ਕਕਰੀਲੀ ਠੰਡ ਵਾਲੀ ਰਾਤ ਸਰਸਾ ਨਦੀ ਕੰਢੇ ਜ਼ਬਰਦਸਤ ਯੁੱਧ ਹੋਇਆ। ਇਸ ਲੜਾਈ ਵਿਚ ਸਿੰਘਾਂ ਦਾ ਭਾਰੀ ਜਾਨੀ ਤੇ ਮਾਲੀ ਨੁਕਸਾਨ ਹੋਇਆ। ਕਲਗੀਧਰ ਪਿਤਾ ਵਲੋਂ ਰਚਿਤ ਬੇਸ਼ੁਮਾਰ ਸਾਹਿਤ ਨਦੀ ਵਿਚ ਰੁੜ੍ਹ ਗਿਆ। ਇਥੋਂ ਹੀ ਦਸਮੇਸ਼ ਪਿਤਾ ਦੇ ਪਰਿਵਾਰ ਦਾ ਵਿਛੋੜਾ ਪੈ ਗਿਆ। ਗੁਰੂ ਜੀ ਆਪਣੇ ਵੱਡੇ ਸਾਹਿਬਜ਼ਾਦਿਆਂ ਅਤੇ ਗਿਣਤੀ ਦੇ ਕੁਝ ਸਿੱਖਾਂ ਨਾਲ ਚਮਕੌਰ ਵੱਲ ਨਿਕਲ ਗਏ। ਛੋਟੇ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜਰੀ ਨੂੰ ਆਪਣੇ ਰਸੋਈਏ ਗੰਗੂ ਬਾਹਮਣ ਨਾਲ ਉਸਦੇ ਪਿੰਡ ਸਹੇੜੀ ਵੱਲ ਭੇਜ ਦਿੱਤਾ। ਮਾਤਾ ਗੁਜਰੀ ਕੋਲ ਸੋਨੇ ਦੀਆਂ ਕੁਝ ਮੋਹਰਾਂ ਸਨ ਜਿਨ੍ਹਾਂ ਨੂੰ ਦੇਖ ਕੇ ਗੰਗੂ ਬੇਈਮਾਨ ਹੋ ਗਿਆ ਤੇ ਪੁਲਿਸ ਕੋਲ ਮੁਖਬਰੀ ਕਰਕੇ ਮਾਸੂਮ ਬੱਚਿਆਂ ਸਮੇਤ ਮਾਤਾ ਜੀ ਨੂੰ ਗ੍ਰਿਫਤਾਰ ਕਰਵਾ ਦਿੱਤਾ। ਮੋਰਿੰਡਾ ਦੇ ਕੋਤਵਾਲ ਨੇ ਤਿੰਨਾਂ ਨੂੰ ਸੂਬਾ ਸਰਹੰਦ ਵਜੀਦ ਖਾਂ ਦੇ ਹਵਾਲੇ ਕਰਕੇ ਭਾਰੀ ਇਨਾਮ ਹਾਸਲ ਕੀਤਾ। ਸੂਬੇ ਨੇ ਬਜ਼ੁਰਗ ਦਾਦੀ ਸਮੇਤ ਮਾਸੂਮ ਪੋਤਿਆਂ ਨੂੰ ਠੰਡੇ ਬੁਰਜ ਵਿਚ ਕੈਦ ਕਰਕੇ ਇਸਲਾਮ ਧਰਮ ਗ੍ਰਹਿਣ ਕਰਨ ਲਈ ਦਬਾਅ ਪਾਇਆ। ਪਰ ਬਾਬਾ ਫਤਹਿ ਸਿੰਘ ਅਤੇ ਬਾਬਾ ਜੋਰਾਵਰ ਸਿੰਘ ਆਪਣੇ ਪੁਰਖਿਆਂ ਦੀ ਰੀਤ ਉਪਰ ਪਹਿਰਾ ਦਿੰਦੇ ਹੋਏ ਸ਼ਹਾਦਤ ਦਾ ਜਾਮ ਪੀ ਗਏ। ਦੂਜੇ ਪਾਸੇ ਚਮਕੌਰ ਵੱਲ ਨਿਕਲੇ ਗੁਰੂ ਜੀ ਅਤੇ ਵੱਡੇ ਸਾਹਿਬਜ਼ਾਦਿਆਂ ਦਾ ਪਿੱਛਾ ਕਰਦਿਆਂ ਮੁਗਲ ਫੌਜਾਂ ਨੇ ਚਮਕੌਰ ਦੀ ਗੜ੍ਹੀ ਨੂੰ ਘੇਰਾ ਪਾ ਲਿਆ। ਇਥੇ ਗਿਣਤੀ ਦੇ ਕੁਝ ਸਿੰਘਾਂ ਅਤੇ ਪੰਜ ਪਿਆਰਿਆਂ ਦੀ ਲੱਖਾਂ ਦੀ ਗਿਣਤੀ ਵਾਲੀ ਦੁਸ਼ਮਣ ਫੌਜ ਨਾਲ ਗਹਿਗੱਚ ਜੰਗ ਹੋਈ ਜਿਸ ਵਿਚ ਦੋਹਾਂ ਸਾਹਿਬਜ਼ਾਦਿਆਂ ਸਮੇਤ ਸਿੰਘ ਸ਼ਹੀਦ ਹੋ ਗਏ। ਪਰ ਦਸਮੇਸ਼ ਪਿਤਾ ਆਪਣੇ ਪੰਜ ਪਿਆਰਿਆਂ ਦੇ ਹੁਕਮ ਅਨੁਸਾਰ ਗੜ੍ਹੀ ਨੂੰ ਛੱਡ ਕੇ ਮਾਛੀਵਾੜਾ ਦੇ ਜੰਗਲ ਵੱਲ ਨਿਕਲ ਗਏ। ਸਿੱਖ ਇਤਿਹਾਸ ਦੇ ਇਹ ਦੋਵੇਂ ਸਾਕੇ ਸਿੱਖ ਨੌਜਵਾਨਾਂ ਅਤੇ ਖਾਸ ਤੌਰ ‘ਤੇ ਬੱਚਿਆਂ ਲਈ ਆਪਣੇ ਧਰਮ ਉਪਰ ਕਾਇਮ ਰਹਿਣ ਲਈ ਪ੍ਰੇਰਨਾ ਦੇ ਸਰੋਤ ਹਨ। ਇਨ੍ਹਾਂ ਸ਼ਹਾਦਤਾਂ ਤੋਂ ਬਾਅਦ ਹੀ ਗੁਰੂ ਜੀ ਨੇ ਆਖਿਆ ਸੀ– ”ਇਨ ਪੁਤਰਨ ਕੇ ਸੀਸ ਪਰ ਵਾਰ ਦੀਯੇ ਸੁੱਤ ਚਾਰ, ਚਾਰ ਮੂਏ ਤੋਂ ਕਿਯਾ ਹੂਆ ਜੀਵਤ ਕਈ ਹਜ਼ਾਰ।” ਇਸੇ ਵਰ ਦੀ ਬਦੌਲਤ ਅੱਜ ਖਾਲਸਾ ਪੰਥ ਦੁਨੀਆ ਭਰ ਦੇ ਮੁਲਕਾਂ ਵਿਚ ਆਪਣੀ ਵੱਖਰੀ ਪਛਾਣ ਉਪਰ ਪਹਿਰਾ ਦਿੰਦਾ ਹੋਇਆ ਇਸ ਸ਼ਹੀਦੀ ਹਫਤੇ ਮੌਕੇ ਸਾਹਿਬਜ਼ਾਦਿਆਂ ਦੀ ਮਹਾਨ ਸ਼ਹਾਦਤ ਨੂੰ ਸ਼ਰਧਾਂਜਲੀ ਭੇਟ ਕਰ ਰਿਹਾ ।

ਨੋਟਬੰਦੀ ਨਾਲ ਤਬਾਹ ਹੋਈ ਆਰਥਿਕਤਾ ‘ਚ ਮੁੜ ਸੁਧਾਰ ਦੀ ਆਸ

ਭਾਰਤ ਦੇ ਇਤਿਹਾਸ ਵਿਚ ਕਰੀਬ ਸੱਤ ਸੌ ਸਾਲ ਪਹਿਲਾਂ ਲੋਕਾਂ ਦੀਆਂ ਮੁਸ਼ਕਲਾਂ ਵਿਚ ਬੇਸ਼ੁਮਾਰ ਵਾਧਾ ਵਰਨ ਵਾਲੇ ਊਟ–ਪਟਾਂਗ ਫੈਸਲਿਆਂ ਲਈ ਜਿਵੇਂ ਉਸ ਵੇਲੇ ਦੇ ਮੁਸਲਿਮ ਬਾਦਸ਼ਾਹ ਤੈਮੂਰ ਲੰਗ ਨੂੰ ਯਾਦ ਕੀਤਾ ਜਾਂਦਾ , ਉਸੇ ਤਰ੍ਹਾਂ ਭਾਰਤ ਦੇ ਮੌਜੂਦਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਯਾਦ ਕੀਤਾ ਜਾਵੇਗਾ। ਸਾਲ 2016 ਭਾਰਤੀ ਲੋਕਾਂ ਨੂੰ ਇਹ ਯਾਦਗਾਰੀ ਸਬਕ ਦੇ ਗਿਆ ਕਿ ਲੋਕਤੰਤਰ ਵਿਚ ਕਿਸੇ ਵੀ ਪਾਰਟੀ ਨੂੰ ਮੁਕੰਮਲ ਬਹੁਮੱਤ ਮਿਲਣ ਨਾਲ ਮੁਲਕ ਵਿਚ ਤਾਨਾਸ਼ਾਹੀ ਵਰਗਾ ਰਾਜ ਕਾਇਮ ਹੋ ਸਕਦਾ । ਸੰਨ 2014 ਵਿਚ ਪਾਰਲੀਮੈਂਟ ਚੋਣਾ ਮੌਕੇ ਮੋਦੀ ਵਲੋਂ ਆਪਣੀ ਹਰੇਕ ਪ੍ਰਚਾਰ ਸਭਾ ਵਿਚ ਇਹ ਵਾਅਦਾ ਕੀਤਾ ਜਾਂਦਾ ਰਿਹਾ ਕਿ ਉਹ ਵਿਦੇਸ਼ਾਂ ਦੀਆਂ ਬੈਂਕਾਂ ਵਿਚ ਭਾਰਤੀ ਧਨਾਢਾਂ ਦਾ ਰੱਖਿਆ ਕਾਲਾ ਧਨ ਵਾਪਸ ਲਿਆ ਕੇ ਹਰੇਕ ਭਾਰਤੀ ਦੇ ਬੈਂਕ ਖਾਤੇ ਵਿਚ 15 ਲੱਖ ਰੁਪੈ ਦੀ ਰਕਮ ਜਮ੍ਹਾ ਕਰਵਾ ਦੇਣਗੇ। ਇਸ ਮੰਤਵ ਲਈ ‘ਜਨ ਧਨ’ ਨਾਂ ਦੀ ਯੋਜਨਾ ਸ਼ੁਰੂ ਕਰਕੇ ਹਰੇਕ ਨਾਗਰਿਕ ਦੇ ਬੈਂਕ ਖਾਤੇ ਖੁਲ੍ਹਵਾ ਦਿੱਤੇ। ਮੋਦੀ ਦੇ ਅਜਿਹੇ ਪਾਖੰਡ ਨਾਲ ਗਰੀਬ ਤੇ ਸਾਧਾਰਨ ਲੋਕਾਂ ਨੂੰ ਇਹ ਆਸ ਬੱਝੀ ਕਿ ਉਹ ਕਿਸੇ ਵੀ ਦਿਨ ਲੱਖਪਤੀ ਬਣ ਸਕਦੇ ਹਨ। ਮੋਦੀ ਦੇ ਅਜਿਹੇ ‘ਚਮਤਕਾਰੀ’ ਬਿਆਨ ਪੰਜਾਬ ਦੇ ਹਾਕਮਾਂ ਨੂੰ ਵੀ ਪ੍ਰਭਾਵਿਤ ਕਰ ਗਏ ਤੇ ਉਹ ਅੰਮ੍ਰਿਤਸਰ ਤੋਂ ਭਾਜਪਾ ਦੇ ਉਮੀਦਵਾਰ ਅਰੁਣ ਜੇਤਲੀ ਨੂੰ ਵੋਟਾਂ ਪਾਉਣ ਦੀ ਅਪੀਲ ਕਰਦਿਆਂ ਵੋਟਰਾਂ ਨਾਲ ਇਹ ਵਾਅਦੇ ਕਰਦੇ ਰਹੇ ਕਿ ਸ੍ਰੀ ਜੇਤਲੀ ਖਜ਼ਾਨਾ ਮੰਤਰੀ ਬਣ ਕੇ ਨੋਟਾਂ ਨਾਲ ਭਰੇ ਟਰੱਕ ਦਿੱਲੀ ਤੋਂ ਪੰਜਾਬ ਵੱਲ ਰਵਾਨਾ ਕਰਨਗੇ। ਪਰ ਸੁਖਬੀਰ ਬਾਦਲ ਦੀਆਂ ਅਜਿਹੀਆਂ ਗੱਪਾਂ ਉਪਰ ਅੰਬਰਸਰੀਆਂ ਨੇ ਵਿਸ਼ਵਾਸ ਨਾ ਕੀਤਾ। ਉਨ੍ਹਾਂ ਨੇ ਗੁੱਸੇ ਵਿਚ ਆ ਕੇ ਆਪਣੀਆਂ ਵੋਟਾਂ ਜੇਤਲੀ ਦੀ ਥਾਂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਪਾ ਦਿੱਤੀਆਂ। ਅਰੁਣ ਜੇਤਲੀ ਅੰਮ੍ਰਿਤਸਰ ਦੀ ਹਾਰ ਆਪਣੀ ਝੋਲੀ ‘ਚ ਪਾ ਕੇ ਦਿੱਲੀ ਪੁੱਜਾ। ਮੋਦੀ ਨੇ ਰਾਜ ਸਭਾ ਦੇ ਚੋਰ ਦਰਵਾਜ਼ੇ ਰਾਹੀਂ ਪਾਰਲੀਮੈਂਟ ਵਿਚ ਦਾਖਲ ਕਰਵਾ ਕੇ ਉਸ ਨੂੰ ਖਜ਼ਾਨਾ ਮੰਤਰੀ ਤਾਂ ਬਣਾ ਦਿੱਤਾ। ਪਰ ਉਸ ਨੇ ਆਪਣੀ ਹਾਰ ਦਾ ਬਦਲਾ ਲੈਣ ਲਈ ਅਜੇ ਤੱਕ ਵੀ ਆਪਣੇ ਦਿਲ ਵਿਚ ਰੜਕ ਰੱਖੀ ਹੋਈ । ਇਸੇ ਲਈ ਪੰਜਾਬ ਨੂੰ ਕੇਂਦਰੀ ਮਦਦ ਦੇਣ ਦੇ ਮਾਮਲੇ ਵਿਚ ਆਪਣਾ ਹੱਥ ਘੁੱਟ ਰੱਖਿਆ । ਦੂਜੇ ਪਾਸੇ ਢਾਈ ਸਾਲ ਬੀਤ ਜਾਣ ਪਿੱਛੋਂ ਵੀ ਜਦ ਵਿਦੇਸ਼ੀ ਬੈਂਕਾਂ ਤੋਂ ਕਾਲਾ ਧਨ ਵਾਪਸ ਨਾ ਆਇਆ ਤਾਂ ਮੋਦੀ ਨੇ ਆਪਣੇ ਆਪ ਨੂੰ ਬਦਨਾਮੀ ਤੋਂ ਬਚਾਉਣ ਲਈ 8 ਨਵੰਬਰ ਦੀ ਅੱਧੀ ਰਾਤ ਤੋਂ ਨੋਟਬੰਦੀ ਦਾ ਹੁਕਮ ਜਾਰੀ ਕਰ ਦਿੱਤਾ। ਇਸ ਨਾਦਰਸ਼ਾਹੀ ਫੁਰਮਾਨ ਨਾਲ ਆਮ ਲੋਕਾਂ ਵਲੋਂ ਛੋਟੀਆਂ ਛੋਟੀਆਂ ਬੱਚਤਾਂ ਨਾਲ ਜਮ੍ਹਾ ਕੀਤਾ ਪੈਸਾ ਮਿੱਟੀ ਹੋ ਗਿਆ। ਬੈਂਕਾਂ ਵਿਚ ਰੱਖਿਆ ਪੈਸਾ ਵੀ ਮਿਲਣਾ ਬੰਦ ਹੋ ਗਿਆ। ਲੋਕ ਆਪਣੇ ਕਾਰੋਬਾਰ ਬੰਦ ਕਰਕੇ ਬੈਂਕਾਂ ਦੀਆਂ ਲਾਈਨਾਂ ਵਿਚ ਲੱਗ ਗਏ। ਆਪਣਾ ਸਰਮਾਇਆ ਹਾਸਲ ਕਰਨ ਦੀ ਉਡੀਕ ਵਿਚ ਸਵਾ ਸੌ ਤੋਂ ਵੱਧ ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ । ਲੋਕਾਂ ਦੇ ਇਸ ਦੁੱਖ ਵਿਚ ਸ਼ਰੀਕ ਹੋਈਆਂ ਵਿਰੋਧੀ ਪਾਰਟੀਆਂ ਨੇ ਪ੍ਰਧਾਨ ਮੰਤਰੀ ਦੀ ਜਵਾਬਤਲਬੀ ਲਈ ਪਾਰਲੀਮੈਂਟ ਦਾ ਸਮਾਗਮ ਇਕ ਮਹੀਨੇ ਤੱਕ ਠੱਪ ਰੱਖਿਆ। ਇਕ ਸਮਾਂ ਅਜਿਹਾ ਵੀ ਆਇਆ ਜਦ ਮੁਲਕ ਵਿਚ ਹੇਠਲੀ ਉਤੇ ਹੋਣ ਦੀ ਸੰਭਾਵਨਾ ਬਣ ਗਈ। ਪਰ ਫੌਜ ਨੇ ਹਾਲਾਤ ਨੂੰ ਬਦ ਤੋਂ ਬਦਤਰ ਬਣਨ ਤੋਂ ਪਹਿਲਾਂ ਹੀ ਸੰਭਾਲ ਲਿਆ। ਮੋਦੀ ਸਰਕਾਰ ਨੂੰ ਪਿਛਲੇ ਹਫਤੇ ਵੈਨਜ਼ੁਏਲਾ ਦੀ ਹਾਲਤ ਤੋਂ ਵੀ ਸਬਕ ਮਿਲ ਗਿਆ ਜਿਥੇ ਨੋਟਬੰਦੀ ਤੋਂ ਬਾਅਦ ਲੋਕ ਸੜਕਾਂ ਉਪਰ ਆ ਗਏ ਤੇ ਸਰਕਾਰ ਨੂੰ ਆਪਣਾ ਫੈਸਲਾ ਵਾਪਸ ਲੈਣਾ ਪਿਆ। ਭਾਰਤ ਦੀ ਸੁਪਰੀਮ ਕੋਰਟ ਨੇ ਵੀ ਸਰਕਾਰ ਨੂੰ ਝਾੜ ਪਾਉਂਦਿਆਂ ਅਕਲ ਤੋਂ ਕੰਮ ਲੈਣ ਦੀ ਤਾਗੀਦ ਕੀਤੀ ਤਾਂ ਸਰਕਾਰ ਨੇ 21 ਨਵੰਬਰ ਨੂੰ ਆਪਣੇ ਕੁਝ ਸਖਤ ਫੈਸਲੇ ਵਾਪਸ ਲਏ ਹਨ। ਆਸ ਅਗਲੇ ਕੁਝ ਦਿਨਾਂ ਤੱਕ ਲੋਕਾਂ ਨੂੰ ਹੋਰ ਰਾਹਤ ਮਿਲੇਗੀ ਜਿਸ ਨਾਲ ਮੁਲਕ ਦੀ ਤਬਾਹੀ ਵੱਲ ਵੱਧ ਰਹੀ ਆਰਥਿਕਤਾ ਮੁੜ ਲੀਹ ਉਪਰ ਆ ਜਾਵੇਗੀ।

ਸਰਬੱਤ ਖਾਲਸਾ ਦੇ ਪ੍ਰਬੰਧਕਾਂ ਲਈ ਸੋਚਣ ਦਾ ਵੇਲਾ

ਪੰਜਾਬ ਦੀ ਪੰਥਕ ਅਖਵਾਉਣ ਵਾਲੀ ਸਰਕਾਰ ਦੀਆਂ ਸਿੱਖ ਵਿਰੋਧੀ ਸਰਗਰਮੀਆਂ ਤੋਂ ਖ਼ਫਾ ਹੋਈਆਂ ਪੰਥਕ ਜਥੇਬੰਦੀਆਂ ਵਲੋਂ 8 ਦਸੰਬਰ ਨੂੰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਤਲਵੰਡੀ ਸਾਬੋ ਵਿਖੇ ਸੱਦਿਆ ਗਿਆ ਸਰਬੱਤ ਖਾਲਸਾ ਸਰਕਾਰੀ ਅੜਿੱਕਿਆਂ ਦੇ ਬਾਵਜੂਦ ਸੁੱਖ ਸਾਂਦ ਨਾਲ ਸਿਰੇ ਚੜ੍ਹ ਗਿਆ। ਸਰਕਾਰ ਵਲੋਂ ਸ਼ੁਰੂ ਵਿਚ ਇਹ ਬਹਾਨਾ ਬਣਾਇਆ ਜਾਂਦਾ ਰਿਹਾ ਕਿ ਸਰਬੱਤ ਖਾਲਸਾ ਹੋਣ ਨਾਲ ਪੰਜਾਬ ਦਾ ਅਮਨ ਭੰਗ ਹੋ ਸਕਦਾ । ਇਸ ਖਦਸ਼ੇ ਨੂੰ ਲੈ ਕੇ ਮੁੱਖ ਮੰਤਰੀ ਅਤੇ ਉਪ ਮੁੱਖ ਮੰਤਰੀ ਵਲੋਂ ਜ਼ੋਰਦਾਰ ਆਵਾਜ਼ ਵਿਚ ਇਹ ਬਿਆਨਬਾਜ਼ੀ ਕੀਤੀ ਜਾਂਦੀ ਰਹੀ ਕਿ ਇਸ ਸਮਾਗਮ ਦੀ ਕਿਸੇ ਵੀ ਹਾਲਤ ਵਿਚ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਕੇਂਦਰ ਸਰਕਾਰ ਤੱਕ ਇਹ ਸੁਨੇਹਾ ਵੀ ਪਹੁੰਚਾਇਆ ਗਿਆ ਕਿ ਇਸ ਸਮਾਗਮ ਰਾਹੀਂ ਪਾਕਿਸਤਾਨ ਵਲੋਂ ਪੰਜਾਬ ਵਿਚ ਫਿਰਕੂ ਫਸਾਦ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ । ਕੇਂਦਰੀ ਸਰਕਾਰ ਵਲੋਂ ਸੁਰੱਖਿਆ ਕਾਇਮ ਰੱਖਣ ਲਈ ਅਰਧ ਫੌਜੀ ਦਸਤਿਆਂ ਦੀਆਂ ਪੰਜ ਪਲਟਨਾਂ ਮੌਕੇ ‘ਤੇ ਭੇਜ ਦਿੱਤੀਆਂ ਗਈਆਂ। ਦਰਅਸਲ ਬਾਦਲ ਸਰਕਾਰ ਦੀਆਂ ਸਿੱਖਾਂ ਨੂੰ ਬਦਨਾਮ ਕਰਨ ਦੀਆਂ ਅਜਿਹੀਆਂ ਢੂਚਰਾਂ ਹੀ ਪੰਥਕ ਸਿੱਖਾਂ ਅੰਦਰ ਫੈਲੇ ਰੋਹ ਦਾ ਸਬੱਬ ਹਨ। ਪਿਛਲੇ ਸਾਲ ਪੰਥਕ ਜਥੇਦਾਰਾਂ ਉਪਰ ਦੇਸ਼–ਧ੍ਰੋਹੀ ਦਾ ਇਲਜ਼ਾਮ ਲਾ ਕੇ ਉਨ੍ਹਾਂ ਨੂੰ ਜੇਹਲੀਂ ਬੰਦ ਕੀਤਾ ਗਿਆ ਸੀ। ਹਾਲਾਂਕਿ ਪੰਜ ਲੱਖ ਵਾਲੇ ਉਸ ਸਮਾਗਮ ਵਿਚ ਇਕ ਪੱਤਾ ਵੀ ਨਹੀਂ ਹਿੱਲਿਆ ਸੀ। ਅਜਿਹੀ ਬੌਖਲਾਹਟ ਨਾਲ ਸਰਕਾਰ ਦੀ ਸਮਾਜਿਕ ਅਤੇ ਸਿਆਸੀ ਤੌਰ ‘ਤੇ ਭਾਰੀ ਹੇਠੀ ਹੋਈ ਸੀ। ਦੁਬਾਰਾ ਅਜਿਹੀ ਸ਼ਰਮਿੰਦਗੀ ਤੋਂ ਬਚਣ ਲਈ ਸਰਕਾਰ ਨੇ ਪਿਛਲੇ ਮਹੀਨੇ ਵਾਲਾ ਸਰਬੱਤ ਖਾਲਸਾ ਧੱਕੇ ਨਾਲ ਰੱਦ ਕਰਵਾਇਆ। ਪਿਛਲੇ ਹਫਤੇ 8 ਦਸੰਬਰ ਦੇ ਸਮਾਗਮ ਨੂੰ ਰੋਕਣ ਲਈ ਪੁਲਿਸ ਨੇ ਸੂਬੇ ਭਰ ਦੀਆਂ ਸੜਕਾਂ ਉਪਰ ਨਾਕੇ ਲਾ ਕੇ ਸੰਗਤਾਂ ਨੂੰ ਤਲਵੰਡੀ ਸਾਬੋ ਜਾਣ ਤੋਂ ਰੋਕਿਆ। ਪਰ ਪੁਲਿਸ ਵਲੋਂ ਕਾਇਮ ਕੀਤੇ ਅਜਿਹੇ ਅੜਿੱਕਿਆਂ ਦੇ ਬਾਵਜੂਦ ਤਿੰਨ ਹਜ਼ਾਰ ਤੋਂ ਵਧੇਰੇ ਸੰਗਤ ਸਮਾਗਮ ਵਾਲੀ ਥਾਂ ਪਹੁੰਚਣ ਵਿਚ ਕਾਮਯਾਬ ਹੋ ਗਈ। ਪੁਲਿਸ ਨੇ ਪ੍ਰਬੰਧਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਉਨ੍ਹਾਂ ਦੀ ਗੈਰਹਾਜ਼ਰੀ ਵਿਚ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਉਪਰੰਤ ਮਤੇ ਪੜ੍ਹੇ ਗਏ ਜਿਨ੍ਹਾਂ ਵਿਚ ਪ੍ਰਮੁੱਖ ਸਨ ਬਾਦਲ ਪਰਿਵਾਰ ਨੂੰ ਪੰਥ ‘ਚੋਂ ਖਾਰਜ ਕਰਨਾ ਅਤੇ ਖਾਲਿਸਤਾਨ ਦੀ ਆਜ਼ਾਦੀ ਲਈ ਸੰਘਰਸ਼ ਜਾਰੀ ਰੱਖਣ ਦਾ ਐਲਾਨ। ਹੋਰ ਵੀ ਕੁਝ ਮਤੇ ਜਿਵੇਂ ਪਵਿੱਤਰ ਸਰੂਪਾਂ ਦੀ ਬੇਅਦਬੀ ਬਾਰੇ ਜਾਂਚ ਅਤੇ ਬਹਿਬਲ ਕਲਾਂ ਗੋਲੀਕਾਂਡ ਦੇ ਜ਼ੁੰਮੇਵਾਰ ਪੁਲਿਸ ਅਫਸਰਾਂ ਵਿਰੁੱਧ ਮੁਕੱਦਮੇ ਅਤੇ ਭਾਈ ਜਗਤਾਰ ਸਿੰਘ ਹਵਾਰਾ ਦੀ ਰਿਹਾਈ ਵਰਗੀਆਂ ਮੰਗਾਂ ਜੋ ਆਮ ਸਿੱਖਾਂ ਦੀ ਆਵਾਜ਼ ਹਨ, ਪਰ ਸਰਕਾਰ ਇਨ੍ਹਾਂ ਬਾਰੇ ਸੰਜੀਦਾ ਨਹੀਂ। ਸਮਾਗਮ ਦੇ ਪ੍ਰਬੰਧਕਾਂ ਵਲੋਂ ਆਪਣੀ ਕਾਮਯਾਬੀ ਦੀ ਬਿਆਨਬਾਜ਼ੀ ਕੀਤੀ ਜਾ ਰਹੀ , ਜਿਸ ਦਾ ਹੁੰਗਾਰਾ ਖਾਲਿਸਤਾਨ ਹਮਾਇਤੀ ਵਿਦੇਸ਼ੀ ਸਿੱਖ ਜਥੇਬੰਦੀਆਂ ਵਲੋਂ ਵੀ ਭਰਿਆ ਜਾ ਰਿਹਾ । ਅਜਿਹੀ ਬਿਆਨਬਾਜ਼ੀ ਤੋਂ ਇਕ ਗੱਲ ਸਮਝ ਤਾਂ ਪੈਂਦੀ ਕਿ ਆਮ ਸਿੱਖਾਂ ਵਿਚ ਮੌਕੇ ਦੀ ਸਰਕਾਰ ਵਿਰੁੱਧ ਭਾਰੀ ਗੁੱਸਾ ਜਿਸ ਤੋਂ ਖਹਿੜਾ ਛੁਡਾਉਣ ਲਈ ਹੱਥ ਪੈਰ ਮਾਰ ਰਹੇ ਹਨ। ਸਰਬੱਤ ਖਾਲਸਾ ਦੇ ਨਾਂ ਨਾਲ ਆਮ ਸਿੱਖ ਇਸੇ ਵਜਾਹ ਕਰਕੇ ਪ੍ਰਭਾਵਿਤ ਹੁੰਦਾ ਕਿ 18ਵੀਂ ਸਦੀ ਦੇ ਸਰਬੱਤ ਖਾਲਸਾ ਸਮਾਗਮਾਂ ਵਿਚ ਕੌਮ ਦੀ ਏਕਤਾ ਮਜ਼ਬੂਤ ਹੁੰਦੀ ਰਹੀ। ਪਰ ਮੌਜੂਦਾ ਸਰਬੱਤ ਖਾਲਸਾ ਦੇ ਪ੍ਰਬੰਧਕ ਹੀ ਆਪਸ ਵਿਚ ਇਕਸੁਰ ਨਹੀਂ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜੇਹਲਬੰਦ ਕਾਰਜਕਾਰੀ ਜਥੇਦਾਰ ਭਾਈ ਜਗਤਾਰ ਸਿੰਘ ਹਵਾਰਾ ਦੇ ਹੁਕਮ ਦੀ ਪ੍ਰਵਾਹ ਕੀਤੇ ਬਿਨਾ ਪੰਜ ਪਿਆਰਿਆਂ ਦੀ ਦੁਰਗੱਤ ਕੀਤੀ ਗਈ। ਅਜਿਹਾ ਸਰਬੱਤ ਖਾਲਸਾ ਕੌਮ ਦੀ ਸ਼ਕਤੀ ਅਤੇ ਸਮੇਂ ਦੀ ਬਰਬਾਦੀ ਤੋਂ ਬਿਨਾ ਕੁਝ ਵੀ ਨਹੀਂ। ਅਜਿਹੀਆਂ ਘੁਣਤਰਾਂ ਨਾਲ ਸਿੱਖਾਂ ਨੂੰ ਕੁਝ ਵੀ ਹਾਸਲ ਨਹੀਂ ਹੋ ਸਕਦਾ। ਸਗੋਂ ਆਜ਼ਾਦੀ ਦੀ ਮੰਜ਼ਿਲ ਹੋਰ ਦੂਰ ਹੁੰਦੀ ਜਾ ਰਹੀ ।

ਬੀੰਬੀੰਸੀੰ ਦੀ ਵੈਬਸਾਈਟ ਲਈ ਪੰਜਾਬੀ ਭਾਸ਼ਾ ਦੀ ਮੁਹਿੰਮ

ਕਰੀਬ ਇਕ ਸਦੀ ਪਹਿਲਾਂ ਰੋਜ਼ੀ ਰੋਟੀ ਦੀ ਭਾਲ ਵਿਚ ਪੰਜਾਬੀਆਂ ਨੇ ਸਮੁੰਦਰੋਂ ਪਾਰ ਜਾ ਕੇ ਜਿਨ੍ਹਾਂ ਮੁਲਕਾਂ ਵਿਚ ਆਪਣਾ ਆਲ੍ਹਣਾ ਬਣਾਇਆ, ਉਥੇ ਸਖ਼ਤ ਮੇਹਨਤ ਨਾਲ ਆਪਸ ਵਿਚ ਭਾਈਚਾਰਕ ਸਾਂਝ ਨੂੰ ਸਿਰਫ ਕਾਇਮ ਹੀ ਨਹੀਂ ਕੀਤਾ ਬਲਕਿ ਆਪਣੀਆਂ ਧਾਰਮਿਕ ਰਵਾਇਤਾਂ ਨੂੰ ਜਾਰੀ ਰੱਖਿਆ। ਆਰਥਿਕ ਤੌਰ ‘ਤੇ ਸਥਾਪਤੀ ਦੇ ਨਾਲ ਹੀ ਪੰਜਾਬ ਤੋਂ ਆਪੋ ਆਪਣੇ ਟੱਬਰਾਂ ਨੂੰ ਮੰਗਵਾਇਆ। ਇਸ ਤਰ੍ਹਾਂ ਸਮਾਜਿਕ ਜੀਵਨ ਪ੍ਰਫੁੱਲਤ ਹੋਣ ਲੱਗਾ। ਉਦੋਂ ਤੱਕ ਹਰ ਟਾਊਨ ਵਿਚ ਗੁਰਦੁਆਰੇ ਕਾਇਮ ਹੋ ਚੁੱਕੇ ਸਨ ਜਿਥੇ ਪੰਜਾਬੀ ਬੱਚਿਆਂ ਨੂੰ ਗੁਰਮੁਖੀ ਲਿੱਪੀ ਵਿਚ ਪੰਜਾਬੀ ਭਾਸ਼ਾ ਦੀ ਸਿਖਿਆ ਦਿੱਤੀ ਜਾਣ ਲੱਗੀ। ਭਾਵੇਂ ਅੰਗਰੇਜ਼ ਭਗਤ ਬਹੁਤ ਸਾਰੇ ਮਾਪੇ ਅਜਿਹੀ ਸਿਖਿਆ ਨੂੰ ਬੇਲੋੜਾ ਸਮਝਦੇ ਸਨ। ਪਰ ਆਮ ਮਾਪੇ ਇਸ ਗੱਲ ਦੇ ਹਮਾਇਤੀ ਸਨ ਕਿ ਪੰਜਾਬੀ ਭਾਸ਼ਾ ਦੇ ਮਾਧਿਅਮ ਰਾਹੀਂ ਹੀ ਬੱਚਿਆਂ ਨੂੰ ਆਪਣੇ ਧਰਮ ਅਤੇ ਸੱਭਿਆਚਾਰ ਨਾਲ ਬੰਨ੍ਹ ਕੇ ਰੱਖਿਆ ਜਾ ਸਕਦਾ । ਸਮੇਂ ਦੇ ਬੀਤਣ ਨਾਲ ਪਹਿਲੀ ਪੀੜ੍ਹੀ ਦੇ ਪੰਜਾਬੀ ਪ੍ਰਵਾਸੀਆਂ ਦੀ ਦੂਜੀ ਪੀੜ੍ਹੀ ਆਪਣੀ ਮਾਂ ਬੋਲੀ ਅਤੇ ਧਰਮ ਤੋਂ ਦੂਰ ਹੁੰਦੀ ਹੋਈ ਅੰਗ੍ਰੇਜ਼ੀ ਬੋਲੀ ਅਤੇ ਪੱਛਮੀ ਸੱਭਿਅਤਾ ਦੇ ਰੰਗ ਵਿਚ ਰੰਗੀ ਗਈ। ਪਰ ਸਿਰੜੀ ਪੰਜਾਬੀਆਂ ਨੇ ਅਜਿਹੇ ਮਾਹੌਲ ਵਿਚ ਵੀ ਆਪਣੀ ਬੋਲੀ ਅਤੇ ਸੱਭਿਆਚਾਰ ਨੂੰ ਕਾਇਮ ਰੱਖਣ ਦਾ ਸੰਘਰਸ਼ ਜਾਰੀ ਰੱਖਿਆ। ਇਹ ਮੁਹਿੰਮ ਅੱਜ ਵੀ ਜਾਰੀ । ਹਰੇਕ ਟਾਊਨ ਦੇ ਗੁਰਦੁਆਰਿਆਂ ਵਿਚ ਸ਼ਾਮ ਵੇਲੇ ਅਤੇ ਵੀਕਐਂਡ ਉਪਰ ਪੰਜਾਬੀ ਪੜ੍ਹਾਉਣ ਦੀਆਂ ਕਲਾਸਾਂ ਲੱਗਦੀਆਂ ਹਨ ਜਿਥੇ ਬੱਚਿਆਂ ਨੂੰ ਗੁਰਮੁਖੀ ਲਿੱਪੀ ਵਿਚ ਪੰਜਾਬੀ ਦੀ ਪੜ੍ਹਾਈ ਕਰਾਈ ਜਾਂਦੀ । ਘਰਾਂ ਵਿਚ ਵੀ ਬੱਚਿਆਂ ਨੂੰ ਪੰਜਾਬੀ ਵਿਚ ਗੱਲਬਾਤ ਲਈ ਉਤਸਾਹਿਤ ਕੀਤਾ ਜਾਂਦਾ । ਸ਼ਾਇਦ ਅਜਿਹੇ ਮਾਪਿਆਂ ਦੀ ਸੋਚ ਉਪਰ ਆਪਣੇ ਬੱਚਿਆਂ ਦੇ ਪੰਜਾਬੀ ਬਣੇ ਰਹਿਣ ਦੀ ਤਾਂਘ ਭਾਰੂ । ਪੰਜਾਬੀ ਬੋਲਦੇ ਬੱਚੇ ਉਨ੍ਹਾਂ ਦੇ ਹਿਰਦਿਆਂ ਨੂੰ ਠੰਡਕ ਪਹੁੰਚਾਉਂਦੇ ਹਨ। ਅਜਿਹੀ ਰਵਾਇਤ ਨੂੰ ਬੱਚਿਆਂ ਦੀ ਜੀਵਨ ਜਾਂਚ ਦਾ ਹਿੱਸਾ ਬਣਾਉਣ ਲਈ ਵਿਗਿਆਨ ਦੇ ਮਾਡਰਨ ਢੰਗ ਤਰੀਕਿਆਂ ਦੀ ਵਰਤੋਂ ਕਰਨੀ ਪਵੇਗੀ। ਪੰਜਾਬੀ ਦੀ ਸਿਖਿਆ ਦੇਣ ਵਾਲੇ ਗੁਰੂਘਰਾਂ ਨੂੰ ਵੀ ਕੰਪਿਊਟਰ ਦਾ ਸਹਾਰਾ ਲੈਣਾ ਪਵੇਗਾ। ਇਸ ਵਿਧੀ ਵਿਚ ਮੁਹਾਰਤ ਲਈ ਸਖਤ ਮੇਹਨਤ ਅਤੇ ਸਰਕਾਰੀ ਸਹਿਯੋਗ ਦੀ ਲੋੜ । ਵਿਸ਼ਵ ਭਰ ਵਿਚ ਬ੍ਰਤਾਨੀਆ ਦੀ ਮਸ਼ਹੂਰ ਪ੍ਰਸਾਰਨ ਕੰਪਣੀ ਬੀੰਬੀੰਸੀੰ ਨੇ ਆਪਣੀ ਵੈਬਸਾਈਟ ਲਈ ਇਸ ਦੇਸ਼ ਵਿਚ ਵਸਦੀਆਂ ਅਨੇਕਾਂ ਘੱਟਗਿਣਤੀਆਂ ‘ਚੋਂ 15 ਕੌਮਾਂ ਦੀਆਂ ਭਾਸ਼ਾਵਾਂ ਨੂੰ ਚੁਣਿਆ ਗਿਆ । ਪਰ ਇਨ੍ਹਾਂ ਵਿਚ ਪੰਜਾਬੀ ਭਾਸ਼ਾ ਸ਼ਾਮਲ ਨਹੀਂ ਜਿਸ ਨੂੰ ਮੁਲਕ ਦੀਆਂ ਘੱਟਗਿਣਤੀ ਭਾਸ਼ਾਵਾਂ ਵਿਚ ਅਹਿਮ ਦਰਜਾ ਹਾਸਲ । ਬੀੰਬੀੰਸੀੰ ਅਦਾਰੇ ਵਲੋਂ ਇਹ ਭੁੱਲ ਅਣਜਾਣੇ ਵਿਚ ਹੋਈ ਜਾਂ ਜਾਣ ਬੁੱਝ ਕੇ, ਇਸ ਬਾਰੇ ਕੋਈ ਪੱਕੀ ਜਾਣਕਾਰੀ ਨਹੀਂ । ਪਰ ਪੰਜਾਬੀ ਨਾਲ ਹੋਏ ਇਸ ਵਿਤਕਰੇ ਨੂੰ ਦੂਰ ਕਰਵਾਉਣ ਲਈ ਕੁਝ ਪੰਜਾਬੀ ਪਿਆਰਿਆਂ ਨੇ ਬੀੰਬੀੰਸੀੰ ਨੂੰ ਇਕ ਮੰਗ ਪੱਤਰ ਦੇਣ ਦਾ ਬੀੜਾ ਚੁੱਕਿਆ । ਉਨ੍ਹਾਂ ਵਲੋਂ ਇਕ ਭੁੱਲ ਇਹ ਹੋਈ ਕਿ ਇਹ ਮੁਹਿੰਮ ਇੰਟਰਨੈੱਟ ਉਪਰ ਸ਼ੁਰੂ ਕਰ ਦਿੱਤੀ। ਪਰ ਕਾਗਜ਼ਾਂ ਉਪਰ ਦਸਤਖ਼ਤਾਂ ਲਈ ਸਾਰੇ ਗੁਰੂਘਰਾਂ ਤੱਕ ਪਹੁੰਚ ਨਾ ਕੀਤੀ ਗਈ। ਇਸੇ ਕਾਰਨ ਇਹ ਮੁਹਿੰਮ ਆਮ ਪੰਜਾਬੀਆਂ ਤੱਕ ਨਾ ਪਹੁੰਚ ਸਕੀ। ਇਸ ਮੁਹਿੰਮ ਦੇ ਸੰਚਾਲਕਾਂ ਨੂੰ ਸਾਡਾ ਸੁਝਾਅ ਕਿ ਉਹ ਮੁਲਕ ਭਰ ਦੇ ਤਿੰਨ ਸੌ ਗੁਰੂ ਘਰਾਂ ਤੱਕ ਪਹੁੰਚ ਕਰਕੇ ਪਟੀਸ਼ਨ ਦਾ ਮਹੱਤਵ ਉਨ੍ਹਾ ਦੇ ਧਿਆਨ ਗੋਚਰੇ ਕਰਨ ਤੇ ਇਸ ਉਪਰ ਸੰਗਤਾਂ ਦੇ ਵੱਧ ਤੋਂ ਵੱਧ ਦਸਖ਼ਤ ਕਰਵਾਉਣ ਦੀ ਖੇਚਲ ਕਰਨ। ਬੀੰਬੀੰਸੀੰ ਦੀ ਵੈਬਸਾਈਟ ਉਪਰ ਪੰਜਾਬੀ ਭਾਸ਼ਾ ਨੂੰ ਦਰਜ ਕਰਵਾਉਣ ਲਈ ਇਕ ਲੱਖ ਦਸਤਖ਼ਤਾਂ ਦੀ ਲੋੜ । ਇਹ ਟੀਚਾ ਸਹਿਜੇ ਹੀ ਪੂਰਾ ਹੋ ਸਕਦਾ ਜੋ ਪੰਜਾਬੀ ਭਾਸ਼ਾ ਦੀ ਸੇਵਾ ਦਾ ਸੁਨਹਿਰੀ ਮੌਕਾ ਹੋਵੇਗਾ।

ਭਾਰਤੀ ਲੀਡਰਾਂ ਲਈ ਸਿਆਸਤ ‘ਸੇਵਾ’ ਨਹੀਂ ‘ਪੇਸ਼ਾ’ ਬਣ ਗਈ

ਇਸੇ ਹਫਤੇ ਪੰਜ ਦਸੰਬਰ ਨੂੰ ਇਕ ਖਬਰ ਸਾਹਮਣੇ ਆਈ ਕਿ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਜੌਹਨ ਕੀ ਅਤੇ ਇਟਲੀ ਦੇ ਪ੍ਰਧਾਨ ਮੰਤਰੀ ਮਾਤਿਓ ਰੇਂਜ਼ੀ ਨੇ ਆਪੋ ਆਪਣੇ ਅਹੁਦਿਆਂ ਤੋਂ ਅਸਤੀਫੇ ਦੇ ਦਿੱਤੇ ਹਨ। ਮਿਸਟਰ ਕੀ ਨੇ ਆਪਣੇ ਅਸਤੀਫੇ ਦੀ ਵਜਾਹ ਇਹ ਦੱਸੀ ਕਿ ਪਿਛਲੇ ਅੱਠ ਸਾਲਾਂ ਤੋਂ ਲਗਾਤਾਰ ਮੈਂ ਆਪਣੇ ਮੁਲਕ ਅਤੇ ਲੋਕਾਂ ਦੀ ਸੇਵਾ ਕਰ ਰਿਹਾ ਹਾਂ। ਹੁਣ ਕਿਸੇ ਹੋਰ ਨੂੰ ਵੀ ਮੌਕਾ ਮਿਲਣਾ ਚਾਹੀਦਾ । ਹੋ ਸਕਦਾ ਕਿ ਉਸਦੀ ਸੋਚ ਮੈਥੋਂ ਵੱਧ ਤੇਜ਼ ਹੋਵੇ ਤੇ ਲੋਕਾਂ ਦੀ ਬੇਹਤਰ ਢੰਗ ਨਾਲ ਸੇਵਾ ਕਰ ਸਕੇ। ਦੂਜੇ ਪਾਸੇ ਇਟਲੀ ਦੇ ਸੰਵਿਧਾਨ ਵਿਚ ਸੁਧਾਰਾਂ ਲਈ ਰਾਇਸ਼ੁਮਾਰੀ ਹੋਈ ਜਿਸ ਵਿਚ ਪ੍ਰਧਾਨ ਮੰਤਰੀ ਰੇਂਜ਼ੀ ਦੇ ਗਰੁੱਪ ਨੂੰ ਹਾਰ ਨਸੀਬ ਹੋਈ। ਨਤੀਜਾ ਬਾਹਰ ਆਉਂਦਿਆਂ ਹੀ ਪ੍ਰਧਾਨ ਮੰਤਰੀ ਨੇ ਅਸਤੀਫਾ ਦੇ ਦਿੱਤਾ। ਇਸੇ ਸਾਲ ਜੂਨ ਵਿਚ ਬ੍ਰਤਾਨੀਆ ਦੇ ਸਾਬਕਾ ਪ੍ਰਧਾਨ ਮੰਤਰੀ ਡੇਵਿਡ ਕੈਮਰਾਨ ਨੇ ਵੀ ਇਸੇ ਤਰ੍ਹਾਂ ਕੀਤਾ ਸੀ ਜਦ ਯੂਰਪੀਨ ਯੂਨੀਅਨ ਨਾਲ ਸਾਂਝ ਬਣਾਈ ਰੱਖਣ ਬਾਰੇ ਹੋਈ ਰਾਏਸ਼ੁਮਾਰੀ ਵਿਚ ਉਸ ਦੀ ਹਾਰ ਹੋਈ ਸੀ। ਸਿਆਸਤ ਵਿਚ ਅਜਿਹੀ ਭਾਵਨਾ ਸਮੁੱਚੇ ਮੁਲਕ ਦੇ ਆਮ ਲੋਕਾਂ ਨੂੰ ਪ੍ਰਭਾਵਿਤ ਕਰਦੀ ਜੋ ਈਮਾਨਦਾਰੀ, ਸੱਚ, ਕੌਮੀ ਸੇਵਾ ਅਤੇ ਮੇਹਨਤ ਨੂੰ ਆਪਣਾ ਈਮਾਨ ਬਣਾ ਲੈਂਦੇ ਹਨ। ਸਿਆਸਤਦਾਨਾਂ ਦੇ ਅਜਿਹੇ ਚਰਿੱਤਰ ਅਤੇ ਈਮਾਨਦਾਰੀ ਦੀ ਬਰਾਬਰੀ ਜੇ ਭਾਰਤ ਵਰਗੇ ਮੁਲਕ ਨਾਲ ਕੀਤੀ ਜਾਵੇ ਤਾਂ ਸਹਿਜੇ ਹੀ ਅਨੁਮਾਨ ਲਾਇਆ ਜਾ ਸਕਦਾ ਕਿ ਸਿਆਸੀ ਚਰਿੱਤਰ ਦੇ ਅਜਿਹੇ ਪੱਧਰ ਤੱਕ ਪਹੁੰਚਣ ਲਈ ਸ਼ਾਇਦ ਪੂਰੀ ਇਕ ਸਦੀ ਦਾ ਸਮਾਂ ਵੀ ਘੱਟ । ਮੌਜੂਦਾ ਭਾਰਤੀ ਸਿਆਸਤ ਦੇ ਲੱਛਣਾਂ ਦਾ ਮੁਕਾਬਲਾ ਜਦ ਸੱਤਰ ਸਾਲ ਪਹਿਲਾਂ ਦੇ ਹਾਲਾਤ ਨਾਲ ਕੀਤਾ ਜਾਂਦਾ ਤਾਂ ਬਜ਼ੁਰਗਾਂ ਦੇ ਮੂੰਹ ‘ਚੋਂ ਆਪ ਮੁਹਾਰੇ ਹੀ ਇਹ ਸ਼ਬਦ ਨਿਕਲ ਜਾਂਦੇ ਹਨ ਕਿ ਮਹਾਤਮਾ ਗਾਂਧੀ ਤੇ ਨਹਿਰੂ ਵੇਲੇ ਦੇ ਸਿਆਸਤਦਾਨ ਭਲੇ ਲੋਕ ਸਨ ਜੋ ਵਰਤਮਾਨ ਲੀਡਰਾਂ ਦੀ ਸਵਾਰਥੀ ਸਿਆਸੀ ਲੁੱਟ ਖੋਹ ਤੋਂ ਦੂਰ ਸਨ। ਪੰਜਾਬ ਦੇ ਦਰਵੇਸ਼ ਸਿਆਸਤਦਾਨ ਗਿਆਨੀ ਕਰਤਾਰ ਸਿੰਘ ਦੀ ਜਾਇਦਾਦ ਕਛਹਿਰਿਆਂ ਦਾ ਇਕ ਜੋੜਾ ਤੇ ਪਰਨਾ ਹੋਇਆ ਕਰਦਾ ਸੀ ਜਿਨ੍ਹਾਂ ਨੂੰ ਮੋਢੇ ਉਪਰ ਰੱਖ ਕੇ ਆਪਣੇ ਸਫਰ ਉਪਰ ਤੁਰੇ ਰਹਿੰਦੇ ਸਨ। ਦੂਜੇ ਲੀਡਰ ਮਾਸਟਰ ਤਾਰਾ ਸਿੰਘ ਲੰਬਾ ਸਮਾਂ ਅਕਾਲੀ ਦਲ ਦੇ ਪ੍ਰਧਾਨ ਰਹੇ, ਉਹ ਕ੍ਰੋੜਪਤੀ ਜਾਂ ਅਰਬਪਤੀ ਨਾ ਬਣੇ। ਪਰ ਉਸ ਵੇਲੇ ਦਾ ਅਕਾਲੀ ਦਲ ਹੁਣ ਖਾਓ ਪੀਓ ਤੇ ਕਰੋ ਅਨੰਦ ਦੀ ਹਾਲਤ ਤੱਕ ਪਹੁੰਚ ਕੇ ਰਿਸ਼ਵਤਖੋਰੀ, ਖਿੱਚ ਧੂਹ ਅਤੇ ਤਾਕਤ ਦੀ ਦੁਰਵਰਤੋਂ ਤੱਕ ਪਹੁੰਚ ਗਿਆ । ਪਾਰਟੀ ਦਾ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਆਮ ਲੋਕਾਂ ਨਾਲ ਸੰਗਤ ਦਰਸ਼ਨ ਮੌਕੇ ਬੜੇ ਫਖਰ ਨਾਲ ਆਪਣੀ ਇਹ ਪ੍ਰਾਪਤੀ ਬਿਆਨ ਕਰ ਜਾਂਦਾ ਕਿ ਉਸ ਨੇ ਸਭ ਤੋਂ ਵੱਧ ਲੰਬਾ ਸਮਾਂ ਪੰਜਾਬ ਉਪਰ ਬਤੌਰ ਮੁੱਖ ਮੰਤਰੀ ਰਾਜ ਕੀਤਾ । ਉਹ ਕਹਿੰਦੇ ਹਨ ਕਿ ਪੰਜ ਵਾਰ ਮੁੱਖ ਮੰਤਰੀ ਬਣਕੇ ਲੋਕਾਂ ਦੀ ਸੇਵਾ ਕੀਤੀ । ਇਸ ਵਾਰ ਵੀ ਮੈਨੂੰ ਵੋਟਾਂ ਪਾ ਕੇ ਛੇਵੀਂ ਵਾਰ ਮੁੱਖ ਮੰਤਰੀ ਬਣਾ ਦਿਓਗੇ ਤਾਂ ਪਿਛਲੇ ਸਮੇਂ ‘ਚ ਜੋ ਘਾਟ ਰਹਿ ਗਈ , ਉਹ ਅਗਲੇ ਪੰਜਾਂ ਸਾਲਾਂ ‘ਚ ਪੂਰੀ ਕਰ ਦਿਆਂਗਾ। ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਇਸ ਤੋਂ ਅੱਗੇ ਜਾ ਕੇ ਪਾਰਲੀਮੈਂਟ ਦੀਆਂ ਚੋਣਾ ਵੇਲੇ ਦਾ ਵਾਅਦਾ ਦੁਹਰਾ ਕੇ ਆਖਦੇ ਹਨ ”ਇਸ ਵਾਰ ਦਿੱਲੀ ਤੋਂ ਨਵੇਂ ਨੋਟਾਂ ਦੇ ਟਰੱਕ ਭਰ ਕੇ ਲਿਆਵਾਂਗਾ।” ਇਕ ਵਾਰ ਮੌਕਾ ਜ਼ਰੂਰ ਦਿਓ। ਕੀ ਅਜਿਹੇ ਲੀਡਰ ਪੰਜਾਬੀਆਂ ਦਾ ਕੋਈ ਭਲਾ ਕਰ ਸਕਦੇ ਹਨ ਜੋ ਪੁਲਿਸ ਦੇ ਸੈਂਕੜੇ ਪਹਿਰੇਦਾਰਾਂ ਦੇ ਘੇਰੇ ਵਿਚ ਝੂਠ ਬੋਲਦਿਆਂ ਜ਼ਮੀਨ ਆਸਮਾਨ ਨੂੰ ਇਕੋ ਕਲਾਵੇ ਵਿਚ ਭਰ ਲੈਂਦੇ ਹਨ। ਦਰਅਸਲ ਪ੍ਰਕਾਸ਼ ਸਿੰਘ ਬਾਦਲ ਦੀ ਹਾਲਤ ਉਪਰ ਤਰਸ ਹੀ ਖਾਧਾ ਜਾ ਸਕਦਾ ਜਿਨ੍ਹਾਂ ਦੀ ਬਦੌਲਤ ਪੰਜਾਬ ਤਬਾਹੀ ਦੀ ਮੌਜੂਦਾ ਹਾਲਤ ਤੱਕ ਜਾ ਪੁੱਜਾ । ਜੇ ਦੇਖਿਆ ਜਾਵੇ ਤਾਂ ਪਿਛਲੀ ਅੱਧੀ ਸਦੀ ਤੋਂ ਉਨ੍ਹਾਂ ਡਿਕਟੇਟਰ ਬਣ ਕੇ ਪੰਜਾਬ ਉਪਰ ਰਾਜ ਕੀਤਾ । ਪਾਰਟੀ ਵਿਚ ਜੇਕਰ ਕਿਸੇ ਹੋਰ ਲੀਡਰ ਨੇ ਉਨ੍ਹਾਂ ਦੇ ਫੈਸਲਿਆਂ ਨੂੰ ਚਣੌਤੀ ਦਿੱਤੀ ਤਾਂ ਪਿੱਠ ਵਿਚ ਛੁਰਾ ਮਾਰਨ ਵਾਲੀਆਂ ਸਾਜ਼ਿਸ਼ਾਂ ਰਾਹੀਂ ਉਨ੍ਹਾਂ ਨੂੰ ਸਮੇਂ ਦੇ ਅੰਨ੍ਹੇ ਖੂਹ ਵਿਚ ਧੱਕਾ ਦੇ ਦਿੱਤਾ। ਜਥੇਦਾਰ ਗੁਰਚਰਨ ਸਿੰਘ ਟੌਹੜਾ ਦਾ ਪਰਿਵਾਰ ਅਤੇ ਟਕਸਾਲੀ ਅਕਾਲੀ ਲੀਡਰ ਸਰਦਾਰ ਕੁਲਦੀਪ ਸਿੰਘ ਵਡਾਲਾ ਇਸ ਦੀਆਂ ਪ੍ਰਤੱਖ ਮਿਸਾਲਾਂ ਹਨ। ਜਥੇਦਾਰ ਟੌਹੜਾ ਦੀ ਸਿਆਸਤ ਦੇ ਵਾਰਿਸ ਪ੍ਰੇਮ ਸਿੰਘ ਚੰਦੂਮਾਜਰਾ ਇਕੋ ਝਟਕੇ ਪਿੱਛੋਂ ਵਕਤ ਦੀ ਘੁਰਕੀ ਤੋਂ ਬਚ ਕੇ ਬਾਦਲ ਦੇ ਪੈਰੀਂ ਪੈ ਗਿਆ ਤੇ ਅੱਜ ਤੱਕ ‘ਫਖਰ–ਏ–ਕੌਮ’ ਦੀ ਮੁੱਛ ਦਾ ਵਾਲ ਬਣ ਕੇ ਸਿਆਸਤ ਦੇ ਦੰਭ ਵਿਚ ਪੂਰਾ ਭਾਈਵਾਲ । ਜੇਕਰ ਪੰਜਾਬੀਆਂ ਅਤੇ ਖਾਸ ਤੌਰ ‘ਤੇ ਸਿੱਖਾਂ ਦੀ ਦ੍ਰਿਸ਼ਟੀ ਤੋਂ ਦੇਖਿਆ ਜਾਵੇ ਤਾਂ ਪਿਛਲੇ ਲੰਬੇ ਸਮੇਂ ਦੌਰਾਨ ਬਾਦਲ ਦੀ ਜ਼ੀਰੋ ਪ੍ਰਾਪਤੀ । ਉਸ ਨੇ ਪੰਜਾਬੀਆਂ ਦੀ ਗੈਰਤ, ਵਿਰਾਸਤੀ ਸਵੈਮਾਨ, ਅਣਖ ਅਤੇ ਟੈਂਅ ਨੂੰ ਮਲੀਆਮੇਟ ਕਰਨ ਵਿਚ ਅਹਿਮ ਰੋਲ ਨਿਭਾਇਆ। ਪਿਛਲੀ ਸਦੀ ਦੇ ਸੱਤਵੇਂ ਦਹਾਕੇ ਵਿਚ ਪਹਿਲਾਂ ਨਕਸਲੀ ਨੌਜਵਾਨਾਂ ਦਾ ਘਾਣ ਕੀਤਾ ਅਤੇ ਫਿਰ ਨੌਵੇਂ ਦਹਾਕੇ ਤੋਂ ਲੈ ਕੇ ਸਿੱਖੀ ਵਿਚਾਰਧਾਰਾ ਵਾਲੇ ਨੌਜਵਾਨਾਂ ਦਾ ਨਸਲਘਾਤ ਜਾਰੀ । ਅੱਠਵੇਂ ਦਹਾਕੇ ਵਿਚ ਸੰਤ ਜਰਨੈਲ ਸਿੰਘ ਦੇ ਪੰਥਕ ਪ੍ਰਚਾਰ ਨਾਲ ਸਿੱਖੀ ਦੀ ਜੋ ਨਰਸਰੀ ਟਹਿਕਣ ਲੱਗੀ ਸੀ, ਉਸ ਨੂੰ ਪੂਰੀ ਤਰ੍ਹਾਂ ਪ੍ਰਫੁੱਲਤ ਹੋਣ ਤੋਂ ਪਹਿਲਾਂ ਸਰਕਾਰੀ ਜਬਰ ਨਾਲ ਤਬਾਹ ਕਰ ਦਿੱਤਾ। ਸੈਂਕੜੇ ਸਿੱਖ ਨੌਜਵਾਨ ਫਰਜ਼ੀ ਮੁਕਾਬਲਿਆਂ ਵਿਚ ਸ਼ਹੀਦ ਕਰ ਦਿੱਤੇ। ਅਨੇਕਾਂ ਹੋਰਨਾਂ ਨੂੰ ਜੇਹਲਾਂ ਵਿਚ ਸੁੱਟ ਦਿੱਤਾ ਜੋ ਅੱਜ ਤੱਕ ਕਾਲ ਕੋਠੜੀਆਂ ਦਾ ਨਰਕ ਹੰਢਾ ਰਹੇ ਹਨ। ਅਜਿਹੇ ਜਬਰ ਜ਼ੁਲਮ ਨੇ ਹਜ਼ਾਰਾਂ ਸਿੱਖਾਂ ਨੂੰ ਸੱਤ ਸਮੁੰਦਰੋਂ ਪਾਰ ਜਾਣ ਲਈ ਮਜਬੂਰ ਕਰ ਦਿੱਤਾ। ਅੱਜ ਪੰਜਾਬ ਦੀ ਹਾਲਤ ਇਹ ਕਿ ਸਿੱਖੀ ਤੋਂ ਸੱਖਣੇ ਪੰਜਾਬ ਵਿਚ ਫਿਰਕਾਪ੍ਰਸਤ ਹਿੰਦੂਆਂ ਦੀ ਜਮਾਤ ਸੰਘ ਦੇ ਪ੍ਰਭਾਵ ਹੇਠ ਹਿੰਦੀ ਅਤੇ ਹਿੰਦੂ ਸੱਭਿਆਚਾਰ ਭਾਰੂ ਹੋ ਰਿਹਾ । ਇਕ ਗਿਣੀ ਮਿਥੀ ਸਾਜ਼ਿਸ਼ ਅਧੀਨ ਪਿਛਲੇ ਇਕ ਸਾਲ ਤੋਂ ਲਗਾਤਾਰ ਗੁਰਬਾਣੀ ਦੀ ਬੇਅਦਬੀ ਕਰਦਿਆਂ ਸਿੱਖੀ ਸੋਚ ਦੇ ਜਜ਼ਬਿਆਂ ਨੂੰ ਸੱਟ ਮਾਰੀ ਜਾ ਰਹੀ । ਸਭ ਤੋਂ ਮਹੱਤਵਪੂਰਨ ਤੱਥ ਇਹ ਕਿ ਪਿਛਲੀ ਇਕ ਸਦੀ ਤੋਂ ਸਿੱਖੀ ਦੀਆਂ ਕਦਰਾਂ ਕੀਮਤਾਂ ਦੀ ਰਾਖੀ ਲਈ ਸ਼ਹਾਦਤਾਂ ਦੇਣ ਵਾਲੀ ਪੰਥਕ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਦਾ ਨਾਂ ਬਦਲ ਕੇ ‘ਪੰਜਾਬ ਪਾਰਟੀ’ ਰੱਖ ਲਿਆ । ਗੁਰਮਤਿ ਦੇ ਸਿਧਾਂਤਾਂ ਦਾ ਵੀ ਕੋਈ ਲਿਹਾਜ਼ ਨਹੀਂ ਕੀਤਾ। ਪਿਛਲੇ ਹਫਤੇ ਹੀ ਟੋਪੀ ਪਹਿਨ ਕੇ ਸ੍ਰੀ ਦਰਬਾਰ ਸਾਹਿਬ ਆਏ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸਿਰੋਪਾ ਦੇ ਕੇ ਨਿਵਾਜਿਆ ਗਿਆ । ਦਰਅਸਲ ਸਿਆਸੀ ਤਾਕਤ ਦੇ ਲਾਲਚ ਵਾਲਾ ਅਜਿਹਾ ਨਿਘਾਰ ਸਾਰੇ ਹੀ ਸਿਆਸੀ ਦਲਾਂ ਵਿਚ ਮੌਜੂਦ । ਜੇ ਕੋਈ ਇਸ ਲੀਹ ਉਪਰ ਨਹੀਂ ਚਲਦਾ, ਉਹ ਸਿਆਸਤ ਦੇ ਪਿੜ ਤੋਂ ਬਾਹਰ । ਪਰ ਸਿਤਮ ਦੀ ਗੱਲ ਕਿ ਅਜਿਹੇ ਸਾਰੇ ਲੀਡਰ ਆਮ ਲੋਕਾਂ ਨੂੰ ਝੂਠ, ਪਾਖੰਡ, ਬੇਈਮਾਨੀ, ਚੋਰੀ, ਡਾਕੇ, ਕਤਲਾਂ ਅਤੇ ਬਲਾਤਕਾਰ ਵਰਗੀਆਂ ਬੁਰਾਈਆਂ ਤੋਂ ਦੂਰ ਰਹਿਣ ਦਾ ਉਪਦੇਸ਼ ਦਿੰਦੇ ਹਨ। ਮੁਲਕ ਵਿਚ ਹਜ਼ਾਰਾਂ ਹੀ ਸਾਧਾਂ ਸੰਤਾਂ ਵਲੋਂ ਅਜਿਹੇ ਪਾਖੰਡ ਦਾ ਕਾਰੋਬਾਰ ਬੜੀ ਕਾਮਯਾਬੀ ਨਾਲ ਚੱਲ ਰਿਹਾ ਜਿਸ ਵਿਚ ਸਿਆਸਤਦਾਨਾਂ ਦਾ ਬਰਾਬਰ ਹਿੱਸਾ । ਇਸ ਕਾਰੋਬਾਰ ਨੂੰ ਚਲਦਾ ਰੱਖਣ ਲਈ ਅਗਲੇ ਸਾਲ ਹੋਣ ਵਾਲੀਆਂ ਚੋਣਾ ਵਿਚ ਤਾਕਤ ਹਾਸਲ ਕਰਨ ਦਾ ਜੋ ਸੰਘਰਸ਼ ਚੱਲ ਰਿਹਾ , ਉਸ ਵਿਚ ਸ਼ਾਮਲ ਸਾਰੇ ਸਿਆਸਤਦਾਨਾਂ ਨੇ ਆਪਣਾ ਈਮਾਨ ਅਤੇ ਵਫਾਦਾਰੀਆਂ ਦਾਅ ਉਪਰ ਲਾ ਦਿੱਤੀਆਂ ਹਨ। ਟਿਕਟਾਂ ਹਾਸਲ ਕਰਨ ਦੀ ਦੌੜ ਵਿਚ ਇਕ ਦੂਜੇ ਨੂੰ ਠਿੱਬੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਅਜਿਹੇ ਆਗੂਆਂ ਦੀ ਨਜ਼ਰ ਵਿਚ ਸਿਆਸਤ ਲੋਕ ਸੇਵਾ ਨਹੀਂ ਬਲਕਿ ਇਕ ਅਜਿਹਾ ਕਾਰੋਬਾਰ ਜਿਸ ਰਾਹੀਂ ਜ਼ਿੰਦਗੀ ਭਰ ਲਈ ‘ਰੋਟੀਆਂ’ ਦਾ ਬੰਦੋਬਸਤ ਹੋ ਸਕਦਾ । ਇਸੇ ਲਈ ਇਹ ਲੀਡਰ ਪੰਜਾਬੀ ਦੇ ਇਸ ਅਖਾਣ ਨੂੰ ਸੱਚ ਕਰਨ ਲਈ ਆਪਣੇ ਈਮਾਨ ਨੂੰ ਦਾਅ ਉਪਰ ਲਾਈ ਬੈਠੇ ਹਨ। ”ਘਰ ਹੋਣਗੀਆਂ ਰੋਟੀਆਂ, ਭੱਜੀਆਂ ਆਉਣਗੀਆਂ ਵਹੁਟੀਆਂ।”

ਨਾਭਾ ਜੇਹਲ ਕਾਂਡ ਬਦਮਾਸ਼ਾਂ ਨਾਲ ਸਰਕਾਰ ਦੀ ਮਿਲੀਭੁਗਤ ਦਾ ਨਤੀਜਾ

ਪੰਜਾਬ ਵਿਚ ਇਸ ਹਫਤੇ ਸਭ ਤੋਂ ਸਖ਼ਤ ਸੁਰੱਖਿਆ ਵਾਲੀ ਨਾਭਾ ਜੇਹਲ ‘ਚੋਂ ਅੱਧੀ ਦਰਜਨ ਖਤਰਨਾਕ ਕੈਦੀਆਂ ਨੂੰ ਫਰਾਰ ਕਰਵਾਉਣ ਦੀ ਜੋ ਘਟਨਾ ਵਾਪਰੀ , ਉਸ ਨੇ ਸਿਰਫ ਪੰਜਾਬ ਸਰਕਾਰ ਦੇ ਹੀ ਨਹੀਂ ਬਲਕਿ ਕੇਂਦਰੀ ਸਰਕਾਰ ਦੀਆਂ ਸੁਰੱਖਿਆ ਏਜੰਸੀਆਂ ਦੇ ਵੀ ਹੋਸ਼ ਉਡਾ ਦਿੱਤੇ ਹਨ। ਪ੍ਰਧਾਨ ਮੰਤਰੀ ਦੇ ਸੁਰੱਖਿਆ ਸੁਲਾਹਕਾਰ ਅਜੀਤ ਦੋਭਾਲ ਬਾਰੇ ਮਹਾਸ਼ਾ ਪ੍ਰੈਸ ਵਿਚ ਇਹ ਪ੍ਰਚਾਰ ਕੀਤਾ ਜਾਂਦਾ ਰਿਹਾ ਕਿ ਉਸ ਨੂੰ ਨਾ ਸਿਰਫ ਮੁਲਕ ਦੀਆਂ ਸਰਹੱਦਾਂ ਤੋਂ ਪਾਰ ਬਲਕਿ ਸਰਹੱਦ ਤੋਂ ਉਗਰ ਦੀਆਂ ਸਰਗਰਮੀਆਂ ਦੀ ਪੂਰੀ ਜਾਣਕਾਰੀ ਰਹਿੰਦੀ । ਪਰ ਹੁਣ ਫੜੇ ਗਏ ਕੈਦੀਆਂ ਨੇ ਭੇਦ ਖੋਹਲਿਆ ਕਿ ਇਸ ਸਾਜ਼ਿਸ਼ ਦੀ ਤਿਆਰੀ ਛੇ ਮਹੀਨੇ ਪਹਿਲਾਂ ਤੋਂ ਕੀਤੀ ਜਾ ਰਹੀ ਸੀ। ਭਾਵੇਂ ਇਸ ਪਿੱਛੇ ਕਿਸੇ ਖਾੜਕੂ ਜਥੇਬੰਦੀ ਦਾ ਹੱਥ ਨਹੀਂ ਸੀ। ਸਿਰਫ ਬਾਹਰ ਬੈਠੇ ਬਦਮਾਸ਼ਾਂ ਨੇ ਹੀ ਆਪਣੇ ਜੇਹਲਬੰਦ ਸਾਥੀਆਂ ਨੂੰ ਛੁਡਾਉਣ ਲਈ ਇਹ ਯੋਜਨਾ ਬਣਾਈ ਸੀ। ਇਨ੍ਹਾਂ ਦਾ ਆਪਸੀ ਤਾਲਮੇਲ ਇੰਟਰਨੈੱਟ ਰਾਹੀਂ ਬਣਿਆ ਰਹਿੰਦਾ ਸੀ। ਪਰ ਸੁਰੱਖਿਆ ਏਜੰਸੀਆਂ ਨੂੰ ਇਸ ਸਾਜ਼ਿਸ਼ ਦੀ ਭਿਣਕ ਤੱਕ ਨਾ ਪਈ। ਕਨਸੋਆਂ ਮਿਲ ਰਹੀਆਂ ਹਨ ਕਿ ਇਸ ਘਟਨਾ ਪਿੱਛੇ ਜੇਹਲ ਦੇ ਅੰਦਰੂਨੀ ਪ੍ਰਬੰਧ ਦਾ ਹੱਥ । ਹਮਲਾਵਰ ਬਿਨਾ ਕਿਸੇ ਵਿਰੋਧ ਦੇ ਕੈਦੀਆਂ ਤੱਕ ਪਹੁੰਚ ਗਏ ਤੇ 12 ਮਿੰਟ ਦੇ ਸਮੇਂ ਅੰਦਰ ਉਨ੍ਹਾਂ ਨੂੰ ਲੈ ਕੇ ਫਰਾਰ ਹੋ ਗਏ। ਕਿਸੇ ਪੁਲਿਸ ਵਾਲੇ ਨੇ ਇਕ ਗੋਲੀ ਤੱਕ ਨਾ ਚਲਾਈ ਬਲਕਿ ਹਮਲਾਵਰਾਂ ਨੂੰ ਦੇਖ ਕੇ ਆਪਣਾ ਮੂੰਹ ਲੁਕਾ ਲਿਆ, ਇਸ ਦਾ ਕਾਰਨ ਬੁਜ਼ਦਿਲੀ ਤਾਂ ਹੋ ਨਹੀਂ ਸਕਦਾ। ਬਲਕਿ ਨਿਸਚਿਤ ਤੌਰ ‘ਤੇ ਸਾਜ਼ਿਸ਼ ਦਾ ਇਕ ਹਿੱਸਾ । ਪੁਲਿਸ ਦੀ ਅਜਿਹੀ ਅਸਫਲਤਾ ਦੀ ਦੂਜੀ ਕੋਈ ਅਜਿਹੀ ਮਿਸਾਲ ਜੁਰਮ ਦੀ ਦੁਨੀਆ ਵਿਚ ਨਹੀਂ ਮਿਲਦੀ। ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਜੋ ਸੂਬੇ ਦੇ ਗ੍ਰਹਿ ਮੰਤਰੀ ਵੀ ਹਨ, ਆਪਣੀ ਨਾਕਾਮੀ ਉਪਰ ਪਰਦਾ ਪਾਉਣ ਲਈ ਇਸ ਘਟਨਾ ਲਈ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਨੂੰ ਕਸੂਰਵਾਰ ਦੱਸ ਰਹੇ ਹਨ। ਉਨ੍ਹਾਂ ਨੇ ਆਪਣੀ ਹਰ ਅਸਫਲਤਾ ਉਪਰ ਪਰਦਾ ਪਾਉਣ ਲਈ ਪਾਕਿਸਤਾਨ ਵੱਲ ਉਂਗਲ ਕਰਨ ਦਾ ਸੌਖਾ ਢੰਗ ਲੱਭ ਲਿਆ । ਪਿਛਲੇ ਸਾਲ ਪੰਥਕ ਜਥੇਬੰਦੀਆਂ ਦਾ ਸਰਬੱਤ ਖਾਲਸਾ ਪੁਲਿਸ ਦੀਆਂ ਭਾਰੀ ਰੁਕਾਵਟਾਂ ਦੇ ਬਾਵਜੂਦ ਜਦ ਕਾਮਯਾਬੀ ਨਾਲ ਸਿਰੇ ਚੜ੍ਹ ਗਿਆ ਤਾਂ ਨਮੋਸ਼ੀ ਨਾਲ ਭਰੇ ਪੀਤੇ ਗ੍ਰਹਿ ਮੰਤਰੀ ਨੇ ਸਰਬੱਤ ਖਾਲਸਾ ਵਲੋਂ ਐਲਾਨੇ ਗਏ ਜਥੇਦਾਰਾਂ ਨੂੰ ਪਾਕਿਸਤਾਨ ਨਾਲ ਮਿਲੀਭੁਗਤ ਦਾ ਦੋਸ਼ ਲਾ ਕੇ ਦੇਸ਼ ਧਰੋਹੀ ਐਲਾਨਦਿਆਂ ਜੇਹਲਾਂ ਵਿਚ ਬੰਦ ਕਰ ਦਿੱਤਾ ਸੀ। ਦਰਅਸਲ ਸੰਨ 2012 ਦੀਆਂ ਚੋਣਾ ਪਿੱਛੋਂ ਸੂਬੇ ਦੀ ਸਿਆਸੀ ਤਾਕਤ ਅਚਾਨਕ ਸੁਖਬੀਰ ਦੇ ਹੱਥ ਆਈ , ਉਹ ਹੰਕਾਰ ਨਾਲ ਆਫਰਿਆ ਪਿਆ । ਪਿਤਾ ਸ੍ਰੀ ਮੁੱਖ ਮੰਤਰੀ ਬਾਦਲ ਨੇ ਆਪਣੀ ਉਮਰ ਅਤੇ ਸੇਹਤ ਨੂੰ ਮੁੱਖ ਰੱਖਦਿਆਂ ਹਕੂਮਤ ਦੀ ਜ਼ਿੰਮੇਵਾਰੀ ਦੇ ਵੱਧ ਤੋਂ ਵੱਧ ਅਧਿਕਾਰ ਸੁਖਬੀਰ ਬਾਦਲ ਦੇ ਹਵਾਲੇ ਕਰਕੇ ਪੰਜਾਬ ਦੀ ਹਾਲਤ ਬਦ ਤੋਂ ਬਦਤਰ ਕਰ ਦਿੱਤੀ । ਉਸ ਨੇ ਆਪਣੇ ਸੌੜੇ ਸਿਆਸੀ ਮੰਤਵਾਂ ਦੀ ਪੂਰਤੀ ਲਈ ਪੁਲਿਸ ਅਤੇ ਬਦਮਾਸ਼ਾਂ ਦੇ ਗੱਠਜੋੜ ਦੀ ਬੇਦਰਦੀ ਨਾਲ ਵਰਤੋਂ ਕੀਤੀ । ਇਸੇ ਗੱਠਜੋੜ ਦੇ ਨਤੀਜੇ ਨਾਲ ਪੰਜਾਬ ਪਿਛਲੇ ਤਿੰਨ ਚਾਰ ਸਾਲ ਤੋਂ ਅਨੇਕਾਂ ਕਿਸਮ ਦੇ ਮਾਫੀਆ ਗ੍ਰ੍ਰੋਹਾਂ ਦੇ ਜਾਲ ਵਿਚ ਫੱਸ ਗਿਆ। ਦੋ ਸਾਲ ਪਹਿਲਾਂ ਪੰਜਾਬ ਦੀਆਂ ਜੇਹਲਾਂ ਦੇ ਸਾਬਕਾ ਮੁਖੀ ਸ਼ਸ਼ਕਾਂਤ ਨੇ ਇਕ ਰਿਪੋਰਟ ਦੇ ਕੇ ਮੁੱਖ ਮੰਤਰੀ ਬਾਦਲ ਨੂੰ ਖਬਰਦਾਰ ਵੀ ਕੀਤਾ ਸੀ। ਪਰ ਉਸ ਦੀ ਗੱਲ ਨਾ ਸੁਣੀ ਗਈ। ਬਲਕਿ ਗ੍ਰਹਿ ਮੰਤਰੀ ਨੇ ਉਸ ਦੇ ਪਿੱਛੇ ਪੁਲਿਸ ਲਾ ਕੇ ਅਜਿਹਾ ਭੈਭੀਤ ਕੀਤਾ ਕਿ ਉਸ ਨੇ ਘਰੋਂ ਬਾਹਰ ਨਿਕਲਣਾ ਵੀ ਬੰਦ ਕਰ ਦਿੱਤਾ। ਅਸੀਂ ਸਮਝਦੇ ਹਾਂ ਕਿ ਜੇ ਨਾਭਾ ਜੇਹਲ ਕਾਂਡ ਦੀ ਜਾਂਚ ਸੀੰਬੀੰਆਈੰ ਪਾਸੋਂ ਨਿਰਪੱਖ ਤੌਰ ‘ਤੇ ਕਰਵਾਈ ਜਾਵੇ ਤਾਂ ਮੌਜੂਦਾ ਸਰਕਾਰ ਦੀ ਪੁਲਿਸ ਅਤੇ ਬਦਮਾਸ਼ਾਂ ਨਾਲ ਮਿਲੀਭੁਗਤ ਤੋਂ ਪਰਦਾ ਲਹਿ ਸਕਦਾ ।

ਪਾਣੀਆਂ ਬਾਰੇ ਪ੍ਰਧਾਨ ਮੰਤਰੀ ਮੋਦੀ ਦੀਆਂ ਪੰਜਾਬੀਆਂ ਨਾਲ ਟਿੱਚਰਾਂ

ਪੰਜਾਬ ਵਿਚ ਕਿਸਾਨਾਂ ਦੀਆਂ ਫਸਲਾਂ ਲਈ ਪਾਣੀ ਦੇ ਮੁੱਖ ਸਰੋਤ ਸਤਲੁਜ ਯਮੁਨਾ ਲਿੰਕ ਨਹਿਰ ਬਾਰੇ ਇੰਨਾ ਰੌਲਾ ਪਹਿਲਾਂ ਕਦੇ ਨਹੀਂ ਪਿਆ ਜਿੰਨਾ ਕਿ ਪਿਛਲੇ ਦੋ ਤਿੰਨ ਮਹੀਨੇ ਤੋਂ ਸ਼ੁਰੂ ਹੋਇਆ । ਇਸ ਦਾ ਮੁੱਖ ਕਾਰਨ ਵਿਧਾਨ ਸਭਾ ਦੀਆਂ ਚੋਣਾ ਹਨ ਜੋ ਦੋ ਮਹੀਨੇ ਬਾਅਦ ਫਰਵਰੀ ਵਿਚ ਹੋਣ ਵਾਲੀਆਂ ਹਨ। ਇਸ ਮਸਲੇ ਨੂੰ ਲੈ ਕੇ ਪੰਜਾਬ ਦੀਆਂ ਤਿੰਨ ਧਿਰਾਂ ਵਿਚਕਾਰ ਟੱਕਰ ਜਿਨ੍ਹਾਂ ਨੇ ਇਨ੍ਹਾਂ ਚੋਣਾ ਵਿਚ ਸੂਬੇ ਦੇ ਪਾਣੀਆਂ ਦੀ ਰਾਖੀ ਨੂੰ ਆਪਣਾ ਮੁੱਖ ਮੁੱਦਾ ਬਣਾ ਰੱਖਿਆ । ਕਾਂਗਰਸ ਨੇ ਇਸ ਮਸਲੇ ਨੂੰ ਲੈ ਕੇ ਗੰਭੀਰ ਕਦਮ ਪੁੱਟਦਿਆਂ ਆਪਣੇ ਸਾਰੇ ਵਿਧਾਇਕਾਂ ਦੇ ਅਸਤੀਫੇ ਦੇ ਦਿੱਤੇ ਹਨ। ਪਾਰਟੀ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਪਾਰਲੀਮੈਂਟ ਦੀ ਮੈਂਬਰੀ ਤੋਂ ਵੀ ਅਸਤੀਫਾ ਦੇ ਦਿੱਤਾ । ਕੈਪਟਨ ਅਮਰਿੰਦਰ ਸਿੰਘ ਨੇ ਪਹਿਲਾਂ ਵੀ ਆਪਣੀ ਸਰਕਾਰ ਦੇ ਸਮੇਂ ਦਲੇਰੀ ਦਿਖਾਉਂਦਿਆਂ ਹਰਿਆਣਾ ਅਤੇ ਰਾਜਸਥਾਨ ਨਾਲ ਪੰਜਾਬ ਦੇ ਪਾਣੀਆਂ ਦੀ ਵੰਡ ਬਾਰੇ ਸਾਰੇ ਸਮਝੌਤੇ ਵਿਧਾਨ ਸਭਾ ਵਿਚ ਪਾਸ ਕੀਤੇ ਮਤੇ ਰਾਹੀਂ ਰੱਦ ਕਰ ਦਿੱਤੇ ਸਨ। ਅਜਿਹੀ ਕਾਰਵਾਈ ਲਈ ਕਾਂਗਰਸ ਹਾਈ ਕਮਾਂਡ ਕੈਪਟਨ ਨਾਲ ਸਖ਼ਤ ਨਾਰਾਜ਼ ਹੋਈ ਸੀ ਕਿਉਂਕਿ ਇਹ ਫੈਸਲਾ ਕੈਪਟਨ ਨੇ ਖੁਦ ਆਪਣੀ ਜ਼ਮੀਰ ਦੀ ਆਵਾਜ਼ ਅਨੁਸਾਰ ਹਾਈਕਮਾਂਡ ਤੋਂ ਪੁੱਛੇ ਬਿਨਾਂ ਕੀਤਾ ਸੀ। ਉਸ ਵੇਲੇ ਇੰਝ ਲੱਗਾ ਸੀ ਕਿ ਉਸ ਨੂੰ ਮੁੱਖ ਮੰਤਰੀ ਦੀ ਗੱਦੀ ਤੋਂ ਲਾਹ ਦਿੱਤਾ ਜਾਵੇਗਾ। ਹੁਣ ਫਿਰ ਉਸ ਨੇ ਆਪਣੀ ਦ੍ਰਿੜ੍ਹਤਾ ਦਿਖਾਈ । ਇਸ ਫੈਸਲੇ ਵਿਚ ਸਾਰੀ ਪਾਰਟੀ ਉਸ ਦੇ ਨਾਲ । ਪੰਜਾਬ ਦੀਆਂ ਚੋਣਾ ਵਿਚ ਹਿੱਸਾ ਲੈ ਰਹੀ ਦੂਜੀ ‘ਆਪ’ ਪਾਰਟੀ ਇਸ ਮਸਲੇ ਨੂੰ ਲੈ ਕੇ ਦੋਹਰੀ ਖੇਡ ਵਿਚ ਸਰਗਰਮ । ਇਸ ਦੇ ਹੇਠਲੇ ਲੀਡਰ ਤਾਂ ਦੱਬੀ ਜ਼ਬਾਨ ਵਿਚ ਪੰਜਾਬ ਦੇ ਹੱਕਾਂ ਦੀ ਰਾਖੀ ਕਰਨ ਦੀਆਂ ਗੱਲਾਂ ਕਰਦੇ ਹਨ। ਪਰ ਹਿੱਕ ਠੋਕ ਕੇ ਉਨ੍ਹਾਂ ਕਦੇ ਵੀ ਹਰ ਕੁਰਬਾਨੀ ਕਰਨ ਦਾ ਅ ੈਲਾਨ ਨਹੀਂ ਕੀਤਾ। ਪਾਰਟੀ ਦੇ ਕੌਮੀ ਆਗੂ ਅਰਵਿੰਦ ਕੇਜਰੀਵਾਲ ਨੇ ਇਸੇ ਹਫਤੇ ਪੰਜਾਬ ਦਾ 10 ਦਿਨਾ ਦੌਰਾ ਕਰਕੇ 25–30 ਰੈਲੀਆਂ ਨੂੰ ਸੰਬੋਧਨ ਕੀਤਾ। ਪਰ ਕਿਸੇ ਥਾਂ ਵੀ ਉਨ੍ਹਾਂ ਨੇ ਪਾਣੀਆਂ ਦੀ ਰਾਖੀ ਲਈ ਜੂਝਣ ਦਾ ਐਲਾਨ ਨਹੀਂ ਕੀਤਾ। ਇਸ ਦਾ ਸਪੱਸ਼ਟ ਮਤਲਬ ਕਿ ਜੇ ਪੰਜਾਬ ਵਿਚ ਉਨ੍ਹਾਂ ਦੀ ਸਰਕਾਰ ਬਣ ਗਈ ਤਾਂ ਉਹ ਹਰਿਆਣਾ ਨੂੰ ਪੰਜਾਬ ਦਾ ਪਾਣੀ ਦੇਣ ਤੋਂ ਗੁਰੇਜ਼ ਨਹੀਂ ਕਰਨਗੇ ਕਿਉਂਕਿ ਹਰਿਆਣਾ ਉਨ੍ਹਾਂ ਦਾ ਪੇਕਾ ਘਰ । ਪੰਜਾਬ ਦੀ ਤੀਜੀ ਮੁੱਖ ਧਿਰ ਅਕਾਲੀ–ਭਾਜਪਾ ਗੱਠਜੋੜ ਵੀ ਪੰਜਾਬ ਦੇ ਇਸ ਗੰਭੀਰ ਮਸਲੇ ਨੂੰ ਲੈ ਕੇ ਗੋਲੀਰੇੜ੍ਹ ਪੈਂਤੜੇ ਤੋਂ ਕੰਮ ਲੈ ਰਹੀ । ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਉਂਝ ਤਾਂ ਇਹ ਐਲਾਨ ਕਰਦੇ ਰਹਿੰਦੇ ਹਨ ਕਿ ਹਰਿਆਣਾ ਨੂੰ ਪਾਣੀ ਦੀ ਥਾਂ ਲਹੂ ਦੀਆਂ ਨਦੀਆਂ ਵਗਾ ਦਿਆਂਗੇ। ਪਰ ਸੁਪਰੀਮ ਕੋਰਟ ਦੇ ਫੈਸਲੇ ਵਿਰੁੱਧ ਉਨ੍ਹਾਂ ਕੋਈ ਗੰਭੀਰ ਕਦਮ ਨਹੀਂ ਪੁੱਟਿਆ। ਰਾਸ਼ਟਰਪਤੀ ਨਾਲ ਮੁਲਾਕਾਤ ਕਰਕੇ ਵੀ ਕੋਈ ਹਾਂ–ਪੱਖੀ ਹੁੰਗਾਰਾ ਨਹੀਂ ਮਿਲਿਆ। ਪ੍ਰਧਾਨ ਮੰਤਰੀ ਮੋਦੀ 25 ਨਵੰਬਰ ਨੂੰ ਬਠਿੰਡਾ ਵਿਚ ਸਪੱਸ਼ਟ ਇਸ਼ਾਰਾ ਦੇ ਗਏ ਹਨ ਕਿ ਸਤਲੁਜ–ਬਿਆਸ ਦੇ ਪਾਣੀਆਂ ਲਈ ਜ਼ਿੱਦ ਛੱਡੋ, ਪੰਜਾਬ ਲਈ ਸਿੰਧ ਨਦੀ ‘ਚੋਂ ਨਹਿਰ ਕੱਢ ਦਿਆਂਗੇ। ਪ੍ਰਧਾਨ ਮੰਤਰੀ ਦੀ ਅਜਿਹੀ ਗੱਪ ਪੰਜਾਬੀਆਂ ਦੇ ਜ਼ਖ਼ਮਾਂ ਉਪਰ ਲੂਣ ਛਿੜਕਣ ਦੇ ਬਰਾਬਰ ਜਿਸ ਨੂੰ ਮੁੱਖ ਮੰਤਰੀ ਬਾਦਲ ਚੁੱਪ ਚਾਪ ਸਹਿਣ ਕਰ ਗਏ ਹਨ। ਅਸੀਂ ਸਮਝਦੇ ਹਾਂ ਕਿ ਪੰਜਾਬੀਆਂ ਦੇ ਹਿੱਤਾਂ ਤੋਂ ਵੱਧ ਸਰਦਾਰ ਬਾਦਲ ਨੂੰ ਕੁਰਸੀ ਪਿਆਰੀ ਜਿਸ ਨੂੰ ਹਾਸਲ ਕਰਨ ਲਈ ਉਹ ਬੀਤੇ ਸਮੇਂ ਵਿਚ ਵੀ ‘ਦਿੱਲੀ’ ਨਾਲ ਸੌਦੇਬਾਜ਼ੀ ਕਰਦੇ ਰਹੇ ਹਨ।

ਨਹਿਰ ਦੇ ਮਸਲੇ ਦੀ ਗੇਂਦ ਇਕ ਵਾਰ ਫਿਰ ਪੰਜਾਬ ਦੇ ਵੇਹੜੇ ਵਿਚ

ਪਿਛਲੇ ਹਫਤੇ ਭਾਰਤ ਦੀ ਸੁਪਰੀਮ ਕੋਰਟ ਵਲੋਂ 10 ਨਵੰਬਰ ਨੂੰ ਰਾਸ਼ਟਰਪਤੀ ਨੂੰ ਦਿੱਤੇ ਗਏ ਸੁਝਾਅ ਵਿਚ ਪੰਜਾਬ ਦਾ ਪਾਣੀ ਹਰਿਆਣਾ ਨੂੰ ਦੇਣ ਲਈ ਜੋ ਫੈਸਲਾ ਸੁਣਾਇਆ ਗਿਆ , ਉਸ ਨੇ ਪੰਜਾਬ ਅਤੇ ਹਰਿਆਣਾ ਵਿਚਕਾਰ 1982 ‘ਚ ਖਿਚਾਅ ਵਾਲੀ ਹਾਲਤ ਮੁੜ ਪੈਦਾ ਕਰ ਦਿੱਤੀ । ਉਸ ਵੇਲੇ ਦੇ ਤਣਾਅ ਦੇ ਨਤੀਜੇ ਨਾਲ ਪੰਜਾਬ ‘ਚ ਜੋ ਸਿੱਖ ਲਹਿਰ ਸ਼ੁਰੂ ਹੋਈ, ਉਸ ਨੇ ਸਿੱਖਾਂ ਦਾ ਭਾਰੀ ਜਾਨੀ ਅਤੇ ਮਾਲੀ ਨੁਕਸਾਨ ਕੀਤਾ ਸੀ। ਆਖਿਰ ਉਸ ਵੇਲੇ ਦਾ ਸੰਘਰਸ਼ ਸਿਆਸਤ ਦੀ ਭੇਟ ਚੜ੍ਹ ਕੇ ਆਪਣੀ ਮੰਜ਼ਿਲ ਤੱਕ ਨਾ ਪਹੁੰਚ ਸਕਿਆ। ਅੱਜ 34 ਸਾਲਾਂ ਪਿੱਛੋਂ ਉਸੇ ਤਰ੍ਹਾਂ ਦੇ ਹਾਲਾਤ ਦੁਬਾਰਾ ਬਣ ਰਹੇ ਹਨ। ਦੋਹਾਂ ਰਾਜਾਂ ਦੇ ਸਿਆਸਤਦਾਨਾਂ ਵਲੋਂ ਆਪੋ ਆਪਣੇ ਹੱਕ ਵਿਚ ਬਿਆਨਬਾਜ਼ੀ ਕੀਤੀ ਜਾ ਰਹੀ । ਦੋਹਾਂ ਧਿਰਾਂ ਦੀ ਇਹ ਬਿਆਨਬਾਜ਼ੀ ਸਿਆਸਤ ਤੋਂ ਵੱਧ ਪ੍ਰੇਰਿਤ । ਮਿਸਾਲ ਦੇ ਤੌਰ ‘ਤੇ ਅਕਾਲੀ ਲੀਡਰ ਜਦ ਇਹ ਕਹਿੰਦੇ ਹਨ ਕਿ ਨਹਿਰ ਵਿਚ ਪਾਣੀ ਦੀ ਥਾਂ ਲਹੂ ਵਗਾ ਦਿਆਂਗੇ ਤਾਂ ਨਿਸ਼ਾਨਾ ਅਗਲੇ ਸਾਲ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾ ਵੱਲ ਸੇਧਿਆ ਹੁੰਦਾ । ਕਾਂਗਰਸ ਨੇ ਇਸ ਸਥਿਤੀ ਦਾ ਲਾਹਾ ਲੈਣ ਲਈ ਅਸਤੀਫਿਆਂ ਦਾ ਰਾਹ ਅਖ਼ਤਿਆਰ ਕਰਕੇ ਅਕਾਲੀ ਦਲ ਨੂੰ ਕਸੂਤੀ ਹਾਲਤ ਵਿਚ ਫਸਾ ਦਿੱਤਾ । ਜੇ ਉਹ ਅਸਤੀਫੇ ਦਿੰਦੇ ਹਨ ਤਾਂ ਸੂਬੇ ਵਿਚ ਰਾਸ਼ਟਰਪਤੀ ਰਾਜ ਯਕੀਨੀ ਜੋ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ, ਚੋਣ ਜਿੱਤਣ ਵਾਲੀ ਸਰਕਾਰੀ ਮਸ਼ੀਨਰੀ ਦੀ ਵਰਤੋਂ ਦੇ ਅਨੁਕੂਲ ਨਹੀਂ ਹੋਵੇਗਾ। ‘ਕੁਰਸੀ’ ਦੇ ਤਿਆਗ ਨਾਲ ਪੁਲਿਸ ਅਤੇ ਸਰਕਾਰੀ ਅਫਸਰਾਂ ਰਾਹੀਂ ਮਦਦ ਲੈਣ ਦਾ ਰਾਹ ਬੰਦ ਹੋ ਜਾਣਾ ਸੀ। ਇਸੇ ਲਈ ਅਸਤੀਫੇ ਦੇਣ ਦੀ ਥਾਂ ਵਿਚਕਾਰਲਾ ਰਾਹ ਕੱਢ ਕੇ ਹਰਿਆਣਾ ਵੱਲ ਜਾਣ ਵਾਲੀ ਨਹਿਰ ਦੀ ਜ਼ਮੀਨ ਕਿਸਾਨਾਂ ਨੂੰ ਵਾਪਸ ਕਰਨ ਦਾ ਫੈਸਲਾ ਕਰ ਦਿੱਤਾ । ਅੰਦਰਖਾਤੇ ਮੋਦੀ ਸਰਕਾਰ ਕੋਲ ਇਹ ਤਰਲਾ ਕੀਤਾ ਗਿਆ ਕਿ ਚੋਣਾ ਤੱਕ ਇਸ ਮਾਮਲੇ ਨੂੰ ਲਮਕਾਈ ਰੱਖਿਆ ਜਾਵੇ। ਇਸ ਮਾਮਲੇ ਵਿਚ ਸਭ ਤੋਂ ਮੰਦੀ ਹਾਲਤ ‘ਆਪ’ ਦੀ ਹੋਈ ਜਿਸਦੇ ਕਨਵੀਨਰ ਕੇਜਰੀਵਾਲ ਨੇ ਪੰਜਾਬੀ ਵੋਟਰਾਂ ਦੇ ਸਵਾਲਾਂ ਤੋਂ ਬਚਣ ਲਈ ਸੂਬੇ ਦਾ ਆਪਣਾ ਦੌਰਾ ਰੱਦ ਕਰ ਦਿੱਤਾ । ਭਾਵੇਂ ਉਸ ਦੀ ਪਾਰਟੀ ਦੇ ਕਾਰਕੁੰਨਾਂ ਨੇ ਕਪੂਰੀ ਵਿਖੇ ਐਨ ਉਸੇ ਜਗ੍ਹਾ ਰੋਜ਼ਾਨਾ ਧਰਨਾ ਸ਼ੁਰੂ ਕੀਤਾ ਜਿਥੇ 8 ਅਪ੍ਰੈਲ 1982 ਨੂੰ ਅਕਾਲੀਆਂ ਨੇ ਸ਼ੁਰੂ ਕੀਤਾ ਸੀ। ਪਰ ਕੇਜਰੀਵਾਲ ਨੇ ਅਜੇ ਤੱਕ ਪੰਜਾਬ ਦੀ ਹਮਾਇਤ ਵਿਚ ਇਕ ਸ਼ਬਦ ਵੀ ਮੂੰਹੋਂ ਨਹੀਂ ਕੱਢਿਆ। ਜੇਕਰ ਉਹ ਪੰਜਾਬ ਦੀ ਹਮਾਇਤ ਕਰਦਾ ਤਾਂ ਉਸ ਨੂੰ ਦਿੱਲੀ ਵਾਸੀ ਆਪਣੇ ਵੋਟਰਾਂ ਦੇ ਵਿਰੋਧ ਦਾ ਖਤਰਾ ਜਿਨ੍ਹਾਂ ਨੂੰ ਲਿੰਕ ਨਹਿਰ ਦਾ ਪਾਣੀ ਮਿਲ ਰਿਹਾ । ਅਜਿਹੀ ਹਾਲਤ ਵਿਚ ਲਿੰਕ ਨਹਿਰ ਦਾ ਇਹ ਮਸਲਾ ਜਾਣ ਬੁੱਝ ਕੇ ਦੋਹਾਂ ਰਾਜਾਂ ਵਿਚਕਾਰ ਖਿਚਾਅ ਦੀ ਸਥਿਤੀ ਤੱਕ ਪਹੁੰਚਾਇਆ ਜਾ ਰਿਹਾ । ਹਰਿਆਣਾ ਨੇ ਪੰਜਾਬ ਨੂੰ ਜਾਣ ਵਾਲੀਆਂ ਬੱਸਾਂ ਬੰਦ ਕਰਕੇ ਅਤੇ ਕੇਂਦਰ ਤੋਂ ਨੀਮ ਫੌਜੀ ਦਲਾਂ ਦੀਆਂ ਟੁਕੜੀਆਂ ਮੰਗਵਾ ਕੇ ‘ਜੰਗ ਹਿੰਦ–ਪੰਜਾਬ ਦਾ ਹੋਣ ਲੱਗਾ’ ਵਰਗੀ ਹਾਲਤ ਪੈਦਾ ਕਰ ਦਿੱਤੀ । ਅਜਿਹੇ ਸਾਰੇ ਹਾਲਾਤ ਨੂੰ ਦੇਖ ਕੇ ਇੰਞ ਮਹਿਸੂਸ ਹੋ ਰਿਹਾ ਕਿ ਪੰਜਾਬੀਆਂ ਦੇ ਹਿੱਤਾਂ ਦੀ ਰਾਖੀ ਦਾ ਸੰਘਰਸ਼ ਕਰਨ ਦੀ ਥਾਂ ਇਹ ਮਸਲਾ ਸਿਆਸਤ ਦਾ ਹੱਥ ਠੋਕਾ ਬਣ ਗਿਆ ਜਿਸ ਵਿਚ ਕਾਂਗਰਸ ਨੇ ਲੋਕ ਸਭਾ ਅਤੇ ਵਿਧਾਨ ਸਭਾ ਦੀਆਂ ਮੈਂਬਰੀਆਂ ਤੋਂ ਅਸਤੀਫੇ ਦੇ ਕੇ ਵੱਧ ਲਾਹਾ ਹਾਸਲ ਕਰ ਲਿਆ । ਅਕਾਲੀ ਦਲ ਅਜੇ ਸੰਘਰਸ਼ ਦੇ ਅਜਿਹੇ ਦੌਰ ਵਿਚ ਕਿ ਪਾਣੀਆਂ ਦੇ ਵਹਿਣ ਵਿਚ ਰੁੜ੍ਹੀ ਜਾਂਦੀ ਆਪਣੀ ਸਾਖ਼ ਨੂੰ ਕਿਵੇਂ ਬਚਾਇਆ ਜਾਵੇ। ਕਿਉਂਕਿ ਅੱਜ ਦੇ ਸਮੇਂ ਵਿਚ ਅਕਾਲੀਆਂ ਪਾਸ ਧਰਨੇ ਅੰਦੋਲਨ ਕਰਨ ਦੀ ਸਮਰਥਾ ਨਹੀਂ । ਇਨ੍ਹਾਂ ਸਾਰਿਆਂ ‘ਚੋਂ ਮੰਦੀ ਹਾਲਤ ‘ਆਪ’ ਦੀ ਹੋਈ ਜਿਵੇਂ ਇਸ ਦੇ ਮੂੰਹ ਵਿਚ ਕੋਹੜ ਕਿਰਲੀ ਫੱਸ ਗਈ ਹੋਵੇ। ਨਾ ਤਾਂ ਉਹ ਪੰਜਾਬ ਦੇ ਪੱਖ ਦੀ ਖੁੱਲ੍ਹ ਕੇ ਹਮਾਇਤ ਕਰ ਸਕਦੇ ਹਨ ਅਤੇ ਨਾ ਹੀ ਵਿਰੋਧ। ਦਰਅਸਲ ਮੋਦੀ ਸਰਕਾਰ ਨੇ ਨਹਿਰ ਦੇ ਮਸਲੇ ਨੂੰ ਇਕ ਗੇਂਦ ਬਣਾ ਕੇ ਪੰਜਾਬ ਦੇ ਵਿਹੜੇ ਵਿਚ ਸੁੱਟ ਦਿੱਤਾ ਜੋ ਚੋਣਾਂ ਤੱਕ ਵੱਖ ਵੱਖ ਪਾਰਟੀਆਂ ਦੇ ਲੀਡਰਾਂ ਨੂੰ ਮੁੜ੍ਹਕੋ ਮੁੜ੍ਹਕੀ ਕਰਦਾ ਰਹੇਗਾ।

ਮੋਦੀ ਦੇ ਨੋਟ–ਬੰਦੀ ਵਾਲੇ ਤੁਗਲਕੀ ਫੁਰਮਾਨ ਨਾਲ ਭਾਰਤ ਵਿਚ ਹਲਚਲ

ਭਾਰਤ ਵਿਚ ਮੋਦੀ ਸਰਕਾਰ ਵਲੋਂ ਮੁਲਕ ‘ਚੋਂ ਭਰਿਸ਼ਟਾਚਾਰ ਅਤੇ ਕਾਲਾ ਧਨ ਖਤਮ ਕਰਨ ਦੇ ਨਾਂ ਉਪਰ ਨੋਟ ਬਦਲੀ ਦਾ ਜੋ ਸਿਲਸਿਲਾ ਸ਼ੁਰੂ ਕੀਤਾ ਗਿਆ , ਉਸ ਨੇ ਆਮ ਲੋਕਾਂ ਦੀ ਸਮਾਜਿਕ ਜ਼ਿੰਦਗੀ ਨੂੰ ਤਹਿਸ ਨਹਿਸ ਕਰਕੇ ਰੱਖ ਦਿੱਤਾ । ਨੌਕਰੀ ਪੇਸ਼ਾ ਅਤੇ ਆਮ ਕਾਰੋਬਾਰੀ ਲੋਕ ਰੋਜ਼ਾਨਾ ਜ਼ਿੰਦਗੀ ਦੀ ਰਫਤਾਰ ਨੂੰ ਚੱਲਦਾ ਰੱਖਣ ਲਈ ਆਪੋ ਆਪਣੇ ਰੋਜ਼ਗਾਰ ਨੂੰ ਛੱਡ ਕੇ ਪੁਰਾਣੇ ਨੋਟਾਂ ਦੀ ਥਾਂ ਨਵੇਂ ਨੋਟ ਲੈਣ ਲਈ ਬੈਂਕਾਂ ਸਾਹਮਣੇ ਮੀਲਾਂ ਲੰਬੀਆਂ ਲਾਈਨਾਂ ਵਿਚ ਜਾ ਖੜੋਤੇ ਹਨ। ਲੋਕਾਂ ਨੂੰ ਇਹ ਇੰਤਜ਼ਾਰ ਕੁਝ ਘੰਟਿਆਂ ਲਈ ਨਹੀਂ ਬਲਕਿ ਦਿਨ ਰਾਤ ਕਰਨਾ ਪੈ ਰਿਹਾ । ਪਰ ਫਿਰ ਵੀ ਉਨ੍ਹਾਂ ਨੂੰ ਨਵੇਂ ਨੋਟ ਨਹੀਂ ਮਿਲ ਸਕੇ। ਅਜਿਹੇ ਲੋਕਾਂ ਨੂੰ ਆਪਣੇ ਟੱਬਰ ਲਈ ਰਾਸ਼ਨ ਪਾਣੀ ਲੈਣਾ ਹੀ ਬੰਦ ਨਹੀਂ ਹੋਇਆ ਬਲਕਿ ਵਿਆਹ ਸ਼ਾਦੀਆਂ ਅਤੇ ਇਥੋਂ ਤੱਕ ਕਿ ਮ੍ਰਿਤਕ ਸਰੀਰਾਂ ਦੇ ਅੰਤਮ ਸਸਕਾਰ ਦੀਆਂ ਰਸਮਾਂ ਵੀ ਬੰਦ ਹੋ ਕੇ ਰਹਿ ਗਈਆਂ ਕਿਉਂਕਿ ਸ਼ਮਸ਼ਾਨਘਾਟ ਵਾਲੇ ਪੁਰਾਣੇ ਨੋਟ ਲੈਣ ਲਈ ਤਿਆਰ ਨਹੀਂ। ਵਿਦਿਅਕ ਅਦਾਰਿਆਂ ਦੇ ਸੰਚਾਲਕਾਂ ਨੇ ਨੋਟ ਤਬਦੀਲ ਕਰਵਾਉਣ ਲਈ ਵਿਦਿਆਰਥੀਆਂ ਨੂੰ ਪੜ੍ਹਾਈ ਦੀ ਥਾਂ ਬੈਂਕਾਂ ਦੀਆਂ ਲਾਈਨਾਂ ਵਿਚ ਖੜ੍ਹਾ ਕਰ ਦਿੱਤਾ । ਪੰਜਾਬ ਵਿਚ ਹਾੜ੍ਹੀ ਦੀ ਬਿਜਾਈ ਨਹੀਂ ਹੋ ਰਹੀ, ਜਿਨ੍ਹਾਂ ਨਾਲ ਉਨ੍ਹਾਂ ਨੂੰ ਲੱਖਾਂ ਕਰੋੜਾਂ ਦਾ ਨੁਕਸਾਨ ਹੋਣ ਦਾ ਖਦਸ਼ਾ । ਦੂਜੇ ਪਾਸੇ ਪ੍ਰਧਾਨ ਮੰਤਰੀ ਮੋਦੀ ਆਪਣੇ ਤਾਨਾਸ਼ਾਹੀ ਵਾਲੇ ਇਸ ਫੈਸਲੇ ਨੂੰ ਵਾਜਬ ਦੱਸਦੇ ਹੋਏ ਦਲੀਲ ਦੇ ਰਹੇ ਹਨ ਕਿ ਮੁਲਕ ‘ਚੋਂ ਕਾਲੇ ਧਨ ਅਤੇ ਭਰਿਸ਼ਟਾਚਾਰ ਦੇ ਖਾਤਮੇ ਲਈ ਇਹ ਕੌੜਾ ਘੁੱਟ ਭਰਨਾ ਹੀ ਪੈਣਾ ਸੀ। ਉਨ੍ਹਾਂ ਆਖਿਆ ਕਿ ਵਿਰੋਧੀ ਪਾਰਟੀਆਂ ਅਤੇ ਆਮ ਲੋਕ ਮੈਨੂੰ ਪਿਛਲੇ ਢਾਈ ਸਾਲ ਤੋਂ ਉਲਾਹਮਾ ਦਿੰਦੇ ਰਹੇ ਹਨ ਕਿ ਚੋਣਾ ਵੇਲੇ ਭਰਿਸ਼ਟਾਚਾਰ ਅਤੇ ਕਾਲਾ ਧਨ ਦੇ ਖਾਤਮੇ ਲਈ ਜੋ ਵਾਅਦੇ ਕੀਤੇ ਗਏ ਸਨ, ਮੋਦੀ ਉਨ੍ਹਾਂ ਨੂੰ ਭੁੱਲ ਗਿਆ । ਪਰ ਮੈਨੂੰ ਕੋਈ ਰਾਹ ਨਹੀਂ ਸੀ ਦਿਖਾਈ ਦੇ ਰਿਹਾ। ਆਖਿਰ ਇਕ ਰਾਤ ਸੁੱਤੇ ਪਿਆਂ ਮੈਨੂੰ ਖਿਆਲ ਆਇਆ ਕਿ ਜੇ ਪੰਜ ਸੌ ਅਤੇ ਇਕ ਹਜ਼ਾਰ ਦੇ ਨੋਟ ਬੰਦ ਕਰ ਦਿੱਤੇ ਜਾਣ ਤਾਂ ਜਮ੍ਹਾਖੋਰਾਂ ਅਤੇ ਉਨ੍ਹਾਂ ਬਲੈਕੀਆਂ ਦਾ ਲੱਕ ਟੁੱਟ ਜਾਵੇਗਾ ਜਿਨ੍ਹਾਂ ਨੇ ਕਾਲੇ ਧਨ ਨਾਲ ਆਪਣੇ ਭੜੋਲੇ ਭਰ ਰੱਖੇ ਹਨ। ਇਸ ਸੁਪਨੇ ਨੂੰ ਹਕੀਕਤ ਦੀ ਸ਼ਕਲ ਦੇਣ ਲਈ 8 ਨਵੰਬਰ ਮੰਗਲਵਾਰ ਦੀ ਅੱਧੀ ਰਾਤ ਨੂੰ ਆਪਣੇ ਵਿਸ਼ਵਾਸ਼ਪਾਤਰ ਸਲਾਹਕਾਰਾਂ ਨਾਲ ਮੀਟਿੰਗ ਕਰਕੇ ਉਸੇ ਵਕਤ ਤੋਂ ਪੁਰਾਣੇ ਨੋਟ ਬੰਦ ਕਰਨ ਦਾ ਐਲਾਨ ਕਰ ਦਿੱਤਾ। ਸਲਾਹਕਾਰਾਂ ‘ਚੋਂ ਕਿਸੇ ਨੇ ਇਹ ਸੁਝਾਅ ਨਾ ਦਿੱਤਾ ਕਿ ਪੁਰਾਣੇ ਨੋਟਾਂ ਦੀ ਥਾਂ ਨਵੇਂ ਨੋਟ ਨਾ ਮਿਲਣ ਕਰਕੇ ਮੁਲਕ ਦੀ ਆਰਥਿਕ ਗੱਡੀ ਕਿਵੇਂ ਚੱਲੇਗੀ। ਇਹ ਤਾਂ ਸਹੀ ਕਿ ਕਾਲੇ ਧਨ ਦੀ ਸਮੱਸਿਆ ਇਕੋ ਝਟਕੇ ਨਾਲ ਖਤਮ ਹੋਈ ਸਮਝੀ ਗਈ । ਇਸ ਕਾਲੇ ਧਨ ਨਾਲ ਫੈਲਿਆ ਭਰਿਸ਼ਟਾਚਾਰ ਵੀ ਆਪੇ ਮੁੱਕ ਜਾਵੇਗਾ। ਪਰ ਪਛੜ ਕੇ ਖਬਰਾਂ ਆਈਆਂ ਹਨ ਕਿ ਨੋਟ–ਬੰਦੀ ਦੇ ਪਹਿਲੇ ਦੋ ਦਿਨਾਂ ਵਿਚ ਪੰਜ ਹਜ਼ਾਰ ਕਰੋੜ ਰੁਪੈ ਦਾ ਕਾਲਾ ਧਨ ਮੁਲਕ ‘ਚੋਂ ਬਾਹਰ ਨਿਕਲ ਗਿਆ । ਇਹ ਧਨ ਮੋਦੀ ਦੇ ਆਪਣੇ ਚਹੇਤੇ ਕਾਰੋਬਾਰੀਆਂ ਦਾ । ਆਪੋਜ਼ੀਸ਼ਨ ਪਾਰਟੀਆਂ ਇਸ ਨੂੰ ਮੋਦੀ ਦਾ ਵੱਡਾ ਘੁਟਾਲਾ ਆਖ ਰਹੀਆਂ ਹਨ ਜਿਨ੍ਹਾਂ ਨੇ ਰਾਸ਼ਟਰਪਤੀ ਤੱਕ ਪਹੁੰਚ ਕਰਕੇ ਮੋਦੀ ਦੇ ਇਸ ਤੁਗਲਕੀ ਫੈਸਲੇ ਬਾਰੇ ਜਾਂਚ ਦੀ ਮੰਗ ਕੀਤੀ । ਕੁਝ ਵੀ ਹੋਵੇ ਨੋਟ–ਬੰਦੀ ਦਾ ਇਹ ਫੈਸਲਾ ਹਾਲ ਦੀ ਘੜੀ ਮੁਲਕ ਵਿਚ ਉਸੇ ਤਰ੍ਹਾਂ ਦੀ ਸਿਆਸੀ ਅਤੇ ਆਰਥਿਕ ਅਸਥਿਰਤਾ ਪੈਦਾ ਕਰ ਗਿਆ ਜਿਸ ਤਰ੍ਹਾਂ ਦੀ ਹਾਲਤ ਪਿਛਲੀ ਸਦੀ ਦੇ ਸੱਤਵੇਂ ਦਹਾਕੇ ਵਿਚ ਲੋਕ ਨਾਇਕ ਜੈ ਪ੍ਰਕਾਸ਼ ਨਾਰਾਇਣ ਦੀ ਲਹਿਰ ਨੇ ਇੰਦਰਾ ਗਾਂਧੀ ਲਈ ਪੈਦਾ ਕਰ ਦਿੱਤੀ ਸੀ।

ਗੁਰੂ ਨਾਨਕ ਅੱਗੇ ਮੱਥੇ ਟੇਕਣ ਵਾਲੇ ਸਿੱਖ ਉਸ ਦੀ ਸਿਖਿਆ ਨੂੰ ਮੰਨਣ ਤੋਂ ਇਨਕਾਰੀ

ਵਿਸ਼ਵ ਭਰ ਦੇ ਵੱਖ ਵੱਖ ਦੇਸ਼ਾਂ ਦਾ ਅਜੋਕਾ ਸਮਾਜ ਆਮ ਤੌਰ ‘ਤੇ ਉਥੋਂ ਦੀ ਸਿਆਸੀ ਤਾਕਤ ਜਾਂ ਆਰਥਿਕ ਤੌਰ ‘ਤੇ ਵਡਿੱਤਣ ਦਾ ਨਾਪ ਤੋਲ ਕਰਕੇ ਆਪਣੀ ਵਡਿੱਤਣ ਦਾ ਅੰਦਾਜ਼ਾ ਲਾਉਂਦੇ ਹਨ। ਪਰ ਇਰਾਕ ਦੀ ਰਾਜਧਾਨੀ ਬਗਦਾਦ ਦੇ ਲੋਕ ਪਿਛਲੀਆਂ ਪੰਜ ਸਦੀਆਂ ਤੋਂ ਸਿੱਖ ਧਰਮ ਦੇ ਬਾਨੀ ਗੁਰੂ ਨਾਨਕ ਪਾਤਸ਼ਾਹ ਦੀ ਮਹਾਨਤਾ ਅੱਗੇ ਅੱਜ ਵੀ ਸਿਰ ਝੁਕਾਉਂਦੇ ਹਨ। ਉਥੋਂ ਦੀ ਸਭ ਤੋਂ ਪੁਰਾਣੀ ਮਸਜਿਦ ਜੁਮਾ–ਏ–ਖੁਲਫਾ ਦੇ 84 ਸਾਲਾ ਇਮਾਮ ਸ਼ੇਖ ਜਲਾਲ–ਉਲ–ਹਨਾਫੀ ਆਪਣੀ ਇਕ ਲਿਖਤ ਵਿਚ ਬਿਆਨ ਕਰਦੇ ਹਨ ਕਿ ਗੁਰੂ ਨਾਨਕ ਦੀ ਵਿਚਾਰਧਾਰਾ ਦਾ ਬਗਦਾਦ ਦੇ ਲੋਕਾਂ ਉਪਰ ਅੱਜ ਵੀ ਬਹੁਤ ਡੂੰਘਾ ਪ੍ਰਭਾਵ । ਉਹ ਗੁਰੂ ਨਾਨਕ ਨੂੰ ਬ੍ਰਹਿਮੰਡ ਦਾ ਬਹੁਤ ਵੱਡਾ ਗਿਆਤਾ ਸਮਝਦੇ ਹਨ ਕਿਉਂਕਿ ਉਨ੍ਹਾਂ ਨੇ ਇਸਲਾਮੀ ਵਿਸ਼ਵਾਸ ਅਨੁਸਾਰ ਸੱਤ ਆਸਮਾਨਾਂ ਤੋਂ ਅੱਗੇ ਜਾ ਕੇ ਹੋਕਰਾ ਦਿੱਤਾ ਸੀ ਕਿ ਬ੍ਰਹਿਮੰਡ ਸਿਰਫ ਸੱਤ ਆਸਮਾਨਾਂ ਤੱਕ ਹੀ ਸੀਮਤ ਨਹੀਂ ਬਲਕਿ ‘ਪਾਤਾਲਾ ਪਾਤਾਲ ਲੱਖ ਅਗਾਸਾ ਆਗਾਸ’ ਅਨੁਸਾਰ ਇਸ ਦੇ ਆਕਾਸ਼ ਪਾਤਾਲ ਬੇਅੰਤ ਹਨ ਜਿਨ੍ਹਾਂ ਦੀ ਗਿਣਤੀ ਨਹੀਂ ਕੀਤੀ ਜਾ ਸਕਦੀ। ਇਮਾਮ ਲਿਖਦਾ ਕਿ ਬਗਦਾਦ ਵਿਚ ਜੇਕਰ ਕੋਈ ਆਪਣੇ ਗਿਆਨ ਦੀ ਸ਼ੇਖੀ ਮਾਰੇ ਤਾਂ ਉਸ ਨੂੰ ਆਖਿਆ ਜਾਂਦਾ ਕਿ ਕੀ ਤੂੰ ਆਪਣੇ ਆਪ ਨੂੰ ਬਾਬਾ ਨਾਨਕ ਸਮਝਦਾ ਏਂ। ਗੁਰੂ ਦੀ ਜੰਮਣ ਭੋਂਅ ਪਾਕਿਸਤਾਨ ਵਿਚ ਮੁਸਲਿਮ ਔਰਤਾਂ ਅੱਜ ਵੀ ਉਨ੍ਹਾਂ ਨਾਲ ਜੁੜੀਆਂ ਯਾਦਗਾਰਾਂ ਵਿਖੇ ਆਪਣੀਆਂ ਅਰਦਾਸਾਂ ਦੀ ਪੂਰਤੀ ਲਈ ਮੱਥਾ ਟੇਕਦੀਆਂ ਹਨ। ਗੁਰੂ ਨਾਨਕ ਨਾਲ ਜੁੜੀਆਂ ਸਾਖੀਆਂ ਵਿਚ ਉਨ੍ਹਾਂ ਨੂੰ ਭੁੱਲੇ ਭਟਕਿਆਂ ਦਾ ਰਾਹ ਦਸੇਰਾ ਅਤੇ ਦੁਖੀਆਂ, ਲੋੜਵੰਦਾਂ ਦਾ ਸੱਚਾ ਸਨੇਹੀ ਦੱਸਿਆ ਗਿਆ । ਉਹ ਸਾਰੀ ਦੁਨੀਆਂ ਦਾ ਦਰਦ ਆਪਣੇ ਸੀਨੇ ਵਿਚ ਛੁਪਾ ਕੇ ਜਿਥੇ ਵੀ ਗਏ, ਉਥੇ ਰੋਂਦਿਆਂ ਦੇ ਹੰਝੂ ਪੂੰਝੇ, ਪਿਆਸਿਆਂ ਦੀ ਪਿਆਸ ਬੁਝਾਈ, ਭੁੱਲਿਆਂ ਨੂੰ ਰਸਤੇ ਪਾਇਆ, ਠੱਗਾਂ ਨੂੰ ਸਜਣ ਬਣਾਇਆ ਅਤੇ ਸੁਚੱਜੀ ਜ਼ਿੰਦਗੀ ਲਈ ਸੇਧ ਦਿੱਤੀ। ਧੱਕੇ ਨਾਲ ਦਾਨ ਮੰਗਣ ਵਾਲਿਆਂ ਦੇ ‘ਖੂਨ ਦੇ ਸੋਹਿਲੇ’ ਗਾਏ। ਲੋਕਾਂ ਦੀ ਰੱਤ ਪੀਣ ਵਾਲੇ ਮਲਕ ਭਾਗੋ ਦੇ ਮਾਹਲ ਪੂੜਿਆਂ ਨੂੰ ਛੱਡ ਕੇ ਦਸਾਂ ਨੌਹਾਂ ਦੀ ਸੱਚੀ, ਸੁੱਚੀ ਕਿਰਤ ਕਰਨ ਵਾਲੇ ਗਰੀਬ ਲਾਲੋ ਦੇ ਘਰ ਜਾ ਕੇ ਕੋਧਰੇ ਦੀ ਰੋਟੀ ‘ਚੋਂ ਦੁੱਧ ਕੱਢਿਆ ਅਤੇ ਅਨੰਦ ਵਾਲਾ ਰੁੱਖਾ ਮਿੱਸਾ ਪ੍ਰਸ਼ਾਦਾ ਛਕਿਆ। ਗੁਰੂ ਨਾਨਕ ਨੇ ਆਪਣੇ ਬਚਪਨ ਦੇ ਸਾਥੀ ਭਾਈ ਮਰਦਾਨਾ ਅਤੇ ਬਾਲਾ ਨੂੰ ਨਾਲ ਲੈ ਕੇ ਦੂਰ–ਦੁਰੇਡੇ ਦੇ ਦੇਸ਼ਾਂ ਦਾ ਸਫਰ ਕੀਤਾ। ਉਹ ਵੱਖ ਵੱਖ ਧਰਮਾਂ ਦੇ ਕੇਂਦਰੀ ਅਸਥਾਨਾਂ ਵਿਖੇ ਪੁੱਜੇ ਅਤੇ ਵਹਿਮਾਂ ਭਰਮਾਂ ਦਾ ਖੰਡਨ ਕੀਤਾ। ਲੋਕਾਂ ਨੂੰ ਦਲੀਲ ਨਾਲ ਇਕੋ ਪ੍ਰਮਾਤਮਾ ਨਾਲ ਜੁੜਨ ਲਈ ਪ੍ਰੇਰਿਆ। ਧਾਰਮਿਕ ਅਤੇ ਸਮਾਜਿਕ ਸੋਝੀ ਦੇਣ ਦੇ ਨਾਲ ਨਾਲ ਜਰਵਾਣਿਆਂ ਦੇ ਜ਼ੁਲਮਾਂ ਦੀ ਵੀ ਜ਼ੋਰਦਾਰ ਸ਼ਬਦਾਂ ਵਿਚ ਨਿਖੇਧੀ ਕੀਤੀ। ਹਮਲਾਵਰ ਬਾਬਰ ਨੂੰ ਜਾਬਰ ਆਖਣ ਦੀ ਜੁਰੱਅਤ ਕੀਤੀ। ਉਨ੍ਹਾਂ ਨੇ ਸਿੱਖ ਧਰਮ ਨੂੰ ਸਿਰਫ ਅਧਿਆਤਮਕਤਾ ਤੱਕ ਹੀ ਸੀਮਤ ਨਹੀਂ ਰੱਖਿਆ ਬਲਕਿ ਮਨੁੱਖੀ ਜੀਵਨ ਦੀ ਹਰ ਪੱਖ ਤੋਂ ਅਗਵਾਈ ਵਾਲਾ ਧਰਮ ਬਣਾਇਆ। ਪਰ ਅੱਜ ਇਸ ਧਰਮ ਦੀ ਦਸ਼ਾ ਮੁੜ ਗੁਰੂ ਨਾਨਕ ਤੋਂ ਪਹਿਲੇ ਵਾਲੇ ਦੌਰ ਦੀ ਹੋ ਗਈ । ਮੌਜੂਦਾ ਦੌਰ ਦਾ ਸਿੱਖ ਧਨ ਦੇ ਬਲਬੂਤੇ ਧਰਮ ਅਸਥਾਨਾਂ ਉਪਰ ਜਬਰੀ ਕਬਜ਼ੇ ਕਰਕੇ ਗੋਲ੍ਹਕਾਂ ਦੀ ਲੁੱਟ ਖੋਹ ਨਾਲ ਮਲਕ ਭਾਗੋ ਦੀ ਜਮਾਤ ਵਿਚ ਸ਼ਾਮਲ ਹੋ ਚੁੱਕਾ । ਮਾਨਵਤਾ ਦੀ ਭਲਾਈ ਵਾਲਾ ਧਰਮ ਤਿਆਗ ਕੇ ਪਾਖੰਡ ਕਰਦਾ ਹੋਇਆ ਧਰਮੀ ਲੋਕਾਂ ਨੂੰ ਠੱਗਣ ਦਾ ਧੰਦਾ ਅਖਤਿਆਰ ਕਰ ਲੈਂਦਾ ਅਤੇ ਫਿਰ ਆਪਣੀਆਂ ਭੁੱਲਾਂ ਬਖਸ਼ਾਉਣ ਲਈ ਉਸੇ ਗੁਰੂ ਨਾਨਕ ਅੱਗੇ ਮੱਥੇ ਰਗੜਦਾ ਜਿਸ ਦੀ ਸਿਖਿਆ ਨੂੰ ਮੰਨਣ ਤੋਂ ਇਨਕਾਰੀ ਹੋ ਜਾਂਦਾ । ਸਾਡੀ ਜੋਦੜੀ ਕਿ ਬਾਬਾ ਨਾਨਕ ਆਪਣੇ ਗੁਰਪੁਰਬ ਮੌਕੇ ਅਜਿਹੇ ਪਾਖੰਡੀ ਸਿੱਖਾਂ ਨੂੰ ਸੁਮੱਤ ਬਖ਼ਸ਼ੇ।

‘ਸਰਬੱਤ ਖਾਲਸਾ’ ਪੰਥਕ ਆਗੂਆਂ ਵਿਚਕਾਰ ਮੱਤਭੇਦਾਂ ਦਾ ਸ਼ਿਕਾਰ ਹੋ ਗਿਆ

ਪੰਜਾਬ ਸਰਕਾਰ ਨੇ ਆਪਣੀ ਗੈਰ ਪੰਥਕ ਸੋਚ ਦਾ ਵਿਖਾਵਾ ਕਰਦਿਆਂ ਸਰਕਾਰੀ ਤਾਕਤ ਨਾਲ 10 ਨਵੰਬਰ ਨੂੰ ਤਲਵੰਡੀ ਸਾਬੋ ਵਿਖੇ ਹੋਣ ਵਾਲਾ ‘ਸਰਬੱਤ ਖਾਲਸਾ’ ਦਾ ਇਕੱਠ ਰੋਕ ਦਿੱਤਾ । ਇਸ ਮੰਤਵ ਲਈ ਪੁਲਿਸ ਨੇ ਦੋ ਹਜ਼ਾਰ ਤੋਂ ਵੱਧ ਸਿੱਖਾਂ ਅਤੇ ਪੰਥਕ ਜਥੇਦਾਰਾਂ ਨੂੰ ਗ੍ਰਿਫਤਾਰ ਕਰਕੇ ਜੇਹਲਾਂ ਵਿਚ ਬੰਦ ਕਰ ਦਿੱਤਾ ਅਤੇ ਸਮਾਗਮ ਵਾਲੀ ਥਾਂ ਤੰਬੂ ਕਨਾਤਾਂ ਲਾਉਣ ਵਾਲਿਆਂ ਨੂੰ ਡੰਡੇ ਮਾਰ ਕੇ ਭਜਾ ਦਿੱਤਾ। ਸਰਕਾਰ ਵਲੋਂ ਕੀਤੀ ਗਈ ਸਖ਼ਤੀ ਨੂੰ ਜਾਇਜ਼ ਦੱਸਣ ਲਈ ਮੁੱਖ ਮੰਤਰੀ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵਾਰ ਵਾਰ ਬਿਆਨਬਾਜ਼ੀ ਕਰਦੇ ਰਹੇ ਕਿ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈੰਐਸੰ ਵਲੋਂ ਇਸ ਸਮਾਗਮ ਰਾਹੀਂ ਪੰਜਾਬ ਵਿਚ ਗੜਬੜ ਕਰਵਾਉਣ ਦੀ ਸਾਜ਼ਿਸ਼ ਜਿਸ ਨੂੰ ਰੋਕਣਾ ਸਰਕਾਰ ਦਾ ਫਰਜ਼ । ਇਸੇ ਲਈ ਸ਼ੱਕੀ ਬੰਦਿਆਂ ਦੀਆਂ ਗ੍ਰਿਫਤਾਰੀਆਂ ਕਰਨੀਆਂ ਪਈਆਂ ਹਨ। ਆਪਣੇ ਇਸ ਝੂਠ ਨੂੰ ਸਹੀ ਸਾਬਤ ਕਰਨ ਲਈ ਦਿੱਲੀ ਤੋਂ ਸੁਰੱਖਿਆ ਦਸਤਿਆਂ ਦੀਆਂ ਵੀਹ ਕੰਪਣੀਆਂ ਵੀ ਮੰਗਵਾ ਲਈਆਂ ਜਿਨ੍ਹਾਂ ਨੇ ਇਕ ਹਫਤੇ ਤੱਕ ਤਲਵੰਡੀ ਸਾਬੋ ਦੇ ਆਲੇ ਦੁਆਲੇ ਘੇਰਾ ਪਾਈ ਰੱਖਿਆ ਜਿਸ ਨਾਲ ਤਲਾਸ਼ੀਆਂ ਅਤੇ ਨਾਕਾਬੰਦੀਆਂ ਕਰਕੇ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ‘ਸਰਬੱਤ ਖਾਲਸਾ’ ਦੇ ਪ੍ਰਬੰਧਕਾਂ ਵਲੋਂ ਅਜਿਹੀ ਸਰਕਾਰੀ ਸਖ਼ਤੀ ਦੀ ਤੁਲਨਾ ਸੰਨ 1737 ਦੇ ਅੰਮ੍ਰਿਤਸਰ ਵਿਖੇ ਹੋਣ ਵਾਲੇ ਸਰਬੱਤ ਖਾਲਸਾ ਨਾਲ ਕੀਤੀ ਗਈ ਜਿਸ ਮੌਕੇ ਜ਼ਕਰੀਆ ਖਾਨ ਨੇ ਸਿੱਖਾਂ ਦਾ ਕਤਲੇਆਮ ਕਰਨ ਲਈ ਅੰਮ੍ਰਿਤਸਰ ਨੂੰ ਘੇਰਾ ਪਾ ਲਿਆ ਸੀ। ਪਰ ਇਸ ਸਾਜ਼ਿਸ਼ ਨੂੰ ਨਾਕਾਮ ਕਰਨ ਲਈ ਭਾਈ ਮਨੀ ਸਿੰਘ ਨੇ ਇਸ ਇਕੱਠ ਨੂੰ ਰੱਦ ਕਰ ਦਿੱਤਾ ਸੀ। ਇਸ ਕਾਰਵਾਈ ਦਾ ਨਤੀਜਾ ਭਾਈ ਮਨੀ ਸਿੰਘ ਨੂੰ ਆਪਣਾ ਬੰਦ ਬੰਦ ਕਟਵਾ ਕੇ ਸ਼ਹਾਦਤ ਦੇਣ ਨਾਲ ਭੁਗਤਣਾ ਪਿਆ ਸੀ। ਉਸੇ ਪੁਰਾਤਨ ਰਵਾਇਤ ਅਨੁਸਾਰ ਪੰਥਕ ਜਥੇਦਾਰਾਂ ਨੇ ਹਰਿਆਣਾ ਦੇ ਇਕ ਗੁਰਦੁਆਰੇ ਵਿਚ ਮੀਟਿੰਗ ਕਰਕੇ 10 ਨਵੰਬਰ ਦੇ ਸਰਬੱਤ ਖਾਲਸਾ ਨੂੰ ਮੁਲਤਵੀ ਕਰਨ ਦਾ ਐਲਾਨ ਕਰਕੇ ਅਗਲੀ ਕਾਰਵਾਈ ਬਾਰੇ ਫੈਸਲਾ ਕਰਨ ਲਈ ਰਾਜਸਥਾਨ ਦੇ ਗੁਰਦੁਆਰਾ ਬੁੱਢਾ ਜੌਹੜ ਵਿਖੇ ਪੰਥਕ ਜਥੇਬੰਦੀਆਂ ਦੀ ਮੀਟਿੰਗ ਸੱਦ ਲਈ, ਪਰ ਅੰਮ੍ਰਿਤਸਰ ਅਕਾਲੀ ਦਲ ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ 10 ਨਵੰਬਰ ਨੂੰ ਤਲਵੰਡੀ ਸਾਬੋ ਪੁੱਜਣ ਲਈ ਅੜੇ ਰਹੇ। ਇਸ ਤੋਂ ਪਹਿਲਾਂ ਸਰਦਾਰ ਮਾਨ ਵਲੋਂ ਸਰਬੱਤ ਖਾਲਸਾ ਦੀ ਮਨਜ਼ੂਰੀ ਲਈ ਜਿਹੜੀ ਪਟੀਸ਼ਨ ਹਾਈਕੋਰਟ ਵਿਚ ਦਾਇਰ ਕੀਤੀ ਗਈ ਸੀ, ਉਹ ਸੁਣਵਾਈ ਤੋਂ ਬਿਨਾ ਹੀ ਵਾਪਸ ਲੈਣੀ ਪਈ ਸੀ। ਪਰ ਪਟੀਸ਼ਨਰ ਦੇ ਵਕੀਲ ਵਲੋਂ ਜ਼ਿੱਦ ਕਾਰਨ ਅਦਾਲਤ ਵਲੋਂ ਇਸ ਦੀ ਸੁਣਵਾਈ 23 ਨਵੰਬਰ ਤੱਕ ਮੁਲਤਵੀ ਕਰ ਦਿੱਤੀ ਗਈ ਸੀ। ਇਸੇ ਦੌਰਾਨ ਸਮਾਗਮ ਦੀ ਇਜਾਜ਼ਤ ਲਈ ਸਰਦਾਰ ਮਾਨ ਨੇ ਸਮਾਣਾ ਵਿਖੇ ਪਾਰਟੀ ਦੇ ਕੁਝ ਵਰਕਰ ਮਿੱਟੀ ਦੇ ਤੇਲ ਦੀਆਂ ਬੋਤਲਾਂ ਫੜਾ ਕੇ ਪਾਣੀ ਵਾਲੀ ਟੈਂਕੀ ਉਪਰ ਚੜ੍ਹਾ ਦਿੱਤੇ ਤੇ ਐਲਾਨ ਕਰ ਦਿੱਤਾ ਕਿ ਜੇਕਰ ਬਾਦਲ ਸਰਕਾਰ ਨੇ ਸਰਬੱਤ ਖਾਲਸਾ ਦੀ ਇਜਾਜ਼ਤ ਨਾ ਦਿੱਤੀ ਤਾਂ ਉਹ ਆਤਮਦਾਹ ਕਰ ਲੈਣਗੇ। ਪਰ ਸਰਕਾਰ ਆਪਣੇ ਫੈਸਲੇ ਉਪਰ ਦ੍ਰਿੜ੍ਹ ਰਹੀ। ਉਸ ਨੇ ਨਾ ਸਿਰਫ ਸੂਬੇ ਅੰਦਰ ਹੀ ਪਹਿਰੇਦਾਰੀ ਕੀਤੀ ਬਲਕਿ ਇਸ ਸਮਾਗਮ ਵਿਚ ਹਿੱਸਾ ਲੈਣ ਲਈ ਬਾਹਰੋਂ ਆਉਣ ਵਾਲੇ ਸਿੱਖਾਂ ਨੂੰ ਹਵਾਈ ਅੱਡਿਆਂ ਉਪਰ ਰੋਕਿਆ। ਕੈਲੇਫੋਰਨੀਆ ਤੋਂ ਆਏ ਇਕ ਪੰਥਕ ਆਗੂ ਰੇਸ਼ਮ ਸਿੰਘ ਨੂੰ ਅੰਮ੍ਰਿਤਸਰ ਹਵਾਈ ਅੱਡੇ ਤੋਂ ਗ੍ਰਿਫਤਾਰ ਕਰਕੇ ਜੇਹਲ ‘ਚ ਬੰਦ ਕਰ ਦਿੱਤਾ। ਦਰਅਸਲ ਇਹ ਸਮਾਗਮ ਪੰਥ ਵਿਰੋਧੀ ਸੰਘ ਵਰਗੀਆਂ ਫਿਰਕੂ ਤਾਕਤਾਂ ਵਲੋਂ ਸਰਕਾਰ ਉਪਰ ਭਾਰੀ ਦਬਾਅ ਕਾਰਨ ਰੋਕਿਆ ਗਿਆ । ਇਸ ਤੋਂ ਇਲਾਵਾ ਇਸ ਸਮਾਗਮ ਲਈ ਉੱਦਮ ਕਰਨ ਵਾਲੇ ਪੰਥਕ ਆਗੂ ਵੀ ਆਪਸ ਵਿਚ ਇਕਸੁਰ ਨਹੀਂ ਸਨ। ਆਪਸੀ ਮੱਤਭੇਦਾਂ ਦੇ ਨਤੀਜੇ ਕਾਰਨ ਹੀ ਬਾਦਲ ਸਰਕਾਰ ਨੂੰ ਇਹ ‘ਇਤਿਹਾਸਕ’ ਆਖਿਆ ਜਾਂਦਾ ‘ਸਰਬੱਤ ਖਾਲਸਾ’ ਰੋਕਣ ਦਾ ਹੌਸਲਾ ਪਿਆ ।

ਦਿੱਲੀ ਕਤਲੇਆਮ ਦੇ ਪੀੜਤ ਸਿੱਖਾਂ ਨਾਲ ਘਟੀਆ ਮਜ਼ਾਕ

ਵਿਸ਼ਵ ਭਰ ਦੇ ਸਿੱਖਾਂ ਨੂੰ ਇਸ ਗੱਲ ਦਾ ਰੰਜ ਕਿ ਸਰਕਾਰ ਦੀ ਸਰਪ੍ਰਸਤੀ ਹੇਠ ਭਾਰਤ ਵਿਚ ਸਿੱਖਾਂ ਦਾ ਜੂਨ ਅਤੇ ਨਵੰਬਰ 84 ਵਿਚ ਜੋ ਕਤਲੇਆਮ ਹੋਇਆ, ਉਸ ਦੇ ਪੀੜਤ ਸਿੱਖ ਪਰਿਵਾਰਾਂ ਨੂੰ ਅੱਜ ਤੱਕ ਇਨਸਾਫ ਨਹੀਂ ਮਿਲਿਆ। ਇਸ ਇਨਸਾਫ ਦੀ ਆਸ ਰੱਖਣਾ ਵੀ ਫਜ਼ੂਲ । ਜਿਹੜੀਆਂ ਸਰਕਾਰਾਂ ਅਜਿਹੇ ਕਤਲੇਆਮ ਲਈ ਜ਼ੁੰਮੇਵਾਰ ਹਨ, ਉਨ੍ਹਾਂ ਪਾਸੋਂ ਹੀ ਇਨਸਾਫ ਦੀ ਆਸ ਰੱਖਣਾ ਮੁੰਗੇਰੀ ਲਾਲ ਦੇ ਸੁਪਨਿਆਂ ਤੋਂ ਵੱਧ ਕੁਝ ਵੀ ਨਹੀਂ। ਦਰਅਸਲ ਸਿੱਖਾਂ ਨਾਲ ਵਾਪਰੇ ਇਹ ਦੋਵੇਂ ਦੁਖਾਂਤ ਸਿਆਸਤ ਦੀ ਧੂੜ ਵਿਚ ਰੁਲ ਗਏ ਹਨ। ਜਦੋਂ ਵੀ ਕਿਸੇ ਚੋਣ ਦਾ ਸਮਾਂ ਆਉਂਦਾ , ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਸਿੱਖਾਂ ਦੀਆਂ ਹਮਦਰਦ ਬਣਕੇ ਦੋਸ਼ੀਆਂ ਨੂੰ ਸਜ਼ਾਵਾਂ ਅਤੇ ਪੀੜਤ ਪਰਿਵਾਰਾਂ ਨੂੰ ਮੁਆਵਜ਼ਾ ਦੇਣ ਦਾ ਵਾਅਦਾ ਕਰ ਜਾਂਦੀਆਂ ਹਨ। ਪੰਜਾਬ ਦੇ ਮੁੱਖ ਮੰਤਰੀ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਤਾਂ ਇਸ ਮਾਮਲੇ ਵਿਚ ਬਾਜ਼ੀ ਲੈ ਗਏ ਹਨ। ਹੁਣ ਵੀ ਉਹ ਆਪਣੀਆਂ ਚੋਣ ਰੈਲੀਆਂ ਵਿਚ ਸਿਆਸੀ ਲਾਹਾ ਲੈਣ ਲਈ ਕਾਂਗਰਸ ਨੂੰ ਸਿੱਖਾਂ ਦੀ ਮੁੱਖ ਦੁਸ਼ਮਣ ਜਮਾਤ ਦੀ ਉਪਾਧੀ ਦਿੰਦੇ ਰਹਿੰਦੇ ਹਨ। ਪਰ ਉਨ੍ਹਾਂ ਕਦੇ ਵੀ ਆਪਣੀ ਭਾਈਵਾਲ ਭਾਜਪਾ ਨੂੰ ਸਿੱਖਾਂ ਦੇ ਦੁਸ਼ਮਣਾ ਦੀ ਕਤਾਰ ਵਿਚ ਖੜਾ ਨਹੀਂ ਕੀਤਾ ਜਿਸ ਦੇ ਅਡਵਾਨੀ ਵਰਗੇ ਸੀਨੀਅਰ ਲੀਡਰਾਂ ਨੇ ਆਪਣੀਆਂ ਲਿਖਤਾਂ ਵਿਚ ਪ੍ਰਵਾਨ ਕੀਤਾ ਕਿ ਦਰਬਾਰ ਸਾਹਿਬ ਉਪਰ ਫੌਜੀ ਹਮਲੇ ਲਈ ਉਨ੍ਹਾਂ ਨੇ ਹੀ ਇੰਦਰਾ ਗਾਂਧੀ ਉਪਰ ਦਬਾਅ ਪਾਇਆ ਸੀ। ਜਿਥੇ ਸਿੱਖਾਂ ਦੇ ਆਪਣੇ ਲੀਡਰ ਹੀ ਕੌਮ ਨਾਲ ਅਜਿਹਾ ਵਿਸਾਹਘਾਤ ਕਰ ਰਹੇ ਹੋਣ, ਉਥੇ ਦੂਜਿਆਂ ਤੋਂ ਕੀ ਆਸ ਰੱਖੀ ਜਾ ਸਕਦੀ । ਇਸ ਗੱਲ ਵਿਚ ਕੋਈ ਸ਼ੱਕ ਨਹੀਂ ਕਿ ਸੰਨ 1980 ਤੋਂ ਬਾਅਦ ਸੰਤ ਭਿੰਡਰਾਂਵਾਲਿਆਂ ਦੀ ਚੜ੍ਹਤ ਨਾਲ ਈਰਖਾ ਦੀ ਭਾਵਨਾ ਹੇਠ ਆਏ ਬਾਦਲ, ਲੌਂਗੋਵਾਲ ਤੇ ਬਲਵੰਤ ਸਿੰਘ ਦਿੱਲੀ ਜਾ ਕੇ ਇੰਦਰਾ ਗਾਂਧੀ ਦੇ ਕੰਨ ਭਰਦੇ ਰਹਿੰਦੇ ਸਨ ਕਿ ਸੰਤਾਂ ਦੇ ਖਿਲਾਫ ਸਖ਼ਤ ਕਾਰਵਾਈ ਕੀਤੀ ਜਾਵੇ। ਇੰਦਰਾ ਤਾਂ ਪਹਿਲਾਂ ਹੀ ਭਾਜਪਾ ਦੇ ਦਬਾਅ ਹੇਠ ਸੀ ਅਤੇ ਅੰਦਰਖਾਤੇ ਫੌਜੀ ਹਮਲੇ ਦੀਆਂ ਤਿਆਰੀਆਂ ਵੀ ਕਰ ਰਹੀ ਸੀ। ਉਸ ਨੂੰ ਜਦ ਅਕਾਲੀ ਲੀਡਰਾਂ ਪਾਸੋਂ ਹੁੰਗਾਰਾ ਮਿਲਿਆ ਤਾਂ ਉਸ ਨੇ ਸਿੱਖਾਂ ਦਾ ਵੱਧ ਤੋਂ ਵੱਧ ਨੁਕਸਾਨ ਕਰਨ ਦੀ ਵਿਉਂਤ ਬਣਾ ਲਈ। ਇਸੇ ਤਰ੍ਹਾਂ ਨਵੰਬਰ 84 ਵਿਚ ਇੰਦਰਾ ਦੀ ਮੌਤ ਨੇ ਰਾਜੀਵ ਗਾਂਧੀ ਨੂੰ ਪਾਗਲ ਕਰ ਦਿੱਤਾ ਸੀ। ਪ੍ਰਧਾਨ ਮੰਤਰੀ ਦੀ ਕੁਰਸੀ ਉਪਰ ਬੈਠ ਕੇ ਵੀ ਉਸ ਨੂੰ ਇਹ ਕਹਿਣ ਵਿਚ ਝਿਜਕ ਮਹਿਸੂਸ ਨਾ ਹੋਈ ਕਿ ‘ਜਦ ਵੱਡਾ ਦਰੱਖਤ ਡਿੱਗਦਾ ਤਾਂ ਧਰਤੀ ਹਿੱਲਦੀ ।’ ਉਸ ਦਾ ਸਪੱਸ਼ਟ ਸੰਕੇਤ ਸੀ ਕਿ ਸਿੱਖਾਂ ਦਾ ਕਤਲੇਆਮ ਜਾਇਜ਼ । ਅਜਿਹੇ ਲੀਡਰ ਦੀ ਪਾਰਟੀ ਪਾਸੋਂ ਇਨਸਾਫ ਮੰਗਣਾ ਝੋਟਿਆਂ ਦੇ ਘਰੋਂ ਦੁੱਧ ਦੀ ਆਸ ਰੱਖਣ ਦੇ ਬਰਾਬਰ । ਦੂਜੇ ਪਾਸੇ ਭਾਜਪਾ ਨੇ ਵੀ ਆਪਣੇ ਪਾਖੰਡ ਤੋਂ ਨਕਾਬ ਲਾਹ ਦਿੱਤਾ । ਦੋ ਸਾਲ ਪਹਿਲਾਂ ਪਾਰਲੀਮੈਂਟ ਦੀ ਚੋਣ ਮੌਕੇ ਮੋਦੀ ਨੇ ਸਿੱਖ ਵੋਟਰਾਂ ਨਾਲ ਵਾਅਦਾ ਕੀਤਾ ਸੀ ਕਿ ਦਿੱਲੀ ਕਤਲੇਆਮ ਦੇ ਦੋਸ਼ੀਆਂ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਸਖਤ ਸਜ਼ਾਵਾਂ ਦਿੱਤੀਆਂ ਜਾਣਗੀਆਂ। ਪਰ ਸਵਾ ਦੋ ਸਾਲ ਬੀਤ ਜਾਣ ਪਿੱਛੋਂ ਵੀ ਇਸ ਪਾਸੇ ਵੱਲ ਸਰਕਾਰੀ ਤੌਰ ‘ਤੇ ਕੋਈ ਕਾਰਵਾਈ ਨਹੀਂ ਹੋਈ। ਅਜਿਹੀ ਕਾਰਵਾਈ ਦੀ ਆਸ ਵੀ ਕੋਈ ਨਹੀਂ ਤੇ ਨਾ ਹੀ ਸੰਭਵ । ਕਿਉਂਕਿ ਕਾਤਲਾਂ ਵਿਚ ਭਾਜਪਾਈ ਵਰਕਰ ਵੀ ਸ਼ਾਮਲ ਸਨ। ਅਸੀਂ ਸਮਝਦੇ ਹਾਂ ਕਿ ਪਿਛਲੇ ਤਿੰਨ ਦਹਾਕਿਆਂ ਤੋਂ ਅਕਾਲੀ ਦਲ ਸਮੇਤ ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਕਤਲੇਆਮ ਦੇ ਪੀੜਤ ਪਰਿਵਾਰਾਂ ਦੀਆਂ ਭਾਵਨਾਵਾਂ ਨੂੰ ਫੁੱਟਬਾਲ ਬਣਾ ਕੇ ਖੇਡਦੀਆਂ ਰਹੀਆਂ ਹਨ। ਇਹ ਮਜ਼ਾਕ ਹੁਣ ਬੰਦ ਹੋਣਾ ਚਾਹੀਦਾ ।

ਮੋਦੀ ਰਾਜ ਵਿਚ ਮੁਸਲਮਾਨਾਂ ਦਾ ਇਕ ਹੋਰ ਫਰਜ਼ੀ ਪੁਲਿਸ ਮੁਕਾਬਲਾ

ਪੰਜਾਬ ਵਿਚ ਸੱਤਵੇਂ ਦਹਾਕੇ ਦੌਰਾਨ ਨਕਸਲੀਆਂ ਦੀਆਂ ਇਨਕਲਾਬੀ ਸਰਗਰਮੀਆਂ ਨਾਲ ਨਜਿੱਠਣ ਲਈ ਉਸ ਵੇਲੇ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਸਰਕਾਰੀ ਬਾਗੀਆਂ ਨੂੰ ਫਰਜ਼ੀ ਪੁਲਿਸ ਮੁਕਾਬਲਿਆਂ ਵਿਚ ਮਾਰਨ ਦਾ ਜੋ ਸਿਲਸਿਲਾ ਸ਼ੁਰੂ ਕੀਤਾ ਸੀ, ਉਹ ਵੱਖ ਵੱਖ ਸੂਬਿਆਂ ਤੱਕ ਫੈਲ ਕੇ ਅੱਜ ਤੱਕ ਵੀ ਜਾਰੀ । ਸਾਕਾ ਨੀਲਾ ਤਾਰਾ ਤੋਂ ਪਹਿਲਾਂ ਅਤੇ ਬਾਅਦ ਵਿਚ ਕਾਂਗਰਸੀ ਹਾਕਮਾਂ ਨੇ ਇਸੇ ਨੀਤੀ ਉਪਰ ਚਲਦਿਆਂ ਸਿੱਖਾਂ ਦੀ ਨਸਲਕੁਸ਼ੀ ਦਾ ਕੁਕਰਮ ਕੀਤਾ। ਉਸ ਵੇਲੇ ਦੇ ਮੁੱਖ ਮੰਤਰੀ ਬੇਅੰਤ ਸਿੰਘ ਨੇ ਪੁਲਿਸ ਫੋਰਸ ਨੂੰ ਤਰੱਕੀਆਂ ਅਤੇ ਨਗਦ ਇਨਾਮਾਂ ਦਾ ਲਾਲਚ ਦੇ ਕੇ ਸਿੱਖ ਨੌਜਵਾਨਾਂ ਨੂੰ ਇੰਨੀ ਬੇਦਰਦੀ ਨਾਲ ਸ਼ਹੀਦ ਕਰਵਾਇਆ ਕਿ ਮਾਝੇ ਵਿਚ ਤਾਂ ਪਿੰਡਾਂ ਦੇ ਪਿੰਡ ਖਾਲੀ ਹੋ ਗਏ। ਗੁਜਰਾਤ ਦਾ ਮੁੱਖ ਮੰਤਰੀ ਬਣਦਿਆਂ ਮੋਦੀ ਨੇ ਵੀ ਮੁਸਲਮਾਨਾਂ ਵਿਰੁੱਧ ਇਸੇ ਨੀਤੀ ਦੀ ਵਰਤੋਂ ਕਰਦਿਆਂ ਹਜ਼ਾਰਾਂ ਮੁਸਲਮਾਨ ਕਤਲ ਕਰਵਾ ਦਿੱਤੇ। ਮਨੀਪੁਰ, ਝਾਰਖੰਡ ਵਿਚ ਬਾਗੀ ਨਕਸਲੀਆਂ ਅਤੇ ਨਾਗਿਆਂ ਨਾਲ ਵੀ ਇਸੇ ਤਰ੍ਹਾਂ ਦਾ ਵਰਤਾਓ ਕੀਤਾ ਜਾ ਰਿਹਾ । ਹਾਲਾਂਕਿ ਇਨ੍ਹਾਂ ਬਾਗੀਆਂ ਉਪਰ ਜਿੰਨਾ ਜਬਰ ਜ਼ੁਲਮ ਕੀਤਾ ਜਾ ਰਿਹਾ , ਉਨਾ ਹੀ ਬਗਾਵਤ ਦਾ ਜਜ਼ਬਾ ਪ੍ਰਚੰਡ ਹੋ ਰਿਹਾ । ਦਿੱਲੀ ਵਿਚ ਕਾਂਗਰਸ ਦੀ ਅਗਵਾਈ ਵਾਲੀ ਸਰਕਾਰ ਵੇਲੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਪਹਿਲਕਦਮੀ ਕਰਦਿਆਂ ਉਤਰ ਪੂਰਬੀ ਰਾਜਾਂ ਦੇ ਬਾਗੀਆਂ ਨੂੰ ਮੁੱਖਧਾਰਾ ਵਿਚ ਲਿਆਉਣ ਦੀ ਪਹਿਲਕਦਮੀ ਕੀਤੀ ਸੀ। ਪਰ ਇਸੇ ਦੌਰਾਨ ਸਰਕਾਰ ਬਦਲ ਗਈ। ਮੋਦੀ ਨੇ ਪ੍ਰਧਾਨ ਮੰਤਰੀ ਬਣਦਿਆਂ ਹੀ ਸੰਘ ਦੇ ਦਬਾਅ ਹੇਠ ਆ ਕੇ ਉਤਰ ਪੂਰਬੀ ਰਾਜਾਂ ਦੇ ਬਾਗੀਆਂ ਵਿਰੁੱਧ ਸਖਤੀ ਦੀ ਲਹਿਰ ਸ਼ੁਰੂ ਕਰ ਦਿੱਤੀ। ਉਥੇ ਮੁਸਲਮਾਨਾਂ ਵਿਰੁੱਧ ਨਸਲੀ ਨਫਰਤ ਦੀ ਲਹਿਰ ਦੁਬਾਰਾ ਸ਼ੁਰੂ ਕਰ ਦਿੱਤੀ। ਇਸੇ ਤਰ੍ਹਾਂ ਦੀ ਘਟਨਾ ਭਾਜਪਾ ਦੀ ਹਕੂਮਤ ਵਾਲੇ ਸੂਬੇ ਮੱਧ ਪ੍ਰਦੇਸ਼ ਵਿਚ ਪਿਛਲੇ ਹਫਤੇ ਵਾਪਰੀ ਜਿਥੇ ਭੁਪਾਲ ਦੀ ਜੇਹਲ ‘ਚੋਂ ਫਰਾਰ ਕਰਵਾ ਕੇ 8 ਮੁਸਲਿਮ ਕੈਦੀਆਂ ਦਾ ਫਰਜ਼ੀ ਮੁਕਾਬਲਾ ਬਣਾ ਦਿੱਤਾ। ਇਸ ਘਟਨਾ ਬਾਰੇ ਸਰਕਾਰ ਵਲੋਂ ਜਾਰੀ ਬਿਆਨ ਵਿਚ ਆਖਿਆ ਕਿ ਮੁਸਲਿਮ ਜਥੇਬੰਦੀ ਦੇ ਸਰਗਰਮ ਅੱਠ ਦਹਿਸ਼ਤਗਰਦ ਲੁੱਟਾਂ ਖੋਹਾਂ, ਕਤਲਾਂ ਅਤੇ ਫਿਰੌਤੀਆਂ ਵਸੂਲ ਕਰਨ ਦੇ ਦੋਸ਼ੀ ਇਹ ਦਹਿਸ਼ਤਗਰਦ 30 ਅਤੇ 31 ਅਕਤੂਬਰ ਦੀ ਵਿਚਕਾਰਲੀ ਰਾਤ ਨੂੰ ਜੇਹਲ ਦੇ ਗਾਰਡ ਨੂੰ ਕਤਲ ਕਰਕੇ ਫਰਾਰ ਹੋ ਗਏ ਸਨ। ਪੁਲਿਸ ਨੇ ਪਿੱਛਾ ਕਰਕੇ ਇਨ੍ਹਾਂ ਨੂੰ ਸ਼ਹਿਰ ਤੋਂ 10 ਕਿਲੋਮੀਟਰ ਦੇ ਫਾਸਲੇ ‘ਤੇ ਘੇਰ ਲਿਆ ਤੇ ਦੁਬਾਰਾ ਪੁਲਿਸ ਦੇ ਸਪੁਰਦ ਹੋਣ ਦੀ ਚਿਤਾਵਨੀ ਦਿੱਤੀ। ਪਰ ਕੈਦੀਆਂ ਨੇ ਜਵਾਬ ਵਿਚ ਪੁਲਿਸ ਉਪਰ ਫਾਇਰਿੰਗ ਕਰਕੇ ਮੁਕਾਬਲਾ ਸ਼ੁਰੂ ਕਰ ਦਿੱਤਾ। ਇਸ ਮੁਕਾਬਲੇ ਵਿਚ ਸਾਰੇ ਕੈਦੀ ਮਾਰੇ ਗਏ। ਪੁਲਿਸ ਦੀ ਇਸ ਰਵਾਇਤੀ ਕਹਾਣੀ ਉਪਰ ਸਵਾਲ ਕਰਦਿਆਂ ਪਾਰਟੀਆਂ ਨੇ ਮੁਕਾਬਲੇ ਨੂੰ ਨਕਲੀ ਦੱਸਿਆ ਅਤੇ ਮੰਗ ਕੀਤੀ ਕਿ ਇਸ ਘਟਨਾ ਦੀ ਉੱਚ ਪੱਧਰੀ ਅਦਾਲਤੀ ਜਾਂਚ ਹੋਣੀ ਚਾਹੀਦੀ । ਮੱਧ ਪ੍ਰਦੇਸ਼ ਦੇ ਕਾਂਗਰਸੀ ਆਗੂ ਦਿਗਵਿਜੈ ਸਿੰਘ ਨੇ ਸਵਾਲ ਚੁੱਕਿਆ ਕਿ ਸਿਰਫ ਸਿੰਮੀ ਦੇ ਮੁਸਲਿਮ ਕੈਦੀ ਹੀ ਫਰਾਰ ਕਿਉਂ ਹੋਏ। ਕੀ ਵਜਾਹ ਸੀ ਕਿ ਸਿਰਫ ਮੁਸਲਿਮ ਕੈਦੀ ਹੀ ਫਰਾਰ ਹੋਏ। ਕੋਈ ਹਿੰਦੂ ਕੈਦੀ ਕਿਉਂ ਫਰਾਰ ਨਾ ਹੋਇਆ। ਜੇਹਲ ਦੀ ਸੁਰੱਖਿਆ ਕੀ ਇੰਨੀ ਢਿੱਲੀ ਸੀ ਕਿ ਕੈਦੀਆਂ ਨੇ ਪਹਿਲਾਂ ਗਾਰਡ ਦਾ ਕਤਲ ਕੀਤਾ ਅਤੇ ਫਿਰ 15 ਫੁੱਟ ਉੱਚੀਆਂ ਕੰਧਾਂ ਟੱਪ ਕੇ ਫਰਾਰ ਹੋ ਗਏ। ਉਨ੍ਹਾਂ ਕੋਲ ਹਥਿਆਰ ਕਿਥੋਂ ਆਏ। ਮੁਕਾਬਲੇ ਦੇ ਚਸ਼ਮਦੀਦ ਗਵਾਹਾਂ ਦਾ ਕਹਿਣਾ ਕਿ ਪੁਲਿਸ ਫਾਇਰਿੰਗ ਦੇ ਜਵਾਬ ਵਿਚ ਕੈਦੀਆਂ ਨੇ ਗੋਲੀ ਨਹੀਂ ਚਲਾਈ। ਮ੍ਰਿਤਕਾਂ ਦੇ ਵਾਰਸਾਂ ਨੇ ਇਨ੍ਹਾਂ ਸਵਾਲਾਂ ਦੇ ਜਵਾਬ ਲੈਣ ਲਈ ਹਾਈਕੋਰਟ ਜਾਣ ਦਾ ਫੈਸਲਾ ਕੀਤਾ । ਮਨੁੱਖੀ ਅਧਿਕਾਰ ਕਮਿਸ਼ਨ ਨੇ ਵੀ ਸੂਬੇ ਦੇ ਪੁਲਿਸ ਮੁਖੀ ਨੂੰ ਤਲਬ ਕੀਤਾ । ਜਾਂਚ ਦਾ ਇਹ ਢੰਗ ਸਰਕਾਰੀ ਨੀਤੀ ਦਾ ਇਕ ਹਿੱਸਾ । ਅਸੀਂ ਸਮਝਦੇ ਹਾਂ ਕਿ ਮੋਦੀ ਵਰਗੇ ਹਾਕਮਾਂ ਦੀਆਂ ਅਜਿਹੀਆਂ ਨੀਤੀਆਂ ਨਾਲ ਭਾਰਤ ਵਿਚ ਮਜ਼ਹਬੀ ਫਸਾਦਾਂ ਦੀ ਅੱਗ ਭਾਂਬੜ ਬਣੇਗੀ।

ਪੰਜਾਬ ਸਰਕਾਰ ਵਲੋਂ ਲੰਗੜੇ ਪੰਜਾਬੀ ਸੂਬੇ ਦੀ 50ਵੀਂ ਵਰ੍ਹੇਗੰਢ ਦੇ ਜਸ਼ਨ

ਸੰਨ 47 ਵਿਚ ਹਿੰਦੋਸਤਾਨ ਦੀ ਵੰਡ ਵੇਲੇ ਨਹਿਰੂ, ਪਟੇਲ ਤੇ ਹੋਰ ਹਿੰਦੂਪ੍ਰਸਤ ਲੀਡਰਾਂ ਵਲੋਂ ਸਿੱਖਾਂ ਨੂੰ ਭਾਰਤ ਨਾਲ ਰਹਿਣ ਲਈ ਵੱਖਰੀ ਸਿੱਖ ਸਟੇਟ ਬਣਾਉਣ ਦੇ ਕੀਤੇ ਗਏ ਵਾਅਦਿਆਂ ਤੋਂ ਮੁੱਕਰ ਜਾਣ ਪਿੱਛੋਂ ਸਿੱਖਾਂ ਵਲੋਂ ਭਾਰੀ ਗੁੱਸਾ ਜ਼ਾਹਿਰ ਕੀਤਾ ਗਿਆ ਸੀ। ਉਸ ਵੇਲੇ ਦੀ ਸਿੱਖ ਲੀਡਰਸ਼ਿੱਪ ਮਾਸਟਰ ਤਾਰਾ ਸਿੰਘ, ਗਿਆਨੀ ਕਰਤਾਰ ਸਿੰਘ ਸਮੇਤ ਸਾਰੇ ਸਿੱਖ ਲੀਡਰਾਂ ਉਪਰ ਦਬਾਅ ਪੈਣ ਲੱਗਾ ਕਿ ਸਿੱਖਾਂ ਨਾਲ ਵਾਅਦਾ ਕਰਕੇ ਮੁੱਕਰ ਗਈ ਹਿੰਦੂ ਲੀਡਰਸ਼ਿੱਪ ਨਾਲ ਨਜਿੱਠਣ ਲਈ ਸੰਘਰਸ਼ ਸ਼ੁਰੂ ਕੀਤਾ ਜਾਵੇ। ਪਰ ਮਾਸਟਰ ਤਾਰਾ ਸਿੰਘ ਨੂੰ ਅਜੇ ਵੀ ਪੰਡਤ ਨਹਿਰੂ ਵਲੋਂ ਕੀਤੇ ਵਾਅਦੇ ਉਪਰ ਭਰੋਸਾ ਸੀ। ਆਖਿਰ ਮਾਸਟਰ ਜੀ ਨੇ ਨਹਿਰੂ ਨੂੰ ਸਿੱਖਾਂ ਨਾਲ ਕੀਤਾ ਵਾਅਦਾ ਯਾਦ ਕਰਵਾਇਆ ਤਾਂ ਕਹਿੰਦੇ ਹਨ ਕਿ ਨਹਿਰੂ ਨੇ ਮਾਸਟਰ ਜੀ ਨੂੰ ਦੋ–ਟੁੱਕ ਜਵਾਬ ਦਿੰਦਿਆਂ ਆਖਿਆ, ”ਮਾਸਟਰ ਜੀ, ਯੇਹ ਬਾਤ ਆਜ਼ਾਦੀ ਕੇ ਪਹਿਲੇ ਕੀ , ਅਬ ਸਮਾਂ ਬਦਲ ਚੁਕਾ ।” ਨਹਿਰੂ ਦੇ ਇਸ ਜਵਾਬ ਤੋਂ ਬਾਅਦ ਸਿੱਖਾਂ ਕੋਲ ਮੋਰਚਾ ਸ਼ੁਰੂ ਕਰਨ ਤੋਂ ਇਲਾਵਾ ਹੋਰ ਕੋਈ ਚਾਰਾ ਨਹੀਂ ਸੀ। ਪੰਜਾਬੀ ਭਾਸ਼ਾ, ਸੱਭਿਆਚਾਰ ਅਤੇ ਪੰਜਾਬ ਦੀ ਰਾਖੀ ਲਈ ਉਸ ਵੇਲੇ ਦੇ ਪੰਜਾਬੀਆਂ ਵਿਚ ਭਾਰੀ ਉਤਸ਼ਾਹ ਸੀ। ਪਰ ਫਿਰਕੂ ਵਿਚਾਰਧਾਰਾ ਵਾਲੀ ਉਸ ਵੇਲੇ ਦੀ ਜਨਸੰਘ (ਭਾਜਪਾ) ਵਲੋਂ ਇਸ ਮੰਗ ਦੀ ਸਖਤ ਵਿਰੋਧਤਾ ਕੀਤੀ ਜਾ ਰਹੀ ਸੀ। ਰੋਜ਼ਾਨਾ ਹੀ ਹਿੰਦੂਆਂ ਦੀਆਂ ਸਿੱਖਾਂ ਨਾਲ ਝੜਪਾਂ ਹੁੰਦੀਆਂ। ਹਿੰਦੂਆਂ ਵਲੋਂ ਗੁਰਦੁਆਰਿਆਂ ਉਪਰ ਪਥਰਾਅ ਕੀਤਾ ਜਾਂਦਾ। ਉਸ ਵੇਲੇ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਤਾਪ ਸਿੰਘ ਕੈਰੋਂ ਸਨ ਜੋ ਨਹਿਰੂ ਦੇ ਕਾਫੀ ਨੇੜੇ ਸਨ। ਨਹਿਰੂ ਵਲੋਂ ਕੈਰੋਂ ਉਪਰ ਦਬਾਅ ਸੀ ਕਿ ਸਿੱਖਾਂ ਦੇ ਇਸ ਮੋਰਚੇ ਨੂੰ ਹਰ ਹਾਲਤ ਵਿਚ ਕੁਚਲ ਦਿੱਤਾ ਜਾਵੇ। ਕੈਰੋਂ ਨੇ ਸਟੇਟ ਦੀ ਪੁਲਿਸ ਨੂੰ ਸਖ਼ਤੀ ਦੇ ਹੁਕਮ ਦਿੰਦਿਆਂ ‘ਪੰਜਾਬੀ ਸੂਬਾ–ਜ਼ਿੰਦਾਬਾਦ’ ਕਹਿਣ ਉਪਰ ਪਾਬੰਦੀ ਲਾ ਦਿੱਤੀ। ਜਿਹੜਾ ਕੋਈ ਇਹ ਨਾਹਰਾ ਲਾਉਂਦਾ, ਪੁਲਿਸ ਪਹਿਲਾਂ ਤਾਂ ਉਸ ਉਪਰ ਡਾਂਗਾਂ ਵਰ੍ਹਾਉਂਦੀ ਤੇ ਫਿਰ ਉਸ ਨੂੰ ਗ੍ਰਿਫਤਾਰ ਕਰਕੇ ਜੇਹਲ ਵਿਚ ਬੰਦ ਕਰ ਦਿੱਤਾ ਜਾਂਦਾ। ਸਿੱਖਾਂ ਨੇ ਸਰਕਾਰੀ ਜਬਰ ਦਾ ਵਿਰੋਧ ਕਰਦਿਆਂ ਜਥਿਆਂ ਦੇ ਰੂਪ ਵਿਚ ਨਾਹਰੇਬਾਜ਼ੀ ਦਾ ਸਿਲਸਿਲਾ ਸ਼ੁਰੂ ਕਰ ਦਿੱਤਾ। ਇਸ ਸੰਘਰਸ਼ ਵਿਚ 69 ਹਜ਼ਾਰ ਸਿੱਖਾਂ ਨੂੰ ਜੇਹਲ ਜਾਣਾ ਪਿਆ ਜਦਕਿ ਪੁਲਿਸ ਦੀਆਂ ਡਾਂਗਾਂ ਗੋਲੀਆਂ ਨਾਲ 43 ਸਿੱਖ ਸ਼ਹੀਦ ਹੋ ਗਏ। ਇਹ ਮੋਰਚਾ ਸਮੇਂ ਦੇ ਹਾਲਾਤ ਅਨੁਸਾਰ ਕਦੇ ਮੱਧਮ ਅਤੇ ਕਦੇ ਤੇਜ਼ ਰਫਤਾਰ ਨਾਲ ਚਲਦਾ ਰਿਹਾ ਜਿਸ ਨਾਲ ਪੰਜਾਬ ਦੀ ਕਿਸਾਨੀ ਦਾ ਬਹੁਤ ਨੁਕਸਾਨ ਹੋਇਆ। ਸੰਨ 1962 ਵਿਚ ਭਾਰਤ ਦੀ ਚੀਨ ਨਾਲ ਜੰਗ ਵਿਚ ਸਿੱਖ ਫੌਜੀਆਂ ਨੇ ਅਨੇਕਾਂ ਕੁਰਬਾਨੀਆਂ ਦਿੱਤੀਆਂ। ਇਸੇ ਦੌਰਾਨ 1965 ਵਿਚ ਭਾਰਤ–ਪਾਕਿਸਤਾਨ ਦੀ ਜੰਗ ਵਿਚ ਸਿੱਖ ਫੌਜੀਆਂ ਨੇ ਭਾਰੀ ਕੁਰਬਾਨੀਆਂ ਦੇ ਕੇ ਦੇਸ਼ ਦੀ ਰਾਖੀ ਕੀਤੀ। ਆਪਣਾ ਵੱਖਰਾ ਸੂਬਾ ਮੰਗਣ ਦੇ ਬਾਵਜੂਦ ਸਿੱਖਾਂ ਵਲੋਂ ਪੇਸ਼ ਕੀਤੀ ਦੇਸ਼ ਭਗਤੀ ਦੀ ਭਾਵਨਾ ਅੱਗੇ ਕਾਂਗਰਸ ਨੇ ਸਿੱਖਾਂ ਦੀ ਇਸ ਮੰਗ ਅੱਗੇ ਹਥਿਆਰ ਸੁੱਟ ਕੇ 1 ਨਵੰਬਰ 1966 ਵਿਚ ਲੰਗੜਾ ਪੰਜਾਬੀ ਸੂਬਾ ਬਣਾਉਣ ਦਾ ਐਲਾਨ ਕਰ ਦਿੱਤਾ। ਇਸ ਮੰਗ ਦੇ ਪ੍ਰਵਾਨ ਹੋਣ ਨਾਲ ਪੰਜਾਬ ਦੇ ਤਿੰਨ ਟੋਟੇ ਹੋ ਗਏ। ਪੰਜਾਬ ਭਾਸ਼ਾ ਬੋਲਦੇ ਇਲਾਕੇ ਹਰਿਆਣਾ ਅਤੇ ਹਿਮਾਚਲ ਵਿਚ ਚਲੇ ਗਏ। ਪੰਜਾਬ ਦੇ ਪਾਣੀਆਂ ਅਤੇ ਰਾਜਧਾਨੀ ਉਪਰ ਵੀ ਡਾਕਾ ਪੈ ਗਿਆ। ਮਹਾਂ ਪੰਜਾਬ ਦੀ ਇਹ ਵੰਡ ਪੰਜਾਬੀਆਂ ਲਈ ਇਕ ਵੱਡਾ ਦੁਖਾਂਤ ਸਾਬਤ ਹੋਈ ਜਿਸ ਦੀ 50ਵੀਂ ਵਰ੍ਹੇਗੰਢ ਮੌਕੇ ਪੰਜਾਬ ਸਰਕਾਰ ਵਲੋਂ ਰਸਮੀ ਤੌਰ ‘ਤੇ ਪਹਿਲੀ ਨਵੰਬਰ ਤੋਂ 16 ਨਵੰਬਰ ਤੱਕ ਸਰਕਾਰੀ ਜਸ਼ਨਾਂ ਦਾ ਪੰਦਰਵਾੜਾ ਮਨਾਇਆ ਜਾ ਰਿਹਾ ।

ਮੋਦੀ ਵਲੋਂ ਅਕਾਲੀ ਦਲ ਨੂੰ ਚੋਣਾ ਵਿਚ ਸਬਕ ਸਿਖਾਉਣ ਦੀ ਨੀਤੀ

ਇਸ ਵਾਰ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾ ਮੌਕੇ ਸੂਬੇ ਦੀ ਸਿਆਸਤ ਅਜਿਹੀ ਸ਼ਕਲ ਅਖਤਿਆਰ ਕਰ ਗਈ ਜਿਸ ਨੂੰ ਬਹੁਤ ਡੂੰਘੀ ਘੋਖ ਨਾਲ ਹੀ ਪਰਖਿਆ ਅਤੇ ਸਮਝਿਆ ਜਾ ਸਕਦਾ । ਭਾਜਪਾ ਨੇ ਅਕਾਲੀ ਦਲ ਨਾਲ ਗੱਠਜੋੜ ਕਰਕੇ ਸਰਕਾਰ ਵਿਚ ਸ਼ਾਮਲ ਹੁੰਦਿਆਂ ਪਿਛਲੇ ਕਰੀਬ ਦਸ ਸਾਲ ਦਾ ਸਮਾਂ ਜਿਸ ਢੰਗ ਨਾਲ ਬਤੀਤ ਕੀਤਾ, ਉਹ ਅਨੇਕਾਂ ਵਾਰ ਮੀਡੀਆ ਦੀਆਂ ਸੁਰਖੀਆਂ ਬਣਦਾ ਰਿਹਾ । ਭਾਜਪਾ ਨੂੰ ਹਮੇਸ਼ਾ ਇਸ ਗੱਲ ਦੀ ਸ਼ਕਾਇਤ ਰਹੀ ਕਿ ਅਕਾਲੀ ਦਲ ਦੀ ਸਿਖਰਲੀ ਲੀਡਰਸ਼ਿਪ ਹਮੇਸ਼ਾ ਹੀ ਭਾਜਪਾ ਦੇ ਹਿੱਤਾਂ ਨੂੰ ਅਣਗੌਲਿਆਂ ਕਰਦੀ ਰਹੀ । ਭਾਜਪਾ ਨੂੰ ਇਸ ਤੋਂ ਵੱਡਾ ਰੰਜ ਇਸ ਗੱਲ ਦਾ ਕਿ ਅਕਾਲੀ ਦਲ ਨੇ ਆਪਣੇ ਪੇਂਡੂ ਵੋਟ ਬੈਂਕ ਨੂੰ ਖੁਸ਼ ਕਰਨ ਲਈ ਟਿਊਬਵੈੱਲਾਂ ਦੇ ਬਿੱਲ ਮਾਫ ਕਰਨ ਵਰਗੇ ਖੁੱਲ੍ਹੇ ਗੱਫੇ ਦੇਣ ਤੋਂ ਇਲਾਵਾ ਆਮ ਲੋਕਾਂ ਲਈ ਰਿਆਇਤੀ ਭਾਅ ਵਾਲੇ ਆਟਾ ਦਾਲ ਦੀ ਵੰਡ ਦੀਆਂ ਸਕੀਮਾਂ ਸ਼ੁਰੂ ਕੀਤੀਆਂ। ਦੂਜੇ ਪਾਸੇ ਭਾਜਪਾ ਦੇ ਸ਼ਹਿਰੀ ਵੋਟ ਬੈਂਕ ਲਈ ਰਿਆਇਤਾਂ ਤੋਂ ਨਾਂਹ ਹੀ ਨਹੀਂ ਕੀਤੀ ਗਈ ਬਲਕਿ ਵਪਾਰੀ ਵਰਗ ਨੂੰ ਇਸ ਢੰਗ ਨਾਲ ਤੰਗ ਕੀਤਾ ਗਿਆ ਕਿ ਚਾਲੀ ਫੀਸਦੀ ਵਪਾਰੀ ਆਪਣੇ ਕਾਰੋਬਾਰ ਸਮੇਟ ਕੇ ਦੂਜੇ ਸੂਬਿਆਂ ਵੱਲ ਚਲੇ ਗਏ। ਸਰਕਾਰੀ ਫੈਸਲਿਆਂ ਵੇਲੇ ਵੀ ਭਾਜਪਾ ਮੰਤਰੀਆਂ ਨੂੰ ਖੂੰਜੇ ਲਾ ਕੇ ਰੱਖਿਆ ਗਿਆ। ਅੰਮ੍ਰਿਤਸਰ ਵਿਚ ਭਾਜਪਾ ਦੀ ਸਿੱਧੂ ਜੋੜੀ ਅਤੇ ਅਨਿਲ ਜੋਸ਼ੀ ਵਲੋਂ ਬਾਦਲ ਸਰਕਾਰ ਵਿਰੁੱਧ ਆਪਣੀ ਨਾਰਾਜ਼ਗੀ ਸ਼ਰੇਆਮ ਜ਼ਾਹਿਰ ਕੀਤੀ ਜਾਂਦੀ ਰਹੀ । ਇਨ੍ਹਾਂ ਵਿਤਕਰਿਆਂ ਬਾਰੇ ਪੰਜਾਬ ਦੇ ਭਾਜਪਾ ਆਗੂਆਂ ਵਲੋਂ ਆਪਣੀ ਹਾਈਕਮਾਂਡ ਉਪਰ ਹਮੇਸ਼ਾ ਇਹ ਜ਼ੋਰ ਪੈਂਦਾ ਰਿਹਾ ਕਿ ਅਕਾਲੀ ਦਲ ਨਾਲ ਗੱਠਜੋੜ ਖਤਮ ਕਰਕੇ ਅਜਿਹੀ ਸਰਕਾਰ ਨੂੰ ਅਲਵਿਦਾ ਆਖੀ ਜਾਵੇ ਜੋ ਭਾਜਪਾ ਪਾਰਟੀ ਨੂੰ ਅਣਡਿੱਠ ਕਰਦੀ ਰਹੀ । ਪਰ ਹਾਈਕਮਾਂਡ ਵਲੋਂ ਹਮੇਸ਼ਾ ਹੀ ਇਹ ਜਵਾਬ ਮਿਲਦਾ ਰਿਹਾ ਕਿ ਸਹੀ ਸਮੇਂ ਦਾ ਇੰਤਜ਼ਾਰ ਕਰੋ। ਸੰਨ 2014 ਵਿਚ ਗੱਦੀ ਸੰਭਾਲਦਿਆਂ ਹੀ ਮੋਦੀ ਨੇ ਕੁਟਲ ਨੀਤੀ ਉਪਰ ਚਲਦਿਆਂ ਅਕਾਲੀ ਦਲ ਨਾਲ ਹਿਸਾਬ ਬਰਾਬਰ ਕਰਨ ਦਾ ਸਿਲਸਿਲਾ ਸ਼ੁਰੂ ਕਰ ਦਿੱਤਾ। ਅੰਮ੍ਰਿਤਸਰ ਵਿਚ ਖਜ਼ਾਨਾ ਮੰਤਰੀ ਜੇਤਲੀ ਦੀ ਪ੍ਰਚਾਰ ਮੁਹਿੰਮ ਵੇਲੇ ਸ਼ਰੇਆਮ ਐਲਾਨ ਹੁੰਦੇ ਰਹੇ ਕਿ ਜੇ ਭਾਜਪਾ ਨੂੰ ਵੋਟ ਪਾਉਗੇ ਤਾਂ ਦਿੱਲੀ ਤੋਂ ਨੋਟਾਂ ਨਾਲ ਭਰੇ ਟਰੱਕ ਪੰਜਾਬ ਵੱਲ ਰਵਾਨਾ ਹੋਣਗੇ। ਪਰ ਜੇਤਲੀ ਹਾਰ ਗਿਆ ਤਾਂ ਨੋਟਾਂ ਵਾਲੇ ਟਰੱਕ ਇਕ ਪਾਸੇ, ਭਾਜਪਾ ਨਾਲ ਸਾਂਝ ਦੀ ਇਕ ਅੱਧੀ ਜਿਹੜੀ ਤੰਦ ਜੁੜੀ ਹੋਈ ਸੀ, ਉਹ ਵੀ ਟੁੱਟ ਗਈ। ਪ੍ਰਧਾਨ ਮੰਤਰੀ ਮੋਦੀ ਨੇ ਵੱਖ ਵੱਖ ਸੂਬਿਆਂ ਨੂੰ ਅਰਬਾਂ ਰੁਪੈ ਦੇ ਸਹਾਇਤਾ ਪੈਕੇਜ ਦਿੱਤੇ। ਪਰ ਵਾਰ ਵਾਰ ਮੰਗਣ ਦੇ ਬਾਵਜੂਦ ਪੰਜਾਬ ਨੂੰ ਇਕ ਧੇਲਾ ਵੀ ਨਾ ਦਿੱਤਾ। ਪੰਜਾਬ ਵਿਚ ਭਾਜਪਾ ਨਾਲ ਬੇਰੁਖੀ ਦਾ ਬਦਲਾ ਲੈਣ ਲਈ ਨਾ ਸਿਰਫ ਬਾਦਲ ਸਰਕਾਰ ਨੂੰ ਆਰਥਿਕ ਤੌਰ ‘ਤੇ ਸੱਟ ਮਾਰੀ ਬਲਕਿ ਅਕਾਲੀ ਦਲ ਦੇ ਰਵਾਇਤੀ ਸਿੱਖ ਵੋਟ ਬੈਂਕ ਨੂੰ ਧਾਰਮਿਕ ਅਤੇ ਸੱਭਿਆਚਾਰਕ ਤੌਰ ‘ਤੇ ਖਤਮ ਕਰਨ ਲਈ ਸੰਘ ਵਾਲਿਆਂ ਦੀ ਡਿਊਟੀ ਲਾ ਦਿੱਤੀ। ਇਸ ਹਫਤੇ ਦਿੱਲੀ ਤੋਂ ਪੰਜਾਬ ਆਏ ਚੋਣ ਕਮਿਸ਼ਨ ਨੇ ਚੋਣਾ ਵੇਲੇ ਅਨੇਕਾਂ ਸਖ਼ਤੀਆਂ ਦਾ ਐਲਾਨ ਕਰਕੇ ਅਕਾਲੀ ਦਲ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਸਮਝਿਆ ਜਾਂਦਾ ਕਿ ਮੋਦੀ ਸਰਕਾਰ ਦੀਆਂ ਅਜਿਹੀਆਂ ਸਰਗਰਮੀਆਂ ਅਕਾਲੀ ਦਲ ਨੂੰ ਕਰਾਰਾ ਸਬਕ ਸਿਖਾਉਣ ਦੀ ਨੀਤੀ ਦਾ ਇਕ ਹਿੱਸਾ ਹਨ।

ਸਿਮਰਨਜੀਤ ਸਿੰਘ ਮਾਨ ਦੀ ਜ਼ਿੱਦ ਨਾਲ ਪੰਥਕ ਲਹਿਰ ਨੂੰ ਨੁਕਸਾਨ

ਪੰਜਾਬ ਵਿਚ ਪਿਛਲੀ ਸਦੀ ਦੇ ਨੌਵੇਂ ਦਹਾਕੇ ਦੌਰਾਨ ਉਦੋਂ ਦੇ ਮੁੱਖ ਮੰਤਰੀ ਬੇਅੰਤ ਸਿੰਘ ਅਤੇ ਪੁਲਿਸ ਮੁਖੀ ਕੇੰਪੀੰਐਸੰ ਗਿੱਲ ਦੀ ਕਾਤਲ ਜੁੰਡਲੀ ਨੇ ਸਿੱਖ ਨੌਜਵਾਨਾਂ ਦੇ ਫਰਜ਼ੀ ਮੁਕਾਬਲੇ ਬਣਾ ਕੇ ਸਿੱਖ ਨਸਲਕੁਸ਼ੀ ਦੀ ਜੋ ਮੁਹਿੰਮ ਸ਼ੁਰੂ ਕੀਤੀ ਸੀ, ਉਸ ਨਾਲ ਦਿੱਲੀ ਦੀ ਸਰਕਾਰ ਵਲੋਂ ਇਨ੍ਹਾਂ ਬੁੱਚੜਾਂ ਦੀ ਪਿੱਠ ਥਾਪੜੀ ਜਾ ਰਹੀ ਸੀ। ਪਰ ਸਿੱਖ ਚਿੰਤਕਾਂ ਨੂੰ ਇਸ ਗੱਲ ਦਾ ਫਿਕਰ ਵੱਢ ਵੱਢ ਖਾ ਰਿਹਾ ਸੀ ਕਿ ਇਹ ਜ਼ੁਲਮ ਜੇ ਇਸੇ ਤਰ੍ਹਾਂ ਜਾਰੀ ਰਿਹਾ ਤਾਂ ਪੰਜਾਬ ‘ਚੋਂ ਸਿੱਖਾਂ ਦਾ ਖਾਤਮਾ ਯਕੀਨੀ । ਸਿੱਖਾਂ ਦੀ ਇਸ ਚਿੰਤਾ ਨੂੰ ਮੁੱਖ ਰੱਖਦਿਆਂ ਭਾਈ ਜਗਤਾਰ ਸਿੰਘ ਹਵਾਰਾ ਦੀ ਅਗਵਾਈ ਹੇਠ ਪੰਜ ਮਰਜੀਵੜਿਆਂ ਨੇ ਪੁਲਿਸ ਦੇ ਹੀ ਇਕ ਸਿਪਾਹੀ ਭਾਈ ਦਿਲਾਵਰ ਸਿੰਘ ਨੂੰ ਮਨੁੱਖੀ ਬੰਬ ਬਣਾ ਕੇ ਅਗਸਤ 1995 ਵਿਚ ਚੰਡੀਗੜ੍ਹ ਵਿਖੇ ਸਕੱਤਰੇਤ ਦੇ ਸਾਹਮਣੇ ਬੇਅੰਤ ਸਿੰਘ ਤੇ ਉਸ ਦੇ ਸਾਥੀਆਂ ਦਾ ਖਾਤਮਾ ਕੀਤਾ। ਪਰ ਪੁਲਿਸ ਮੁਖੀ ਕੇੰਪੀੰਐਸੰ ਗਿੱਲ ਬਚ ਗਿਆ। ਉਸ ਨੇ ਸਕੱਤਰੇਤ ਦੀ ਬਾਲਕੋਨੀ ਵਿਚ ਖੜੋ ਕੇ ਬੰਬ ਧਮਾਕੇ ਨੂੰ ਅੱਖੀਂ ਦੇਖ ਕੇ ਇਸ ਹਕੀਕਤ ਨੂੰ ਮਹਿਸੂਸ ਜ਼ਰੂਰ ਕਰ ਲਿਆ ਕਿ ਆਪਣੇ ਦੁਸ਼ਮਣ ਪਾਸੋਂ ਬਦਲਾ ਲੈਣ ਦੀ ਰਵਾਇਤ ਸਿੱਖ ਸੋਚ ‘ਚੋਂ ਅਜੇ ਖਤਮ ਨਹੀਂ ਹੋਈ। ਬੇਅੰਤ ਸਿੰਘ ਦੇ ਖਾਤਮੇ ਨਾਲ ਸਿੱਖਾਂ ਨੂੰ ਜਿਥੇ ਰਾਹਤ ਮਿਲੀ ਉਥੇ ਭਾਰਤ ਸਰਕਾਰ ਨੂੰ ਵੀ ਕੰਨ ਹੋ ਗਏ ਕਿ ਸਿੱਖਾਂ ਨੂੰ ਜ਼ੋਰ ਜ਼ੁਲਮ ਨਾਲ ਦਬਾਇਆ ਨਹੀਂ ਜਾ ਸਕਦਾ। ਇਸੇ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਸਿੱਖ ਨੌਜਵਾਨ ਦੁਨੀਆ ਭਰ ਦੇ ਸਿੱਖਾਂ ਦੀਆਂ ਨਜ਼ਰਾਂ ਵਿਚ ਹੀਰੋ ਬਣ ਗਏ। ਬਾਅਦ ਵਿਚ ਇਨ੍ਹਾਂ ਸਾਰਿਆਂ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਜੋ ਦੋ ਦਹਾਕਿਆਂ ਤੋਂ ਜੇਹਲਾਂ ਵਿਚ ਬੰਦ ਹਨ। ਇਸ ਸਮੇਂ ਦੌਰਾਨ ਪੰਜਾਬ ਦੀ ਸਿੱਖ ਸਿਆਸਤ ਵਿਚ ਭਾਰੀ ਉਲਟ ਫੇਰ ਹੋਇਆ। ਹਕੂਮਤ ਦੇ ਹਮਾਇਤੀ ਅਤੇ ਸਿੱਖ ਲਹਿਰ ਦੇ ਵਿਰੋਧੀ ਬਾਦਲ ਵਰਗੇ ਸਿੱਖਾਂ ਦੇ ਚੇਹਰੇ ਨੰਗੇ ਹੋ ਗਏ। ਪਰ ਸਿੱਖਾਂ ਦੇ ਦਰਦ ਦੀਆਂ ਹਮਾਇਤੀ ਜਥੇਬੰਦੀਆਂ ਨੇ ਆਪਣਾ ਰਾਹ ਨਾ ਛੱਡਿਆ। ਅਜਿਹੀਆਂ ਜਥੇਬੰਦੀਆਂ ‘ਚ ਸਿਮਰਨਜੀਤ ਸਿੰਘ ਮਾਨ ਦਾ ਅਕਾਲੀ ਦਲ ਹਮੇਸ਼ਾ ਅੱਗੇ ਰਿਹਾ । ਸਰਦਾਰ ਮਾਨ ਨੇ ਪੰਜਾਬ ਵਿਚ ਖਾਲਿਸਤਾਨ ਦੀ ਮੰਗ ਨੂੰ ਹੁਣ ਤੱਕ ਕਾਇਮ ਰੱਖਿਆ । ਪਰ ਉਨ੍ਹਾਂ ਦੀ ਸੋਚ ਦਾ ਇਕ ਦੁਖਾਂਤ ਇਹ ਵੀ ਕਿ ਪੰਥਕ ਲਹਿਰ ਵਿਚ ਉਭਾਰ ਲਈ ਜਦੋਂ ਵੀ ਕੋਈ ਮੁਹਿੰਮ ਸ਼ੁਰੂ ਹੁੰਦੀ , ਉਨ੍ਹਾਂ ਦਾ ਹੰਕਾਰ ਅਤੇ ਜ਼ਿੱਦ ਅੜਿੱਕਾ ਬਣ ਜਾਂਦੇ ਹਨ। ਉਨ੍ਹਾਂ ਦੀ ਇਸੇ ਜ਼ਿੱਦ ਕਾਰਨ ਪੰਥਕ ਸੋਚ ਵਾਲੀਆਂ ਬਹੁਤ ਸਾਰੀਆਂ ਸਿੱਖ ਸ਼ਖ਼ਸੀਅਤਾਂ ਉਨ੍ਹਾਂ ਨਾਲੋਂ ਟੁੱਟ ਗਈਆਂ ਅਤੇ ਸਿੱਖ ਹੱਕਾਂ ਲਈ ਸੰਘਰਸ਼ ਦਾ ਕੋਈ ਉਸਾਰੂ ਸਿੱਟਾ ਨਾ ਨਿਕਲ ਸਕਿਆ। ਹੁਣ ਪੰਜਾਬ ਵਿਚ ਵਿਧਾਨ ਸਭਾ ਚੋਣਾ ਤੋਂ ਪਹਿਲਾਂ 10 ਨਵੰਬਰ ਨੂੰ ਤਲਵੰਡੀ ਸਾਬੋ ਵਿਖੇ ਸਰਬੱਤ ਖਾਲਸਾ ਕਰਨ ਦਾ ਜੋ ਪ੍ਰੋਗਰਾਮ ਬਣਿਆ ਸੀ, ਉਸ ਤੋਂ ਸਿੱਖਾਂ ਨੂੰ ਇਹ ਆਸ ਬੱਝੀ ਸੀ ਕਿ ਸਿੱਖਾਂ ਦੀ ਆਜ਼ਾਦੀ ਲਈ ਇਕ ਨਵੀਂ ਲਹਿਰ ਸ਼ੁਰੂ ਹੋਵੇਗੀ। ਇਸੇ ਨਿਸ਼ਾਨੇ ਨੂੰ ਮੁੱਖ ਰੱਖਦਿਆਂ ਭਾਈ ਜਗਤਾਰ ਸਿੰਘ ਹਵਾਰਾ ਨੇ ਇਸ ਇਤਿਹਾਸਕ ਸਮਾਗਮ ਦੀ ਕਮਾਂਡ ਪੰਜ ਪਿਆਰਿਆਂ ਦੇ ਸਪੁਰਦ ਕੀਤੀ ਸੀ। ਪਰ ਸਰਦਾਰ ਮਾਨ ਨੇ ਭਾਈ ਹਵਾਰਾ ਦੀ ਇਹ ਸਲਾਹ ਮੰਨਣ ਤੋਂ ਨਾਂਹ ਕਰਦਿਆਂ ਆਪਣੀ ਵੱਖਰੀ ਡਫਲੀ ਵਜਾਉਣ ਦੀ ਜ਼ਿੱਦ ਫੜ ਲਈ। ਅਸੀਂ ਸਮਝਦੇ ਹਾਂ ਕਿ ਸਰਦਾਰ ਮਾਨ ਦੀ ਇਸ ਹੈਂਕੜ ਨਾਲ ਉਨ੍ਹਾਂ ਵਲੋਂ ਸਿੱਖਾਂ ਦੀ ਆਜ਼ਾਦੀ ਲਈ ਕੀਤੀ ਘਾਲਣਾ ਉਪਰ ਕਾਲਖ ਫਿਰ ਗਈ । ਉਨ੍ਹਾਂ ਨੂੰ ਆਪਣੇ ਫੈਸਲੇ ਉਪਰ ਮੁੜ ਵਿਚਾਰ ਕਰਨੀ ਚਾਹੀਦੀ ।

ਦਾਰੂ ਦੇ ਦਰਿਆ ਵਿਚ ਪੰਜਾਬੀਆਂ ਦਾ ਲਹੂ ਵੀ ਵਗ ਤੁਰਿਆ

ਪਿਛਲੇ ਸਾਲ ਪੰਜਾਬ ਵਿਚ ਨਸ਼ਿਆਂ ਦੀ ਹਨੇਰਗਰਦੀ ਦਾ ਜਦ ਰੌਲਾ ਪਿਆ ਤਾਂ ਪੰਜਾਬ ਦੀ ਗੱਠਜੋੜ ਸਰਕਾਰ ਨੇ ਇਸ ਰੌਲੇ ਨੂੰ ਰੱਦ ਕਰਦਿਆਂ ਆਖਿਆ ਕਿ ਇਹ ਨਸ਼ੇ ਪੰਜਾਬ ਵਿਚ ਪੈਦਾ ਨਹੀਂ ਹੁੰਦੇ। ਇਹ ਸਰਹੱਦ ਪਾਰ ਤੋਂ ਆਉਂਦੇ ਹਨ ਤੇ ਇਨ੍ਹਾਂ ਨੂੰ ਰੋਕਣਾ ਸਰਹੱਦੀ ਸੁਰੱਖਿਆ ਦਲ ਦੀ ਜ਼ੁੰਮੇਵਾਰੀ । ਇਸ ਜ਼ੁੰਮੇਵਾਰੀ ਨੂੰ ਪ੍ਰਚਾਰਨ ਲਈ ਅਕਾਲੀ ਦਲ ਵਲੋਂ ਸਰਹੱਦ ਉਪਰ ਧਰਨਾ ਵੀ ਦਿੱਤਾ ਗਿਆ ਅਤੇ ਭਵਿੱਖ ਵਿਚ ਫਿਰੋਜ਼ਪੁਰ ਅਤੇ ਗੁਰਦਾਸਪੁਰ ਵਿਖੇ ਹੋਰ ਧਰਨੇ ਦੇਣ ਦਾ ਐਲਾਨ ਵੀ ਕੀਤਾ ਗਿਆ। ਪਰ ਜਦ ਸੂਝਵਾਨ ਅਤੇ ਸਿਆਣੇ ਲੋਕਾਂ ਅਤੇ ਮੀਡੀਆ ਵਲੋਂ ਆਪਣੀ ਸੁਰੱਖਿਆ ਫੋਰਸ ਨੂੰ ਬਦਨਾਮ ਕਰਨ ਲਈ ਪੰਜਾਬ ਸਰਕਾਰ ਨੂੰ ਲਾਅਣਤ ਭੇਜੀ ਗਈ ਤਾਂ ਨਾ ਸਿਰਫ ਅਜਿਹੇ ਧਰਨਿਆਂ ਦਾ ਪ੍ਰੋਗਰਾਮ ਰੱਦ ਕੀਤਾ ਬਲਕਿ ਕੇਂਦਰ ਸਰਕਾਰ ਦੀ ਨਾਰਾਜ਼ਗੀ ਨੂੰ ਸ਼ਾਂਤ ਕਰਨ ਲਈ ਸਫਾਈ ਵੀ ਦੇਣੀ ਪਈ। ਪਰ ਖੁਫੀਆ ਏਜੰਸੀਆਂ ਵਲੋਂ ਤਾਂ ਕੇਂਦਰੀ ਸਰਕਾਰ ਨੂੰ ਪਹਿਲਾਂ ਹੀ ਇਹ ਰਿਪੋਰਟ ਦਿੱਤੀ ਜਾ ਚੁੱਕੀ ਸੀ ਕਿ ਸਰਹੱਦ ਰਾਹੀਂ ਨਸ਼ਿਆਂ ਦੀ ਜੋ ਸਮੱਗਲਿੰਗ ਹੋ ਰਹੀ , ਉਸ ਵਿਚ ਅਕਾਲੀ ਵਜ਼ੀਰਾਂ ਦੀ ਹਿੱਸੇਦਾਰੀ । ਅਕਾਲੀਆਂ ਉਪਰ ਲੱਗੇ ਇਸ ਕਲੰਕ ਤੋਂ ਬਾਅਦ ਸਰਕਾਰ ਵਿਚ ਭਾਈਵਾਲ ਭਾਜਪਾ ਨੂੰ ਵੀ ਇਹ ਗੱਲ ਪ੍ਰਵਾਨ ਕਰਨੀ ਪਈ ਕਿ ਨਸ਼ਿਆਂ ਦੀ ਸਮੱਗਲਿੰਗ ਪਿੱਛੇ ਹੁਕਮਰਾਨ ਪਾਰਟੀ ਦੇ ਆਗੂਆਂ ਦਾ ਹੱਥ । ਸਰਕਾਰ ਵਿਰੁੱਧ ਇਸ ਭੰਡੀ ਪ੍ਰਚਾਰ ਨੂੰ ਵਿਰੋਧੀ ਪਾਰਟੀਆਂ ਨੇ ਹੱਥਾਂ ਉਪਰ ਚੁੱਕ ਲਿਆ ਤੇ ਇਹ ਵਿਵਾਦ ਚੋਣ ਪ੍ਰਚਾਰ ਦਾ ਇਕ ਭੱਖਵਾਂ ਵਿਸ਼ਾ ਬਣ ਗਿਆ । ਹੁਣ ਹੈਰੋਇਨ ਨਸ਼ੇ ਦੀ ਸਮੱਗਲਿੰਗ ਦੇ ਬਹੁਤ ਸਾਰੇ ਕੇਸ ਅਦਾਲਤਾਂ ਵਿਚ ਚੱਲ ਰਹੇ ਹਨ। ਜੇਹਲਾਂ ਵਿਚ ਬੰਦ ਕੈਦੀਆਂ ਨੂੰ ਹੈਰੋਇਨ ਦੀ ਸਪਲਾਈ ਵਿਰੁੱਧ ਸਖ਼ਤ ਬੰਦੋਬਸਤ ਕੀਤੇ ਗਏ ਹਨ। ਪਰ ਹੈਰੋਇਨ ਦੀ ਥਾਂ ਗੋਲੀਆਂ ਨਾਲ ਦੂਜੇ ਰਸਾਇਣਕ ਨਸ਼ਿਆਂ ਤੇ ਸ਼ਰਾਬ ਦਾ ਕਾਰੋਬਾਰ ਅਜੇ ਵੀ ਧੜੱਲੇ ਨਾਲ ਚੱਲ ਰਿਹਾ । ਇਸ ਕਾਰੋਬਾਰ ਨੂੰ ਲੈ ਕੇ ਪੰਥਕ ਸਰਕਾਰ ਦੀ ਜੋ ਕਿਰਕਿਰੀ ਹੋ ਰਹੀ , ਉਸ ਬਾਰੇ ਮਸ਼ਕਰੀ ਕਰਦਿਆਂ ਭਾਜਪਾ ਦੇ ਸੇਹਤ ਮੰਤਰੀ ਸੁਰਜੀਤ ਜਿਆਣੀ ਨੇ ਤਾਂ ਇਥੋਂ ਤੱਕ ਆਖ ਦਿੱਤਾ ਕਿ ਅਸੀਂ ਸ਼ਰਾਬ ਨੂੰ ਨਸ਼ਾ ਨਹੀਂ ਸਮਝਦੇ। ਮੰਤਰੀ ਦੇ ਇਸ ਬਿਆਨ ਦੀ ਰੌਸ਼ਨੀ ਵਿਚ ਸਰਕਾਰ ਵਲੋਂ ਇਸ ਸਾਲ ਸ਼ਹਿਰਾਂ, ਕਸਬਿਆਂ ਅਤੇ ਪਿੰਡਾਂ ਦੇ ਹਰ ਗਲੀ ਮੁਹੱਲੇ ਵਿਚ ਸ਼ਰਾਬ ਦੇ ਠੇਕੇ ਖੁੱਲ੍ਹ ਗਏ। ਕਾਰੋਬਾਰੀਆਂ ਨੇ ਕਰੋੜਾਂ ਰੁਪੈ ਦੀਆਂ ਰਿਸ਼ਵਤਾਂ ਦੇ ਕੇ ਠੇਕਿਆਂ ਦੀ ਅਲਾਟਮੈਂਟ ਤਾਂ ਕਰਵਾ ਲਈ। ਪਰ ਪਿਛਲੇ ਕੁਝ ਸਮੇਂ ਦੌਰਾਨ ਅਜਿਹਾ ਪਾਸਾ ਪਲਟਿਆ ਕਿ ਠੇਕਿਆਂ ਦੀ ਸ਼ਰਾਬ ਦੀ ਥਾਂ ਨਾਜਾਇਜ਼ ਸ਼ਰਾਬ ਦਾ ਕਾਰੋਬਾਰ ਪ੍ਰਫੁੱਲਤ ਹੋਣ ਨਾਲ ਠੇਕੇਦਾਰਾਂ ਨੂੰ ਆਪਣੇ ਸੈਂਕੜੇ ਠੇਕੇ ਬੰਦ ਕਰਨੇ ਪਏ ਹਨ। ਸਰਕਾਰ ਦੀ ਬੇਰੁਖੀ ਕਾਰਨ ਉਨ੍ਹਾਂ ਦੇ ਕ੍ਰੋੜਾਂ ਰੁਪੈ ਡੁੱਬ ਗਏ ਹਨ। ਇਸ ਘਾਟੇ ਨੂੰ ਪੂਰਾ ਕਰਨ ਲਈ ਠੇਕੇਦਾਰਾਂ ਨੇ ਨਾਜਾਇਜ਼ ਸ਼ਰਾਬ ਦੀ ਵਿਕਰੀ ਲਈ ਆਪੋ ਆਪਣੇ ਗੈਂਗ ਬਣਾ ਲਏ। ਇਨ੍ਹਾਂ ਗ੍ਰੋਹਾਂ ਦੀ ਆਪਸੀ ਲੜਾਈ ਅਤੇ ਮਾਰ ਕੁਟਾਈ ਦੀਆਂ ਘਟਨਾਵਾਂ ਵਿਚ ਪਿਛਲੇ ਕੁਝ ਸਮੇਂ ਵਿਚ ਅੱਧੀ ਦਰਜਨ ਮੌਤਾਂ ਹੋ ਚੁੱਕੀਆਂ ਹਨ। ਸ਼ਰਾਬ ਦਾ ਕਾਰੋਬਾਰ ਕਰਨ ਦੇ ਨਾਂ ਉਪਰ ਮੌਤਾਂ ਦਾ ਅਜਿਹਾ ਦੁਖਾਂਤ ਪੰਜਾਬੀਆਂ ਨੂੰ ਸ਼ਾਇਦ ਪਹਿਲੀ ਵਾਰ ਸਹਿਣ ਕਰਨਾ ਪੈ ਰਿਹਾ । ਅਸੀਂ ਸਮਝਦੇ ਹਾਂ ਕਿ ਅਜਿਹੀ ਮੰਦੀ ਹਾਲਤ ਲਈ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਖੁਦ ਜ਼ੁੰਮੇਵਾਰ ਹਨ ਜਿਨ੍ਹਾਂ ਨੇ ਆਪਣੇ ਪੁੱਤਰ ਮੋਹ ਲਈ ਪੰਜਾਬੀਆਂ ਦੇ ਹਿੱਤਾਂ ਦਾ ਸੌਦਾ ਕਰਦਿਆਂ ਸ਼ਰਾਬ ਦੇ ਨਾਲ ਲਹੂ ਦੇ ਦਰਿਆ ਵੀ ਵਗਾ ਦਿੱਤੇ ਹਨ।

ਸਰਹੱਦ ਪਾਰ ਹਮਲੇ ਦੀ ਵੀਡੀਉ ਜਾਰੀ ਕਰਨ ਤੋਂ ਇਨਕਾਰ ਕਿਉਂ !

ਭਾਰਤੀ ਸਿਆਸਤ ਦਾ ਇਕ ‘ਖਾਸਾ’ ਇਹ ਕਿ ਸਿਆਸੀ ਪਾਰਟੀਆਂ ਵਲੋਂ ਜੋ ਵੀ ਫੈਸਲੇ ਤੇ ਐਲਾਨ ਕੀਤੇ ਜਾਂਦੇ ਹਨ, ਉਨ੍ਹਾਂ ਪਿੱਛੇ ਮੁਲਕ ਜਾਂ ਲੋਕਾਂ ਦੀ ਭਲਾਈ ਨੂੰ ਨਹੀਂ ਦੇਖਿਆ ਜਾਂਦਾ ਬਲਕਿ ਪਾਰਟੀ ਦੇ ਹਿੱਤਾਂ ਨੂੰ ਪਹਿਲ ਦੇ ਕੇ ਹੀ ਕੋਈ ਫੈਸਲਾ ਕੀਤਾ ਜਾਂਦਾ । ਹਾਕਮ ਪਾਰਟੀ ਲਈ ‘ਗੱਦੀ’ ਉਪਰ ਬੈਠੇ ਰਹਿਣ ਜਾਂ ਫਿਰ ਵਿਰੋਧੀ ਪਾਰਟੀ ਵਲੋਂ ਗੱਦੀ ਉਪਰ ਕਬਜ਼ੇ ਲਈ ਕਿਹੋ ਜਿਹਾ ਦਾਅ ਖੇਡਿਆ ਜਾਵੇ, ਇਸੇ ਮੰਤਵ ਦੁਆਲੇ ਹੀ ਸਿਆਸੀ ਸਰਗਰਮੀਆਂ ਦਾ ਤਾਣਾ ਬਾਣਾ ਬੁਣਿਆ ਜਾਂਦਾ । ਪਿਛਲੇ ਹਫਤੇ ਭਾਰਤ–ਪਾਕਿ ਵਿਚਕਾਰ ਜੰਗ ਹੋਣ ਦਾ ਜੋ ਰੌਲਾ ਪਿਆ, ਉਸ ਪਿੱਛੇ ਵੀ ਘੋਖਵੀਂ ਅੱਖ ਰੱਖਣ ਵਾਲੇ ਸਿਆਸੀ ਪੰਡਤਾਂ ਨੂੰ ਅਜਿਹੇ ਸਿਆਸੀ ਮੰਤਵ ਦਾ ਝਉਲਾ ਪਿਆ । 16 ਸਾਲ ਪਹਿਲਾਂ ਸੰਨ 2000 ਵਿਚ ਰਿਆਸਤ ਜੰਮੂ ਕਸ਼ਮੀਰ ਦੇ ਸਿੱਖ ਆਬਾਦੀ ਵਾਲੇ ਪਿੰਡ ਚਿੱਠੀ ਸਿੰਘਪੁਰਾ ਵਿਚ ਜੋ ਗੋਲੀ ਕਾਂਡ ਹੋਇਆ ਸੀ, ਉਸ ਵਿਚ 36 ਸਿੱਖਾਂ ਨੂੰ ਗੋਲੀਆਂ ਮਾਰ ਕੇ ਸ਼ਹੀਦ ਕਰ ਦਿੱਤਾ ਗਿਆ ਸੀ। ਭਾਰਤ ਸਰਕਾਰ ਵਲੋਂ ਦੱਸਿਆ ਗਿਆ ਸੀ ਕਿ ਹਮਲਾਵਰਾਂ ਨੇ ਭਾਰਤੀ ਫੌਜ ਦੀਆਂ ਵਰਦੀਆਂ ਪਹਿਨੀਆਂ ਹੋਈਆਂ ਸਨ। ਸਿੱਖਾਂ ਦਾ ਇਹ ਘਾਣ ਅਮਰੀਕਾ ਦੇ ਉਸ ਵੇਲੇ ਦੇ ਰਾਸ਼ਟਰਪਤੀ ਬਿਲ ਕਲਿੰਟਨ ਦੇ ਭਾਰਤ ਦੌਰੇ ਮੌਕੇ ਹੋਇਆ ਸੀ। ਭਾਰਤ ਸਰਕਾਰ ਮੁਤਾਬਿਕ ਪਾਕਿਸਤਾਨੀ ਹਮਾਇਤ ਵਾਲੇ ਦਹਿਸ਼ਤਗਰਦਾਂ ਵਲੋਂ ਇਹ ਕਤਲ ਕਾਂਡ ਬਿਲ ਕਲਿੰਟਨ ਵਲੋਂ ਭਾਰਤ ਦੌਰੇ ਦੇ ਵਿਰੋਧ ਵਿਚ ਕੀਤਾ ਗਿਆ। ਅਜਿਹੀਆਂ ਖਬਰਾਂ ਤੋਂ ਦੁਖੀ ਹੋਏ ਬਿਲ ਕਲਿੰਟਨ ਨੇ ਆਖਿਆ ਸੀ ਕਿ ਉਹ ਭਾਰਤ ਦੌਰੇ ‘ਤੇ ਨਾ ਆਉਂਦੇ ਤਾਂ 36 ਨਿਰਦੋਸ਼ ਸਿੱਖਾਂ ਦਾ ਕਤਲ ਨਾ ਹੁੰਦਾ। ਇਸ ਸਾਕੇ ਤੋਂ ਦੋ ਸਾਲ ਬਾਅਦ ਭਾਰਤ ਦੇ ਇਕ ਸਾਬਕਾ ਇੰਟੈਲੀਜੈਂਸ ਅਫਸਰ ਨੇ ਇਕ ਕਿਤਾਬ ਲਿਖੀ ਸੀ ਕਿ ਸਿੱਖਾਂ ਦਾ ਇਹ ਕਤਲੇਆਮ ਅਮਰੀਕਾ ਦੇ ਰਾਸ਼ਟਰਪਤੀ ਦੀਆਂ ਨਜ਼ਰਾਂ ਵਿਚ ਪਾਕਿਸਤਾਨ ਨੂੰ ਬਦਨਾਮ ਕਰਨ ਲਈ ਭਾਰਤੀ ਫੌਜ ਪਾਸੋਂ ਕਰਵਾਇਆ ਗਿਆ ਸੀ। ਸਿਤਮ ਦੀ ਗੱਲ ਇਹ ਹੋਈ ਕਿ ਇਸ ਘਟਨਾ ਤੋਂ ਚਾਰ ਦਿਨ ਬਾਅਦ ਐਲਾਨ ਕੀਤਾ ਗਿਆ ਕਿ ਚਿੱਠੀ ਸਿੰਘਪੁਰਾ ਦੇ ਹਮਲਾਵਰ ਦਹਿਸ਼ਤਗਰਦਾਂ ਨੂੰ ਭਾਰਤੀ ਫੌਜ ਨੇ ਇਕ ਮੁਕਾਬਲੇ ਵਿਚ ਮਾਰ ਮੁਕਾਇਆ । ਮ੍ਰਿਤਕਾਂ ਦੇ ਵਾਰਸਾਂ ਅਤੇ ਇਲਾਕੇ ਦੇ ਲੋਕਾਂ ਨੇ ਰੌਲਾ ਪਾਇਆ ਕਿ ਭਾਰਤੀ ਫੌਜ ਵਲੋਂ ਮਾਰੇ ਗਏ ਪਾਕਿਸਤਾਨੀ ਦਹਿਸ਼ਤਗਰਦ ਨਹੀਂ ਸਨ, ਬਲਕਿ ਇਲਾਕੇ ਦੇ ਸਾਧਾਰਨ ਕਸ਼ਮੀਰੀ ਨੌਜਵਾਨ ਸਨ। ਇਸੇ ਰੌਲੇ ਤੋਂ ਬਾਅਦ ਜਦ ਸਰਕਾਰ ਨੂੰ ਜਾਂਚ ਕਰਵਾਉਣੀ ਪਈ ਤਾਂ ਮ੍ਰਿਤਕਾਂ ਦੇ ਡੀੰਐਨੰਏੰ ਟੈਸਟ ਤੋਂ ਗੱਲ ਸੱਚੀ ਸਾਬਤ ਹੋਈ। ਇਸ ਘਟਨਾ ਲਈ ਜ਼ੁੰਮੇਵਾਰ ਫੌਜੀਆਂ ਦਾ ਕੋਰਟ ਮਾਰਸ਼ਲ ਕੀਤਾ ਗਿਆ ਸੀ। ਭਾਰਤੀ ਸਿਆਸਤ ਵਿਚ ਬਦਨੀਤੀ ਦੀ ਇਹ ਇਕੋ ਮਿਸਾਲ ਨਹੀਂ । ਪਿਛਲੇ ਹਫਤੇ ਭਾਰਤੀ ਫੌਜ ਵਲੋਂ ਪਾਕਿਸਤਾਨੀ ਕਸ਼ਮੀਰ ਵਿਚ ਜਾ ਕੇ ਜੋ ਸਰਜੀਕਲ ਓਪ੍ਰੇਸ਼ਨ ਕੀਤਾ ਗਿਆ, ਇਸ ਨੂੰ ਵੀ ਬਹੁਤ ਸਾਰੇ ਲੋਕਾਂ ਨੇ ਸ਼ੱਕ ਦੀ ਨਜ਼ਰ ਨਾਲ ਦੇਖਿਆ । ਸੋਸ਼ਲ ਮੀਡੀਆ ‘ਤੇ ਤਾਂ ਅਜਿਹੇ ਸ਼ੱਕੀ ਸੁਨੇਹਿਆਂ ਦਾ ਹੜ੍ਹ ਆ ਗਿਆ। ਇਸ ਹਮਲੇ ਸਬੰਧੀ ਭਾਰਤ ਸਰਕਾਰ ਵਲੋਂ ਜਾਰੀ ਪ੍ਰੈਸ ਬਿਆਨ ਵਿਚ ਆਖਿਆ ਗਿਆ ਸੀ ਕਿ ਪ੍ਰਧਾਨ ਮੰਤਰੀ ਮੋਦੀ ਵਲੋਂ ਇਸ ਹਮਲੇ ਲਈ ਫੌਜ ਨੂੰ ਹੁਕਮ ਦਿੱਤਾ ਗਿਆ ਸੀ ਜਿਸ ਦੀ ਸੈਟੇਲਾਈਟ ਰਾਹੀਂ ਲਾਈਵ ਵੀਡੀਓ ਵੀ ਬਣਾਈ ਗਈ। ਹਮਲੇ ਦੀ ਇਸ ਲਾਈਵ ਕਵਰੇਜ ਨੂੰ ਪ੍ਰਧਾਨ ਮੰਤਰੀ ਨੇ ਸਾਰੀ ਰਾਤ ਜਾਗਦਿਆਂ ਦੇਖਿਆ ਤੇ ਇਸ ਸਮੇਂ ਦੌਰਾਨ ਉਨ੍ਹਾਂ ਪਾਣੀ ਤੱਕ ਨਾ ਪੀਤਾ। ਭਾਰਤੀ ਫੌਜ ਦੇ ਦੋ ਦਰਜਨ ਕਮਾਂਡੋ ਦਸਤਿਆਂ ਵਲੋਂ ਅੱਧੀ ਰਾਤ ਤੋਂ ਸ਼ੁਰੂ ਹੋਇਆ ਆਪ੍ਰੇਸ਼ਨ ਸਵੇਰੇ 4 ਵਜੇ ਤੱਕ ਬੰਦ ਹੋਇਆ, ਤਦ ਜਾ ਕੇ ਪ੍ਰਧਾਨ ਮੰਤਰੀ ਨੇ ਪਾਣੀ ਪੀਤਾ। ਇਸ ਕਾਰਵਾਈ ਦੌਰਾਨ ਭਾਰਤੀ ਫੌਜ ਨੇ ਸੱਤ ਕੈਂਪਾਂ ਨੂੰ ਨਿਸ਼ਾਨਾ ਬਣਾ ਕੇ 50 ਦੇ ਕਰੀਬ ਦਹਿਸ਼ਤਗਰਦਾਂ ਨੂੰ ਮਾਰ ਦਿੱਤਾ। ਚਾਰ ਘੰਟੇ ਤੱਕ ਇਹ ਕਾਰਵਾਈ ਕਰਨ ਪਿੱਛੋਂ ਭਾਰਤ ਦੇ ਸਾਰੇ ਫੌਜੀ ਵਾਪਸ ਪਰਤ ਆਏ। ਜਿੱਤ ਦੇ ਇਸ ਐਲਾਨ ਪਿੱਛੋਂ ਭਾਰਤ ਦੇ ਵੱਖ ਵੱਖ ਸ਼ਹਿਰਾਂ ਵਿਚ ਭਾਜਪਾ ਅਤੇ ਸੰਘ ਦੇ ਵਰਕਰਾਂ ਨੇ ਖੁਸ਼ੀ ਵਿਚ ਢੋਲ ਵਜਾਏ ਤੇ ਭੰਗੜੇ ਪਾਏ। ਮੋਦੀ ਅਤੇ ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਦੀ ਜੈ ਜੈਕਾਰ ਕਰਦਿਆਂ ਆਖਿਆ ਗਿਆ ਕਿ ਮੋਦੀ ਨੇ ਪਹਿਲੀ ਵਾਰ ਪਾਕਿਸਤਾਨ ਨੂੰ ਕਰਾਰਾ ਸਬਕ ਸਿਖਾਇਆ । ਸਰਕਾਰ ਦਾ ਢੰਡੋਰਾ ਪਿੱਟਣ ਵਾਲੇ ਟੀੰਵੀੰ ਚੈਨਲ ਨੇ ਵੀ ਮੋਦੀ ਨੂੰ ਇਕ ਅਜਿਹੇ ਹੀਰੋ ਦੇ ਰੂਪ ਵਿਚ ਪੇਸ਼ ਕੀਤਾ ਜਿਸ ਦੇ ਹੱਥਾਂ ਵਿਚ ਹੀ ਭਾਰਤ ਸੁਰੱਖਿਅਤ । ਲੋਕਾਂ ਨੂੰ ਹੋਰ ਜਜ਼ਬਾਤੀ ਕਰਨ ਲਈ ਪਾਕਿਸਤਾਨ ਨਾਲ ਜੰਗ ਕਰਨ ਦਾ ਐਲਾਨ ਹੋ ਗਿਆ। ਸਰਹੱਦ ਨਾਲ ਲੱਗਦੇ ਪੰਜਾਬ ਦੇ ਇਕ ਹਜ਼ਾਰ ਪਿੰਡ ਰਾਤੋ ਰਾਤ ਖਾਲੀ ਕਰਵਾਏ ਗਏ ਜਿਸ ਨਾਲ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਤਿੰਨ ਦਿਨਾਂ ਤੱਕ ਉਨ੍ਹਾਂ ਦੇ ਸਾਹ ਸੁੱਕੇ ਰਹੇ। ਦੂਜੇ ਪਾਸੇ ਪਾਕਿਸਤਾਨ ਵਲੋਂ ਵਾਰ ਵਾਰ ਕਿਹਾ ਗਿਆ ਕਿ ਭਾਰਤੀ ਚੈਨਲਾਂ ਦਾ ਰੌਲਾ ਫਜ਼ੂਲ ਕਿਉਂਕਿ ਪਾਕਿਸਤਾਨੀ ਕਸ਼ਮੀਰ ਵਿਚ ਅਜਿਹਾ ਕੋਈ ਹਮਲਾ ਨਹੀਂ ਹੋਇਆ। ਅਜਿਹਾ ਝੂਠਾ ਪ੍ਰਚਾਰ ਪਾਕਿਸਤਾਨ ਨੂੰ ਭੜਕਾਹਟ ਵਿਚ ਲਿਆਉਣ ਦੀ ਕਾਰਵਾਈ । ਪਾਕਿਸਤਾਨ ਨੇ ਕੌਮਾਂਤਰੀ ਪ੍ਰੈਸ ਨੂੰ ਵੀ ਹਮਲੇ ਵਾਲੀ ਥਾਂ ਦਿਖਾਈ ਜਿਥੇ ਸਭ ਕੁਝ ਆਮ ਵਾਂਗ ਦਿਖਾਈ ਦਿੱਤਾ। ਪਾਕਿਸਤਾਨ ਨੇ ਇਹ ਮੰਗ ਵੀ ਕੀਤੀ ਕਿ ਜੇ ਭਾਰਤ ਵਲੋਂ ਹਮਲੇ ਦੀ ਗੱਲ ਸੱਚੀ ਤਾਂ ਉਹ ਵੀਡੀਓ ਦਿਖਾਈ ਜਾਵੇ ਜੋ ਭਾਰਤੀ ਫੌਜ ਵਲੋਂ ਹਮਲੇ ਵੇਲੇ ਬਣਾਈ ਗਈ । ਪਰ ਭਾਰਤ ਸਰਕਾਰ ਦਾ ਕਹਿਣਾ ਕਿ ਹਮਲੇ ਦੀ ਵੀਡੀਓ ਸਮਾਂ ਆਉਣ ‘ਤੇ ਦਿਖਾਈ ਜਾਵੇਗੀ। ਦਿੱਲੀ ਦੇ ਮੁੱਖ ਮੰਤਰੀ ਕੇਜਰੀਵਾਲ ਨੇ ਵੀ ਇਹ ਵੀਡੀਓ ਦਿਖਾਉਣ ਦੀ ਮੰਗ ਕੀਤੀ ਤਾਂ ਭਾਜਪਾ ਅਤੇ ਸੰਘ ਲੀਡਰਾਂ ਨੇ ਉਸ ਨੂੰ ਦੇਸ਼ ਧ੍ਰੋਹੀ ਦਾ ਖਿਤਾਬ ਦੇ ਦਿੱਤਾ ਜਿਸ ਨੂੰ ਆਪਣੇ ਮੁਲਕ ਦੀ ਫੌਜੀ ਤਾਕਤ ਉਪਰ ਵਿਸ਼ਵਾਸ ਨਹੀਂ। ਮੋਦੀ ਸਰਕਾਰ ਵਲੋਂ ਅਜੇ ਤੱਕ ਅਜਿਹੀ ਵੀਡੀਓ ਨੂੰ ਜਨਤਕ ਨਹੀਂ ਕੀਤਾ ਗਿਆ ਜਿਸ ਨਾਲ ਲੋਕਾਂ ਦੇ ਸ਼ੰਕੇ ਵੱਧ ਰਹੇ ਹਨ। ਸੋਸ਼ਲ ਮੀਡੀਆ ਉਪਰ ਇਸ ਹਮਲੇ ਨੂੰ ਝੂਠ ਦਾ ਇਕ ਪੁਲੰਦਾ ਆਖਦਿਆਂ ਸਵਾਲ ਚੁੱਕੇ ਜਾ ਰਹੇ ਹਨ ਕਿ ਭਾਰਤੀ ਫੌਜ ਦੁਸ਼ਮਣ ਦੇ ਘਰ ਜਾ ਕੇ ਗੋਲੀਆਂ ਅਤੇ ਬੰਬਾਂ ਦਾ ਚਾਰ ਘੰਟੇ ਤੱਕ ਮੀਂਹ ਵਰ੍ਹਾਉਂਦੀ ਰਹੀ ਤੇ ਦੁਸ਼ਮਣ ਦੀ ਫੌਜ ਨੂੰ ਇਨ੍ਹਾਂ ਬੰਬਾਂ ਦੀ ਆਵਾਜ਼ ਤੱਕ ਨਾ ਸੁਣਾਈ ਦੇਵੇ ਤੇ ਸਿਰਹਾਣੇ ਹੇਠਾਂ ਬਾਂਹ ਦੇ ਕੇ ਸੁੱਤੀ ਰਹੇ। ਭਾਰਤੀ ਫੌਜ 50–60 ਨੂੰ ਮਾਰ ਕੇ ਚਾਰ ਘੰਟੇ ਪਿੱਛੋਂ ਸਹੀ ਸਲਾਮਤ ਵਾਪਸ ਚਲੀ ਜਾਵੇ। ਪਾਕਿਸਤਾਨੀ ਸਰਕਾਰ ਅਤੇ ਮੀਡੀਆ ਵਲੋਂ ਅਜਿਹੇ ਕਿਸੇ ਹਮਲੇ ਦਾ ਜ਼ਿਕਰ ਨਹੀਂ ਹੋਇਆ। ਸੋਸ਼ਲ ਮੀਡੀਆ ਵਿਚ ਇਸ ਗੱਲ ਦੀ ਚਰਚਾ ਕਿ ਕਸ਼ਮੀਰ ਦੇ ਉੜੀ ਕੈਂਪ ਵਿਚ ਕਸ਼ਮੀਰੀ ਦਹਿਸ਼ਤਗਰਦਾਂ ਵਲੋਂ ਕੀਤੇ ਗਏ ਹਮਲੇ ਵਿਚ 20 ਭਾਰਤੀ ਫੌਜੀਆਂ ਦੇ ਮਾਰੇ ਜਾਣ ਪਿੱਛੋਂ ਭਾਰਤੀ ਲੋਕਾਂ ਅਤੇ ਸਿਆਸੀ ਪਾਰਟੀਆਂ ਵਲੋਂ ਮੋਦੀ ਉਪਰ ਭਾਰੀ ਦਬਾਅ ਸੀ ਕਿ ਉੜੀ ਹਮਲੇ ਦਾ ਬਦਲਾ ਲੈਣ ਲਈ ਪਾਕਿਸਤਾਨ ਉਪਰ ਹਮਲਾ ਕੀਤਾ ਜਾਵੇ। ਉਸ ਦੀ 56 ਇੰਚੀ ਛਾਤੀ ਬਾਰੇ ਮੇਹਣੇ ਮਾਰੇ ਜਾ ਰਹੇ ਸਨ। ਅਜਿਹੀ ਬਦਨਾਮੀ ਨਾਲ ਪੰਜਾਬ ਅਤੇ ਯੂੰਪੀੰ ਦੀਆਂ ਚੋਣਾ ਵਿਚ ਭਾਜਪਾ ਦੀ ਸਾਖ਼ ਨੂੰ ਭਾਰੀ ਨੁਕਸਾਨ ਪਹੁੰਚਣ ਦਾ ਖਦਸ਼ਾ ਸੀ। ਇਹ ਚੋਣਾ ਅਗਲੇ ਸਾਲ ਹੋਣ ਵਾਲੀਆਂ ਹਨ। ਆਪਣੀ ਸਾਖ਼ ਨੂੰ ਖੋਰੇ ਤੋਂ ਬਚਾਉਣ ਲਈ ਮੋਦੀ ਵਲੋਂ ਆਪਣੇ ਸੁਰੱਖਿਆ ਸਲਾਹਕਾਰ ਅਜੀਤ ਡੋਭਾਲ ਦੀ ਮਿਲੀਭੁਗਤ ਨਾਲ ਅਜਿਹਾ ਪਾਖੰਡ ਕੀਤਾ ਗਿਆ। ਅਸੀਂ ਸੋਸ਼ਲ ਮੀਡੀਆ ਦੀ ਇਸ ਵੰਨ ਸੁਵੰਨੀ ਚਰਚਾ ਨਾਲ ਸਹਿਮਤ ਨਹੀਂ। ਪਰ ਜਿਸ ਢੰਗ ਨਾਲ ਇਸ ਹਮਲੇ ਦਾ ਢੰਡੋਰਾ ਪਿੱਟਿਆ ਗਿਆ ਤੇ ਪੀੜਤ ਧਿਰ ਵਲੋਂ ਸਾਫ ਇਨਕਾਰ ਨੇ ਕਈ ਸ਼ੰਕੇ ਖੜੇ ਕਰ ਦਿੱਤੇ ਹਨ। ਅਜਿਹੇ ਖਦਸ਼ਿਆਂ ਦੇ ਜਾਲ ‘ਚੋਂ ਦੇਸ਼ ਦੇ ਲੋਕਾਂ ਨੂੰ ਬਾਹਰ ਕੱਢਣ ਦਾ ਇਕੋ ਤਰੀਕਾ ਕਿ ਹਮਲੇ ਦੀ ਵੀਡੀਓ ਜਨਤਕ ਕੀਤੀ ਜਾਵੇ।

ਪਵਿੱਤਰ ਸਰੂਪਾਂ ਦੀ ਬੇਅਦਬੀ ਕਰਨ ਵਾਲਿਆਂ ਨੂੰ ਨੰਗਾ ਕੀਤਾ ਜਾਵੇ

ਪੰਜਾਬ ਵਿਚ ਪਿਛਲੇ ਸਾਲ ਜ਼ਿਲਾ ਫਰੀਦਕੋਟ ਵਿਚ ਬਰਗਾੜੀ ਪਿੰਡ ਦੇ ਗੁਰਦੁਆਰੇ ‘ਚੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਵਿੱਤਰ ਸਰੂਪਾਂ ਨੂੰ ਭੇਦਭਰੀ ਹਾਲਤ ਵਿਚ ਗਾਇਬ ਕਰਨ ਤੋਂ ਬਾਅਦ ਸਿੱਖ ਸੰਗਤਾਂ ਨੇ ਜਦ ਰੋਹ ਵਿਖਾਵੇ ਕੀਤੇ ਤਾਂ ਇਕ ਸਵੇਰ ਲੋਕਾਂ ਨੇ ਉਸੇ ਗੁਰਦੁਆਰੇ ਦੀਆਂ ਕੰਧਾਂ ਉਪਰ ਸਿਰਸਾ ਸਾਧ ਦੇ ਪੈਰੋਕਾਰਾਂ ਵਲੋਂ ਸਿੱਖਾਂ ਨੂੰ ਚੈਲੰਜ ਕਰਨ ਵਾਲਾ ਇਕ ਇਸ਼ਤਿਹਾਰ ਦੇਖਿਆ ਜਿਸ ਵਿਚ ਲਿਖਿਆ ਗਿਆ ਸੀ ਕਿ ਗੁੰਮ ਹੋਏ ਗੁਰੂ ਗ੍ਰੰਥ ਸਾਹਿਬ ਦਾ ਸਰੂਪ ਉਨ੍ਹਾਂ ਦੇ ਕਬਜ਼ੇ ‘ਚ । ਜੇ ਕੋਈ ਬ੍ਰਾਮਦ ਕਰ ਸਕੇ ਤਾਂ ਉਸ ਨੂੰ ਦਸ ਲੱਖ ਦਾ ਇਨਾਮ ਦਿੱਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਵਿਖਾਵਾਕਾਰੀ ਸਿੱਖਾਂ ਦੇ ਦਬਾਅ ਪਿੱਛੋਂ ਪੁਲਿਸ ਨੇ ਦੋਸ਼ੀ ਦੀ ਭਾਲ ਲਈ ਪੰਜ ਲੱਖ ਰੁਪੈ ਦੇ ਇਨਾਮ ਦਾ ਐਲਾਨ ਕੀਤਾ ਸੀ। ਸਿਰਸਾ ਸਾਧ ਦੇ ਇਸ ਚੈਲੰਜ ਤੋਂ ਬਾਅਦ ਇਸ ਹਕੀਕਤ ਵਿਚ ਕੋਈ ਸ਼ੱਕ ਦੀ ਗੁੰਜਾਇਸ਼ ਨਹੀਂ ਸੀ ਕਿ ਬੇਅਦਬੀ ਦੀਆਂ ਇਨ੍ਹਾਂ ਘਟਨਾਵਾਂ ਪਿੱਛੇ ਕਿਸ ਦਾ ਹੱਥ । ਪਰ ਸਰਕਾਰ ਵਲੋਂ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਪੁਲਿਸ ਉਪਰ ਕੋਈ ਦਬਾਅ ਨਾ ਪਾਇਆ ਗਿਆ। ਇਸ ਦੇ ਉਲਟ ਪੁਲਿਸ ਦੀ ਢਿੱਲੀ ਕਾਰਗੁਜ਼ਾਰੀ ਵਿਰੁੱਧ ਧਰਨਾ ਦੇਣ ਵਾਲੇ ਸਿੱਖੀ ਦੇ ਸਤਿਕਾਰਯੋਗ ਪ੍ਰਚਾਰਕਾਂ ਅਤੇ ਸੰਤਾਂ ਦੀ ਅਗਵਾਈ ਹੇਠ ਲੱਗੇ ਸ਼ਾਂਤਮਈ ਧਰਨੇ ਉਪਰ ਪੁਲਿਸ ਵਲੋਂ ਫਾਇਰਿੰਗ ਕਰਵਾ ਕੇ ਦੋ ਨਿਰਦੋਸ਼ ਸਿੱਖ ਨੌਜਵਾਨਾਂ ਨੂੰ ਸ਼ਹੀਦ ਕਰ ਦਿੱਤਾ। ਬੇਸ਼ੱਕ ਇਹ ਫਾਇਰਿੰਗ ਸਿੱਖਾਂ ਦੇ ਕਾਤਲ ਉਸ ਵੇਲੇ ਦੇ ਪੁਲਿਸ ਮੁਖੀ ਸੁਮੇਧ ਸੈਣੀ ਦੇ ਸਿੱਧੇ ਹੁਕਮ ਨਾਲ ਕਰਵਾਈ ਗਈ ਸੀ। ਪਰ ਪੰਜਾਬ ਸਰਕਾਰ ਨੇ ਸਿੱਖਾਂ ਉਪਰ ਗੋਲੀ ਚਲਾਉਣ ਵਾਲਿਆਂ ਵਿਰੁੱਧ ਕੋਈ ਕਾਰਵਾਈ ਨਾ ਕੀਤੀ ਗਈ। ਦੋਸ਼ੀਆਂ ਵਿਰੁੱਧ ਸਰਕਾਰ ਦੀ ਅਜਿਹੀ ਢਿੱਲ ਨੇ ਸਿਰਸਾ ਸਾਧ ਡੇਰੇ ਦੇ ਸ਼ਰਾਰਤੀ ਨੂੰ ਹੱਲਾਸ਼ੇਰੀ ਦਿੱਤੀ ਕਿ ਸਿੱਖਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨਾਲ ਖਿਲਵਾੜ ਕਰਨ ਦੀ ਆਪਣੀ ਮੁਹਿੰਮ ਜਾਰੀ ਰੱਖਣ। ਉਨ੍ਹਾਂ ਦਾ ਵਾਲ ਵੀ ਵਿੰਗਾ ਨਹੀਂ ਹੋਵੇਗਾ। ਉਦੋਂ ਤੋਂ ਹੁਣ ਤੱਕ ਕਰੀਬ ਇਕ ਸਾਲ ਅੰਦਰ ਬੇਅਦਬੀ ਦੀਆਂ 88 ਘਟਨਾਵਾਂ ਵਾਪਰ ਚੁੱਕੀਆਂ ਹਨ। ਇਕ ਸਾਲ ਵਿਚ ਕੋਈ ਇਕ ਹਫਤਾ ਵੀ ਅਜਿਹਾ ਨਹੀਂ ਲੰਘਿਆ ਜਦ ਬੇਅਦਬੀ ਦੀ ਵਾਰਦਾਤ ਨਾ ਵਾਪਰੀ ਹੋਵੇ। ਪਿਛਲੇ ਕੁਝ ਸਮੇਂ ਤੋਂ ਗੁਰੂਘਰਾਂ ਵਿਚ ਬਿਜਲੀ ਦੀ ਅੱਗ ਨਾਲ ਇਨ੍ਹਾਂ ਘਟਨਾਵਾਂ ਨੇ ਜ਼ੋਰ ਫੜਿਆ । ਬੇਅਦਬੀ ਦੀਆਂ ਇਨ੍ਹਾਂ ਘਟਨਾਵਾਂ ਦੀ ਪਿਛਲੇ ਹਫਤੇ ਉਦੋਂ ਸਿਖਰ ਹੋ ਗਈ ਜਦ ਜਲੰਧਰ ਵਿਖੇ ਨਹਿਰ ‘ਚੋਂ ਪਵਿੱਤਰ ਸਰੂਪ ਦੇ ਅੰਗ ਬ੍ਰਾਮਦ ਹੋਏ। ਸਿੱਖ ਸੰਗਤ ਨੇ ਇਸ ਘਟਨਾ ਨੂੰ ਗੰਭੀਰਤਾ ਨਾਲ ਲਿਆ। ਸ਼ਰਾਰਤੀਆਂ ਨੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅੰਗਾਂ ਨਾਲ ਭਗਵਤ ਗੀਤਾ ਦੇ ਪੰਨੇ ਵੀ ਪਾਣੀ ਵਿਚ ਸੁੱਟੇ ਹੋਏ ਸਨ। ਇਸ ਲਈ ਸਿੱਖ ਜਥੇਬੰਦੀਆਂ ਦੇ ਨਾਲ ਸ਼ਿਵ ਸੈਨਾ ਵਾਲਿਆਂ ਨੇ ਵੀ ਕਪੂਰਥਲਾ ਚੌਕ ਵਿਚ ਧਰਨਾ ਲਾ ਕੇ ਸਰਕਾਰ ਉਪਰ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਨ ਲਈ ਦਬਾਅ ਪਾਇਆ। ਪੁਲਿਸ ਨੇ ਇਕ ਹਫਤੇ ਦੀ ਮੋਹਲਤ ਮੰਗ ਕੇ ਧਰਨਾ ਚੁਕਵਾਇਆ। ਇਸੇ ਦੌਰਾਨ ਪੁਲਿਸ ਨੇ ਆਪਣੀ ਕਾਰਗੁਜ਼ਾਰੀ ਦਿਖਾਉਣ ਲਈ ਅੰਮ੍ਰਿਤਸਰ ਵਿਚ ਇਕ ਪ੍ਰਕਾਸ਼ਕ ਨੂੰ ਗ੍ਰਿਫਤਾਰ ਕੀਤਾ ਜੋ ਪਵਿੱਤਰ ਸਰੂਪਾਂ ਦੀ ਛਪਾਈ ਦਾ ਕਾਰੋਬਾਰ ਪਿਛਲੇ ਕਈ ਵਰ੍ਹਿਆਂ ਤੋਂ ਕਰ ਰਿਹਾ । ਉਸ ਵਲੋਂ ਅਜਿਹੀ ਭੁੱਲ ਬਾਰੇ ਸੋਚਿਆ ਵੀ ਨਹੀਂ ਜਾ ਸਕਦਾ। ਅਜਿਹਾ ਜਾਪਦਾ ਕਿ ਬਰਗਾੜੀ ਗੋਲੀ ਕਾਂਡ ਦੀ ਜਾਂਚ ਵਾਂਗ ਸਰਕਾਰ ਇਸ ਬੇਅਦਬੀ ਕਾਂਡ ਨੂੰ ਵੀ ਮਿੱਟੀ ਘੱਟੇ ਵਿਚ ਰੋਲਣ ਦਾ ਇਰਾਦਾ ਰੱਖਦੀ । ਪਰ ਅਜਿਹੀ ਕੁਤਾਹੀ ਸਰਕਾਰ ਦੇ ਹਿੱਤਾਂ ਵਿਚ ਨਹੀਂ। ਲੱਗਦਾ ਕਿ ਸੂਬੇ ਵਿਚ ਵਿਧਾਨ ਸਭਾ ਚੋਣਾ ਸਿਰ ‘ਤੇ ਹੋਣ ਕਾਰਨ ਵੋਟਾਂ ਦੇ ਲਾਲਚ ਵਿਚ ਅਸਲ ਦੋਸ਼ੀਆਂ ਨੂੰ ਸਰਕਾਰ ਨੰਗਾ ਕਰਨ ਤੋਂ ਗੁਰੇਜ਼ ਕਰ ਰਹੀ । ਅਸੀਂ ਸਮਝਦੇ ਹਾਂ ਕਿ ਸਰਕਾਰ ਧਰਮ ਦੇ ਹਿੱਤਾਂ ਨੂੰ ਸਿਆਸਤ ਤੋਂ ਕੁਰਬਾਨ ਕਰਕੇ ਆਪਣੇ ਰਾਹ ਵਿਚ ਕੰਢੇ ਬੀਜ ਰਹੀ ।

ਸਿੱਖਾਂ ਨੂੰ ਸ਼ੱਕੀ ਨਿਗਾਹਾਂ ਨਾਲ ਦੇਖਣ ਦੀ ਸਰਕਾਰੀ ਨੀਤੀ ਗਲਤ

ਪੰਜਾਬ ਵਿਚ ਸੰਘ ਦੇ ਸਹਿ–ਸੰਚਾਲਕ ਬ੍ਰਿਗੇਡੀਅਰ ਜਗਦੀਸ਼ ਗਗਨੇਜਾ ਦੇ ਕਤਲ ਵਿਚ ਦੋਸ਼ੀਆਂ ਦੀ ਖੋਜ ਲਈ ਪੰਜਾਬ ਪੁਲਿਸ ਅਤੇ ਕੇਂਦਰੀ ਖੁਫੀਆ ਤੰਤਰ ਨੇ ਜਿਸ ਢੰਗ ਨਾਲ ਦਿਲਚਸਪੀ ਦਿਖਾਈ , ਉਸ ਨਾਲ ਭਾਰਤ ਸਰਕਾਰ ਦੀ ਫਿਰਕੂ ਸੋਚ ਨੰਗੀ ਹੋ ਕੇ ਸਾਹਮਣੇ ਆ ਗਈ । ਪਿਛਲੇ ਦਿਨੀਂ 6 ਅਗਸਤ ਨੂੰ ਜਲੰਧਰ ਵਿਖੇ ਹੋਏ ਇਸ ਕਤਲ ਸਬੰਧੀ ਪੁਲਿਸ ਨੇ ਕੁਝ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕਰਕੇ ਉਨ੍ਹਾਂ ਉਪਰ ਤਸ਼ੱਦਦ ਕੀਤਾ, ਪਰ ਠੋਸ ਨਤੀਜਾ ਸਾਹਮਣੇ ਨਾ ਆਇਆ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਸ਼ੁਰੂ ਵਿਚ ਸੰਘ ਅਤੇ ਭਾਜਪਾ ਲੀਡਰਾਂ ਨੂੰ ਇਹ ਭਰੋਸਾ ਦਿੰਦੇ ਰਹੇ ਕਿ ਕਾਤਲਾਂ ਨੂੰ ਛੇਤੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਪਰ ਹੁਣ ਪੌਣੇ ਦੋ ਮਹੀਨੇ ਲੰਘ ਜਾਣ ਪਿੱਛੋਂ ਵੀ ਦੋਸ਼ੀਆਂ ਦੀ ਕੋਈ ਸੂਹ ਨਹੀਂ। ਹੁਣ ਸੁਖਬੀਰ ਬਾਦਲ ਆਖ ਰਹੇ ਹਨ ਕਿ ਦੋਸ਼ੀ ਵਿਦੇਸ਼ ਚਲੇ ਗਏ ਹਨ। ਉਨ੍ਹਾਂ ਦਾ ਇਸ਼ਾਰਾ ਬ੍ਰਤਾਨੀਆ ਅਤੇ ਪਾਕਿਸਤਾਨ ਵੱਲ । ਇਸੇ ਤਰ੍ਹਾਂ ਦੇ ਅਨੁਮਾਨ ਸੱਤ ਸਾਲ ਪਹਿਲਾਂ 29 ਜੁਲਾਈ 2009 ਨੂੰ ਪਟਿਆਲਾ ਵਿਖੇ ਕਤਲ ਹੋਏ ਰਾਸ਼ਟਰੀ ਸਿੱਖ ਸੰਗਤ ਦੇ ਆਗੂ ਰੁਲਦਾ ਸਿੰਘ ਦੇ ਕੇਸ ਬਾਰੇ ਲਾਏ ਜਾਂਦੇ ਰਹੇ ਸਨ। ਪਰ ਅਸਲੀ ਹਮਲਾਵਰਾਂ ਤੱਕ ਪੁਲਿਸ ਅਜੇ ਤੱਕ ਵੀ ਨਹੀਂ ਪਹੁੰਚ ਸਕੀ। ਇਸ ਕੇਸ ਵਿਚ ਜਿਹੜੇ ਪੰਜ ਸਿੱਖ ਨਾਮਜ਼ੱਦ ਕੀਤੇ ਗਏ ਸਨ, ਉਹ ਅਦਾਲਤ ‘ਚੋਂ ਬਰੀ ਹੋ ਚੁੱਕੇ ਹਨ। ਹੁਣ ਆਖਿਆ ਜਾ ਰਿਹਾ ਕਿ ਹਮਲਾਵਰ ਇੰਗਲੈਂਡ ਤੋਂ ਆਏ ਸਨ ਜੋ ਵਾਰਦਾਤ ਕਰਨ ਤੋਂ ਪਿੱਛੋਂ ਤੁਰੰਤ ਵਾਪਸ ਚਲੇ ਗਏ। ਜਗਦੀਸ਼ ਗਗਨੇਜਾ ਦਾ ਕੇਸ ਵੀ ਅਸਿੱਧੇ ਤੌਰ ‘ਤੇ ਉਨ੍ਹਾਂ ਹੀ ਹਮਲਾਵਰਾਂ ਨਾਲ ਜੋੜਿਆ ਜਾ ਰਿਹਾ । ਪਰ ਭਾਜਪਾ ਅਤੇ ਸੰਘ ਦੇ ਆਗੂ ਸਰਕਾਰ ਦੇ ਅਜਿਹੇ ਸ਼ੰਕਿਆਂ ਨੂੰ ਬੇਤੁਕਾ ਕਰਾਰ ਦੇ ਰਹੇ ਹਨ। ਉਨ੍ਹਾਂ ਨੇ ਆਪਣਾ ਗੁੱਸਾ ਇਸ ਹਫਤੇ ਗਗਨੇਜਾ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਸੁਖਬੀਰ ਸਿੰਘ ਬਾਦਲ ਸਾਹਮਣੇ ਪ੍ਰਗਟ ਕੀਤਾ। ਇਸ ਮੌਕੇ ਕੇਂਦਰੀ ਗ੍ਰਹਿ ਮੰਤਰੀ ਸ੍ਰੀ ਰਾਜਨਾਥ ਸਿੰਘ ਵੀ ਪੁੱਜੇ ਹੋਏ ਸਨ। ਉਨ੍ਹਾਂ ਸੰਘ ਲੀਡਰਾਂ ਅਤੇ ਪੀੜਤ ਪਰਿਵਾਰ ਨੂੰ ਭਰੋਸਾ ਦਿੱਤਾ ਕਿ ਇਸ ਕੇਸ ਦੀ ਜਾਂਚ ਸੀੰਬੀੰਆਈੰ ਸਪੁਰਦ ਜਿਸ ਦਾ ਨਤੀਜਾ ਛੇਤੀ ਹੀ ਸਾਹਮਣੇ ਆ ਜਾਵੇਗਾ। ਪੰਜਾਬ ਪੁਲਿਸ ਦੇ ਮੁਖੀ ਸੁਰੇਸ਼ ਅਰੋੜਾ ਨੇ ਆਪਣੀ ਸ਼ੱਕ ਦੀ ਸੂਈ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਵੱਲ ਘੁਮਾਉਂਦਿਆਂ ਅੰਦਾਜ਼ਾ ਜ਼ਾਹਿਰ ਕੀਤਾ ਕਿ ਉਸਨੇ ਪੰਜਾਬ ਵਿਚ ਹਿੰਦੂ ਸਿੱਖਾਂ ਵਿਚਕਾਰ ਫਸਾਦ ਕਰਵਾਉਣ ਲਈ ਇਹ ਵਾਰਦਾਤ ਕਰਵਾਈ । ਕੁਝ ਵੀ ਹੋਵੇ, ਇਕ ਗੱਲ ਤਾਂ ਸਪੱਸ਼ਟ ਕਿ ਸਰਕਾਰ ਭਾਵੇਂ ਕੇਂਦਰ ਦੀ ਹੋਵੇ ਜਾਂ ਪੰਜਾਬ ਦੀ, ਸਿੱਖਾਂ ਨੂੰ ਹਮੇਸ਼ਾ ਹੀ ਸ਼ੱਕ ਦੀ ਨਜ਼ਰ ਨਾਲ ਦੇਖਿਆ ਜਾਂਦਾ । ਇਹੋ ਵਜਾਹ ਕਿ ਸਰਕਾਰੀ ਵਧੀਕੀਆਂ ਦਾ ਸ਼ਿਕਾਰ ਹੋ ਰਹੇ ਸਿੱਖਾਂ ਨੂੰ ਵਾਰ ਵਾਰ ਆਪਣੀ ਗੁਲਾਮੀ ਦਾ ਅਹਿਸਾਸ ਹੁੰਦਾ । ਬਹੁਤ ਸਾਰੇ ਲੋਕਾਂ ਵਲੋਂ ਇਹ ਨਸੀਹਤ ਦਿੱਤੀ ਜਾਂਦੀ ਕਿ ਪੰਜਾਬ ਵਿਚ ਜਦ ਸਿੱਖਾਂ ਦਾ ਆਪਣਾ ਰਾਜ ਕਾਇਮ ਤਾਂ ਫਿਰ ਇਹ ਉਲਾਹਮਾ ਸਹੀ ਨਹੀਂ ਕਿ ਸਿੱਖਾਂ ਨਾਲ ਵਿਤਕਰਾ ਹੁੰਦਾ । ਪਰ ਹਕੀਕਤ ਤਾਂ ਇਹ ਕਿ ਰਾਜ ਕਰਨ ਵਾਲੇ ਸਿੱਖ ਉਦੋਂ ਤੱਕ ਹੀ ਗੱਦੀ ਉਪਰ ਸਲਾਮਤ ਹਨ ਜਦ ਤੱਕ ‘ਦਿੱਲੀ’ ਦਾ ਹੱਥਠੋਕਾ ਬਣਕੇ ਸਿੱਖਾਂ ਨਾਲ ਕਰਾਰੇ ਹੱਥੀਂ ਨਜਿੱਠਣ ਦੀ ਨੀਤੀ ਉਪਰ ਚਲਦੇ ਰਹਿੰਦੇ ਹਨ। ਕੇਂਦਰ ਦੀ ਕੁਹਾੜੀ ਦਾ ਦਸਤਾ ਬਣੇ ਪ੍ਰਕਾਸ਼ ਸਿੰਘ ਬਾਦਲ ਪਿਛਲੇ ਲੰਬੇ ਸਮੇਂ ਤੋਂ ਹਕੂਮਤ ਦਾ ਨਿੱਘ ਮਾਣ ਰਹੇ ਹਨ। ਕੇਂਦਰੀ ਸਰਕਾਰ ਅਤੇ ਪੰਜਾਬ ਸਰਕਾਰ ਨੂੰ ਸਾਡੀ ਸਲਾਹ ਕਿ ਹਰੇਕ ਅਜਿਹੇ ਮਾਮਲੇ ਵਿਚ ਸਿੱਖਾਂ ਨੂੰ ਸ਼ੱਕ ਦੀ ਨਜ਼ਰ ਨਾਲ ਦੇਖਣਾ ਬੰਦ ਕਰਨ। ਜੇ ਅਜਿਹੀ ਨੀਤੀ ਲਗਾਤਾਰ ਜਾਰੀ ਰਹੀ ਤਾਂ ਪੰਜਾਬ ਵਿਚ ਧਾਰਮਿਕ ਸਦਭਾਵਨਾ ਅਤੇ ਭਾਈਚਾਰਕ ਸਾਂਝ ਦਾ ਮਾਹੌਲ ਕਦੇ ਵੀ ਪੈਦਾ ਨਹੀਂ ਹੋ ਸਕੇਗਾ।

ਸਹਿਜਧਾਰੀ ਵੋਟਾਂ ਦੇ ਫੈਸਲੇ ਨਾਲ ਸਿੱਖ ਲਹਿਰ ਨੂੰ ਨੁਕਸਾਨ ਪੁੱਜੇਗਾ

ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾ ਵਿਚ ਸਹਿਜਧਾਰੀ ਸਿੱਖਾਂ ਨੂੰ ਵੋਟ ਪਾਉਣ ਤੋਂ ਰੋਕਣ ਲਈ ਹਾਕਮ ਪਾਰਟੀ ਨੇ ਕਾਨੂੰਨੀ ਜੰਗ ਜਿੱਤ ਲਈ । ਸੁਪਰੀਮ ਕੋਰਟ ਵਲੋਂ 15 ਸਤੰਬਰ ਨੂੰ ਦਿੱਤੇ ਇਕ ਅਹਿਮ ਫੈਸਲੇ ਅਨੁਸਾਰ ਸ਼੍ਰੋਮਣੀ ਕਮੇਟੀ ਦੇ ਮੌਜੂਦਾ ਹਾਊਸ ਨੂੰ ਵੀ ਬਹਾਲ ਕਰ ਦਿੱਤਾ ਜੋ 2011 ਵਿਚ ਚੁਣਿਆ ਗਿਆ ਸੀ। ਪਰ ਇਹ ਮਾਮਲਾ ਕਾਨੂੰਨ ਅਧੀਨ ਹੋਣ ਕਰਕੇ ਇਸ ਹਾਊਸ ਨੂੰ ਕੰਮ ਕਰਨ ਦੀ ਇਜਾਜ਼ਤ ਨਹੀਂ ਸੀ। ਇਹ ਕੇਸ ਸੁਪਰੀਮ ਕੋਰਟ ਦੀ ਸੁਣਵਾਈ ਅਧੀਨ ਸੀ। ਪਰ ਇਸੇ ਦੌਰਾਨ ਸ਼੍ਰੋਮਣੀ ਕਮੇਟੀ ਉਪਰ ਕਾਬਜ਼ ਅਕਾਲੀ ਦਲ ਬਾਦਲ ਨੇ ਆਪਣੀ ਭਾਈਵਾਲ ਭਾਜਪਾ ਉਪਰ ਦਬਾਅ ਪਾ ਕੇ ਪਿਛਲੇ ਦਿਨੀਂ ਪਾਰਲੀਮੈਂਟ ‘ਚੋਂ ਕਾਨੂੰਨ ਪਾਸ ਕਰਵਾ ਲਿਆ ਸੀ ਕਿ ਸਹਿਜਧਾਰੀਆਂ ਨੂੰ ਸ਼੍ਰੋਮਣੀ ਕਮੇਟੀ ਚੋਣਾ ਵਿਚ ਵੋਟ ਪਾਉਣ ਦਾ ਹੱਕ ਨਹੀਂ। ਸਿਰਫ ਸਾਬਤ ਸੂਰਤ ਸਿੱਖ ਹੀ ਵੋਟਰ ਬਣ ਸਕਦਾ । ਬਾਅਦ ਵਿਚ ਰਾਸ਼ਟਰਪਤੀ ਨੇ ਵੀ ਇਸ ਕਾਨੂੰਨ ਉਪਰ ਮੋਹਰ ਲਾ ਦਿੱਤੀ ਸੀ। ਪਰ ਪੰਜਾਬ ਹਰਿਆਣਾ ਹਾਈਕੋਰਟ ਵਲੋਂ 20 ਦਸੰਬਰ 2011 ਨੂੰ ਸਹਿਜਧਾਰੀਆਂ ਦੇ ਹੱਕ ਵਿਚ ਸੁਣਾਏ ਗਏ ਫੈਸਲੇ ਵਿਰੁੱਧ ਸੁਪਰੀਮ ਕੋਰਟ ਵਿਚ ਕੀਤੀ ਅਪੀਲ ਸੁਣਵਾਈ ਅਧੀਨ ਸੀ ਜਿਸ ਦਾ ਫੈਸਲਾ ਹੁਣ 15 ਸਤੰਬਰ ਨੂੰ ਆਇਆ । ਇਸ ਨਾਲ ਸ਼੍ਰੋਮਣੀ ਕਮੇਟੀ ਅਤੇ ਅਕਾਲੀ ਹਲਕਿਆਂ ਵਿਚ ਖੁਸ਼ੀ ਦੀ ਲਹਿਰ । ਕਾਂਗਰਸ ਵਲੋਂ ਸਹਿਜਧਾਰੀਆਂ ਦੀ ਹਮਾਇਤ ਕੀਤੀ ਗਈ ਸੀ ਜੋ ਸੁਪਰੀਮ ਕੋਰਟ ਦੇ ਤਾਜ਼ਾ ਫੈਸਲੇ ਵਿਰੁੱਧ ਅਦਾਲਤ ਵਿਚ ਮੁੜ ਵਿਚਾਰ ਕਰਨ ਦੀ ਅਪੀਲ ਪਾ ਰਹੇ ਹਨ। ਸੁਪਰੀਮ ਕੋਰਟ ਦੇ ਇਸ ਫੈਸਲੇ ਵਿਚ ਸ਼੍ਰੋਮਣੀ ਕਮੇਟੀ ਦੇ ਮੌਜੂਦਾ ਹਾਊਸ ਦੀ ਹੈਸੀਅਤ ਬਾਰੇ ਸਥਿਤੀ ਸਪੱਸ਼ਟ ਨਹੀਂ ਜਿਸ ਦੀ ਮਿਆਦ ਇਸ ਸਾਲ ਦੇ ਅੰਤ ਤੱਕ ਪੁੱਗ ਰਹੀ । ਮੌਜੂਦਾ ਹਾਊਸ ਦੀ ਥਾਂ ਨਵੀਆਂ ਚੋਣਾ ਕਰਵਾਈਆਂ ਜਾਣੀਆਂ ਹਨ ਜਾਂ ਵਰਤਮਾਨ ਮੈਂਬਰਾਂ ਨੂੰ ਹੀ ਅਗਲੇ ਪੰਜ ਸਾਲ ਬਹਾਲ ਰੱਖਿਆ ਜਾਵੇਗਾ। ਇਹ ਗੱਲ ਅਦਾਲਤ ਦੇ ਫੈਸਲੇ ਦੀ ਕਾਪੀ ਬਾਹਰ ਆਉਣ ਪਿੱਛੋਂ ਹੀ ਸਪੱਸ਼ਟ ਹੋ ਸਕੇਗੀ। ਸ਼੍ਰੋਮਣੀ ਕਮੇਟੀ ਨੂੰ ਇਹ ਕਾਪੀ ਅੱਜ ਭਲਕ ਮਿਲਣ ਦੀ ਆਸ । ਉਂਝ ਸ਼੍ਰੋਮਣੀ ਕਮੇਟੀ ਦੇ ਮੈਂਬਰਾਂ ਦੀ ਰਾਇ ਕਿ ਮੌਜੂਦਾ ਕਮੇਟੀ ਨੂੰ ਹੀ ਅਗਲੇ ਪੰਜ ਸਾਲਾਂ ਤੱਕ ਕੰਮ ਕਰਨ ਦੀ ਇਜਾਜ਼ਤ ਹੋਣੀ ਚਾਹੀਦੀ ਕਿਉਂਕਿ ਕਾਨੂੰਨੀ ਅੜਚਣਾਂ ਕਾਰਨ ਇਸ ਕਮੇਟੀ ਨੂੰ ਪਿਛਲੇ ਪੰਜ ਸਾਲਾਂ ਦੌਰਾਨ ਕੰਮ ਕਰਨ ਦਾ ਮੌਕਾ ਹੀ ਨਹੀਂ ਮਿਲਿਆ। ਉਂਝ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾ ਦਾ ਫੈਸਲਾ ਕੇਂਦਰੀ ਗ੍ਰਹਿ ਮਹਿਕਮੇ ਦੇ ਹੱਥ । ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਅਕਾਲੀ ਹਾਈ ਕਮਾਂਡ ਗ੍ਰਹਿ ਮੰਤਰੀ ਉਪਰ ਦਬਾਅ ਪਾ ਕੇ ਆਪਣੇ ਹੱਕ ਵਿਚ ਫੈਸਲਾ ਕਰਵਾ ਸਕਦੀ । ਸੁਪਰੀਮ ਕੋਰਟ ਦੇ ਫੈਸਲੇ ਪਿੱਛੇ ਵੀ ਸਿਆਸਤ ਦਾ ਦਖ਼ਲ । ਅਕਾਲੀ ਦਲ ਨੂੰ ਇਹ ਸ਼ੰਕਾ ਸੀ ਕਿ ਜੇ ਸਹਿਜਧਾਰੀ ਸਿੱਖਾਂ ਨੂੰ ਵੋਟ ਦਾ ਹੱਕ ਮਿਲ ਗਿਆ ਤਾਂ ਕਾਂਗਰਸ, ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾ ਵਿਚ ਹਿੱਸਾ ਲੈ ਕੇ ਸਿੱਖਾਂ ਦੀ ਇਸ ਮਿੰਨੀ ਪਾਰਲੀਮੈਂਟ ਉਪਰ ਕਬਜ਼ਾ ਕਰ ਸਕਦੀ ਜਿਸ ਦੀ ਸਾਲਾਨਾ ਆਮਦਨੀ 12 ਸੌ ਕਰੋੜ ਤੋਂ ਵੀ ਵੱਧ । ਇਸ ਬਾਰੇ ਕਾਂਗਰਸੀ ਆਗੂ ਕੈਪਟਨ ਅਮਰਿੰਦਰ ਸਿੰਘ ਆਪਣਾ ਇਰਾਦਾ ਵੀ ਜ਼ਾਹਿਰ ਕਰ ਚੁੱਕੇ ਹਨ ਕਿ ਕਾਂਗਰਸ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾ ਵਿਚ ਹਿੱਸਾ ਲਵੇਗੀ। ਦੂਜੇ ਪਾਸੇ ਸਹਿਜਧਾਰੀ ਸਿੱਖ ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਨਿਰਾਸ਼ ਹਨ। ਕੁਝ ਵੀ ਹੋਵੇ ਅਕਾਲੀ ਦਲ ਨੂੰ ਇਸ ਫੈਸਲੇ ਨਾਲ ਸਿਆਸੀ ਲਾਹਾ ਜ਼ਰੂਰ ਮਿਲੇਗਾ। ਵਿਧਾਨ ਸਭਾ ਚੋਣਾ ਦੇ ਪ੍ਰਚਾਰ ਲਈ ਇਸ ਫੈਸਲੇ ਨੂੰ ਪੌੜੀ ਬਣਾਉਣ ਦੀ ਕੋਸ਼ਿਸ ਕੀਤੀ ਜਾਵੇਗੀ। ਪਰ ਪੰਜਾਬ ਵਿਚ ਅਕਾਲੀ ਲੀਡਰਾਂ ਦੇ ਕਾਕਿਆਂ ਸਮੇਤ ਅਗਲੀ ਪੀੜ੍ਹੀ ਜਿਸ ਰਫਤਾਰ ਨਾਲ ਕੇਸ ਦਾੜ੍ਹੀ ਕਟਵਾ ਕੇ ਸਿੱਖੀ ਤੋਂ ਦੂਰ ਹੋ ਰਹੀ , ਉਸ ਨਾਲ ਅਗਲੇ ਦੋ ਦਹਾਕਿਆਂ ਤੱਕ ਗਿਣਤੀ ਦੇ ਕੁਝ ਸਿੱਖ ਹੀ ਸ਼੍ਰੋਮਣੀ ਕਮੇਟੀ ਦੇ ਵੋਟਰ ਬਣ ਸਕਣਗੇ।

ਪਾਕਿਸਤਾਨ ਨਾਲ ਜੰਗ ਦੀ ਥਾਂ ਸੁਰੱਖਿਆ ਮਘੋਰਿਆਂ ਨੂੰ ਬੰਦ ਕੀਤਾ ਜਾਵੇ

ਮਈ 2014 ਵਿਚ ਭਾਰਤ ਦਾ ਪ੍ਰਧਾਨ ਮੰਤਰੀ ਬਣਨ ਦੀ ਦੌੜ ਵੇਲੇ ਮੋਦੀ ਨੇ ਵੋਟਰਾਂ ਨਾਲ ਜੁਮਲੇਬਾਜ਼ੀ ਕਰਦਿਆਂ ਜੋ ਵਾਅਦੇ ਕੀਤੇ ਸਨ, ਉਨ੍ਹਾਂ ਵਿਚ ਇਕ ਇਹ ਵੀ ਸੀ ਕਿ ਪਾਕਿਸਤਾਨੀ ਫੌਜ ਅਤੇ ਦਹਿਸ਼ਤਗਰਦਾਂ ਵਲੋਂ ਸਰਹੱਦ ਉਪਰ ਰੋਜ਼ਾਨਾ ਜੋ ਸ਼ਰਾਰਤ ਕੀਤੀ ਜਾਂਦੀ , ਉਸ ਨੂੰ ਸਖ਼ਤੀ ਨਾਲ ਬੰਦ ਕਰਵਾਇਆ ਜਾਵੇਗਾ। ਵਜ਼ਾਰਤ ਬਣਨ ਤੋਂ ਬਾਅਦ ਬਾਕੀ ਮੰਤਰੀਆਂ ਅਤੇ ਭਾਜਪਾ ਸਮੇਤ ਸੰਘ ਵਰਗੀਆਂ ਉਸ ਦੀਆਂ ਸਹਿਯੋਗੀ ਪਾਰਟੀਆਂ ਦੇ ਲੀਡਰਾਂ ਨੇ ਵੀ ਬਿਆਨਬਾਜ਼ੀ ਸ਼ੁਰੂ ਕਰ ਦਿੱਤੀ ਤੇ ਲਾਹੌਰ ਉਪਰ ਕਬਜ਼ੇ ਦੀਆਂ ਗੱਲਾਂ ਕੀਤੀਆਂ ਜਾਣ ਲੱਗੀਆਂ। ਭਾਰਤੀ ਫੌਜਾਂ ਨੂੰ ਵੀ ਵੰਗਾਰਿਆ ਗਿਆ ਕਿ ਕਸ਼ਮੀਰ ਵਿਚ ਸਰਹੱਦ ਪਾਰ ਕਰਕੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਨੂੰ ਭਾਰਤੀ ਕਬਜ਼ੇ ਹੇਠ ਕਰ ਲਿਆ ਜਾਵੇ। ਅਜਿਹੀ ਭੜਕਾਹਟ ਵਾਲੀ ਬਿਆਨਬਾਜ਼ੀ ਕਰਨ ਵਾਲਿਆਂ ਵਿਚ ਭਾਜਪਾ ਆਗੂ ਘੱਟ ਅਤੇ ਸੰਘ ਦੇ ਬੁਲਾਰੇ ਵੱਧ ਹਨ। ਨਤੀਜਾ ਇਹ ਨਿਕਲਿਆ ਕਿ ਪਾਕਿਸਤਾਨ ਵਿਚ ਦਹਿਸ਼ਤਗਰਦਾਂ ਦੀਆਂ ਜੋ ਜਥੇਬੰਦੀਆਂ ਸਰਗਰਮ ਹਨ, ਉਨ੍ਹਾਂ ਦੇ ਸਲਾਹੂਦੀਨ ਅਤੇ ਹਾਫਿਜ਼ ਸਈਯਦ ਵਰਗੇ ਆਗੂਆਂ ਨੇ ਇਹ ਪ੍ਰਚਾਰ ਸ਼ੁਰੂ ਕਰ ਦਿੱਤਾ ਕਿ ਭਾਰਤ ਵਿਚ ਸੰਘ ਦੇ ਕੱਟੜ ਹਿੰਦੂ ਆਗੂ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਹਿੰਦੂ ਸਰਕਾਰ ਨੇੜੇ ਭਵਿੱਖ ਵਿਚ ਹਮਲਾ ਕਰਕੇ ਪਾਕਿਸਤਾਨ ਨੂੰ ਹੜੱਪ ਕਰ ਲਵੇਗੀ। ਇਨ੍ਹਾਂ ਦਹਿਸ਼ਤਗਰਦ ਲੀਡਰਾਂ ਨੇ ਪਾਕਿਸਤਾਨੀ ਮੁਸਲਮਾਨਾਂ ਨੂੰ ਜਹਾਦ ਦਾ ਨਾਹਰਾ ਦੇ ਕੇ ਹਜ਼ਾਰਾਂ ਨੌਜਵਾਨਾਂ ਨੂੰ ਆਪਣੀਆਂ ਦਹਿਸ਼ਤਗਰਦ ਜਥੇਬੰਦੀਆਂ ਵਿਚ ਭਰਤੀ ਕੀਤਾ। ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ ਵਿਚ ਸਿਖਲਾਈ ਕੈਂਪ ਲਾ ਕੇ ਹਥਿਆਰਾਂ ਦੀ ਸਿਖਲਾਈ ਦੇ ਕੇ ਭਾਰਤ ਨਾਲ ਲੜ ਮਰਨ ਲਈ ਤਿਆਰ ਕੀਤਾ। ਇਨ੍ਹਾਂ ਮੁੰਡਿਆਂ ਨੂੰ ਸਰਹੱਦ ਪਾਰ ਕਰਵਾ ਕੇ ਗੁਰਦਾਸਪੁਰ ਅਤੇ ਪਠਾਨਕੋਟ ਵਰਗੀਆਂ ਵਾਰਦਾਤਾਂ ਕਰਵਾਈਆਂ ਅਤੇ ਹਾਫਿਜ਼ ਸਈਯਦ ਅਤੇ ਸਲਾਹੂਦੀਨ ਵਲੋਂ ਤਿਆਰ ਕੀਤੇ ਇਨ੍ਹਾਂ ਆਤਮਘਾਤੀ ਦਹਿਸ਼ਤਗਰਦਾਂ ਨੇ ਜੰਮੂ ਕਸ਼ਮੀਰ ਦੇ ਊੜੀ ਖੇਤਰ ਵਿਚ ਫੌਜੀ ਕੈਂਪ ਉਪਰ ਅਚਨਚੇਤੀ ਹਮਲਾ ਕਰਕੇ 20 ਭਾਰਤੀ ਫੌਜੀ ਜਵਾਨਾਂ ਨੂੰ ਮਾਰ ਦਿੱਤਾ। ਇਸ ਘਟਨਾ ਤੋਂ ਬਾਅਦ ਦੋਹਾਂ ਮੁਲਕਾਂ ਵਿਚਕਾਰ ਜੰਗ ਵਰਗੇ ਹਾਲਾਤ ਪੈਦਾ ਹੋ ਗਏ ਹਨ। ਭਾਰਤ ਸਰਕਾਰ ਦਾ ਕਹਿਣਾ ਕਿ ਹੁਣ ਉਸ ਦੇ ਸਬਰ ਦਾ ਬੰਨ੍ਹ ਟੁੱਟ ਗਿਆ । ਭਾਜਪਾ ਅਤੇ ਸੰਘ ਦੇ ਲੀਡਰਾਂ ਵਲੋਂ ਮੋਦੀ ਉਪਰ ਦਬਾਅ ਪਾਇਆ ਜਾ ਰਿਹਾ ਕਿ ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ ਉਪਰ ਹਮਲਾ ਕਰਕੇ ਦਹਿਸ਼ਤਗਰਦਾਂ ਦੇ ਸਿਖਲਾਈ ਕੈਂਪਾਂ ਨੂੰ ਤਬਾਹ ਕਰ ਦਿੱਤਾ ਜਾਵੇ। ਇਸ ਵੇਲੇ ਪ੍ਰਧਾਨ ਮੰਤਰੀ ਮੋਦੀ ਆਪਣੇ ਅਜਿਹੇ ਲੀਡਰਾਂ ਦੇ ਭਾਰੀ ਦਬਾਅ ਹੇਠ ਹਨ। ਉਸ ਨੇ ਆਪਣੀ ਪਾਰਟੀ ਅਤੇ ਵਜ਼ਾਰਤ ਨਾਲ ਸਲਾਹ ਮਸ਼ਵਰਾ ਕਰਕੇ ਫੌਜ ਨੂੰ ਤਿਆਰ ਰਹਿਣ ਦਾ ਹੁਕਮ ਦੇ ਕੇ ਰਾਸ਼ਟਰਪਤੀ ਨੂੰ ਵੀ ਸਾਰੇ ਹਾਲਾਤ ਤੋਂ ਜਾਣੂੰ ਕਰਵਾ ਦਿੱਤਾ । ਦੂਜੇ ਪਾਸੇ ਪਾਕਿਸਤਾਨੀ ਫੌਜ ਨੂੰ ਚੌਕੰਨਾ ਕਰਕੇ ਲੋਕਾਂ ਨੂੰ ਜੰਗ ਲਈ ਤਿਆਰ ਰਹਿਣ ਦਾ ਸੱਦਾ ਦਿੱਤਾ ਗਿਆ । ਪਾਕਿਸਤਾਨੀ ਕਮਾਂਡਰ ਰਾਹੀਲ ਸ਼ਰੀਫ ਨੇ ਧਮਕੀ ਦਿੱਤੀ ਕਿ ਜੇਕਰ ਭਾਰਤੀ ਫੌਜ ਨੇ ਕਸ਼ਮੀਰ ਉਪਰ ਹਮਲਾ ਕੀਤਾ ਤਾਂ ਉਹ ਐਟਮੀ ਬੰਬ ਦੀ ਵਰਤੋਂ ਵੀ ਕਰ ਸਕਦਾ । ਰੂਸ, ਅਮਰੀਕਾ ਅਤੇ ਚੀਨ ਵਰਗੇ ਮੁਲਕ ਇਨ੍ਹਾਂ ਦੋਹਾਂ ਗੁਆਂਢੀਆਂ ਦੀ ਲੜਾਈ ਨੂੰ ਗਹੁ ਨਾਲ ਦੇਖ ਰਹੇ ਹਨ। ਉਨ੍ਹਾਂ ਦੀ ਦਿਲਚਸਪੀ ਆਪੋ ਆਪਣੇ ਹਥਿਆਰ ਭੰਡਾਰਾਂ ਬਾਰੇ ਜਿਨ੍ਹਾਂ ਨੂੰ ਜੰਗਾਲ ਲੱਗਣ ਦਾ ਖਤਰਾ । ਅਸੀਂ ਪਹਿਲਾਂ ਵੀ ਖਬਰਦਾਰ ਕਰ ਚੁੱਕੇ ਹਾਂ ਕਿ ਅਜਿਹੀ ਜੰਗ ਦਾ ਨਤੀਜਾ ਸਭ ਤੋਂ ਵੱਧ ਪੰਜਾਬ ਨੂੰ ਭੁਗਤਣਾ ਪਵੇਗਾ। ਇਸ ਲਈ ਭਾਰਤ ਨੂੰ ਚਾਹੀਦਾ ਕਿ ਜੰਗ ਦੀ ਥਾਂ ਆਪਣੀਆਂ ਸਰਹੱਦਾਂ ਦੀ ਰਾਖੀ ਵੱਲ ਵੱਧ ਧਿਆਨ ਦਿੱਤਾ ਜਾਵੇ ਤਾਂ ਕਿ ਦਹਿਸ਼ਤਗਰਦਾਂ ਦੀ ਘੁਸਪੈਠ ਨੂੰ ਰੋਕਿਆ ਜਾ ਸਕੇ। ਸਰਹੱਦ ਦੇ ਮਘੋਰੇ ਬੰਦ ਕਰਨ ਨਾਲ ਆਪਣੇ ਘਰ ਨੂੰ ਸੰਨ੍ਹ ਲੱਗਣ ਤੋਂ ਬਚਾਇਆ ਜਾ ਸਕੇਗਾ।

ਲਮਿੰਗਟਨ ਸਪਾ ਦੀ ਘਟਨਾ ਨਾਲ ਸਿੱਖਾਂ ਨੂੰ ਇਕ ਵਾਰ ਫਿਰ ਨਮੋਸ਼ੀ ਹੋਈ

ਬ੍ਰਤਾਨੀਆ ਦੇ ਸ਼ਹਿਰ ਲਮਿੰਗਟਨ ਸਪਾ ਵਿਚ ਪਿਛਲੇ ਹਫਤੇ ਅੰਤਰਜਾਤੀ ਵਿਆਹ ਮੌਕੇ ਜੋ ਘਟਨਾ ਵਾਪਰੀ , ਉਸ ਦੀ ਚਰਚਾ ਇੰਗਲੈਂਡ ਸਮੇਤ ਦੁਨੀਆ ਭਰ ਵਿਚ ਹੋਈ । ਪਿਛਲੇ ਸਾਲ ਸਾਊਥਾਲ ਤੋਂ ਇਲਾਵਾ ਮਿਡਲੈਂਡ ਦੇ ਕੁਝ ਹੋਰ ਗੁਰਦੁਆਰਿਆਂ ਵਿਚ ਵੀ ਅੰਤਰਜਾਤੀ ਵਿਆਹਾਂ ਦਾ ਵਿਰੋਧ ਹੋ ਚੁੱਕਾ । ਪਰ ਇਸ ਵਾਰ ਪੁਲਿਸ ਦੀ ਭਾਰੀ ਫੋਰਸ ਨੇ ਲਮਿੰਗਟਨ ਸਪਾ ਦੇ ਗੁਰਦੁਆਰੇ ਨੂੰ ਘੇਰਾ ਪਾ ਕੇ ਕਿਰਪਾਨਧਾਰੀ ਤੇ ਨਕਾਬਪੋਸ਼ 55 ਸਿੱਖ ਨੌਜਵਾਨਾਂ ਨੂੰ ਜਿਵੇਂ ਗ੍ਰਿਫਤਾਰ ਕੀਤਾ, ਉਸ ਨੇ ਸੂਝਵਾਨ ਸਿੱਖ ਹਲਕਿਆਂ ਸਮੇਤ ਪੁਲਿਸ ਨੂੰ ਵੀ ਡੂੰਘੀ ਚਿੰਤਾ ਵਿਚ ਪਾ ਦਿੱਤਾ । ਪੁਲਿਸ ਨੇ ਮਾਮਲੇ ਦੀ ਤਹਿ ਤੱਕ ਪਹੁੰਚਣ ਲਈ ਮੁਕੰਮਲ ਜਾਂਚ ਸ਼ੁਰੂ ਕਰ ਦਿੱਤੀ । ਗੁਰੂ ਘਰ ਦੀਆਂ ਸੰਗਤਾਂ ਦੇ ਹਵਾਲੇ ਨਾਲ ਇਸ ਗੱਲ ਦਾ ਪਤਾ ਲੱਗਾ ਕਿ ਇਸ ਘਟਨਾ ਪਿੱਛੇ ਅਜਿਹੀ ਸਿੱਖ ਸਿਆਸਤ ਦਾ ਵੀ ਹੱਥ ਜੋ ਆਪਣੇ ਸੌੜੇ ਸਵਾਰਥਾਂ ਲਈ ਨੌਜਵਾਨ ਵਰਗ ਨੂੰ ਹੱਲਾਸ਼ੇਰੀ ਦੇ ਕੇ ਉਨ੍ਹਾਂ ਨੂੰ ਗੁਰਮਤਿ ਦੇ ਰਾਹ ਪਾਉਣ ਦੀ ਥਾਂ ਧੌਂਸ ਧੱਕੇ ਦੀ ਨੀਤੀ ਧਾਰਨ ਕਰਨ ਲਈ ਪ੍ਰੇਰਿਤ ਕਰ ਰਹੀ । ਸਿੱਖ ਨੌਜਵਾਨਾਂ ਦਾ ਗੁਰੂ ਘਰ ਦੀ ਕਮੇਟੀ ਨਾਲ ਵਾਦ ਵਿਵਾਦ ਨਵਾਂ ਨਹੀਂ । ਪਹਿਲਾਂ ਵੀ ਆਪਸੀ ਟਕਰਾਅ ਦੀਆਂ ਵਾਰਦਾਤਾਂ ਹੁੰਦੀਆਂ ਰਹੀਆਂ ਹਨ। ਇਸ ਝਗੜੇ ਪਿੱਛੇ ਗਰਦੁਆਰੇ ਉਪਰ ਕਬਜ਼ੇ ਲਈ ਦੋਹਾਂ ਧੜਿਆਂ ਦਾ ਆਪਸੀ ਸੰਘਰਸ਼ ਵੀ ਜ਼ੁੰਮੇਵਾਰ । ਅਜਿਹੇ ਪਿਛੋਕੜ ਨੂੰ ਲੈ ਕੇ ਪੁਲਿਸ ਨੇ ਜਾਂਚ ਆਰੰਭ ਕੀਤੀ । ਪਿਛਲੇ ਸਾਲ ਸਾਊਥਾਲ ਦੇ ਸਿੰਘ ਸਭਾ ਗੁਰਦੁਆਰੇ ‘ਚ ਵਾਪਰੀ ਘਟਨਾ ਪਿੱਛੋਂ ਅੰਤਰਜਾਤੀ ਵਿਆਹ ਦੇ ਇਸ ਮਸਲੇ ਨਾਲ ਨਜਿੱਠਣ ਲਈ ਗੁਰਦੁਆਰਾ ਕੌਂਸਲ ਦੀ ਅਗਵਾਈ ਹੇਠ ਵੱਖ ਵੱਖ ਗੁਰਦੁਆਰਿਆਂ ਦੇ ਪ੍ਰਬੰਧਕਾਂ ਦੀ ਇਕ ਮੀਟਿੰਗ ਸਾਊਥਾਲ ਦੇ ਇਸੇ ਗੁਰਦੁਆਰੇ ਵਿਚ ਹੋਈ ਸੀ। ਇਸ ਮੀਟਿੰਗ ਵਿਚ ਫੈਸਲਾ ਹੋਇਆ ਸੀ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਵਲੋਂ ਜਾਰੀ ਹੁਕਮ ਅਨੁਸਾਰ ਕਿਸੇ ਵੀ ਗੁਰਦੁਆਰੇ ਵਿਚ ਸਿੱਖ ਜੋੜੇ ਦਾ ਵਿਆਹ ਹੀ ਹੋ ਸਕਦਾ । ਅਸੀਂ ਸਮਝਦੇ ਹਾਂ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਇਸ ਹੁਕਮ ਉਪਰ ਅਮਲ ਕਰਨਾ ਹਰੇਕ ਸਿੱਖ ਦਾ ਫਰਜ਼ । ਪਰ ਬ੍ਰਤਾਨੀਆ ਅਤੇ ਹੋਰ ਪੱਛਮੀ ਮੁਲਕਾਂ ਵਿਚ ਵਸਦੇ ਸਿੱਖ ਪਰਿਵਾਰਾਂ ਦੇ ਸਾਹਮਣੇ ਇਕ ਮੁਸ਼ਕਲ ਇਹ ਖੜੀ ਹੋ ਗਈ ਕਿ ਇਨ੍ਹਾਂ ਮੁਲਕਾਂ ਦੇ ਬਹੁ–ਸੱਭਿਆਚਾਰਕ ਤੇ ਬਹੁਧਰਮੀ ਸਮਾਜ ਵਿਚ ਰਲਗੱਡ ਹੋ ਕੇ ਵਿਦਿਆ ਪ੍ਰਾਪਤੀ ਤੋਂ ਲੈ ਕੇ ਕੰਮ ਧੰਦਿਆਂ ਅਤੇ ਕਾਰੋਬਾਰਾਂ ਦੀ ਸਥਾਪਤੀ ਤੱਕ ਸਿੱਖ ਬੱਚਿਆਂ ਦਾ ਦੂਜੇ ਧਰਮਾਂ ਦੇ ਹਾਣੀਆਂ ਨਾਲ ਸਾਂਝ ਕਾਇਮ ਹੋਣਾ ਕੁਦਰਤੀ । ਅਜਿਹੀ ਸਾਂਝ ਪਿੱਛੋਂ ਹੀ ਸਿੱਖ ਬੱਚੇ ਬੱਚੀਆਂ ਅੰਤਰਜਾਤੀ ਵਿਆਹਾਂ ਵੱਲ ਉਲਾਰ ਹੋ ਜਾਂਦੇ ਹਨ। ਸਿੱਖ ਮਾਪਿਆਂ ਵਲੋਂ ਆਪਣੀ ਧਾਰਮਿਕ ਤ੍ਰਿਪਤੀ ਲਈ ਅਜਿਹੇ ਵਿਆਹ ਗੁਰਦੁਆਰਿਆਂ ਵਿਚ ਕੀਤੇ ਜਾਣ ਲਈ ਮਜਬੂਰ ਹੋਣਾ ਪੈਂਦਾ । ਪਰ ਜਿਸ ਤਰ੍ਹਾਂ ਅਜਿਹੇ ਵਿਆਹਾਂ ਦਾ ਵਿਰੋਧ ਹੋ ਰਿਹਾ , ਉਸ ਤੋਂ ਲੱਗਦਾ ਕਿ ਧਾਰਮਿਕ ਰੀਤਾਂ ਵਾਲੇ ਵਿਆਹਾਂ ਦਾ ਰਿਵਾਜ ਹੌਲੀ ਹੌਲੀ ਘੱਟ ਜਾਵੇਗਾ। ਕੇਵਲ ਸਿਵਲ ਮੈਰਿਜ ਨਾਲ ਹੀ ਜੋੜਿਆਂ ਨੂੰ ਆਪਣੀ ਵਿਆਹੁਤਾ ਜ਼ਿੰਦਗੀ ਸ਼ੁਰੂ ਕਰਨੀ ਪਵੇਗੀ। ਅਜਿਹੇ ਰਿਵਾਜ ਨਾਲ ਸਿੱਖ ਧਰਮ ਅਤੇ ਸਿੱਖੀ ਨੂੰ ਕਾਇਮ ਰੱਖਣ ਲਈ ਕਿੰਨਾ ਕੁ ਫਾਇਦਾ ਹੋਵੇਗਾ। ਇਹ ਵਿਸ਼ਾ ਧਾਰਮਿਕ ਆਗੂਆਂ ਦੇ ਧਿਆਨ ਗੋਚਰੇ ਹੋਣਾ ਚਾਹੀਦਾ । ਫਿਲਹਾਲ ਲਮਿੰਗਟਨ ਸਪਾ ਦੀ ਘਟਨਾ ਨੂੰ ਮਿਲ ਬੈਠ ਕੇ ਨਜਿੱਠਣ ਵਿਚ ਗੁਰਦੁਆਰਾ ਕੌਂਸਲ ਆਪਣਾ ਉਸਾਰੂ ਰੋਲ ਅਦਾ ਕਰ ਸਕਦੀ । ਕੌਂਸਲ ਇਸ ਗੁਰਦੁਆਰੇ ਦੀ ਸਿਆਸਤ ਵਿਚ ਤਣਾਅ ਤੋਂ ਪਹਿਲਾਂ ਹੀ ਭਲੀਭਾਂਤ ਜਾਣੂੰ । ਜੇ ਉਸ ਵਲੋਂ ਪੇਸ਼ਗੀ ਦੋਹਾਂ ਧਿਰਾਂ ਨਾਲ ਗੱਲਬਾਤ ਕੀਤੀ ਹੁੰਦੀ ਤਾਂ 11 ਸਤੰਬਰ ਵਾਲੀ ਘਟਨਾ ਤੋਂ ਬਚਾਅ ਹੋ ਸਕਦਾ ਸੀ। ਖੈਰ ਹੁਣ ਵੀ ਜੇ ਸੂਝ ਬੂਝ ਤੋਂ ਕੰਮ ਲਿਆ ਜਾਵੇ ਤਾਂ ਭਵਿੱਖ ਵਿਚ ਸਾਰੇ ਸਿੱਖਾਂ ਨੂੰ ਨਮੋਸ਼ੀ ਦੇਣ ਵਾਲੀ ਅਜਿਹੀ ਘਟਨਾ ਤੋਂ ਬਚਾਇਆ ਜਾ ਸਕਦਾ ।

ਪੰਜਾਬ ਚੋਣਾ ਦਾ ਊਠ ਅਜੇ ਕਰਵਟਾਂ ਬਦਲਣ ਲਈ ਮਜਬੂਰ !

ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾ ਦਾ ਸਮਾਂ ਜਿਉਂ ਜਿਉਂ ਨੇੜੇ ਪਹੁੰਚ ਰਿਹਾ , ਸਿਆਸੀ ਤਲਖੀ ਵਿਚ ਵਾਧਾ ਹੋ ਰਿਹਾ । ਪਿਛਲੇ ਸਮੇਂ ਦੀਆਂ ਚੋਣਾ ਵਿਚ ਮੁਕਾਬਲਾ ਆਮ ਤੌਰ ‘ਤੇ ਦੋ ਧਿਰਾਂ ਵਿਚਕਾਰ ਹੀ ਚਲਦਾ ਰਿਹਾ । ਸੂਬੇ ਦੇ ਅੰਦਰੂਨੀ ਮਾਮਲਿਆਂ ਬਾਰੇ ਚਰਚਾ ਨਾਲ ਵੋਟਰਾਂ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਹੁੰਦੀ ਰਹੀ । ਪਰ ਇਸ ਵਾਰ ਤੀਜੀ ਧਿਰ ਦੇ ਦਖ਼ਲ ਨੇ ਚੋਣ ਅਖਾੜੇ ਨੂੰ ਰੌਚਕ ਬਣਾ ਦਿੱਤਾ । ਦਰਅਸਲ ਪਿਛਲੇ ਸਾਢੇ 9 ਸਾਲ ਦੀ ਹਕੂਮਤ ਦੌਰਾਨ ਅਕਾਲੀ–ਭਾਜਪਾ ਦੀ ਸਰਕਾਰ ਦੇ ਸਮੇਂ ਦੌਰਾਨ ਕੁਝ ਅਜਿਹੀਆਂ ਨਵੀਆਂ ਸਮੱਸਿਆਵਾਂ ਪੈਦਾ ਹੋਈਆਂ ਹਨ ਜਿਨ੍ਹਾਂ ਨਾਲ ਸੂਬੇ ਵਿਚ ਸਿਆਸੀ ਉਥਲ–ਪੁਥਲ ਦੀ ਸੰਭਾਵਨਾ ਬਣੀ । ਕਿਸਾਨਾਂ ਦੀਆਂ ਖੁਦਕੁਸ਼ੀਆਂ ਅਤੇ ਨਸ਼ਿਆਂ ਵਿਚ ਵਾਧੇ ਲਈ ਹਾਕਮ ਪਾਰਟੀ ਨੂੰ ਕਸੂਰਵਾਰ ਮੰਨਿਆ ਜਾ ਰਿਹਾ । ਤੀਜੀ ਧਿਰ ‘ਆਪ’ ਨੇ ਇਨ੍ਹਾਂ ਮਸਲਿਆਂ ਦੇ ਨਾਲ ਭਰਿਸ਼ਟਾਚਾਰ ਅਤੇ ਬੇਰੋਜ਼ਗਾਰੀ ਨੂੰ ਵੀ ਜੋੜ ਲਿਆ । ਇਨ੍ਹਾਂ ਮੁੱਦਿਆਂ ਨੂੰ ਲੈ ਕੇ ‘ਆਪ’ ਹਮਲਾਵਰ ਰੁੱਖ ਅਖ਼ਤਿਆਰ ਕਰਦੀ ਜਾ ਰਹੀ । ਪਾਰਟੀ ਦੇ ਕੌਮੀ ਆਗੂ ਅਰਵਿੰਦ ਕੇਜਰੀਵਾਲ ਨੇ ਪਿਛਲੇ ਦਿਨੀਂ ਪੰਜਾਬ ਦਾ ਚਾਰ ਦਿਨਾਂ ਤੱਕ ਹੰਗਾਮੀ ਦੌਰਾ ਕਰਕੇ ਵੋਟਰਾਂ ਨੂੰ ਇਹ ਦੱਸਣ ਦੀ ਕੋਸ਼ਿਸ ਕੀਤੀ ਕਿ ਉਹ ਪਿਛਲੀ ਸਰਕਾਰ ਦਾ ਗੰਦ ਹੂੰਝ ਕੇ ਪੰਜਾਬੀਆਂ ਨੂੰ ਸਾਫ–ਸੁਥਰਾ ਤੇ ਸੁਚੱਜਾ ਰਾਜ ਪ੍ਰਬੰਧ ਦੇਣਗੇ। ‘ਆਪ’ ਦਾ ਅਜਿਹਾ ਪ੍ਰਚਾਰ ਉਨ੍ਹਾਂ ਵੋਟਰਾਂ ਨੂੰ ਪ੍ਰਭਾਵਿਤ ਕਰ ਰਿਹਾ ਜਿਨ੍ਹਾਂ ਨੂੰ ਪਿਛਲੇ ਸਮੇਂ ਦੌਰਾਨ ਰੋਜ਼ਾਨਾ ਜ਼ਿੰਦਗੀ ਵਿਚ ਭਾਰੀ ਔਕੜਾਂ ਦਾ ਸਾਹਮਣਾ ਕਰਨਾ ਪਿਆ । ‘ਆਪ’ ਦੇ ਇਸ ਪ੍ਰਚਾਰ ਨਾਲ ਕਾਂਗਰਸ ਅਤੇ ਅਕਾਲੀ–ਭਾਜਪਾ ਦੋਹਾਂ ਨੂੰ ਦਿੱਕਤ ਮਹਿਸੂਸ ਹੋ ਰਹੀ । ਇਸੇ ਕਰਕੇ ਇਨ੍ਹਾਂ ਦੋਹਾਂ ਧਿਰਾਂ ਵਲੋਂ ਇਕਸੁਰ ਹੋ ਕੇ ‘ਆਪ’ ਨੂੰ ਪੰਜਾਬ ਤੋਂ ਦੂਰ ਰੱਖਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ । ਇਸ ਮੰਤਵ ਲਈ ਜਿਥੇ ਪ੍ਰਚਾਰ ਸਾਧਨਾਂ ਰਾਹੀਂ ‘ਆਪ’ ਨੂੰ ਪੰਜਾਬ ਤੋਂ ਬਾਹਰਲੀ ਪਾਰਟੀ ਆਖ ਕੇ ਭੰਡਿਆ ਜਾ ਰਿਹਾ , ਉਥੇ ਉਸ ਦੀਆਂ ਪ੍ਰਚਾਰ ਰੈਲੀਆਂ ਵਿਚ ਗੜਬੜ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ । ਮਹੀਨਾ ਕੁ ਪਹਿਲਾਂ ਮਲੋਟ ਵਿਖੇ ਭਗਵੰਤ ਮਾਨ ਦੀ ਰੈਲੀ ਵਿਚ ਗੜਬੜ ਨੇ ਭਗਵੰਤ ਮਾਨ ਨੂੰ ਭੱਜਣ ਲਈ ਮਜਬੂਰ ਕਰ ਦਿੱਤਾ ਸੀ। ਇਸ ਹਫਤੇ ਬਾਘਾਪੁਰਾਣਾ ਵਿਖੇ ‘ਆਪ’ ਵਲੋਂ ਜਦ ਕਿਸਾਨ ਮੈਨੀਫੈਸਟੋ ਜਾਰੀ ਕੀਤਾ ਜਾ ਰਿਹਾ ਸੀ ਤਾਂ ਉਥੋਂ ਦੇ ਅਕਾਲੀ ਕੌਂਸਲਰ ਦੀ ਅਗਵਾਈ ਹੇਠ ‘ਆਪ’ ਦੇ ਕਾਰਕੁੰਨਾਂ ਉਪਰ ਹਮਲਾ ਕਰਕੇ ਉਨ੍ਹਾਂ ਦੀ ਮਾਰਕੁੱਟ ਕੀਤੀ ਗਈ। ਜ਼ਖ਼ਮੀ ਹੋਏ ਤਿੰਨ ਵਰਕਰਾਂ ਨੂੰ ਹਸਪਤਾਲ ਦਾਖਲ ਕਰਵਾਉਣਾ ਪਿਆ। ਅਜਿਹੀਆਂ ਉੱਕਾ ਪੁੱਕਾ ਵਾਰਦਾਤਾਂ ਆਮ ਤੌਰ ‘ਤੇ ਹੁੰਦੀਆਂ ਹੀ ਰਹਿੰਦੀਆਂ ਹਨ। ਚੋਣਾ ਨੂੰ ਅਜੇ ਪੰਜ ਮਹੀਨੇ ਦਾ ਸਮਾਂ । ਅਜਿਹੀਆਂ ਘਟਨਾਵਾਂ ਵਿਚ ਵਾਧਾ ਹੋਣ ਦੀ ਸੰਭਾਵਨਾ । ‘ਆਪ’ ਦੇ ਖਿਲਾਫ ਪੰਜਾਬ ਤੋਂ ਬਾਹਰਲੇ ਹੋਣ ਦਾ ਜੋ ਪ੍ਰਚਾਰ ਹੋ ਰਿਹਾ , ਉਸ ਨਾਲ ਅਕਾਲੀ–ਭਾਜਪਾ ਅਤੇ ਕਾਂਗਰਸ ਦੀਆਂ ਸਫਾਂ ਵਿਚ ਰੋਹ ਵੱਧ ਰਿਹਾ । ਪੰਜਾਬ ਦੇ ਟਕਸਾਲੀ ਆਗੂ ਸੁੱਚਾ ਸਿੰਘ ਛੋਟੇਪੁਰ ਨੂੰ ਪਾਰਟੀ ਤੋਂ ਵੱਖ ਕਰਨ ਅਤੇ ਇਕ ਹੋਰ ਸਿੱਖ ਆਗੂ ਹਰਵਿੰਦਰ ਸਿੰਘ ਫੂਲਕਾ ਨੂੰ ਅਣਗੌਲੇ ਕਰਨ ਦੀ ਗਲਤੀ ਲਈ ਵੀ ‘ਆਪ’ ਨੂੰ ਭਾਰੀ ਕੀਮਤ ਦੇਣੀ ਪੈ ਸਕਦੀ । ਇਸ ਦੇ ਨਾਲ ‘ਆਪ’ ਦੇ ਸੁਪਰੀਮੋ ਕੇਜਰੀਵਾਲ ਨੂੰ ਹੰਕਾਰ ਦਾ ਬੁਖਾਰ ਵੀ ਹੋ ਗਿਆ । ਇਸ ਦਾ ਅਸਰ ਪਾਰਟੀ ਦੀਆਂ ਤਾਜ਼ਾ ਰੈਲੀਆਂ ਵਿਚ ਦੇਖਣ ਨੂੰ ਮਿਲਿਆ । ਆਉਂਦੇ ਦਿਨਾਂ ਵਿਚ ਨਵਜੋਤ ਸਿੱਧੂ ਦੇ ਚੌਥੇ ਫਰੰਟ ‘ਆਵਾਜ਼–ਏ–ਪੰਜਾਬ’ ਵਲੋਂ ਆਪਣੀ ਮੁਹਿੰਮ ਸ਼ੁਰੂ ਕੀਤੀ ਜਾਣੀ । ਪੰਥਕ ਜਥੇਬੰਦੀਆਂ ਦੇ ਪੰਜਵੇਂ ਫਰੰਟ ਨੇ ਵੀ ਆਪਣੀਆਂ ਸਰਗਰਮੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਖਬਰਾਂ ਇਹ ਵੀ ਹਨ ਕਿ ਇਹ ਦੋਵੇਂ ਫਰੰਟ ਆਪਸ ਵਿਚ ਮਿਲ ਕੇ ਜਿਥੇ ਕਾਂਗਰਸ ਤੇ ਭਾਜਪਾ ਅਕਾਲੀ ਦਲ ਲਈ ਮੁਸ਼ਕਿਲ ਪੈਦਾ ਕਰ ਸਕਦੇ ਹਨ, ਉਥੇ ‘ਆਪ’ ਦੇ ਵੋਟ ਬੈਂਕ ਵਿਚ ਵੀ ਸੰਨ੍ਹ ਲਾ ਸਕਦੇ ਹਨ। ਕੁਝ ਵੀ ਹੋਵੇ ਇਸ ਵਾਰ ਦੀਆਂ ਪੰਜਾਬ ਚੋਣਾ ਵਿਚ ਜਿੱਤ ਹਾਸਲ ਕਰ ਸਕਣਾ ਕਿਸੇ ਵੀ ਧਿਰ ਲਈ ਕ੍ਰਿਸ਼ਮੇ ਤੋਂ ਘੱਟ ਨਹੀਂ ਹੋਵੇਗਾ।

ਕੇਜਰੀਵਾਲ ਜੀ, ਪੰਜਾਬ ਜਿਉਂਦਾ ਗੁਰਾਂ ਦੇ ਨਾਮ ‘ਤੇ

ਪੰਜਾਬ ਵਿਚ ਵਿਧਾਨ ਸਭਾ ਦੀਆਂ ਚੋਣਾ ਲਈ ਅਜੇ ਭਾਵੇਂ ਪੰਜ ਮਹੀਨੇ ਦਾ ਸਮਾਂ ਬਾਕੀ । ਪਰ ਵੱਖ ਵੱਖ ਪਾਰਟੀਆਂ ਵਲੋਂ ਕੀਤੇ ਜਾ ਰਹੇ ਪ੍ਰਚਾਰ ਅਤੇ ਦਲ ਬਦਲੀਆਂ ਦਾ ਸਿਲਸਿਲਾ ਇਕ ਮੇਲੇ ਦੀ ਸ਼ਕਲ ਅਖ਼ਤਿਆਰ ਕਰ ਗਿਆ । ਚੋਣ ਰੈਲੀਆਂ ਵਿਚ ਹਜ਼ਾਰਾਂ ਦੀ ਭੀੜ ਹਰੇਕ ਉਮੀਦਵਾਰਾਂ ਨੂੰ ਇਸ ਵਹਿਮ ਵਿਚ ਪਾਉਣ ਲਈ ਕਾਫੀ ਕਿ ਉਸ ਦੀ ਜਿੱਤ ਵੱਟ ‘ਤੇ ਪਈ । ਆਮ ਲੋਕਾਂ ਨੂੰ ਇਸ ਗੱਲ ਦਾ ਭਲੀਭਾਂਤ ਗਿਆਨ ਕਿ ਭੀੜ ਨੂੰ ਆਪਣੇ ਮਨੋਰੰਜਨ ਲਈ ਵੱਧ ਤੋਂ ਵੱਧ ਰੰਗ ਤਮਾਸ਼ਾ ਚਾਹੀਦੈ। ਅਜਿਹਾ ਰੰਗ ਤਮਾਸ਼ਾ ਦੇਖਣ ਦੇ ਸ਼ੌਕੀਨ ਲੋਕਾਂ ਨੇ ਹੀ ਮੋਦੀ ਨੂੰ ਪ੍ਰਧਾਨ ਮੰਤਰੀ ਦੀ ਕੁਰਸੀ ਉਪਰ ਬੈਠਾ ਦਿੱਤਾ। ਆਮ ਲੋਕਾਂ ਦੀ ਜ਼ਿੰਦਗੀ ਨੂੰ ਖੁਸ਼ਹਾਲ ਬਣਾਉਣ ਦੇ ਵਾਅਦਿਆਂ ਨੇ ਮੋਦੀ ਦੀ ਭਾਜਪਾ ਨੂੰ ਇਕੱਲਿਆਂ ਸਰਕਾਰ ਬਣਾਉਣ ਦੇ ਯੋਗ ਬਣਾ ਦਿੱਤਾ। ਕੁਝ ਸਮਾਂ ਪਹਿਲਾਂ ਇਕ ਪ੍ਰੈਸ ਕਾਨਫਰੰਸ ਵਿਚ ਜਦ ਪੱਤਰਕਾਰਾਂ ਨੇ ਪਾਰਟੀ ਪ੍ਰਧਾਨ ਅਮਿਤ ਸ਼ਾਹ ਨੂੰ ਪੁੱਛਿਆ ਕਿ ਚੋਣ ਪ੍ਰਚਾਰ ਵੇਲੇ ਮੋਦੀ ਸਾਹਿਬ ਨੇ ਵੋਟਰਾਂ ਨਾਲ ਜੋ ਵਾਅਦੇ ਕੀਤੇ ਸਨ, ਉਨ੍ਹਾਂ ਦਾ ਕੀ ਬਣਿਆ ਤਾਂ ਸ਼ਾਹ ਨੇ ਹੱਸਦਿਆਂ ਜਵਾਬ ਦਿੱਤਾ, ”ਛੱਡੋ ਜੀ, ਉਹ ਤਾਂ ਚੋਣ ਜੁਮਲੇ ਸਨ ਜੋ ਹਰੇਕ ਲੀਡਰ ਵਲੋਂ ਆਪਣੇ ਸਰੋਤਿਆਂ ਦੇ ਮਨੋਰੰਜਨ ਦਾ ਇਕ ਸਾਧਨ । ਮੋਦੀ ਦੀ ਇਸ ਲੀਹ ਉਪਰ ਚਲਦਿਆਂ ਦੋ ਸਾਲ ਪਹਿਲਾਂ ‘ਦਿੱਲੀ’ ਜਿੱਤਣ ਵਾਲੀ ਆਮ ਆਦਮੀ ਪਾਰਟੀ ਨੇ ਜਦ ਪੰਜਾਬ ਵੱਲ ਰੁੱਖ ਕੀਤਾ ਤਾਂ ਇਸ ਨੇ ਵੀ ਪੰਜਾਬ ਵਾਸੀਆਂ ਨੂੰ ਸੁਨਹਿਰੀ ਸੁਪਨਿਆਂ ਨਾਲ ਭਰਪੂਰ ਕਰ ਦਿੱਤਾ। ਆਮ ਲੋਕ ਤਾਂ ਪਹਿਲਾਂ ਹੀ ਅਕਾਲੀ–ਭਾਜਪਾ ਦੀ ਕਾਰਗੁਜ਼ਾਰੀ ਤੋਂ ਦੁਖੀ ਸਨ। ਕਾਂਗਰਸ ਦੀ ਆਪਸੀ ਫੁੱਟ ਨੇ ਉਨ੍ਹਾਂ ਨੂੰ ਨਿਰਾਸ਼ ਕੀਤਾ ਹੋਇਆ ਸੀ। ਅਜਿਹੀ ਹਾਲਤ ਵਿਚ ‘ਆਪ’ ਦੇ ਜਲਸਿਆਂ ਵਿਚ ਭੀੜਾਂ ਜੁੜਨ ਲੱਗੀਆਂ। ਵੋਟਰਾਂ ਨੂੰ ਆਸ ਦੀ ਕਿਰਨ ਦਿਖਾਈ ਦਿੱਤੀ ਕਿ ਉਨ੍ਹਾਂ ਨੂੰ ਇਸ ਪਾਰਟੀ ਦੀ ਸਰਕਾਰ ਰਾਹੀਂ ਭ੍ਰਿਸ਼ਟਾਚਾਰ, ਬੇਰੋਜ਼ਗਾਰੀ ਅਤੇ ਨਸ਼ਿਆਂ ਦੀ ਲਾਅਣਤ ਤੋਂ ਮੁਕਤੀ ਮਿਲੇਗੀ। ਵੋਟਰਾਂ ਦੀਆਂ ਅਜਿਹੀਆਂ ਆਸਾਂ ਨੇ ‘ਆਪ’ ਦੇ ਲੀਡਰਾਂ ਨੂੰ ਇਸ ਵਹਿਮ ਵਿਚ ਪਾ ਦਿੱਤਾ ਕਿ ਫਰਵਰੀ 2017 ਵਿਚ ਪੰਜਾਬ ਉਨ੍ਹਾਂ ਦੇ ਕਬਜ਼ੇ ਵਿਚ ਹੋਵੇਗਾ। ਨਵੀਂ ਹਕੂਮਤ ਨੂੰ ਸੰਭਾਲਣ ਲਈ ਦਿੱਲੀ ਵਿਚ 51 ਮੈਂਬਰੀ ਕਮੇਟੀ ਵੀ ਬਣਾ ਲਈ ਜਿਸ ਵਿਚ ਇਕ ਦੋ ਸਿੱਖਾਂ ਤੋਂ ਇਲਾਵਾ ਸਾਰੇ ਮੈਂਬਰ ਯੂੰਪੀੰ ਬਿਹਾਰ ਅਤੇ ਹਰਿਆਣਾ ਦੇ ਭਈਏ ਸਨ। ਪੰਜਾਬ ਵਿਚ ਪਾਰਟੀ ਦੇ ਕਨਵੀਨਰ ਸੁੱਚਾ ਸਿੰਘ ਛੋਟੇਪੁਰ ਨੂੰ, ਜੋ ਆਪਣੇ ਆਪ ਨੂੰ ਪੰਜਾਬ ਦਾ ਅਗਲਾ ਮੁੱਖ ਮੰਤਰੀ ਸਮਝੀ ਬੈਠੇ ਸਨ, ਪਿਛਲੇ ਹਫਤੇ ਝੂਠੀ ਦੂਸ਼ਣਬਾਜ਼ੀ ਨਾਲ ਇਸ ਪੱਦਵੀ ਤੋਂ ਲਾਂਭੇ ਕਰ ਦਿੱਤਾ। ਦੋਸ਼ ਇਹ ਲਾਇਆ ਗਿਆ ਕਿ ਛੋਟੇਪੁਰ ਨੇ ਕਿਸੇ ਉਮੀਦਵਾਰ ਨੂੰ ਟਿਕਟ ਦੇਣ ਦੇ ਵਾਅਦੇ ਨਾਲ ਦੋ ਲੱਖ ਰੁਪੈ ਦੀ ਰਿਸ਼ਵਤ ਲਈ ਜਿਸ ਦਾ ਸਟਿੰਗ ਆਪ੍ਰੇਸ਼ਨ ਹਾਈ ਕਮਾਂਡ ਦੇ ਕੋਲ ਪੁੱਜਾ । ਛੋਟੇਪੁਰ ਨੇ ਰੌਲਾ ਪਾਇਆ ਕਿ ਉਸ ਸਟਿੰਗ ਨੂੰ ਲੋਕਾਂ ਦੇ ਸਾਹਮਣੇ ਪੇਸ਼ ਕੀਤਾ ਜਾਵੇ ਤਾਕਿ ਹਕੀਕਤ ਦਾ ਪਤਾ ਲੱਗ ਸਕੇ। ਉਨ੍ਹਾਂ ਆਖਿਆ ਕਿ ਪਾਰਟੀ ਦਾ ਕਨਵੀਨਰ ਹੋਣ ਦੀ ਹੈਸੀਅਤ ਵਿਚ ਕਿਸੇ ਨੇ ਪਾਰਟੀ ਫੰਡ ਦਿੱਤਾ ਜਿਸ ਦਾ ਸਟਿੰਗ ਬਣਾ ਕੇ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ । ਛੋਟੇਪੁਰ ਨੇ ਕਿਹਾ ਕਿ ਕੇਜਰੀਵਾਲ ਨੂੰ ਸਿੱਖ ਸੱਭਿਆਚਾਰ ਦੀ ਕੋਈ ਸਮਝ ਨਹੀਂ । ਇਹੋ ਵਜਾਹ ਕਿ ਪਾਰਟੀ ਮੈਨੀਫੈਸਟੋ ਦੇ ਟਾਈਟਲ ਉਪਰ ਸ੍ਰੀ ਹਰਿਮੰਦਰ ਸਾਹਿਬ ਦੇ ਨਾਲ ਝਾੜੂ ਲਾ ਦਿੱਤਾ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਅਤੇ ਉਸ ਦੇ ਜਥੇਦਾਰ ਦੀ ਮਹੱਤਤਾ ਨੂੰ ਟਿੱਚ ਸਮਝਿਆ। ਉਹ ਆਪਣੇ ਸਿਆਸੀ ਮੰਤਵ ਲਈ ਪੰਜਾਬੀਆਂ ਦੀਆਂ ਭਾਵਨਾਵਾਂ ਨੂੰ ਹਵਾ ਦੇ ਰਹੇ ਹਨ ਜੋ ਮੌਜੂਦਾ ਸਰਕਾਰ ਦੀਆਂ ਆਪਹੁਦਰੀਆਂ ਤੋਂ ਬੇਹੱਦ ਦੁੱਖੀ ਹਨ। ਕੇਜਰੀਵਾਲ ਨੂੰ ਪੰਜਾਬ ਦੇ ਹਿੱਤਾਂ ਨਾਲ ਕੋਈ ਮਤਲਬ ਨਹੀਂ। ਪਾਰਟੀ ਦੇ ਸੀਨੀਅਰ ਪੰਜਾਬੀ ਆਗੂਆਂ ਨੇ ਵੀ ਛੋਟੇਪੁਰ ਵਿਰੁੱਧ ਕਾਰਵਾਈ ਨੂੰ ਪਸੰਦ ਨਹੀਂ ਕੀਤਾ। ਪਾਰਟੀ ਦੇ ਬੁਲਾਰੇ ਸੁਖਪਾਲ ਸਿੰਘ ਖਹਿਰਾ ਨੇ ਵੀ ਕੇਜਰੀਵਾਲ ਵਲੋਂ ਕਾਹਲੀ ਵਿਚ ਕੀਤੇ ਗਏ ਇਸ ਫੈਸਲੇ ਨੂੰ ਗਲਤ ਦੱਸਿਆ। ਉਨ੍ਹਾਂ ਪਾਰਟੀ ਹਾਈ ਕਮਾਂਡ ਨੂੰ ਸਲਾਹ ਦਿੱਤੀ ਕਿ ਪੰਜਾਬ ਦੇ ਲੀਡਰਾਂ ਉਪਰ ਭਰੋਸਾ ਕਰਨਾ ਚਾਹੀਦਾ । ਉਨ੍ਹਾ ਮੰਨਿਆ ਕਿ ਛੋਟੇਪੁਰ ਦਾ ਪੰਜਾਬ ਵਿਚ 40 ਸਾਲ ਦਾ ਸਿਆਸੀ ਜੀਵਨ ਬੇਦਾਗ । ਇਹੋ ਵਜਾਹ ਕਿ ਉਸ ਦੇ ਹੱਕ ਵਿਚ ਪੰਜਾਬੀਆਂ ਦੇ ਸੁਰ ਉਭਰੇ ਹਨ। ਗੁਰਦਾਸਪੁਰ ਅਤੇ ਅੰਮ੍ਰਿਤਸਰ ਵਿਖੇ ‘ਆਪ’ ਦੇ ਦੋਹਾਂ ਧੜਿਆਂ ਵਿਚਕਾਰ ਝੜਪਾਂ ਹੋਈਆਂ ਹਨ। ਇਸੇ ਦੌਰਾਨ ਕੇਜਰੀਵਾਲ ਦੇ ਪੁਤਲੇ ਫੂਕੇ ਗਏ। ਅੰਮ੍ਰਿਤਸਰ ਵਿਚ ਕੇਜਰੀਵਾਲ ਦੇ ਹਮਾਇਤੀ ਦੀ ਧੂਹ ਖਿੱਚ ਕੀਤੀ ਗਈ ਤੇ ਦੋਹਾਂ ਧੜਿਆਂ ਦੇ ਹਮਾਇਤੀਆਂ ਵਲੋਂ ਇਕ ਦੂਜੇ ਵਿਰੁੱਧ ਜ਼ਿੰਦਾਬਾਦ ਅਤੇ ਮੁਰਦਾਬਾਦ ਦੇ ਨਾਹਰੇ ਲਾਏ ਗਏ। ਪਾਰਟੀ ਦੇ ਜ਼ੋਨਲ ਕਨਵੀਨਰ ਨੇ ਦੋਸ਼ ਲਾਇਆ ਕਿ ਦਿੱਲੀ ਵਿਚ ਬੈਠੇ ਆਗੂਆਂ ਨੇ ਆਪਣੀ ਮਰਜ਼ੀ ਨਾਲ ਟਿਕਟਾਂ ਦੇ ਕੇ ਲੱਖਾਂ ਰੁਪੈ ਬਟੋਰ ਲਏ ਹਨ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ ਇਕ ਸਤੰਬਰ ਤੱਕ ਦਿੱਲੀ ਦੀ ਹਾਈਕਮਾਂਡ ਨੇ ਆਪਣੇ ਗਲਤ ਫੈਸਲਿਆਂ ਨੂੰ ਦਰੁਸਤ ਨਾ ਕੀਤਾ ਤਾਂ ਪੰਜਾਬ ਦੇ ਆਗੂਆਂ ਵਲੋਂ ਨਵੀਂ ਰਣਨੀਤੀ ਬਣਾਈ ਜਾਵੇਗੀ। ਛੋਟੇਪੁਰ ਨੇ ਵੀ ਆਪਣੇ ਹਮਾਇਤੀਆਂ ਨੂੰ ਦੱਸਿਆ ਕਿ ਉਹ ਆਪਣੇ ਸਾਥੀਆਂ ਦੀ ਰਾਇ ਲੈਣ ਲਈ ਅਗਲੇ ਹਫਤੇ ਪੰਜਾਬ ਦਾ ਦੌਰਾਨ ਕਰਨਗੇ। ਸੰਕੇਤ ਮਿਲ ਰਹੇ ਹਨ ਕਿ ਉਹ ਪਾਰਟੀ ਦੇ ਬਾਗੀ ਪਾਰਲੀਮੈਂਟ ਮੈਂਬਰਾਂ ਨਾਲ ਮਿਲ ਕੇ ਨਵੀਂ ਪਾਰਟੀ ਬਣਾਉਣ ਦਾ ਇਰਾਦਾ ਰੱਖਦੇ ਹਨ ਜੋ ਕੇਜਰੀਵਾਲ ਦੀ ‘ਆਪ’ ਦਾ ਮੁਕਾਬਲਾ ਕਰੇਗੀ। ਬਾਗੀਆਂ ਦੇ ਇਸ ਫੈਸਲੇ ਨਾਲ ਕੇਜਰੀਵਾਲ ਤੇ ਉਸ ਦੇ ਸਾਥੀਆਂ ਨੂੰ ਸੱਪ ਸੁੰਘ ਗਿਆ । ਉਨ੍ਹਾਂ ਆਪਣੇ ਲੀਡਰਾਂ ਅਤੇ ਵਰਕਰਾਂ ਨੂੰ ਹਦਾਇਤ ਕੀਤੀ ਕਿ ਛੋਟੇਪੁਰ ਵਿਰੁੱਧ ਜਾਂਚ ਲਈ ਜਿਹੜੀ ਦੋ ਮੈਂਬਰੀ ਕਮੇਟੀ ਬਣਾਈ ਗਈ , ਉਸ ਦੇ ਫੈਸਲੇ ਤੱਕ ਛੋਟੇਪੁਰ ਵਿਰੁੱਧ ਕੋਈ ਗਲਤ ਬਿਆਨਬਾਜ਼ੀ ਨਾ ਕੀਤੀ ਜਾਵੇ। ਇਸੇ ਦੌਰਾਨ ਪਾਰਟੀ ਵਲੋਂ ਛੋਟੇਪੁਰ ਨਾਲ ਸੁਲਾਹ ਦੇ ਯਤਨ ਵੀ ਸ਼ੁਰੂ ਹੋ ਗਏ ਹਨ। ਕੇਜਰੀਵਾਲ ਨੂੰ ਸਾਡੀ ਸਲਾਹ ਕਿ ਦਿੱਲੀ ਦੀ ਜਿੱਤ ਨਾਲ ਜੋ ਹੰਕਾਰ ਉਨ੍ਹਾਂ ਦੇ ਸਿਰ ‘ਤੇ ਚੜ੍ਹ ਬੈਠਾ , ਉਸ ਨੂੰ ਲਾਹ ਸੁੱਟਣ। ਗੁਰਮਤਿ ਅਨੁਸਾਰ ਮਨੁੱਖ ਦੀ ਸੋਚ ਉਪਰ ਕਬਜ਼ਾ ਕਰਕੇ ਬੈਠੇ ਪੰਜ ਸ਼ੈਤਾਨਾਂ ‘ਚੋਂ ਹੰਕਾਰ ਇਕ ਅਜਿਹਾ ਜਾਨਵਰ ਜੋ ਮਨੁੱਖ ਨੂੰ ਦਰਿੰਦਾ ਬਣਾ ਦਿੰਦਾ । ਇਸ ਹੰਕਾਰ ਕਰਕੇ ਦਿੱਲੀ ਵਿਚ ਬੈਠੀ ਜੁੰਡਲੀ ਨੇ ਛੋਟੇਪੁਰ ਨੂੰ ਹੀਰੋ ਤੋਂ ਜ਼ੀਰੋ ਕਰਕੇ ਸ਼ੋਹਰਤ ਦੀਆਂ ਬੁਲੰਦੀਆਂ ਵੱਲ ਜਾ ਰਹੀ ਪਾਰਟੀ ਨੂੰ ਧਰਤੀ ‘ਤੇ ਪਟਕਾ ਮਾਰਿਆ । ਕਲ੍ਹ ਤੱਕ ਜਿਹੜੇ ਲੋਕ ‘ਆਪ’ ਵਿਚ ਸ਼ਾਮਲ ਹੋਣ ਲਈ ਤਰਲੋਮੱਛੀ ਹੋ ਰਹੇ ਸਨ, ਉਹ ਠਠੰਬਰ ਕੇ ਰਹਿ ਗਏ ਹਨ। ਪਾਰਟੀ ਨੂੰ ਅਚਾਨਕ ਲੱਗੇ ਇਸ ਝਟਕੇ ਪਿੱਛੋਂ ਹਾਈਕਮਾਂਡ ਨੂੰ ਹੋਸ਼ ਆਈ ਤਾਂ ਛੋਟੇਪੁਰ ਨੂੰ ਮਨਾਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਹੋ ਗਈਆਂ। ਖਬਰ ਕਿ ਪਾਰਟੀ ਦੇ ਵੱਡੇ ਆਗੂ ਸੰਜੇ ਸਿੰਘ ਨਾਲ ਮੁਲਾਕਾਤ ਕਰਕੇ ਵਾਅਦਾ ਕੀਤਾ ਕਿ ਉਨ੍ਹਾਂ ਦੀ ਹਰੇਕ ਮੰਗ ਮੰਨੀ ਜਾਵੇਗੀ। ਦਰਅਸਲ ਇਸ ਤੱਥ ਵਿਚ ਕੋਈ ਸ਼ੱਕ ਨਹੀਂ ਕਿ ਕੇਜਰੀਵਾਲ ਦੇ ਆਲੇ ਦੁਆਲੇ ਅਜਿਹੀ ਜੁੰਡਲੀ ਜਮ੍ਹਾ ਜਿਸ ਨੂੰ ਸਿੱਖ ਸੱਭਿਆਚਾਰ ਦੀਆਂ ਕਦਰਾਂ ਕੀਮਤਾਂ ਦਾ ਕੋਈ ਗਿਆਨ ਨਹੀਂ। ਕੇਜਰੀਵਾਲ ਜਿੰਨਾ ਚਿਰ ਪੰਜਾਬ ਦੀ ਸਥਾਨਕ ਲੀਡਰਸ਼ਿਪ ਨੂੰ ਮਾਨ ਸਨਮਾਨ ਨਹੀਂ ਦਿੰਦਾ, ਉਦੋਂ ਤੱਕ ਪੰਜਾਬ ਉਪਰ ਰਾਜ ਕਰਨ ਦਾ ਸੁਪਨਾ ਲੈਣਾ ਛੱਡ ਦੇਵੇ, ਕਿਉਂਕਿ ‘ਪੰਜਾਬ ਜਿਉਂਦਾ ਗੁਰਾਂ ਦੇ ਨਾਮ ‘ਤੇ।’

ਪੰਜਾਬ ਵਿਚ ਧਾਰਮਿਕ ਗ੍ਰੰਥਾਂ ਦੀ ਬੇਅਦਬੀ ਪਿੱਛੇ ਸਿਆਸੀ ਸਾਜ਼ਿਸ਼

ਮੁੱਖ ਮੰਤਰੀ ਪੰਜਾਬ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਆਪਣੇ ਸੰਗਤ ਦਰਸ਼ਨਾਂ ਮੌਕੇ ਇਨ੍ਹੀ ਦਿਨੀਂ ਇਕੋ ਰਾਗ ਅਲਾਪ ਰਹੇ ਹਨ ਕਿ ਸੂਬੇ ਵਿਚ ਆਪਸੀ ਭਾਈਚਾਰਕ ਸਾਂਝ ਨੂੰ ਖਤਮ ਕਰਨ ਦਾ ਯਤਨ ਕਰਨ ਵਾਲਿਆਂ ਨਾਲ ਕਾਨੂੰਨ ਵਲੋਂ ਸਖਤੀ ਸਹਿਤ ਨਜਿੱਠਿਆ ਜਾਵੇਗਾ। ਧਰਮ ਦੇ ਨਾਂ ਉਪਰ ਗੜਬੜ ਕਰਨ ਵਾਲਿਆਂ ਨਾਲ ਕਿਸੇ ਤਰ੍ਹਾਂ ਦੀ ਨਰਮੀ ਨਹੀਂ ਦਿਖਾਈ ਜਾਵੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਹੁਣ ਇਹ ਕਹਿਣਾ ਵੀ ਸ਼ੁਰੂ ਕਰ ਦਿੱਤਾ ਕਿ ਵੱਖ ਵੱਖ ਧਰਮਾਂ ਦੇ ਪਵਿੱਤਰ ਗ੍ਰੰਥਾਂ ਦੀ ਬੇਅਦਬੀ ਦੀਆਂ ਹੁਣ ਤੱਕ ਜੋ ਡੇੜ੍ਹ ਦਰਜਨ ਘਟਨਾਵਾਂ ਵਾਪਰੀਆਂ ਹਨ, ਉਨ੍ਹਾਂ ‘ਚੋਂ 13 ਨੂੰ ਹੱਲ ਕਰ ਲਿਆ ਗਿਆ । ਪੁਲਿਸ ਵਲੋਂ ਹੱਲ ਕੀਤੀਆਂ ਘਟਨਾਵਾਂ ਦਾ ਕੋਈ ਵੇਰਵਾ ਤਾਂ ਕਦੇ ਨਹੀਂ ਦਿੱਤਾ ਗਿਆ। ਪਰ ਬਹੁਤੀਆਂ ਵਾਰਦਾਤਾਂ ਬਾਰੇ ਇਹ ਜ਼ਰੂਰ ਆਖਿਆ ਜਾਂਦਾ ਕਿ ਗੁਰਦੁਆਰੇ ਦੀ ਬਿਜਲੀ ਸ਼ਾਰਟ ਸਰਕਟ ਹੋਣ ਨਾਲ ਇਹ ਅਗਨੀਕਾਂਡ ਵਾਪਰੇ ਜਿਸ ਵਿਚ ਪਵਿੱਤਰ ਸਰੂਪਾਂ ਦਾ ਨੁਕਸਾਨ ਹੋਇਆ। ਇਸੇ ਵਜਾਹ ਕਰਕੇ ਕਿਸੇ ਦੋਸ਼ੀ ਦੀ ਅੱਜ ਤੱਕ ਪਛਾਣ ਨਹੀਂ ਹੋ ਸਕੀ। ਸਰਕਾਰ ਦੇ ਇਸ ਮਜ਼ਾਕੀਆ ਬਿਆਨ ਬਾਰੇ ਸ੍ਰੀ ਅਕਾਲ ਤਖ਼ਤ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਕਈ ਵਾਰ ਵਿਅੰਗ ਕਰ ਚੁੱਕੇ ਹਨ ਕਿ ਬਿਜਲੀ ਦਾ ਸ਼ਾਰਟ ਸਰਕਟ ਹਮੇਸ਼ਾ ਗੁਰਦੁਆਰਿਆਂ ਵਿਚ ਹੀ ਕਿਉਂ ਹੁੰਦਾ । ਉਹ ਵੀ ਪਵਿੱਤਰ ਸਰੂਪਾਂ ਕੋਲ। ਇਸ ਬਾਰੇ ਪੰਜਾਬ ਪੁਲਿਸ ਅਤੇ ਸਰਕਾਰ ਨੇ ਕਦੇ ਕੋਈ ਸਫਾਈ ਨਹੀਂ ਦਿੱਤੀ। ਪਿਛਲੇ ਕੁਝ ਹਫਤਿਆਂ ਤੋਂ ਬੇਅਦਬੀ ਦੀਆਂ ਇਹ ਘਟਨਾਵਾਂ ਵੱਖ ਵੱਖ ਥਾਵਾਂ ‘ਤੇ ਲਗਾਤਾਰ ਹੋ ਰਹੀਆਂ ਹਨ। ਇਸੇ ਹਫਤੇ ਟਾਂਡਾ ਨੇੜਲੇ ਪਿੰਡ ਬਾਬਕ ਵਿਖੇ ਗੁਰਦੁਆਰਾ ਗੁਰੂ ਰਵਿਦਾਸ ਸਾਹਿਬ ਵਿਖੇ ਬਿਜਲੀ ਦੀ ਅੱਗ ਨਾਲ ਦੋ ਪਾਵਨ ਸਰੂਪ ਅਗਨ ਭੇਟ ਹੋ ਗਏ। ਇਸ ਬਾਰੇ ਇਲਾਕੇ ਦੇ ਸ਼੍ਰੋਮਣੀ ਕਮੇਟੀ ਮੈਂਬਰ ਨੇ ਆਖਿਆ ਕਿ ਭਾਵੇਂ ਇਸ ਘਟਨਾ ਲਈ ਬਿਜਲੀ ਦੀ ਅੱਗ ਨੂੰ ਜ਼ੁੰਮੇਵਾਰ ਮੰਨਿਆ ਗਿਆ , ਪਰ ਪੁਲਿਸ ਨੂੰ ਇਸ ਦੀ ਘੋਖਵੀਂ ਜਾਂਚ ਲਈ ਆਖਿਆ ਜਾਵੇਗਾ। ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਹੀ ਨਹੀਂ ਬਲਕਿ ਮੁਸਲਮਾਨਾਂ ਦੇ ਕੁਰਾਨ ਤੋਂ ਇਲਾਵਾ ਮਸੀਹ ਭਾਈਚਾਰੇ ਨੂੰ ਵੀ ਸਾਜ਼ਿਸ਼ੀਆਂ ਨੇ ਆਪਣੇ ਨਿਸ਼ਾਨੇ ‘ਤੇ ਲੈ ਲਿਆ । ਜਗਰਾਉਂ ਵਿਖੇ ਇਕ ਗਿਰਜੇ ਵਿਚ ਪ੍ਰਭੂ ਯਸੂ ਮਸੀਹ ਅਤੇ ਮਰੀਅਮ ਦੀਆਂ ਤਸਵੀਰਾਂ ਉਪਰ ਚੱਪਲਾਂ ਰੱਖ ਕੇ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਸੱਟ ਮਾਰੀ ਗਈ । ਇਸ ਬੇਅਦਬੀ ਵਿਰੁੱਧ ਈਸਾਈ ਭਾਈਚਾਰੇ ਨੇ ਸ਼ਹਿਰ ਵਿਚ ਰੋਸ ਮਾਰਚ ਕੀਤਾ ਤੇ ਦੋਸ਼ੀਆਂ ਦੀ ਪਛਾਣ ਕਰਨ ਵਿਚ ਨਾਕਾਮ ਹੋਈ ਪੁਲਿਸ ਨੂੰ ਲਾਅਣਤ ਪਾਈ। ਪਿਛਲੇ ਸਾਲ ਸਰਬੱਤ ਖਾਲਸਾ ਵਲੋਂ ਚੁਣੇ ਗਏ ਜਥੇਦਾਰਾਂ ਨੇ ਵੀ ਬੇਅਦਬੀ ਦੀਆਂ ਘਟਨਾਵਾਂ ਵਿਰੁੱਧ ਪੰਜਾਬ ਭਰ ਵਿਚ ਮਾਰਚ ਕਰਨ ਦਾ ਫੈਸਲਾ ਕੀਤਾ । ਅਗਸਤ 16 ਤੋਂ ਸ਼ੁਰੂ ਹੋਇਆ ਇਹ ਰੋਸ ਮਾਰਚ ਪੰਜਾਬ ਦੇ 22 ਜ਼ਿਲਿਆਂ ਵਿਚ ਸਰਕਾਰ ਦੀ ਅਸਫਲਤਾ ਵਿਰੁੱਧ ਪ੍ਰਚਾਰ ਕਰਦਾ ਹੋਇਆ 15 ਸਤੰਬਰ ਨੂੰ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਸਮਾਪਤ ਹੋਵੇਗਾ। ਸਰਕਾਰ ਵਿਰੁੱਧ ਪ੍ਰਚਾਰ ਕਰਨ ਵਾਲੇ ਜਥੇਦਾਰਾਂ ਦੇ ਇਸ ਰੋਸ ਮਾਰਚ ਨੂੰ ਸਰਕਾਰ ਵਲੋਂ ਰੋਕੇ ਜਾਣ ਦਾ ਖਦਸ਼ਾ । ਪਰ ਸਾਡੀ ਰਾਇ ਕਿ ਵਿਧਾਨ ਸਭਾ ਚੋਣਾ ਵਿਚ ਵੋਟਾਂ ਹਾਸਲ ਰਕਨ ਦੀ ਘਟੀਆ ਸੋਚ ਦਾ ਇਹ ਨੀਚ ਕੰਮ ਸਰਕਾਰੀ ਸਾਜ਼ਿਸ਼ ਦਾ ਇਕ ਹਿੱਸਾ । ਜੇ ਆਉਂਦੇ ਦਿਨਾਂ ‘ਚ ਸਰਕਾਰ ਇਸ ਸਾਜ਼ਿਸ਼ ਨੂੰ ਨਾਕਾਮ ਨਾ ਕਰ ਸਕੀ ਤਾਂ ਪੰਜਾਬ ਲਈ ਬਹੁਤ ਮੰਦਭਾਗਾ ਹੋਵੇਗਾ ਜਿਸ ਦੇ ਨਤੀਜਿਆਂ ਤੋਂ ਪੰਜਾਬ ਸਰਕਾਰ ਬਚ ਨਹੀਂ ਸਕੇਗੀ।

ਭਾਰਤ ਨੂੰ ਹਿੰਦੂ ਰਾਸ਼ਟਰ ਬਣਾਉਣ ਦਾ ਮੋਦੀ ਦਾ ਸੁਪਨਾ ਸਾਕਾਰ ਨਹੀਂ ਹੋਵੇਗਾ

ਭਾਰਤ ਦੀ ਮੋਦੀ ਸਰਕਾਰ ਵਲੋਂ ਮੁਲਕ ਵਿਚ ਹਿੰਦੂਵਾਦ ਦੇ ਬੜ੍ਹਾਵੇ ਲਈ ਜੋ ਨੀਤੀ ਬਣਾਈ ਗਈ , ਉਸ ਨੂੰ ਕਾਮਯਾਬੀ ਨਾਲ ਆਪਣੀ ਮੰਜ਼ਿਲ ਤੱਕ ਪਹੁੰਚਾਉਣ ਲਈ ਜਿਹੜਾ ਵਿਸ਼ੇਸ਼ ਵਿੰਗ ਇਸ਼ ਕੰਮ ਦੀ ਕਾਰਗੁਜ਼ਾਰੀ ਲਈ ਜ਼ੁੰਮੇਵਾਰ , ਉਸ ਦਾ ਪਹਿਲਾ ਅਤੇ ਅਹਿਮ ਕੰਮ ਇਹ ਕਿ ਜਿਹੜੀ ਵੀ ਕੋਈ ਧਿਰ ਉਨ੍ਹਾਂ ਦੇ ਰਾਹ ਦਾ ਰੋੜਾ ਬਣਦੀ , ਉਸ ਨਾਲ ਨਜਿੱਠਣ ਲਈ ਵਿਸ਼ੇਸ਼ ਰਣਨੀਤੀ ਤਿਆਰ ਕੀਤੀ ਜਾਵੇ। ਹਿੰਦੂਵਾਦ ਦੇ ਪ੍ਰਚਾਰ ਤੇ ਉਸ ਦੇ ਪ੍ਰਸਾਰ ਵਿਚ ਵਾਧੇ ਨੂੰ ਰੋਕਣ ਲਈ ਸਭ ਤੋਂ ਵੱਧ ਮੁਸਲਮਾਨਾਂ, ਸਿੱਖਾਂ ਅਤੇ ਰਵਿਦਾਸੀਆਂ ਨੂੰ ਜ਼ੁੰਮੇਵਾਰ ਮੰਨਿਆ ਜਾ ਰਿਹਾ । ਮੋਦੀ ਦੇ ਗੁਪਤ ਇੰਟੈਲੀਜੈਂਸ ਵਿੰਗ ਨੇ ਇਨ੍ਹਾਂ ਤਿੰਨਾਂ ਨਾਲ ਹੀ ਕਰਾਰੇ ਹੱਥੀਂ ਨਜਿੱਠਣ ਲਈ ਜੋ ਪਲਾਨ ਤਿਆਰ ਕੀਤਾ ਗਿਆ , ਉਸ ਸਿਲਸਿਲੇ ਵਿਚ ਜਿਥੇ ਦੇਸ਼ ਦੇ ਅੰਦਰ ਵਸਦੇ ਮੁਸਲਮਾਨਾਂ ਨੂੰ ਦਹਿਸ਼ਤਵਾਦ ਦਾ ਡੰਡਾ ਦਿਖਾ ਕੇ ਭੈਭੀਤ ਕੀਤਾ ਗਿਆ, ਉਥੇ ਮੁਸਲਮਾਨਾਂ ਦੇ ਗੜ੍ਹ ਰਿਆਸਤ ਜੰਮੂ–ਕਸ਼ਮੀਰ ਵਿਚ ਇਨ੍ਹੀਂ ਦਿਨੀਂ ਜ਼ੁਲਮ ਅਤੇ ਤਸ਼ੱਦਦ ਵਿਚ ਹਜ਼ਾਰਾਂ ਨਿਰਦੋਸ਼ ਨੌਜਵਾਨਾਂ ਦਾ ਘਾਣ ਕੀਤਾ ਜਾ ਰਿਹਾ । ਇਸ ਕੰਮ ਲਈ ਹਜ਼ਾਰਾਂ ਦੀ ਗਿਣਤੀ ਵਿਚ ਵਾਧੂ ਫੌਜ ਉਥੇ ਭੇਜੀ ਗਈ ਜਿਸ ਨੂੰ ਗੋਲੀ ਚਲਾਉਣ ਦਾ ਅਜਿਹਾ ਹੁਕਮ ਜਿਸ ਦੇ ਲਈ ਕਿਸੇ ਪਾਸੋਂ ਇਜਾਜ਼ਤ ਲੈਣ ਦੀ ਲੋੜ ਨਹੀਂ। ਸਾਡੀ ਇਕ ਵਿਸ਼ੇਸ਼ ਪ੍ਰਤੀਨਿਧ ਪੱਤਰਕਾਰ ਬੀਬੀ ਨੇ ਰਿਆਸਤ ਦੇ ਆਪਣੇ ਦੌਰੇ ਦੌਰਾਨ ਭਾਰਤੀ ਫੌਜ ਦੀਆਂ ਅਜਿਹੀਆਂ ਦੁਰਘਟਨਾਵਾਂ ਦੇਖੀਆਂ ਸੁਣੀਆਂ ਜੋ ਸੰਨ 84 ਵਿਚ ਪੰਜਾਬ ਦੇ ਨੀਲੇ ਸਾਕੇ ਨੂੰ ਵੀ ਸ਼ਰਮਸਾਰ ਕਰਦੀਆਂ ਹਨ। ਫੌਜੀ ਜਵਾਨ ਤਲਾਸ਼ੀ ਦੇ ਬਹਾਨੇ ਘਰਾਂ ਵਿਚ ਦਾਖਲ ਹੋ ਕੇ ਔਰਤਾਂ ਦੀ ਪੱਤ ਲੁੱਟਣ ਅਤੇ ਨੌਜਵਾਨ ਮਰਦਾਂ ਨੂੰ ਗੋਲੀਆਂ ਨਾਲ ਭੁੰਨਣ ਦਾ ਆਪਣਾ ਸ਼ੌਕ ਪੂਰਾ ਕਰਦੇ ਹਨ। ਮੁਸਲਮਾਨਾਂ ਨੂੰ ਬਦਨਾਮ ਕਰਨ ਦੇ ਮੰਤਵ ਨਾਲ ਪਿਛਲੇ ਦਿਨੀਂ ਇਕ ਅਫਵਾਹ ਇਹ ਉਡਾਈ ਗਈ ਕਿ ਜਿਸ ਤਰ੍ਹਾਂ ਕਸ਼ਮੀਰੀ ਪੰਡਤਾਂ ਨੂੰ ਵਾਦੀ ਵਿਚੋਂ ਕੱਢਿਆ ਗਿਆ ਸੀ, ਉਸੇ ਤਰ੍ਹਾਂ ਸਿੱਖਾਂ ਨੂੰ ਵੀ ਉਥੋਂ ਨਿਕਲ ਜਾਣ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਇਸ ਬਾਰੇ ਸਿੱਖ ਆਗੂਆਂ ਨੇ ਜਾਂਚ ਕੀਤੀ ਤਾਂ ਇਹ ਅਫਵਾਹ ਗਲਤ ਨਿਕਲੀ। ਦਰਅਸਲ ਮੋਦੀ ਦੀਆਂ ਝੂਠੀਆਂ ਅਫਵਾਹਾਂ ਫੈਲਾਉਣ ਵਾਲੀ ਟੀਮ ਦਾ ਮੁੱਖ ਮੰਤਵ ਸਿੱਖਾਂ ਅਤੇ ਮੁਸਲਮਾਨਾਂ ਵਿਚ ਗਲਤਫਹਿਮੀ ਪੈਦਾ ਕਰਕੇ ਦੋਹਾਂ ਰਾਜਾਂ ਦੇ ਲੋਕਾਂ ਨੂੰ ਇਕ ਦੂਜੇ ਦੇ ਦੁਸ਼ਮਣ ਬਣਾਉਣਾ ਸੀ ਜਿਸ ਨਾਲ ਭਾਰਤ ਸਰਕਾਰ ਦਾ ਕੰਮ ਆਸਾਨ ਹੋ ਜਾਂਦਾ। ਇਸ ਵੇਲੇ ਕਸ਼ਮੀਰ ਘਾਟੀ ਵਿਚ ਹਾਲਾਤ ਬਹੁਤ ਤਣਾਅ ਵਾਲੇ ਹਨ। ਪਿਛਲੇ ਦੋ ਮਹੀਨੇ ਦੀ ਹੜਤਾਲ ਨੇ ਉਥੋਂ ਦੇ ਆਮ ਲੋਕਾਂ ਨੂੰ ਭੁੱਖਮਰੀ ਦੇ ਕੰਢੇ ਪਹੁੰਚਾ ਦਿੱਤਾ । ਅਜਿਹੀ ਮੰਦੀ ਹਾਲਤ ਤੋਂ ਛੁਟਕਾਰੇ ਲਈ ਭਾਰਤ ਸਰਕਾਰ ਵਲੋਂ ਅੰਦਰਖਾਤੇ ਕਸ਼ਮੀਰ ਦੇ ਵੱਖਵਾਦੀ ਆਗੂਆਂ ਨੂੰ ਗੱਲਬਾਤ ਦੀ ਪੇਸ਼ਕਸ਼ ਵੀ ਕੀਤੀ ਗਈ । ਪਰ ਕਸ਼ਮੀਰੀਆਂ ਦੀ ਮੰਗ ਕਿ ਪਹਿਲਾਂ ਭਾਰਤੀ ਫੌਜਾਂ ਨੂੰ ਰਿਆਸਤ ‘ਚੋਂ ਵਾਪਸ ਮੰਗਵਾਓ, ਗੱਲਬਾਤ ਫਿਰ ਹੋਵੇਗੀ। ਅਸੀਂ ਸਮਝਦੇ ਹਾਂ ਕਿ ਅਜਿਹੀ ਗੱਲਬਾਤ ਹੋ ਵੀ ਜਾਵੇ ਤਾਂ ਇਸ ਦਾ ਸਿੱਟਾ ਜ਼ੀਰੋ ਹੋਵੇਗਾ। ਦਰਅਸਲ ਕਸ਼ਮੀਰ ਦਾ ਝਗੜਾ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ , ਇਸ ਦਾ ਫੈਸਲਾ ਦੋਹਾਂ ਮੁਲਕਾਂ ਵਿਚਕਾਰ ਚੌਥੀ ਜੰਗ ਹੀ ਕਰੇਗੀ। ਕਸ਼ਮੀਰੀ ਮੁਸਲਮਾਨਾਂ ਵਾਂਗ ਪੰਜਾਬ ਦੇ ਸਿੱਖ ਵੀ ਅਜਿਹੀ ਹਾਲਤ ਦਾ ਸਾਹਮਣਾ ਕਰ ਰਹੇ ਹਨ। ਉਥੇ ਜਦੋਂ ਵੀ ਕੋਈ ਘਟਨਾ ਵਾਪਰ ਜਾਂਦੀ , ਉਸ ਦੇ ਲਈ ਸਿੱਖਾਂ ਨੂੰ ਜ਼ੁੰਮੇਵਾਰ ਸਮਝਦਿਆਂ ਤਸ਼ੱਦਦ ਦੀ ਲਹਿਰ ਸ਼ੁਰੂ ਹੋ ਜਾਂਦੀ । ਅਗਲੇ ਸਾਲ ਯੂੰਪੀੰ ਦੀਆਂ ਚੋਣਾ ਵਿਚ ਦਲਿਤ ਵੋਟਰਾਂ ਨੂੰ ਭੈਭੀਤ ਕਰਨ ਲਈ ਗਊ ਰੱਖਿਆ ਦਾ ਪੱਤਾ ਖੇਡਿਆ ਜਾ ਰਿਹਾ । ਅਜਿਹੇ ਜ਼ੁਲਮ ਤਸ਼ੱਦਦ ਦੇ ਵਿਰੁੱਧ ਇਸ ਵਾਰ ਸਿੱਖਾਂ ਅਤੇ ਮੁਸਲਮਾਨਾਂ ਦੋਹਾਂ ਨੇ ਆਜ਼ਾਦੀ ਦਿਵਸ 15 ਅਗਸਤ ਨੂੰ ਕਾਲੇ ਦਿਵਸ ਵਜੋਂ ਮਨਾਇਆ । ਸਾਡੀ ਰਾਇ ਕਿ ਮੋਦੀ ਨੂੰ ਇਹ ਸੁਪਨਾ ਤਿਆਗ ਦੇਣਾ ਚਾਹੀਦਾ ਕਿ ਉਹ ਭਾਰਤ ਨੂੰ ਹਿੰਦੂ ਰਾਸ਼ਟਰ ਵਿਚ ਤਬਦੀਲ ਕਰ ਲਵੇਗਾ। ਇਹ ਸੁਪਨਾ ਉਸ ਨੂੰ ਮੁਲਕ ਦੀ ਤਬਾਹੀ ਵੱਲ ਲੈ ਜਾਵੇਗਾ

ਨਰਿੰਦਰ ਮੋਦੀ ਨੂੰ ਤਾਨਾਸ਼ਾਹ ਬਣਨ ਤੋਂ ਗੁਰੇਜ਼ ਕਰਨਾ ਚਾਹੀਦੈ !

ਭਾਰਤ ਦੀ ਸਿਆਸਤ ਵਿਚ, ਖਾਸ ਤੌਰ ‘ਤੇ ਮੋਦੀ ਦੀ ਅਗਵਾਈ ਹੇਠਲੀ ਹਕੂਮਤ ਕਾਇਮ ਹੋਣ ਤੋਂ ਬਾਅਦ ਇਨਸਾਨੀਅਤ ਦੀਆਂ ਕਦਰਾਂ ਕੀਮਤਾਂ ਵਿਚ ਜਿਸ ਤਰ੍ਹਾਂ ਦਾ ਨਿਘਾਰ ਆਇਆ , ਉਸ ਨੇ ਦੇਸ਼ ਭਗਤੀ ਦੇ ਅਰਥ ਹੀ ਬਦਲ ਦਿੱਤੇ ਹਨ। ਮੁਲਕ ਦੀ ਆਜ਼ਾਦੀ ਤੋਂ ਬਾਅਦ ਨਵੇਂ ਬਣੇ ਹਿੰਦੂ ਹਾਕਮਾਂ ਨੇ ਫਿਰਕਾਪ੍ਰਸਤੀ ਦਾ ਵਿਖਾਵਾ ਕਰਦਿਆਂ ਸਿੱਖਾਂ ਦੇ ਰਾਹ ਵਿਚ ਕੰਡੇ ਬੀਜਣੇ ਸ਼ੁਰੂ ਕੀਤੇ ਤਾਂ ਇਨ੍ਹਾਂ ਦੁਸ਼ਵਾਰੀਆਂ ਦਾ ਟਾਕਰਾ ਕਰਦਿਆਂ ਸਿੱਖਾਂ ਦੇ ਮਹਾਨ ਲੀਡਰ ਮਾਸਟਰ ਤਾਰਾ ਸਿੰਘ ਨੇ ਕੌਮ ਨੂੰ ਧਰਵਾਸ ਦੇਣ ਲਈ ਪ੍ਰਣ ਕੀਤਾ–”ਮੈਂ ਮਰਾਂ, ਪਰ ਪੰਥ ਜੀਵੇ।” ਆਪਣੇ ਲੀਡਰ ਦੇ ਅਜਿਹੇ ਸੰਕਲਪ ਨੂੰ ਧਾਰਨ ਕਰਦਿਆਂ ਪੰਜਾਬੀ ਸੂਬੇ ਦੇ ਮੋਰਚੇ ਵਿਚ 50 ਹਜ਼ਾਰ ਸਿੱਖਾਂ ਨੇ ਗ੍ਰਿਫਤਾਰੀਆਂ ਦੇ ਕੇ ਸਟੇਟ ਦੀਆਂ ਸਾਰੀਆਂ ਜੇਹਲਾਂ ਭਰ ਦਿੱਤੀਆਂ। ਦੇਸ ਦੀ ਆਜ਼ਾਦੀ ਲਈ ਸੀਸ ਦੇਣ ਵਾਲੇ ਭਗਤ ਸਿੰਘ ਵਰਗੇ ਸ਼ਹੀਦਾਂ ਨੇ ਇਹ ਸੁਪਨਾ ਲਿਆ ਸੀ ਕਿ ਫਿਰੰਗੀਆਂ ਦੇ ਚਲੇ ਜਾਣ ਪਿੱਛੋਂ ਦੇਸ਼ ਦੀ ਆਜ਼ਾਦੀ ਸਿੱਖਾਂ ਵਰਗੀਆਂ ਦੇਸ਼ ਭਗਤ ਕੌਮਾਂ ਦੇ ਹੱਥਾਂ ਵਿਚ ਮਹਿਫੂਜ਼ ਰਹੇਗੀ। ਪਰ ਅਫਸੋਸ ਸ਼ਹੀਦਾਂ ਦਾ ਇਹ ਸੁਪਨਾ ਪੂਰਾ ਨਾ ਹੋ ਸਕਿਆ। ਆਜ਼ਾਦੀ ਤੋਂ ਬਾਅਦ ਪਿਛਲੇ ਸੱਤ ਦਹਾਕਿਆਂ ਦੇ ਸਫਰ ਦੌਰਾਨ ਸਿਆਸਤ ਵਿਚ ਇੰਨਾ ਨੀਵਾਂਪਣ ਦੇਖ ਕੇ ਹਰੇਕ ਦੇਸ਼ ਵਾਸੀ ਇੰਨਾ ਬਦਕਿਸਮਤ ਅਤੇ ਕਮਜ਼ੋਰ ਮਹਿਸੂਸ ਕਰਦਾ ਕਿ ਬਹੁਤਿਆਂ ਦੀ ਜ਼ਿੰਦਗੀ ਦੀ ਡੋਰ ਉਨ੍ਹਾਂ ਦੇ ਹੱਥਾਂ ‘ਚੋਂ ਖਿਸਕਦੀ ਜਾ ਰਹੀ । ਮੌਜੂਦਾ ਰਾਜ ਪ੍ਰਬੰਧ ਵਿਚ ਅਮੀਰ ਅਤੇ ਗਰੀਬ ਵਿਚਕਾਰ ਆਰਥਿਕ ਪਾੜਾ ਇੰਨਾ ਵੱਧ ਗਿਆ ਕਿ ਪੰਜ ਮੈਂਬਰੀ ਟੱਬਰ ਦੀ ਪਾਲਣਾ ਕਰਨ ਵਾਲੇ ਇਕ ਸਾਧਾਰਨ ਸ਼ਖ਼ਸ ਲਈ ਮੌਤ ਨੂੰ ਆਪਣੇ ਗਲ ਨਾਲ ਲਾਉਣ ਤੋਂ ਬਿਨਾ ਹੋਰ ਕੋਈ ਰਾਹ ਬਾਕੀ ਨਹੀਂ ਰਹਿ ਜਾਂਦਾ। ਇਕ ਗਰੀਬ ਅਤੇ ਪਛੜੇ ਹੋਏ ਸਮਾਜ ਦੇ ਹਰੇਕ ਪਰਿਵਾਰ ਨੂੰ, ਬਾਹਰੋਂ ਲਿਆਂਦੇ ਕਾਲੇ ਧਨ ‘ਚੋਂ 15 ਲੱਖ ਰੁਪੈ ਦੇਣ ਦਾ ਵਾਅਦਾ ਕਰਕੇ ਚੋਣਾ ਜਿੱਤਣ ਵਾਲੀ ਪਾਰਟੀ ਦਾ ਪ੍ਰਧਾਨ ਹੁਣ ਪੂਰੀ ਬੇਸ਼ਰਮੀ ਅਤੇ ਢੀਠਤਾਈ ਨਾਲ ਜਵਾਬ ਦੇ ਰਿਹਾ ਕਿ ਉਹ ਤਾਂ ਸਿਰਫ ਇਕ ਚੋਣ ਜੁਮਲਾ ਸੀ ਜੋ ਸਿਰਫ ਸਿਆਸੀ ਬਿਆਨਬਾਜ਼ੀ ਵਿਚ ਹੀ ਫੱਬਦਾ । ਅਜਿਹੇ ਝੂਠ ਅਤੇ ਪਾਖੰਡ ਦਾ ਟਾਕਰਾ ਕਰਨ ਲਈ ਮੁਲਕ ਵਿਚ ‘ਆਮ ਆਦਮੀ ਪਾਰਟੀ’ ਦੀ ਸਥਾਪਨਾ ਹੋਈ ਜਿਸ ਨੂੰ ਸਰਕਾਰੀ ਬਦਨੀਤੀਆਂ ਤੋਂ ਦੁਖੀ ਹੋਏ ਲੋਕਾਂ ਨੇ ਇੰਨਾ ਭਰਵਾਂ ਹੁੰਗਾਰਾ ਦਿੱਤਾ ਕਿ ਪਹਿਲੇ ਹੱਲੇ ਵਿਚ ਹੀ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਨਵੀਂ ਪਾਰਟੀ ਦੀ ਸਰਕਾਰ ਬਣਾ ਦਿੱਤੀ। ਜਿੱਤ ਵੀ ਇੰਨੀ ਸ਼ਾਨਦਾਰ ਅਤੇ ਮਿਸਾਲੀ ਕਿ ਪ੍ਰਧਾਨ ਮੰਤਰੀ ਅਤੇ ਉਸ ਦੀ ਸਾਰੀ ਕੈਬਨਿਟ ਦੇ ਸਰਕਾਰੀ ਸਾਧਨਾਂ ਦੀ ਵਰਤੋਂ ਦੇ ਬਾਵਜੂਦ 70 ਵਿਚੋਂ 67 ਸੀਟਾਂ ਹਾਸਲ ਕਰਕੇ ਅਰਵਿੰਦ ਕੇਜਰੀਵਾਲ ਦੀ ਅਗਵਾਈ ਹੇਠ ਸਰਕਾਰ ਬਣਾ ਲਈ। ਇਸ ਕਾਮਯਾਬੀ ਤੋਂ ਉਤਸਾਹਿਤ ਹੋਈ ਆਪ ਨੇ ਹੁਣ ਪੰਜਾਬ ਨੂੰ ਜਿੱਤਣ ਲਈ ਕਮਰਕੱਸੇ ਕਰ ਲਏ ਹਨ ਜਿਥੇ ਲੋਕ ਨਸ਼ਿਆਂ, ਬੇਰੋਜ਼ਗਾਰੀ ਅਤੇ ਭਰਿਸ਼ਟਾਚਾਰ ਦਾ ਸਾਹਮਣਾ ਕਰ ਰਹੇ ਹਨ। ਇਨ੍ਹਾਂ ਲਾਅਣਤਾਂ ਤੋਂ ਛੁਟਕਾਰੇ ਲਈ ਪੰਜਾਬ ਦੇ ਲੋਕ ‘ਆਪ’ ਨਾਲ ਜੁੜ ਰਹੇ ਹਨ। ਲੋਕਾਂ ਦਾ ਅਜਿਹਾ ਬੇਮਿਸਾਲ ਹੁੰਗਾਰਾ ਸਥਾਪਤ ਧਿਰਾਂ ਨੂੰ ਹਜ਼ਮ ਨਹੀਂ ਹੋ ਰਿਹਾ। ਇਸ ਵੇਲੇ ਪੰਜਾਬ ਦੀ ਸਾਰੀ ਸਿਆਸੀ ਤਾਕਤ ‘ਆਪ’ ਨੂੰ ਸ਼ਕਤੀਹੀਣ ਕਰਨ ਵਿਚ ਲੱਗੀ ਹੋਈ । ਦਿੱਲੀ ਅਸੰਬਲੀ ਵਿਚ ‘ਆਪ’ ਦੇ ਵਿਧਾਇਕਾਂ ਦੀਆਂ ਝੂਠੇ ਮੁਕੱਦਮਿਆਂ ਵਿਚ ਗ੍ਰਿਫਤਾਰੀਆਂ ਹੋ ਰਹੀਆਂ ਹਨ। ਪਾਰਟੀ ਦੇ ਮੈਂਬਰ ਪਾਰਲੀਮੈਂਟ ਭਗਵੰਤ ਮਾਨ ਦੀ ਇਕ ਗਲਤੀ, ਜਿਸ ਦੀ ਉਸ ਨੇ ਮੁਆਫੀ ਵੀ ਮੰਗ ਲਈ , ਨੂੰ ਲੈ ਕੇ ਉਸ ਨੂੰ ਮੈਂਬਰੀ ਤੋਂ ਬਰਖ਼ਾਸਤ ਕਰਨ ਦੀਆਂ ਤਿਆਰੀਆਂ ਹੋ ਰਹੀਆਂ ਹਨ। ਪਾਰਟੀ ਨੂੰ ਪੂਰੀ ਤਰ੍ਹਾਂ ਬਦਨਾਮ ਕਰਨ ਲਈ ਅਜਿਹਾ ਮਾਹੌਲ ਸਿਰਜਿਆ ਗਿਆ ਜਿਸ ਨਾਲ ਨਜਿੱਠਦਿਆਂ ਪਾਰਟੀ ਦੇ ਕਨਵੀਨਰ ਕੇਜਰੀਵਾਲ ਵਿਰੁੱਧ ਜਲਸੇ ਜਲੂਸਾਂ ਦੀ ਮੁਹਿੰਮ ਸ਼ੁਰੂ ਹੋ ਗਈ । ਮੁਲਕ ਦੇ ਸਾਰੇ ਸੂਬਿਆਂ ਦੇ ਮੁੱਖ ਮੰਤਰੀ ਸੰਵਿਧਾਨ ਵਿਚ ਮਿਲੇ ਅਖ਼ਤਿਆਰਾਂ ਅਨੁਸਾਰ ਹਕੂਮਤਾਂ ਕਰ ਰਹੇ ਹਨ। ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਉਨ੍ਹਾਂ ਦੇ ਅਧੀਨ । ਪਰ ਦਿੱਲੀ ਦੀ ਸਟੇਟ ਸਰਕਾਰ ਕੋਲ ਆਪਣੀ ਮਰਜ਼ੀ ਨਾਲ ਕੰਮ ਕਰਨ ਲਈ ਕੋਈ ਅਖ਼ਤਿਆਰ ਨਹੀਂ। ਪੁਲਿਸ ਪ੍ਰਸ਼ਾਸਨ ਕੇਂਦਰੀ ਸਰਕਾਰ ਦੇ ਅਧੀਨ ਜਿਸ ਦਾ ਇਕ ਸਿਪਾਹੀ ਵੀ ਮੰਤਰੀ ਨੂੰ ਹੱਥਕੜੀ ਲਾ ਕੇ ਥਾਣੇ ਲੈ ਜਾ ਸਕਦਾ । ਇਸੇ ਹਫਤੇ ‘ਆਪ’ ਵਜ਼ਾਰਤ ਦੇ ਦੋ ਵਿਧਾਇਕਾਂ ਨਰੇਸ਼ ਯਾਦਵ ਅਤੇ ਅਮਾਨਤੁਲਾ ਖਾਂ ਨਾਲ ਇਸੇ ਤਰ੍ਹਾਂ ਹੋਇਆ । ਨਰੇਸ਼ ਯਾਦਵ ਨੂੰ ਤਾਂ ਬਿਲਕੁਲ ਹੀ ਹਾਸੋਹੀਣਾ ਬਹਾਨਾ ਬਣਾ ਕੇ ਗ੍ਰਿਫਤਾਰ ਕੀਤਾ ਗਿਆ। ਬਘਿਆੜ ਅਤੇ ਬੱਕਰੀ ਦੇ ਲੇਲਿਆਂ ਦੀ ਕਹਾਣੀ ਅਨੁਸਾਰ ਮਾਲੇਰਕੋਟਲਾ ਬੇਅਦਬੀ ਕਾਂਡ ਵਿਚ ਦੋ ਬੰਦਿਆਂ ਨੂੰ ਫੜ ਕੇ ਇਕ ਪਾਸੋਂ ਧੱਕੇ ਨਾਲ ਇਹ ਬਿਆਨ ਦੁਆ ਦਿੱਤਾ ਕਿ ਬੇਅਦਬੀ ਕਰਨ ਲਈ ਨਰੇਸ਼ ਯਾਦਵ ਨੇ ਉਕਸਾਇਆ ਸੀ। ਕੁਝ ਹੋਰ ਵਿਧਾਇਕਾਂ ਵਿਰੁੱਧ ਔਰਤਾਂ ਪਾਸੋਂ ਛੇੜਖਾਨੀ ਦੀਆਂ ਸ਼ਿਕਾਇਤਾਂ ਲੈ ਕੇ ਮੁਕੱਦਮੇ ਦਰਜ ਕੀਤੇ ਗਏ ਹਨ। ਪਿਛਲੇ 13 ਮਹੀਨਿਆਂ ਵਿਚ 10 ਵਿਧਾਇਕਾਂ ਵਿਰੁੱਧ ਝੂਠੇ ਮੁਕੱਦਮੇ ਦਰਜ ਕਰਕੇ ਉਨ੍ਹਾਂ ਦੀ ਮੈਂਬਰਸ਼ਿੱਪ ਖਤਮ ਕਰਨ ਦੀ ਵਿਉਂਤ । ਉਨ੍ਹਾਂ 21 ਵਿਧਾਇਕਾਂ ਦਾ ਕੇਸ ਅਦਾਲਤ ਵਿਚ ਜਿਨ੍ਹਾਂ ਨੂੰ ਰਾਸ਼ਟਰਪਤੀ ਦੀ ਮਨਜ਼ੂਰੀ ਤੋਂ ਬਿਨਾ ਪਾਰਲੀਮੈਂਟਰੀ ਸੈਕਟਰੀ ਬਣਾਉਣ ਦਾ ਦੋਸ਼ੀ ਬਣਾਇਆ ਗਿਆ । ਸ਼ੱਕ ਕੀਤਾ ਜਾ ਰਿਹਾ ਕਿ ਉਨ੍ਹਾਂ ਨੂੰ ਵੀ ਮੈਂਬਰੀ ਤੋਂ ਖਾਰਜ ਕੀਤਾ ਜਾ ਸਕਦਾ । ਮੋਦੀ ਦੀ ਅਜਿਹੀ ਕਾਰਵਾਈ ਸਰਾਸਰ ਲੋਕਤੰਤਰ ਦਾ ਘਾਣ । ਉਹ ਹਰ ਹਾਲਤ ਵਿਚ ਦਿੱਲੀ ਦੀ ਵਾਗਡੋਰ ਭਾਜਪਾ ਦੇ ਸਪੁਰਦ ਦੇਖਣਾ ਚਾਹੁੰਦਾ । ਪਰ ਉਸ ਦੀ ਅਜਿਹੀ ਤਾਨਾਸ਼ਾਹੀ ਦਾ ਵੋਟਰਾਂ ਉਪਰ ਉਲਟਾ ਅਸਰ ਪਵੇਗਾ। ਅਗਲੇ ਸਾਲ ਪੰਜਾਬ, ਯੂੰਪੀੰ ਅਤੇ ਗੁਜਰਾਤ ਵਿਚ ਚੋਣਾ ਹੋ ਰਹੀਆਂ ਹਨ। ਇਨ੍ਹਾਂ ਤਿੰਨਾਂ ਹੀ ਸੂਬਿਆਂ ਵਿਚ ‘ਆਪ’ ਸਰਗਰਮ ਹੋ ਰਹੀ । ਪੰਜਾਬ ਵਿਚ ਤਾਂ ਅਕਾਲੀ ਦਲ ਨੂੰ ਵੀ ਇਸ ਦਾ ਸੇਕ ਲੱਗ ਸਕਦਾ । ਵੋਟਰਾਂ ਵਿਚ ਅਜਿਹੀ ਬੇਇਨਸਾਫੀ ਦਾ ਤਿੱਖਾ ਰੋਹ । ਪੰਜਾਬ ਐਂਡ ਹਰਿਆਣਾ ਬਾਰ ਕੌਂਸਲ ਨੇ ਮੋਦੀ ਦੀ ਅਜਿਹੀ ਨੀਤੀ ਦਾ ਵਿਰੋਧ ਕਰਦਿਆਂ ਦੋ ਦਿਨ ਹੜਤਾਲ ਕੀਤੀ । ਵਕੀਲਾਂ ਦਾ ਕਹਿਣਾ ਕਿ ‘ਆਪ’ ਦੇ ਵਿਧਾਇਕ ਨਰੇਸ਼ ਯਾਦਵ ਜਦ ਪੁਲਿਸ ਨੂੰ ਪੂਰਾ ਸਹਿਯੋਗ ਦੇ ਰਹੇ ਸਨ ਅਤੇ ਉਨ੍ਹਾਂ ਵਿਰੁੱਧ ਕੋਈ ਪੁਖਤਾ ਸਬੂਤ ਨਹੀਂ ਮਿਲਿਆ ਤਾਂ ਉਨ੍ਹਾਂ ਦੀ ਗ੍ਰਿਫਤਾਰੀ ਲੋਕਤੰਤਰ ਦਾ ਘਾਣ । ਇਸ ਸਬੰਧੀ ਜ਼ਿਲਾ ਹੈਡਕਵਾਟਰਾਂ ‘ਤੇ ਧਰਨੇ ਦੇ ਕੇ ਡਿਪਟੀ ਕਮਿਸ਼ਨਰਾਂ ਨੂੰ ਮੰਗ ਪੱਤਰ ਦਿੱਤੇ ਗਏ ਹਨ। ‘ਆਪ’ ਦੇ ਆਗੂ ਆਸ਼ੂਤੋਸ਼ ਦਾ ਕਹਿਣਾ ਕਿ ਪਾਰਟੀ ਦੇ ਵਿਧਾਇਕ ਤੇ ਆਗੂ ਇਨ੍ਹਾਂ ਗ੍ਰਿਫਤਾਰੀਆਂ ਤੋਂ ਡਰਨ ਵਾਲੇ ਨਹੀਂ ਹਨ। ਉਨ੍ਹਾਂ ਨੇ ਮੋਦੀ ਨਾਲ ਇਸ ਜੰਗ ਨੂੰ ਧਰਮ ਯੁੱਧ ਦਾ ਨਾਂ ਦਿੱਤਾ । ਅਸੀਂ ਸਮਝਦੇ ਹਾਂ ਕਿ ‘ਆਪ’ ਵਿਚ ਅਜੇ ਬਹੁਤ ਕਮਜ਼ੋਰੀਆਂ ਹਨ। ਪੰਜਾਬ ਵਿਚ ਇਸ ਦੇ ਸੀਨੀਅਰ ਲੀਡਰ ਅਜਿਹੀ ਤਾਂਘ ਰੱਖਦੇ ਹਨ। ਸੁੱਚਾ ਸਿੰਘ ਛੋਟੇਪੁਰ ਦਾ ਇਸ ਮੰਤਵ ਲਈ ਇਹ ਬਿਆਨ ਮਹੱਤਵਪੂਰਨ ਕਿ ਨਵਜੋਤ ਸਿੰਘ ਸਿੱਧੂ ਕਿਸੇ ਵੀ ਹਾਲਤ ਵਿਚ ਪੰਜਾਬ ਦਾ ਮੁੱਖ ਮੰਤਰੀ ਨਹੀਂ ਬਣ ਸਕਦਾ ਕਿਉਂਕਿ ਉਸਦੇ ਖਿਲਾਫ ਕਤਲ ਦਾ ਮੁਕੱਦਮਾ ਅਜੇ ਵੀ ਚਲਦਾ । ਪਾਰਟੀ ਦੀ ਅਜਿਹੀ ਅੰਦਰੂਨੀ ਖਾਨਾਜੰਗੀ ਟਿਕਟਾਂ ਦੀ ਵੰਡ ਵੇਲੇ ਖੁੱਲ੍ਹ ਕੇ ਸਾਹਮਣੇ ਆਵੇਗੀ। ਖੈਰ ਅਜਿਹੀ ਹਾਲਤ ਹਰੇਕ ਪਾਰਟੀ ਅੰਦਰ ਪੈਦਾ ਹੋਣੀ ਸੁਭਾਵਿਕ ਗੱਲ । ਸਾਡੇ ਵਲੋਂ ਪੇਸ਼ ਕੀਤੇ ਵਿਚਾਰਾਂ ਦਾ ਮੁੱਖ ਮੰਤਵ ਤਾਂ ਮੁਲਕ ਦੇ ਲੋਕਤੰਤਰ ਨੂੰ ਦੁਨੀਆ ਦੇ ਮੁਕਾਬਲੇ ਖੜਾ ਕਰਨਾ । ਅਜੇ ਪਿਛਲੇ ਹੀ ਮਹੀਨੇ ਵਿਸ਼ਵ ਨੇ ਬ੍ਰਤਾਨੀਆ ਦੇ ਲੋਕਤੰਤਰ ਨੂੰ ਦੇਖ ਕੇ ਵਾਹ ਵਾਹ ਕੀਤੀ ਜਿਥੋਂ ਦੇ ਪ੍ਰਧਾਨ ਮੰਤਰੀ ਨੇ ਇਸ ਗੱਲ ਨੂੰ ਲੈ ਕੇ ਤੁਰੰਤ ਅਸਤੀਫਾ ਦੇ ਦਿੱਤਾ ਕਿ ਰਾਏਸ਼ੁਮਾਰੀ ਵਿਚ ਲੋਕਾਂ ਨੇ ਉਸ ਦੇ ਸਟੈਂਡ ਨੂੰ ਨਕਾਰ ਦਿੱਤਾ ਸੀ। ਮੋਦੀ ਜੇ ਸੱਚੇ ਮਨ ਨਾਲ ਦੇਸ਼ ਦੀ ਸੇਵਾ ਕਰਨਾ ਚਾਹੁੰਦਾ ਤਾਂ ਉਸ ਨੂੰ ਪਿਛਲੀ ਸਦੀ ਦੇ ਸੱਤਵੇਂ ਦਹਾਕੇ ਵਿਚ ਇੰਦਰਾ ਗਾਂਧੀ ਦੇ ਹਸ਼ਰ ਨੂੰ ਯਾਦ ਰੱਖਣਾ ਚਾਹੀਦਾ ਜਿਸ ਨੇ ਤਾਨਾਸ਼ਾਹ ਬਣ ਕੇ ਮੁਲਕ ਵਿਚ ਰਾਜ ਕਰਨ ਦਾ ਸੁਪਨਾ ਲਿਆ ਸੀ।

ਗੁਰਬਖ਼ਸ਼ ਸਿੰਘ ਵਿਰਕ

Powered By Indic IME