NEWS

ਪ੍ਰਸਿੱਧ ਚੈਰਿਟੀ ਸੰਸਥਾ “ਦਿ ਸਿੱਖ ਫੋਰਮ ਇੰਟਰਨੈਸ਼ਨਲ” ਵਲੋਂ 31ਵਾਂ ਸਾਲਾਨਾ ਸਮਾਗਮ ਕਰਵਾਇਆ ਗਿਆ

ਹਾਊਸ ਆਫ ਲਾਰਡਜ਼ ਵਿਖੇ ਪਾਰਲੀਮੈਂਟ ਦੇ ਪਹਿਲੇ ਸਿੱਖ ਮੈਂਬਰ ਸਰਦਾਰ ਤਨਮਨਜੀਤ ਸਿੰਘ ਢੇਸੀ ਦਾ “ਸਿੱਖ ਆਫ ਦਾ ਯੀਅਰ” ਨਾਲ ਸਨਮਾਨ
ਲੰਡਨ – ਸਿੱਖ ਫੋਰਮ ਇੰਟਰਨੈਸ਼ਨਲ ਵਲੋਂ ਬਰਤਾਨੀਆ ਦੀ ਸੰਸਦ ‘ਚ ਕਰਵਾਏ ਸਮਾਗਮ ਦੌਰਾਨ ਪਹਿਲੇ ਦਸਤਾਰਧਾਰੀ ਸਿੱਖ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ ਨੂੰ ‘ਸਿੱਖ ਆਫ਼ ਦਾ ਯੀਅਰ–2018′ ਪੁਰਸਕਾਰ ਨਾਲ ਨਿਵਾਜਿਆ ਗਿਆ।
ਇਹ ਪੁਰਸਕਾਰ ਫੋਰਮ ਦੇ ਚੇਅਰਮੈਨ ਰਣਜੀਤ ਸਿੰਘ ਓੰਬੀੰਈੰ, ਭਾਰਤੀ ਹਾਈ ਕਮਿਸ਼ਨਰ ਵਾਈੰਕੇੰ ਸਿਨਹਾ ਅਤੇ ਲਾਰਡ ਜੌਹਨ ਸਟੀਵਨਜ਼ ਵਲੋਂ ਭੇਟ ਕੀਤਾ ਗਿਆ ਅਤੇ ਬੀਬੀ ਮਨਵੀਰ ਕੌਰ ਢੇਸੀ ਦਾ ਵੀ ਫੁੱਲਾਂ ਦਾ ਗੁਲਦਸਤਾ ਦੇ ਕੇ ਸਵਾਗਤ ਕੀਤਾ ਗਿਆ। ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਰਣਜੀਤ ਸਿੰਘ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਦਿਆਂ ਧੰਨਵਾਦ ਕੀਤਾ। ਹਾਈ ਕਮਿਸ਼ਨਰ ਵਾਈੰਕੇੰ ਸਿਨਹਾ ਨੇ ਵਿਸਾਖੀ ਦੀਆਂ ਸ਼ੁੱਭਕਾਮਨਾਵਾਂ ਦਿੰਦਿਆਂ ਭਾਰਤ ਅਤੇ ਯੂੰਕੇੰ ਦੇ 70 ਸਾਲਾ ਰਿਸ਼ਤਿਆਂ ਦਾ ਜ਼ਿਕਰ ਕੀਤਾ। ਇਸ ਤੋਂ ਇਲਾਵਾ ਇਸ ਮੌਕੇ ਸੰਸਦ ਮੈਂਬਰ ਸੀਮਾ ਮਲਹੋਤਰਾ, ਡਾੰ ਰੰਮੀ ਰੇਂਜਰ, ਬੈਰੋਨੈਸ ਵਰਜੀਨੀਆ ਬੋਟਮਲੀ, ਚੀਫ਼ ਕਾਂਸਟੇਬਲ ਪੁਲਿਸ ਸਟੀਵਨ ਕੈਵਨਾ, ਪ੍ਰਸਿੱਧ ਅੰਗਰੇਜ਼ ਉਦਯੋਗਪਤੀ ਜੈਰਲਡ ਰੋਅਨਸਨ, ਰੋਕੋ ਕੈਂਸਰ ਦੇ ਗੁਰਦੀਪ ਸਿੰਘ, ਜਸਪਾਲ ਸਿੰਘ ਢੇਸੀ ਤੇ ਸੁਪਰਡੈਂਟ ਪੁਲੀਸ ਕਾਰਲ ਲਿੰਡਲੀ ਆਦਿ ਮੁੱਖ ਤੌਰ ‘ਤੇ ਹਾਜ਼ਰ ਸਨ।
ਤਨਮਨਜੀਤ ਸਿੰਘ ਢੇਸੀ ਨੇ ਅੰਤਰਰਾਸ਼ਟਰੀ ਸਿੱਖ ਵਰਗ ਵਿਚ ਬਹੁਤ ਵਧੀਆ ਭੂਮਿਕਾ ਨਿਭਾਈ । ਇਹ ਵਰਨਣਯੋਗ ਕਿ ਤਨਮਨਜੀਤ ਸਿੰਘ ਦੀ 2017 ਵਿਚ ਪਹਿਲੇ ਪਗੜੀਧਾਰੀ ਸਿੱਖ ਮੈਂਬਰ ਪਾਰਲੀਮੈਂਟ ਵਜੋਂ ਚੋਣ ਹੋਈ ਸੀ। ਅਜਿਹੀ ਮਿਸਾਲ ਯੂਰਪ ਵਿਚ ਕਿਸੇ ਹੋਰ ਪਾਰਲੀਮੈਂਟ ਵਿਚ ਨਹੀਂ ਮਿਲਦੀ। ਸੰ ਢੇਸੀ ਸੈਂਟਰਲ ਲੰਡਨ ਵਿਚ ਇਕ ਨੈਸ਼ਨਲ ਸਿੱਖ ਵਾਰ ਮੈਮੋਰੀਅਲ ਦੀ ਸਥਾਪਨਾ ਲਈ ਮੁਹਿੰਮ ਦੀ ਅਗਵਾਈ ਕਰ ਰਿਹਾ , ਜਿਸ ਵਿਚ ਸਰਕਾਰ ਵੀ ਬਹੁਤ ਮੱਦਦ ਕਰ ਰਹੀ । ਬਰਤਾਨੀਆ ਦੇ ਸਮੂਹ ਭਾਰਤੀ ਭਾਈਚਾਰੇ ਖਾਸ ਤੌਰ ‘ਤੇ ਸਿੱਖਾਂ ਵਿਚ ਜਾਣੀ ਪਛਾਣੀ ਸ਼ਖਸੀਅਤ ਸੰ ਤਨਮਨਜੀਤ ਸਿੰਘ ਢੇਸੀ ਬਰਤਾਨੀਆ ਵਿਚ ਸਿੱਖਾਂ ਦੀ ਮਾਰਸ਼ਲ ਖੇਡ ਗਤਕਾ ਫੈਡਰੇਸ਼ਨ ਯੂ ਕੇ ਦੇ ਪ੍ਰਧਾਨ ਵੀ ਹਨ।
ਐਵਾਰਡ ਪ੍ਰਾਪਤ ਕਰਨ ਉਪਰੰਤ ਆਪਣੇ ਸੰਬੋਧਨ ਵਿਚ ਸੰ ਢੇਸੀ ਨੇ ਕਿਹਾ ਕਿ ਇਹ ਬੜੇ ਮਾਣ ਵਾਲੀ ਗੱਲ ਕਿ ਸਿੱਖ ਫੋਰਮ ਇੰਟਰਨੈਸ਼ਨਲ ਨੇ ਮੈਨੂੰ ਉਘੀਆਂ ਸ਼ਖਸੀਅਤਾਂ ਦੀ ਸੂਚੀ ਵਿਚ ਸ਼ਾਮਿਲ ਕੀਤਾ ਅਤੇ ਮੈਂ ਉਨ੍ਹਾਂ ਸਭਨਾਂ ਦਾ ਧੰਨਵਾਦ ਕਰਦਾ ਹਾਂ, ਜਿਨ੍ਹਾਂ ਨੇ ਮੇਰੇ ਜਨਤਕ ਸਿਆਸੀ ਜੀਵਨ ਦੇ ਦਸ ਵਰ੍ਹਿਆਂ ਤੋਂ ਵਧੇਰੇ ਸਮੇਂ ਤੱਕ ਮੇਰੀ ਮੱਦਦ ਕੀਤੀ । ਸੰ ਰਣਜੀਤ ਸਿੰਘ ਓ ਬੀ ਈ ਗਲੋਬਲ ਪ੍ਰਧਾਨ ਸਿੱਖ ਫੋਰਮ ਇੰਟਰਨੈਸ਼ਨਲ ਨੇ ਕਿਹਾ ਕਿ ਇਹ ਫੋਰਮ ਖੈਰਾਇਤੀ ਅਤੇ ਸੱਭਿਆਚਾਰਕ ਸੰਗਠਨ , ਜਿਸ ਦਾ ਉਦੇਸ਼ ਸਿੱਖ ਸੱਭਿਆਚਾਰ ਨੂੰ ਉਨਤ ਕਰਨਾ ਅਤੇ ਅਮਨ–ਸ਼ਾਂਤੀ, ਇਕੋ ਇਕ ਵਾਹਿਗੁਰੂ ਅਤੇ ਸਰਬ ਵਿਆਪਕ ਭਾਈਚਾਰੇ ਦਾ ਸੰਦੇਸ਼ ਦੁਨੀਆ ਦੇ ਕੋਨੇ ਕੋਨੇ ਵਿਚ ਫੈਲਾਉਣਾ । ਅਸੀਂ ਸੰ ਢੇਸੀ ਨੂੰ ਸਿੱਖ ਆਫ ਦੀ ਯੀਅਰ ਦਾ ਐਵਾਰਡ ਦੇ ਕੇ ਆਪਣੇ ਆਪ ਨੂੰ ਵਡਭਾਗੇ ਮਹਿਸੂਸ ਕਰਦੇ ਹਾਂ। ਸਾਡੇ ਇਸ ਕਾਰਜ ਨਾਲ ਸਿੱਖ ਕੌਮ ਦੇ ਸਨਮਾਨ ਵਿਚ ਵੀ ਵਾਧਾ ਹੋਇਆ । ਸਿੱਖ ਫੋਰਮ ਬਾਰੇ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਆਖਿਆ ਕਿ ਫੋਰਮ ਵਲੋਂ ਕਰਵਾਇਆ ਜਾਂਦਾ ਸ਼ਾਨਦਾਰ ਸਮਾਗਮ ਬਰਤਾਨੀਆ ਦੇ ਸਮਾਜਿਕ ਘੇਰੇ ਵਿਚ ਇਕ ਮਹੱਤਵਪੂਰਨ ਘਟਨਾ ਬਣ ਗਈ । ਸਮਾਗਮ ਮੌਕੇ ਵਿਸ਼ੇਸ਼ ਮਹਿਮਾਨਾਂ ਵਿਚ ਪੀਟਰ ਦਿਗਵਾ, ਚੰਚਲ ਸਿੰਘ ਚੌਧਰੀ, ਪੌਲ ਰਾਇਤ, ਮੋਹਨ ਸਿੰਘ ਭਾਰਜ, ਸਿੰਘ ਸਭਾ ਸਾਊਥਾਲ ਦੇ ਟਰੱਸਟੀ ਅਮਰਜੀਤ ਸਿੰਘ ਦਾਸਨ, ਪਰਮਜੀਤ ਸਿੰਘ ਸੱਚਦੇਵਾ (ਨੇਤਾ ਹੁਸ਼ਿਆਰਪੁਰ), ਪੀ ਐਸ ਦਹੇਲੀ, ਜੇ ਜੇ ਸਿੰਘ ਆਹਲੂਵਾਲੀਆ ਅਤੇ ਸੰ ਰਬਿੰਦਰ ਸਿੰਘ ਸੋਹਲ ਹਾਜ਼ਰ ਸਨ। ਇਸ ਸਮਾਗਮ ਲਈ ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸੰ ਮਨਮੋਹਨ ਸਿੰਘ, ਬਰਤਾਨੀਆ ਦੇ ਸਥਾਨਕ ਸਰਕਾਰਾਂ ਬਾਰੇ ਮੰਤਰੀ ਲਾਰਡ ਬੌਰਨ ਆਫ ਐਬਰ ਸਮਿੱਥ, ਮੈਟਰੋਪੋਲਿਟਨ ਪੁਲਿਸ ਦੇ ਕਮਿਸ਼ਨਰ ਕਰੈਸਿਡਾ ਡਿੱਕ ਓ ਬੀ ਈ, ਲੌਰਡ ਸ਼ੇਖ, ਮੇਅਰ ਆਫ ਲੰਡਨ ਮਿੰ ਸਾਦਿਕ ਖਾਨ ਨੇ ਸਮਾਗਮ ਦੀ ਕਾਮਯਾਬੀ ਲਈ ਸ਼ੁੱਭਇੱਛਾਵਾਂ ਦੇ ਸੰਦੇਸ਼ ਭੇਜੇ।
ਅਖੀਰ ਵਿਚ ਫੋਰਮ ਦੇ ਮੁੱਖ ਸੰਚਾਲਕ ਸੰ ਰਣਜੀਤ ਸਿੰਘ ਓ ਬੀ ਈ ਨੇ ਸਾਰੇ ਮਹਿਮਾਨਾਂ ਦਾ ਜਿਥੇ ਧੰਨਵਾਦ ਕੀਤਾ ਉਥੇ ਹੀ ਉਨ੍ਹਾਂ ਸਿੱਖ ਪਤਵੰਤਿਆਂ ਕੋਲੋਂ ਖਿਮਾ ਜਾਚਨਾ ਕੀਤੀ ਜਿਨ੍ਹਾਂ ਦੇਰ ਨਾਲ ਪ੍ਰੋਗਰਾਮ ਵਿਚ ਪਹੁੰਚਣ ਲਈ ਬੇਨਤੀ ਕੀਤੀ ਸੀ ਕਿਉਂਕਿ ਹਾਊਸ ਆਫ ਲਾਰਡ ਦੀ ਸੁਰੱਖਿਆ ਨੂੰ ਮੁੱਖ ਰੱਖਦਿਆਂ ਸਾਰੇ ਪ੍ਰਬੰਧ ਪਹਿਲ ਦੇ ਅਧਾਰ ‘ਤੇ ਕਰਨੇ ਪੈਂਦੇ ਹਨ।
ਇਥੇ ਇਹ ਵਰਨਣਯੋਗ ਕਿ ਸਿੱਖ ਫੋਰਮ ਇੰਟਰਨੈਸ਼ਨਲ ਵਲੋਂ ਪਹਿਲੇ ਸਮਾਗਮਾਂ ਵਿਚ 1971 ‘ਚ ਭਾਰਤ–ਪਾਕਿਸਤਾਨ ਦੀ ਜੰਗ ਦੇ ਹੀਰੋ ਜਨਰਲ ਜਗਜੀਤ ਸਿੰਘ ਅਰੋੜਾ, ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਕੇ ਟੀ ਐਸ ਤੁਲਸੀ, ਮਸ਼ਹੂਰ ਪੱਤਰਕਾਰ ਪਤਵੰਤ ਸਿੰਘ, ਸੰ ਮੌਨਟੇਕ ਸਿੰਘ ਆਹਲੂਵਾਲੀਆ, ਜਸਟਿਸ ਮੋਤਾ ਸਿੰਘ, ਜਨਰਲ ਜੇ ਜੇ ਸਿੰਘ, ਮਹਾਰਾਣੀ ਪ੍ਰਨੀਤ ਕੌਰ ਅਤੇ ਸਮਾਜ ਸੇਵਕ ਐਸ ਪੀ ਸਿੰਘ ਨੂੰ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ।

ਪੁਲਿਸ ਵਰਦੀ ਵਿਚ ਆਏ ਲੁਟੇਰਿਆਂ ਵਲੋਂ ਭਾਰਤੀ ਸੁਨਿਆਰੇ ਨੂੰ ਲੁੱਟਣ ਦੀ ਕੋਸ਼ਿਸ਼ ਅਸਫਲ

ਬਰਮਿੰਘਮ – ਇਥੋਂ ਦੀ ਬਹੁ–ਚਰਚਿਤ ਸਟਰੈਟਫਰਡ ਰੋਡ ‘ਤੇ ਸਥਿਤ ਭਾਰਤੀ ਸੁਨਿਆਰੇ ਨੂੰ ਲੁੱਟਣ ਆਏ ਪੁਲਿਸ ਵਰਦੀਧਾਰੀ ਲੁਟੇਰਿਆਂ ਨੇ ਉਸ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਅਤੇ ਪੁਲਿਸ ਆ ਜਾਣ ਕਾਰਨ ਦੋ ਲੁਟੇਰੇ ਭੱਜਣ ਵਿਚ ਸਫਲ ਹੋ ਗਏ ਜਦ ਕਿ ਤਿੰਨਾਂ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ।
ਮੰਗਲਵਾਰ 17 ਅਪ੍ਰੈਲ ਨੂੰ ਸਿਖਰ ਦੁਪਹਿਰੇ 12ੰ50 ਵਜੇ ਇਕ ਲੁਟੇਰੇ ਜਿਸ ਨੇ ਪੁਲਿਸ ਵਰਗੀ ਕਾਲੀ ਵਰਦੀ ਪਾਈ ਸੀ, ਨੇ ਆਪਣਾ ਜਾਅਲੀ ਸ਼ਨਾਖਤੀ ਬੈਜ ਦਿਖਾਉਂਦਿਆਂ ਸੁਨਿਆਰੇ ਕੋਲੋਂ ਮੁੱਖ ਦਰਵਾਜ਼ਾ ਖੁੱਲ੍ਹਵਾ ਲਿਆ ਅਤੇ ਕਿਹਾ ਕਿ ਉਹ ਕੋਈ ਜਾਂਚ ਕਰਨ ਆਏ ਹਨ। ਦੁਕਾਨ ਵਿਚ ਦਾਖਲਾ ਪ੍ਰਾਪਤ ਕਰਨ ਬਾਅਦ ਉਨ੍ਹਾਂ ਭਾਰਤੀ ਮੂਲ ਦੇ ਡੁਬਈ ਜਿਊਲਰਜ਼ ਦੇ ਮਾਲਕ ਨੂੰ ਕਰੀਬ ਪੱਚੀ ਮਿੰਟ ਕੁੱਟਿਆ।
ਪੁਲਿਸ ਨੂੰ ਮੌਕੇ ਸਿਰ ਸੂਚਨਾ ਮਿਲਣ ‘ਤੇ ਜਦ ਡੁਬਈ ਜਿਊਲਰਜ਼ ਦੇ ਪਹੁੰਚੀ ਤਾਂ ਕਾਲੀ ਵਰਦੀਧਾਰੀ ਲੁਟੇਰੇ ਭੱਜ ਨਿਕਲੇ ਜਿਨ੍ਹਾਂ ਵਿਚੋਂ ਪੁਲਿਸ ਨੇ ਪੈਦਲ ਦੌੜ ਕੇ ਪਿੱਛਾ ਕਰਨ ਉਪਰੰਤ ਤਿੰਨਾਂ ਨੂੰ ਗ੍ਰਿਫਤਾਰ ਕਰ ਲਿਆ ਜਦ ਕਿ ਦੋ ਫਰਾਰ ਹੋਣ ਵਿਚ ਸਫਲ ਹੋ ਗਈ। ਸੁਨਿਆਰੇ ਦੇ ਭਰਾ ਪ੍ਰਦੀਪ ਕੁਮਾਰ ਨੇ ਸਥਾਨਕ ਅਖਬਾਰ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਪੁਲਿਸ ਦਾ ਭੁਲੇਖਾ ਪਾ ਕੇ ਸੁਰੱਖਿਆ ਦਰਵਾਜ਼ਾ ਖੁੱਲ੍ਹਵਾ ਲਿਆ ਸੀ ਅਤੇ ਅੰਦਰ ਦਾਖਲ ਹੋਣ ਬਾਅਦ ਉਸ ਦੇ ਭਰਾ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ। ਜੋ ਕਿ ਸੱਟਾਂ ਕਾਰਨ ਬਰਮਿੰਘਮ ਦੇ ਕੁਈਨ ਐਲਿਜ਼ਾਬੈਥ ਹਸਪਤਾਲ ਵਿਚ ਜ਼ੇਰੇ ਇਲਾਜ । ਸੁਨਿਆਰੇ ਦੇ ਗੁਆਂਢੀ ਚੀਨੀ ਮੈਡੀਕਲ ਸੈਂਟਰ ਦੇ ਮਾਲਕ ਨੇ ਦੱਸਿਆ ਕਿ ਉਸ ਨੇ ਪੰਜ ਬੰਦਿਆਂ ਨੂੰ ਇਕੋ ਜਿਹੀਆਂ ਵਰਦੀਆਂ ਵਿਚ ਸਟਰੈਟਫਰਡ ਰੋਡ ‘ਤੇ ਭੱਜਦੇ ਵੇਖਿਆ ਸੀ ਜਦ ਕਿ ਉਸੇ ਸਮੇਂ ਪੁਲਿਸ ਦੀ ਗੱਡੀ ਆ ਗਈ ਜਿਨ੍ਹਾਂ ਨੇ ਉਨ੍ਹਾਂ ਲੁਟੇਰਿਆਂ ਦਾ ਭੱਜ ਕੇ ਪਿੱਛਾ ਕੀਤਾ ਸੀ।
ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ ਕਿ ਵੈਸਟ ਮਿਡਲੈਂਡ ਪੁਲਿਸ ਕਰੀਬ 12ੰ50 ‘ਤੇ ਡਾਕੇ ਵਾਲੇ ਜਗ੍ਹਾ ਪਹੁੰਚ ਗਹੀ ਸੀ ਜਿਸ ਨੇ ਮੌਕੇ ‘ਤੇ ਪਿੱਛਾ ਕਰਕੇ ਤਿੰਨ ਲੁਟੇਰੇ ਗ੍ਰਿਫਤਾਰ ਕੀਤੇ ਹਨ ਜਦ ਕਿ ਦੋ ਫਰਾਰ ਹੋਣ ਵਿਚ ਸਫਲ ਹੋ ਗਏ। ਪੁਲਿਸ ਨੇ ਸੁਨਿਆਰੇ ਦੀ ਦੁਕਾਨ ਮੂਹਰੇ ਖੜੀ ਵੋਗਸਵੈਗਨ ਕਾਰ ਨੂੰ ਵੀ ਘੇਰੇ ਵਿਚ ਲੈ ਲਿਆ ਸੀ ਜਿਸ ‘ਤੇ ਪਾਰਕਿੰਗ ਟਿਕਟ ਲੱਗੀ ਹੋਈ ਸੀ ਅਤੇ ਜਾਂਚ ਵਿਚ ਜੁਟ ਗਈ । ਪੁਲਿਸ ਨੇ ਜਾਣਕਾਰੀ ਲਈ 101 ਨੰਬਰ ‘ਤੇ 1068 ਦਾ ਹਵਾਲਾ ਦੇ ਕੇ ਸਹਿਯੋਗ ਦੀ ਮੰਗ ਕੀਤੀ ।
ਪੁਲਿਸ ਨੇ ਬੁੱਧਵਾਰ 18 ਅਪ੍ਰੈਲ ਨੂੰ ਬਰਮਿੰਘਮ ਰੋਡ ਦੇ 48 ਸਾਲਾ ਜੇਮਸ ਸੈਰਕਰ ਅਤੇ ਕੁਇੰਟਨ ਦੇ 20 ਸਾਲਾ ਬਿਲੀ ਐਬਟਸ ਨੂੰ ਡਾਕੇ ਦੇ ਕੇਸ ਵਿਚ ਗ੍ਰਿਫਤਾਰ ਕਰਕੇ ਬਰਮਿੰਘਮ ਮੈਜਿਸਟਰੇਟ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਦ ਕਿ ਤੀਜਾ ਡਾਕੂ ਪੁਲਿਸ ਨਿਗਰਾਨੀ ਹੇਠ ਹਸਪਤਾਲ ਵਿਚ ।

ਸਲੋਹ ਦੇ ਨੌਜਵਾਨ ਬਰਤਾਨਵੀ ਕਬੱਡੀ ਖਿਡਾਰੀ ਜਸਕਰਨ ਸੰਧੂ ਦੀ ਮੌਤ ਕੋਰੋਨਰ ਵਲੋਂ ਹਾਦਸਾ ਕਰਾਰ

Jaskaran sandhu

ਸਲੋਹ – ਇਥੋਂ ਦੇ ਨੌਜਵਾਨ ਬਰਤਾਨਵੀ ਕਬੱਡੀ ਖਿਡਾਰੀ ਜਸਕਰਨ ਸਿੰਘ ਸੰਧੂ ਦੀ ਪਿਛਲੇ ਸਾਲ 28 ਅਗਸਤ ਨੂੰ ਸੜਕੀ ਆਵਾਜਾਈ ਦੌਰਾਨ ਮੌਤ ਨੂੰ ਹਾਦਸਾ ਕਰਾਰ ਦਿੱਤਾ ਗਿਆ ।
ਰੈਡਿੰਗ ਕਰਾਊਨ ਕੋਰਟ ਵਿਚ ਬੀਤੇ ਦਿਨੀਂ ਕੋਰੋਨਰ ਰਵੀ ਸਿੱਧੂ ਨੇ ਸੁਣਿਆ ਕਿ ਪਿਛਲੀ ਅਗਸਤ 28 ਨੂੰ ਇਕ ਪਰਿਵਾਰਕ ਵਿਆਹ ਤੋਂ ਵਾਪਸ ਆਉਣ ਬਾਅਦ ਦੇਰ ਰਾਤ ਜਸਕਰਨ ਸੰਧੂ ਨੇ ਆਪਣੇ ਇਕ ਮਿੱਤਰ ਨੂੰ ਉਸ ਦੇ ਘਰ ਪਹੁੰਚਾਉਣ ਦਾ ਵਾਅਦਾ ਕੀਤਾ ਸੀ ਅਤੇ ਜਦੋਂ ਉਹ ਵਾਪਸ ਆਪਣੇ ਘਰ ਆ ਰਿਹਾ ਸੀ ਤਾਂ ਤੜਕੇ ਕਰੀਬ 4ੰ30 ਵਜੇ ਸਲੋਹ ਨੇੜੇ ਡੈਚਟ ਦੀ ਰਾਈਡਿੰਗ ਕੋਰਟ ਰੋਡ ‘ਤੇ ਉਸ ਦੀ ਕਾਰ ਹਾਦਸਾਗ੍ਰਸਤ ਹੋ ਗਈ ਸੀ। ਇਸ ਹਾਦਸੇ ਵਿਚ ਆਪਣੀ ਨਵੀਂ ਨਿਕੋਰ ਬੀ ਐਮ ਡਬਲਿਊ 335 ਕਾਰ ਚਲਾ ਰਹੇ ਜਸਕਰਨ ਸੰਧੂ ਦੀ ਦਿਮਾਗੀ ਸੱਟਾਂ ਨਾਲ ਮੌਤ ਹੋਣ ਦਾ ਖਦਸ਼ਾ ਪ੍ਰਗਟਾਇਆ ਗਿਆ ।
ਕੋਰੋਨਰ ਨੂੰ ਰਿਪੋਰਟ ਪੇਸ਼ ਕਰਦਿਆਂ ਹਾਦਸੇ ਦੇ ਮਾਹਿਰ ਇੰਸਪੈਕਟਰ ਡੇਵਿਡ ਵਿਲਸਨ ਨੇ ਦੱਸਿਆ ਕਿ ਸੰਧੂ ਦੀ ਕਾਰ ਦੇ ਚਾਰੇ ਪਾਸੇ ਵਾਲੇ ਸ਼ੀਸ਼ੇ ਕਾਫੀ ਗੂੜੇ ਕਾਲੇ ਰੰਗ ਦੇ ਸਨ ਤੇ ਹੋ ਸਕਦਾ ਕਿ ਉਹ ਮੌੜ ‘ਤੇ ਇਨ੍ਹਾਂ ਕਾਰਨਾਂ ਕਰਕੇ ਆਪਣੀ ਕਾਰ ਨੂੰ ਸੰਭਾਲ ਨਾ ਸਕਿਆ ਹੋਵੇ ਜਦ ਕਿ ਉਸ ਸਮੇਂ ਸੰਧੂ 60 ਮੀਲ ਦੀ ਸੜਕ ‘ਤੇ ਸਿਰਫ 61 ਜਾਂ 66 ਮੀਲ ਦੀ ਰਫਤਾਰ ‘ਤੇ ਗੱਡੀ ਚਲਾ ਰਿਹਾ ਹੋਵੇਗਾ। ਜਸਕਰਨ ਦੀ ਨਸ਼ੇ ਸਬੰਧੀ ਰਿਪੋਰਟ ਵਿਚ ਇਹ ਸਪੱਸ਼ਟ ਕਿ ਉਹ ਗੱਡੀ ਚਲਾਉਣ ਦੇ ਸਮਰੱਥ ਸੀ ਅਤੇ ਉਸ ਨੇ ਕਾਨੂੰਨੀ ਮਾਤਰਾ ਤੋਂ ਵੱਧ ਨਸ਼ੇ ਦਾ ਸੇਵਨ ਨਹੀਂ ਸੀ ਕੀਤਾ। ਕੋਰੋਨਰ ਨੂੰ ਇਹ ਵੀ ਦੱਸਿਆ ਅਿਗਾ ਕਿ ਹਾਦਸੇ ਮੌਕੇ ਗੱਡੀ ਦੀਆਂ ਮੁੱਖ ਲਾਈਟਾਂ ਬੰਦ ਸਨ। ਜਿਸ ਕਾਰਨ ਉਸ ਦੀ ਰੁਕਣ ਅਤੇ ਦੇਖਣ ਦੀ ਸਮਰੱਥਾ ਵਿਚ ਵੀ ਵਿਘਨ ਪਿਆ ਹੋ ਸਕਦਾ।
ਕੋਰੋਨਰ ਰਵੀ ਸਿੱਧੂ ਨੇ ਸਾਰੀਆਂ ਰਿਪੋਰਟਾਂ ਬਾਅਦ ਇਸ ਨੂੰ ਦੁੱਖਦਈ ਹਾਦਸਾ ਦੱਸਦੇ ਹੋਏ ਜਸਕਰਨ ਸਿੰਘ ਦੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟਾਉਂਦਿਆਂ ਕਿਹਾ ਕਿ ਮੈਨੂੰ ਅਫਸੋਸ ਕਿ ਤੁਸੀਂ ਆਪਣੇ 22 ਸਾਲਾ ਨੌਜਵਾਨ ਬੇਟੇ ਨੂੰ ਇਸ ਦੁਰਘਟਨਾ ਵਿਚ ਗਵਾ ਲਿਆ ਅਤੇ ਜਦੋਂ ਤੁਸੀਂ ਉਸ ਦੀ ਮੌਤ ਬਾਰੇ ਸੁਣਿਆ ਹੋਵੇਗਾ ਤਾਂ ਉਹ ਤੁਹਾਡੇ ਦਿਲ ਨੂੰ ਤੋੜਨ ਵਾਲੀ ਖਬਰ ਹੋਵੇਗੀ।
ਜ਼ਿਕਰਯੋਗ ਕਿ ਨੌਜਵਾਨ ਬਰਤਾਨਵੀ ਕਬੱਡੀ ਖਿਡਾਰੀ ਜਸਕਰਨ ਸਿੰਘ ਸੰਧੂ ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਦੇ ਪ੍ਰਧਾਨ ਸਤਿੰਦਰਪਾਲ ਸਿੰਘ ਗੋਲਡੀ ਦਾ ਸਪੁੱਤਰ ਅਤੇ ਸਲੋਹ ਦੇ ਪ੍ਰਸਿੱਧ ਕਾਰੋਬਾਰੀ ਰੇਸ਼ਮ ਸਿੰਘ ਡੇਲ ਦਾ ਦੋਹਤਾ ਸੀ। ਜਸਕਰਨ ਬਹੁਤ ਹੀ ਉਤਮ ਕਬੱਡੀ ਖਿਡਾਰੀ ਸੀ ਜਿਸ ਨੇ ਵਿਸ਼ਵ ਕਬੱਡੀ ਕੱਪਾਂ ਵਿਚ ਵੀ ਆਪਣਾ ਲੋਹਾ ਮੰਨਵਾਇਆ ਸੀ ਅਤੇ ਉਹ ਖੁਸ਼ਮਿਜਾਜ਼ ਅਤੇ ਯਾਰਾਂ ਦਾ ਯਾਰ ਸੀ। ਇਸ ਰਿਪੋਰਟ ਨਾਲ ਸਰਕਾਰੀ ਅਧਿਕਾਰੀਆਂ ਨੇ ਤਾਂ ਭਾਵੇਂ ਆਪਣਾ ਫਰਜ਼ ਪੂਰਾ ਕਰ ਲਿਆ ਪਰ ਮਾਪਿਆਂ ਅਤੇ ਪਰਿਵਾਰ ਲਈ ਇਹ ਇਕ ਰਹੱਸ ਬਣਿਆ ਰਹੇਗਾ ਕਿ ਉਨ੍ਹਾਂ ਦੇ ਸਪੁੱਤਰ ਨੂੰ ਮੌਤ ਨੇ ਕਿਵੇਂ ਆਪਣੇ ਕਲਾਵੇ ਵਿਚ ਲੈ ਲਿਆ।

ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀੰ ਕੇੰ ਦਾ ਬਰਤਾਨੀਆ ਵਿਚ ਨਿੱਘਾ ਸਵਾਗਤ

GK

ਲੰਡਨ – ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀੰਕੇੰ ਦਾ ਇੰਗਲੈਂਡ ਦੌਰੇ ਮੌਕੇ ਵੱਖ–ਵੱਖ ਥਾਵਾਂ ‘ਤੇ ਭਰਵਾਂ ਸਵਾਗਤ ਕੀਤਾ ਗਿਆ। 14 ਅਪ੍ਰੈਲ ਨੂੰ ਵਿਸਾਖੀ ਸਬੰਧੀ ਕਰਵਾਏ ਵਿਸ਼ੇਸ਼ ਸਮਾਗਮ ਮੌਕੇ ਸ਼ੈਫਰਡਬੁਸ਼ ਗੁਰੂਘਰ ਵਿਖੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸੰ ਮਨਜੀਤ ਸਿੰਘ ਜੀੰਕੇੰ ਅਤੇ ਪੰਜਾਬ ਤੋਂ ਰਾਜ ਸਭਾ ਮੈਂਬਰ ਸੁਖਦੇਵ ਸਿੰਘ ਢੀਂਡਸਾ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕਰ ਕੇ ਸੰਗਤ ਨੂੰ ਸੰਬੋਧਨ ਕੀਤਾ ਅਤੇ ਪ੍ਰਬੰਧਕਾਂ ਦੇ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ। ਇਸ ਮੌਕੇ ਗੁਰਦੁਆਰਾ ਸਾਹਿਬ ਵਿਖੇ ਨਵਾਂ ਨਿਸ਼ਾਨ ਸਾਹਿਬ ਚੜ੍ਹਾਉਣ ਦੀ ਸੇਵਾ ਵੀ ਕੀਤੀ ਗਈ।
ਇੰਗਲੈਂਡ ਦੇ ਪਹਿਲੇ ਗੁਰਦੁਆਰਾ ਸਾਹਿਬ ਵਜੋਂ ਜਾਣੇ ਜਾਂਦੇ ਸ਼ੈਫਰਡਬੁੱਸ਼ ਦੇ ਖ਼ਾਲਸਾ ਜਥਾ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਿਆ। ਇਹ ਗੁਰਦੁਆਰਾ ਇੰਗਲੈਂਡ ਵਿਚ 1908 ਵਿਚ ਸਥਾਪਤ ਕੀਤਾ ਗਿਆ ਸੀ ਜਿਸ ਨੂੰ ਬਰਤਾਨੀਆ ਦਾ ਪਹਿਲਾ ਗੁਰੂਘਰ ਹੋਣ ਦਾ ਮਾਣ ਪ੍ਰਾਪਤ ਹੈ। ਇਸ ਗੁਰੂਘਰ ਦੀ ਇਮਾਰਤ ਨੂੰ ਬੀਤੇ ਕੁਝ ਸਮੇਂ ਤੋਂ ਨਵਿਆਇਆ ਜਾ ਰਿਹਾ ਸੀ ਤੇ ਵਿਸਾਖੀ ਦੇ ਪਵਿੱਤਰ ਤਿਉਹਾਰ ਮੌਕੇ ਸਿੱਖ ਸੰਗਤ ਲਈ ਮੁੜ ਖੋਲ੍ਹਿਆ ਗਿਆ ਹੈ। ਇਸ ਮੌਕੇ ਗੁਰੂਘਰ ਵਲੋਂ ਪ੍ਰਸਿੱਧ ਕਾਰੋਬਾਰੀ ਪੀਟਰ ਸਿੰਘ ਵਿਰਦੀ ਅਤੇ ਪ੍ਰਬੰਧਕਾਂ ਵੱਲੋਂ ਸੰ ਮਨਜੀਤ ਸਿੰਘ ਜੀ ਕੇ ਅਤੇ ਸੰ ਸੁਖਦੇਵ ਸਿੰਘ ਢੀਂਡਸਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ।
ਇਸੇ ਤਰ੍ਹਾਂ ਗੁਰਦੁਆਰਾ ਈਰਥ ਵਿਖੇ ਇੰਗਲੈਂਡ ਕਬੱਡੀ ਫੈੱਡਰੇਸ਼ਨ ਯੂੰਕੇੰ ਵਲੋਂ ਉਨ੍ਹਾਂ ਦਾ ਭਰਵਾਂ ਸਵਾਗਤ ਕੀਤਾ ਗਿਆ ਤੇ ਸਿਰੋਪਾਓ ਦੇ ਕੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਗੁਰੂਘਰ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਭਾਊ, ਸੁਰਿੰਦਰ ਸਿੰਘ ਮਾਣਕ, ਬਲਜੀਤ ਸਿੰਘ ਕੰਗ, ਹਰਮਿੰਦਰ ਸਿੰਘ ਗਿੱਲ, ਬਿੰਦਰ ਸਿੰਘ ਫਿਰੋਜ਼ਪੁਰੀਆ, ਸਤਨਾਮ ਸਿੰਘ ਸੱਤਾ ਮੁਠੱਡਾ, ਰਸ਼ਪਾਲ ਸਿੰਘ ਸਹੋਤਾ, ਜਰਨੈਲ ਸਿੰਘ ਜ਼ੈਲਾ, ਬਾਗੀ ਅਟਵਾਲ ਆਦਿ ਹਾਜ਼ਰ ਸਨ। ਜੀੰਕੇੰ ਨੇ ਖ਼ਾਲਸਾ ਪੰਥ ਦੇ ਸਾਜਨਾ ਦਿਵਸ ਦੀਆਂ ਵਧਾਈਆਂ ਦਿੰਦੇ ਹੋਏ ਦਿੱਲੀ ਗੁਰਦੁਆਰਾ ਪ੍ਰਬੰਧ ਕਮੇਟੀ ਵਲੋਂ ਸਿੱਖ ਧਰਮ ਤੇ ਸਿੱਖ ਸੱਭਿਆਚਾਰ ਦੀ ਸੰਭਾਲ ਲਈ ਕੀਤੇ ਜਾ ਰਹੇ ਕਾਰਜਾਂ ਤੋਂ ਜਾਣੂ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਮਾਣ ਵਾਲੀ ਗੱਲ ਹੈ ਕਿ ਵਿਦੇਸ਼ਾਂ ਵਿਚ ਵੀ ਸਿੱਖ ਭਾਈਚਾਰੇ ਨੇ ਆਪਣੀਆਂ ਪ੍ਰੰਪਰਾਵਾਂ ਨੂੰ ਪੂਰੀ ਤਰ੍ਹਾਂ ਸੰਭਾਲ ਕੇ ਰੱਖਿਆ ਹੋਇਆ ਹੈ। ਥਾਂ–ਥਾਂ ਨਗਰ ਕੀਰਤਨ ਸਜਾਏ ਜਾ ਰਹੇ ਹਨ ਤੇ ਸਿੱਖ ਵਿਰਸੇ ਦੀ ਹੋਂਦ ਨੂੰ ਕਾਇਮ ਰੱਖਿਆ । 14 ਅਪ੍ਰੈਲ ਵਿਸਾਖੀ ਵਾਲੇ ਦਿਨ ਸੰ ਮਨਜੀਤ ਸਿੰਘ ਨੂੰ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਵਿਖੇ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਉਹ ਦਫਤਰ “ਦੇਸ ਪ੍ਰਦੇਸ” ਵਿਖੇ ਵਿਸ਼ੇਸ਼ ਤੌਰ ‘ਤੇ ਪੁੱਜੇ ਤੇ ਆਪਣੀ ਇਕ ਇੰਟਰਵਿਊ ਰਿਕਾਰਡ ਕਰਵਾਈ ਜੋ ਅਗਲੇ ਹਫਤੇ ਪ੍ਰਕਾਸ਼ਿਤ ਕੀਤੀ ਜਾਵੇਗੀ। ਪ੍ਰਬੰਧਕਾਂ ਨੇ ਸੰ ਮਨਜੀਤ ਸਿੰਘ ਜੀੰਕੇੰ ਅਤੇ ਰਾਜ ਸਭਾ ਮੈਂਬਰ ਸੁਖਦੇਵ ਸਿੰਘ ਢੀਂਡਸਾ ਦਾ ਵਿਸ਼ੇਸ਼ ਤੌਰ ‘ਤੇ ਸਨਮਾਨ ਵੀ ਕੀਤਾ।

ਪੰਜਾਬੀ ਦੀ ਦੁਕਾਨ ਤੋਂ ਪੌਂਡਾਂ ਨਾਲ ਭਰੀ ਮਸ਼ੀਨ ਲੁੱਟਣ ਆਏ ਲੁਟੇਰੇ ਪੁਲਿਸ ਨੇ ਖਾਲੀ ਹੱਥ ਭੱਜਣ ਲਈ ਮਜਬੂਰ ਕੀਤੇ

ਗੇਲਸਟਸ਼ਾਇਰ – ਇਥੋਂ ਦੇ ਟਿਊਕਸਬਰੀ ਇਲਾਕੇ ਵਿਚ ਬੀਤੇ ਹਫਤੇ ਤੜਕੇ ਕਰੀਬ ਤਿੰਨ ਵਜੇ ਪੰਜਾਬੀਆਂ ਦੇ ਸਟੋਰ ਤੋਂ ਪੌਂਡਾਂ ਨਾਲ ਭਰੀ ਮਸ਼ੀਨ ਉਖਾੜ ਕੇ ਭੱਜਣ ਵਾਲੇ ਲੁਟੇਰਿਆਂ ਦਾ ਪਿੱਛਾ ਕਰਕੇ ਪੁਲਿਸ ਨੇ ਉਨ੍ਹਾਂ ਨੂੰ ਖਾਲੀ ਹੱਥ ਭੱਜਣ ਲਈ ਮਜਬੂਰ ਕਰ ਦਿੱਤਾ।
ਪਿਛਲੇ ਵੀਰਵਾਰ 12 ਅਪ੍ਰੈਲ ਨੂੰ ਤੜਕੇ 3ੰ20 ਵਜੇ ਲੁਟੇਰਿਆਂ ਨੇ ਟਿਊਕਸਬਰੀ ਇਲਾਕੇ ਵਿਚ ਪੰਜਾਬੀਆਂ ਦੇ ਸਟੋਰ ਕੋਸਟਕਟਰ ਵਿਖੇ ਹੱਲਾ ਬੋਲਿਆ ਅਤੇ ਪੌਂਡਾਂ ਨਾਲ ਭਰੀ ਮਸ਼ੀਨ ਪੁੱਟਣ ਵਿਚ ਕਾਮਯਾਬ ਹੋ ਗਏ ਜਦ ਕਿ ਇਸੇ ਮੌਕੇ ਕਿਸੇ ਨੇ ਪੁਲਿਸ ਨੂੰ ਡਾਕੇ ਦੀ ਇਤਲਾਹ ਦੇ ਦਿੱਤੀ ਤੇ ਮੌਕੇ ‘ਤੇ ਪੁਲਿਸ ਪਹੁੰਚ ਗਈ। ਡਾਕੂਆਂ ਨੇ ਪੌਂਡਾਂ ਨਾਲ ਭਰੀ ਕੈਸ਼ ਮਸ਼ੀਨ ਇਕ ਵੈਨ ਵਿਚ ਰੱਖ ਲਈ ਸੀ ਪਰ ਉਹ ਪੁਲਿਸ ਆਉਣ ਕਰਕੇ ਕਾਹਲੀ ਵਿਚ ਦਰਵਾਜ਼ੇ ਸਹੀ ਤਰ੍ਹਾਂ ਨਾਲ ਬੰਦ ਕਰਨ ਤੋਂ ਖੁੰਝ ਗਏ ਸਨ।
ਮਨਜੀਤ ਸਿੰਘ, ਜੋ ਲੰਡਨ ਰਹਿੰਦਾ , ਦੇ ਮੈਨੇਜਰ ਨੇ ਪੁਲਿਸ ਨੂੰ ਇਤਲਾਹ ਦਿੱਤੀ ਸੀ ਕਿ ਕੈਸ਼ ਮਸ਼ੀਨ ਵਿਚ 15 ਤੋਂ 20 ਹਜ਼ਾਰ ਪੌਂਡ ਹੋ ਸਕਦਾ । ਇਸ ਤੋਂ ਬਾਅਦ ਪੁਲਿਸ ਨੇ ਡਾਕੂਆਂ ਦਾ ਪਿੱਛਾ ਕੀਤਾ ਜਿਸ ਦੌਰਾਨ ਉਨ੍ਹਾਂ ਦੀ ਵੈਨ ਵਿਚੋਂ ਕੈਸ਼ ਮਸ਼ੀਨ ਡਿੱਗ ਗਈ ਸੀ ਅਤੇ ਉਹ ਇਕ ਹੋਰ ਗੱਡੀ ਵਿਚ ਸਵਾਰ ਹੋ ਕੇ ਫਰਾਰ ਹੋ ਗਏ ਸਨ। ਪੁਲਿਸ ਨੇ ਕੈਸ਼ ਮਸ਼ੀਨ ਵਾਲੀ ਵੈਨ ਜਬਤ ਕਰਨ ਤੋਂ ਬਾਅਦ ਇਕ ਵੱਡੀ ਗੱਡੀ ਵੀ ਬ੍ਰਾਮਦ ਕਰ ਲਈ ਸੀ ਪਰ ਡਾਕੂਆਂ ਦਾ ਅਜੇ ਤੱਕ ਕੋਈ ਪਤਾ ਨਹੀਂ ਲੱਗਾ।
ਦੁਕਾਨ ਦੇ ਲੰਡਨ ਰਹਿੰਦੇ ਮਾਲਕ ਮਨਜੀਤ ਸਿੰਘ ਨੇ ਦੱਸਿਆ ਕਿ ਉਸ ਨੂੰ ਸਵੇਰੇ 6 ਵਜੇ ਉਸ ਦੀ ਦੁਕਾਨ ਵਿਚ ਡਾਕੇ ਸਬੰਧੀ ਜਾਣਕਾਰੀ ਦਿੱਤੀ ਗਈ ਜਿਸ ਤੋਂ ਬਾਅਦ ਉਹ ਤੁਰੰਤ ਉਥੇ ਪਹੁੰਚ ਗਿਆ। ਪੁਲਿਸ ਨੇ ਪੌਂਡਾਂ ਸਮੇਤ ਕੈਸ਼ ਮਸ਼ੀਨ ਬ੍ਰਾਮਦ ਕਰ ਲਈ ਅਤੇ ਡਾਕੂਆਂ ਬਾਰੇ ਜਾਂਚ ਕਰ ਰਹੀ ।

ਮਾਨਚੈਸਟਰ ਦੀ ਸੋਨੀਆ ਨੇ ਮਿਸਿਜ਼ ਇੰਡੀਆ ਦਾ ਮੁਕਾਬਲਾ ਜਿੱਤਿਆ

sonia ahluwalia 2

ਮਾਨਚੈਸਟਰ – ਇਥੋਂ ਦੀ ਪੰਜਾਬਣ ਬੀਬੀ ਨੇ ਦਿੱਲੀ ਵਿਖੇ ਹੋਏ ਮਿਸਿਜ਼ ਇੰਡੀਆ ਮੁਕਾਬਲੇ ਵਿਚ ਕਲਾਸਿਕ ਕੈਟਾਗਰੀ ਦਾ ਮੁਕਾਬਲਾ ਜਿੱਤ ਲਿਆ । 11 ਤੋਂ 14 ਅਪ੍ਰੈਲ ਤੱਕ ਦਿੱਲੀ ਦੇ ਵੈਲਕਮ ਹੋਟਲ ਵਿਖੇ ਹੋਏ ਇਸ ਮੁਕਾਬਲੇ ਦੇ ਜੱਜਾਂ ਵਿਚ ਪ੍ਰਸਿੱਧ ਅਭਿਨੇਤਰੀ ਪੂਨਮ ਢਿੱਲੋਂ ਅਤੇ ਮਹਿਮਾ ਚੌਧਰੀ ਜੱਜ ਸਨ, ਜਿਨ੍ਹਾਂ ਸੋਨੀਆ ਆਹਲੂਵਾਲੀਆ ਦੀ ਪ੍ਰਤਿਭਾ ਤੋਂ ਪ੍ਰਭਾਵਿਤ ਹੋ ਕੇ ਉਸ ਨੂੰ ਕਲਾਸਿਕ ਕੈਟਾਗਰੀ ਵਿਚ ਜੇਤੂ ਕਰਾਰ ਦਿੱਤਾ । ਸੋਨੀਆ ਲੁਧਿਆਣਾ ਜ਼ਿਲ੍ਹਾ ਨਾਲ ਸਬੰਧਿਤ ।

ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਵਿਖੇ ਸਿਹਤ ਸੇਵਾਵਾਂ ਦਾ ਮੁਫਤ ਕੈਂਪ ਲਾਇਆ ਗਿਆ

Smethwick news

ਸਮੈਦਿਕ – ਇਥੇ ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਦੇ ਪ੍ਰਬੰਧ ਵਲੋਂ ਸਿੱਖ ਡਾਕਟਰਜ਼ ਐਸੋਸੀਏਸ਼ਨ ਦੇ ਸਹਿਯੋਗ ਨਾਲ ਬੀਤੇ ਐਤਵਾਰ 15 ਅਪ੍ਰੈਲ ਨੂੰ ਮੁਫਤ ਸਿਹਤ ਜਾਂਚ ਦਾ ਕੈਂਪ ਸੰਗਤਾਂ ਦੀ ਸਹੂਲਤ ਲਈ ਲਾਇਆ ਗਿਆ।
ਪਹਿਲੀ ਵਾਰ ਸਿੱਖ ਡਾਕਟਰਜ਼ ਐਸੋਸੀਏਸ਼ਨ ਦੇ ਚੇਅਰਮੈਨ ਡਾੰ ਸੁਖਦੇਵ ਸਿੰਘ ਸਿੱਧੂ ਨੇ ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਦੇ ਨਾਲ ਮਿਲ ਕੇ ਇਸ ਪ੍ਰੋਜੈਕਟ ਦੀ ਸ਼ੁਰੂਆਤ ਕੀਤੀ ਜਿਸ ਨੂੰ ਸੰਗਤਾਂ ਵਲੋਂ ਵੀ ਭਰਵਾਂ ਹੁੰਗਾਰਾ ਮਿਲਿਆ । ਇਸ ਜਾਂਚ ਕੈਂਪ ਵਿਚ 6 ਘੰਟਿਆਂ ਵਿਚ 394 ਲੋੜਵੰਦਾਂ ਦੀ ਸਿਹਤ ਬਾਰੇ ਜਾਂਚ ਕੀਤੀ ਗਈ ਜੋ ਕਿ ਯੂ ਕੇ ਵਿਚ ਇਕ ਰਿਕਾਰਡ ਬਣ ਗਿਆ । ਇਸ ਮੌਕੇ ਬਹੁਤ ਹੀ ਆਧੁਨਿਕ ਮਸ਼ੀਨਾਂ ਨਾਲ ਦਿਲ ਦੀਆਂ ਬਿਮਾਰੀਆਂ ਲਈ 119 ਲੋਕਾਂ ਦੀ ਜਾਂਚ ਕੀਤੀ ਗਈ।
ਡਾੰ ਸਿੱਧੂ ਨੇ ਕਿਹਾ ਕਿ ਸਾਡੀ ਐਸੋਸੀਏਸ਼ਨ ਨਾਲ ਡਾਕਟਰਾਂ, ਨਰਸਾਂ, ਫਾਰਮਾਸਿਸਟਾਂ ਹੋਰ ਸਿਹਤ ਸਬੰਧੀ ਮੁੱਦਿਆਂ ਲਈ ਪੇਸ਼ਾਵਰਾਂ ਦੀ ਇਕ ਟੀਮ ਜੋ ਸਾਨੂੰ ਮੁਫਤ ਜਾਂਚ ਕਰਨ ਵਿਚ ਮੱਦਦ ਕਰਦੀ । ਉਨ੍ਹਾਂ ਕਿਹਾ ਕਿ ਅਜਿਹੇ ਸਿਹਤ ਜਾਂਚ ਕੈਂਪ ਸਾਨੂੰ ਬਿਮਾਰੀਆਂ ਨੂੰ ਮੁੱਢੋਂ ਫੜਨ ਵਿਚ ਮੱਦਦ ਕਰਦੇ ਹਨ ਜੋ ਵੱਧ ਜਾਣ ਤੋਂ ਬਾਅਦ ਹਸਪਤਾਲ ਦੀ ਜਾਂਚ ਵੇਲੇ ਹੀ ਪਤਾ ਲੱਗਦੀਆਂ ਹਨ। ਇਸ ਕੈਂਪ ਵਿਚ ਲੋਕਾਂ ਦੀ ਜਾਂਚ ਪੜਤਾਲ ਕਰਨ ਬਾਅਦ ਉਨ੍ਹਾਂ ਨੂੰ ਸਲਾਹ ਦਿੱਤੀ ਗਈ ਕਿ ਉਹ ਆਪਣੇ ਡਾਕਟਰਾਂ ਨੂੰ ਇਸ ਸਬੰਧੀ ਦੱਸਣ ਅਤੇ ਅਗਲੀ ਜਾਂਚ ਕਰਵਾਈ ਜਾਵੇ। ਗੁਰੂਘਰ ਦੇ ਪ੍ਰਧਾਨ ਸੰ ਜਤਿੰਦਰ ਸਿੰਘ ਨੇ ਕਿਹਾ ਕਿ ਉਹ ਗੁਰੂਘਰ ਰਾਹੀਂ ਸੰਗਤ ਦੀ ਸਿਹਤ ਅਤੇ ਤੰਦਰੁਸਤੀ ਲਈ ਅਜਿਹੇ ਪ੍ਰੋਗਰਾਮ ਨੂੰ ਉਤਸ਼ਾਹਿਤ ਕਰ ਰਹੇ ਹਨ ਅਤੇ ਅਗਾਂਹ ਵੀ ਉਹ ਇਸ ਟੀਮ ਨਾਲ ਕੰਮ ਕਰਨਗੇ।

ਸੈਂਡਵੈਲ ਕਾਲਜ ਦੀ ਪੰਜਾਬਣ ਵਿਦਿਆਰਥਣ ਵਲੋਂ ਪਾਇਲਟ ਬਣਨ ਦੀ ਤਿਆਰੀ

Manvir Kaur

ਬਰਮਿੰਘਮ – ਇਥੋਂ ਸੈਂਡਵੈਲ ਕਾਲਜ ਦੀ ਪੰਜਾਬਣ ਵਿਦਿਆਰਥਣ ਮਨਵੀਰ ਕੌਰ ਨੇ ਪਾਇਲਟ ਸਬੰਧੀ ਇਮਤਿਹਾਨਾਂ ਨੂੰ ਪਾਸ ਕਰਨ ਤੋਂ ਬਾਅਦ ਟਰੇਨਿੰਗ ਲਈ ਤਿਆਰੀ ਸ਼ੁਰੂ ਕਰ ਲਈ ।
ਸੈਂਡਵੈਲ ਕਾਲਜ ਦੇ ਟਰੈਵਲ ਅਤੇ ਏਵੀਏਸ਼ਨ ਡਿਪਾਰਟਮੈਂਟ ਦੀ 19 ਸਾਲਾ ਵਿਦਿਆਰਥਣ ਮਨਵੀਰ ਕੌਰ ਨੇ ਆਪਣੇ ਮੁੱਢਲੇ ਇਮਤਿਹਾਨ ਪਾਸ ਕਰ ਲਏ ਹਨ ਤੇ ਹੁਣ ਉਸ ਨੂੰ ਲੰਡਨ ਆਕਸਫੋਰਡ ਹਵਾਈ ਅੱਡੇ ਸਥਿਤ ਅਕਾਦਮੀ ਲਈ ਬੁਲਾਇਆ ਗਿਆ ਜਿਥੇ ਉਸ ਦੀ ਬਤੌਰ ਪਾਇਲਟ ਟਰੇਨਿੰਗ ਸ਼ੁਰੂ ਹੋਵੇਗੀ।
ਮਨਵੀਰ ਕੌਰ ਜਿਸ ਨੂੰ ਸਪੇਨ ਅਤੇ ਹਾਲੈਂਡ ਵਿਚ ਵੀ ਟਰੇਨਿੰਗ ਦਿੱਤੀ ਜਾਵੇਗੀ, ਨੇ ਕਿਹਾ ਕਿ ਮੈਂ ਪਹਿਲਾਂ ਬਹੁਤ ਘਬਰਾਈ ਹੋਈ ਸੀ ਕਿਉਂਕਿ ਮੈਨੂੰ ਪਤਾ ਨਹੀਂ ਸੀ ਕਿ ਇਮਤਿਹਾਨ ਦਾ ਨਤੀਜਾ ਕੀ ਹੋਵੇਗਾ ਪਰ ਮੈਂ ਸਫਲਤਾਪੂਰਵਕ ਮੁੱਢਲੇ ਪੜਾਅ ਪਾਰ ਕਰ ਲਏ ਹਨ। ਉਸ ਨੇ ਕਿਹਾ ਕਿ ਪਹਿਲਾਂ ਮੇਰਾ ਟੀਚਾ ਹਿਸਾਬ ਅਤੇ ਅੰਗਰੇਜ਼ੀ ਵਿਚੋਂ ਅੱਵਲ ਆਉਣ ਦਾ ਰਿਹਾ ਪਰ ਜਦ ਮੈਂ ਸਕੂਲ ਛੱਡਣ ਬਾਅਦ ਆਪਣੇ ਅਧਿਆਪਕ ਨਾਲ ਇਸ ਬਾਰੇ ਗੱਲ ਕੀਤੀ ਤਾਂ ਉਸ ਨੇ ਮੈਨੂੰ ਇਸ ਪ੍ਰੋਗਰਾਮ ਵਿਚ ਦਾਖਲਾ ਲੈਣ ਲਈ ਉਤਸ਼ਾਹਿਤ ਕੀਤਾ। ਉਸ ਨੇ ਕਿਹਾ ਕਿ ਇਸ ਕਿੱਤੇ ਵਿਚ ਸਿਰਫ ਤਿੰਨ ਪ੍ਰਤੀਸ਼ਤ ਔਰਤਾਂ ਹਨ ਅਤੇ ਮੈਂ ਉਨ੍ਹਾਂ ਵਿਚੋਂ ਇਕ ਬਣਨਾ ਚਾਹੁੰਦੀ ਸੀ।

ਆਕਸਫੋਰਡ ਵਿਖੇ ਸਾਊਥ ਏਸ਼ੀਆ ਫੋਰਮ ਵਲੋਂ ਕਸ਼ਮੀਰ ਵਿਚ ਬਲਾਤਕਾਰ ਦਾ ਸ਼ਿਕਾਰ ਹੋਈ 8 ਸਾਲਾ ਆਸਿਫਾ ਲਈ ਇਨਸਾਫ ਦੀ ਮੰਗ

ਆਕਸਫੋਰਡ – ਇਥੋਂ ਦੀ ਯੂਨੀਵਰਸਿਟੀ ਨਾਲ ਸਬੰਧਿਤ ਮਸ਼ਹੂਰ ਆਕਸਫੋਰਡ ਸਾਊਥ ਏਸ਼ੀਆ ਫੋਰਮ ਵਲੋਂ ਕਸ਼ਮੀਰ ਵਿਚ ਬਲਾਤਕਾਰ ਦੀ ਪੀੜਤ 8 ਸਾਲਾ ਬੱਚੀ ਆਸਿਫਾ ਲਈ ਇਨਸਾਫ ਦੀ ਮੰਗ ਕੀਤੀ ਗਈ।
ਆਕਸਫੋਰਡ ਦੇ ਮਸ਼ਹੂਰ ਸ਼ੈਲਡੋਨੀਅਨ ਥਿਏਟਰ, ਜੋ ਸੈਲਾਨੀਆਂ ਦੀ ਵੱਡੀ ਖਿੱਚ ਦਾ ਕੇਂਦਰ , ਦੇ ਬਾਹਰ ਫੋਰਮ ਦੇ ਕਾਰਕੁੰਨਾਂ ਨੇ ਸ਼ਾਂਤਮਈ ਪਰ ਤਖਤੀਆਂ ‘ਤੇ ਰੋਸਮਈ ਨਾਅਰੇ ਲਿਖ ਕੇ ਜਿਥੇ ਇਸ ਘਟਨਾ ਦਾ ਵਿਰੋਧ ਕੀਤਾ ਉਥੇ ਹੀ ਬੱਚੀ ਲਈ ਇਨਸਾਫ ਦੀ ਮੰਗ ਕੀਤੀ ਗਈ।
ਪੰਜਾਬ ਰਿਸਰਚ ਗਰੁੱਪ ਦੇ ਕਨਵੀਨਰ ਰਾਜ ਵਲੋਂ ਭੇਜੀ ਗਈ ਇਸ ਪ੍ਰੈਸ ਰਿਲੀਜ਼ ਵਿਚ ਦੱਸਿਆ ਗਿਆ ਕਿ ਉਥੇ ਸ਼ਾਂਤਮਈ ਪ੍ਰਦਰਸ਼ਨ ਕਰਨ ਵਾਲਿਆਂ ਦੀਆਂ ਤਖਤੀਆਂ ‘ਤੇ ਲਿਖੇ ਨਾਅਰੇ ਪੜ੍ਹਨ ਬਾਅਦ ਸੈਲਾਨੀਆਂ ਨੂੰ ਇਸ ਮਾੜੇ ਕਾਰੇ ਦਾ ਪਤਾ ਲੱਗਾ ਉਥੇ ਹੀ ਕਈ ਸੈਲਾਨੀਆਂ ਨੇ ਕੁਝ ਸਮੇਂ ਲਈ ਮੁਜ਼ਾਹਰੇ ਵਿਚ ਹਿੱਸਾ ਲੈ ਕੇ ਬੱਚੀ ਲਈ ਆਪਣਾ ਦੁੱਖ ਜ਼ਾਹਿਰ ਕੀਤਾ ਗਿਆ।
ਸਾਊਥ ਏਸ਼ੀਆ ਫੋਰਮ ਨੇ ਸੰਯੁੰਕਤ ਰਾਸ਼ਟਰ ਦੇ ਜਨਰਲ ਸਕੱਤਰ ਐਂਟਨੀ ਗੁਟਰੈਸ ਦੁਆਰਾ ਇਸ ਭਿਆਨਕ ਅਪਰਾਧ ਦੇ ਦੋਸ਼ੀਆਂ ਲਈ ਸਜ਼ਾ ਦੀ ਮੰਗ ਦਾ ਸਵਾਗਤ ਵੀ ਕੀਤਾ ਗਿਆ।

ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਫਰਜ਼ੀ ਅੰਗਰੇਜ਼ੀ ਦੇ ਇਮਤਿਹਾਨ ਪਾਸ ਕਰਵਾਕੇ ਵੀਜ਼ੇ ਦਿਵਾਉਣ ਵਾਲੀ ਜਾਅਲੀ ਕਾਲਜ ਦੀ ਪ੍ਰਿੰਸੀਪਲ ਨੂੰ ਕਰੀਬ ਢਾਈ ਲੱਖ ਪੌਂਡ ਵਾਪਸ ਮੋੜਨ ਦੇ ਹੁਕਮ

ਸਾਊਥਾਲ – ਜਾਅਲੀ ਕਾਲਜਾਂ ਰਾਹੀਂ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਫਰਜ਼ੀ ਅੰਗਰੇਜ਼ੀ ਦੇ ਇਮਤਿਹਾਨ ਪਾਸ ਕਰਵਾਕੇ ਮੋਟੀ ਰਕਮ ਵਸੂਲਣ ਵਾਲੇ ਗ੍ਰੋਹ ਦੀ ਮੁਖੀ ਨੂੰ ਢਾਈ ਲੱਖ ਪੌਂਡ ਦੇ ਕਰੀਬ ਵਾਪਸ ਕਰਨ ਦੇ ਹੁਕਮ ਸੁਣਾਏ ਹਨ।
ਕਾਲੀ ਕਮਾਈ ਜ਼ਬਤ ਕਰਨ ਲਈ ਲੰਡਨ ਦੀ ਸਾਊਥਆਰਕ ਕਰਾਊਨ ਕੋਰਟ ਵਿੱਚ ਮੁਕੱਦਮੇ ਦੌਰਾਨ ਦੱਸਿਆ ਗਿਆ ਬੋਅ, ਈਸਟ ਲੰਡਨ ਦੇ ਈਡਨ ਕਾਲਜ ਇੰਟਰਨੈਸ਼ਨਲ ਦੀ ਪ੍ਰਿੰਸੀਪਲ 40 ਸਾਲਾ ਵਹੀਦਾ ਸੁਲਤਾਨਾ, ਸਾਊਥਾਲ ਸਟੂਡੈਂਟ ਐਜੂਕੇਸ਼ਨ ਦੇ ਡਾਇਰੈਕਟਰ ਹਰਿੰਦਰ ਕੁਮਾਰ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਯੂੰਕੇੰ ਵਿੱਚ ਵਿਦੇਸ਼ੀ ਵਿਦਿਆਰਥੀਆਂ ਦੇ ਵੀਜ਼ੇ ਵਧਾਉਣ ਲਈ ਅੰਗਰੇਜ਼ੀ ਦੇ ਫਰਜ਼ੀ ਇਮਤਿਹਾਨ ਪਾਸ ਕਰਵਾਕੇ ਜਾਅਲੀ ਸਰਟੀਫਿਕੇਟ ਦਿੱਤੇ ਸਨ ਜਿਸ ਬਦਲੇ ਉਨ੍ਹਾਂ ਨੇ ਵਿਦਿਆਰਥੀਆਂ ਪਾਸੋਂ ਮੋਟੀਆਂ ਰਕਮਾਂ ਵਸੂਲੀਆਂ ਸਨ। ਇਕ ਅੰਦੇਸ਼ੇ ਮੁਤਾਬਿਕ ਇਸ ਗ੍ਰੋਹ ਨੇ ਵਿਦਿਆਰਥੀਆਂ ਕੋਲੋਂ ਕਰੀਬ 5 ਲੱਖ ਪੌਂਡ ਤੋਂ ਵੱਧ ਦੀ ਕਮਾਈ ਕੀਤੀ ਦੱਸੀ ਜਾਂਦੀ ਹੈ।
ਅਦਾਲਤ ਨੂੰ ਦੱਸਿਆ ਗਿਆ ਕਿ ਹੋਮ ਆਫਿਸ ਵਲੋਂ ”ਟੈਸਟ ਆਫ ਇੰਗਲਿਸ਼ ਫਾਰ ਇੰਟਰਨੈਸ਼ਨਲ ਕਮਿਊਨੀਕੇਸ਼ਨ” ਨਾਮ ਦੇ ਟੈਸਟ ਨੂੰ ਮਾਨਤਾ ਦਿੱਤੀ ਗਈ ਸੀ ਜਿਸ ਨੂੰ ਪਾਸ ਕਰਨ ਵਾਲੇ ਵਿਦਿਆਰਥੀ ਆਪਣਾ ਪੜ੍ਹਾਈ ਵੀਜ਼ਾ ਵਧਾ ਸਕਦੇ ਸਨ। ਇਸ ਗ੍ਰੋਹ ਨੇ ਵੀ ਵਿਸ਼ਵ ਦੀ ਸਭ ਤੋਂ ਵੱਡੀ ਪ੍ਰੀਖਿਆ ਫਰਮ ਰਾਹੀਂ ਇਹ ਪੱਤਾ ਖੇਲਿਆ ਸੀ। ਇਨ੍ਹਾਂ ਨੇ ਕਰੀਬ 800 ਫਰਜ਼ੀ ਇਮਤਿਹਾਨ ਦਵਾ ਕੇ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਦਿੱਤੇ ਸਨ ਜਦਕਿ ਇਮਤਿਹਾਨ ਮੌਕੇ ਜਾਂ ਤਾਂ ਵਿਦਿਆਰਥੀ ਨੂੰ ਸਵਾਲਾਂ ਦੇ ਜਵਾਬ ਦੱਸ ਦਿੱਤੇ ਜਾਂਦੇ ਸਨ ਜਾਂ ਫਿਰ ਉਨ੍ਹਾਂ ਦੀ ਜਗ੍ਹਾ ਜਾਅਲੀ ਵਿਦਿਆਰਥੀ ਬਿਠਾ ਕੇ ਇਮਤਿਹਾਨ ਪਾਸ ਕਰਵਾਏ ਜਾਂਦੇ ਸਨ। ਵੀਜ਼ਾ ਵਧਾਉਣ ਲਈ ਗ੍ਰੋਹ ਵਲੋਂ ਜਾਅਲੀ ਬੈਂਕ ਸਟੇਟਮੈਂਟਾਂ ਅਤੇ ਹੋਰ ਵਿਦਿਅਕ ਰਿਕਾਰਡ ਵੀ ਮੁਹੱਈਆ ਕਰਵਾਇਆ ਜਾਂਦਾ ਸੀ ਜਿਸ ਨਾਲ ਵਿਦਿਆਰਥੀਆਂ ਨੂੰ ਵੀਜ਼ਾ ਵਧਾਉਣ ਵਿੱਚ ਅਸਾਨੀ ਹੁੰਦੀ ਸੀ।
ਇਸ ਘੁਟਾਲੇ ਦਾ ਪਰਦਾ ਉਸ ਵੇਲੇ ਫਾਸ਼ ਹੋਇਆ ਸੀ ਜਦ ਬੀੰਬੀੰਸੀੰ ਦੇ ਪੈਨੋਰਾਮਾ ਦੀ ਜਾਂਚ ਟੀਮ ਨੇ ਇਕ ਲੋੜਵੰਦ ਵਿਦਿਆਰਥੀ ਵਿਸ਼ਾਲ ਪਟੇਲ ਨੂੰ ਉਸ ਦੀ ਕਮੀਜ਼ ਦੇ ਬਟਨ ‘ਤੇ ਲੁਕਵਾਂ ਕੈਮਰਾ ਲਾ ਕੇ ਇਨ੍ਹਾਂ ਦੇ ਸਾਊਥਾਲ ਸਥਿੱਤ ਦਫ਼ਤਰ ਵਿਖੇ ਭੇਜਿਆ ਜਿੱਥੇ ਸਟੂਡੈਂਟ ਐਜੂਕੇਸ਼ਨਲ ਦੇ ਡਾਇਰੈਕਟਰ ਹਰਿੰਦਰ ਕੁਮਾਰ ਨੇ ਜਨਵਰੀ 2013 ਵਿੱਚ ਉਸ ਨੂੰ ਅੰਗਰੇਜ਼ੀ ਇਮਤਿਹਾਨ ਪਾਸ ਕਰਵਾਉਣ ਦੀ ਗਰੰਟੀ ਦਿੰਦਿਆਂ ਪੰਜ ਸੋ ਪੌਂਡ ਦੀ ਮੰਗ ਕੀਤੀ ਸੀ। ਇਹ ਵੀਡੀਓ ਅਦਾਲਤ ਵਿੱਚ ਜਿਊਰੀ ਨੂੰ ਵੀ ਦਿਖਾਈ ਗਈ।
ਇਸ ਖੇਲ ਦਾ ਭਾਂਡਾ ਭੱਜਣ ਬਾਦ 40 ਸਾਲਾ ਵਹੀਦਾ ਸੁਲਤਾਨਾ, 31 ਸਾਲਾ ਹਰਿੰਦਰ ਕੁਮਾਰ, 40 ਸਾਲਾ ਹੇਮੰਤ ਕੁਮਾਰ, 30 ਸਾਲਾ ਸ਼ਹੀਨ ਅਹਿਮਦ ਅਤੇ 37 ਸਾਲਾ ਮੁਹੰਮਦ ਹਸਨ ‘ਤੇ ਅਕਤੂਬਰ 2016 ਵਿੱਚ ਮੁਕੱਦਮਾ ਚਲਾਇਆ ਗਿਆ ਸੀ ਜਦਕਿ ਇਨ੍ਹਾਂ ਦੇ ਛੇ ਕਥਿੱਤ ਸਾਥੀ ਦੇਸ਼ ਛੱਡ ਕੇ ਫਰਾਰ ਹੋ ਗਏ ਸਨ ਜਿਨ੍ਹਾਂ ਦਾ ਇਸ ਘਪਲੇ ਵਿੱਚ ਨਾਮ ਹੈ। ਅਕਤੂਬਰ 2016 ਵਿੱਚ ਚਲਾਏ ਗਏ ਮੁਕੱਦਮੇ ਦੌਰਾਨ ਇਨ੍ਹਾਂ ਸਾਰਿਆਂ ਨੂੰ ਦੋਸ਼ੀ ਪਾਇਆ ਗਿਆ ਸੀ। ਇਸ ਮਾਮਲੇ ਵਿੱਚ ਸ਼ਹੀਨ ਅਹਿਮਦ ਅਤੇ ਤਲਤ ਚੌਧਰੀ ਨੂੰ ਅੱਠ ਸਾਲ ਦੀ ਜਦਕਿ ਮੁਹੰਮਦ ਹਸਨ ਨੂੰ ਪੰਜ ਸਾਲ ਅਤੇ ਹਰਿੰਦਰ ਕੁਮਾਰ ਨੂੰ ਤਿੰਨ ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਸੀ। ਇਸ਼ੇ ਦੌਰਾਨ ਜਿਊਰੀ ਵਹੀਦਾ ਸੁਲਤਾਨਾ ਅਤੇ ਹੇਮੰਤ ਕੁਮਾਰ ਬਾਰੇ ਕੋਈ ਫੈਸਲਾ ਨਹੀਂ ਕਰ ਸਕੀ ਸੀ। ਪਿਛਲੇ ਸਾਲ ਦੁਬਾਰਾ ਚੱਲੇ ਮੁਕੱਦਮੇ ਮੌਕੇ ਵਹੀਦਾ ਸੁਲਤਾਨਾ ਨੂੰ ਦੋ ਸਾਲ ਦੀ ਸਜ਼ਾ ਦੋ ਸਾਲ ਲਈ ਲਮਕਵੀਂ ਸੁਣਾਈ ਸੀ।
ਕਾਲੀ ਕਮਾਈ ਦੇ ਇਸ ਮੁਕੱਦਮੇ ਮੌਕੇ ਵਹੀਦਾ ਸੁਲਤਾਨਾ ਨੂੰ 2 ਲੱਖ ਤੀਹ ਹਜ਼ਾਰ ਪੌਂਡ ਤਿੰਨ ਮਹੀਨੇ ਦੇ ਅੰਦਰ ਵਾਪਸ ਮੋੜਨ ਦੇ ਹੁਕਮ ਸੁਣਾਏ ਗਏ ਹਨ। ਇਹ ਰਕਮ ਅਦਾ ਨਾ ਕਰਨ ਦੀ ਸੂਰਤ ਵਿੱਚ ਵਹੀਦਾ ਨੂੰ ਤਿੰਨ ਸਾਲ ਹੋਰ ਜੇਲ੍ਹ ਵਿੱਚ ਗੁਜ਼ਾਰਨੇ ਪੈਣਗੇ। ਹੇਮੰਤ ਕੁਮਾਰ ਅਤੇ ਵਹੀਦਾ ਦੇ ਪਤੀ ਅਹਿਮਦ ਦੀ ਕਾਲੀ ਕਮਾਈ ਵਾਪਸ ਲੈਣ ਦਾ ਫੈਸਲਾ ਕਰਮਵਾਰ 3 ਮਈ ਅਤੇ 25 ਮਈ ਨੂੰ ਹੋਵੇਗਾ।

ਡੇੜ ਮਿਲੀਅਨ ਪੌਂਡ ਦੀ ਗੈਰਕਾਨੂੰਨੀ ਡਰੱਗ ਦੇ ਵਿਉਪਾਰੀ ਸ਼ਸ਼ੀਧਰ ਦੀ ਪੁਲਿਸ ਨੂੰ ਇਕ ਦਹਾਕੇ ਬਾਦ ਵੀ ਭਾਲ

shashidhar

ਲੈਸਟਰ – ਇੱਥੋਂ ਦੇ ਡਰੱਗ ਦੇ ਵਿਉਪਾਰੀ ਜਿਸ ਨੇ 2007 ਵਿੱਚ 1ੰ6 ਮਿਲੀਅਨ ਪੌਂਡ ਦੀ ਡਰੱਗ ਦੇ ਧੰਦੇ ਦਾ ਪਰਦਾਫਾਸ਼ ਹੋਣ ਬਾਦ ਵਿਦੇਸ਼ ਉਡਾਰੀ ਮਾਰੀ ਸੀ, ਦੀ ਪੁਲਿਸ ਨੂੰ ਅਜੇ ਵੀ ਭਾਲ ਹੈ।
ਰਿਪੋਰਟ ਅਨੁਸਾਰ ਸ਼ਸੀਧਰ ਸਨਹਨ ਨੂੰ 2007 ਵਿੱਚ ਟਰਕੀ ਤੋਂ ਲੈਸਟਰ ਵਿਖੇ ਇਕ ਨੰਬਰ ਦੀ ਹੈਰੋਇਨ ਲਿਆਉਣ ਦੀ ਸਾਜ਼ਿਸ਼ ਲਈ ਨਾਮਜ਼ੱਦ ਕੀਤਾ ਗਿਆ ਸੀ ਜਦਕਿ ਉਸ ਦੇ ਦੋ ਭਰਾਵਾਂ 44 ਸਾਲਾ ਬਾਬੂ ਨਾਥ ਨੂੰ 25 ਸਾਲ ਅਤੇ 45 ਸਾਲਾ ਭਰਤ ਰਾਮ ਨੂੰ 18 ਸਾਲ ਜੇਲ੍ਹ ਦੀ ਸਜ਼ਾ ਹੋਈ ਸੀ। ਇਸ ਮਾਮਲੇ ਵਿੱਚ ਸ਼ਸ਼ੀਧਰਨ ਸਨਹਨ ਨੂੰ ਬਹੁਤ ਲੋੜੀਂਦਾ ਵਿਅਕਤੀ ਘੋਸ਼ਿਤ ਕੀਤਾ ਗਿਆ ਹੈ।
ਪੁਲਿਸ ਅਨੁਸਾਰ 2007 ਦੀਆਂ ਗਰਮੀਆਂ ਮੌਕੇ ਸ਼ਸ਼ੀਧਰਨ ਨੇ ਇਕ ਨੰਬਰ ਦੀ 30 ਕਿਲੋ ਡਰੱਗ ਟਰਕੀ ਤੋਂ ਲੈਸਟਰ ਵਿਖੇ ਸਮਗਲ ਕਰਨ ਦੀ ਸਾਜ਼ਿਸ਼ ਘੜੀ ਸੀ ਜਦਕਿ ਮੰਨਿਆ ਜਾਂਦਾ ਹੈ ਕਿ ਉਹ ਇਸ ਤੋਂ ਪਹਿਲਾਂ ਵੀ ਇਹ ਕੰਮ ਕਰ ਚੁੱਕਾ ਸੀ। ਸ਼ਸ਼ੀਧਰ ਨੇ ਇਕ ਫਰੀਜ਼ਰ ਜਿਸ ਦੀ ਕੀਮਤ ਘੱਟੋ ਘੱਟ ਢਾਈ ਹਜ਼ਾਰ ਤੋਂ ਚਾਰ ਹਜ਼ਾਰ ਪੌਂਡ ਹੋਵੇਗੀ, ਉਸ ਦੀ ਪੈਕਿੰਗ ਵਿੱਚ ਇਹ ਡਰੱਗ ਟਰਕੀ ਤੋਂ ਲੈਸਟਰ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਸੀ। ਇਹ ਫਰੀਜ਼ਰ ਕਿਸੇ ਨੂੰ ਅਗਾਂਹ ਵੇਚਣ ਲਈ ਨਹੀਂ ਮੰਗਵਾਏ ਜਾਂਦੇ ਸਗੋਂ ਇਨ੍ਹਾਂ ਦੀ ਵਰਤੋਂ ਡਰੱਗ ਲੰਘਾਉਣ ਲਈ ਕੀਤੀ ਜਾਂਦੀ ਸੀ। ਇਕ ਅਨੁਮਾਨ ਅਨੁਸਾਰ ਇਨ੍ਹਾਂ ਨੇ ਯੂੰਕੇੰ ਵਿੱਚ ਡਰੱਗ ਲੰਘਾਉਣ ਲਈ ਘੱਟੋ ਘੱਟ 80 ਹਜ਼ਾਰ ਪੌਂਡ ਦੀਆਂ ਵਸਤਾਂ ਦੀ ਵਰਤੋਂ ਕੀਤੀ ਸੀ ਜੋ ਨਾ ਇਨ੍ਹਾਂ ਦੇ ਕੰਮ ਦੀਆਂ ਸਨ ਅਤੇ ਨਾ ਹੀ ਇਹ ਵਸਤਾਂ ਅਗਾਂਹ ਵੇਚੀਆਂ ਗਈਆਂ ਸਨ।
ਰਿਪੋਰਟ ਅਨੁਸਾਰ ਲੈਸਟਰ ਪੁੱਜਣ ‘ਤੇ ਪੁਲਿਸ ਨੇ ਸ਼ੱਕ ਦੇ ਅਧਾਰ ‘ਤੇ ਜਦ ਇਸ ਸਮਾਨ ਦੀ ਤਲਾਸ਼ੀ ਲਈ ਸੀ ਤਾਂ ਉਨ੍ਹਾਂ ਨੂੰ ਇਸ ਦੇ ਪੈਕਿੰਗ ਵਿੱਚ ਡਰੱਗ ਲੱਭੀ ਸੀ ਜਿਸ ਨੂੰ ਕੱਢਣ ਬਾਦ ਉਨ੍ਹਾਂ ਨੇ ਇਹ ਸਮਾਨ ਸਹੀ ਪਤੇ ‘ਤੇ ਪਹੁੰਚਾਉਣ ਦੇ ਮਕਸਦ ਨਾਲ ਉਸ ‘ਤੇ ਨਿਗਰਾਨੀ ਵੀ ਰੱਖੀ ਸੀ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਇਹ ਡਰੱਗ ਦੀ ਡਲਿਵਰੀ ਲੈਣ ਵਾਲੇ ਸ਼ਸੀਧਰਨ ਦੇ ਭਰਾਵਾਂ ਬਾਬੂ ਨਾਥ ਅਤੇ ਭਰਤ ਰਾਮ ਨੂੰ ਗ੍ਰਿਫਤਾਰ ਕਰ ਲਿਆ ਸੀ ਜਦਕਿ ਸ਼ਸ਼ੀਧਰਨ ਇਹ ਖ਼ਬਰ ਮਿਲਣ ਤੋਂ ਬਾਦ ਫਰਾਰ ਹੋ ਗਿਆ ਸੀ। ਇਸ ਡਰੱਗ ਦੇ ਮਾਮਲੇ ਵਿੱਚ ਸ਼ਸ਼ੀਧਰਨ ਦੇ ਦੋਨੋਂ ਭਰਾਵਾਂ ਨੂੰ ਕੁੱਲ 43 ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਉਣ ਦੇ ਨਾਲ ਨਾਲ ਉਨ੍ਹਾਂ ਦੀ ਸੰਪਤੀ ਵੀ ਜ਼ਬਤ ਕੀਤੀ ਗਈ ਸੀ।
ਲੈਸਟਰ ਕਰਾਊਨ ਕੋਰਟ ਵਿੱਚ 2009 ਵਿੱਚ ਦੋਨੋਂ ਭਰਾਵਾਂ ਨੂੰ ਸਜ਼ਾ ਮੌਕੇ ਸਾਹਮਣੇ ਆਇਆ ਸੀ ਕਿ ਇਨ੍ਹਾਂ ਨੇ ਸ਼ਸ਼ੀਧਰਨ ਦੀ ਅਗਵਾਈ ਹੇਠ ਉਸ ਸਮੇਂ ਤੱਕ ਵੱਖ–ਵੱਖ ਤਰੀਕਿਆਂ ਨਾਲ ਘੱਟੋ ਘੱਟ 10 ਮਿਲੀਅਨ ਪੌਂਡ ਦੀ ਕਾਲੀ ਕਮਾਈ ਕੀਤੀ ਸੀ।
ਲੈਸਟਰਸ਼ਾਇਰ ਪੁਲਿਸ ਨੇ ਜਾਰੀ ਕੀਤੇ ਬਿਆਨ ਅਨੁਸਾਰ ਸਪੱਸ਼ਟ ਕੀਤਾ ਹੈ ਕਿ ਉਨ੍ਹਾਂ ਨੂੰ ਅਜੇ ਵੀ ਸ਼ਸ਼ੀਧਰਨ ਦੀ ਤਲਾਸ਼ ਹੈ ਅਤੇ ਸ਼ੰਕਾ ਹੈ ਕਿ ਉਹ ਸਪੇਨ ਵਿੱਚ ਕਿਤੇ ਲੁਕਿਆ ਬੈਠਾ ਹੈ। ਪੁਲਿਸ ਮਹਿਕਮਾ ਇਸ ਨੂੰ ਬਹੁਤ ਹੀ ਸਮਝਦਾਰੀ ਨਾਲ ਕੀਤਾ ਅਪਰਾਧ ਮੰਨਦਾ ਹੈ ਅਤੇ ਉਹ ਸ਼ਸ਼ੀਧਰਨ ਦੀ ਤਲਾਸ਼ ਵਿੱਚ ਹਨ। ਪੁਲਿਸ ਨੇ ਸ਼ਸ਼ੀਧਰਨ ਬਾਰੇ ਜਾਣਕਾਰੀ 101 ਜਾਂ 0800 555 111 ‘ਤੇ ਦੇਣ ਦੀ ਅਪੀਲ ਕੀਤੀ ਹੈ।

ਅਸੁਰੱਖਿਅਤ ਰਹਾਇਸ਼ਗਾਹਾਂ ਦੇ ਮਾਲਕ ਹਰਪਾਲ ਸਿੰਘ ਵਲੋਂ ਕਿਰਾਏਦਾਰਾਂ ਦੀ ਜਾਨ ਖਤਰੇ ਵਿੱਚ ਪਾਉਣ ਦੀ ਜਾਂਚ ਬਾਦ ਭਾਰੀ ਜੁਰਮਾਨੇ ਦਾ ਖਦਸ਼ਾ

harpal singh photo

ਗਲਾਸਗੋ – ਇੱਥੋਂ ਦੀਆਂ ਕਈ ਸੰਪਤੀਆਂ ਦੇ ਮਾਲਕ ਵਲੋਂ ਕਿਰਾਏ ‘ਤੇ ਦਿੱਤੀਆਂ ਜਾਇਦਾਦਾਂ ਦੀ ਸੁਰੱਖਿਆ ਨਾ ਹੋਣ ਕਾਰਨ ਕੌਂਸਲ ਵਲੋਂ ਜਾਂਚ ਦਾ ਕੰਮ ਕਰਨ ਬਾਦ ਜੁਰਮਾਨੇ ਦੀ ਹਦਾਇਤ ਦਿੱਤੀ ਗਈ ਹੈ।
ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਹਰਪਾਲ ਸਿੰਘ ਜੋ 14 ਜਾਇਦਾਦਾਂ ਦਾ ਮਾਲਕ ਹੈ, ਨੇ ਉਸ ਦੇ ਘਰਾਂ ਜਾਂ ਫਲੈਟਾਂ ਵਿੱਚ ਸੁਰੱਖਿਆ ਸਬੰਧੀ ਅਣਗਹਿਲੀ ਵਰਤੀ ਸੀ ਜਦਕਿ 1999 ਵਿੱਚ ਉਸ ਦੀ ਹੀ ਇਕ ਜਾਇਦਾਦ ਦੀ ਬੇਸਮੈਂਟ ਵਿੱਚ ਰਹਿਣ ਵਾਲੇ 20 ਸਾਲਾ ਵਿਦਿਆਰਥੀ ਦੀ ਜੇਮਸ ਫਰੇਜਰ ਅਤੇ ਉਸ ਦੇ ਸਾਥੀ 20 ਸਾਲਾ ਡੈਨੀਅਲ ਹੀਰੋਂ ਦੀ ਮੌਤ ਹੋ ਗਈ ਸੀ। ਜਾਂਚ ਵਿੱਚ ਪਾਇਆ ਗਿਆ ਕਿ ਇਸ ਦੁਰਘਟਨਾ ਤੋਂ ਬਾਦ ਸਿੰਘ ਨੂੰ ਸਹੁੰ ਚੁੱਕਣ ਦੇ ਬਾਵਜੂਦ ਆਪਣਾ ਗੁਨਾਹ ਮੰਨਣ ਦੇ ਕੇਸ ਵਿੱਚ 30 ਮਹੀਨੇ ਦੀ ਜੇਲ੍ਹ ਹੋਈ ਸੀ ਅਤੇ ਜੁਰਮਾਨਾ ਕੀਤਾ ਗਿਆ ਸੀ।
2013 ਵਿੱਚ ਹਰਪਾਲ ਸਿੰਘ ਨੇ ਦੁਬਾਰਾ ਕਿਰਾਏਦਾਰ ਰੱਖਣ ਦਾ ਲਾਇਸੈਂਸ ਲੈਣ ਲਈ ਅਰਜ਼ੀ ਦਿੱਤੀ ਸੀ ਜਿਸ ਤੋਂ ਬਾਅਦ ਗਲਾਸਗੋ ਕੌਂਸਲ ਨੇ ਉਸ ਦੀ ਜਾਂਚ ਪੜਤਾਲ ਸ਼ੁਰੂ ਕੀਤੀ ਸੀ ਜਿਸ ਪੜਤਾਲ ਦੌਰਾਨ ਪਾਇਆ ਗਿਆ ਕਿ ਉਸ ਨੇ 14 ਜਾਇਦਾਦਾਂ ਬਿਨਾ ਕੌਂਸਲ ਦੇ ਲਾਇਸੈਂਸ ‘ਤੇ ਕਿਰਾਏ ‘ਤੇ ਦਿੱਤੀਆਂ ਹੋਈਆਂ ਹਨ ਜੋ ਇਕ ਤਰ੍ਹਾਂ ਨਾਲ ਮੌਤ ਦਾ ਘਰ ਹਨ ਜਿੱਥੇ ਪਿਛਲੀ ਨਵੰਬਰ ਵਿੱਚ ਦੇਖਿਆ ਗਿਆ ਕਿ ਉਸ ਦੀਆਂ ਜਾਇਦਾਦਾਂ ਵਿੱਚ ਨਾ ਤਾਂ ਕੇਈ ਧੂੰਏ ਦਾ ਅਲਾਰਮ ਸੀ, ਨਾ ਹੀ ਗੈਸ ਦੀ ਸੂਹ ਲੈਣ ਵਾਲਾ ਅਲਾਰਮ ਸੀ, ਫਰਸ਼ ਖਰਾਬ ਦੇ ਨਾਲ ਖਿੜਕੀਆਂ ਖੁੱਲ੍ਹਣ ਦੀ ਵੀ ਕੋਈ ਵਿਵਸਾਥਾ ਨਹੀਂ ਸੀ।
64 ਸਾਲਾ ਹਰਪਾਲ ਸਿੰਘ 1999 ਵਿੱਚ ਉਦੋਂ ਸੁਰਖੀਆ ਵਿੱਚ ਆਇਆ ਸੀ ਜਦ ਉਸ ਦੇ ਮੈਲਰੋਜ਼ ਸਟਰੀਟ ਸਥਿੱਤ ਫਲੈਟ ਵਿੱਚ ਅੱਗ ਲੱਗਣ ਬਾਦ ਦੋ ਨੌਜਵਾਨਾਂ ਦੀ ਮੌਤ ਹੋ ਗਈ ਸੀ। ਇਸ ਅੱਗ ਵਿੱਚ 20 ਸਾਲਾ ਦੋ ਨੌਜਵਾਨ ਅੱਗ ਲੱਗਣ ਦਾ ਪਤਾ ਲੱਗਣ ਬਾਦ ਵੀ ਬਾਹਰ ਨਿਕਲਣ ਵਿੱਚ ਨਾਕਮਯਾਬ ਰਹੇ ਸਨ ਕਿਉਂਕਿ ਖਿੜਕੀਆਂ ਨੂੰ ਲੋਹੇ ਦੀਆਂ ਗਰਿੱਲਾਂ ਲੱਗੀਆਂ ਹੋਈਆਂ ਸਨ ਜਦਕਿ ਉਨ੍ਹਾਂ ਦੇ ਇਕ ਸਾਥੀ ਨੂੰ ਅੱਗ ਬੁਝਾਊ ਕਰਮਚਾਰੀਆਂ ਨੇ ਬਾਹਰ ਕੱਢ ਲਿਆ ਸੀ ਜੋ ਬੱਚ ਗਿਆ ਸੀ।
ਹੁਣ ਦੀ ਜਾਂਚ ਬਾਹਰ ਆਉਣ ਬਾਦ 1999 ਵਿੱਚ ਮਾਰੇ ਗਏ 20 ਸਾਲਾ ਜੇਮਲ ਫਰੇਜ਼ਰ ਦੇ ਪਿਤਾ ਨੇ ਗਿਲਾ ਕਰਦਿਆਂ ਕਿਹਾ ਕਿ ਸਾਨੂੰ ਉਮੀਦ ਸੀ ਕਿ ਸਿੰਘ ਆਪਣੀ ਗਲਤੀ ਤੋਂ ਕੁਝ ਸਿੱਖ ਪਾਊਗਾ ਪਰ ਅਜਿਹਾ ਨਹੀਂ ਹੋਇਆ। ਉਸਨੇ ਕਿਹਾ ਕਿ ਇਕ ਜਾਇਦਾਦ ਵਿੱਚ ਬਹੁਤੇ ਕਿਰਾਏਦਾਰ ਰੱਖਣ ਦੇ ਕਾਨੂੰਨ ਵਿੱਚ ਹੋਏ ਬਦਲਾਅ ਤੋਂ ਬਾਦ ਵੀ ਸਿੰਘ ਨੇ ਲੋੜੀਂਦੀਆਂ ਤਬਦੀਲੀਆਂ ਨਹੀਂ ਕੀਤੀਆਂ ਜੋ ਬਹੁਤ ਚਿੰਤਾਜਨਕ ਹੈ। ਉਨ੍ਹਾਂ ਨੇ ਕਿਹਾ ਮੈਂ ਬਹੁਤ ਖੁਸ਼ ਹਾਂ ਕਿ ਗਲਾਸਗੋ ਕੌਂਸਲ ਨੇ ਉਸ ਦੀ ਪੂਰੀ ਛਾਣਬੀਣ ਕੀਤੀ ਹੈ ਅਤੇ ਉਸ ‘ਤੇ ਮਾਲਕ ਬਣਨ ‘ਤੇ ਪਾਬੰਦੀ ਲਾਉਣ ਦਾ ਫੈਸਲਾ ਕੀਤਾ ਹੈ।
ਕੌਂਸਲ ਨੇ ਆਪਣੀ ਜਾਂਚ ਵਿੱਚ ਪਾਇਆ ਕਿ ਸਿੰਘ ਨੇ ਆਪਣੀਆਂ ਜਾਇਦਾਦਾਂ ਬਿਨਾਂ ਲਾਇਸੈਂਸ ਤੋਂ ਕਿਰਾਏ ‘ਤੇ ਦਿੱਤੀਆਂ ਹੋਈਆਂ ਸਨ ਜਿਸ ਦਾ ਉਸ ਨੇ ਡੇੜ ਲੱਖ ਪੌਂਡ ਕੌਂਸਲ ਟੈਕਸ ਬਿੱਲ ਵੀ ਅਦਾ ਨਹੀਂ ਸੀ ਕੀਤਾ। ਕੌਂਸਲ ਨੇ ਉਸ ਦੀਆਂ ਜਾਇਦਾਦਾਂ ਵਿੱਚ ਰਹਿੰਦੇ ਲੋਕਾਂ ਨੂੰ ਉਨ੍ਹਾਂ ਦਿਆਂ ਹੱਕਾਂ ਬਾਰੇ ਜਾਗਰੂਕ ਕੀਤਾ ਹੈ ਅਤੇ ਹਰਪਾਲ ਸਿੰਘ ਨੂੰ ਇਨ੍ਹਾਂ ਜਾਇਦਾਦਾਂ ਦੇ ਮਾਲਕ ਹੋਣ ਦੀ ਕਾਬਲੀਅਤ ਤੋਂ ਸੱਖਣਾ ਦੱਸਦਿਆਂ ਉਸ ‘ਤੇ ਮਾਲਕ ਬਣਨ ਦੀ ਪਾਬੰਦੀ ਲਗਾਈ ਗਈ ਹੈ ਜਦਕਿ ਉਸ ਨੂੰ 50 ਹਜ਼ਾਰ ਪੌਂਡ ਜੁਰਮਾਨਾ ਹੋਣ ਦਾ ਵੀ ਖਦਸ਼ਾ ਹੈ।
ਗਲਾਸਗੋ ਕੌਂਸਲ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਕਮੇਟੀ ਮੈਂਬਰਾਂ ਨੇ ਜਾਂਚ ਦੌਰਾਨ ਪਾਇਆ ਕਿ ਹਰਪਾਲ ਸਿੰਘ ਜਾਇਦਾਦ ਮਾਲਕ ਹੋਣ ਦੇ ਕਾਬਿਲ ਅਤੇ ਸਹੀ ਵਿਅਕਤੀ ਨਹੀਂ ਹੈ।

ਸਾਊਥਾਲ ਵਿਖੇ ਸ੍ਰੀ ਗੁਰੂ ਸਿੰਘ ਸਭਾ ਵਲੋਂ ਖਾਲਸਾ ਸਾਜਨਾ ਦੇ ਨਗਰ ਕੀਰਤਨ ਮੌਕੇ ਵਰ੍ਹਦੇ ਮੀਂਹ ਵਿੱਚ ਹਜ਼ਾਰਾਂ ਸੰਗਤਾਂ ਨੇ ਹਿੱਸਾ ਲਿਆ

ਸਾਊਥਾਲ – ਇਥੇ 8 ਅਪ੍ਰੈਲ ਨੂੰ ਸਾਰਾ ਦਿਨ ਵਰ੍ਹਦੇ ਮੀਂਹ ਵਿੱਚ ਸੀ ਗੁਰੂ ਸਿੰਘ ਸਭਾ ਸਾਊਥਾਲ ਵਲੋਂ ਸਿੱਖ ਸੰਗਤ ਦੇ ਸਹਿਯੋਗ ਨਾਲ ਖਾਲਸਾ ਪੰਥ ਦੇ ਸਾਜਨਾ ਦਿਵਸ ਸਬੰਧੀ ਵਿਸ਼ਾਲ ਨਗਰ ਕੀਰਤਨ ਸਜਾਇਆ ਗਿਆ ਜਿਸ ‘ਚ ਹਜ਼ਾਰਾਂ ਸਿੱਖ ਸੰਗਤਾਂ ਵਲੋਂ ਸ਼ਮੂਲੀਅਤ ਕੀਤੀ ਗਈ।
ਨਗਰ ਕੀਰਤਨ ਦੀ ਆਰੰਭਤਾ ਮੌਕੇ ਸਾਹਿਬ ਸੀ ਗੁਰੂ ਗੰ੍ਰਥ ਸਾਹਿਬ ਦੇ ਪਾਵਨ ਸਰੂਪ ਸਤਿਕਾਰ ਸਹਿਤ ਗੁਰੂਘਰ ਦੇ ਮੀਤ ਪ੍ਰਧਾਨ ਦੀਦਾਰ ਸਿੰਘ ਰੰਧਾਵਾ ਪਾਲਕੀ ਸਾਹਿਬ ਤੱਕ ਲੈ ਕੇ ਆਏ ਤੇ ਸਿੱਖ ਸੰਗਤ ਵਲੋਂ ਫੁੱਲਾਂ ਦੀ ਵਰਖਾ ਕੀਤੀ ਗਈ। ਨਗਰ ਕੀਰਤਨ ਦੀ ਅਗਵਾਈ ਪੰਜ ਪਿਆਰੇ ਕਰ ਰਹੇ ਸਨ। ਗੱਤਕਾ ਅਖਾੜੇ ਦੇ ਨੌਜਵਾਨਾਂ, ਬੱਚੇ ਬੱਚੀਆਂ ਨੇ ਗੱਤਕੇ ਦਾ ਪ੍ਰਦਰਸ਼ਨ ਕੀਤਾ। ਸਿੱਖ ਸੰਗਤ ਨੂੰ ਸੰਸਦ ਮੈਂਬਰ ਵਰਿੰਦਰ ਸ਼ਰਮਾ, ਸੰਸਦ ਮੈਂਬਰ ਸੀਮਾ ਮਲਹੋਤਰਾ, ਲੰਡਨ ਅਸੈਂਬਲੀ ਮੈਂਬਰ ਡਾੰ ਉਂਕਾਰ ਸਿੰਘ ਸਹੋਤਾ, ਹਰਜੀਤ ਸਿੰਘ ਸਰਪੰਚ, ਸੋਹਣ ਸਿੰਘ ਸਮਰਾ, ਸੁਰਜੀਤ ਸਿੰਘ ਬਿਲਗਾ, ਡਾੰਪੀੰਬੀੰ ਸਿੰਘ ਜੌਹਲ, ਅਮਰਜੀਤ ਸਿੰਘ ਦਾਸਨ ਆਦਿ ਨੇ ਆਗਮਨ ਪੁਰਬ ਦੀ ਵਧਾਈ ਦਿੱਤੀ। ਗੁਰਦੁਆਰਾ ਹੈਵਲਾਕ ਰੋਡ ਤੋਂ ਸ਼ੁਰੂ ਹੋ ਕੇ ਨਗਰ ਕੀਰਤਨ ਕਿੰਗ ਸਟਰੀਟ, ਸਾਊਥ ਰੋਡ, ਬਰਾਡਵੇਅ ਆਦਿ ਤੋਂ ਹੁੰਦਾ ਹੋਇਆ ਦੇਰ ਸ਼ਾਮ ਗੁਰਦੁਆਰਾ ਪਾਰਕ ਐਵੇਨਿਊ ਵਿਖੇ ਪਹੁੰਚਿਆ। ਇਸ ਮੌਕੇ ਗੁਰੂਘਰ ਦੇ ਹੈੱਡ ਗ੍ਰੰਥੀ ਭਾਈ ਬਲਵਿੰਦਰ ਸਿੰਘ ਪੱਟੀ ਵਲੋਂ ਸਮਾਪਤੀ ਦੀ ਅਰਦਾਸ ਕੀਤੀ ਗਈ। ਕਮੇਟੀ ਦੇ ਮੀਤ ਪ੍ਰਧਾਨ ਸੁਰਜੀਤ ਸਿੰਘ ਸਪਪੰਚ ਅਤੇ ਸਿੰਘ ਸਭਾ ਟਰੱਸਟ ਦੇ ਚੇਅਰਮੈਨ ਸੁਰਜੀਤ ਸਿੰਘ ਬਿਲਗਾ ਵਲੋਂ ਨਗਰ ਕੀਰਤਨ ਵਿੱਚ ਸ਼ਾਮਲ ਹੋਈਆਂ ਸੰਗਤਾਂ, ਸਮੂਹ ਸੇਵਾਦਾਰਾਂ, ਪ੍ਰਬੰਧਕਾਂ ਅਤੇ ਪੁਲਿਸ ਪਬੰਧ ਦਾ ਧੰਨਵਾਦ ਕੀਤਾ ਗਿਆ।
ਸਿੱਖ ਸੰਗਤ ਤੋਂ ਇਲਾਵਾ ਰਾਮ ਮੰਦਰ, ਹਿੰਦੂ ਮੰਦਰ, ਗੁਰਦੁਆਰਾ ਅਮਰਦਾਸ ਸਮੇਤ ਵੱਖ–ਵੱਖ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਨਗਰ ਕੀਰਤਨ ਦਾ ਸਵਾਗਤ ਕੀਤਾ। ਵੱਖ–ਵੱਖ ਸਮਾਜ ਸੇਵੀ ਸੰਸਥਾਵਾਂ ਵਲੋਂ ਵੀ ਇਸ ਮੌਕੇ ਸਟਾਲ ਲਗਾ ਕੇ ਸੰਗਤ ਨੂੰ ਸੇਵਾ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾ ਰਿਹਾ ਸੀ। ਮੌਸਮ ਨੇ ਭਾਵੇਂ ਨਗਰ ਕੀਰਤਨ ਵਿੱਚ ਵਿਘਨ ਪਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਸੰਗਤ ‘ਚ ਫਿਰ ਵੀ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲਿਆ। ਇਸ ਮੌਕੇ ਭਾਈ ਸੁਖਜਿੰਦਰ ਸਿੰਘ ਹੈੱਡ ਗ੍ਰੰਥੀ ਦਰਬਾਰ ਸਾਹਿਬ ਵਾਲੇ, ਹਰਮੀਤ ਸਿੰਘ ਗਿੱਲ, ਸੁਰਿੰਦਰ ਸਿੰਘ ਪੁਰੇਵਾਲ, ਹਿੰਮਤ ਸਿੰਘ ਸੋਹੀ, ਕਾਂਗਰਸ ਪ੍ਰਧਾਨ ਕਮਲਪ੍ਰੀਤ ਸਿੰਘ ਧਾਲੀਵਾਲ, ਜਸਪਾਲ ਸਿੰਘ ਥਿੰਦ, ਹਰਪਿੰਦਰ ਸਿੰਘ, ਦਲਜੀਤ ਸਿੰਘ ਸੱਗੂ, ਜਸਵੰਤ ਸਿੰਘ ਦੀਪ, ਅਮਨਦੀਪ ਸਿੰਘ ਘੁੰਮਣ, ਕੌਂਸਲਰ ਕੇੰਸੀੰ ਮੋਹਨ, ਸਵਰਨ ਸਿੰਘ ਪੱਡਾ, ਡਾੰ ਪਰਵਿੰਦਰ ਸਿੰਘ ਗਰਚਾ, ਸੁਖਦੇਵ ਸਿੰਘ ਔਜਲਾ, ਅਮਰਜੀਤ ਸਿੰਘ ਢਿੱਲੋਂ ਅਤੇ ਜਗਰਾਜ ਸਿੰਘ ਸਰਾਂ ਆਦਿ ਹਾਜ਼ਰ ਸਨ।

ਸਕਾਟਲੈਂਡ ਦੇ ਨੌਜਵਾਨ ਪੰਜਾਬੀ ਕਾਰੋਬਾਰੀ ਢਿੱਲੋਂ ਨੂੰ ਪ੍ਰਿੰਸ ਵਿਲਿਅਮ ਦੀ ਬਰਾਤੇ ਆਉਣ ਦਾ ਸੱਦਾ

Amrit dhillon

ਸਕਾਟਲੈਂਡ – ਇੱਥੇ ਫਾਲਕਿਰਕ ਦੇ ਨੌਜਵਾਨ ਪੰਜਾਬੀ ਕਾਰੋਬਾਰੀ ਅੰਮ੍ਰਿਤ ਢਿੱਲੋਂ ਨੂੰ ਸ਼ਹਿਜ਼ਾਦਾ ਵਿਲਿਅਮ ਦੇ 19 ਮਈ ਨੂੰ ਹੋ ਰਹੇ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਮਿਲਿਆ ਹੈ।
ਇਥੋਂ ਦੀ ਸਤਿਕਾਰਯੋਗ ਸ਼ਖ਼ਸੀਅਤ ਸਵਰਗੀ ਹਰਕੀਰਤ ਸਿੰਘ ਢਿੱਲੋਂ ਦੇ ਬੇਟੇ ਨੇ ਜਿੱਥੇ ਆਪਣੇ ਮਾਪਿਆਂ ਦੇ ਨਕਸ਼ੇ ਕਦਮ ‘ਤੇ ਚਲਦਿਆਂ ਕਾਰੋਬਾਰ ਵਿੱਚ ਨਵੇਂ ਮੀਲ ਪੱਥਰ ਸਥਾਪਿਤ ਕੀਤੇ ਹਨ ਉੱਥੇ ਹੀ ਉਹ ਲੋਕ ਸੇਵਾ ਦੇ ਕੰਮਾਂ ਵਿੱਚ ਉਚੇਚਾ ਹਿੱਸਾ ਪਾਉਂਦਾ ਹੈ ਜਿਸ ਦੇ ਚਲਦਿਆਂ ਇੱਥੋਂ ਦੇ ਲੋਰਡ ਲੈਫਟੀਨੈਂਟ ਐਲਨ ਸਿੰਪਸਨ ਨੇ 19 ਮਈ ਦੇ ਵਿੰਡਸਰ (ਲੰਡਨ) ਵਿਖੇ ਹੋ ਰਹੇ ਸਮਾਗਮਾਂ ਵਿੱਚ ਸਾਮਲ ਹੋਣ ਲਈ ਸੱਦਾ ਪੱਤਰ ਭੇਜਿਆ ਹੈ।

ਪੰਜਾਬ ਪੁਲਿਸ ਇੰਸਪੈਕਟਰ ਵਿਰਦੀ ਦੀ ਕਿਤਾਬ ਛਪਣ ਬਾਅਦ ਟੋਰੀ ਐਮੰਪੀੰ ਨੇ ਇਨਸਾਫ ਦੀ ਮੰਗ ਕੀਤੀ

Gurpal virdi

ਕੈਰਨਫਰਡ – ਇੱਥੋਂ ਦੇ ਕੌਂਸਲਰ ਅਤੇ ਮੈਟਰੋਪੋਲੀਟਨ ਪੁਲਿਸ ਦੇ ਸਾਬਕਾ ਸਾਰਜੈਂਟ ਗੁਰਪਾਲ ਵਿਰਦੀ ਦੀ ਆਪਬੀਤੀ ਕਿਤਾਬ ਛਪਣ ਬਾਅਦ ਇਨਸਾਫ ਪਸੰਦ ਟੋਰੀ ਐਮੰਪੀੰ ਪੀਟਰ ਬੋਟਮਲੀ ਨੇ ਵੱਡੀ ਪੱਧਰ ‘ਤੇ ਜਾਂਚ ਦੀ ਮੰਗ ਕੀਤੀ ਹੈ।
ਐਮੰਪੀੰ ਪੀਟਰ ਨੇ ਕਿਹਾ ਹੈ ਕਿ ਨਾ ਸਿਰਫ ਵਿਰਦੀ ‘ਤੇ ਲੱਗੇ ਇਲਜ਼ਾਮਾਂ ਦੀ ਪੜਤਾਲ ਕੀਤੀ ਜਾਵੇ ਸਗੋਂ ਸ਼ਿਕਾਇਤਕਰਤਾ ਦੀ ਜਾਂਚ ਕਰਕੇ ਉਸ ਦੇ ਝੂਠੇ ਕੇਸ ਅਤੇ ਲੋਕਾਂ ਦਾ ਪੈਸਾ ਬਰਬਾਦ ਕਰਨ ਦੀ ਵੀ ਜਾਂਚ ਕੀਤੀ ਜਾਵੇ। ਵਿਰਦੀ ਵਲੋਂ ਬ੍ਰਤਾਨਵੀ ਪੁਲਿਸ ਵਿੱਚ ਨਸਲੀ ਵਿਤਕਰੇ ਦਾ ਮੁੱਦਾ ਆਪਣੀ ਕਿਤਾਬ ਵਿੱਚ ਉਠਾਇਆ ਗਿਆ ਜਿਸ ਵਿੱਚ ਉਸ ਨੇ ਆਪਣੇ ਨਾਲ ਲੰਬਾ ਸਮਾਂ ਹੁੰਦੇ ਰਹੇ ਪੱਖਪਾਤ ਨੂੰ ਉਘੇੜਿਆ ਹੈ। ਵਿਰਦੀ ਨੇ ਭਾਵੇਂ ਨਾਮ ਲੈਕੇ ਅਨਸਰਾਂ ਨੂੰ ਨੰਗਿਆਂ ਨਹੀਂ ਕੀਤਾ ਪਰ ਉਸ ਨੇ ਆਪਣੇ ਨਾਲ ਹੋਈਆਂ ਜ਼ਿਆਦਤੀਆਂ ‘ਤੇ ਜਿਥੇ ਦੁੱਖ ਪ੍ਰਗਟਾਇਆ ਹੈ ਉੱਥੇ ਹੀ ਉਹ ਆਪਣੀ ਨੌਕਰੀ ਦੌਰਾਨ ਇਸ ਮਾਮਲੇ ਨੂੰ ਸੁਲਝਾਏ ਜਾਣ ਤੋਂ ਮੁਨਕਰ ਸਾਥੀ ਅਫਸਰਾਂ ਦੀ ਬੇਰੁੱਖੀ ਤੋਂ ਵੀ ਨਿਰਾਸ਼ ਹੋਇਆ ਸੀ ਜਿਸ ਕਾਰਨ ਉਸ ਨੇ ਅਖੀਰ ਨੌਕਰੀ ਛੱਡ ਦਿੱਤੀ ਸੀ।
ਵਿਰਦੀ ਨੇ ਐਮੰਪੀੰ ਪੀਟਰ ਬੋਟਮਲੀ ਵਲੋਂ ਮਿਲੇ ਹੁੰਗਾਰੇ ‘ਤੇ ਆਸ ਪ੍ਰਗਟਾਉਂਦਿਆਂ ਕਿਹਾ ਕਿ ਉਸ ਵਲੋਂ ਜਾਂਚ ਦੀ ਅਪੀਲ ਅਤੇ ਪਾਰਲੀਮੈਂਟ ਵਿੱਚ ਇਹ ਮੁੱਦਾ ਉਠਾਏ ਜਾਣ ਦੀ ਮੰਗ ਉਸ ਨੂੰ ਇਨਸਾਫ ਦਿਵਾ ਸਕਦੀ ਹੈ।

ਜਥੇਦਾਰ ਰਾਮੇਵਾਲ ਕੌਂਸਲ ਚੋਣਾਂ ਵਿੱਚ ਸੈਂਡਵਲ ਤੋਂ ਉਮੀਦਵਾਰ ਨਾਮਜੱਦ

Balihar Ramewal

ਬ੍ਰਮਿੰਘਮ – ਇੱਥੋਂ ਦੇ ਹਲਕੇ ਸੈਂਡਵੈਲ ਦੇ ਵਾਰਡ ਕਰੈਡਲੀ ਹੀਥ ਐਂਡ ਉਲਟ ਹਿੱਲ ਤੋਂ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਯੂੰਕੇੰ ਅਤੇ ਅਕਾਲ ਦਰਬਾਰ ਗੁਰਦੁਆਰਾ ਦੇ ਪ੍ਰਧਾਨ ਜਥੇਦਾਰ ਬਹਿਲਾਹਰ ਸਿੰਘ ਰਾਮੇਵਾਲ ਨੂੰ ਟੋਰੀ ਪਾਰਟੀ ਨੇ ਆਪਣਾ ਉਮੀਦਵਾਰ ਨਾਮਜ਼ੱਦ ਕੀਤਾ ਹੈ।
3 ਮਈ ਨੂੰ ਹੋ ਰਹੀਆਂ ਸਥਾਨਕ ਚੋਣਾਂ ਵਿੱਚ ਕੰਜ਼ਰਵਟਿਵ ਪਾਰਟੀ (ਟੋਰੀ) ਵਲੋਂ ਨਿਕਲਸ ਕੂਪਰ ਅਤੇ ਅਨੈਟਰ ਪੋਵਲ ਵਲੋਂ ਨਾਮਜ਼ੱਦ ਕੀਤਾ ਗਿਆ ਸੀ ਜਦਕਿ ਪਾਰਲੀਮਾਨੀ ਉਮੀਦਵਾਰ ਅਤੇ ਕੌਂਸਲਰ ਐਰਨ ਪੌਟੇ ਨੇ ਰਾਮੇਵਾਲ ਦਾ ਨਾਮ ਪਾਰਟੀ ਦੇ ਮੂਹਰੇ ਰੱਖਿਆ ਸੀ। ਇਸ ਚੋਣ ਵਿੱਚ ਜਿੱਥੇ ਬਲਿਹਾਰ ਸਿੰਘ ਰਾਮੇਵਾਲ ਕੰਜ਼ਰਵੇਟਿਵ ਉਮੀਦਵਾਰ ਹਨ ਉਥੇ ਹੀ ਉਸ ਦੇ ਮੁਕਾਬਲੇ ਲੇਬਰ ਦੀ ਜੂਲੀਆ ਵੈਬ, ਲਿਬਰਲ ਪਾਰਟੀ ਦੇ ਜੋਨਜ਼ ਰੋਬਰਟ ਅਤੇ ਗਰੀਨ ਪਾਰਟੀ ਤੋਂ ਕੋਨ ਪੌਲ ਮੁਕਾਬੇਲ ਵਿੱਚ ਹਨ।
ਕੰਜ਼ਰਵੇਟਿਵ ਪਾਰਟੀ ਵਲੋਂ ਬਲਿਹਾਰ ਸਿੰਘ ਰਾਮੇਵਾਲ ਨੂੰ ਨਾਮਜ਼ੱਦਗੀ ਪੱਤਰ ਮਿਲ ਚੁੱਕਾ ਹੈ ਜਿਸ ਲਈ ਉਨ੍ਹਾਂ ਨੇ ਤਿਆਰੀ ਕਰਦੇ ਹੋਏ ਭਾਈਚਾਰੇ ਨੂੰ ਅਪੀਲ ਕੀਤੀ ਹੈ ਕਿ ਉਨ੍ਹਾਂ ਦੀ ਇਸ ਚੋਣ ਵਿੱਚ ਮੱਦਦ ਕੀਤੀ ਜਾਵੇ ਤਾਂਕਿ ਸਿੱਖਾਂ ਦੀ ਬ੍ਰਤਾਨਵੀ ਸਿਆਸਤ ਵਿੱਚ ਗਿਣਤੀ ਵੱਧ ਸਕੇ। ਰਾਮੇਵਾਲ ਨੇ ਕਿਹਾ ਹੈ ਕਿ ਉਹ ਚੁਣੇ ਜਾਣ ਦੀ ਸੂਰਤ ਵਿੱਚ ਆਪਣੇ ਵਾਰਡ ਦੇ ਲੋਕਾਂ ਦੀ ਸਹੂਲਤ ਲਈ ਵੱਧ ਤੋਂ ਵੱਧ ਕੰਮ ਕਰਨਗੇ ਕਿਉਂਕਿ ਉਸਨੂੰ ਸਿਆਸਤ ਅਤੇ ਭਾਈਚਾਰੇ ਦੀ ਸੇਵਾ ਬਾਰੇ ਜਾਣਕਾਰੀ ਹੈ। ਇਸ ਚੋਣ ਵਿੱਚ ਰਾਮੇਵਾਲ ਅਨੁਸਾਰ ਯੂਕਿਪ ਪਾਰਟੀ ਵਾਲੇ ਆਪਣਾ ਉਮੀਦਵਾਰ ਉਨ੍ਹਾਂ ਦੇ ਹੱਕ ਵਿੱਚ ਖੜਾ ਨਹੀਂ ਕੀਤਾ ਜਾ ਰਿਹਾ।

ਵੁਲਵਰਹੈਂਪਟਨ ਵਿਖੇ ਤਿੰਨ ਦਹਾਕੇ ਪਹਿਲਾਂ ਪੁਲਿਸ ਕਾਰ ਵਲੋਂ ਦਰੜੀ ਗਈ ਪੰਜਾਬਣ ਮਾਂ ਬਾਰੇ ਇਨਸਾਫ ਲਈ ਜੱਦੋਜਹਿਦ

Kishni Mahay

ਵੁਲਵਰਹੈਂਪਟਨ – ਇਥੇ ਮਾਰਚ 1989 ਵਿਚ ਇਕ ਕ੍ਰਾਸਿੰਗ ਉਪਰ ਸੜਕ ਪਾਰ ਕਰਦਿਆਂ ਪੁਲਿਸ ਦੀ ਤੇਜ਼ ਰਫਤਾਰ ਗਸ਼ਤੀ ਕਾਰ ਹੇਠ ਆ ਕੇ ਮਾਰੀ ਗਈ ਪੰਜਾਬਣ ਮਾਂ ਕਿਸ਼ਨੀ ਮਹੇ ਦੀ ਮੌਤ ਬਾਰੇ ਇਨਸਾਫ ਲੈਣ ਲਈ ਪਿਛਲੇ ਤਿੰਨ ਦਹਾਕੇ ਤੋਂ ਜਦੋਜਹਿਦ ਕੀਤੀ ਜਾ ਰਹੀ ।
ਮ੍ਰਿਤਕਾ ਦੇ ਪੁੱਤਰ ਰਾਜ ਮਹੇ ਦਾ ਕਹਿਣਾ ਕਿ ਪੁਲਿਸ ਦੀ ਗਲਤੀ ਉਪਰ ਪਰਦਾ ਪਾਉਣ ਲਈ ਪੁਲਿਸ ਕੰਪਲੇਂਟ ਅਥਾਰਿਟੀ ਵਲੋਂ ਕੋਈ ਇਨਸਾਫ ਨਹੀਂ ਮਿਲਿਆ। ਇਸੇ ਕਰਕੇ ਪੁਲਿਸ ਵਿਰੁੱਧ ਮੁਕੱਦਮਾ ਨਾ ਚੱਲ ਸਕਿਆ।
ਪੋਸਟ ਮਾਰਟਮ ਰਿਪੋਰਟ ਵਿਚ ਕਥਿਤ ਹੇਰਾਫੇਰੀ ਕਰਦਿਆਂ ਲਿਖ ਦਿੱਤਾ ਗਿਆ ਕਿ ਦੁਰਘਟਨਾ ਵੇਲੇ ਬਜ਼ੁਰਗ ਔਰਤ ਨੇ ਸ਼ਰਾਬ ਪੀਤੀ ਹੋਈ ਸੀ ਜੋ ਸਰਾਸਰ ਸਾਡੇ ਨਾਲ ਧੱਕਾ ਅਤੇ ਭਾਰਤੀ ਔਰਤਾਂ ਦੇ ਸਨਮਾਨ ਨੂੰ ਸੱਟ ਮਾਰਨ ਵਾਲਾ ਝੂਠ । ਰਾਜ ਦਾ ਕਹਿਣਾ ਕਿ ਜਿੰਨਾ ਚਿਰ ਪੁਲਿਸ ਦਾ ਝੂਠ ਨੰਗਾ ਨਹੀਂ ਹੋ ਜਾਂਦਾ ਅਸੀਂ ਚੁੰਪ ਕਰਕੇ ਨਹੀਂ ਬੈਠਾਂਗੇ।
ਇਸ ਦੁਰਘਟਨਾ ਦੀ ਨਿਰਪੱਖ ਜਾਂਚ ਲਈ ਅਸੀਂ ਇਕ ਲੱਖ ਦਸਖ਼ਤਾਂ ਵਾਲੀ ਪਟੀਸ਼ਨ ਪਾਰਲੀਮੈਂਟ ਕੋਲ ਭੇਜ ਰਹੇ ਹਾਂ ਕਿ ਸਾਨੂੰ ਇਨਸਾਫ ਮਿਲ ਸਕੇ।” ਰਾਜ ਨੇ ਭਾਈਚਾਰੇ ਕੋਲੋਂ ਸਹਿਯੋਗ ਦੀ ਮੰਗ ਕੀਤੀ ।

ਬ੍ਰਤਾਨੀਆ ਵਿੱਚ ਗਾਇਕੀ ਦਾ ਹਸਤਾਖ਼ਰ ਜੱਸੀ ਪ੍ਰੇਮੀ ਲੈ ਕੇ ਆਇਆ ”ਇਸ਼ਕ ਬਰਾਂਡੀ”

Jassi premi

ਸਾਊਥਾਲ – ਇਥੋਂ ਦੀ ਮਸ਼ਹੂਰ ਸੰਗੀਤਕ ਗਰੁੱਪ ਪ੍ਰੇਮੀ ਗਰੁੱਪ ਦੇ ਜੱਸੀ ਪੇਮੀ ਵਲੋਂ ਆਪਣੇ ਪਹਿਲੇ ਗੀਤ ”ਕਲਿਕ” ਦੀ ਸਫਲਤਾ ਤੋਂ ਬਾਅਦ ”ਇਸ਼ਕ ਬਰਾਂਡੀ” ਗੀਤ ਸਰੋਤਿਆਂ ਦੇ ਰੂਬਰੂ ਕੀਤਾ ਗਿਆ ਹੈ ਜਿਸ ਨੂੰ ਭਰਵਾਂ ਹੁੰਗਾਰ ਮਿਲ ਰਿਹਾ ਹੈ।
ਇਸ ਵਾਰੀ ਜੱਸੀ ਪ੍ਰੇਮੀ ਨੇ ਪਹਿਲੀ ਵਾਰੀ ਦੋਗਾਣਾ ਬੀਬਾ ਪਾਲੀ ਸਿੱਧੂ ਨਾਲ ‘ਇਸ਼ਕ ਬਰਾਂਡੀ’ ਜਿਥੇ ਦੁਨੀਆਂ ਭਰ ਵਿੱਚ ਵਧਦੇ ਐਨੰਆਰੰਆਈੰ ਭਾਈਚਾਰੇ ਲਈ ਮਨੋਰੰਜਨ ਦਾ ਸਾਧਨ ਬਣਦੇ ਆ ਰਹੇ ਹਨ ਉੱਥੇ ਹੀ ਉਨ੍ਹਾਂ ਹਮੇਸ਼ਾ ਪਰਿਵਾਰਕ ਗੀਤਾਂ ਨੂੰ ਪਹਿਲ ਦਿੱਤੀ ਹੈ ਭਾਵੇਂ ਕਿ ਯੂੰਕੇੰ ਵਿੱਚ ਗੀਤਾਂ ਉੱਤੇ ਕੋਈ ਸੈਂਸਰਸ਼ਿੱਪ ਜਾਂ ਪਾਬੰਦੀ ਨਹੀਂ ਹੈ।
ਯੂੰਕੇੰ ਵਿੱਚ ਤੂੰਬੀ ਦੇ ਬਾਦਸ਼ਾਹ ਨਾਲ ਮਸ਼ਹੂਰ ਜੱਸੀ ਪੇਮੀ ਨੇ ਇਸ ਗੀਤ ਨੂੰ ਖੁੱਦ ਲਿਖਿਆ ਹੈ ਅਤੇ ਸੰਗੀਤਬੱਧ ਦਵਿੰਦਰ ਕੈਂਥ ਨੇ ਕੀਤਾ ਹੈ। ਇਸ ਗੀਤ ਨੂੰ ਸਰੋਤਿਆਂ ਵਲੋਂ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।
ਇੱਥੇ ਜ਼ਿਕਰਯੋਗ ਹੈ ਕਿ 1980ਵਿਆਂ ਦੇ ਗੇੜ ਵਿੱਚ ਬਤਾਨਵੀ ਪੰਜਾਬੀ ਗਾਇਕੀ ਨੂੰ ਜਿਉਂਦੇ ਰੱਖਣ ਵਿੱਚ ਜੱਸੀ ਪੇਮੀ ਅਤੇ ਹੋਰ ਗਾਇਕਾਂ ਨੇ ਆਪਣਾ ਯੋਗਦਾਨ ਪਾਇਆ ਹੈ ਪਰ ਸਟੇਜ ‘ਤੇ ਤੂੰਬੀ ਵਜਾਉਣੀ ਜੱਸੀ ਪ੍ਰੇਮੀ ਨੇ ਸ਼ੁਰੂ ਕੀਤੀ ਸੀ ਅਤੇ ਅੱਜ ਤੱਕ ਲੋਕ ਉਸ ਦੀ ਤੂੰਬੀ ਦੀਆਂ ਸੁਰਾਂ ‘ਤੇ ਵੀ ਵਾਹਵਾ ਸਮਾਂ ਭੰਗੜਾ ਪਾਉਣ ਵਿੱਚ ਖੁਸ਼ੀ ਮਹਿਸੂਸ ਕਰਦੇ ਹਨ। ਉਸ ਦੇ ਗੀਤ ”ਜਾਗੋ” ”ਕਾਲੀ ਗੁੱਤ”, ਅੱਜ ਮੈਂ ਪੀਣੀ 30 ਸਾਲ ਬਾਦ ਵੀ ਸਮਾਗਮਾਂ ਦੇ ਸ਼ਿੰਗਾਰ ਬਣੇ ਹਨ।

ਵੇਲਜ਼ ਵਿਚ ਮਿਲਾਵਟ ਵਾਲੀ ਡਰੱਗ ਦਾ ਹੜ੍ਹ ਲਿਆਉਣ ਵਾਲੇ ਗ੍ਰੋਹ ਵਿਚ ਸ਼ਾਮਿਲ ਪੰਜਾਬੀ ਸਮੇਤ 28 ਦੋਸ਼ੀਆਂ ਨੂੰ 193 ਸਾਲ ਤੋਂ ਵੱਧ ਦੀ ਜੇਲ੍ਹ

Hardev singh

ਵੇਲਜ਼ – ਇਥੇ ਮਿਲਾਵਟ ਵਾਲੀ ਡਰੱਗ ਦਾ ਹੜ੍ਹ ਲਿਆਉਣ ਵਾਲੇ ਗ੍ਰੋਹ ਜਿਸ ਵਿਚ ਇਕ ਪੰਜਾਬੀ ਨੌਜਵਾਨ ਨੇ ਵੀ ਰੋਲ ਨਿਭਾਇਆ ਸਮੇਤ 9 ਨੂੰ 46 ਸਾਲ ਤੋਂ ਵੱਧ ਕੈਦ ਦੀ ਸਜ਼ਾ ਸੁਣਾਈ ਗਈ ।
ਸਵੈਨਜ਼ੀ ਕਰਾਊਨ ਕੋਰਟ ਵਿਚ ਦੱਸਿਆ ਗਿਆ ਕਿ ਇਸ ਗ੍ਰੋਹ ਵਲੋਂ ਸ਼ਹਿਰ ਵਿਚ ਅੰਨ੍ਹੇਵਾਹ ਮਿਲਾਵਟੀ ਡਰੱਗ ਦੀ ਸਪਲਾਈ ਕੀਤੀ ਗਈ ਜਿਸ ਨਾਲ 38 ਦੇ ਕਰੀਬ ਮੌਤਾਂ ਹੋਣ ਦਾ ਖਦਸ਼ਾ ਪ੍ਰਗਟਾਇਆ ਗਿਆ ਕਿਉਂਕਿ ਜਿਨ੍ਹਾਂ ਦੀਆਂ ਮੌਤਾਂ ਹੋਈਆਂ ਹਨ, ਉਨ੍ਹਾਂ ਨੇ ਇਸ ਗ੍ਰੋਹ ਦੀ ਡਰੱਗ ਇਸਤੇਮਾਲ ਕੀਤੀ ਹੋ ਸਕਦੀ । ਇਸ ਗ੍ਰੋਹ ਵਲੋਂ ਲਿਵਰਪੂਲ ਤੋਂ ਡਰੱਗ ਦੀ ਵੱਡੀ ਖੇਪ ਮੰਗਵਾ ਕੇ ਪੇਂਡੂ ਖੇਤਰਾਂ ਵਿਚ ਦਬਾ ਦਿੱਤੀ ਗਈ ਸੀ ਜਿਸ ਨੂੰ ਬਾਕੀ ਦੇ ਸਾਥੀਆਂ ਨੂੰ ਲਾਲਚ ਦੇ ਕੇ ਸਾਰੇ ਸ਼ਹਿਰ ਵਿਚ ਵੇਚਿਆ ਗਿਆ ਸੀ।
ਇਕ ਵੱਡੀ ਅਪਰਾਧ ਸ਼ਾਖਾ ਵਲੋਂ ਕੀਤੀ ਜਾਂਚ ਦੌਰਾਨ ਜਿਸ ਨੂੰ ਅਪਰੇਸ਼ਨ ਓਲੀਸਸ ਨਾਮ ਦਿੱਤਾ ਗਿਆ ਸੀ, ਵਿਚ ਸਾਹਮਣੇ ਆਇਆ ਕਿ ਇਸ ਗ੍ਰੋਹ ਨੇ ਅਬੈਰਸਵਿੱਥ ਨੂੰ 70 ਅਤੇ ਲੈਨਲੀ ਏਰੀਏ ਵਿਚ 8 ਦੌਰਿਆਂ ਦੌਰਾਨ ਡਰੱਗ ਸਪਲਾਈ ਕੀਤੀ ਸੀ। ਇਸੇ ਦੌਰਾਨ ਲੈਨਲੀ ਏਰੀਏ ਵਿਚ ਡਰੱਗ ਨਾਲ ਸਬੰਧਿਤ ਮੌਤਾਂ ਹੋਈਆਂ ਸਨ। ਸਰਕਾਰੀ ਵਕੀਲ ਨੇ ਦੱਸਿਆ ਕਿ ਰਾਇਲ ਵੈਲਸ਼ ਦੇ ਸਾਬਕਾ ਖਿਡਾਰੀ ਕ੍ਰਿਸਟੋਫਰ ਟਵਿਸਟ ਇਸ ਕਾਰੋਬਾਰ ਦਾ ਮੁੱਖ ਬਾਨੀ ਸੀ ਜਿਸ ਨੇ ਲੁਕਾਈ ਹੋਈ ਡਰੱਗ ਦੇ ਟਿਕਾਣੇ ‘ਤੇ ਆਪਣੇ ਬੱਚਿਆਂ ਸਮੇਤ ਵੀ ਗੇੜੀ ਮਾਰੀ ਸੀ ਤਾਂ ਕਿ ਉਸ ‘ਤੇ ਸ਼ੱਕ ਨਾ ਹੋ ਸਕੇ। ਜਦ ਕਿ ਮੁੱਖ ਸਰਗਣਾ ਵੇਲਜ਼ ਦੇ ਗੈਂਗਸਟਰ ਗਰੁੱਪ ਦਾ ਮੁਖੀ ਰਾਇਨ ਕੈਨੀ ਸੀ। ਜਿਸ ਨੇ ਲਿਵਰਪੂਲ ਸਥਿਤ ਡਰੱਗ ਸਪਲਾਇਰਾਂ ਨਾਲ ਰਾਬਤਾ ਰੱਖਿਆ ਸੀ ਅਤੇ ਇਨ੍ਹਾਂ ਦੋਨਾਂ ਨੂੰ ਹੀ ਡਰੱਗ ਦੀਆਂ ਛੁਪਣਗਾਹਾਂ ਦਾ ਗਿਆਨ ਸੀ। ਪਰ ਕ੍ਰਿਸਟੋਫਰ ਨੂੰ ਮੋਹਰਾ ਬਣਾਇਆ ਗਿਆ ਸੀ ਜਿਸ ਨੇ ਸ਼ਹਿਰ ਵਿਚ ਡਰੱਗ ਫੈਲਾਉਣ ਲਈ 20 ਤੋਂ 35 ਸਾਲ ਦੀ ਉਮਰ ਦੇ ਜੋਡੀ ਮੂਰ, ਸੋਰਸ ਬੈਲੀ, ਐਸ਼ਲੀ ਮਰਸਰ, ਜੈਰਡ ਜੋਨਸ, ਡੈਕਲਨ ਵਿਲਿਅਮਜ਼, ਹਰਦੇਵ ਸਿੰਘ, ਕ੍ਰਿਸਟੋਫਰ ਮੋਰਿਸ, ਸੈਮ ਜੇਮਸ ਅਤੇ ਜੇਮਸ ਰਾਈਟ ਸਮੇਤ 19 ਹੋਰ ਲੋਕਾਂ ਨੂੰ ਧੰਦੇ ਵਿਚ ਸ਼ਾਮਿਲ ਕੀਤਾ ਹੋਇਆ ਸੀ, ਜਿਨ੍ਹਾਂ ਵਿਚ ਦੋ ਔਰਤਾਂ ਵੀ ਸ਼ਾਮਿਲ ਸਨ।
ਕ੍ਰਿਸਟੋਫਰ ਟਵਿਸਟ ਨੇ ਇਸ ਗ੍ਰੋਹ ਨੂੰ ਵੱਖ ਵੱਖ ਭਾਗਾਂ ਵਿਚ ਵੰਡਿਆਂ ਹੋਇਆ ਸੀ ਜਿਵੇਂ ਇਕ ਬੰਦੇ ਨੂੰ ਜ਼ਿਆਦਾ ਮਾਲ ਦਿੱਤਾ ਜਾਂਦਾ ਸੀ ਤੇ ਉਹ ਅਗਾਂਹ ਦੋ ਬੰਦਿਆਂ ਵਿਚ ਵੰਡਦਾ ਸੀ ਜਦ ਕਿ ਅਗਾਂਹ ਸੜਕਾਂ ਤੱਕ ਪਹੁੰਚਾਉਣ ਲਈ ਹੋਰ ਬੰਦੇ ਰੱਖੇ ਹੋਏ ਸਨ। ਇਸ ਗ੍ਰੋਹ ਦੀ ਸੂਹ ਪੁਲਿਸ ਨੂੰ ਓਦੋਂ ਲੱਗੀ ਜਦ ਸੜਕਾਂ ‘ਤੇ ਡਰੱਗ ਵੇਚਣ ਵਾਲੇ ਮੁੰਡੇ ਸੈਮ ਜੋਨਸ ਨੇ ਆਪਣੇ ਫੋਨ ਰਾਹੀਂ ਟੈਕਸਟ ਸੁਨੇਹੇ ਇਸ਼ਤਿਹਾਰੀ ਰੂਪ ਵਿਚ ਭੇਜੇ ਜਿਸ ਵਿਚ ਲਿਖਿਆ ਸੀ “ਜੇਕਰ ਤੁਸੀਂ ਘੁਰਾੜੇ ਮਾਰਦੇ ਹੋ ਤਾਂ ਹਾਰ ਜਾਓਗੇ, ਮੇਰੇ ਕੋਲ ਆ ਜਾਓ” ਇਹ ਟੈਕਸਟ ਸੁਨੇਹਾ ਇਕ ਪੁਲਿਸ ਅਫਸਰ ਦੇ ਫੋਨ ਨੰਬਰ ‘ਤੇ ਵੀ ਪਹੁੰਚ ਗਿਆ ਸੀ ਜੋ ਥੱਲੜੇ ਲੈਵਲ ਦੇ ਕਈ ਡਰੱਗ ਨਾਲ ਸਬੰਧਿਤ ਮੁੰਡਿਆਂ ਤੋਂ ਜਾਣੂ ਸੀ।
ਪੁਲਿਸ ਵਲੋਂ ਸ਼ੁਰੂ ਕੀਤੇ ਗਏ ਅਪਰੇਸ਼ਨ ਓਲੀਸਸ ਦੌਰਾਨ ਇਨ੍ਹਾਂ ਲੋਕਾਂ ‘ਤੇ ਤਿੱਖੀ ਨਜ਼ਰ ਰੱਖਣੀ ਸ਼ੁਰੂ ਕੀਤੀ ਗਈ ਜਿਸ ਦੌਰਾਨ ਕ੍ਰਿਸਟੋਫਰ ਟਵਿਸਟ ਦੇ ਘਰੋਂ ਡੇਢ ਕਿਲੋ ਕੈਨਬਿਸ ਪੁਲਿਸ ਨੇ ਕਬਜ਼ੇ ਵਿਚ ਲਈ ਸੀ ਜਿਸ ਨੇ ਇਸ ਧੰਦੇ ਲਈ ਹੋਰਾਂ ਦੇ ਨਾਮ ਲੈ ਦਿੱਤੇ ਸਨ। ਇਸ ਗ੍ਰੋਹ ਵਲੋਂ ਇਹ ਧੰਦਾ 2014 ਤੋਂ 2017 ਤੱਕ ਉਤਰੀ ਵੇਲਜ਼ ਵਿਚ ਧੜੱਲੇ ਨਾਲ ਵੱਡੀ ਪੱਧਰ ‘ਤੇ ਚਲਾਇਆ ਗਿਆ ਜਿਸ ਦੌਰਾਨ ਇਨ੍ਹਾਂ ਵਲੋਂ ਸਪਲਾਈ ਕੀਤੀ ਮਿਲਾਵਟੀ ਡਰੱਗ ਕਾਰਨ 38 ਮੌਤਾਂ ਹੋਣ ਦਾ ਖਦਸ਼ਾ ਪ੍ਰਗਟਾਇਆ ਜਾ ਰਿਹਾ ।
ਜੱਜ ਨੇ ਸਾਰੀ ਕਹਾਣੀ ਸੁਣਨ ਉਪਰੰਤ ਹੋਈਆਂ ਮੌਤਾਂ ਨੂੰ ਇਸ ਕੇਸ ਤੋਂ ਅਲੱਗ ਜਾਂਚ ਦਾ ਕੇਸ ਦੱਸਿਆ। 32 ਸਾਲਾ ਕ੍ਰਿਸਟੋਫਰ ਟਵਿਸਟ ਨੂੰ 6 ਸਾਲ 8 ਮਹੀਨੇ, 20 ਸਾਲਾ ਜੋਡੀ ਮੂਰ ਨੂੰ 4 ਸਾਲ 8 ਮਹੀਨੇ, 31 ਸਾਲਾ ਐਸ਼ਲੀ ਮਰਸਰ ਨੂੰ 5 ਸਾਲ 4 ਮਹੀਨੇ, 21 ਸਾਲਾ ਜੈਰਡ ਜੋਨਸ ਨੂੰ 4 ਸਾਲ 6 ਮਹੀਨੇ, 26 ਸਾਲਾ ਡੈਕਲਨ ਵਿਲਿਅਮ ਨੂੰ 8 ਸਾਲ, 34 ਸਾਲਾ ਹਰਦੇਵ ਸਿੰਘ ਨੂੰ 5 ਸਾਲ, 35 ਸਾਲਾ ਕ੍ਰਿਸਟੋਫਰ ਮੋਰਿਸ ਨੂੰ 8 ਸਾਲ, ਸੈਮ ਜੋਨਸ ਨੂੰ 4 ਸਾਲ ਅਤੇ 27 ਸਾਲਾ ਜੇਮਸ ਰਾਈਟ ਨੂੰ 3 ਸਾਲ 6 ਮਹੀਨੇ ਲਈ ਜੇਲ੍ਹ ਵਿਚ ਕੈਦ ਰੱਖਣ ਦੇ ਹੁਕਮ ਸੁਣਾਏ ਹਨ। ਜਦ ਕਿ ਬਾਕੀ ਦੋਸ਼ੀਆਂ ਨੂੰ ਵੀ 3 ਸਾਲ ਤੋਂ 16 ਸਾਲ ਵਿਚਕਾਰ ਕੈਦ ਦੀਆਂ ਸਜ਼ਾਵਾਂ ਸੁਣਾਈਆਂ ਗਈਆਂ।
ਇਨ੍ਹਾਂ ਵਿਚੋਂ ਜਿਨ੍ਹਾਂ ਨੇ ਪਹਿਲਾਂ ਦੋਸ਼ ਸਵੀਕਾਰ ਕਰ ਲਏ ਸਨ ਨੂੰ ਘੱਟ ਸਜ਼ਾ ਸੁਣਾਈ ਗਈ ਜਦ ਕਿ ਹਰਦੇਵ ਸਿੰਘ ਜੋ ਸਪਲਾਇਰ ਵਜੋਂ ਕੰਮ ਕਰਦਾ ਸੀ ਨੇ ਭਾਵੇਂ ਅੱਠ ਗੇੜੇ ਲਾਏ ਸਨ, ਵਲੋਂ ਬਚਾਅ ਵਿਚ ਕਿਹਾ ਗਿਆ ਸੀ ਕਿ ਉਹ ਸਿਰਫ ਆਪਣੀ ਵਰਤੋਂ ਲਈ ਡਰੱਗ ਲੈਂਦਾ ਸੀ, ਪੰਜ ਸਾਲ ਲਈ ਜੇਲ੍ਹ ਦੀ ਹਵਾ ਖਾਵੇਗਾ।

ਬਰਮਿੰਘਮ ਵਿਖੇ ਜੈ ਜਿਊਲਰਜ਼ ਦੀ ਦੁਕਾਨ ‘ਤੇ ਭਿਆਨਕ ਡਾਕਾ

Jai jewellers photo

ਬਰਮਿੰਘਮ – ਬੀਤੇ ਸ਼ੁੱਕਰਵਾਰ ਇਥੇ ਕੇਪਹਿੱਲ ਸਥਿਤ ਜੈ ਜਿਊਲਰਜ਼ ਦੀ ਦੁਕਾਨ ‘ਤੇ ਲੁਟੇਰਿਆਂ ਵਲੋਂ ਦਲੇਰਾਨਾ ਡਾਕਾ ਮਾਰਿਆ ਗਿਆ, ਜਿਸ ਮੌਕੇ ਰੋਕਣ ਵਾਲੇ ਪੁਲਿਸ ਅਫਸਰਾਂ ‘ਤੇ ਇੱਟਾਂ ਮਾਰੀਆਂ ਗਈਆਂ।
ਮਿਲੀ ਸੂਚਨਾ ਅਨੁਸਾਰ ਬੀਤੇ ਸ਼ੁੱਕਰਵਾਰ ਕਰੀਬ ਸ਼ਾਮੀਂ 6ੰ20 ਵਜੇ ਜਦੋਂ ਦੁਕਾਨ ਬੰਦ ਕੀਤੀ ਜਾ ਰਹੀ ਸੀ ਅਤੇ ਕੁਝ ਕਰਮਚਾਰੀ ਦੁਕਾਨ ਅੰਦਰ ਹੀ ਸਨ, ਉਸ ਮੌਕੇ ਕੁਝ ਲੁਟੇਰਿਆਂ ਨੇ ਇਕ ਟਰੱਕ ਨੂੰ ਪਿੱਛਿਉਂ ਦੁਕਾਨ ਵੱਲ ਧਕੇਲਿਆ ਗਿਆ ਅਤੇ ਦੁਕਾਨ ਦਾ ਮੂਹਰਲਾ ਹਿੱਸਾ ਬੁਰੀ ਤਰ੍ਹਾਂ ਭੰਨ ਸੁੱਟਿਆ। ਇਹ ਹਮਲਾ ਦੇਖ ਕੇ ਦੁਕਾਨ ਦੇ ਕਰਮਚਾਰੀ ਦੁਕਾਨ ਦੇ ਪਿਛਲੇ ਹਿੱਸੇ ਵੱਲ ਦੌੜ ਗਏ ਜਦ ਕਿ ਹਮਲਾਵਰ ਜੋ ਹਥੌੜੀਆਂ ਅਤੇ ਹੋਰ ਮਾਰੂ ਹਥਿਆਰਾਂ ਨਾਲ ਲੈਸ ਸਨ ਨੇ, ਦੁਕਾਨ ਨੂੰ ਲੁੱਟਣਾ ਸ਼ੁਰੂ ਕਰ ਦਿੱਤਾ।
ਇਸ ਮੌਕੇ ਦੁਕਾਨ ਦੇ ਮੂਹਰੇ ਆਮ ਵਾਂਗ ਟਰੈਫਿਕ ਵੀ ਸੀ ਅਤੇ ਲੋਕ ਫੁੱਟਪਾਥ ‘ਤੇ ਵੀ ਤੁਰੇ ਜਾ ਰਹੇ ਸਨ ਜਿਨ੍ਹਾਂ ਵਿਚੋਂ ਕਿਸੇ ਨੇ ਪੁਲਿਸ ਨੂੰ ਇਤਲਾਹ ਕਰ ਦਿੱਤੀ। ਪੁਲਿਸ ਬਹੁਤ ਜਲਦੀ ਘਟਨਾ ਸਥਾਨ ‘ਤੇ ਪਹੁੰਚ ਗਈ ਜਦ ਕਿ ਡਾਕੂ ਗੱਡੀ ਵਿਚ ਬੈਠਣ ਨੂੰ ਤਿਆਰ ਸਨ। ਇਸ ਨਾਜ਼ੁਕ ਮੌਕੇ ‘ਤੇ ਦੋ ਪੁਲਿਸ ਅਫਸਰਾਂ ਵਲੋਂ ਬਹਾਦਰੀ ਦਿਖਾਉਂਦਿਆਂ ਡਾਕੂਆਂ ਦੀ ਕਾਰ ਰੋਕਣ ਦੀ ਕੋਸ਼ਿਸ ਕੀਤੀ ਗਈ ਜਿਨ੍ਹਾਂ ‘ਤੇ ਇੱਟਾਂ ਨਾਲ ਹਮਲਾ ਕੀਤਾ ਗਿਆ। ਪੁਲਿਸ ਅਫਸਰਾਂ ਵਲੋਂ ਆਪਣੇ ਰਵਾਇਤੀ ਡੰਡੇ ਨਾਲ ਕਾਰ ਦਾ ਸ਼ੀਸ਼ਾ ਭੰਨਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ ਪਰ ਡਾਕੂਆਂ ਨੇ ਉਨ੍ਹਾਂ ਦੀ ਵੀ ਪ੍ਰਵਾਹ ਕੀਤੇ ਬਗੈਰ ਆਪਣੀ ਆਊਡੀ ਕਾਰ ਬਹੁਤ ਤੇਜ਼ ਰਫਤਾਰ ਨਾਲ ਭਜਾਈ ਜਿਸ ਦੌਰਾਨ ਕੋਈ ਗੰਭੀਰ ਘਟਨਾ ਵੀ ਵਾਪਰ ਸਕਦੀ ਸੀ।
ਲੁਟੇਰਿਆਂ ਨੇ ਫੁੱਟਪਾਥ ‘ਤੇ ਖੜੀ ਕਾਰ ਵਿਚੋਂ ਪੁਲਿਸ ‘ਤੇ ਹਮਲਾ ਕਰਨ ਬਾਅਦ ਆਪਣੀ ਕਾਰ ਦੁੜਾ ਲਈ ਜੋ ਕਲੇਅਰਮੌਂਟ ਰੋਡ ਵੱਲ ਗਈ ਦੱਸੀ ਜਾਂਦੀ । ਇਸ ਹਮਲੇ ਵਿਚ ਜ਼ਖਮੀ ਹੋਏ ਪੁਲਿਸ ਅਫਸਰਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਜੋ ਹੁਣ ਆਪਣੇ ਘਰੇ ਆਰਾਮ ਕਰ ਰਹੇ ਹਨ। ਪੁਲਿਸ ਅਨੁਸਾਰ ਇਸ ਹਮਲੇ ਵਿਚ ਚਾਰ ਤੋਂ ਪੰਜ ਬੰਦੇ ਸ਼ਾਮਿਲ ਸਨ ਜੋ ਸੋਨਾ ਲੁੱਟਣ ਵਿਚ ਕਾਮਯਾਬ ਹੋ ਗਏ।
ਸੈਂਡਵੈਲ ਨੇਬਰਹੁੱਡ ਪੁਲਿਸਿੰਗ ਯੂਨਿਟ ਦੇ ਸੁਪਰੀਟੈਂਡੈਂਟ ਰਿਚਰਡ ਯੂਡਜ਼ ਨੇ ਕਿਹਾ ਕਿ ਇਹ ਡਾਕੂ ਹਿੰਸਕ ਹੋਣ ਲਈ ਤਿਆਰ ਹੋ ਕੇ ਆਏ ਸਨ ਜਿਨ੍ਹਾਂ ਨੇ ਪੁਲਿਸ ਅਫਸਰਾਂ ‘ਤੇ ਵੀ ਹਮਲਾ ਕਰ ਦਿੱਤਾ, ਪਰ ਸ਼ੁਕਰ ਕਿ ਕਿਸੇ ਨੂੰ ਗੰਭੀਰ ਸੱਟ ਨਹੀਂ ਲੱਗੀ ਪਰ ਉਸ ਮੌਕੇ ਹਾਜ਼ਰ ਲੋਕਾਂ ਨੂੰ ਅਪੀਲ ਕੀਤੀ ਕਿ ਕੋਈ ਵੀ ਜਾਣਕਾਰੀ ਪੁਲਿਸ ਨਾਲ ਸਾਂਝੀ ਕੀਤੀ ਜਾਵੇ। ਖਬਰ ਲਿਖੇ ਜਾਣ ਤੱਕ ਪੁਲਿਸ ਨੂੰ ਡਾਕੂਆਂ ਬਾਰੇ ਕੋਈ ਵਿਸਥਾਰਪੂਰਵਕ ਜਾਣਕਾਰੀ ਨਹੀਂ ਮਿਲ ਸਕੀ ਸੀ।

ਵੇਲਜ਼ ਦੇ ਬਜ਼ੁਰਗ ਪੰਜਾਬੀ ਦੁਕਾਨਦਾਰ ਨੇ ਲੁਟੇਰੇ ਨੂੰ ਲਲਕਾਰ ਕੇ ਖਾਲੀ ਹੱਥ ਭਜਾਇਆ

Santokh singh

ਵੇਲਜ਼ – ਇਥੋਂ ਦੇ ਰੀਲ੍ਹ ਇਲਾਕੇ ਵਿਚ ਆਪਣੇ ਨੂੰਹ–ਪੁੱਤ ਨਾਲ ਨਿਊਜ਼ਏਜੰਟ ਦੀ ਦੁਕਾਨ ਚਲਾਉਂਦੇ ਪੰਜਾਬੀ ਬਜ਼ੁਰਗ ਨੇ ਦੁਕਾਨ ਲੁੱਟਣ ਆਏ ਲੁਟੇਰੇ ਨੂੰ ਲਲਕਾਰ ਕੇ ਖਾਲੀ ਹੱਥ ਭੱਜਣ ਲਈ ਮਜਬੂਰ ਕਰ ਦਿੱਤਾ।
ਰੀਲ੍ਹ ਦੀ ਵਲਿੰਗਟਨ ਰੋਡ ‘ਤੇ ਸਥਿਤ ਵੈਸਟ ਐਂਡ ਸਟੋਰ ‘ਤੇ ਬੀਤੇ ਸ਼ਨੀਵਾਰ ਸ਼ਾਮੀਂ 6ੰ45 ਵਜੇ ਇਕ ਲੁਟੇਰਾ ਸੰਤੋਖ ਸਿੰਘ ਦੀ ਦੁਕਾਨ ਵਿਚ ਪਿਸਤੌਲ ਲੈ ਕੇ ਲੁੱਟਣ ਦੀ ਨੀਅਤ ਨਾਲ ਦਾਖਲ ਹੋਇਆ ਅਤੇ ਪਿਸਤੌਲ ਦੀ ਨੋਕ ‘ਤੇ ਸੰਤੋਖ ਸਿੰਘ ਕੋਲੋਂ ਪੈਸਿਆਂ ਦੀ ਮੰਗ ਕਰਨ ਲੱਗਾ ਪਰ ਅੱਗਿਉਂ ਸੰਤੋਖ ਸਿੰਘ ਨੇ ਲੁਟੇਰੇ ਨੂੰ ਲਲਕਾਰਦੇ ਹੋਏ ਗੋਲੀ ਚਲਾਉਣ ਲਈ ਚੈਲਿੰਜ ਕਰ ਦਿੱਤਾ। ਸੰਤੋਖ ਸਿੰਘ ਦਾ ਜਵਾਬ ਸੁਣ ਕੇ ਲੁਟੇਰਾ ਇਕ ਵਾਰ ਤਾਂ ਖਾਮੋਸ਼ ਹੋ ਗਿਆ ਪਰ ਫਿਰ ਉਹ ਕਾਊਂਟਰ ਉਤੋਂ ਦੀ ਟਿੱਲ ਵਿਚੋਂ ਪੈਸੇ ਕੱਢਣ ਦੀ ਕੋਸ਼ਿਸ਼ ਕਰਨ ਲੱਗਾ ਤਾਂ ਸੰਤੋਖ ਸਿੰਘ ਨੇ ਆਪਣੇ ਪੁੱਤਰ ਨੂੰ ਪੁਲਿਸ ਸੱਦਣ ਲਈ ਆਵਾਜ਼ ਮਾਰ ਦਿੱਤੀ। ਇਹ ਸੁਣ ਕੇ ਲੁਟੇਰਾ ਖਾਲੀ ਹੱਥ ਦੁਕਾਨ ਵਿਚੋਂ ਬਾਹਰ ਦੌੜ ਗਿਆ।
ਬਾਅਦ ਵਿਚ ਸੰਤੋਖ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਲੁਟੇਰੇ ਨੇ ਮੂੰਹ ਚੰਗੀ ਤਰ੍ਹਾਂ ਲਪੇਟਿਆ ਹੋਇਆ ਸੀ ਅਤੇ ਉਸ ਦੇ ਹੱਥ ਵਿਚ ਪਿਸਤੌਲ ਸੀ। ਉਸ ਨੇ ਦੱਸਿਆ ਕਿ ਲੁਟੇਰਾ ਸਥਾਨਕ ਤਰੀਕੇ ਨਾਲ ਅੰਗਰੇਜ਼ੀ ਵਿਚ ਗੱਲ ਕਰ ਰਿਹਾ ਸੀ ਪਰ ਉਹ ਬਹੁਤ ਉਚੀ ਅਤੇ ਧਮਕਾਉਣ ਦੇ ਲਹਿਜ਼ੇ ਨਾਲ ਬੋਲ ਰਿਹਾ ਸੀ।
ਸੰਤੋਖ ਸਿੰਘ ਨੇ ਕਿਹਾ ਕਿ ਮੈਂ ਨਹੀਂ ਸਮਝਦਾ ਕਿ ਉਸ ਨੂੰ ਲਲਕਾਰਨਾ ਕੋਈ ਬਹਾਦਰੀ ਵਾਲੀ ਗੱਲ ਸੀ ਪਰ ਮੇਰੇ ਕੋਲ ਉਸ ਸਮੇਂ ਹੋਰ ਕੋਈ ਚਾਰਾ ਨਹੀਂ ਸੀ। ਦੱਸਿਆ ਗਿਆ ਕਿ ਕੁਝ ਸਾਲ ਪਹਿਲਾਂ ਵੀ ਸੰਤੋਖ ਸਿੰਘ ਨੇ ਇਕ ਲੁਟੇਰੇ ਨੂੰ ਖਾਲੀ ਹੱਥ ਭਜਾਇਆ ਸੀ।
ਪੁਲਿਸ ਨੇ ਸਹਿਯੋਗ ਲਈ 101 ਨੰਬਰ ‘ਤੇ ਬ030266 ਦਾ ਹਵਾਲਾ ਦੇ ਕੇ ਜਾਣਕਾਰੀ ਦੀ ਅਪੀਲ ਕੀਤੀ ।

ਬਰਤਾਨਵੀ ਸਰਕਾਰ ਵਲੋਂ ਕਾਮਿਆਂ ਨੂੰ ਮਿੱਥੀ ਮਿਕਦਾਰ ਤੋਂ ਘੱਟ ਤਨਖਾਹਾਂ ਦੇਣ ਵਾਲੇ 179 ਕਾਰੋਬਾਰੀਆਂ ਨੂੰ ਦੋਹਰੇ ਰਗੜੇ

ਲੰਡਨ – ਬਰਤਾਨਵੀ ਸਰਕਾਰ ਨੇ ਕੰਮਾਂ ਵਾਲੀਆਂ ਥਾਵਾਂ ‘ਤੇ ਕਾਮਿਆਂ ਨੂੰ ਸਰਕਾਰ ਵਲੋਂ ਮਿੱਥੇ ਰੇਟ ਤੋਂ ਘੱਟ ਤਨਖਾਹ ਦੇਣ ਵਾਲੀਆਂ 179 ਕੰਪਨੀਆਂ ਨੂੰ ਜਿਥੇ ਬੇਇੱਜ਼ਤ ਕਰਨ ਲਈ ਉਨ੍ਹਾਂ ਦੇ ਨਾਮ ਜਨਤਕ ਕੀਤੇ ਗਏ ਹਨ ਉਥੇ ਹੀ ਉਨਾਂ੍ਹ ਨੂੰ ਕਾਮਿਆਂ ਦੇ ਬਕਾਏ ਰਾਸ਼ੀ ਅਦਾ ਕਰਨ ਦੇ ਨਾਲ ਨਾਲ ਮੋਟੇ ਜੁਰਮਾਨੇ ਵੀ ਠੋਕੇ ਗਏ ਹਨ।
ਬੀਤੇ ਸ਼ੁੱਕਰਵਾਰ ਸਰਕਾਰ ਨੇ ਕੰਪਨੀਆਂ ਦੇ ਨਾਮ ਅਤੇ ਬਕਾਇਆ ਰਾਸ਼ੀ ਸਮੇਤ ਜੁਰਮਾਨਿਆਂ ਦਾ ਵੇਰਵਾ ਦਿੰਦੇ ਹੋਏ ਖੁਲਾਸਾ ਕੀਤਾ ਕਿ 9200 ਕਾਮਿਆਂ ਨੂੰ ਮਿੱਥੇ ਹੋਏ ਸਰਕਾਰੀ ਰੇਟ ਤੋਂ ਘੱਟ ਤਨਖਾਹਾਂ ਦੇਣ ਵਾਲੀਆਂ 179 ਕੰਪਨੀਆਂ ਨੇ 1ੰ1 ਮਿਲੀਅਨ ਪੌਂਡ ਘੱਟ ਅਦਾਇਗੀਆਂ ਕੀਤੀਆਂ ਜਿਸ ਦੇ ਇਵਜ਼ ਵਿਚ ਜਿਥੇ ਕੰਪਨੀਆਂ ਨੂੰ ਬਕਾਇਆ ਰਕਮ ਭਰਨ ਦੇ ਹੁਕਮ ਦਿੱਤੇ ਗਏ ਹਨ ਉਥੇ ਹੀ 1ੰ3 ਮਿਲੀਅਨ ਪੌਂਡ ਦੇ ਜੁਰਮਾਨੇ ਵੀ ਕੀਤੇ ਗਏ ਹਨ। ਇਸ ਸੂਚੀ ਵਿਚ ਬਰਤਾਨੀਆ ਦੀਆਂ ਨਾਮਵਰ ਕੰਪਨੀਆਂ ਦੇ ਨਾਮ ਵੀ ਸ਼ਾਮਿਲ ਹਨ।
ਇਹ ਖੁਲਾਸਾ ਪਹਿਲੀ ਅਪ੍ਰੈਲ ਤੋਂ ਤਨਖਾਹਾਂ ਵਿਚ ਨਵੇਂ ਵਾਧੇ ਤੋਂ ਪਹਿਲਾਂ ਕੀਤਾ ਗਿਆ ਜਦੋਂ ਨਵੀਆਂ ਤਨਖਾਹਾਂ 7ੰ50 ਪੌਂਡ ਤੋਂ ਵੱਧ ਕੇ 7ੰ83 ਪੌਂਡ ਹੋਣ ਜਾ ਰਹੀਆਂ ਹਨ। 19 ਸਾਲ ਤੋਂ ਘੱਟ ਦੇ ਕਾਮਿਆਂ ਦੀ ਤਨਖਾਹ ਵਿਚ ਵੀ 5ੰ7% ਵਾਧਾ ਹੋਣ ਜਾ ਰਿਹਾ । ਇਸ ਸਬੰਧੀ ਰੁਜ਼ਗਾਰ ਮਹਿਕਮਾ ਇਕ ਵਿਸ਼ਾਲ ਚੇਤੰਨਤਾ ਲਹਿਰ ਛੇੜਨ ਜਾ ਰਿਹਾ ਜਿਸ ਵਿਚ ਕਾਮਿਆਂ ਨੂੰ ਜੇਕਰ ਨਵੇਂ ਕਾਨੂੰਨ ਅਨੁਸਾਰ ਤਨਖਾਹ ਵਿਚ ਵਾਧਾ ਨਹੀਂ ਕੀਤਾ ਜਾਂਦਾ ਤਾਂ ਉਹ ਆਪਣੇ ਮਾਲਕਾਂ ਨਾਲ ਇਸ ਸਬੰਧੀ ਗੱਲ ਕਰਨ ਅਤੇ ਨਵੇਂ ਕਾਨੂੰਨਾਂ ਤੋਂ ਜਾਣੂ ਕਰਵਾਉਣ ਤਾਂ ਕਿ ਉਹ ਆਪਣਾ ਹੱਕ ਲੈਣ ਵਿਚ ਕਾਮਯਾਬੀ ਹਾਸਲ ਕਰ ਸਕਣ। ਸਰਕਾਰ ਵਲੋਂ ਚੁੱਕੇ ਗਏ ਇਸ ਕਦਮ ‘ਤੇ ਪ੍ਰਤੀਕਰਮ ਦਿੰਦਿਆਂ ਘੱਟ ਤਨਖਾਹ ਕਮਿਸ਼ਨ ਦੇ ਚੇਅਰਮੈਨ ਬ੍ਰਾਇਨ ਸੈਂਡਸਨ ਨੇ ਕਿਹਾ ਕਿ ਸਰਕਾਰ ਦੀ ਇਸ ਕਾਰਵਾਈ ਨਾਲ ਇਕ ਅਪ੍ਰੈਲ ਤੋਂ ਤਨਖਾਹਾਂ ਵਿਚ ਹੋਣ ਵਾਲੇ ਵਾਧੇ ਤੋਂ ਕਾਰੋਬਾਰੀ ਸੁਚੇਤ ਹੋਣਗੇ ਅਤੇ ਕਾਮਿਆਂ ਨੂੰ ਉਨ੍ਹਾਂ ਦਾ ਬਣਦਾ ਹੱਕ ਮਿਲੇਗਾ।
ਕਾਰੋਬਾਰ ਮਹਿਕਮੇ ਨਾਲ ਸਬੰਧਿਤ ਮੰਤਰੀ ਐਂਡਰਿਊ ਗ੍ਰਿਫਥਸ ਨੇ ਕਿਹਾ ਕਿ ਕੰਮ ਕਰਨ ਵਾਲਿਆਂ ਦੀ ਦੁਨੀਆ ਬਦਲ ਰਹੀ ਅਤੇ ਇਹ ਅਸੀਂ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ ਕਿ ਲੱਖਾਂ ਕਾਮਿਆਂ ਨੂੰ ਉਚਿਤ ਤਨਖਾਹਾਂ ਮਿਲਣ ਨੂੰ ਯਕੀਨੀ ਬਣਾਇਆ ਜਾਵੇ ਅਤੇ ਹਰ ਵਿਅਕਤੀ ਨੂੰ ਬਣਦਾ ਹੱਕ ਮਿਲੇ ਅਤੇ ਉਨ੍ਹਾਂ ਨਾਲ ਉਚਿਤ ਵਿਹਾਰ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਕਾਨੂੰਨੀ ਤਨਖਾਹ ਦੀ ਹੱਦ ਪੂਰੀ ਨਾ ਕਰਨ ਵਾਲੇ ਕਾਰੋਬਾਰੀਆਂ ਨੂੰ ਫੜਿਆ ਜਾਵੇਗਾ ਅਤੇ ਬਣਦੀ ਤਨਖਾਹ ਦਾ 200 ਪ੍ਰਤੀਸ਼ਤ ਜੁਰਮਾਨਾ ਵੀ ਕੀਤਾ ਜਾਵੇਗਾ ਭਾਵੇਂ ਕਿ ਉਹ ਕੋਈ ਵੀ ਬਹਾਨਾ ਘੜ ਲੈਣ। ਉਨ੍ਹਾਂ ਕਿਹਾ ਕਿ ਤਨਖਾਹ ਪਰਚੀਆਂ ‘ਤੇ ਇਹ ਸਪੱਸ਼ਟ ਕਰਨਾ ਲਾਜ਼ਮੀ ਕਿ ਕਾਮੇ ਨੂੰ ਕਿੰਨੇ ਘੰਟੇ ਦੀ ਤਨਖਾਹ ਕਿੰਨੀ ਦਿੱਤੀ ਜਾਂਦੀ ਜੋ ਕਿ ਸਰਕਾਰ ਦੀ ਉਦਯੋਗਿਕ ਨੀਤੀ ਅਤੇ ਬਰਤਾਨੀਆ ਦੇ ਕੰਮਕਾਰ ਦੇ ਢਾਂਚੇ ਦੀ ਨਵ ਉਸਾਰੀ ਦੀ ਯੋਜਨਾ ਦਾ ਹਿੱਸਾ ।
ਕਾਮਿਆਂ ਦੀ ਮਸ਼ਹੂਰ ਯੂਨੀਅਨ ਜੀ ਐਮ ਬੀ ਜਿਸ ਦੇ ਕਰੀਬ 6 ਲੱਖ 31 ਹਜ਼ਾਰ ਮੈਂਬਰ ਹਨ, ਨੇ ਕਿਹਾ ਕਿ ਇਹ ਬਹੁਤ ਦੁੱਖਦਾਈ ਕਿ 179 ਕਾਰੋਬਾਰੀਆਂ ਵਿਚ 23 ਲੰਡਨ ਦੇ ਹਨ। ਯੂਨੀਅਨ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਉਹ ਯੂਨੀਅਨ ਨੂੰ ਇਹ ਅਧਿਕਾਰ ਦੇਣ ਕਿ ਉਨ੍ਹਾਂ ਦੇ ਮੈਂਬਰਾਂ ਨੂੰ ਘੱਟ ਤਨਖਾਹਾਂ ਦੇਣ ਵਾਲੇ ਕਾਰੋਬਾਰੀਆਂ ਦੀ ਟੈਕਸ ਮਹਿਕਮੇ ਨੂੰ ਉਹ ਖੁਦ ਸ਼ਿਕਾਇਤ ਕਰ ਸਕਣ ਕਿਉਂਕਿ ਕਈ ਕਾਮੇ ਕਾਰੋਬਾਰੀਆਂ ਦੇ ਪ੍ਰਭਾਵ ਹੇਠ ਸ਼ਿਕਾਇਤ ਕਰਨ ਤੋਂ ਅਸਮਰੱਥ ਹੁੰਦੇ ਹਨ ਅਤੇ ਇਸ ਨਾਲ ਕਾਮੇ ਨੂੰ ਮਾਲਕਾਂ ਦੀ ਬਦਲੇ ਦੀ ਭਾਵਨਾ ਤੋਂ ਵੀ ਬਚਾਇਆ ਜਾ ਸਕਦਾ ।
ਜੀ ਐਮ ਬੀ ਲੰਡਨ ਦੇ ਸਕੱਤਰ ਵਾਰਨ ਕੈਨੀ ਨੇ ਕਿਹਾ ਕਿ ਜੋ ਖੁਲਾਸਾ ਸਰਕਾਰ ਵਲੋਂ ਕੀਤਾ ਗਿਆ ਇਹ ਆਟੇ ਵਿਚ ਲੂਣ ਬਰਾਬਰ ਕਿਉਂਕਿ ਬਹੁਤ ਵੱਡੀ ਤਾਦਾਦ ਵਿਚ ਕਾਰੋਬਾਰੀ ਆਪਣੇ ਕਾਮਿਆਂ ਨੂੰ ਦਬਾਅ ਹੇਠ ਰੱਖ ਕੇ ਘੱਟ ਤਨਖਾਹਾਂ ਦੇ ਰਹੇ ਹਨ। ਪਰ ਸਰਕਾਰ ਵਲੋਂ ਜੁਰਮਾਨੇ ਅਤੇ ਸ਼ਰਮਸਾਰ ਕਰਨ ਵਾਲੀ ਨੀਤੀ ਇਕ ਸ਼ੁਰੂਆਤ ਮੰਨੀ ਜਾ ਸਕਦੀ ।
ਜ਼ਿਕਰਯੋਗ ਕਿ ਸਰਕਾਰ ਵਲੋਂ ਜਾਰੀ ਕੀਤੇ ਗਈ ਸੂਚੀ ਵਿਚ ਭਾਰਤੀ, ਪਾਕਿਸਤਾਨੀ ਅਤੇ ਬੰਗਲਾਦੇਸ਼ ਦੇ ਪਿਛੋਕੜ ਵਾਲੇ ਕਾਰੋਬਾਰੀ ਵੀ ਸ਼ਾਮਿਲ ਹਨ ਜਿਨ੍ਹਾਂ ਨੇ ਵੱਡੀਆਂ ਰਕਮਾਂ ਤੋਂ ਲੈ ਕੇ 300 ਪੌਂਡ ਤੱਕ ਘੱਟ ਅਦਾਇਗੀਆਂ

ਈਲਿੰਗ ਹਸਪਤਾਲ ਨੂੰ ਬੰਦ ਹੋਣ ਤੋਂ ਰੋਕਣ ਲਈ ਸਾਊਥਾਲ ਵਾਸੀਆਂ ਵਲੋਂ ਹਸਤਾਖਰਾਂ ਵਾਲੀ ਪਟੀਸ਼ਨ ਸਿਹਤ ਮਹਿਕਮੇ ਨੂੰ ਸੌਂਪੀ ਗਈ

NHS ealing copy

ਲੰਡਨ – ਬੀਤੇ ਸ਼ੁੱਕਰਵਾਰ ਈਲਿੰਗ ਹਸਪਤਾਲ ਨੂੰ ਬੰਦ ਹੋਣ ਤੋਂ ਰੋਕਣ ਲਈ ਚਲਾਈ ਗਈ ਮੁਹਿੰਮ ਤਹਿਤ ਵਿਰੋਧ ਵਾਲੇ ਹਸਤਾਖਰਾਂ ਵਾਲੀ ਪਟੀਸ਼ਨ ਲਥ ਡਿਪਾਰਟਮੈਂਟ ਨੂੰ ਲੰਡਨ ਵਿਖੇ ਸੌਂਪੀ ਗਈ।
ਈਲਿੰਗ ਸਾਊਥਾਲ ਦੇ ਕੌਂਸਲਰਾਂ ਅਤੇ ਐਮ ਪੀ ਵਰਿੰਦਰ ਸ਼ਰਮਾ ਦੀ ਅਗਵਾਈ ਵਿਚ ਇਸ ਪਟੀਸ਼ਨ ‘ਤੇ 22363 ਲੋਕਾਂ ਦੇ ਦਸਤਖਤ ਹਨ। ਜਿਨ੍ਹਾਂ ਵਿਚੋਂ ਬਹੁਗਿਣਤੀ ਸਾਊਥਾਲ ਵਾਸੀ ਹਨ। ਜਿਨ੍ਹਾਂ ਵਲੋਂ ਈਲਿੰਗ ਹਸਪਤਾਲ ਨੂੰ ਬੰਦ ਕਰਨ ਦਾ ਭਾਰੀ ਵਿਰੋਧ ਕੀਤਾ ਜਾ ਰਿਹਾ । ਇਹ ਪਟੀਸ਼ਨ ਲਥ ਡਿਪਾਰਟਮੈਂਟ ਦੇ ਮੁਖੀ ਮੰਤਰੀ ਜੈਰੇਮੀ ਹੰਟ ਨੂੰ ਦਿੱਤੀ ਗਈ। ਇਸ ਮੌਕੇ ਐਮ ਪੀ ਵਰਿੰਦਰ ਸ਼ਰਮਾ, ਐਮ ਪੀ ਸਟੀਵ ਪਾਊਂਡ, ਕੌਂਸਲ ਲੀਡਰ ਜੂਲੀਅਨ ਬੈੱਲ, ਡਿਪਟੀ ਲੀਡਰ ਰਣਜੀਤ ਧੀਰ, ਸਾਬਕਾ ਮੇਅਰ ਕੌਂਸਲਰ ਤੇਜ ਰਾਮ ਬਾਘਾ, ਸਾਬਕਾ ਮੇਅਰ ਕੌਂਸਲਰ ਹਰਭਜਨ ਧੀਰ ਸਮੇਤ ਸਾਊਥਾਲ ਦੇ ਵਸਨੀਕ ਵੀ ਸ਼ਾਮਿਲ ਸਨ।

ਜਸਵੰਤ ਸਿੰਘ ਗਰੇਵਾਲ ਵਲੋਂ ਆਪਣੇ ਮਾਤਾ–ਪਿਤਾ ਦੀ ਯਾਦ ਨੂੰ ਸਮਰਪਿਤ ਬੱਸ ਵਰਲਡ ਕੈਂਸਰ ਕੇਅਰ ਨੂੰ ਭੇਟ

Jaswant grewal

ਸਾਊਥਾਲ – ਇਥੋਂ ਦੇ ਸਮਾਜ ਸੇਵਕ ਅਤੇ ਸਾਬਕਾ ਮੈਰਾਥਨ ਦੌੜਾਕ ਜਸਵੰਤ ਸਿੰਘ ਗਰੇਵਾਲ ਵਲੋਂ ਆਪਣੇ ਸਵਰਗੀ ਪਿਤਾ ਸੰ ਸਰਦਾਰਾ ਸਿੰਘ ਗਰੇਵਾਲ ਅਤੇ ਮਾਤਾ ਸੁਰਜੀਤ ਕੌਰ ਗਰੇਵਾਲ ਦੀ ਯਾਦ ਨੂੰ ਸਮਰਪਿਤ ਬੱਸ ਵਰਲਡ ਕੈਂਸਰ ਕੇਅਰ ਨੂੰ ਭੇਟ ਕੀਤੀ ਗਈ।
ਬੀਤੇ ਐਤਵਾਰ ਪਿੰਡ ਮਹਿਮਾ ਸਿੰਘ ਵਾਲਾ ਗੁਰੂਘਰ ਵਿਖੇ ਇਕ ਸ਼ਾਨਦਾਰ ਸਮਾਗਮ ਕਰਵਾਇਆ ਗਿਆ ਜਿਥੇ ਪਿੰਡ ਵਾਸੀਆਂ ਵਲੋਂ ਬੱਸ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਅਤੇ ਉਦਘਾਟਨ ਜਸਵੰਤ ਸਿੰਘ ਗਰੇਵਾਲ ਅਤੇ ਸੰਸਥਾ ਦੇ ਸੰਚਾਲਕ ਕੁਲਵੰਤ ਸਿੰਘ ਧਾਲੀਵਾਲ ਵਲੋਂ ਸਾਂਝੇ ਤੌਰ ‘ਤੇ ਕੀਤਾ ਗਿਆ। ਕਰੀਬ 40 ਲੱਖ ਰੁਪਏ ਦੇ ਖਰਚ ਨਾਲ ਇਹ ਬੱਸ ਵਿਸ਼ੇਸ਼ ਤੌਰ ‘ਤੇ ਤਿਆਰ ਕਰਵਾਈ ਗਈ ਤਾਂ ਜੋ ਸੰਸਥਾ ਦੇ ਕਰਮਚਾਰੀ ਲਗਾਤਾਰ ਲੋਕਾਂ ਨੂੰ ਕੈਂਸਰ ਅਤੇ ਹੋਰ ਬਿਮਾਰੀਆਂ ਤੋਂ ਸੁਚੇਤ ਕਰਦੇ ਰਹਿਣ।
ਇਸ ਮੌਕੇ ਜਸਵੰਤ ਸਿੰਘ ਗਰੇਵਾਲ ਵਲੋਂ ਪਿੰਡ ਮਹਿਮਾ ਸਿੰਘ ਵਾਲੇ ਦੇ ਪਤਵੰਤੇ ਕੈਨੇਡਾ ਤੋਂ ਸਤਵੀਰ ਸਿੰਘ, ਮਲਕੀਤ ਸਿੰਘ, ਰਸ਼ਪਾਲ ਸਿੰਘ, ਹਰਪਾਲ ਸਿੰਘ, ਕੁਲਵੰਤ ਸਿੰਘ, ਜਸਵੰਤ ਸਿੰਘ, ਇਬਰਾਹਿਮ, ਅਮਰੀਕਾ ਤੋਂ ਦਰਸ਼ਨ ਸਿੰਘ ਬਾਠ, ਹਰਬੰਸ ਸਿੰਘ, ਨਿਰੰਜਨ ਸਿੰਘ, ਗੁਰਪ੍ਰੀਤ ਸਿੰਘ, ਸਿਡਨੀ ਤੋਂ ਪਰਮਜੀਤ ਸਿੰਘ, ਯੂ ਕੇ ਤੋਂ ਦਰਬਾਰਾ ਸਿੰਘ, ਰਵੀ ਬੋਲੀਨਾ ਸਮੇਤ ਜਗਰੂਪ ਸਿੰਘ ਜਰਖੜ, ਸਤਿੰਦਰਪਾਲ ਸਿੰਘ ਗਿੱਲ ਅਤੇ ਰਣਬੀਰ ਕੌਰ ਦਾ ਸਨਮਾਨ ਕੀਤਾ ਗਿਆ। ਕੁਲਵੰਤ ਧਾਲੀਵਾਲ ਵਲੋਂ ਗਰੇਵਾਲ ਦਾ ਬੱਸ ਦਾਨ ਕਰਨ ਲਈ ਧੰਨਵਾਦ ਕੀਤਾ ਗਿਆ।
ਜ਼ਿਕਰਯੋਗ ਕਿ ਜਸਵੰਤ ਸਿੰਘ ਗਰੇਵਾਲ ਦੇ ਪਿਤਾ ਸੰ ਸਰਦਾਰਾ ਸਿੰਘ 1928 ਵਿਚ ਸਿੰਘਾਪੁਰ ਗਏ ਸਨ ਜਿਥੋਂ ਬਤੌਰ ਇੰਸਪੈਕਟਰ ਰਿਟਾਇਰ ਹੋਣ ਬਾਅਦ 1957 ਵਿਚ ਪੰਜਾਬ ਵਾਪਸ ਚਲੇ ਗਏ ਸਨ। ਜਦ ਕਿ ਗਰੇਵਾਲ ਦੇ ਦਾਦਾ ਜੀ ਦੂਜੀ ਵਿਸ਼ਵ ਜੰਗ ਦੌਰਾਨ ਹਾਂਗਕਾਂਗ ਵਿਖੇ ਸ਼ਹੀਦੀ ਪਾ ਗਏ ਸਨ।

ਪੰਜਾਬੀ ਦੁਕਾਨਦਾਰ ਨੂੰ ਬੰਦੂਕ ਲਹਿਰਾ ਕੇ ਨਸਲੀ ਗਾਲ੍ਹਾਂ ਦੇਣ ਵਾਲੇ ਨਸ਼ਈ ਗੋਰੇ ਨੂੰ ਦੋ ਸਾਲ ਲਈ ਜੇਲ੍ਹ ਭੇਜਿਆ

ਬਰਮਿੰਘਮ – ਇਥੇ ਅਰਡਿੰਗਟਨ ਵਿਖੇ ਪੰਜਾਬੀ ਦੁਕਾਨਦਾਰ ਨੂੰ ਬੰਦੂਕ ਲਹਿਰਾ ਕੇ ਮਾਰਨ ਦੀ ਧਮਕੀ ਅਤੇ ਨਸਲੀ ਗਾਲ੍ਹਾਂ ਦੇਣ ਵਾਲੇ ਨਸ਼ਈ ਗੋਰੇ ਨੂੰ ਦੋ ਸਾਲ ਲਈ ਜੇਲ੍ਹ ਭੇਜ ਦਿੱਤਾ ਗਿਆ।
ਬੀਤੀ ਕ੍ਰਿਸਮਸ ਤੋਂ ਇਕ ਦਿਨ ਪਹਿਲਾਂ ਸ਼ਾਮ ਨੂੰ ਅਰਡਿੰਗਟਨ ਦੀ ਟਾਇਬਰਨ ਰੋਡ ‘ਤੇ ਸੇਵਵੇਅ ਫੂਡ ਐਂਡ ਵਾਈਨ ਦੀ ਦੁਕਾਨ ਚਲਾਉਂਦੇ ਜਸਵਿੰਦਰ ਸਿੰਘ ਕੋਲ 32 ਸਾਲਾ ਗੋਰਾ ਸਾਈਡਰ ਖਰੀਦਣ ਲਈ ਆਇਆ ਪਰ ਉਸ ਦਾ ਬੈਂਕ ਕਾਰਡ ਨਾ ਚੱਲਣ ‘ਤੇ ਉਸ ਨੂੰ ਚਲੇ ਜਾਣ ਨੂੰ ਕਿਹਾ ਪਰ 32 ਸਾਲਾ ਜੋਹਨ ਨੇ ਆਪਣੀ ਜੇਬ ਵਿਚੋਂ ਕਾਲੇ ਰੰਗ ਦੀ ਬੰਦੂਕ ਕੱਢ ਲਈ ਅਤੇ ਉਸ ਨੂੰ ਮਾਰਨ ਦੀ ਧਮਕੀ ਦਿੱਤੀ।
ਸਿੰਘ ਨੇ ਦੁਕਾਨ ਦਾ ਦਰਵਾਜ਼ਾ ਬੰਦ ਕਰ ਲਿਆ ਤਾਂ ਜੋਹਨ ਨੇ ਬਾਹਰ ਜਾ ਕੇ ਆਪਣੀ ਖਰੀਦਦਾਰੀ ਵਾਲੇ ਥੈਲੇ ਥੱਲੇ ਰੱਖ ਕੇ ਸਿੰਘ ਨੂੰ ਨਸਲੀ ਗਾਲ੍ਹਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਬੰਦੂਕ ਦਾ ਦਿਖਾਵਾ ਇਸ ਤਰ੍ਹਾਂ ਕਰਨ ਲੱਗਾ ਜਿਵੇਂ ਉਸ ਵਿਚ ਗੋਲੀਆਂ ਭਰਦਾ ਹੋਵੇ। ਦੁਕਾਨਦਾਰ ਉਸ ਦਾ ਰਵੱਈਆ ਦੇਖ ਕਾਫੀ ਡਰ ਗਿਆ ਅਤੇ ਉਸ ਨੇ ਪੁਲਿਸ ਸੱਦ ਲਈ ਸੀ। ਪੁਲਿਸ ਨੇ ਉਸੇ ਖੇਤਰ ਵਿਚ ਘੁੰਮਦੇ ਜੋਹਨ ਨੂੰ ਗ੍ਰਿਫਤਾਰ ਕਰ ਲਿਆ ਸੀ।
ਅਦਾਲਤ ਨੂੰ ਦੱਸਿਆ ਗਿਆ ਕਿ ਜੋਹਨ ਦੀ ਦੁਕਾਨਦਾਰ ਨਾਲ ਪਹਿਲਾਂ ਵੀ ਉਸ ਦੇ ਭੈੜੇ ਰਵੱਈਏ ਕਾਰਨ ਗੱਲਬਾਤ ਹੋ ਚੁੱਕੀ ਸੀ ਪਰ ਉਸ ਦਿਨ ਉਸ ਨੇ ਆਪਣੀ ਡੱਬ ਵਿਚੋਂ ਬੰਦੂਕ ਕੱਢ ਲਈ ਸੀ। ਉਸ ‘ਤੇ ਪਹਿਲਾਂ ਵੀ ਨਕਲੀ ਹਥਿਆਰ ਨਾਲ ਡਰਾਉਣ ਧਮਕਾਉਣ ਦੇ ਦੋਸ਼ ਲੱਗ ਚੁੱਕੇ ਸਨ। ਬਰਮਿੰਘਮ ਕਰਾਊਨ ਕੋਰਟ ਦੇ ਜੱਜ ਜੋਹਨ ਵੇਟ ਨੇ ਉਸ ਦੇ ਭਿਆਨਕ ਰਿਕਾਰਡ ਨੂੰ ਦੇਖਦਿਆਂ ਕਿਹਾ ਕਿ ਇਕ ਤਾਂ ਤੂੰ ਨਸ਼ੀਲੇ ਪਦਾਰਥਾਂ ਦੇ ਪ੍ਰਭਾਵ ਹੇਠ ਸੀ, ਦੂਸਰਾ ਤੇਰੇ ਵਲੋਂ ਕਾਰਡ ਰਾਹੀਂ ਅਦਾਇਗੀ ਨਾ ਕੀਤੇ ਜਾਣ ਦੀ ਸੂਰਤ ਵਿਚ ਹਮਲਾਵਰ ਰੁਖ਼ ਅਪਣਾਇਆ ਗਿਆ ਜੋ ਕਿ ਨਾ ਸਹਿਣ ਯੋਗ । ਜੱਜ ਨੇ ਜੋਹਨ ਨੂੰ ਦੋ ਸਾਲ ਲਈ ਜੇਲ੍ਹ ਭੇਜਣ ਦਾ ਹੁਕਮ ਸੁਣਾਇਆ।

ਤਿੰਨ ਨਕਾਬਪੋਸ਼ ਲੁਟੇਰੇ ਸਾੜ੍ਹੀਆਂ ਦੀ ਦੁਕਾਨ ਤੋਂ ਚਾਕੂ ਦੀ ਨੋਕ ‘ਤੇ ਦੁਕਾਨਦਾਰ ਦੇ ਵਿਰੋਧ ਦੇ ਬਾਵਜੂਦ ਭਾਰੀ ਰਕਮ ਲੁੱਟ ਕੇ ਫਰਾਰ

ਬਰਮਿੰਘਮ – ਇਥੇ ਵਾਸ਼ਵੁੱਡ ਹੀਥ ਰੋਡ ‘ਤੇ ਸਥਿਤ ਸਾੜ੍ਹੀਆਂ ਦੀ ਦੁਕਾਨ ਤੋਂ ਤਿੰਨ ਨਕਾਬਪੋਸ਼ ਲੁਟੇਰੇ ਚਾਕੂ ਦੀ ਨੋਕ ‘ਤੇ ਦੁਕਾਨਦਾਰ ਵਲੋਂ ਵਿਰੋਧ ਕਰਨ ਦੇ ਬਾਵਜੂਦ ਭਾਰੀ ਰਕਮ ਲੁੱਟ ਕੇ ਫਰਾਰ ਹੋਣ ਵਿਚ ਸਫਲ ਹੋ ਗਏ।
ਸਾਨਾ ਕੁਲੈਕਸ਼ਨ ‘ਤੇ ਹੋਈ ਇਸ ਲੁੱਟ ਦੀ ਵਾਰਦਾਤ ਦੀ ਸੀ ਸੀ ਟੀ ਵੀ ਪੁਲਿਸ ਵਲੋਂ ਜਾਰੀ ਕਰਦਿਆਂ ਲੁਟੇਰਿਆਂ ਨੂੰ ਗ੍ਰਿਫਤਾਰ ਕਰਨ ਵਿਚ ਮੱਦਦ ਦੀ ਅਪੀਲ ਕੀਤੀ ਗਈ । ਸੀ ਸੀ ਟੀ ਵੀ ਵਿਚ ਰਿਕਾਰਡ ਹੋਇਆ ਕਿ ਤਿੰਨ ਨਕਾਬਪੋਸ਼ ਲੁਟੇਰੇ ਸਾੜ੍ਹੀਆਂ ਦੀ ਦੁਕਾਨ ਵਿਚ ਦਾਖਲ ਹੋਏ ਅਤੇ ਟਿੱਲ ਵਿਚੋਂ ਜਬਰਦਸਤੀ ਨਗਦੀ ਕੱਢਣ ਲੱਗੇ। ਜਦ ਕਿ ਉਨ੍ਹਾਂ ਦਾ ਇਕ ਸਾਥੀ ਮੁੱਖ ਦਰਵਾਜ਼ੇ ‘ਤੇ ਨਿਗਰਾਨੀ ਕਰ ਰਿਹਾ ਸੀ। ਇਸ ਦੌਰਾਨ ਲੁਟੇਰਿਆਂ ਨੇ ਸਟਾਫ ਨੂੰ ਚਾਕੂ ਨਾਲ ਧਮਕਾਇਆ ਜਦ ਕਿ ਦੁਕਾਨਦਾਰ ਨੇ ਉਨ੍ਹਾਂ ਦਾ ਵਿਰੋਧ ਕਰਦਿਆਂ ਉਨ੍ਹਾਂ ਨੂੰ ਦੁਕਾਨ ਤੋਂ ਬਾਹਰ ਧੱਕਣ ਦੀ ਕੋਸ਼ਿਸ ਵੀ ਕੀਤੀ। ਜਦ ਦੁਕਾਨਦਾਰ ਦਰਵਾਜ਼ੇ ‘ਤੇ ਖੜੇ ਨਕਾਬਪੋਸ਼ ਲੁਟੇਰੇ ਨੂੰ ਬਾਹਰ ਧੱਕਣ ਵਿਚ ਸਫਲ ਹੋ ਗਿਆ ਤਾਂ ਬਾਕੀ ਦੋ ਲੁਟੇਰੇ ਵੀ ਨਗਦੀ ਲੈ ਕੇ ਉਸ ਦੇ ਪਿੱਛੇ ਹੀ ਫਰਾਰ ਹੋ ਗਏ।
ਬੀਤੀ 12 ਫਰਵਰੀ ਨੂੰ ਸ਼ਾਮੀਂ 5ੰ40 ‘ਤੇ ਵਾਪਰੀ ਇਸ ਲੁੱਟ ਦੀ ਘਟਨਾ ਸਬੰਧੀ ਪੁਲਿਸ ਨੇ ਸੀ ਸੀ ਟੀ ਵੀ ਜਾਰੀ ਕਰਦਿਆਂ ਸਹਿਯੋਗ ਦੀ ਮੰਗ ਕੀਤੀ ਤੇ ਕਿਹਾ ਕਿ ਭਾਵੇਂ ਲੁਟੇਰਿਆਂ ਨੇ ਚਿਹਰੇ ਢਕੇ ਹੋਏ ਸਨ ਪਰ ਉਨ੍ਹਾਂ ਦੇ ਕੱਪੜੇ ਕੁਝ ਵੱਖਰੇ ਰੰਗ ਦੇ ਸਨ ਜਿਨ੍ਹਾਂ ਤੋਂ ਉਨ੍ਹਾਂ ਦੀ ਪਹਿਚਾਣ ਹੋ ਸਕਦੀ । ਪੁਲਿਸ ਨੇ 101 ਨੰਬਰ ‘ਤੇ ਸੰਪਰਕ ਕਰਨ ਲਈ ਕਿਹਾ ।

ਸਕਾਟਲੈਂਡ ਵਿਚ ਭਾਰੀ ਬਰਫਬਾਰੀ ਦੌਰਾਨ ਪੰਜਾਬੀ ਨੌਜਵਾਨ ਢਿੱਲੋਂ ਨੇ ਲੋਕਾਂ ਨੂੰ ਮੁਫਤ ਦੁੱਧ ਵੰਡਿਆ

Amrit dhillon

ਗਰੇਂਜਮਾਊਥ – ਸਕਾਟਲੈਂਡ ਦੇ ਪ੍ਰਸਿੱਧ ਕਾਰੋਕਾਰੀ ਸਵਰਗੀ ਹਰਕੀਰਤ ਸਿੰਘ ਢਿੱਲੋਂ ਦੇ ਨੌਜਵਾਨ ਸਪੁੱਤਰ ਅੰਮ੍ਰਿਤ ਢਿੱਲੋਂ ਨੇ ਭਾਰੀ ਬਰਫਬਾਰੀ ਕਾਰਨ ਦੁੱਧ ਦੀ ਥੁੜ੍ਹ ਹੋ ਜਾਣ ਬਾਅਦ ਲੋਕਾਂ ਨੂੰ ਮੁਫਤ ਦੁੱਧ ਵੰਡਿਆ।
ਪਿਛਲੇ ਦਿਨੀਂ ਸਕਾਟਲੈਂਡ ਵਿਚ ਭਾਰੀ ਬਰਫਬਾਰੀ ਕਾਰਨ ਜਨਜੀਵਨ ਠੱਪ ਹੋ ਕੇ ਰਹਿ ਗਿਆ ਸੀ ਜਿਸ ਕਾਰਨ ਲੋਕਾਂ ਦੇ ਰੋਜ਼ਾਨਾ ਦੀਆਂ ਵਰਤੋਂ ਵਾਲੀਆਂ ਵਸਤਾਂ ਦੀ ਵੀ ਕਿੱਲਤ ਪੈਦਾ ਹੋ ਗਈ ਸੀ। ਗਰੇਂਜਮਾਊਥ ਵਿਖੇ ਆਈਸਕ੍ਰੀਮ ਪਾਰਲਰ ਦੇ ਮਾਲਕ ਅੰਮ੍ਰਿਤ ਢਿੱਲੋਂ ਜਿਸ ਨੂੰ ਖੁਦ ਦੁੱਧ ਦੀ ਬਹੁਤ ਜ਼ਰੂਰਤ ਸੀ, ਪਿਛਲੇ ਸ਼ੁੱਕਰਵਾਰ ਆਪਣੀ ਮਾਤਾ ਦੀ ਜੀਪ ਲੈ ਕੇ ਬੋਨੀਹਿੱਲ ਫਾਰਮ, ਬੋਨੀਬ੍ਰਿਜ ਵਿਖੇ ਬਹੁਤ ਹੀ ਭੈੜੇ ਮੌਸਮ ਵਿਚ ਪਹੁੰਚਿਆ। ਉਸ ਨੇ ਉਥੋਂ ਆਪਣੇ ਕਾਰੋਬਾਰ ਤੋਂ ਇਲਾਵਾ ਲੋਕਾਂ ਲਈ 220 ਲੀਟਰ ਦੁੱਧ ਖਰੀਦਿਆ।
ਉਸ ਨੇ ਆਪਣੀ ਦੁਕਾਨ ਤੋਂ ਮੁਫਤ ਦੁੱਧ ਦੇਣ ਦਾ ਐਲਾਨ ਕੀਤਾ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਉਨ੍ਹਾਂ ਕੋਲੋਂ ਪੈਸੇ ਨਹੀਂ ਲਵੇਗਾ ਪਰ ਉਹ ਆਪਣੀ ਇੱਛਾ ਅਨੁਸਾਰ ਸਥਾਨਕ ਸਟ੍ਰੈਥਕਾਰਨ ਹਸਪਤਾਲ ਲਈ ਚੰਦਾ ਦੇ ਸਕਦੇ ਹਨ। ਲੋਕਾਂ ਨੇ ਅੰਮ੍ਰਿਤ ਢਿੱਲੋਂ ਦੀ ਹਿੰਮਤ ਅਤੇ ਦਰਿਆਦਿਲੀ ਦੀ ਦਾਦ ਦਿੰਦੇ ਹੋਏ ਆਪਣੀ ਇੱਛਾ ਅਨੁਸਾਰ ਦਾਨ ਦਿੱਤਾ ਅਤੇ ਦੁੱਧ ਲੈ ਗਏ।
ਅੰਮ੍ਰਿਤ ਢਿੱਲੋਂ ਨੇ ਦੱਸਿਆ ਕਿ ਅਜਿਹੇ ਮੌਸਮ ਵਿਚ ਉਹ ਮਹਿੰਗਾ ਦੁੱਧ ਵੇਚ ਕੇ ਜ਼ਿਆਦਾ ਪੈਸੇ ਬਣਾ ਸਕਦਾ ਸੀ ਪਰ ਉਸ ਦੇ ਮਰਹੂਮ ਪਿਤਾ ਹਰਕੀਰਤ ਸਿੰਘ ਢਿੱਲੋਂ ਜੋ 2015 ਵਿਚ ਸਟ੍ਰੈਥਕਾਰਨ ਹਸਪਤਾਲ ਵਿਚ ਸਦੀਵੀ ਵਿਛੋੜਾ ਦੇ ਗਏ ਸਨ, ਦੇ ਦਿੱਤੇ ਸੰਸਕਾਰਾਂ ਨੂੰ ਭੁੱਲ ਨਹੀਂ ਸਕਦਾ। ਉਸ ਨੇ ਕਿਹਾ ਕਿ 220 ਲੀਟਰ ਦੁੱਧ ਦੇ ਬਦਲੇ ਲੋਕਾਂ ਨੇ 190 ਪੌਂਡ ਦਾਨ ਕੀਤੇ ਜੋ ਉਸ ਨੇ ਸਟ੍ਰੈਥਕਾਰਨ ਹਸਪਤਾਲ ਨੂੰ ਦੇ ਦਿੱਤੇ ਹਨ।

Powered By Indic IME