NEWS

ਸ਼ਰਾਬਣ ਨੌਜਵਾਨ ਲੜਕੀ ਨਾਲ ਬਲਾਤਕਾਰ ਅਤੇ ਦੁਰਵਿਹਾਰ ਕਰਨ ਦੇ ਦੋਸ਼ਾਂ ਹੇਠ ਐਸੇਕਸ ਦੇ ਵਿੱਤੀ ਸਲਾਹਕਾਰ ਨੂੰ ਅੱਠ ਸਾਲ ਲਈ ਜੇਲ੍ਹ ਭੇਜਿਆ

Sanjay naker

ਲੰਡਨ – ਇਥੋਂ ਦੀ ਵਿੱਤੀ ਕਾਰੋਬਾਰੀ ਕੰਪਨੀ ਦੇ ਕਾਮੇ ਵਲੋਂ ਲੰਡਨ ਬ੍ਰਿਜ ਨੇੜੇ ਇਕ ਸ਼ਰਾਬਣ ਲੜਕੀ ਨੂੰ ਧੱਕੇ ਨਾਲ ਇਕ ਗਲੀ ਵਿਚ ਲੈਜਾ ਕੇ ਬਲਾਤਕਾਰ ਅਤੇ ਦੁਰਵਿਹਾਰ ਕਰਨ ਦੇ ਚਾਰ ਮਾਮਲਿਆਂ ਵਿਚ 8 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ।
ਇੰਨਰ ਲੰਡਨ ਕੋਰਟ ਵਿਚ ਚੱਲੇ ਮੁਕੱਦਮੇ ਦੌਰਾਨ ਸਾਹਮਣੇ ਆਇਆ ਕਿ 11 ਮਾਰਚ 2017 ਨੂੰ ਵੁੱਡਗਰੀਨ ਦੀ ਰਸਲ ਐਵੇਨਿਊ ਦੇ ਰਹਿਣ ਵਾਲਾ ਸ਼ਾਦੀਸ਼ੁਦਾ 28 ਸਾਲਾ ਸੰਜੇ ਨਾਕਿਰ ਲੰਡਨ ਬ੍ਰਿਜ ਦੇ ਇਕ ਕਲੱਬ ਦੇ ਬਾਹਰ ਦਾਰੂ ਪੀ ਰਿਹਾ ਸੀ ਜਦ ਉਸ ਨੇ ਦੇਖਿਆ ਕਿ ਉਸ ਸਮੇਂ 18 ਸਾਲਾਂ ਦੀ ਇਕ ਸ਼ਰਾਬਣ ਹਾਲਤ ਵਿਚ ਲੜਕੀ ਨੂੰ ਸਾਹਮਣੇ ਟੂਲੀ ਸਟਰੀਟ ਸਥਿਤ ਬਾਰ ਵਿਚ ਸਵੇਰੇ 4 ਵਜੇ ਦਾਖਲਾ ਦੇਣ ਤੋਂ ਨਾਂਹ ਕੀਤੀ ਜਾ ਰਹੀ ਸੀ। ਸੰਜੇ ਨੇ ਮੌਕਾ ਦੇਖਦਿਆਂ ਲੜਕੀ ਦਾ ਪਿੱਛਾ ਕੀਤਾ ਅਤੇ ਉਸ ਨੂੰ ਆਪਣੀ ਪਿੱਠ ‘ਤੇ ਚੁੱਕ ਕੇ ਇਕ ਗੰਦੀ ਗਲੀ ਵਿਚ ਲੈ ਗਿਆ ਜਿਥੇ ਉਸ ਨਾਲ ਜਿਥੇ ਉਸ ਨੇ ਬਲਾਤਕਾਰ ਕੀਤਾ ਸਗੋਂ ਦੁਰਵਿਹਾਰ ਵੀ ਕੀਤਾ ਜਦ ਕਿ ਲੜਕੀ ਬਿਲਕੁਲ ਆਪਣੀ ਹੋਸ਼ ਵਿਚ ਨਹੀਂ ਸੀ।
ਲੰਡਨ ਦੀਆਂ ਮੌਕੇ ਤੋਂ ਲਈਆਂ ਸੀ ਸੀ ਟੀ ਵੀ ਤਸਵੀਰਾਂ ਅਦਾਲਤ ਵਿਚ ਪੇਸ਼ ਕੀਤੀਆਂ ਗਈਆਂ ਜਿਸ ਵਿਚ ਸਪੱਸ਼ਟ ਦਿਖਾਈ ਦੇ ਰਿਹਾ ਸੀ ਕਿ ਸੰਜੇ ਕੁੜੀ ਨੂੰ ਚੁੰਮਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਅਤੇ ਉਹ ਉਸ ਨੂੰ ਵਾਪਸ ਧੱਕਾ ਦੇ ਰਹੀ ਸੀ। ਇਥੇ ਹੀ ਬਸ ਨਹੀਂ ਸੰਜੇ ਨੇ ਲੜਕੀ ਨੂੰ ਬਾਂਹ ਤੋਂ ਫੜ ਕੇ ਆਪਣੇ ਨਾਲ ਤੋਰਨ ਦੀ ਕੋਸ਼ਿਸ਼ ਕੀਤੀ ਪਰ ਲੜਕੀ ਦੂਸਰੀ ਦਿਸ਼ਾ ਵਿਚ ਜਾਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਜਿਸ ਤੋਂ ਉਸ ਨੇ ਲੜਕੀ ਨੂੰ ਆਪਣੀ ਘਨੇੜੀ ਚੁੱਕਿਆ ਅਤੇ ਇਕ ਗੰਦੀ ਗਲੀ ਵਿਚ ਲੈ ਗਿਆ ਜਿਥੇ ਉਸ ਨੇ ਲੜਕੀ ਦੇ ਵਿਰੋਧ ਦੇ ਬਾਵਜੂਦ ਉਸ ਨੂੰ ਲੱਕ ਤੋਂ ਹੇਠਾਂ ਨਿਰਵਸਤਰ ਕੀਤਾ ਅਤੇ ਵਿਰੋਧ ਕਰਨ ‘ਤੇ ਖਿੱਚ ਧੂਹ ਵੀ ਕੀਤੀ।
ਲੰਡਨ ਬ੍ਰਿਜ ਦੀ ਕੁਈਨਜ਼ ਵਾਕ ਗਲੀ ਵਿਚ ਲੱਗੇ ਕੈਮਰਿਆਂ ਨੂੰ ਦੇਖਦਿਆਂ ਨੇੜਲੇ ਕਾਰੋਬਾਰ ਦੇ ਸਕਿਉਰਿਟੀ ਗਾਰਡ ਜਦ ਉਥੇ ਪਹੁੰਚੇ ਤਾਂ ਉਨ੍ਹਾਂ ਦੇਖਿਆ ਕਿ ਲੜਕੀ ਲੱਕ ਤੋਂ ਹੇਠਾਂ ਨਿਰਵਸਤਰ ਅਤੇ ਬੇਹੋਸ਼ ਸੀ ਜਿਸ ਤੋਂ ਬਾਅਦ ਸੰਜੇ ਨੇ ਸਕਿਉਰਿਟੀ ਵਾਲਿਆਂ ਨੂੰ ਦੱਸਿਆ ਕਿ ਇਹ ਲਾਗਲੇ ਬਾਰ ਤੋਂ ਸ਼ਰਾਬਣ ਹਾਲਤ ਵਿਚ ਮਿਲੀ ਅਤੇ ਉਹ ਆਪਣਾ ਸੰਪਰਕ ਨੰਬਰ ਦੇ ਕੇ ਉਥੋਂ ਚਲਾ ਗਿਆ ਸੀ ਜਿਸ ਤੋਂ ਬਾਅਦ ਸੁਰੱਖਿਆ ਕਰਮਚਾਰੀਆਂ ਨੇ ਐਮਰਜੰਸੀ ਐਂਬੂਲੰਸ ਨੂੰ ਬੁਲਾਇਆ ਸੀ। ਸੁਰੱਖਿਆ ਕਰਮਚਾਰੀਆਂ ਵਲੋਂ ਲੜਕੀ ਨੂੰ ਨੇੜਲੇ ਹਸਪਤਾਲ ਪਹੁੰਚਾਇਆ ਗਿਆ ਸੀ ਜਿਥੇ ਉਨ੍ਹਾਂ ਨੇ ਉਸ ਦੀ ਮਾੜੀ ਹਾਲਤ ਦੇਖਦਿਆਂ ਉਸ ਨੂੰ ਬਲਾਤਕਾਰ ਮਾਹਿਰ ਕੇਂਦਰ ਵਿਚ ਭੇਜਿਆ ਗਿਆ ਸੀ ਜਿਥੇ ਉਸ ਦੇ ਅਸਲੀ ਹਾਲਾਤ ਦਾ ਪਤਾ ਚੱਲਿਆ ਸੀ ਜਿਸ ਵਿਚ ਸਾਹਮਣੇ ਆਇਆ ਸੀ ਕਿ ਲਾਚਾਰ ਵਿਦਿਆਰਥਣ ਨੂੰ ਸੰਜੇ ਨੇ ਗੰਦੀ ਗਲੀ ਵਿਚ ਧੱਕੇਸ਼ਾਹੀ ਦਾ ਸ਼ਿਕਾਰ ਬਣਾਇਆ ਸੀ। ਜਿਸ ਤੋਂ ਬਾਅਦ 28 ਨਵੰਬਰ 2017 ਨੂੰ ਸੰਜੇ ਨਾਕਿਰ ਨੂੰ ਬਲਾਤਕਾਰ ਦੇ ਦੋਸ਼ਾਂ ਅਧੀਨ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਸੰਜੇ ਨੇ ਪੁਲਿਸ ਪੁੱਛਗਿੱਛ ਦੌਰਾਨ ਕਿਹਾ ਸੀ ਕਿ ਲੜਕੀ ਨੇ ਉਸ ਨਾਲ ਜਿਸਮਾਨੀ ਸਬੰਧ ਬਨਾਉਣ ਦੀ ਖਾਹਿਸ਼ ਜ਼ਾਹਿਰ ਕੀਤੀ ਸੀ ਜਦ ਕਿ ਲੜਕੀ ਨੇ ਅਦਾਲਤ ਵਿਚ ਰੋਂਦਿਆਂ ਹੋਇਆਂ ਦੱਸਿਆ ਕਿ ਉਹ ਸ਼ਰਾਬ ਪੀਣ ਦੀ ਆਦੀ ਨਹੀਂ ਸੀ ਅਤੇ ਉਸ ਨੂੰ ਕੁਝ ਪਤਾ ਨਹੀਂ ਕਿ ਉਸ ਰਾਤ ਉਸ ਨਾਲ ਕੀ ਵਾਪਰਿਆ ਸੀ। ਲੜਕੀ ਦੇ ਬਿਆਨਾਂ ਦੀ ਗਵਾਹੀ ਸੀੰ ਟੀੰ ਵੀੰ ਕੈਮਰਿਆਂ ਨੇ ਵੀ ਭਰੀ ਸੀ। ਜਿਸ ਤੋਂ ਬਾਅਦ ਜੱਜ ਨੇ ਸੰਜੇ ਨੂੰ ਕਿਹਾ ਕਿ ਜੇਕਰ ਲੜਕੀ ਨੂੰ ਉਸ ਸਮੇਂ ਦੀ ਤਸਵੀਰ ਯਾਦ ਨਹੀਂ ਤਾਂ ਇਸ ਦਾ ਮਤਲਬ ਕਿ ਉਹ ਤੈਨੂੰ ਜਿਸਮਾਨੀ ਸਬੰਧ ਬਣਾਉਣ ਦੀ ਇਜਾਜ਼ਤ ਦੇਣ ਦੇ ਵੀ ਕਾਬਿਲ ਨਹੀਂ ਸੀ। ਪਰ ਤੇਰੇ ਵਲੋਂ ਉਸ ਦੀ ਲਾਚਾਰਤਾ ਦਾ ਗਲਤ ਫਾਇਦਾ ਉਠਾਇਆ ਗਿਆ ਜਿਸ ਲਈ ਸੰਜੇ ਨਾਕਿਰ ਨੂੰ ਅੱਠ ਸਾਲ ਜੇਲ੍ਹ ਲਈ ਭੇਜਿਆ ਗਿਆ ।

ਇੰਟਰਨੈਟ ਰਾਹੀਂ ਨਾਬਾਲਗ ਲੜਕੀ ਨੂੰ ਜਿਣਸੀ ਸਬੰਧਾਂ ਲਈ ਉਕਸਾਉਣ ਵਾਲਾ ਮਨਜੀਤ ਸਮਾਜ ਸੇਵਕਾਂ ਰਾਹੀਂ ਢਾਈ ਸਾਲ ਲਈ ਜੇਲ੍ਹਬੰਦ

Manjit Singh

ਟੀਸਾਈਡ – ਇੰਟਰਨੈਟ ‘ਤੇ ਨਾਬਾਲਗਾਂ ਦੀ ਸੁਰੱਖਿਆ ਲਈ ਕੰਮ ਕਰ ਰਹੀ ਸਮਾਜ ਸੇਵਕ ਜਥੇਬੰਦੀ ਦੇ ਮੈਂਬਰ ਨੂੰ 12 ਸਾਲ ਦੀ ਲੜਕੀ ਸਮਝ ਕੇ ਜਿਣਸੀ ਸਬੰਧੀ ਲਈ ਉਕਸਾਉਣ ਅਤੇ ਧਮਕਾਉਣ ਦੇ ਮਾਮਲੇ ਵਿਚ ਡਾਰਲਿੰਗਟਨ ਦੇ ਪੰਜਾਬੀ ਨੂੰ ਢਾਈ ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ।
ਡਾਰਲਿੰਗਟਨ ਦੇ ਸ਼ਾਦੀਸ਼ੁਦਾ ਬੱਚਿਆਂ ਦੇ ਬਾਪ ਮਨਜੀਤ ਸਿੰਘ ਨੇ ਇੰਟਰਨੈਟ ‘ਤੇ ਇਕ ਸਮਾਜ ਸੇਵਕਾਂ ਦੀ ਵੈਬਸਾਈਟ “ਵੰਨ ਰੀਜ਼ਨ” ਰਾਹੀਂ ਇਕ ਸਮਾਜ ਸੇਵਕ ਨੂੰ 12 ਸਾਲਾਂ ਦੀ ਲੜਕੀ ਸਮਝ ਕੇ ਗੱਲਬਾਤ ਕਰਨੀ ਸ਼ੁਰੂ ਕੀਤੀ ਸੀ ਜਿਸ ਦੌਰਾਨ ਉਸ ਨੇ ਸੰਭਾਵਿਤ ਲੜਕੀ ਨੂੰ ਗੱਲਾਂਬਾਤਾਂ ਵਿਚ ਸਰੀਰਕ ਸਬੰਧ ਬਣਾਉਣ ਲਈ ਉਕਸਾਉਂਦਿਆਂ ਉਸ ਨਾਲ ਆਪਣਾ ਮੋਬਾਈਲ ਨੰਬਰ ਵੀ ਸਾਂਝਾ ਕਰ ਲਿਆ ਸੀ।
ਮਨਜੀਤ ਸਿੰਘ ਨੇ ਸਮਾਜ ਸੇਵਾ ਵੈਬਸਾਈਟ ‘ਤੇ “ਡੈਨੀਏਲਾ” ਨਾਮ ਦੀ ਲੜਕੀ ਨੂੰ ਫੋਨ ਸੁਨੇਹਿਆਂ ਰਾਹੀਂ ਸੁਝਾਅ ਦਿੱਤਾ ਕਿ ਉਹ Àਸ ਨੂੰ ਡਾਰਲਿੰਗਟਨ ਤੋਂ ਚੁੱਕੇਗਾ ਅਤੇ ਉਹ ਇਕ ਰਾਤ ਹੋਟਲ ਵਿਚ ਗੁਜ਼ਾਰਨਗੇ। ਅਦਾਲਤ ਵਿਚ ਸਰਕਾਰੀ ਵਕੀਲ ਨੇ ਦੱਸਿਆ ਕਿ ਜਦ ਲੜਕੀ ਨੇ ਉਸ ਦੀ ਮੰਗ ਠੁਕਰਾ ਦਿੱਤੀ ਤਾਂ ਮਨਜੀਤ ਨੇ ਗੁੱਸੇ ਵਿਚ ਸੁਨੇਹਾ ਭੇਜਿਆ ਕਿ ਉਹ ਉਸ ਨੂੰ ਆਪਣੀ ਨੌਕਰ ਬਣਾ ਕੇ ਛੱਡੇਗਾ। “ਵੰਨ ਰੀਜ਼ਨ” ਸਮਾਜ ਸੇਵੀ ਸੰਸਥਾ ਨੇ ਮਨਜੀਤ ਦੇ ਅਪ੍ਰੈਲ ਅਤੇ ਮਈ ਮਹੀਨੇ ਦੇ ਅਖੀਰ ਵਿਚ ਭੇਜੇ ਸੁਨੇਹਿਆਂ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਸੀ ਜਿਸ ਨੇ ਉਸ ਦੀ ਇੰਟਰਵਿਊ ਕੀਤੀ ਸੀ। ਜਿਸ ਦੌਰਾਨ ਮਨਜੀਤ ਨੇ ਕਿਹਾ ਸੀ ਕਿ ਉਸ ਦੀ ਪਤਨੀ ਬਰੈਸਟ ਕੈਂਸਰ ਦੀ ਮਰੀਜ਼ ਅਤੇ ਉਹ ਦੋਸਤੀ ਅਤੇ ਸਰੀਰਕ ਸੁੱਖ ਮਾਨਣ ਲਈ ਉਸ ਵੈਬਸਾਈਟ ਰਾਹੀਂ ਲੜਕੀ ਦੇ ਸੰਪਰਕ ਵਿਚ ਆਇਆ ਸੀ।
ਮਨਜੀਤ ਦੀ ਬਚਾਓ ਪੱਖ ਦੀ ਵਕੀਲ ਨੇ ਵੀ ਅਦਾਲਤ ਵਿਚ ਕਿਹਾ ਕਿ ਉਹ ਇਕੱਲਾਪਨ ਮਹਿਸੂਸ ਕਰ ਰਿਹਾ ਸੀ ਅਤੇ ਉਸ ਨੇ ਅਨਜਾਣ ਥਾਂ ਤੋਂ ਸਹਾਰਾ ਲੈਣ ਦੀ ਕੋਸ਼ਿਸ਼ ਕੀਤੀ ਸੀ ਜਿਸ ਦੇ ਨਤੀਜੇ ਬਾਰੇ ਉਸ ਨੂੰ ਕੋਈ ਅਨੁਮਾਨ ਨਹੀਂ ਸੀ।
ਟੀਸਾਈਡ ਕਰਾਊਨ ਕੋਰਟ ਦੇ ਜੱਜ ਹਾਵਰਡ ਕੋਰਸਨ ਨੇ ਮਨਜੀਤ ਸਿੰਘ ਨੂੰ ਢਾਈ ਸਾਲ ਜੇਲ੍ਹ ਦੀ ਸਜ਼ਾ ਸੁਣਾਉਂਦਿਆਂ ਕਿਹਾ ਕਿ ਇਹ ਕੋਈ ਬਾਲਗਾਂ ਵਾਲੀ ਵੈਬਸਾਈਟ ਨਹੀਂ ਸੀ ਜਦ ਕਿ ਤੂੰ ਭਲੀਭਾਂਤ ਜਾਣਦਾ ਸੀ ਕਿ ਮੂਹਰੇ ਸੰਭਾਵਿਤ ਲੜਕੀ 12 ਸਾਲ ਦੀ ਅਤੇ ਜੇ ਇਹ ਅਸਲੀਅਤ ਹੁੰਦੀ ਤਾਂ ਬਹੁਤ ਵੱਡਾ ਅਪਰਾਧ ਵਾਪਰ ਸਕਦਾ ਸੀ। ਜੱਜ ਨੇ ਸਿੰਘ ਅਤੇ ਉਸ ਦੀ ਪਤਨੀ ਵਲੋਂ ਲਿਖੇ ਪੱਤਰ ਵਿਚ ਉਨ੍ਹਾਂ ਨੇ ਲਿਖਿਆ ਸੀ ਕਿ ਜੋ ਕੁਝ ਹੋਇਆ ਉਸ ਨੂੰ ਪੂਰਾ ਕਰਨ ਦਾ ਮਨਜੀਤ ਸਿੰਘ ਦਾ ਕੋਈ ਇਰਾਦਾ ਨਹੀਂ ਸੀ, ਨੂੰ ਵੀ ਰੱਦ ਕਰ ਦਿੱਤਾ।

ਕਾਰਾਂ ਚੋਰੀ ਕਰਨ ਵਾਲੇ ਗ੍ਰੋਹ ਦੇ ਜੇਲ੍ਹਬੰਦ ਮੁਖੀ ਦੀ ਸਹੇਲੀ ‘ਤੇ ਧੰਦੇ ਦਾ ਕਾਲਾ ਪੈਸਾ ਸੰਭਾਲਣ ਦੇ ਦੋਸ਼

ਲੰਡਨ – ਪੰਜਾਬੀ ਨੌਜਵਾਨ ਦੀ ਸਰਪ੍ਰਸਤੀ ਹੇਠ ਮਹਿੰਗੀਆਂ ਕਾਰਾਂ ਚੋਰੀ ਕਰਨ ਵਾਲੇ ਜੇਲ੍ਹਬੰਦ ਗ੍ਰੋਹ ਦੀ ਸਹੇਲੀ ‘ਤੇ ਚੋਰੀ ਦੀਆਂ ਕਾਰਾਂ ਦਾ ਕਾਲਾ ਪੈਸਾ ਸੰਭਾਲਣ ਦੇ ਦੋਸ਼ ਲੱਗੇ ਹਨ।
ਸਾਊਥਾਰਕ ਕਰਾਊਨ ਕੋਰਟ ਵਿਚ ਹੋਰਨਚਰਚ, ਐਸੇਕਸ ਦੀ 25 ਸਾਲਾ ਟੈਸਾ ਪੈਨਲਵਰ ‘ਤੇ ਜੁਰਮ ਨੂੰ ਰੋਕਣ ਲਈ ਅੜਿੱਕਾ ਬਣਨ ਅਤੇ ਅਪਰਾਧਿਕ ਸੰਪਤੀ ਨੂੰ ਤਬਦੀਲ ਕਰਨ ਦੇ ਦੋਸ਼ ਲੱਗੇ ਹਨ।
ਪਿਛਲੇ ਸਾਲ ਮਨਜੀਤ ਸੰਧੂ ਅਤੇ ਉਸ ਦੇ ਗ੍ਰੋਹ ਨੂੰ 12 ਮਹੀਨਿਆਂ ਵਿਚ ਮਹਿੰਗੀਆਂ 120 ਕਾਰਾਂ ਚੋਰੀ ਕਰਨ ਦੇ ਮਾਮਲੇ ਵਿਚ 46 ਸਾਲਾਂ ਦੀ ਜੇਲ੍ਹ ਹੋਈ ਸੀ। ਇਨ੍ਹਾਂ ਵਿਚ ਇਕ ਗੱਡੀ ਦੀ ਘੱਟੋ ਘੱਟ ਕੀਮਤ 60 ਹਜ਼ਾਰ ਪੌਂਡ ਦੱਸੀ ਗਈ ਸੀ। ਇਹ ਗ੍ਰੋਹ ਆਧੁਨਿਕ ਢੰਗ ਨਾਲ ਮਹਿੰਗੀਆਂ ਗੱਡੀਆਂ ਚੋਰੀ ਕਰਦਾ ਸੀ ਜੋ ਕਾਲੇ ਬਾਜ਼ਾਰ ਵਿਚ ਵੇਚ ਦਿੱਤੀਆਂ ਜਾਂਦੀਆਂ ਸਨ। ਟੈਸਾ ਪੈਨਲਵਰ ਮਨਜੀਤ ਸੰਧੂ ਦੀ ਪ੍ਰੇਮਿਕਾ ਸੀ ਜੋ ਪੈਸੇ ਸੰਭਾਲਣ ਵਿਚ ਮੱਦਦ ਕਰਦੀ ਸੀ। ਪੁਲਿਸ ਅਨੁਸਾਰ ਬੇਰੋਜ਼ਗਾਰ ਟੈਸਾ ਦੇ ਬੈਂਕ ਅਕਾਊਂਟੈਂਟ ਰਾਹੀਂ ਦੋ ਸਾਲਾਂ ਵਿਚ 118,000 ਪੌਂਡ ਦਾ ਅਦਾਨ ਪ੍ਰਦਾਨ ਹੋਇਆ ਸੀ ਜਦ ਕਿ ਇਸ ਤੋਂ ਪਹਿਲਾਂ ਉਸ ਦੇ ਬੈਂਕ ਖਾਤੇ ਵਿਚ ਸਿਰਫ 4 ਹਜ਼ਾਰ ਪੌਂਡ ਸੀ ਜੋ ਉਹ ਭੱਤਿਆਂ ਰਾਹੀਂ ਹਾਸਲ ਕਰਦੀ ਸੀ।
ਟੈਸਾ ਨੇ ਆਪਣੇ ‘ਤੇ ਲੱਗੇ ਦੋਸ਼ਾਂ ਤੋਂ ਇਨਕਾਰ ਕੀਤਾ । ਅਦਾਲਤੀ ਕਾਰਵਾਈ ਜਾਰੀ ।

ਬਰਤਾਨੀਆ ਵਿਚ ਜਲਾਵਤਨ ਰਹੇ ਮਹਾਰਾਜਾ ਦਲੀਪ ਸਿੰਘ ਦੀ 125ਵੀਂ ਬਰਸੀ ਮੌਕੇ ਥੈਟਫੋਰਡ ਵਿਖੇ ਇੰਗਲੈਂਡ ਅਤੇ ਪੰਜਾਬ ਦੀਆਂ ਝਲਕੀਆਂ ਪੇਸ਼ ਕਰਨ ਵਾਲੇ ਸਫਲ ਸਮਾਗਮ ਆਰੰਭ

Duleep singh news photo

ਲੰਡਨ – ਮਹਾਰਾਜਾ ਦਲੀਪ ਸਿੰਘ ਦੀ 125ਵੀਂ ਬਰਸੀ ਮੌਕੇ ਦੋ ਹਫ਼ਤੇ ਲੰਮਾ ਪੰਜਾਬੀ ਸਮਾਗਮ 7 ਜੁਲਾਈ ਤੋਂ ਸ਼ੁਰੂ ਹੋ ਗਏ ਹਨ ਤੇ ਇਸ ਮੌਕੇ ਇੰਗਲੈਂਡ ਦੇ ਈਸਟ ਐਂਗਲੀਆ ਖਿੱਤੇ ਵੱਲੋਂ ਥੈਟਫੋਰਡ ਅਤੇ ਅੰਮ੍ਰਿਤਸਰ ਨੂੰ ਜੁੜਵੇਂ ਸ਼ਹਿਰ ਟਵਿਨ ਸਿਟੀ ਦਾ ਦਰਜਾ ਦਿੱਤਾ ਜਾਵੇਗਾ।
ਨੌਰਫੋਕ ਵਿਚ ਥੈਟਫੋਰਡ ਵਿਚ ਦਲੀਪ ਸਿੰਘ ਦਾ ਘਰ ਸੀ ‘ਫੈਸਟੀਵਲ ਆਫ ਥੈਟਫੋਰਡ ਐਂਡ ਪੰਜਾਬ’ ਦੇ ਪ੍ਰਬੰਧਕਾਂ ਦਾ ਖਿਆਲ ਹੈ ਕਿ ਇਸ ਕਸਬੇ ਦੇ ਲਹਿਲਹਾਉਂਦੇ ਖੇਤ ਤੇ ਪਸ਼ੂ ਧਨ ਬਿਲਕੁਲ ਪੰਜਾਬ ਦੀ ਝਲਕ ਪੇਸ਼ ਕਰਦੀਆਂ ਹਨ। ਇਸ ਸਮਾਗਮ ਦੀ ਸ਼ੁਰੂਆਤ ਦੀਆਂ ਤਸਵੀਰਾਂ “ਦੇਸ ਪ੍ਰਦੇਸ” ਦੇ ਹਥਲੇ ਟਾਈਟਲ ‘ਤੇ ਦੇਖੀਆਂ ਜਾ ਸਕਦੀਆਂ ਹਨ ਜਿਸ ਲਈ ਗਰੇਵਜ਼ੈਂਡ ਦੇ ਜੁਗਨੂੰ ਭੰਗੜਾ ਗਰੁੱਪ ਦੇ ਮੋਢੀਆਂ ਅਤੇ ਸਮਾਗਮ ਦੇ ਸੰਚਾਲਕ ਇੰਦਰਜੀਤ ਸੰਧੂ ਨੇ ਸਮਾਗਮ ਦੀ ਵੱਡੇ ਪੈਮਾਨੇ ‘ਤੇ ਸ਼ੁਰੂਆਤ ਕਰਵਾਈ ।
ਇਸ ਸਮਾਗਮ ਦੇ ਸੰਸਥਾ ਵਲੋਂ ਸਰਪ੍ਰਸਤ ਪ੍ਰਸਿੱਧ ਸੂਫੀ ਗਾਇਕ ਸਤਿੰਦਰ ਸਰਤਾਜ ਵਲੋਂ ਮਹਾਰਾਜਾ ਦਲੀਪ ਸਿੰਘ ਦੀ ਸਮਾਧ ‘ਤੇ ਮੱਥਾ ਟੇਕਣ ਅਤੇ ਸ਼ਰਧਾਂਜਲੀ ਦੇਣ ਤੋਂ ਸ਼ੁਰੂ ਕੀਤੀ। ਸਤਿੰਦਰ ਸਰਤਾਜ ਨੇ ਮਹਾਰਾਜਾ ਦਲੀਪ ਸਿੰਘ ਦੀ ਮਲਕੀਅਤ ਵਾਲੇ ਅਲਵੀਡੀਅਨ ਅਸਟੇਟ ਦੇ ਹੁਣ ਵਾਲੇ ਮਾਲਕਾਂ ਗੀਨਸ ਪਰਿਵਾਰ ਦੇ ਲੋਰਡ ਐਵਗਾਹ ਨਾਲ ਵੀ ਮੁਲਾਕਾਤ ਕੀਤੀ। ਉਸ ਨੇ ਸਥਾਨਕ ਮੀਡੀਆ ਅਤੇ ਪੱਤਰਕਾਰ ਮਨਜੀਤ ਥਾਂਦੀ ਨਾਲ ਥੈਟਫੋਰਡ ਦੇ ਖੇਤੀ ਅਤੇ ਪੰਜਾਬ ਦੀ ਖੇਤੀ ਦੀਆਂ ਫਸਲਾਂ ਸਾਗ, ਮੇਥੀ ਅਤੇ ਧਨੀਏ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਇਸ ਸ਼ਹਿਰ ਨੂੰ ਅੰਮ੍ਰਿਤਸਰ ਨਾਲ ਜੋੜਨ ਦਾ ਸੁਝਾਅ ਦਿੱਤਾ।
ਬਾਅਦ ਵਿਚ ਸਤਿੰਦਰ ਸਰਤਾਰ ਨੇ ਦਲੀਪ ਸਿੰਘ ਨਾਲ ਸਬੰਧਿਤ ਏਸ਼ੀਅੰਟ ਮਿਊਜ਼ੀਅਮ ਦਾ ਦੌਰਾ ਕੀਤਾ ਅਤੇ ਆਪਣੇ ਗੀਤਾਂ ਨਾਲ ਮਹਾਰਾਜੇ ਨੂੰ ਸ਼ਰਧਾਂਜਲੀ ਦਿੱਤੀ। ਮਿਊਜ਼ੀਅਮ ਵਿਖੇ ਸਿੰਘ ਭੈਣਾ ਰਬਿੰਦਰ ਕੌਰ ਅਤੇ ਅੰਮ੍ਰਿਤ ਕੌਰ ਵਲੋਂ ਸਕਾਟਲੈਂਟ ਮਿਊਜ਼ੀਅਮ ਲਈ ਬਣਾਏ ਮਹਾਰਾਜਾ ਦਲੀਪ ਸਿੰਘ ਦੀ ਜਲਾਵਤਨੀ ਨੂੰ ਦਰਸਾਉਂਦੇ ਚਿੱਤਰ ਦੀ ਘੁੰਡ ਚੁਕਾਈ ਕੀਤੀ ਗਈ। ਇਸ ਮੌਕੇ ਪ੍ਰਸਿੱਧ ਫਿਲਮ ਨਿਰਮਾਤਾ ਗੁਰਿੰਦਰ ਚੱਢਾ ਵੀ ਹਾਜ਼ਰ ਸਨ।
ਇਸ ਸਮਾਗਮ ਦੇ ਡਾਇਰੈਕਟਰ ਇੰਦਰਜੀਤ ਸਿੰਘ ਸੰਧੂ ਨੇ ਦੱਸਿਆ ਕਿ ਮਹਾਰਾਜਾ ਦਲੀਪ ਸਿੰਘ ਦੀ ਯਾਦ ਵਿਚ ਸ਼ੁਰੂ ਕਰਵਾਏ ਗਏ ਸਮਾਗਮ ਬਹੁਤ ਸਫਲਤਾ ਪੂਰਵਕ ਆਰੰਭ ਹੋਏ ਹਨ ਜੋ ਸ਼ਨੀਵਾਰ 21 ਜੁਲਾਈ ਤੱਕ ਚੱਲਣਗੇ। ਇਨ੍ਹਾਂ ਸਮਾਗਮਾਂ ਵਿਚ ਗਰੇਵਜ਼ੈਂਡ ਦਾ ਜੁਗਨੂੰ ਭੰਗੜਾ ਗਰੁੱਪ ਅਤੇ ਉਸ ਦੇ ਸੰਚਾਲਕ ਸੁਰਿੰਦਰ ਸਿੰਘ ਢੀਂਡਸਾ, ਸ਼ਮਿੰਦਰ ਸਿੰਘ ਬੇਦੀ, ਜਗਦੇਵ ਸਿੰਘ ਵਿਰਦੀ ਅਤੇ ਨੌਜਵਾਨ ਪੀੜ੍ਹੀ ਦੇ ਨਵੇਂ ਨੌਜਵਾਨ ਹਾਜ਼ਰ ਰਹੇ।
ਇਤਿਹਾਸਕਾਰ ਅਤੇ ਦਾਸਤਾਂਗੋ ਸੀਮਾ ਆਨੰਦ ਨੇ ਇਸ ਉਤਸਵ ਦੇ ਆਖਰੀ ਦਿਨ 21 ਜੁਲਾਈ ਨੂੰ ਦਿਖਾਈ ਜਾਣ ਵਾਲੀ ਫਿਲਮ ‘ਪੰਜਾਬ ਟੂ ਥੈਟਫੋਰਡ’ ਦਾ ਸੰਦਰਭ ਬਿਆਨ ਕਰਦਿਆਂ ਦੱਸਿਆ ”ਥੈਟਫੋਰਡ ਵਿਚ ਐਲਵੀਡਨ ਮੈਨਰ ਵਿਚ ਪੰਜਾਬ ਦੇ ਆਖਰੀ ਮਹਾਰਾਜਾ ਨੇ ਕਈ ਸਾਲ ਬਿਤਾਏ ਹਨ ਤੇ ਥੈਟਫੋਰਡੀਆਈ ਅਵਾਮ ਨੂੰ ਆਪਣੇ ਇਸ ਗ਼ੈਰਮਾਮੂਲੀ ਵਸਨੀਕ ‘ਤੇ ਬੇਹੱਦ ਮਾਣ ਹੈ। ਉਂਜ, ਸ਼ਾਇਦ ਦਲੀਪ ਸਿੰਘ ਦਾ ਥੈਟਫੋਰਡ ਵਿਚ ਆ ਕੇ ਵੱਸਣਾ ਮਹਿਜ਼ ਮੌਕਾ ਮੇਲ ਨਹੀਂ ਸੀ। ਕਸਬੇ ਦੇ ਧੁਰ ਅੰਦਰ ਦਲੀਪ ਸਿੰਘ ਦਾ ਬੁੱਤ ਅੰਮ੍ਰਿਤਸਰ ਦੇ ਕੰਪਨੀ ਬਾਗ਼ ਵਿਚ ਮਹਾਰਾਜਾ ਰਣਜੀਤ ਸਿੰਘ ਦੇ ਬੁੱਤ ਨਾਲ ਹੂ–ਬ–ਹੂ ਮੇਲ ਖਾਂਦਾ ਹੈ। ਇਸ ਲਿਹਾਜ ਤੋਂ ਦੋਵੇਂ ਸ਼ਹਿਰਾਂ ਦਰਮਿਆਨ ਕੋਈ ਕਰਮਾਂ ਦਾ ਨਾਤਾ ਜਾਪਦਾ ਹੈ।”
‘ਸੌਵਰਨ, ਸਕੁਆਇਰ ਐਂਡ ਰੈਬਲ ਮਹਾਰਾਜਾ ਦਲੀਪ ਸਿੰਘ ਐਂਡ ਦਿ ਹੀਅਰਜ਼ ਆਫ ਏ ਲੌਸਟ ਕਿੰਗਡਮ’ ਦੇ ਲੇਖਕ ਤੇ ਇਤਿਹਾਸਕਾਰ ਪੀਟਰ ਬੈਂਸ ਦੱਸਦੇ ਹਨ, ”ਥੈਟਫੋਰਡ ਤੇ ਐਲਵੀਡਨ ਨਾਲ ਮਹਾਰਾਜੇ ਦੀਆਂ ਬਹੁਤ ਮਿੱਠੀਆਂ ਯਾਦਾਂ ਜੁੜੀਆਂ ਹੋਈਆਂ ਹਨ ਜਿਥੇ ਉਨ੍ਹਾਂ ਆਪਣਾ ਬਾਲਪਣ ਬਿਤਾਇਆ ਸੀ ਤੇ ਇਹ ਉਹ ਥਾਂ ਸੀ ਜਿਥੇ ਉਹ ਪੰਜਾਬ ਦੀ ਸਿਆਸਤ ਤੇ ਵਾਈਟਹਾਲ ਬਰਤਾਨਵੀ ਸਰਕਾਰ ਦੀਆਂ ਕਠਪੁਤਲੀਆਂ ਤੋਂ ਬੇਲਾਗ ਸ਼ਾਂਤੀ ਨਾਲ ਰਹਿੰਦੇ ਸਨ। ਸ਼ਾਇਦ ਇਹੀ ਜਗ੍ਹਾ ਸੀ ਜਿਥੇ ਉਹ ਸਭ ਤੋਂ ਵੱਧ ਖ਼ੁਸ਼ੀਆਂ ਮਾਣਦੇ ਸਨ।”
ਇਨ੍ਹਾਂ ਸਮਾਗਮਾਂ ਦੀ ਵਿਸ਼ੇਸ਼ਤਾ ਇਹ ਵੀ ਕਿ ਬੀਤੇ ਐਤਵਾਰ ਪੰਜਾਬ ਫਾਈਵ ਰਿਵਰਜ਼ ਕ੍ਰਿਕਟ ਕਲੱਬ ਦੇ ਦੇਸੀ ਨੌਜਵਾਨਾਂ ਅਤੇ ਥੈਟਫੋਰਡ ਕ੍ਰਿਕਟ ਕਲੱਬ ਵਿਚਕਾਰ 20 ਓਵਰਾਂ ਦਾ ਮੈਚ ਵੀ ਖੇਡਿਆ ਗਿਆ ਜਿਸ ਵਿਚ ਪੰਜਾਬ ਫਾਈਵ ਰਿਵਰਜ਼ ਨੇ ਇਹ ਮੈਚ 60 ਦੌੜਾਂ ਨਾਲ ਜਿੱਤਿਆ ਜਿਸ ‘ਤੇ ਕਲੱਬ ਦੇ ਕੋਚ ਮੁਖਤਿਆਰ ਸਿੰਘ ਰਾਏ ਨੇ ਖੁਸ਼ੀ ਦਾ ਇਜ਼ਹਾਰ ਕੀਤਾ।
ਇਨ੍ਹਾਂ ਸ਼ੁਰੂਆਤੀ ਸਮਾਗਮਾਂ ਵਿਚ ਥੈਟਫੋਰਡ ਦੇ ਮੇਅਰ ਕੌਂਸਲਰ ਰੋਏ ਬਰੇਅ ਅਤੇ ਨੋਰਫੋਲਕ ਕਾਊਂਟੀ ਕੌਂਸਲ ਦੇ ਕੌਂਸਲਰ ਹਾਜ਼ਰ ਸਨ। ਇਹ ਪ੍ਰੋਗਰਾਮ ਸ਼ਨੀਵਾਰ 21 ਜੁਲਾਈ ਨੂੰ ਆਪਣੇ ਆਖਰੀ ਮੁਕਾਮ ਤੱਕ ਪਹੁੰਚਣਗੇ ਜਿਸ ਵਿਚ ਹੋਰ ਵੀ ਵਧੇਰੇ ਦੇਸੀ ਅਤੇ ਅੰਗਰੇਜ਼ੀ ਕਲਾਕਾਰ ਪਹੁੰਚ ਰਹੇ ਹਨ। ਵਧੇਰੇ ਜਾਣਕਾਰੀ ਕਕਕੰਪਖਤੁੰਡਥੰਜੰ ਤੋਂ ਲਈ ਜਾ ਸਕਦੀ ।

ਮਿਸਿਜ਼ ਯੂ ਕੇ ਵਰਲਡ ਸੁੰਦਰਤਾ ਮੁਕਾਬਲੇ ਲਈ ਪੰਜਾਬਣ ਜਤਿੰਦਰ ਰੰਧਾਵਾ ਵਲੋਂ ਤਿਆਰੀ ਸ਼ੁਰੂ

ਕਰਾਇਡਨ – ਮਿਸਿਜ਼ ਇੰਡੀਆ ਯੂ ਕੇ 2018 ਮੁਕਾਬਲਿਆਂ ਵਿਚ ਰਨਰ–ਅੱਪ ਰਹੀ ਇਥੋਂ ਦੀ ਪੰਜਾਬਣ ਜਤਿੰਦਰ ਕੌਰ ਰੰਧਾਵਾ ਵਲੋਂ ਸਤੰਬਰ ਵਿਚ ਹੋ ਰਹੇ ਮਿਸਿਜ਼ ਯੂ ਕੇ ਵਰਲਡ ਮੁਕਾਬਲੇ ਲਈ ਤਿਆਰੀ ਕੀਤੀ ਜਾ ਰਹੀ ਜਿਸ ਵਿਚੋਂ ਅੱਵਲ ਰਹਿਣ ਵਾਲੀਆਂ ਮੁਟਿਆਰਾਂ ਇੰਗਲੈਂਡ ਵਲੋਂ ਮਿਸਿਜ਼ ਵਰਲਡ ਮੁਕਾਬਲੇ ਵਿਚ ਹਿੱਸਾ ਲੈਣ ਲਈ ਚੁਣੀਆਂ ਜਾਣਗੀਆਂ।
ਚੰਡੀਗੜ੍ਹ ਨਾਲ ਸਬੰਧਿਤ ਜਤਿੰਦਰ ਕੌਰ ਰੰਧਾਵਾ ਪੰਜਾਬ ਯੂਨੀਵਰਸਿਟੀ ਤੋਂ ਐਮ ਐਸ ਸੀ ਦੀ ਵਿਦਿਆ ਹਾਸਲ ਕਰਨ ਬਾਅਦ ਉਸ ਨੇ ਏਅਰ ਇੰਡੀਆ ਵਿਚ ਬਤੌਰ ਏਅਰ ਹੋਸਟਸ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਪਰ 2009 ਵਿਚ ਵਿਆਹ ਕਰਵਾਉਣ ਉਪਰੰਤ ਉਹ ਆਪਣੇ ਪਤੀ ਨਾਲ ਕਰਾਇਡਨ ਵਿਖੇ ਰਹਿਣ ਲੱਗੀ ਅਤੇ ਉਨ੍ਹਾਂ ਦੀ ਇਕ ਬੇਟੀ ਵੀ । ਪਰ ਜ਼ਿੰਦਗੀ ਵਿਚ ਕੋਈ ਮੁਕਾਮ ਹਾਸਲ ਕਰਨ ਦੀ ਚਾਹਵਾਨ ਜਤਿੰਦਰ ਨੇ ਆਪਣੀ ਘਰੇਲੂ ਜ਼ਿੰਦਗੀ ਨੂੰ ਸਫਲਤਾ ਨਾਲ ਚਲਾਉਂਦਿਆਂ ਚੈਰਿਟੀ ਸੰਸਥਾਵਾਂ ਲਈ ਵੀ ਕੰਮ ਕਰਨਾ ਸ਼ੁਰੂ ਕੀਤਾ। ਉਹ ਕੈਂਸਰ ਰਿਸਰਚ ਚੈਰਿਟੀ ਲਈ ਮੈਰਾਥਨ ਦੌੜਾਂ ਵਿਚ ਵੀ ਹਿੱਸਾ ਲੈਂਦੀ ।
ਜਤਿੰਦਰ ਨੇ ਸਮਾਜ ਸੇਵਾ ਦੇ ਨਾਲ ਨਾਲ ਸੁੰਦਰਤਾ ਮੁਕਾਬਲਿਆਂ ਵਿਚ ਵੀ ਹਿੱਸਾ ਲੈਣਾ ਸ਼ੁਰੂ ਕੀਤਾ ਜਿਸ ਦੀਆਂ ਪ੍ਰਾਪਤੀਆਂ ਦੀ ਗੱਲ ਹੁਣ ਵਿਸ਼ਵ ਭਰ ਵਿਚ ਹੋਣ ਲੱਗੀ । ਜਤਿੰਦਰ ਦਾ ਕਹਿਣਾ ਕਿ ਵਿਆਹ ਤੋਂ ਬਾਅਦ ਜ਼ਿੰਦਗੀ ਦਾ ਮਕਸਦ ਖਤਮ ਨਹੀਂ ਹੋ ਜਾਂਦਾ ਅਤੇ ਬੱਚਿਆਂ ਅਤੇ ਘਰ ਦੀ ਦੇਖਭਾਲ ਦੇ ਨਾਲ ਨਾਲ ਆਪਣੇ ਸੁਪਨਿਆਂ ਵੱਲ ਵੀ ਧਿਆਨ ਦੇਣਾ ਚਾਹੀਦਾ ਜਿਸ ਦੀ ਪ੍ਰਤੱਖ ਮਿਸਾਲ ਉਹ ਆਪ । ਜਤਿੰਦਰ ਰੰਧਾਵਾ ਹੁਣ ਯੂ ਕੇ ਵਿਚ ਸਤੰਬਰ ਮਹੀਨੇ ਦੌਰਾਨ ਹੋ ਰਹੇ ਮਿਸਿਜ਼ ਯੂ ਕੇ ਵਰਲਡ ਮੁਕਾਬਲੇ ਵਿਚ ਹਿੱਸਾ ਲੈਣ ਵਾਲੀ ਇਕੋ ਇਕ ਪੰਜਾਬੀ ਮਹਿਲਾ ।

ਕੌਂਸਲਰ ਬਾਘਾ ਵਲੋਂ ਧਾਰਮਿਕ ਸਮਾਗਮਾਂ ਮੌਕੇ ਅਹਿਮ ਸ਼ਖਸੀਅਤਾਂ ਦਾ ਸਨਮਾਨ ਕੀਤਾ ਗਿਆ

Bagha 2

ਸਾਊਥਾਲ – ਇਥੇ ਸ੍ਰੀ ਗੁਰੂ ਰਵਿਦਾਸ ਟੈਂਪਲ ਸਾਊਥਾਲ ਵਿਖੇ 8 ਜੁਲਾਈ ਐਤਵਾਰ ਨੂੰ ਕੌਂਸਲਰ ਤੇਜ ਰਾਮ ਬਾਘਾ ਪਰਿਵਾਰ ਵਲੋਂ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦੇ ਭੋਗ ਪਾਏ ਗਏ।
ਕੌਂਸਲਰ ਤੇਜ ਰਾਮ ਬਾਘਾ ਸਾਬਕਾ ਮੇਅਰ ਈਲਿੰਗ ਤੇ ਉਨ੍ਹਾਂ ਦੇ ਭਾਈ ਸਾਹਿਬ ਸੋਢੀ ਪਾਤਸ਼ਾਹ ਬਾਘਾ ਦੇ ਪਰਿਵਾਰ ਦੇ ਇਥੇ ਆਉਣ ਦੀ ਖੁਸ਼ੀ ਵਿਚ ਅਤੇ ਪਰਿਵਾਰ ਦੀ ਸੁੱਖ ਸ਼ਾਂਤੀ ਤੇ ਚੜ੍ਹਦੀ ਕਲਾ ਦੀ ਅਰਦਾਸ ਕੀਤੀ ਗਈ। ਭਾਈ ਸਾਹਿਬ ਸੋਢੀ ਪਾਤਸ਼ਾਹ ਦੀ ਸਿਹਤ ਦੀ ਤੰਦਰੁਸਤੀ ਤੇ ਸਭ ਦੇ ਭਲੇ ਦੀ ਅਰਦਾਸ ਹੋਈ। ਅਰਦਾਸ ਤੋਂ ਉਪਰੰਤ ਮੌਕੇ ਦੇ ਹਾਜ਼ਰ ਪਤਵੰਤੇ ਸੱਜਣਾ ਨੂੰ ਬਾਘਾ ਪਰਿਵਾਰ ਵਲੋਂ ਸਨਮਾਨਿਤ ਕੀਤਾ ਗਿਆ। ਸਭ ਤੋਂ ਪਹਿਲਾਂ ਗੁਰੂਘਰ ਵਲੋਂ ਸੋਢੀ ਪਾਤਸ਼ਾਹ ਸਾਹਿਬ ਜੀ ਨੂੰ ਸਿਰੋਪਾ ਦੀ ਬਖਸ਼ਿਸ਼ ਕੀਤੀ ਗਈ ਤੇ ਫਿਰ ਸਭਾ ਦੇ ਪ੍ਰਧਾਨ ਸ੍ਰੀ ਯੋਗਰਾਜ ਅਹੀਰ ਤੇ ਚੂਨੀ ਲਾਲ ਚੁੰੰਬਰ ਨੇ ਆਈ ਸੰਗਤ ਤੇ ਪਰਿਵਾਰ ਦਾ ਧੰਨਵਾਦ ਕੀਤਾ। ਈਲਿੰਗ ਦੇ ਮੇਅਰ ਕੌਂਸਲਰ ਤਜਿੰਦਰ ਸਿੰਘ ਧਾਮੀ ਨੂੰ ਪਰਿਵਾਰ ਵਲੋਂ ਸਿਰੋਪਾ ਤੇ ਉਸ ਦੀ ਚੈਰਿਟੀ ਲਈ 50 ਪੌਂਡ ਦਾ ਚੈਕ ਦਿੱਤਾ ਗਿਆ। ਧਾਮੀ ਜੀ ਨੇ ਆਈ ਸੰਗਤ ਤੇ ਪਰਿਵਾਰ ਦਾ ਧੰਨਵਾਦ ਕੀਤਾ। ਕੌਂਸਲਰ ਰਣਜੀਤ ਧੀਰ ਨੂੰ ਓ ਬੀ ਈ ਦੀ ਖੁਸ਼ੀ ਵਿਚ ਪਰਿਵਾਰ ਵਲੋਂ ਸਿਰੋਪਾ ਦਿੱਤਾ ਗਿਆ ਤੇ ਸਾਰੇ ਹਾਜ਼ਰ ਕੌਂਸਲਰ ਤੇ ਸਾਬਕਾ ਮੇਅਰ ਸੰਤੋਖ ਸਿੰਘ ਛੋਕਰ, ਉਂਕਾਰ ਸਹੋਤਾ ਅਸੰਬਲੀ ਮੈਂਬਰ ਤੇ ਇੰਡੀਆ ਤੋਂ ਆਏ ਪਵਨ ਕੁਮਾਰ ਕੈਲੀ ਤੇ ਸਵਰਨ ਦਾਸ ਚੰਦਰ ਨੂੰ ਵੀ ਸਿਰੋਪਾ ਦੇ ਕੇ ਨਿਵਾਜਿਆ। ਵਰਿੰਦਰ ਸ਼ਰਮਾ ਐਮ ਪੀ ਤੇ ਕੁਝ ਹੋਰ ਪਤਵੰਤੇ ਸੱਜਣ ਸਵੇਰੇ ਪਹਿਲਾਂ ਹੀ ਹਾਜ਼ਰੀ ਲਗਾ ਕੇ ਕਿਤੇ ਹੋਰ ਪ੍ਰੋਗਰਾਮ ‘ਤੇ ਚਲੇ ਗਏ ਸਨ। ਉਨ੍ਹਾਂ ਨੂੰ ਸਿਰੋਪਾ ਦੀ ਬਖਸ਼ਿਸ਼ ਨਹੀਂ ਹੋਈ। ਕੌਂਸਲਰ ਤੇਜ ਰਾਮ ਬਾਘਾ ਨੇ ਸਾਰੀ ਸੰਗਤ ਤੇ ਡੋਰਮਰਜ਼ ਵੈਲਜ਼ ਵਾਰਡ ਦੇ ਮੈਂਬਰਾਂ ਦਾ ਧੰਨਵਾਦ ਕੀਤਾ ਅਤੇ ਲੋੜ ਅਨੁਸਾਰ ਗੁਰੂਘਰ ਨੂੰ ਇਕ ਫਰਿੱਜ ਦੀ ਸੇਵਾ ਕੀਤੀ ਗਈ। ਸਟੇਜ ਦੀ ਸੇਵਾ ਸ਼ਿਵ ਰੱਤੂ ਨੇ ਨਿਭਾਈ। ਗੁਰੂ ਦਾ ਲੰਗਰ ਅਤੁੱਟ ਵਰਤਿਆ। ਇਸ ਮੌਕੇ ਸਿੰਘ ਸਭਾ ਦੇ ਟਰੱਸਟੀ ਡਾੰ ਪੀ ਬੀ ਸਿੰਘ ਜੌਹਲ, ਸ੍ਰੀ ਅਮਰਨਾਥ ਜੋਸ਼ੀ, ਕੌਂਸਲਰ ਕਰਮ ਮੋਹਨ, ਹੇਜ਼ ਤੇ ਸਾਊਥਾਲ ਤੋਂ ਕੌਂਸਲਰ ਪੁੱਜੇ ਹੋਏ ਸਨ।

ਸਿੰਘ ਸਭਾ ਸਾਊਥਾਲ ਵਲੋਂ ਨੈਸ਼ਨਲ ਐਵਾਰਡੀ ਸੰ ਸਰਵਣ ਸਿੰਘ ਔਜਲਾ ਦਾ ਸਨਮਾਨ

Aujla
ਸਰਵਣ ਸਿੰਘ ਨੂੰ ਸਿਰੋਪਾਓ ਭੇਟ ਕਰਦੇ ਹੋਏ ਗਿੰ ਅਮਰੀਕ ਸਿੰਘ, ਸੋਹਣ ਸਿੰਘ ਸਮਰਾ, ਸੁਰਿੰਦਰ ਸਿੰਘ ਔਜਲਾ ਅਤੇ ਸੁਖਦੇਵ ਸਿੰਘ ਔਜਲਾ

ਸਾਊਥਾਲ – ਪਿਛਲੇ ਦਿਨੀਂ ਪਰਿਵਾਰਕ ਸਮਾਗਮ ‘ਚ ਸ਼ਾਮਿਲ ਹੋਣ ਆਏ ਸਾਹਿਤ ਤੇ ਵਿਦਿਆ ਦੇ ਖੇਤਰ ‘ਚ ਮੱਲ੍ਹਾਂ ਮਾਰਨ ਵਾਲੇ ਨੈਸ਼ਨਲ ਐਵਾਰਡੀ ਸੰ ਸਰਵਣ ਸਿੰਘ ਔਜਲਾ ਦਾ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਦੀ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।
ਸਮਾਗਮ ‘ਚ ਬੋਲਦਿਆਂ ਸੰ ਸੋਹਣ ਸਿੰਘ ਸਮਰਾ ਮੀਤ ਪ੍ਰਧਾਨ ਵਲੋਂ ਸੰ ਔਜਲਾ ਦੇ ਜੀਵਨ ਤੇ ਕੰਮਾਂ ਕਾਰਨ ਕੌਮੀ ਮਾਣ ਬਣਨ ਲਈ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਸੰ ਔਜਲਾ ਨੇ ਸਿੱਖ ਕੌਮੀ ਵਿਰਾਸਤ ਨੂੰ ਸਾਂਭਣ ਲਈ ਮੌਜੂਦਾ ਪ੍ਰਬੰਧਕ ਕਮੇਟੀ ਦੀ ਭਰਵੀਂ ਪ੍ਰਸੰਸਾ ਕੀਤੀ। ਉਨ੍ਹਾਂ ਆਪਣੇ ਵੱਡੇ ਭਰਾ ਸੰ ਸੁਰਿੰਦਰ ਸਿੰਘ ਔਜਲਾ ਨੂੰ ਆਪਣੇ ਜੀਵਨ ਦਾ ਰਾਹ ਦਸੇਰਾ ਦੱਸਿਆ। ਗੁਰੂਘਰ ਦੇ ਡ ਗ੍ਰੰਥੀ ਗਿਆਨੀ ਅਮਰੀਕ ਸਿੰਘ, ਸੋਹਣ ਸਿੰਘ ਸਮਰਾ ਤੇ ਸੁਖਦੇਵ ਸਿੰਘ ਔਜਲਾ ਨੇ ਸੰ ਔਜਲਾ ਨੂੰ ਸਿਰੋਪਾਓ ਦੀ ਬਖਸ਼ਿਸ਼ ਕੀਤੀ। ਇਸ ਮੌਕੇ ਸੰ ਸੋਹਣ ਸਿੰਘ ਸਮਰਾ, ਸ੍ਰੀਮਤੀ ਸੁਰਜੀਤ ਕੌਰ, ਸੰ ਸੁਖਦੇਵ ਸਿੰਘ ਔਜਲਾ (ਕਮੇਟੀ ਮੈਂਬਰ), ਸੰ ਸੁਰਿੰਦਰ ਸਿੰਘ ਔਜਲਾ ਤੇ ਹੋਰ ਕਮੇਟੀ ਮੈਂਬਰ ਤੇ ਸੰਗਤਾਂ ਹਾਜ਼ਰ ਸਨ।

ਉਮਰਾਓ ਅਟਵਾਲ ਦੀ ਸਪੁੱਤਰੀ ਬੀਬਾ ਬਰਲੀਨ ਅਟਵਾਲ ਦਾ ਦੇਹਾਂਤ

Burleen Atwal

ਹੰਸਲੋ – ਯੂ ਕੇ ਭਰ ਵਿਚ ਪੰਜਾਬੀ ਭਾਈਚਾਰੇ ਦੀ ਆਪਣੇ ਖਾਣਿਆਂ ਰਾਹੀਂ ਸੇਵਾ ਕਰਦੇ ਆ ਰਹੇ ਕਿੰਗਜ਼ਵੇਅ ਰੈਸਟੋਰੈਂਟ ਦੇ ਮਾਲਕ ਉਮਰਾਓ ਅਟਵਾਲ ਅਤੇ ਬੀਬੀ ਜਸਬੀਰ ਕੌਰ ਅਟਵਾਲ ਦੀ ਸਪੁੱਤਰੀ ਬੀਬਾ ਬਰਲੀਨ ਅਟਵਾਲ ਦਾ ਬੀਤੇ ਸ਼ੁੱਕਰਵਾਰ 6 ਜੁਲਾਈ ਨੂੰ ਦੇਹਾਂਤ ਹੋ ਗਿਆ ।
32 ਸਾਲਾ ਬੀਬਾ ਬਰਲੀਨ ਅਟਵਾਲ ਪਿਛਲੇ ਲੰਬੇ ਸਮੇਂ ਤੋਂ ਇਕ ਬਿਮਾਰੀ ਤੋਂ ਪੀੜਤ ਸੀ ਜਿਸ ਦੀ ਪਰਿਵਾਰ ਵਲੋਂ ਦੇਖਭਾਲ ਕੀਤੀ ਜਾਂਦੀ ਸੀ ਅਤੇ ਕੁਝ ਮਹੀਨਿਆਂ ਤੋਂ ਹਸਪਤਾਲ ਵਿਚ ਜੇਰੇ ਇਲਾਜ ਸੀ। ਭਾਈਚਾਰੇ ਵਲੋਂ ਅਟਵਾਲ ਅਤੇ ਬੀਬੀ ਜਸਬੀਰ ਅਟਵਾਲ ਨਾਲ ਅਫਸੋਸ ਪ੍ਰਗਟ ਕੀਤਾ ਜਾ ਰਿਹਾ । ਬਰਲੀਨ ਅਟਵਾਲ ਦੇ ਅਕਾਲ ਚਲਾਣੇ ‘ਤੇ ਸਿੰਘ ਸਭਾ ਸਾਊਥਾਲ ਦੇ ਸਾਬਕਾ ਪ੍ਰਧਾਨ ਸੰ ਹਿੰਮਤ ਸਿੰਘ ਸੋਹੀ, ਸੁਰਜੀਤ ਸਿੰਘ ਜੌਹਲ, ਜਗਦੀਸ਼ ਸਿੰਘ ਜੌਹਲ, ਪ੍ਰੀਤਮ ਬਰਾੜ, ਮੁਕੰਦ ਸਿੰਘ ਧਾਲੀਵਾਲ, ਜਸਵੰਤ ਸਿੰਘ ਗਰੇਵਾਲ, ਹਰਚੰਦ ਸਿੰਘ ਗਰੇਵਾਲ, ਡਾੰ ਪਰਵਿੰਦਰ ਸਿੰਘ ਗਰਚਾ, ਡਾੰ ਦਵਿੰਦਰਪਾਲ ਸਿੰਘ ਕੂਨਰ, ਦਵਿੰਦਰ ਸਿੰਘ ਜੌਹਲ, ਕੇਵਲ ਸਿੰਘ ਸਿੱਧੂ, ਸ਼ਰਨਬੀਰ ਸਿੰਘ ਸੰਘਾ, ਸੰ ਅਮਰਜੀਤ ਸਿੰਘ ਢਿੱਲੋਂ, ਰਵਿੰਦਰ ਸਿੰਘ ਜੌਹਲ, ਗੁਰਜੀਤ ਸਿੰਘ ਬਾਹੀਆ, ਰਜਿੰਦਰ ਸਿੰਘ ਗਿੱਲ, ਬਾਈ ਹਰਦੀਪ ਚੀਮਾ, ਮੱਖਣ ਸਿੰਘ ਸਿੱਧੂ, ਗੁਰਦਿਆਲ ਧਾਮੀ, ਤਾਰਾ ਸਿੰਘ ਸਿੱਧੂ, ਪਰਮਜੀਤ ਸਿੰਘ ਰੰਧਾਵਾ, ਗੁਰਪਾਲ ਸਿੰਘ ਰੰਧਾਵਾ, ਦੀਦਾਰ ਭੰਡਾਲ ਵਲੋਂ ਗਹਿਰੇ ਦੁੱਖ ਦਾ ਪ੍ਰਗਟਾਵਾ
ਕੀਤਾ ਗਿਆ ।
ਬਰਲੀਨ ਅਟਵਾਲ ਦਾ ਅੰਤਿਮ ਸਸਕਾਰ ਸੋਮਵਾਰ 16 ਜੁਲਾਈ ਨੂੰ ਫੈਲਥਮ ਵਿਖੇ ਦੁਪਹਿਰ 12ੰ40 ਵਜੇ ਹੋਵੇਗਾ ਅਤੇ ਉਪਰੰਤ ਪਾਠ ਦੇ ਭੋਗ ਹੰਸਲੋ ਗੁਰੂਘਰ ਵਿਖੇ 2 ਵਜੇ ਪਾਏ ਜਾਣਗੇ। ਉਮਰਾਓ ਅਟਵਾਲ ਨਾਲ 07956 322808 ‘ਤੇ ਸੰਪਰਕ ਕੀਤਾ ਜਾ ਸਕਦਾ ।

Powered By Indic IME